#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شوط كربلائي استقبال شهر محرم




نستقبل شهر عاشور بالدمعه وسواد الثوب
وسواد اكلوبنه انذبه وكل ابيض گلب محبوب
.............

حسين ايريد يالخدام ننوي قربةً لله
وهنياله اليطيعه بهاي وبأ عماله يوصله
فرض العشك بين اسهام وبطف كربله صله

خالص حبه للمعبود
هوه الكرم وصل الجود
حسين بكل وكت موجود

عزيز الله ابو السجاد وخله الخدم بيه اتذوب
.............

شهر الحزن كله آلام والالام تجمعنه
يدعينه العزائه حسين طيب گلبه ويحبنه
نخدم كلنه ايد ابئيد موكلمه وتفرقنه

بخيمة عطفه متجمعين
مايرضه علينه حسين
منالخادم ندير العين

وندعي النعمه هاي ادوم والخادم يضل مهيوب
..............

لازم نخدم ابئخلاص النحبه اخلص بدمه
شما سوينه منوافيه حسين الخير والنعمه
نتواضع الكل الناس موبس شرط بالخدمه

لاننسه ونضيع الروح
فعلنه للامام ايروح
ماعايز دليله اجروح

گلبه هواي بي طعنات نداوي لايضل مصيوب
..............

كون الدنيه نگضيهه كلهه كربله وعاشر
ونتحزم وكلنه اخوان گلب كبل الجسد حاضر
وما نحچي ونكول افلان الغيبه ماتسر خاطر

التعبك مايضل محصول
فكر بالحجي امن ادكول
السانك بالذنب مشمول

ماترحم النار انسان عن المعصيه ميتوب
...............

احنه اتباع اهل البيت كلهه اعلينه محسوبه
سوالفنه تره التنكال ورقه وقلم مكتوبه
اليوصل كون للميزان تفرغ چفة اذنوبه

ويتباهه ويشيل الراس
وتعاين عليه الناس
حسين الامل والنوماس

هنياله الخدم لحسين واسمه بالسجل مكتوب
...............

خل نتعاهد امن اليوم ابنادم ماضمن عمره
ونخلي الشهود اثنين الله وفاطمه الزهره
شنتمنه ونريده ايصير كون الغيرنه يجره

خيعونه النكر ذاته
يرضي الزهره مولاته
حلوه اتصير دنياته

ذكره ايصير بس للخير وبالطيبات ضل محسوب


محمد هادي العقابي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


هل الهلال وتشوفه عيوني
واهلي ماردو عليّ عافوني
...............

بالغرب ضليت انوح امن الالم
فاطمه آنه العليله ودمعي دم
حسبت وياهم اكعد بالخيم
بدمعتي وهم الگلب خلوني
...............

هل محرم وانه هل بيه الحزن
والدمع ماخله عين ولاجفن
عالاهل ليلي اخلصه وبس اون
من مشو بفراكهم اذوني
.............

احسب ايام السفرهم وانتضر
كاعده وكبالي كعدت الصبر
اخلاف ابوي حسين مايسوه العمر
والحزن غيّر ارسومي ولوني
................

كمت اصد للدار مابيهه ضوه
ويجوي گلبي من يهب حته الهوه
راحو اهلي الجانو العلتي دوه
عني بعدو وادري ماينسوني
.................

عله الباب انضر ودلالي انمرد
علي الاكبر جنه مايرجع بعد
آنه ابوي حسين منطيني وعد
كال اوديلج علي امن اضعوني
.................

كل حلم ماضل بعد واتأمله
ولا صبر ينفع اويه الراحو هله
اهلي كلهم ماخذتهم كربله
وهذا حالي وعذبتني اضنوني


محمد هادي العقابي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

استقبال شهر محرم



من عنده نوحي ومبجاي
ماضل على هلاله هواي
متعني جايبلي الحزن
سوط وسبي وطفله تون
اه اه يامحرم
.............

هل شهر ما انسه جرحه ومن يجي تزيد الجروح
ودمعتي بعيني جريه المهدي اني وبس انوح
من اشوف اهلاله يطلع ماتضل بجسمي روح
ساعه اكصد على التله وساعه للمذبح اروح

وتخيل بكل الصار
وتتراكض كبالي ازغار
ذبلت مثل ذبلت غصن
سوط وسبي وطفله تون
اه اه يامحرم
..............

أنه البدلت المدامع من دمه صاير بجاي
صوت ضامي بأذني اسمعه امشي ويصيح وراي
تعاهدت وي روحي ابجي كل صباحي وكل مِساي
والدمع من دم اهله وما اريد ادموعي ماي

والماي شلته امن العين
محروم من عنده حسين
خليته دم يجري الجفن
سوط وسبي وطفله تون
اه اه يامحرم
...............

روحي ذابت من محرم سوه بيه المايصير
من يجي ضهري يكسره والحمل كلش جبير
اهلي طشر كل شملهم بين مذبوح واسير
وخله جدي حسين عاري ونايم بحر الهجير

بس جسد باقي ابلا راس
وبحافر الخيل انداس
كدامي صدره المنسحن
سوط وسبي وطفله تون
اه اه يامحرم
...............

من تصير المغربيه ويعم بالدنيه الضلام
كلمن ايروح اعله داره الوادم بخير وسلام
وعمتي زينب بالخرابه تحاربت ويه المنام
شلون تغفه واليتامه مفرفحه مثل الحمام

من الالم بس يبجون
والهسه باذني ايونون
بدال الاهل واجمل حضن
سوط وسبي وطفله تون
اه اه يامحرم
................

طفله من هاي اليتامه جانت اتعيش بدلال
تغفه اله بحضن ابوها و ورده مابين العيال
طبت الشام النوايب تغفه صارت عالرمال
امن الهضم ذبلت رقيه جمر واسياط وحبال

جفهه الزغيّر مگيود
وتريد والدهه ايعود
تحجيله عن ضرب المتن
سوط وسبي وطفله تون
اه اه يامحرم
...............

الشايل اهمومه اعله راسه من يسولفهن يهيد
واني كلما سولفتهن يكبر الهم ويزيد
منهو يسمعني امن اكولن اه يادم الوريد
يبقه ثاري شما اضلن عايش بغربه و وحيد

الكل خادم احجي اباهات
بالك تعوف العزيات
انه احضر بدمعي واون
سوط وسبي وطفله تون
اه اه يامحرم



محمد هادي العقابي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مولاي مسلم ع

يمكسر اضهور الزلم ساعد يمينك
واتغرك ابحور الارض كطرة جبينك
يابن ابي طالب لفت كومك
خلي المذهّب يحجي بعلومك
********
يبن الفحول الماتدنك وكت الصياح
عطر الغدر يالطالبي من كل كتر فاح
يالمنتهد ما تبقه دار ابعازة انياح
جرّد المايلحك عليه قباض الارواح

شمّر الخضره وشاربه رف بالمراجل
بشري يطوعه ابزود ابن عم ابو فاضل
كلتله بان الگمر برسومك
خلي المذهب يحجي بعلومك

*********
دك جدمه واهتزة الكاع وفزة اموات
وصارت وجوب الكوفه كون اتصلي الايات
اتبريد الجاي ابحيله من شاف ابو الكلفات
مسلم طلع ثلثينه من عمه ابو الحملات

ضل ياخذ الخيال من الخيل بيده
حيد وعليه هالمفخره ماهي جديده
وطوعه تنادي ياعلي بيومك
خلي المذهب يحجي بعلومك

**********
اوحيد بس ويا مره تسوه الف رجال
اتحشمه ويخلي اخيولهم تسحك الخيال
بالكوفه سوه اسوايه مامرت عله البال
چا غير مسلم هوه مو جلمة التنگال

هذا ابوطاهر بالحرب عباس ثاني
الاخر نسل من ضربته الاحه يعاني
والكوفه تصرخ ابد مالومك
خلي المذهب يحجي بعلومك

***********
امن اسيادهم طلبو عدد خلصت زلمهم
ضل عشره عشره اينقص ابسيفه عددهم
هوه الاختاره حسين حگ يمحي ذكرهم
ولا يبقي منهم باقيه حته ابنسلهم

ينضح امروه وغيرته بكصته تلالي
والها بدايه ويا العركه وماكو تالي
بمسلم يبواليمه امسح اهمومك
خلي المذهب يحجي بعلومك

**********
معروف وما حاجه الوصف هيبة كماله
بس الشعر ما حله الغيره بس حلاله
بسيفه قسم مات وقسم مات ابجماله
من الالف لليا ما شفنه ابخصاله

من حگه اليهيم بعشك والد حميده
ابدع الباري ومثله واحد مايعيده
گول وفعل مسلم تضل دومك
خلي المذهب يحجي بعلومك



حيدر الريومي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



تنويه خدام الحسين القصيده
للخادم الشاب امير جودت
أرجو الانتباه خدام مولاي الغريب

شجونها وهي تنتضر
(( العليله) )




بويه عذبني الدهر
وليلي خلص بالسهر
وانتظر منك خبر ...... بس ما اجاني

وبدمعتي انتضر
بويه مشتاكه شكثر
يمته مو راح العمر ..... وبحزني اتاني

سافر.. ابوي وعيلتي كلهم خذاهم
سافر.. اتاني والگلب يركض وراهم
سافر.. درب جرحي بعيد وتيهاهم

وأتاني بويه أتاني ....

*****
بويه ماطاب الجرح
وكل مسيه ينفتح
والجرح صاير رمح ...... جرح الغوالي

يهده گلبي لو أجن
كل خواتي والضعن
واكبر وابن الحسن ..... أهل العوالي

ريته..يرد الضعن من ذيچ الخرايب
ريته. يرد وتنتهي بروحي المصايب
ريته. ولا اسمع مناحر لا ترايب

*****
بويه ملچوم الگلب
وذكرى من عيني تصب
وماردت ماي الشرب ..... گليبي ضامي

و الضعن چنه عطش
وعالترب بويه انفرش
ااه يا ليل اهدعش .... وحرگو خيامي


بويه .. أحس بالنار يابويه مصيبه
بويه .. وأحسن عمتي زينب غريبه
بويه .. وأشوفن هدمك وجثتك سليبه

*******
التقي وياك بحلم
راس بس ماكو جسم
وضامي مسلوب الهدم ....جروحك جثيره

وشفت عمتي عالهزل
واختي مچتوفه بحبل
واحترگ كل الشمل ...... والحيره حيره

حيره.. صفت بس دمعه مرسومه على خدي
حيره..وسهم الفطر چبدك فطر جبدي
حيره.. وضلت بس صور بالعين عندي

***
من الحلم بويه اون
وصرت لعيونك تحن
ياعذابي من الحزن.. وفرگتك نوحي

الشوگ ذبل كل ورد
متانيه بويه ترد
وحسره مردتني مرد... وتلجم جروحي

وينك.. بحلم يابويه اشوفنك رميه
وينك. وأشوفن عمتي بويه سبيه
وينك..وبجيوب الشمر صوغه رقيه



الخادم
أمير جودت
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


(((شجاعة ورجولةّ ابي الفضل) ))



طلع وانتـرست الدنـيا بساتـين
حي الله ابو فاضل نخوةّ حسين
_________________
راكب عالمهر مدري بسفينه
هذا شراع لو رايه بيمينه
ماجت واطبگ الطف بالمدينه

الهوه والگاع مدري الناس ميتين
حي الله ابو فاضل نخوة حسين
_________________
تهب الريح مدري مهرته تهب
تنگب والگمر ياناس محرِب
ضل يشيل بيده الخيل ويذب

حاصرهم ودگ سور وحياطين
حي الله ابو فاضل نخوة حسين
__________________
عنوان البطوله والرجوله
هوهَ الراح موهمه الأجوله
شو گدامه ركضو شنهي ذوله

الفوارس گامت تنادي الدرب وين
حي الله ابو فاضل نخوة حسين
________________
الهوه ضل ينبعث من ريشةّ الطاس
الريشه تميل مدري يميل عباس
بجربته ضل يعبي النهر والناس

مو بس نهر واحد جاب نهرين
حي الله ابو فاضل نخوة حسين
__________________
نوبه يصفهم ويحسبهم انوب
على صفحه يروح الثوبه مذبوب
الماتايب گبل ميفيد ويتوب

قيامه وضل يحاسب بالقوانين
حي الله ابو فاضل نخوة حسين
_____________
موبس موت شايل قمةّ الموت
ومن يحجي تخضر الگاع ياقوت
كلها مدنگه ياهو اليگدر يفوت

سلطان وطلع من السلاطين
حي الله ابو فاضل نخوة حسين
_____________
مبهوره السمه من يصدر احكام
يحكمه اعدام كلمن شاف الخيام
النخل خايف ودنگ من الاعدام

حرب راضعته يمكن أم البنين
حي الله ابو فاضل نخوة حسين
_______________



عبد زينب
محمد الابراهيمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

((سنستقبل محرم) )



دار.. هذا محرم دار .. الخادم محتار
هذا محرم دار

نار .. جرح المخيم نار ..وبالخيمه ازغار
جرح المخيم نار

اخدم من گلب وتذكر الخيمه
وياهوّ التأذه بركضت الهيمه
اخدم وانته ساكت زحمه من تحچي
وگلب حسين بالطف ياعظم ضيمه

ألطم بس بجرح
ألطم عالمنذبح
عالسلبو خاتمه
وطفو وجه الصبح

خل دمعك غايتك
وأدبها دمعتك
وأكتل بيك الحچي
وبس زينب صرختك


مدد مدد يازهراء


وين ...جرح الهزل چاوين ..چاوين حسين
جرح الهزل جاوين

سنين..تمر بسكوت سنين..خل تبچي العين
تمر بسكوت سنين

تمر سنين بينه واحنه ما ندري
واعض اصبع ندم ما وسمت صدري
ما سجلت اسمي بمجلس الزهراء
وزينب مسمعتها من بچت خدري

مندوم اعله العمر
ما مچوي بأي جمر
كون اتنفس حزن
من احچي بالخدر

دنيا وبلا عرف
وباچر رايه ترف
راية عز وفخر
بحزن العالم تلف

مدد مدد يازهراء
****
الكان...بيه الجرح ماكان ...گالو عريان
بيه الجرح ماكان

لسان...تحچي بدمعتي لسان...تصرخ عطشان
تحچي بدمعتي لسان

أهندم حالي ليش وسيدي مترب
مولاي العزيز بيا دمه مخضب
وأسمعه يصيح يمشن عالهزل گوه
وهذيچ ام خدر فوگ الهزل زينب

داست جمر ومشت
مچويه أتلفتت
تلمحني بيا دمع
خدر الله اتسلبت

بالذكره ملوعه
بالخيمه ومشرعه
بالجربه وبالعطش
بالهيل ابمدمعه

مدد مدد يازهراء

راح.. راح الضعن وشراح.. هزلّ ورماح
راح الضعن وشراح

طاح..گلب المحنه وطاح..وبالشوگ وصاح
گلب المحنه وطاح

ترى المشتاگ يدري بحال المسافر
العايفله أخو مطَشر بحافر
الضايع منه شوره وأيده مچتوفه
بعد لتلومه لو يبچيلك العاشر

بجرح الحب مبتلي
بيا شوگ ومنولي
تشوف بخده السهر
هذا العاشگ علي

عافت خيمه بشمس
عريان ومن أمس
صل الله اعله الجرح
وصل الله اعله اليحس

مدد مدد يازهراء
**
حال .. شتسوي هذا الحال .. والكل بحبال
شتسوي هذا الحال

سال ..دمع النوايب سال .. وتلم عيال
دمع النوايب سال

تفگد بالضعن طول الدرب تحسب
زينب ياهضيمه صارت اتحدب
من كثر الضرب مرعوبه مولاتي
هذادالصار بيها اتذكر اليسلب

اتذكر كلشي السده
اتذكر نار العده
وابچي بحرگت دمع
للظل الوحده

لسانك لَيعَثركّ
وبالتالي يأسرك
أكتم سرك وأن
سرك لو حيرك

مدد مدد يازهراء




عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

مشتاگه روحي الذيچ الليالي
من چنه نلتم غالي اعله غالي

من الگمر دگ الخيمه
عَطَرّها غيره والشيمه
فرحانه چنت وي خواني
گلبي أبد يعرف ضيمه

والذكرى بيه تهد روحي
تاخذ صفنتي المذبوحي
والحسره تنزل مصيوبه
وتبدي السوالف من نوحي

غريبه زينب... غريبه زينب
......................................................
راح المخيم وراحت حياتي
هسه أنه وحدي وتبچي بناتي

تبچي الچبيره يضربوها
تبچي الصغيره يسبوها
وأنه ودمعتي والهزله
ليش بدمعتي يروعوها

عالهزله وادم هداده
بكل ديره هيچي كالعاده
بحجاره ليش يضربوني
عمةَ الأئمه والساده

غريبه زينب... غريبه زينب
......................................................
كل ديره سهله بحجاره تگضي
نحمل ضربهم وبالوعه نمضي

شام النوايب بچاني
اصعب ليالي راواني
لمن دخلنه مچتوفات
گمت أنه اصيحن يخواني

خواني مناحر مرفوعه
خواني برماح وموجوعه
شفت الحسين بهمساته
بخدوده تتجاره ادموعه

غريبه زينب... غريبه زينب
......................................................
من وگفونه باب القصر ويل
وتتفرج الناس خوف وجرح ليل

ليل وليالي وگفونه
وادم شماته يضربونه
وجرح العليل بيا حاله
كل لحضه ويلي يطيحونه

شام الهضيمه عذبنه
بكل ديره سوده طشرنه
هذا القصر يلچم روحي
يذبحنه رايد هددنه

غريبه زينب... غريبه زينب
......................................................
ليش بدواوين يا دهري احچي
عگب الكفاله خلوني ابچي

حيره وحسافه بعيوني
زينب هضيمه يشتموني
أنه الاميره وبيامي
بقصر الملامه خلوني

مو راح أموتن بالغصه
وقصةّ حياتي يا قصه
يضحك يزيد اعله احوالي
ويضرب اخوي وبالعصه

غريبه زينب... غريبه زينب



عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

((القمر ابا الفضل) )




طائر الرخ وانتفض واصفگ جنح
من حليب امه وغده يعرگ ملح
هذا ابو فاضل طلع ياهل ترى
عالصبح وجهَ غده يطلع صبح

رف ضميره وشاربه ورفع بيرغ حاجبه
وحدد خيام الخدر ودگ مخيم زينبه

بكوسر عيونه گعد هيبه الخدر
وشد على ضهر الهوه سرج الشگر
وضكت الدنيا رعب من خزرته
تسمع الرمشه اذا بيهم يمر

يبو فاضل...... يعباس
_________________
وانحنه أگبال الهُدى حسين ودنه
ورعدت ضلوع الگمر من انحنه
انه عبدك والعبد يطلب أذن
ناوي اركضهم سنه تتبع سنه

الدنيه رجفت سمعته راح ينشر رايته
ومد يمينه عله الشمس راح تبدي صولته

والهوه (زَمّ) الهوه لاينجلي
مره حيدر يصبح ومره علي
يطوي حته الگاع ضل بصرخته
مابرد والمهره ضلت تسطلي

يبو فاضل...... بعباس
__________________
عالشريعه عَزَمّ بزوده يمر
والنخل ضل ينقلع من الجذر
والنهر ضم روحه بعيون الجرف
والجرف من النهر ضل يعتذر

عيده من يبدي العرچ والگمر مايندرچ
المهره صاعد لو هوه ضل يكور وضل يرچ

عَيَتّ الطف وانتفض مثل الأسد
وبعثر صفوف العده يروح ويرد
اليركض أگباله انمرد من السحگ
ضل يصيح ويفخر بزينب مدد

يبو فاضل..... يعباس
______________
وأبو اليمه يعاين وضل يبتسم
يشاهد العباس ضل بيهم يلم
ضل يطير اعله الزلم مثل الصگر
وهيله ضل (يشبخ)عله ضهور الزلم

وابتسم من شاهده راكب ضهور العده
وينفخ بصور السمه والحشر يمكن بده

من جماله وهيبته يخر السعف
رَكضّ الفرسان لحدود النجف
مثل طر البايده بيهم يطر
الزلمه بيهم هوه وحصانه رجف

يبو فاضل......... يعباس
________________
طفه ضويات الحرب من السمه
والشعار يصيح ثار الفاطمه
اليوم اخلي ضلوعهم تشبع كسر
غير أنه المضموم بس للموزمه

ونحدر بيهم ضرب ضل يوكلهم ترب
موصعب چلمه وتمر لاصعب من الصعب

وشَمـر الچَـفـيه ورتــاح الــهوى
تلاگه وي حسين وانطش الضوى
يگله بعد امي يَفَراس الوغى
والگمر وي الشمس صارو سوه

يبو فاضل..... يعباس
_____________




عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


((لم تنتهي آلامها هيه فريدةّ الجروح) )




خيمه ونار مشتعله ... علينه
خيمه ونار مچويه ... أدينه
صحنه بصوت كافلنه ... انولينه

اه ... يا خويه اجونه بخيل والنار
بالهيمه فرينه يستار
سلبو يكافل حتى الأزغار

اه ... وَدَعتّ گلبي وصار مشلوع
وخليت بيه جمره ودموع
شفت الحوافر شفت الضلوع

خيمه ونار
خيمه ونار
...........................................
جرح السوط ما يعرف ... أميره
هاي النوگ يردوني ... أسيره
يا عباس يا حيره ... الچبيره

أه ... يا حيره بيه وحبلي بالايد
خويه دربنه بغيرك بعيد
ولا ناس خيره ولا أجاويد

اه ... عطشانه خويه وشوفتك ماي
تعبانه تدري وظيم بلواي
سمعني صوتك يا لگمر جاي

خيمه ونار
خيمه ونار
.........................................
ذكره وآه ملتمه ... حياره
نحچي أبيش ياچلمه ... وعباره
طولك ذاك يا خويه ... مناره

أه ... يا خويه طولك وين وألگآه
هيهات طول الكافل انسآه
كل ما يمر ذكراك ويلاه

أه ... سابيني وانته اعله الرمح موت
ادريك تسمع حالت الصوت
رمحك هضيمه يصير تابوت

خيمه ونار
خيمه ونار
...........................................
دمعة شوگ تتناغم ... يويلي
كلمةّ ظيم مشدوده ... بدليلي
ودرب الشام من غيرك .. خليلي

أه ... يا خويه درب الشام عثرات
مو لوعه وحده هواي لوعات
وأحنه سبايا وهم يتيمات

أه ... لو طحنه خويه ادوسنه النوگ
خويه وغلاتك يذبح الشوگ
يردون ضعني يدخل السوگ

خيمه ونار
خيمه ونار
...........................................
سوگ الشام يا خويه... هضيمه
والشمات يضربون.... اليتيمه
بالعباس هاي أكبر.... جريمه

أه ... أكبر جريمه وننضرب ليش
خويه يساره بولية الجيش
عگبك تگلي شلون ونعيش

أه ... خويه بخرابه وضعني خلو
بدف وطبل لمن تلَگو
أي يا گمر بالظيم بچو

خيمه ونار
خيمه ونار




عبد زينب
محمد الابراهيمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

((هكذا ينطق أَلَم مولاتي زينب) )




غربه وماتلم الغربه ديره
گعدنه اعله التراب بلا حصيره
نخاف من الزمان الماله رداع
أسيره تنام وتگعد اسيره

مچتوفه وعيالي أنولت محد درى بجرح اهدعش
يبست شفانه من الركض نعطش ونتروه بعطش

ركض وسياط يهلي شصار بيه
وبلا رحمه لاغيره وحميه
تبدل أسمي صاحولي السبيه
بت حيدر هضيمه خارجيه

ويلاه يزينب
__________________
غربه ولاهلي يمي واخوتي
بس ازغار يابلوه بلوتي
كلها تصيح عمه وانه اصيحن
ياعباس وينك ياتچوتي

وينك يكفال الحرم ماصادفيتك من امس
الضلمه كسرت خاطري وينك يريعان الشمس

وينك يالجبتني من المدينه
شو غاب الگمر ماهل علينه
منك ياچفيلي وأيسينه
بس لمن طحت خويه نولينه

ويلاه يزينب
_________________
اليلمني صعبه المنه بديه
لگيت مطشره بصفه الحميه
ياعباس فلت هاي هيه
اجيت وارد اگللك سبيه

خليني بجروحك دوه وهلبت تگوم لمحنتي
يامن ضواك اعله السمه ضلمه بغيابك عيلتي

ضلمه واعثر بجفك حسافه
هذا الجان گايدني بترافه
عثره يصيرلي هاي الكلافه
رميه الجان تارسني لطافه

ويلاه يزينب
_______________
اروحن وين والضلمه تزتني
ياعباس شوچنك عفتني
ركضه الدنيه وانه بلاتچيه
بالهيمه وركضها ودعتني

بالهيمه نركض ياشهم واليعثر ايلوحه الجمر
صبر التعب يابو الفضل بس فرگتك فوگ الصبر

اليفارگ خوتك متهمه روحه
وخل تتهدم خيامه وصروحه
يخلص يومه بس شيخلصه نوحه
ويسكت من يلَچمنه جروحه

ويلاه يزينب
_____________
عشت عمر السبي ومفارگه النوم
الهوه هذا الاشمه جنه مسموم
كل ذكرى التمرني اتردني لصباي
افز يحسين من اذكر بلا هدوم

فززني جرحي وانهظم ويتكاسر بروحي الالم
هوه انه ميته من الركض وعيوني راحت بالسهم

من شفت السهم نام بچبته
ندهته ومايفز لمن ندهته
الدمه البعيونه بچفوفي مسحته
يصيح بهيده عطشان وسمعته

ويلاه يزينب
_____________


عبد زينب
محمد الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


حرمة وامشي ويه الضعن خلوني
بعد عينك بس شمر بعيوني
~~~~~~~~
بعد عينك خوية ما صحلي نظر
مره اموت عليك مره من القهر
شلون اشوفك وانته مرمي عله النهر
وسهم جودك بي يخي اذوني
~~~~~~~~~
سهم جودك خويه بي شفت الالم
وشفت هم جفينك وطايح علم
خويه وعيونك نبت بيها السهم
ريت ياخويه السهم بعيوني
~~~~~~~~~~
كون بعيوني السهام ولا اشوف
هالعيال من الرعب مليانه خوف
كوم يا عباس دارت ها لألوف
عالخيام وشوف طك امتوني
~~~~~~~~~~
شرد اسولف والدمع اكبر جواب
والله شيب كلبي من هذا المصاب
خويه سحكو صدر اخوك اعله التراب
وبحوافر خيلهم سحكوني
~~~~~~~
فوك كل هذا الجره ودمعي اليصب
جتفونه خويه و بعيد الدرب
وهذا يشتم ذاك كاضيها ضرب
ريت حاضر خويه من ضربوني
~~~~~~~
شرد اسولف والدمع اكبر دليل
اطفال وخيام وحرم نار وعويل
كلها صاحت عمه جا وين الكفيل
وعكبك باسمي العده صاحوني
~~~~~~~~
اه صاحوني العده بأسمي وطحت
ويم ابو السجاد بدموعي نحت
ريت موتي ولا اشوف اللي شفت
وحدي مابين الزلم خلوني

#سيد_محسن_الجابري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


((مولاي القاسم ورمله شجون خاص) )



أحبس انفاسي بوجهك غرام..ياجاسم احن
متبديهَ بحبك يبني الخيام ..هم مثلي تون
عريس أواگف بين العمام ... يا أحله أبن
شوباشك عمك طشه سلام ...بچفوفه يون

من تخطي .. يم عمك .. ويشمك .. يعني تروح
من تخطي .. كف ردنك .. اي أنك .. راعي السوح
من تخطي .. اتبختر .. وتخوصر .. (گَله) الروح
....................................................
بزَيكْ متونس راعي المسار ... تمشي تصد أله
بعد امك تمشي وكلك وقار ... فارس كربله
يا نجمه وتضوي بوضح النهار ... وتتمايل حَلَهَ

متيهني .. بنضراتك .. وخطواتك .. تگصد وين
متيهني.. وما اندل .. بيا محمل .. وبيا عين
متيهني.. بعد أمي .. يالنشمي .. شم حسين
...............................................
عمك عباس ايگلك يمين ... لو يسره ألك
بكيفك يا جاسم طش اللجين ... يا تاج وملكّ
راويهم زودك يبن الحنين ... أمر يعود ألك
بشرني وبشر عمك حسين ... وخل تبشرْ هلك

راويني .. صولاتك .. حملاتك .. يا ضرغام
راويني .. وأتفاخر .. وأتسامر .. يا جسام
راويني .. تصويبك .. ترتيبك .. شد ألثام
.....................................................
تنضرلي وأنضر عينك شجون ... وبدمعه أصد
ومن تضرب يبني تصك السنون ... يا ثارات أحد
هزبر والجيش انجن بجنون... يكتل ما يعد
مبتشره وبيه هواي الضنون... يا غصن الورد

تباوعلي .. بكل نضره .. وبكل حسره ..ما أنساه
تباوعلي.. تعصرني .. وتمردني .. واويلاه
تباوعلي.. وتدنه .. والحنه .. تصيح الآه
.................................................
عمك بچفوفه يفرك عليك ... ويصد للخيم
يناديلك جاسم تسلم اديك ... رفرف بالعلم
ما يرجع يبني الرايد يجيك ... وأكسرلي السهم
يا ضخري وجرحي يبني ارتجيك ... ليصيبك ألم

حاجيني .. رد سالم يا جاسم .. لا لتروح
حاجيني .. يمهيل .. اتخيل .. لو مذبوح
حاجيني .. تصدمني .. وتجرحني .. لو مجروح





عبد زينب
محمد الابراهيمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ابدعائي لا ترديني
بعزائج فدوه وفقيني
~~~~
بالمجلس غايتي تسجليها خدمتي وتكضيها حاجتي يم عباس
اهاتي وفطرتي حسراتي وونتي جلماتي ودمعتي رفعة راس

يم البنين الفاتحه من اقراها هيه
تكضين حاجات الخلك مو بس اليه

يالهواي شويه انطيني
بعزائج فدوه وفقيني
~
عطشان المجلسج ارويني بنظرتج مخلوق الخدمتج مو لنسان
تسبيحي فاطمه واضلوعي لاطمه وانفاسي هايمه يا قران

والدمعه من توكع حزن تقرالج آيات
خليني خيط ابشيلتج يم الكرامات

والحسين نظره تكفيني
بعزائج فدوه وفقيني
~~
يالمثلج مايصح يالخيرج مايشح ياورده وتنفتح للخدام
يحساسي ومصدري ياكسرة خاطري افديلج ناظري وارفع هام

قدمتي لحسين بفخر اربع قرابين
واجب نقدملج نحر يا ام البنين

الج دوم ناذر اسنيني
بعزائج فدوه وفقيني
~~~
بكل مأتم حاضره ووياج الطاهره تسجلين
اللي قره وكل لطام
عيونج بس دمع حسراتج عالضلع بالطمه نستمع طكة اعظام

يم الكمر اقسم عليج ابعين تدمع
نجيني من يوم الذي لا مال ينفع

ولاتفيد باجر ابنيني
بعزائج فدوه وفقيني
~~
اليندبج كل ضحه وبنية الأضرحة بس يقره الفاتحه يعيش ابخير
منزلتج من علي ياناسي وكل هلي اليخدمج يعتلي ويبقه اجبير

مولاتي عندي بس طلب منج أريده
خليني اصغر خادم لأبن الصميده

من الأحباب لو تسميني
بعزائج فدوه وفقيني
~~
سيد محسن الجابري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اجه الليل وشفت .. خيل وصحت .. ويلّي
ينور لهل نضر .. كلبي انفطر .. ويلّي
يجسم المنطرح .. يالمنذبح .. ويلّي
يبو سكنه
~~~~~~~~~~
يالمحنتك .. يالغربتك .. شيبت كلبي اليدك كل دكه حسرات
شكد ندهتك .. شكد صحتلك .. ترضه زينب تنضرب بالحومه وتبات

عيالك عالهزل تنطك
يمتني من الضرب ازرك
يخيل ابصدرك التسحك وانه شحجي

يراسك عالضعن يفتر
يجسمك دامي ومطبر
يخدك منجوي من الحر ونار تجوي

تاذيني الخيم ..نار وسهم .. ويلّي
والأطفال شكثر .. داست جمر .. ويلّي
يجسم المنطرح ..يالمنذبح .. ويلّي
~~~~~~~~~~
ياحسيني ..شوف عيني .. حمره مو من المصايب من حجي الناس
انته وينك .. صدلي عينك .. حركوا اخيمنه وعليلك صعبه ينجاس

يخدي من الدمع ورد
وخضر جم جرح عالخد
وايدي بالحبل تنشد ويه العيال

صحتلك خويه يالضامي
دخيلك حركوا اخيامي
شسولف وانته كدامي برمح تنشال

وأذاني الحبل .. اي والهزل .. ويلّي
ومشونه بدرب ..ضيم ورعب .. ويلّي
يجسم المنطرح .. يالمنذبح .. ويلّي
~~~~~~~~~
شلون حيره .. بهالمسيرة .. طفله لو توكع يضل الحادي يحدي
يعني ضاعت .. مني راحت .. واني وحدي بلا حمه ولا زلمه عندي

أئيس مره اتنطر
اكوم بهمي مره اعثر
شسولف يرعب المنظر يقره دمعات

اخيط بالبجي اجروحي
الوب ابهمي وابنوحي
اون واحجي ويروحي كلي حسرات

احاجيك وأون .. بطبكت جفن .. ويلّي
الوب واحترك .. شمعة عشك .. ويلّي
يجسم المنطرح .. يالمنذبح .. ويلّي
~~~~~~~~
والله محنه .. يابو سكنه .. بناتك عالهزل صعدن بالبواجي
جم رزيه .. يم رقيه .. شفت واحد واكف ايريد التراجي

دفعها وعالارض طاحت
هديت والدي صاحت
يعت بيهن شمر شافت واني عتني

بجت دم والدمع احمر
ونين وكلبي جن جمر
تموت الورده من تنجر صاحت أذني

حجي هواي وصور .. شافت نحر .. ويلّي
وحطوه ابطشت .. وانه المتت .. ويلّي
يجسم المنطرح .. يالمنذبح .. ويلّي
~~~~~~~~
انه زينب .. دوم انحب .. محنتك شيبة كلبي وحته رمشي
عيوني تبجي .. المن احجي .. حرت ياخويه انتظر لو وياهم امشي

بدروب الصعبه مشونه
سبيات احنه شافونه
يخو زينب تره اذونه بطبت الشام

ضلام وتخنك السكته
جبل وبظهري شايلته
الكمر يم النهر شفته ويمه جسام

والأكبر سحكته .. خيل العده ..ويلّي
وعبدالله الترف .. شابع نزف .. ويلّي
يجسم المنطرح .. يالمنذبح .. ويلّي
~~~~~~~~
#سيد_محسن_الجابري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



يالنايم بكلبك سهم
اتنفس ارماد الخيم
ماريد العذر بس جنت انتظر تجيني
~~~
خويه حاجيني الفركة تجويني وين ما اروحن يسئلوني عليك
حرمه والوحدي ولازلم عندي خويه دليني بمكانك حته اجيك

حته اسولفلك يخويه عالجره
أطفال عندي هواي وانه محيره
وعيوني غركت بالدمع والونه كامت تنسمع ياهضيمه
ياويلي لو شامت يمر اركض وادوس عالجمر
ياهضيمه

هد حيلي من طاح العلم
اتنفس ارماد الخيم
مااريد العذر بس جنت انتظر تجيني
~~~~~~~~~
نار بخيامي وانته كدامي شكد صحتلك وانته ويلّي بس ونين
الليل يوجعني العبره تخنكني ابجي سكته خوفي من سوط اللعين

اخدودي من كثر الدموع اجرحن
و عيون شماتك عليه اتفتحن

عطاب اشهك بالنفس كل ساعه لن جاي
الحرس.. ياحسرتي
يتشمت بكل ما نضر وصديت وجهي للكمر
ياحسرتي

بالنظره حاجيت الشهم
اتنفس ارماد الخيم
~~~~~~~~~
تعذبت روحي وجت جروحي مكيده وموجوعه خويه من الهزل
ذبلت اهروشي شابت ارموشي ولو بجت وحدتنا سكتوها بكتل

والأشد الخله دمعاتي تصب
امتوني صارت زركه من كثر الضرب

وكل حيلي فوك المشرعة وجفوفه يمه مكطعه ياابوفاضل
من الخوف كمت اشكف بدّي اتكالبت كلها علي يا ابوفاضل

ثكلت اهمومي والجدم
اتفس ارماد الخيم
~~~~~~~~
الشام شمتانه الناس فرحانه جفني من كد الرعب ما ينطبك
الروح مفجوعه أطفال موجوعه واحد ايسب بينه والثاني يطك

وسلبو كل التراجي من البنات
وبالخرايب خويه خلونه نبات

ابكد جروحك شيبت والراس حطوه ابطشت يم رقيه
مرعوبه فززهه الحلم وسكينه تبجي وتنلجم
يم رقيه

انكسر عودي وانثلم
اتنفس ارماد الخيم
~~~~~~~~~~
الله شائنه ننسبي كلنه وراسك العل رمح ويانه يحوس
من التعب ويلّي باد كل حيلي والصلا كمت انه اصليها بجلوس

عاينتلك خويه وبهايه متت
خيول عشره داست ابصدرك شفت

غير ارسومي هالجرح خلاني اعيش بلا صبح
كل زماني
مااكدر انسه محنتك شيبة الكاع امصيبتك
كل زمانه

ابكلبي جرحك انرسم
اتنفس ارماد الخيم
~~~~~~~~~~
سيد محسن الجابري
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



زينب صعدت بعبره عالتله ودمه تدمع
تكله ياحسين هنا جاوبني لون تسمع
~~~~~~~~~~
طلعت زينب الحره من الخيمه ودمعه يسيل
تدور عن اخوه حسين والشامت عليها يعيل
تعثر بالجثث وتكوم ويسندها الهوه من تميل

كامت تركض وتعثر
تدور جسم ابوالأكبر
يخويه الجيش ضَل يفتر
اذا بيك النفس ياخوي أشر بيدك واصدع
~~~~~~~~~~~
لو بيك النفس يحسين جاوبني يبعد الروح
تراني ركد بيه الحيل وانته اعله الارض مطروح
ادري انته بضعيف الصوت وصوتي من البجي مبحوح

جاوبني يماي العين
لاتكطع علي يحسين
وين انطي الوجه لأوين
رد اجاوب الي بكلمه يخويه وبيه لا تكطع
~~~~~~~~~~~
رد أعليها ابو اليمه بصوت من النحر يروي
يكلها لو اجوج الكوم زينب خويه بس صبري
ولو شفتي الشمر خويه متربع على صدري

ابعدي وعوفي هالمنظر
وكولي راح ابو الاكبر
وتذكري شحجه حيدر
شاء الله ان اقتل وزينب لسبي تطلع
~~~~~~~~~~~
تكله خويه شحجيلك اشصار وجره بحالي
حرم واعيال والنيران تشب بخيمة أطفالي
وين انطي الوجه وانته بس راسك بقه كبالي

وضعني شمر بي يحدي
واطفال وحرم عندي
وانه بكربله الوحدي
منهو يسكت اعيالي ويصبر بيهم ويقنع
~~~~~~~~~~~
يخويه حسين والكافل طايح عالنهر جوده
ياوسفه الكمر مرمي وعينه بسهم ممروده
شلون اكدر اشوفنه ويمه مكطعه زنوده

أكابر واكتم بهمي
وكلها تصيح باسمي
ولا واحد بكه يمي
يبويه ريتك انته تشوف حالي وتنظر المصرع
_____________
سيد محسن الجابري
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

لحسين اجه الأكبر
ونار الكلب تسعر
اذاني بويه الحر ارويني بس ماي
شافه ويسيل الدمه
هد حيلي كله الضمه ارويني بس ماي
~~~~~~~~
رجع لحسين الأكبر روحه مفجوعه
يحاجيه ابهمس وبونه مسموعه
شافه حسين طاح وطاحت ادموعه
كله العمر بعدك يبني بس لوعه

نكضي عمرنه ابجرح
بعدك ميطلع صبح
غيمه أصبحت مضلمه ارويني بس ماي
~~~~~~~~~~
اجاه حسين وبحسراته يحجيله
شاف العطش غير كل تفاصيله
يبني الماي عوفه حسبته طويله
بس روح انته لمك عكدت الشيله

محتاره تمشي وتصد
تدعي وتريدك ترد
لعيوني ريت العمه. ارويني بس ماي
~~~~~~~~~~
يالمحلي الترافه يالورد چنك
ضني أتعود اليه اتروح ما اضنك
چنت اهدم ابعمري حته الم عمرك
وين ارباي أريده يالولد منك

كل لحظه جنت انتظر
حته اعيشك عمر
العوزي ردتك حمه ارويني بس ماي
~~~~~~~~~~
طفح نار ولهب وانفاسه مختنكه
ولزم سيفه بيمنته وطول الشبكه
جاوبها ابدمع وبحسره و بحركه
كلها اتصبري يمه وباجر الملكه

نتلاكه باجر دهر
يمج يطول النظر
يم النبي وفاطمة ارويني بس ماي
~~~~~~~~~
رجع لحسين الأكبر والدمع تارس
ابخده وطاح واكف والهوه حارس
ختنك من الهوه وبانفاسه ضَل حابس
كله الريج بويه من العطش يابس

يابويه جرحك كلف
وبكلبي خضر نزف
رادت تطيح السمه ارويني بس ماي


سيد محسن الجابري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ادري ابروحي لمأخرك وخانك بالالم صدرك
مقصر لجلك ونادم سامحني يبن فاطم
____________________
مقصر وياك ابذنوبي وما احاجيك
انته تنضرلي ابعضمتك وانه ناسيك
اسمي خادم الك بس يوميه ابجيك
انه كل ليله اجرحك ما اواسيك

مدلي ايدك .. طامع انه ابعطفك
مدلي ايدك .. ياابوصالح عفوك

جيتك والكلب شايل حسره وخنكة الكافل
ادري عالذنب نايم سامحني يبن فاطم
___________________
ويه كل جمعه ابحزن احسب سنينك
وابقه اردد يا ابوصالح هسه وينك
ادري ما تغفه و تغمض لحظه عينك
ارزقني يا مولاي حركه من ونينك

لو مخيم .. كون تحرك بيه
لو مخيم .. واحترك يوميه

حسسني بسبي الحره وسطرة فاطمه الزهره
بحزنك احترك لازم سامحني يبن فاطم
_____________________
اعتبرني اليوم يا مولاي ضيفك
مذنب امقصر واجه كاصد مضيفك
حيل ندمان وصدك محتاج طيفك
احسبني عبدك وانته يامولاي كيفك

صح مقصر .. بس ردت لو نضره
صح مقصر .. بلكي ترضه الزهره

بطيفك انته حاجيني لدربك فدوه دليني
فكري مدوهن وواهم سامحني يبن فاطم
__________________________
مدنك ابابك واجيتك موش انسان
عبدك احسبني يمامي حيل خجلان
انه سهران اعله لذتي وانته سهران
عالضلع والثار تبجي وسبي الرضعان

شكدر احجي .. واني الاغفه وافرح
شكدر احجي .. وبيك اني الاجرح

امشي مبتشر واضحك وافتح بالضحك جرحك
وانته ابليل ما نايم سامحني يبن فاطم
_________________________
حسرة الليل وحشته و ونة الروح
وصورة الثار التخنكك وين متروح
والالم والغربه والصفنات والنوح
ابدال ما اعينك اضل الجم بالاجروح

يا ابوصالح .. غافل انه وناسي
يا ابوصالح .. وانته اهلي وناسي

شحجي والضعف بيه وانته بأذني ترجيه
وعد ارضيك بالقادم سامحني يبن فاطم
__________________________
سيد محسن الجابري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA