#قصائد__السيدة رقيه_١٤٤٦_ه‍ #للنساء

#منبريات_للخطابه
🥀
اللهم ارزقنا البكاء والجزع على الحسين🥀
ـــــــــــــــــــــــــــــــــــــــــــــــــــــــ


نعي للسيدة رقية عليها السلام



لما جائت العقيله زينب عليها السلام لترفع رقية من على رأس والدها بعد ان قطعت انينها وسكن حنينها حركتها فوجدتها ميته على نحره صدت الى رأس الحسين عليه السلام نادت : وآخاه ..  وآحسيناه ..  وآرقيتاه .. وآضغيرتاه .. وآمظلومتاه .. ضلت تكلم الرأس الشريف بعتاب يقرح القلوب ويفتت الصخور :


اتعاتب الراس وتگله
عفيه عليه اشلون عدله
كل يوم بيدي تموت طفله
راحت رقيه وبعد خوله


بدرب اليسر خلصن بناتك
يبچن عليك ورايداتك
خوله ورقيه امتانياتك
مامسهن الضيم بحياتك


الماشافن بجالك هضيمه
ضلن سبايه بدون خيمه
عافنك وطرن الهيمه
كل يوم اضيعلي يتيمه


ضاعن بناتك من اديه
يحسين لاتعتب عليه
اونن جهد والبيه بيه
ومحتاره بجنازة رقيه


ضلت اجنازة بدون تابوت
گطعت نفسهه وگطعت الصوت
گلبهه يبس واللون مبهوت
محد نصب للفاتحه ابيوت


ياهو اليسوي فاتحتهه
ماتت رقيه وماشفتهه
واسياط عدوانك گضتهه
يحسين محد غسلتهه


المغسله بس شافت متنهه
گالت مريضه ومشت عنهه
تعديني لو گربت منهه
والحبال ماتدري گضنهه


امهشم متنهه من الاحبال
نعش اليتيمه يريد شيال
هضمني زماني واعوز الحال
وعباس مدري شگال ماگال


بيمن يجيهه اليوم عباس
چفه انگطع وامطبر الراس
وحسين صدره بكربله انداس
عافوا رقيه بولية الناس


عافوا رقيه اتنوح بالشام
ومحد نصب للفاتحه اخيام
وشيل النعش ينرادله ازلام
ضل بس علي ويطيح لو گام



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السيدة رقيه_١٤٤٦_ه‍ #للنساء

#منبريات_للخطابه
🥀
اللهم ارزقنا البكاء والجزع على الحسين🥀
ـــــــــــــــــــــــــــــــــــــــــــــــــــــــ

قصيدة لرقيه ع(انسه كلشي)
❥❥❥❥ـــــــــــــ❁❁ـــــــــــــ❥❥❥❥
بويه بويه :: خـل اضمنـــــك لصدري
بويه بويه :: من اضمك يطفه جمري

من اشـــبگك انسه كلشي
زغيره بس شيبت رمشي

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
فكلي عينك حيل مشتاكه لنضرها
بنيتـــــــك بعدك تره وشل صبرها
بـــفركـتــــك اه يالابو زايد قهرها


طفله بس زورگلي متني
مارحمنــــي بزغــر سني

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
وياك عندي اعتاب يالعايف رقيه
زغيــره كلي شلون مشوني سبيه
بويه هم تدري القهر شمسوي بيه

مرد جبدي قهر كلبي
بويه كلي شنهو ذنبي

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
خل اسولفلك يبويه شسوه وكتي
نمشي ويضربون بينه انه واختي
حارت ونــادت يربي الصبر عمتي

نشلع بعدك گلب زينب
وينكم يخــواني تندب

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
خلي نطوي السالفه ونسولف اعليك
افراگي لو من العطش صفره معانيك
منو بويه الكطع راســك ياوسف ليك

ادنـــــــه ليه خل اشمك
حيل مشتاكه ارد اضمك

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
انه ردتك تلزم ايدي وانته بس راس
جاي احــسن هــايه اليه اخر انفاس
راح اشمك شمـه بيها الوفه ينقياس

الوفه يعني وياك اموتن
يابــــــعد ذني اليشوفن

بويه .............................بويه
❥❥❥❥ـــــــــــــ❁❁ـــــــــــــ❥❥❥❥
#للشاعره غدير الحساني
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA