#قصائد_مولد_الفاطمة_الزهراء_ع

#مؤسسة_منبريات_للخطابه_والالحان
مولد الزهراء الزجيه
عيد للشيعه الأبيه


⌘🌹⌘🌹⌘🌹⌘🌹⌘

موال لمولد الزهراء

: بمولد الزهره البتوله كل همومك تنجلي
افرح افرح يالموالي وهني طه مع علي
وصيح ياربي بحق الطاهره افرجها الي
ولاتخليني بشده ابجاه خير المرسلين

مسحو الدمعه ياشيعه جات ايام الفرح
مولد ام حسين اقبل والنبي قلبه انشرح
واشربو ماي السعاده ويالله نملي هالقدح
ونروي العطشان من كوثرها رغم الحاقدين

اشعل اشموع الفرح وارمي الهموم
وصيح يارب ياحبيبي خلي هالفرحه تدوم
واغتسل لجل الشفيعه والبس اجديد الهدوم
وللحسن قدم تهاني وزينب وخيها الحسين

وبعد لا تنسى المهدي بهالسرور
لجل مولد امه الزهراء اشعل هالبخور
وقله يامولاي بحق امك عجل بالظهور
لشوفتك يابن البتوله والله ذوبنا الحنين





#خادمة_ال_محمد_كفاية_الشيخ

يالي متحير ولا حولك احد
تشتكي العلة وتعاني بالشدد
بالعقيدة اصرخ يازهراء المدد
فلحظة مولاتي تفك ليك العقد
حاشا تخيب من ينخاها

عجيبة فاطمة من الجنة تفاحة
تناولها نبينا وشعر بالراحة
وشمت بيه خديجة ريحة فواحة
وظل كلمن يشمه يصفق ابراحه

زهراء ياعطر من الجنة


اعاين بالسما وشفت البدر بدرين
واحد شافه قلبي وبدر شع بالعين
اناشد في قمر في ليلة العشرين
قالو هذا نور الطاهرة ام حسين

مولودة الزهره بهالليلة


: هوسات لولادة الزهراء

ما اقدر اعبر وشكثر فرحان
بوالادة فاطمة حتى القمر خجلان
حضرت عد خديجة الحور والولدان
والاملاك سوت عقد بالمرجان
بس نور الزهرة غطاها

الشمس اليوم طلعت والله خجلانه

تقول ام الحسن وللنور عنوانه

بضياها فاطمه هالدنيا مزدانه

بنورك يازهراء نورينا

من راد الشفاعه ب ساحة المحشر
بولادة فاطمة كل الفرح يظهر
من بين ضواها والنبي استبشر
املاك السماء بالزهرة تتفاخر

والحاقد بانت احزانه


بحق ال نبي علي صلاتك
تزيدك طيبه وتحسن صفاتك
وتخف بالحشر كفت سيءاتك
ابذكرهم تطفي النار اللضية




#خادمة_ال_محمد_كفاية_الشيخ

⌘🌹⌘🌹⌘🌹⌘🌹⌘🌹⌘

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الكاظم_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

★•• استشهاد الأمام الكاظم "ع" ••★

#طور قصيدة الحاج باسم الكربلائي
(بسملة كلامي)
▪️مشتـركة بأقـلام نخبة من خادمات أهل البيت▪️
تـمـت بتاريخ 26/3/2019

•• بـالكاظميـة .. أعظم رزية ••
•• يالله يشيعة .. انعزي الزچية ••
...............................................

بالحزن والنوح يتعالى ندانة
عالغريب البي طغوا زمرة جبانة
راهب اهل البيت ظل خالي مكانة
لاجله ناحت بالحزن أرض وسمانة

يتعالى الونين .. تبچيله كل عين
ابهاي الفجيعة .. انعزي الزچية

✍🏻 #ولائـية_وافتـخر (دعاء العامري)
<><><>••••••<><><>••••••<><><>

عالجسر حطوه نعش ابن الأطايب
ماحضر يمه أهل بس الحبايب
كلهم ينادون يالكاظم يغايب
عجب يا هذا النعش ماله گرايب

السجدته طويلة .. تحمله وتشيلة
ابلطمة حيدرية .. انعزي الزچية

✍🏻 #ام_فاطمة_الزهراء
<><><>••••••<><><>••••••<><><>

تروي حيطان السجن قصة حياته
من بدت رحلة ألم حتى مماته
من كثر ما چان خاشع في صلاته
خشعت اگيود البيديه وية صفاته

شيعتك تتاني .. بفرگتك تعاني
عالجسر لقائك .. انعزي الزچية

✍🏻 #خادمة_المنبر_الحسيني (أم أبيها)
<><><>••••••<><><>••••••<><><>

ويلي بن جعفر گظى بالسجن مسموم
سنين عاش لوحده من الأهل محروم
راح كل عمره وشبابه ابگيد مظلوم
تالي من سم الغدر هالچبد مجسوم

اگيوده ثگيلة .. وروحه نحيلة
جثته صريعة .. انعزي الزچية

✍🏻 #أم_حسين_الأسدي
<><><>••••••<><><>••••••<><><>

بيا ذنب مسمـوم ليش امعـذبينه
عالجسر نعشه ابحديد امگيدينه
انشيع الكاظم على الروس اعتنينه
بينا يحدي الشوگ لزيــارة ولينــه

نعتني ونجيلك .. بدمعة نشتكيلك
نظرة يا أمامي .. انعزي الزچية

✍🏻 #آلّشآعرهً_آلــــّ؏ــلّويِـــــه_آلّمٌوسويِــــۿ
<><><>••••••<><><>••••••<><><>

گضى من سجن لسجن مگيود امامي
منه مسموم الچبد والگلب دامي
شوگي تعبني أله وزايد هيامي
من البُعد ياموسى لك أبعث سلامي

أندب وانادي .. رايد مُرداي
وية اليشيعون .. انعزي الزچية

✍🏻 #علوية_أم_فاضل


•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A