#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

خويه يا عباس .. خويه يا عباس ... خويه يا عباس .. خويه يا عباس
على الناكه خذوني ــــــــــــ خذوني اوروّعوني
ــــــــــــــــــ
صدك راح انسبي ... يسبع الكنطره
وأذل عكبك وسف ... وانه الي مخدره
دكوم من النهر .. وتشوف الي جره
جبتني امدلله ... وخذوني امرمره
الهزل من حضّروهه ــــــــــــــــــــ اختكم يسروهه
خويه يا عباس .. خويه يا عباس ... خويه يا عباس .. خويه يا عباس
على الناكه خذوني ــــــــــــ خذوني اوروّعوني
ــــــــــــــــــ
الحبل ما ينحمل .. جفوفي امألمه
جفوفي من الحبل ... تضل تنزف دمه
صدك واعله النهر ... جسد عزنه ارتمه
اخيي مادره ... شحصل بمخيّمه
يكافلنه او ولينه ـــــــــــــــــــــــــ تره احتركت عبينه
خويه يا عباس .. خويه يا عباس ... خويه يا عباس .. خويه يا عباس
على الناكه خذوني ــــــــــــ خذوني اوروّعوني
ــــــــــــــــــ
كعدت ابمحملي ... ولمن شفت النهر
لطمت اعله الوجه ... ودمع عيني انهدر
صدك هيج اصبحت ... جسد صاير وذر
واشوفنك نحت ... علحالي يالكمر
تكلي يالوفيه ... العذر جسمي رميه
خويه يا عباس .. خويه يا عباس ... خويه يا عباس .. خويه يا عباس
على الناكه خذوني ــــــــــــ خذوني اوروّعوني
ـــــــــــــــــــ
ذكرتك من جنت ...يكافل محملي
كبل جرح العطش ... تجيب الماي الي
صحت يا بو الفضل ... انه وصية علي
على الغبره صرت ... وأخيتك تنولي
يمن لعيوني كلشي ... اريد ويانه تمشي
خويه يا عباس .. خويه يا عباس ... خويه يا عباس .. خويه يا عباس
على الناكه خذوني ــــــــــــ خذوني اوروّعوني
ـــــــــــــــــــــــــــ
نياك الي سرت ... تون الونـّتي
وتنوح بهل درب ... الفجيعة عيلتي
علجسمك نوّخت ... شفتهه ناكـَتي
تكلّي ودعيه ...تروف بحالتي
يهل دمعج ينوكَي ... على الماخذلي شوكَي
خويه يا عباس .. خويه يا عباس ... خويه يا عباس .. خويه يا عباس
على الناكه خذوني ــــــــــــ خذوني اوروّعوني
ـــــــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بجاه دمع ايتامك .... خل اعيش ايّامك
ــــــــــــــ
عيوني تترقب محرم واحسب آنه ايامه
ياحسين وردت اسمي يصير من خدامه
رايد امن امك تحطني ابدفتر اللطامه
وكون دمعي ادموم ينزف للضعن واخيامه
بجمر ذيج اخيامك .... خل اعيش ايّامك
ــــــــــــــــ
عيوني لو شافت الرايه بأيدي الطم عيني
اذكر العباس مرمي وبيّه زاد اونيني
موجفوفه الكَطّعوهن ريتهن جفّيني
وريت بالطف دمي يجري كَبل دم حسيني
بجسمي كون اسهامك .... خل اعيش ايّامك
ــــــــــــــــ
ومن اصد موكب ابعيني تروح بيّه اجدامي
للعزاء وحيل الطم راسي لجل الضامي
عالسطخ بوّل محرم ترف كل اعلامي
جنّي اسمعها الزجيه وينهم خدّامي
تهيج بيّه آلآمك .... خل اعيش ايّامك
ــــــــــــــــ
خلّي كل عمري محرم بس مشي وقرايه
ولجل زينب كون يبقى بكل وكت مبجايه
ياحسين امن الطفوله بيدي شايل رايه
وبالمهد اصرخ ييمّه اخذيني للمشّايه
شما ترف اعلامك .... خل اعيش ايّامك
ــــــــــــــــ
يا الاهي كون موتي ايصير وكت ازياره
وكون يم شباج كّبره ادموعي ضل تتجاره
العاشك اليعشك حبيبه الصحن يصبح داره
واليموت ابهيج موته حسينّه المختاره
يل نصرت اسلامك .... خل اعيش ايّامك
ــــــــــــــــ
الشاعر محمد حسن ضيغم.


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يهل الضعن ... يهل الضعن ... تانوني تانوني تانوني
------
شفت الضعن سار وحده وأخواني كلهم راحوا
ريتج يخييتي فاطمه ويانه كلهم صاحوا
لوجنت اباري الوالدي بالضعن جان ارتاحوا
لاجنّي وحدي من صرت وي نوحي اخوتي ناحو
يهل الضعن ... يهل الضعن ... تانوني تانوني تانوني
ــــــــــــــ
دمعاتي تجري وانظر الضعن اهلي حين الغرب
وانظر علي الاكبر يصد حالي ودمع علخد صب
ارحمني يامن تعرف بحالتي ولطفك يارب
فكد الاهل رغم المرض عل طفله يارب يصعب
يهل الضعن ... يهل الضعن ... تانوني تانوني تانوني
-------
بيدي انه حظرت المتاع الاهلي وبياحاله
وبيدي اجمعت اغراض الاهل والدمعه ضل هماله
يمي الحزن واكف بقه ايالحزن وخياله
ياهي الي مثلي معلعله وياهو انجرح دلال
يهل الضعن ... يهل الضعن ... تانوني تانوني تانوني
------
صحت بحزن يهل الضعن ردت انه اروح وياكم
ياكلني ضيمي وحسرتي وسهم الحزن بجفاكم
مو تدري بيه والدي ما ارهم بلياكم
ماادري دهري الياكتر واليا درب وداكك
يهل الضعن ... يهل الضعن ... تانوني تانوني تانوني
---------
جدامي اشوفن صوره للضعن المشه وخلاني
خلاني اكبع بالهظم واتغذه من احزاني
الماي ما لذلي وصبح يابس يبويه الساني
مالي خلك وابجي صرت ماهُمّه يمي اخواني
يهل الضعن ... يهل الضعن ... تانوني تانوني تانوني
-------
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يهلال الشهر لو شفتك اتلوّع
واضل اصفكَ اديّه واهمل المدمع
ـــــــــــــــــ
يهلال الشهر انت تالّمني
تذكّرني بمصاب الطف وتهظمني
لسّه راس اخوي اسمع يكلّمني
بعيونه يسولف ليّه وانه اسمع
ـــــــــــــــ
تذكّرني بمصاب الي جره اعليّه
نار اخيامي ضلّت تشتعل بيّه
انادي ياهلي ومّد فزع ليّه
وهموم ومصايب حيل صرت اجرع
ـــــــــــــــــ
لا عباس يمّي ولا اخوي حسين
واشكَف صوطهم وابجي اهل العين
ادوّر عالنهر معرف طريقه امنين
سوط الشمر ضل بمتوني يتطبّع
ـــــــــــــــ
ادوّر بالجثث يهلال عن الروح
حسين الي بقى فوكَ الترب مذبوح
رقيه وياي للغالي تريد اتروح
شلونا تصد ابوهه دامي بالمصرع
ـــــــــــــــ
يهلال الحزن ينعاد لو شفتك
من اول ماطلعت بضيمي اعرفتك
انه بالطف عشر ايام رافقتك
ترد حزني عليّ يهلال من تطلع
ـــــــــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



يبني لا مو يومك ... هيج تبقى بنومك ... ليش حمره هدومك ... واويلاه
ــــــــــــــ
يلّي بعد شهور عمرك عمرك بعمر الورد
زغير وتبجّيني يبني وبيك ضنّيت انسعد
رحت ضامي تريد تروه منذبح تالي ترد
يبني هاي ايام ملكَه موش ايام البعد
ساكن بدلالي ... ليش مهدك خالي ... العمر ما يحلالي ... واويلاه
ـــــــــــــــــ
لو يصح بيدي ييمه جان عمري اهديته الك
يمّي انت وكَلبي حاير شلون جفّي يوصلك
انت يلّي بنشغه منك لوّعت كل الفلك
يل جمالك ماله ثاني بشر انت لو مَلك
ها ينور عيوني ... بمحنتك فجعوني .... بلا ابن خلّوني ... واويلاه
ـــــــــــ
شلون اصد للركَبه يبني وركَبتك تنزف دمه
شلون ماشوفن ضحكته اوليدي تحله ابمبسمه
ارد انوح وابجي يمك ها يمهجة فاطمه
عيني هاي الماتشوفك ريت تنصاب بعمه
شلون اصد لشفافك .. ذابله ويوصافك ...وصاح كَلبي الشافك .. واويلاه
ــــــــــــ
يبني ارجع خاف اموتن يالولد سمّعني صوت
تعلّمت كل فجر اسمع صوتك بكَلبي يفوت
من تضل ساكت ييمه وياك هاي امك تموت
وين اضم مهدك يغالي لون حركَوهه البيوت
الخدر لو يلفونه ... بنار ويشبّونه ... مهدك يحركَونه ... واويلاه
ــــــــــــــ
راح اغطّي المهد يبني بالعبايه وبلكي انام
واحسبك مامتت وابقى يمك بهاي الخيام
اهز مهدك وادري خالي ها يعنوان الغرام
واكَعد من الحلم يبني وبلكي الكاك بسلام
لجن دمعة عيني ... بفكَدك تواسيني ... بذبحك تحاجيني ... واويلاه
ـــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ذنوب عندي وجيت الك تمحيها
يا حسين الحاله أعرَف بيها
----
المجلس جيت وخجل عندي شكثر
ذنوب شلت بمتني بسنين العمر
بمجلسك ابچي وإدگ اعله الصدر
والدموع المحنتك اجريها
----
قاسي گلبي بكثر هاي ذنوبه
رغم هذا انت بس محبوبه
المحب بس انت التعدل اسلوبه
الروح تعطش وانت التروّيها
----
مجلسك بي تنجلي كل الذنوب
جايّك مولاي من ذنبي اتوب
انت دربك مو مثل كل الدروب
من تموت التبعتك تحييها
----
نفسي الاماره تاخذني بأمل
وانسى روحي امشيت وابسؤ عمل
سيدي ومن انتبه دمعي همل
حچايتي شگد صعبه من احچيها
----
ابير دنياي وظلام الوكت صار
وخايف ابعمري تشب جمرة النار
شابحه عيوني الك بالانتظار
انمدّت چفوفي وردت تنطيها
-----
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يقيناً عندي باجر فاطمه اتحلهه
ومجالسنه اعله ابنها ما نأجّلهه
ـــــــــــ
اهي المتعوده تحضر مجلس الغالي
وتبجي اعله السبوهه ابذبحة الوالي
محرّم ما يضل من العزا خالي
وأهيّه بكل سنه بدمعتهه تمشي الهه
ــــــــــــ
التحضر بالعزاء هيهات تتركنه
بحيره وتدري هذا الوضع يهلكنه
بمجالسنه ابمدد منهه تشاركنه
وكل لطمت صدر عالضامي تقبلهه
ـــــــــــــــ
(التدوّر بالمجالس مثل المضيعه)
منهه امناطرين بهل شهر فزعه
جبرائيل كون يصيح ونسمعه
ورايات الحزن بجناحه يحملهه
ـــــــــــــــ
بديهه الّي تريده ايصير لو مو شك
والينكر فضل ام الحسن اشرك
من الان حضّر للطم صدرك
ومن هسه المدامع عالخيم هلهه
ـــــــــــــــ
شلون اتعوفنه بحيره ونضل نشجي
صدك ماكو مجالس كل محب يحجي
معقوله تعوف العل عزاء يبجي
يقيناً باللطف هل خدم تشملهه
ـــــــــــــ
وحكَ المنذبح والسلبوا اثيابه
وحكَ المنهظم من حركَوا اطنابه
نضل انصيح آ يحسين ومصابه
ومجالسنه عهد لللضامي نوصلهه
ـــــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

البلمهد يوم العطش_هوه ارتوه من ادماا
حين الاجه صوبه السهم_ ابمنحره اتلكاا
معزب مثل جدا علي
ما يرد اليعتني
........................

يبني يرباي انكضه_ عمري وركد حتى الحيل
عبدالله يا ضحكة فرح_ ياشمعه تضويلي اليل
يايمه يالطبعك نده_ وطبع النده بهيده ايسيل
فرغت سنادين الورد_ ماضل ورد كام يشيل
اطاه روحه الجان الي
معزب مثل جدا علي
...........................

ردتك العوزي او للكبر_اتمنه اشوفك يالولد
تكبر مثل كل الزرع_نفع الزرع. من. ينحصد
يحشاي يالب الكلب_لمن رحت صرت انشد
ينشدوني عنك وفتخر_زغير لجن صاير سند
ساند لخوته وكل هلي
معزب مثل جدا علي
...........................
خادم الرضيع ع ماجد حامد الكعبي
...........................

تحني الظهر. يا فركتك_ جني العثك من ينحني
شنه السبب او هاجرت_موانت الي كل موطني
يبني الاعرفك ما تهم _ جنك جبل ما تنثني
سير الشيب ابلآ وعد_مثل العشك من يعتني
يالعشكه عشك الاولي
معزب مثل جدا علي
..........................

طاح وتطشر ع الارض_ ماي وبعد شيلمه
يا جلمة اوليدي بعد_ما تنحجي هالجلمه
زلمه الفكده مو طفل__ويعادل اجم. زلمه
الغيمه لوصبت دمع_ الكاع ابحضنه اتلمه
لم. السهم المعتلي
معزب مثل جدا علي

..........................
خطاب الام لطفلها الرضيع ع

بقلمي.. الخادم المقصر
........... ماجد حامد الكعبي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

الشاعر محمد حسن ضيغم, [٠٩.٠٨.٢٠ ١٥:٥١]
اتناقش انه وروحي… ويكتب نزيف جروحي،.. ودموعي تطفح بعيوني .. ودموعي تطفح
معقوله ماكو اقرايه… ولا ننظر المشايه .. ودموعي تطفح بعيوني .ودموعي تطفح

كل هذا امري… كاسرلي ظهري
…… ..

أنه الجنت احسب ايام وأعد اجروح
يهل شهر الحزن ويهل گلب مجروح
تتوضه المهج بالنايبه وبالنوح
اسيره بكل دمعهه للتعازي اتروح

تترك هواهه وتمشي.. ماكو اغله منك كلشي .. خليني عايش،بجروحي،.خليني عايش
يالغالي لاتبعدني… لو ردت ازل ساعدني… خليني عايش بجروحي خليني عايش

دمعي الي يجري… كاسرلي ضهري
ـــــــــــ
افكر والسوالف بيّه ما تكَضي
وآنه ادري المجالس كبّرت حضّي
تروح اشكد صور من كربله وتمضي
واشوفن روحي بس بالدمعه متوضي
لا مااصدّك هايه ... بعاشور ماكو اقرايه ...ولارايه تخفكَ جدامي .. لارايه تخفكَ
والموكب ابلا دمعه ... ولا قاري يقره وينعه .. ولارايه تخفكَ جامي .. ولا رايه تخفكَ
جا شنهي عذري .. كاسرلي ضهري
ــــــــــــــ
أنه امحضّر دمع من عاشر الي راح
واتفكَد دمعتي ابعيني كل مصباح
اذا مااحضر التعزيّه شلون ارتاح
شلون اهدأ واذا ناعي المصايب صاح
ماريد اعيشن يومي ... اله بسواد هدومي ... واحيي المصيبه ابدمعاتي .. احيي المصيبه
حتى ابحفرتي اتندّم ... لو ماحضرت المأتم ... واحيي المصيبه ابدمعاتي .. احي المصيبه
يشهدي كبري .. كاسرلي ضهري
ـــــــــــــــ
عهد وي الزجيه عندي للمحشر
منبر انكَلب لو ما يصح منبر
واشيل الرايه بيدي بكل عزاء افتر
واهي الرزقتني نعمه ابمجلسك احضر
ام الحسن رزقتني .. ادريهه ماتحرمني .. من المجالس والدمعه .. من المجالس
كل خيري هذا العندي .. وجرح التشوفه ابخدّي .. من المجالس والدمعه ... من المجالس
فدوه الهه عمري ... كاسرلي ضهري
ـــــــــــــــــ
محرم يعني خيمه وكَطعة المنحر
محرم يعني بالبر فرّت الخدّر
محرم يعني سكنه اعله النهر تفتر
محرم يعني كافل عل ثره اتكنطر
شلون انسه اخت مشتاكه ...مسبيه فوك الناكه ... وتصد لخوهه ابدمعتهه .. وتصد لخوهه
تكَله الخيم حركَوهه ... وزينبكم ايشتموهه ... وتصد لخوهه ابدمعتهه .. وتصد لخوهه
الّمني يسري ... كاسرلي ضهري
ـــــــــــــــ
الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#في آخر لحضات #المولى ابي عبد الله #الحسين عليه السلام تسمع السيده #زينب اخاها #الحسين يخاطب #الله عز وجل #قائلاً..


اسمع يناجي حبيبه بمنحره
أقبل يلاهي عملنه لأخره
ياربِ تقبل رجالنا الله
ياربِ تقبل خيامنا الله
ياربِ تقبل رضيعنا الله

يا ربِ نحري افدي الك
والخنصر وكل ما شئت
وشويه اكولن قدمت
منك رضا ربي ردت
يارب رحمتك عالحرم

آه عالحرم عالحرم عالحرم
أللهي تبقى ترعاهن رحمتك
حبيب وما تردني لو ندبتك
_

انطيت المحامي اليحامي عالخيم
گطع جفوفه وهوه وي العلم
ياربِ تقبل رجالنا الله
ياربِ تقبل خيامنا الله
ياربِ تقبل رضيعنا الله

ياربِ قائد عسكري
وستر الخيم ضل عالنهر
قربان الك انطي الاخو
بس الصدك ظهري انكسر
يارب رحمتك عالحرم

آه عالگمر عالگمر عالگمر
اتاني يگلي خويه شگد اتاني
حجاها بموته من راح وحناني
_

ربِ لرضائك انه انطيت الولد
واخر عطيتي نطيت البلمهد
ياربِ تقبل رجالنا الله
ياربِ تقبل خيامنا الله
ياربِ تقبل رضيعنا الله

انطيت الأكبر والرضيع
وروحي اطلعت من ارحلو
كلهم گضو وأنه غريب
حتى المشوُ ولما مشوُ
يارب رحمتك عالحرم

آه يا علي يا علي يا علي
لرباب واليله ضلن بس ينوحن
حياره يضلن هنا لو يروحن
_

ما عندي غيره اليشاركني النفس
قدمته لنطه شبابه والعرس
ياربِ تقبل رجالنا الله
ياربِ تقبل خيامنا الله
ياربِ تقبل رضيعنا الله

گلتله رمله يالولد
حنت الدمه احلا بعد
وعزب بروحك يا نفل
مثل الحسن گام استعد
يارب رحمتك عالحرم

آه يالولد يالولد يالولد
قضه نحبه وترك حنته وشمعته
غربتي بعينه ويصب بدمعته
_

طاحت خيامي شبه طيحة دمه
وضلت حريمي غريبه بلا حمه
ياربِ تقبل رجالنا الله
ياربِ تقبل خيامنا الله
ياربِ تقبل رضيعنا الله

ضلت بلا حامي ودخيل
بس العليل البلخيم
وزينب تنادي يخوتي
هدت زلم طاح العلم
يارب رحمتك عالحرم

آه عالخيم عالخيم عالخيم
أللهي ارعى اختي وكل حرمنه
أللهي صاحن الغوث انهضمنه
___

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#عندما_سار_الضعن_إلى_الضياع
#كان_حامل_رمح_رأس_الرضيع
#يمشي_بجانب_ناقة_الرباب
#فقات_مولاتنا_الرباب_مخاطبه



راسك يمشي ويانه
وامك مثلك عطشانه
رمحك عالي انضرله.. ما راهم عليك

خاف الرمح ايهدونه
وراسك يبني يطيحونه
ليل إلي يمر اسهرله.. بس مدلي ايدك


ذباحك اجه بماي ويجفي يبني احذاي
يعاين راسك ويضحك
غده ليل بذبح صبحك
انزل يبني من رمحك
عشت ليش بعذاب

حرت شلون ارويك ما تحجي أمن احاجيك
أمن الناگه يمذبوحي
شفت ماي اشمرت روحي
وسفه زادت اجروحي
طلع يبني سراب

يمحيرني ويمعذبني
غربه انه مشيت
يمكن زعلان لو لن عطشان
بدربك ما حجيت
___

ضايع لونك وانفاسك
گبالي مترب كل راسك
يا وردتنه الذبلانه.. ضايع بالسبي

دايرهن عني اعيونك
اسئل جاوبني شلونك
لصوتك امك ولهانه.. ناغي يا علي


العطش ذبل معانيك وبايك كل محاجيك
متت وي ركبة الناگه
وعرفت يطول الملاگه
امك حيل مشتاگه
لحضن عاجر عليك

الدرب لا ما رحمنه وذباحك سلبنه
السبي أعظم أمن العاشر
راس بلا جسد حاضر
جسمك حصة الحافر
مشتاگة الاديك

مشتاگتلك ولهانتلك
من اتمد اديك
جنت اتنطر وأنه اتحسر
اسمعلك حجيك
___

انزل يبني لحضن امك
امسح خليني بدمك
شمس الحمره تغيرلك.. لونك يالولد

بيني وبينك احجيلك
فرصه وهمين ابجيلك
دم سالفتي تنزفلك.. اي عن المهد


ليش تصب دمعتك مشتاگه لضحكتك
مشتاگه اسهر بليلي
اناغيك وتناغيلي
اليوجع شنهيي اشكيلي
واشكي انه هم

السبونه عالي يحچون حتى الكل يسمعون
يسمعوني بدرب ضيعه
راسك گالو انبيعه
أمرهم كون منطيعه
ابچي صرت دم

بصمت أمن احچي لا ما ابچي
عشت درب العذاب
برمحك مصلوب يبني ومتعوب
شكبر صار المصاب
___

تكبر چنه نسولفلك
حسين وأنه نعرسلك
وعمتك تضحك فرحانه.. وتدعي بالدمع

وابيض ثوبك للحنه
ما واحد لابس منه
وشوف امك كبرانه.. تشعلك شمع


اشو ما هنه الشموع وليش تصب الدموع
حلم طلعت سوالفنه
خضابك شفت مو حنه
چفن مو ثوب شو چنه
ولا صح الچفن

گماطك يبني سلبوك زغير وحيل اذوك
النحر ما نگدر نقبله
زغير وترسته النبله
تنزف أكثر وتحله
عيوني هل عمن

يبني وحيدي رد يوليدي
لا حنه وشموع
هم لا تحچي عادك ابچي
نشفلي الدموع
____

يمه فراگك طولته
وگلب امك شو علعلته
ادعي لربي وبدربي.. انطرلك ترد

ترجع لو ما ترجعلي
امك مسبيه افزعلي
كلشي تفطر وي گلبي.. شحچي يا عبد


خدك شاحب هواي لأن ما ضايك الماي
راسك يمشي وي ضعني
شتضن مرتاحه ها يبني
سهمك انه اليحزني
وشسولف عالرمح

بعد ما ناغي معقول ويتمت الدللول
ضوه خيامي وضوه عيوني
اشتاگتلك ترى امتوني
بعد تعبك يضربوني
چنت وجه الصبح

مودع بالله يا عبد الله
بعد راسك اموت
وچم ذكره ويبن الزهره
اموتن من تفوت
_____

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#وداع_شريفه_مع_اخيها_القاسم
#يتامى_الحسن_عليهم_السلام


يا عريس جبتلك حنه
يالدمك خضابك صاير
يالمحروم عكس البعمرك
ما يرحم خذاك العاشر

ها عرفت انه منو انه شريفه
يا اخوي وجنت ابوي انه شريفه
جيت اودعك خاف اروح انه شريفه

وجيت اشوفنه حالك
واترس عيوني بجمالك


بالهيمه وذكرت ايامك
من كلمن يحير بضيمه
من امي تهت وأنه اركض
من بعدك يستر الخيمه

عمرك زغير وجنت راعي كفاله
بحيث اكلك يالحسن راعي كفاله
وهسه ردنه لهل تعب راعي كفاله

امك وأختك الزغيره
بعدك تلازمهن الحيره


بلايه أسباب گضت عشرتنه
وإيامك صفت بأحلامي
مشتاگه لگعدت الخوه
ومن انده تجي كدامي

چني عمتي بلا ابو وبلا اخوها
هم غريبه وتنهظم وبلا اخوها
وهم يتيمه أصبحت وبلا اخوها

تذكر يخويه لگعدتنه
چنت احله شي بلمتنه


من زغر اليتم جاسانه
يالقاسم صرت رب بيتك
جنت تگول شريفه بروحي
وأنه أفخر لأن تربيتك

چنه هذا اخر لقاء خويه اجيتك
يالچنت دومك تجي خويه اجيتك
جابو النوك وخفت خويه اجيتك

متعوده كل خطوه ابختك
اخطيها وتسيير اختك


هسه امشي السبي ينطرني
من عگبك شمر والهيمه
راح اروح بعد ما ارجع
وتفگدني يراعي الشيمه

رايحه بدرب السبي يمكن اموتن
لا تناطرني ارد يمكن اموتن
خويه عنك لو رحت يمكن اموتن

عشرتنه خويه المگضيه
بسبيّ اموت اويه رقيه

____

حسين سعد البهادلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#رمله_الى_قمرها_عليهم_السلام


يا گمر صلى عليك حسين على عيونك
يا حرز للحنه والعرسان صبح لونك

يا المدلي الضوه اعله الناس
طفيت الشمعه عطر الياس

لبست الأبيض لموتك
وجفيت الحنه يم عمك

آه رويت الموت بشبابك طالع وطولك
آه بسم لحسين تحرز دربك وحولك
انطفت الشموع
_

يا نفس ضميته عن الناس بوسط ريتي
يا ذخر ومداري ليل ارباي وسند بيتي

الگمر لو غازل اعيونك
گمر هاشم يسمونك

بجمالك وبيمنتك سيف
ابو فاضل يسمونك

آه على امتونك ثگل من عودك وجدك
آه الشرف والزود لجوادك وصلك عمك
انطفت الشموع
____

يا حلم كل وحده من تجيب مثل بختك
بملبسك من ترتجز بالگوم الحسن جنك

الحسن لو شبله بالميدان
جذب ما حالت النسوان

مثل لونك فلا موجود
استحاله يحصل الثاني

آه چفيت عيون بطلعتك يبني متبختر
آه بعطر فواح بعطر الحسين متعطر
انطفت الشموع
____

يا ضوه الگصر عمر لليل على خيامي
طيفك اليلفي يلامس شوف جزه احلامي

ستر فيك عليِ خيمه
چنت ما اعرف الهيمه

برحيلك كلشي بيه يضيع
وتضيع أحلامي وايامي

آه يبني روحي اگدر شوفي حد عينك
آه صفه الساني يبات بچلمه الوينك
انطفت الشموع
____

يعجز شيذكرلك التاريخ يراعي الزود
مستحه من عمك وخليت گطع الزنود

خلاصه الطف ملاه اسمك
انترس من فيضت دمك

تذل سبعين ألف بالجيش
تشد شسع بوسط حدهم

آه بوقار حسين نزلت بسيفك تقاتل
آه عليِ گالو لجانه لو ابو فاضل
انطفت الشموع
___

حسين سعد البهادلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#الجرح_مولاتي_الرباب_لولدها


من اهز مهده اتبده ماي اعله المهد
يبني عبدالله اسم الله رايح يالولد
راح راح شينفع ندم
نام نام بريجه السهم
________

ويلي ست اشهور اباري وتالي ماينفع ندم
بلحضه وحده اتطشرت كل السوالف بسهم
خيل ماترحم تطشر وأنه اركض أرد الم
الحافر چبير ويسحكه وأنه كلساعه الچم

الخيل ماعثرت وعبرت جسمك بالخيام
منذبح ضامي گدامي ابني ازغر أمام
خيل خيل تروح وترد
مات مات وليدي عبد
_________

بعده حضني الدافي بارد المن اسهر يالرحت
يالچنت بحضاني تغفه ليش عالباشط نمت
بكثر ما مرفوع راسك يبني ظهري حدبت
أمن الرمح ويطيح اشوفه البيه يمه مشطت

تالي اناغيلك ابچيلك ليلي والصبح
ما تحاچيني وسنيني شالاها الرمح
طاح طاح راسك زغير
اخ اخ رمحك جبير
_________

السهم المثلث عماني وصوباه كونه انعمه
اندل وريده وتيهاني وصار عبدالله الضمه
ادري بالطايح تحضنه الگاع يابن فاطمه
الطاح من نحرك خذتهه وبيه توضت جم سمه

طولك ودمك وامك ضاعت بالخيم
راسك العالي أيلالي باساه السهم
ضاع ضاع اول ولد
ليش ليش ميتم المهد
_________

لا وحك تعب التعبته والليالي والسهر
صرت من بعدك اگومن خطوه وحده وانهطر
چم نحر منذور بالطف وانت يا اترف نحر
الخنجر بسرعه يحز برگبتك عظم انكسر

يبني ذبحوني حزوني بنحرك يا ضنه
بلوه من بلوه اشسوه يوليدي الضمه
فاح فاح عطر الصبح
وين وين شالك رمح
________

يبني من دون البعمرك من تون ترضع سهم
گماطك الظل عندي ذكره راح وي حرك الخيم
عود ريتك من تجيني الناگه إلي تصبح علم
يازغير وعن هوه الله ياطفل مثله انفطم

منفطم ضامي أحلامي راحت من رحت
مبتعد عني كل ضني ترجع من صحت
اه اه يل ما مشيت
نوح نوح بيه جلبيت
________

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#هكذا_كان_اشياق_مولاتي_العليله
#مصيبة_الاشتياق_والغربه


من چنتو اوياي شمحلاكم
يالرحتو وما رحت اوياكم

كل ذكره إلي تمر ابالي
اذكر غالي وافگد غالي
يالرحتو وما رحت اوياكم
_

بويه اذكر گعدتي اوياك
ومن اغفى على صدرك
حضنك جان إليه گدار
واتنفس عطر نحرك
من ترمش عيوني اشتاك
الك ما افقه بهجرك
اصلي اَنه لعيونك ليل
ومن أصبح على فجرك

يالرحت وما ادري اخبارك
ما حنيت لطفله بدارك

يكسر خاطر أصبح حالي
اذكر غالي وافگد غالي
يالرحتو وما رحت اوياكم
_

اذكر عمي العباس
اليخليني بوسط عينه
ادري يحبني حيل هواي
غلاتي چني اسكينه
المن اگبل عليه يگوم
ويمتدلي جفينه
مشتاگه لضواه هواي
شنهي اخباره اوينه

مشتاگه العمي انه هوايه
من يوگف وبچفه الرايه

يخنك داري الأصبح خالي
اذكر غالي وافگد غالي
يالرحتو وما رحت اوياكم
_

أمن اذكر عمي العباس
احن العمتي هوايه
سويه بكلشي ينذكرون
انت التعرف بهايه
اكيد اوياها هسه يسير
وترف فوكاهم ألرايه
مربيته وتعطشه هواي
وجانت ترتوي بمايه

ما يتفارك لحضه اوياها
وينهض من يمر طرواها

الدك صدره وگال امشي بجالي
اذكر غالي وافگد غالي
يالرحتو وما رحت اوياكم
_

لرقيه انه حيل اشتاك
واتذكر محاجيهه
زغيره وبجت ليه هواي
من راحت وصد ليهه
وذكرى المتني هواي
من ضحكت وهنيهه
من شبكت هديتك حيل
فرحانه بتراجيهه

انحب من اذكر ترجيه
بنيه وهم تحن لبنيه

وهل موقف ضل يتراوالي
اذكر غالي وافگد غالي
يالرحتو وما رحت اوياكم
_

مشتاگه لضعنكم حيل
كله هواي احبنه
المغرب من يجيب جروح
ياهو الما افگدنه
وركض للمهد نوبات
محد ليش اهزنه
أنسى الولد ما موجود
اهزن عود اسكتنه

رگبت عبد الله زغيرونه
خافن بالطف يذبحونه

من يصرخ يرجف دلالي
اذكر غالي وافگد غالي
يالرحتو وما رحت اوياكم
____

حسين سعد البهادلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#عشقنا_الازلي_ومصابنا_الاعظم
#أبا_عبد_الله


يا نبع العشك
حبيتك صدك
خايف نفترك
واخسر دنيتي

ها يابو الوفه
عوذه من الجفه
گلبي الما شفه
يمك حاجتي

بس انته يبو اليمه
عشكتك وبكلب صافي
يبو الفقره بماعونك
كبرت لحمت جتافي
لو قدم كل اهلي
فدى للخيمه مو كافي

مولاي دخيلك مولاي دخيلك
__

يا معنى الغرام
يالتسوه الهيام
يمضيف السهام
اقبلني عبد

منك ما امل
بدربك ما ازل
مو احجي فعل
منك شنهي اسد

يالمطيح خيامك ليش
خاطر تستر عيوبي
يالمقدم علي الاكبر
وأنه تغثك اذنوبي
شنهي انطي ووفيلك
بس اعذرني محبوبي

مولاي دخيلك مولاي دخيلك
_

معيشني بحنان
وبفيك اصان
الخادم ما يهان
ورازقني دمع

منطيني الاريد
اسمي اويه العبيد
وكلمره يزيد
حزني وانفجع

كل مره رقيه تصيح
بويه الحگني ياذخري
ما موتن على ارقيه
وتعذرني بقبح عذري
بس تدري احبنك
وعشگنك عشك عذري

مولاي دخيلك مولاي دخيلك
__

لمني بخيمتك
عبد امن امتك
ارزقني مصيبتك
وشوغات الرباب

أكبر بالخدم
هيج انه عدم
عيشني بسهم
من طف المصاب

عيشني بسهم ذباح
الحز عبد الله بوريده
من مد ايده شرايد
ودم يتفايض بجيده
سلم جفه عالخدام
ويشيل ايده وتطيح ايده

مولاي دخيلك مولاي دخيلك
___

ضيعني بهواك
خادم وبرجاك
دليني بعلاك
غيرك ما اريد

بيك انه بتدي
وبيك انه انتهي
أقبل دمعتي
لدونك ما يفيد

موطامع بجنه وجاه
اريدن نضره لعيونك
شنو اسوه بلا خدمه
بلا قيمه انه ابدونك
اقبلني عبد تائب
يطلب خدمة اضعونك

مولاي دخيلك مولاي دخيلك
__

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قمر هاشم قمر هاشم
___

مُرعباً في القتال بارعاً في النزال
انت سيف الإله عنك حقاً يقال

لا تحُب الدروع يا ضياء الامير
حمزةً لو علي غيرهم لا تصير

طب الكافل
من يقاتل
حيدر صاحو يا قمر

من سل سيفه
الموت بكيفه
نصهم طاحو يا قمر

قمر هاشم قمر هاشم
_

فاعلاً ما يُريد قل فيه الكلام
ترتجف عندهُ حين تأتي السهام

فارساً حيدري جاء للعلقمي
ساقياً للعيال كافلاً زينبي

الموت بحده
منهو بنده
الكون دخيلك يا قمر

محد گابل
سيفه مگابل
حيدر جيلك يا قمر

قمر هاشم قمر هاشم
____

يا شبيه الوصي فيك صار الامان
خدر ربً جليل في حماك يصان

انت نعم الخليل لأخيك الحسين
ثابتاً لا يزاح صادقاً في اليقين

نعم الحارس
عالم فارس
خدر الحره يا قمر

منهو اليدنه
خيمة سكنه
بلحظه تشطره يا قمر

قمر هاشم قمر هاشم
_

حاكماً كربلاء انت يوم الوعيد
ناصراً للحسين ينبضُ في الوريد

سورة الكافرون تتلوا في كربلاء
من يعادي الحسين انت كُنت القضاء

الموت الاحمر
بيك اتصور
ربك قاسه يا قمر

العاده حسينك
راية دينك
تگطع راسه يا قمر

قمر هاشم قمر هاشم
____

صرت حامي الخيام يحسبُ من دنى
موتهُ قد حضر وهو حياً فنى

من سواك مثيل لعلي في الوجود
كل شيءً مضى وبقيت الخلود

خالد يومك
تشع اعلومك
دنيه ومحشر يا قمر

نور العصمه
لحمه ودمه
بيك اتقدر يا قمر

قمر هاشم قمر هاشم
_

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

سلم على عيونك المختار
وكمل سلامه حامي الجار
والزهره صاحت يبني عباس
صلى على عيونك الجبار

راعي الستر
وجفوفه خيمات
يسگي الخدر
بجفونه جربات

روح الحسين
حامل لوائه
حامل لوائه
حامل لوائه

يا غيره يا غيره
بيك من فزعت علي
ومن انتخت زينب
گلها خويه ادللي
لو صارت الشده
يكشف الكرب وعده
سار الضعن بسمه
وغيره ما يصلح ولي

يا قمر يا قمر مدد
___

من بزغ نوره يحمي الدين
بجفه اللوه وبگلبه الحسين
وبعينه زينب حطهه عباس
ولو ينطلب يگطع الجفين

بسوح الحرب
لو شد لثامه
لمن يطب
تقيم القيامه

كل الخيم
عاشت بمانه
عاشت بمانه
عاشت بمانه

يا حامي يا حامي
الخيم شيال العلم
بوجوده مكفوله
زينب وكل الخيم
يا سيد الشاره
انطينه من عدك بخت
يا لعينك تضيف
ناس وتضيف سهم

يا قمر يا قمر مدد
___


عينك علم جامع الكونين
والباء بسملة القرائين
والالف غيرة الله عباس
والسين مفخرة ال يا سين

مو بس شجاع
نافذ بصيره
عالم يطاع
كافل لأميره

مفتي بعلم
نور الامامه
نور الامامه
نور الامامه

يا مفتي يا مفتي
بعلم الله والنبي
وبعلمه وبسيفه
صار كافل للعبي
دك صدره لمشكر
وكلها ها يابت علي
بالشده بس انه
خويه زينب اندبي

يا قمر يا قمر مدد
___

بلوح العرش مخطوط مولاي
وي الحسين اسمك وكل راي
بكلشي اويه اخوه اختلط عباس
احسين كوّن وانته الماي

سر الخلق
حسين بهدايه
وبيك انرزق
غير انته مايه

حسين اوصفك
انت جماله
انت جماله
انت جماله

يا لوحه يا لوحه
انت ربك صورك
وحسين بوجوده
على الدنيه أمرك
يا يوسف الحره
انت لو أجمل بعد
من طينة الهادي
الله لمن نورك
يا قمر يا قمر مدد
___

لو جر حسامه يصفن الموت
وحتى الهوه من يمه ميفوت
كلشي بصمت من يحچي عباس
بحيث النفس ليطلعه إله صوت

تعرفه الفله
يگضي الكلفات
لاگت إله
لبست الريشات

محد گدر
يوصل حدوده
يوصل حدوده
يوصل حدوده

يا ساقي يا ساقي
الماي من صار الضمه
عالارض تتمشه
وينخطف لون السمه
ما ميزو انته
لو علي بالمعركه
مثل الابو ابنه
صار حماي الحمه

يا قمر يا قمر مدد
___

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

في آخر لحضات مولاي العباس عليه السلام
عندما حضره مولانا الحسين عليه السلام
قال مولانا الحسين مخاطباً اخيه


لا تهد ايدي يخويه ردلي صوت
لو سوه نگضي عمرنه لو نموت
ترضى وحدي بلايه ناصر من اطيح
ترفس الخيل اعله صدري من تفوت

اخ ظهري حدبت
لهسه عايش ما متت
وداعت الخوه وعلي
وداعت عيونك حرت

گوم خويه گوم خويه
__________

كون إنامن وي طولك عالنهر
ولا اشوف الشامت اليضحك جهر
تدري شنهي الصعبه منك من اروح
خايف يكولون مالك كل ظهر

اكعد انت وخلي اروح
هسه اني بلايه روح
اختك تناطر تعود.
اخ زينب لو تنوح

گوم خويه كوم خويه
__

ما كو هنه حتى اكضنهن اديك
حاچي أخيك يستلذ تدري بحچيك
خلي اهمسلك بذانك يا غيور
لو تضل منهو الي يكفلك عبيك

وحدي انه راح احير
خويه عينك لا تدير
منهو يم زينب يضل
لو شفت نفس المصير

گوم خويه كوم خويه
____

حيرتني عينك البيه السهم
حيره اشيله لو اشيلك للخيم
هيج يا عباس حيرته لأخوك
كل كتر ينزف اشوفن منه دم

مختنك شنهي الاصيح
صفحه اشيل أخره تطيح
ماكو شي سالم اشوف
كلفه اشوفنك طريح

كوم خويه كوم خويه
_______

تدري مو سهله عليه نفترك
اشوى من افراكك اعليه السحك
مثل الأكبر مدري أكثر يبن ابوي
گلبي يا عباس خويه محترك

ما ترد خويه علي
امچان ادينك اخذ ادي
انه ربيتك يحيد
ابني انته وهم اخيي

گوم خويه كوم خويه
______

شنهي اكولن من اردن وستراح
ودمعه اختك عدي أشد أمن الرماح
راح اذب اعمامتي بالخيمه غاد
وصفج ايدي واصرخ العباس راح

ويه زينب راح انوح
وشيضمدهه الجروح
مودع بالله يخوي
بگلبي اكلك لا تروح

كوم خويه كوم خويه
____

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

طباها ابو الأكبر .. طباها الحسين
____

بعمامه طب الحومه والي گرب ينداس
طالع رسول الله لو حيدر اعله الناس
بشيباته طب عالعسكر منه نشطر نصين
بس الله يدري شسوه المربي العباس

سيد شباب الجنه
طباها نور العين
ربي دخيلك صاحو
لا يگرب النه حسين

من ثنه يم العسكر يوم الفزع صار
والماله جنح وعلك من سيفه لازم طار
طباها ابو الأكبر .. طباها الحسين
_

الذب هدمه يسلم منه والما لحگها يموت
بحيث الهوه ضل يرعش من يمه خاف يفوت
ليوصل خيامه ويشرد وبمخبى يونس صار
يوصل إله صمصامه ويذبحه وي الحوت

ليوصل خيامه تورط
گول انشطر نصين
ربي دخيلك صاحو
لا يگرب النه حسين

يخفك گلبها الحومه من طبهه راعي الزود
الجانت تلعلع خرست ثبت عليها حدود
طباها ابو الأكبر .. طباها الحسين
____

يرعيد رعيد بسيفه من طب بخت عدنان
وين الزلم ناداها شو فارغ الميدان
ميمونه يصهل شافه عصب عيونه وطب
كله حرام انضرها هاي البقت نسوان

يزلزلهه أرض اطفوف
من يصفك الجفين
ربي دخيلك صاحو
لا يگرب النه حسين

ذلاها يوم الطبها الجانت فقط بس صوت
ماحاجه يسحب سيفه بخزراته بس تموت
طباها ابو الأكبر .. طباها الحسين
____

زينب تحيي اخوها تگوه ينور العين
ستري وعباتي انته تسلم يخوي حسين
بجالك أمير زينب ما مرها يوم الخوف
زود الهواشم انته وي راعي الجفين

يوگف هوه المعموره
من يذكر الجفين
ربي دخيلك صاحو
لايگرب النه حسين

سوى العجائب جفه وحيرها كل الناس
گله يخو وذخري ثارك رجع عباس
طباها ابو الأكبر .. طباها الحسين
____

طبك سماها وارضه وما مكتفي الصايود
منهو اليرده يگدر سيد البشر هادود
عجت عجاج الحومه خله السمه اعله الگاع
ابن الصميده بارز البظهر تسع احيود

عم الصمت واليحچي
بس هوه بين البين
ربي دخيلك صاحو
لا يگرب النه حسين

من سل حسامه الباشط ليلمحه رأساً طاح
محد گدرله يگر ب وين التبارز صاح
طباها ابو الأكبر .. طباها الحسين
____

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA