#قصائد_محرم_1440

عَِظٌـمِ أٍلٍَلــَه لْڪْمْ آلْآجــْرْ

#مؤسسة_منبريات_للخطابه_والالحان

↝-﹏-﹏-﹏-﹏🏴﹏-﹏-﹏-﹏-↜

#محرم1440هـ #2018م

#أبوذيات_ونعي_لعلي_الأكبر_ع

((( ابوذيات )))

عني من غبت ويلي..يشبلي
جمر فرگاك لـ افادي..يشبلي
نحت آ يالولد راسي..يشبلي
يا فلقة قمر راح من ايدية..

يوليدي يلب احشاي..وانته مني
شلون بحالي عگبك..وانته مني
كل فاگد ولـد صبح..وانته مني
بعمر اورود نـارك تسري بية...
★•••••••★ ★•••••••★ ★•••••••★

((( نعي شعبي ))) يقرأ بعدة اطوار

شبيه المصطفى راحل أويلاه
ودعني ومشى وتنظرلي عيناه
خلاني بحسرتي ودمعي و الآه
گطعت الظنه من مارد الية...

بعمر عشرين بعدك عمر الورود
رايح للحرب مارد لي اردود
تمنيته يجيني لحظة لي يعود
أقبل نحره من قبل المنية...

زماني الخان بية وفارگاني
اخذ مني عزيز و دوهناني
وبغيابه أخذ روحي وعماني
صحت آ يالولد رد لحناني...
★•••••••★ ★•••••••★ ★•••••••★

((( التغريد الحزين ))) ((( لفى عاشور )))
((( ياجبريل نترجاك/عبد الحي قمبر )))

يوليدي علية عود..تردلي يمة انة اشوفك
علي الأكبر رحت عني..روحي اشتاگت طيوفك
ييمة عگبك اتيسر..ولون بيدي فلا اعوفك
أعاين عالثرى جسمك
جمر أصبح دليل أمك
انهض يبني انة احشمك
لصوتك ردت اسمعنه...گبل لاأمشي درب الشام
★•••••••★ ★•••••••★ ★•••••••★

((( گد عمر الورد ))) *شيخ زمان الحسناوي*

يمة..نايم يالولد رحت و عفتني
يمة..يالرحت من ايدية واتركتني
يمة..رحت عني يويلي ومرمرتني
يمة..ترضاها الشمر يظرب لي متني

يمة..ماحسبت انة اشوفك عالوطية
يمة..لفراگـك بقت حسراتي بية
يمة..من عگبك انـة شفت الآذية
يمة..عدوان الكفر گيدولي ايدية

تـــمــت بــعــون اللــه
16/8/2018
✍🏻 #ولائـية_وافتـخر (دعـاء العـامـري)
❌لاإجيـــز حــذف الأســم❌
↝-﹏-﹏-﹏-﹏🏴﹏-﹏-﹏-﹏-↜

↜مؤسسة منبريون لنشر القصائد النسائيه👇
https://telegram.me/ahmed_alziwar17

↜اكبر ڪـــــــروب لتلحين القصائد 👇


https://tttttt.me/joinchat/Dw92DkJZ4ttQ4WU4c815pw

#قصائد_محرم_1440

عَِظٌـمِ أٍلٍَلــَه لْڪْمْ آلْآجــْرْ

#مؤسسة_منبريات_للخطابه_والالحان

↝-﹏-﹏-﹏-﹏🏴﹏-﹏-﹏-﹏-↜

#محرم_1440هـ #2018م

#لمصاب_علي_الأكبر_ع
#لحن ( *لاترد مات الورد* )

ياعلي لمن غبت زايد عليك انيني
ياعلي أبقى انتظر واتأملك تجيني
بفگدك شجرالي *---* يبني آ يغالي
:::::::::::::::***::::::::::::::***::::::::::::::::

يالرحت عني وبقيت انتظر جيتك
ردلي ساعة أحظنك واشتم جبهتك
حَسَبت أگضي العمر وبگربي ردتك
تالي عالغبرة اصبحت مذبوح شفتك

ياعلي نار الگلب تسعر بقت لهيبه
ياعلي مثلك انة منين الولد أجيبه
دوهنتلي حالي *---* يبني آ يغالي
∞≈≈≈≈≈≈∞∞≈≈≈≈≈≈∞∞≈≈≈≈≈≈∞

أمك بيـا حـال صـارت تدري بيها
ليـل و انـهار ابحزن زايـد بچيها
افتح عيونك يـالاكبر حن عليها
شوفتك تسوى العمر لمن تجيها

ياعلي مـا هـودت أمـك تـون تراها
ياعلي منها اگطعت لا من خبر أجاها
ناحت الليالي *---* يبني آ يغالي
∞≈≈≈≈≈≈∞∞≈≈≈≈≈≈∞∞≈≈≈≈≈≈∞

يبني يا زهرة حياتي وضي سنيني
غيـابـك آذاني ييمـة و ادمه عيني
اعليك اجر حسراتي مايبطل ونيني
بقت ذكـراك اعلة بـالي و تسليني

ياعلي رحت وصعب هجرك صفى علية
ياعلي بفگدك عشت هـم وقهر وآذيـة
دومك اعلة بالي *---* يبني آ يغالي
∞≈≈≈≈≈≈∞∞≈≈≈≈≈≈∞∞≈≈≈≈≈≈∞

يـا شبيـه المصطفى يـل ماله رجعه
گلبـي بغيابـك يـون بـلكت تسمعه
انـة ونيت وصحت لحگي يبضعه
أبـني راح و أيـست گلبـي شيقنعه

ياعلي الرحت من ايدية وما تردلي
ياعلي فگدك هظمني ونـاري تغلي
لا أمل بقالي *---* يبني آ يغالي
∞≈≈≈≈≈≈∞∞≈≈≈≈≈≈∞∞≈≈≈≈≈≈∞

بعمر عشرين اذبلت زهرة حياتي
الـولد ردتـه لكبرتـي الحد مماتي
بيك شفت انة الحلم و كل امنياتي
سالم اتـرد لي دعيت انـة بصلاتي

ياعلي عگبك ترى البسمة انة افگدتها
ياعلي أمك تصيح و غمضت عفتها
صحت ودمعي هالي *---* يبني آ يغالي

تــمــت بــعــون الله
15/7/2018
✍🏻 #ولائــية_وافتــخر (دعاء العامري)
❌لاإجيـز حـذف الأسم من القصيدة❌
✅إجيز للأخوة الرواديد بعدم ذكر أسمي

↝-﹏-﹏-﹏-﹏🏴﹏-﹏-﹏-﹏-↜

↜مؤسسة منبريون لنشر القصائد النسائيه👇
https://telegram.me/ahmed_alziwar17

↜اكبر ڪـــــــروب لتلحين القصائد 👇


https://tttttt.me/joinchat/Dw92DkJZ4ttQ4WU4c815pw