#قصائد_شهادة_السجاد_ع

عـــظم الله اجـــــــوركم

#مؤسسة_منبريات_للخطابه_الحسينيه

••••••••••••••••••••••••••

#الامام_السجاد

قصيده بعنوان (وداعا يا جروح الغاضريه)
طور المرحوم ياسين الرميثي ادور عليك يبن امي

ابو الباقر باخير أنفاس يجر حسره بأثر حسره
لهيب الغاضريه اوياه يشب وسط الگلب جمره


ترجل عن مهر حزنه حليف الدمعه والونات
ابو الباقر قضى نحبه بونين وآه وبحسرات
لهيب الطف بعيونه يهل من الدمه الدمعات

عاش الطف بظنونه
رماد الخيم بعيونه
باقي الأثر بمتونه
كل ما يذكر الشامات يويلي تخنگه العبره

🏴🏴🏴🏴🏴🏴🏴🏴🏴🏴🏴

واوصى لابنه الباقر احفظ هالوصيه هاي
أريدك من توسدني تدفن ذكرياتي وياي
رماد خيام جمعته وعلگ من جربة الوفاي

وونة طفله مسبيه
سلبوا منها ترجيه
يلجم جرح البنيه
بيدي بالشام ادفنتها ومنها ظلت الذكرى

🏴🏴🏴🏴🏴🏴🏴🏴🏴🏴🏴

الماي اشما يشربه ينوح ويذكر ذبحة المنحر
ويذكر طفل بگماطه اخوه الفطمته العسكر
بدال الماي بمثلث اطوگ نحره واطشر

حلم وما كمل وياه
فطموه بنجيع ادماه
توليله الرباب بآه
ذبحني سهمه يالباقر ودمه سايل بكتره

🏴🏴🏴🏴🏴🏴🏴🏴🏴🏴🏴

أريدك تدفن ويايه شوغات اليسر كلها
وحيرة عمتي زينب من الحبل جتفها
بعيني انظر الحاله الونه بگلبي شايلها

من يوم اهدعش انحب
اشلون العفه تتسلب
جمرة گلبي بس تلهب
عليها السوط يتلوه والصبر انكسر ظهره

🏴🏴🏴🏴🏴🏴🏴🏴🏴🏴🏴

اسمعني وليدي يالباقر تذكر طبة الديوان
جمره بگلبي تجويني حره مگابله الطغيان
مجتوفه بحبل الانذال بعد امفارگ الخوان

كافلها گمر عدنان
زينب وين والديوان
گلبي يلتهب نيران
آنه ميت بعاشور ويه المنسحگ صدره

🏴🏴🏴🏴🏴🏴🏴🏴🏴🏴🏴

بلحدي من تنزلني وعليه من تهيل اتراب
اقرالي بنحيب ونوح لهيب خيام والسلاب
خدي من توسده الگاع عليه أقره نحر المصاب

آه يحسين ومصابه
من هجمت السلابه
خيامه توج لهابه
أقره المقتل بأشجان وهيل اترابي بالعبره


تمت بعون الله تعالى
خادمة الزهراء /ليلى زغيب


الشاعره ليلى زغيب
اين الطالب بذحول الانبياء وابناء الانبياء


•••••••••••••••••••••••••
مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الصادق_ع

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•#الامام_الصادق


نعظم اجره للكاظم على الصادق حنى ضلعه
ينوح بحسره وبعبره فكد الابو شيجرعه


نعظم اجره للكاظم على الصادق دمع ساجم


ينوح بعبره وبأحزان ينادي الزهره وي حيدر
فكد عوده وعليه ينحب وقلب الفاكد اتمرمر
علم للدين يالصادق بني العباس بيه تغدر
انثلم دين الله بمصابك وعرش بارينه التفسر


عليه ايون غده هالكون وكل شيعي صبح محزون
نعظم اجره للكاظم على الصادق دمع ساجم

&&&&&&&&&&&&&&&

ابو الكاظم وسف يقضي بسم الغادر الفاجر
دولتهم باسم جده خداع وزيف بس ظاهر
بيهم بنوا للجدران وعليهم يشهد القادر
بني سفيان و الاعمام على حيدر حقد ضامر

تطالب حيدر بثارات عليهم تشهد الغارات
نعظم اجره للكاظم على الصادق دمع ساجم

&&&&&&&&&&&&&&&&&&

المدارس تشهد باسمه الدين وكل عناوينه
العلوم انتشرت بعهده وباسم الصادق احجينه
المذاهب منه هالاخذت شرعهه وكل مضامينه
علمهه من عبد صالح وهذا اسمه والينه

علوم الدنيا تشهد ليه وكل فخرنه من ايديه
نعظم اجره للكاظم على الصادق دمع ساجم

&&&&&&&&&&&&&&&&&&

وسف يالصادق وامره يصعب والله تفسيره
بغدره من بني العباس رد للضلع تكسيره
بسم الصادق وغدره ومسيل دموم تفجيره
حقدهم والله ما يوصف شنهو بالله تبريره

لله حجته الصادق وهوه كتابه الناطق
نعظم اجره للكاظم على الصادق دمع ساجم

&&&&&&&&&&&&&&&&&&&

يالمهدي الك نشكي جم مصاب ويه مصاب
ضلع الطاهره وكسره ومسيل دموم على الاعتاب
وظهر عاشور يالغايب راس الطفل منه شاب
ونعزي اليوم بالصادق نسل طاهر من الاطياب

يمهدينه شوكت ترجع يا ثار و اله تفزع
نعظم اجره للكاظم على الصادق دمع ساجم

تمت بعون الله
خادمة الزهراء/ ليلى زغيب

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg