#قصائد_المشايه_الاربعين

عـــظم الله اجـــــــوركم

#مؤسسة_منبريات_للخطابه_الحسينيه

••••••••••••••••••••••••••

#الاربعين الحسين ع طور ذبو عمايمهم

ردو ضعاينكم
شوفوها اخيتكم

من اليسرجابت روسكم تدفنهه
شوفو المصايب زينب اشسولهه

مكسوره جيت الكم
شوفوها اخيتكم
˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓🖤˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓
من الشام جبنه روسكم ويانه
طول الدرب اذتنه خويه اعدانه
نطيح كلساع الظعن خلانه

ابجي ابحزن انه
وبلغرب خلانه

ناداها خويه كفي لا تعتبيني
تلجمين جرحي انتي واتاذيني
من ابعيد اجيتلكم
شوفوها اخيتكم

✍ #علويه أم فاضل
˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓🖤˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓
من بعيد اجت ليكم الحزنانه
تصيح وين الكافل وذرعانه
مايدري زينب هل اجت حيرانه

جيت ابهضم ليهم
اخواني اعتب اعليهم

خلوني وحدي بالغرب ميسوره
واليوم جيت اعتب وانه المقهوره
بدموعي اعاتبكم
شوفوها اخيتكم

✍ #ايمان ناصر الزهيري
˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓🖤˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓
من ابعيد اجيت ودمعتي بعيوني
اشكي يخويه ليك ضرب امتوني
لو ابجي خويه اعليكم ايشتموني

الحك صحت يحسين
يصطرلي خويه العين

ردتك تجي يحسين تفزع ليه
لتخلي العدوان تشتم بيه
رايده محنتكم
شوفوها اخيتكم

✍ #ايات نذار
˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓🖤˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓
كومو لخيتكم وشوفوا شبيهة
ردت سبيه والهظم غاطيهه
والحزن ماخله معاني عليهه

جابت يتاماهه
وجتكم يولياهه

وينه الكمر خيكوم يتلكاني
يبجي ع حالي اليوم لو شافاني
عذبتنه فركتكم
شوفوها اخيتكم

✍ #إيمان اللامي
˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓🖤˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓
جيت ارد أزور كبوركم ملهوفه
من عكب ماجنت بحبل مجتوفه
دولبني وكتي وطفت شام وكوفه

ورديت نحلانه
من اليسر تعبانه

وماعندي أخو ينزلني من الناكه
طحت على كبره بدمعتي المشتاكه
وبحسره شمتكم
شوفوها اخيتكم

✍ #بشائر اللامي
˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓🖤˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓
ياخوي اشكي لك من يسروني
من البچى مجرحات جغوني
ومن السياط ورمانه خويه متوني

جبت اليتامه وياي
والروس يارجواي

بس لارقيه ماتت بالحزاني
دنهض يخويه قوم تلقاني
ماني عزيزتكم
شوفوها اخيتكم

✍ #ام البنين
˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓🖤˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓
جيت ودمعتي خويه جرحت خدي
وغير البواجي بعد ماضل عندي
عكب النشامى الشمر بينه اليحدي

بسوطه يحاجينه
انهض يبو سكينه

انهض يخويه ورد عليه العايل
قاسي دهرنه ويانه واشكد مايل
حرمانه لمتكم
شوفوها اخيتكم

✍ #أم نور الزهراء
˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓🖤˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓˓

تمت بعون الله تعالى

بـ✍ــاقـ✍ــلام خـادمـات أهل البيت ع

•••••••••••••••••••••••••
مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_أربعين_الامام_الحسين_ع

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

#الاربعين
جديد ١٤٤٢ هجريه قصيده بعنوان (ردت ظعون الاهل)


صعبه صعبه... ننشد و ما تردون
صعبه صعبه... امن البجي راحت عيون
صعبه صعبه... ردينه اوبذيج الظعون
صعبه صعبه صعبه صعبه

هم دريتوا... يا اهلنا من مشينه وابعد ظعنه
هم دريتوا... من عگبكم جم شمر يحدي بركبنه

ننشد دروب السفر حيف والمدمع يهل
هاي ما جانت اعله البال نركب عالهزل
عين ظلت عالدرب عين صدت للاهل
يا درب زينب تگطعه آه وابدون الكفل

هيه رحله.... الزينب وجمع اليتامه
هيه رحله.....ما اظن تحصل سلامه
هيه رحله.... وليل ما يخلص ظلامه
صعبه صعبه صعبه صعبه

▪️▪️▪️▪️▪️▪️▪️▪️▪️▪️▪️▪️
يا اهلنه... ادروب خضناهه ومشينه وي الغرب
يا اهلنه... وجم طفل من عدنه طاح ابهالدرب

درب المصايب من عگبكم هم مشيته
وراس الولي فوگ الرمح بدمعي نخيته
ذباحك گتلني يالاخو من رافگيته
بنظرة شماته بوعلي ظهري حنيته

هيه نظره.... ويا صبر ينفع معاهه
هيه نظره...شافتهه عيني وغيم سماهه
هيه نظره...دارت اعله اختك رحاهه
صعبه صعبه صعبه صعبه
▪️▪️▪️▪️▪️▪️▪️▪️▪️▪️▪️▪️
بعيني دمعه... طاحت وسكنت بذيج الخرابه
بعيني دمعه... من سمعت الطفله نادت وينه بابا

آه من الشام خويه وي ذاك المصاب
بالخرابه الطفله شهگت ونادت يياب
فوگ راسك ياوليهه صبت ادموع العتاب
نادت بصوت الحزن بويه طولت الغياب

هيه دمعه... وأخذت اوياهه الاماني
هيه دمعه... حفرت بروحي وكياني
هيه دمعه... عادت الطف بثواني
صعبه صعبه صعبه صعبه
▪️▪️▪️▪️▪️▪️▪️▪️▪️▪️▪️▪️
يهلي جيت... من عگب ذاك السبي وطول السفر
يهلي جيت...منهو ينصبلي الخيم يهل الفخر

من بعد ذاك السبي ردود جيت لكربله
جيت انشد عن اهلنه الظلت بهذا الفله
ما واحد المنهم وگفلي وگال يازينب هله
زينب الوگفت عگبهم حايره ابين المله

هيه وگفه... الشيبت عمري وسنيني
هيه وگفه... وبالحبال امجتفيني
هيه وگفه... من بعدهه ما اشوف بعيني
صعبه صعبه صعبه صعبه
▪️▪️▪️▪️▪️▪️▪️▪️▪️▪️▪️▪️
وينه گبرك.... جيتك يخويه وراسك الجبته معاي
وينه گبرك.... افتحلي بابه خويه واسمع نداي

گوم خويه واسمع احجاية عجب
زينبك خويه وسافرت ويه الغرب
امتوني وي لون العبايه امن الضرب
وجلمه وحده ارد اگلك مو عتب

هيه جلمه.... ميته بنظرة شماته
هيه جلمه.... المثلي شله بحياته
هيه جلمه.... گلبي يتمنى مماته
صعبه صعبه صعبه صعبه


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg