#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ




مامل بكائي .... دايم عزائي
عالفاركوني .... دايم عزائي
""""""
أنة ام الاربعة الــــدايم بجــــيهة
عل حسين الاعز مـن كل بنـيهة
دعت رب العرش سالم يجـــيهة
لجن هـــذا الامر ماصح بديــهة

أبجي الفكدهم .... ولدي الاودهم
يالتسمعوني .... عالفاركوني ... دايم عزائي
"""""""
أنـــة أم التضحية الذبــحو بنيـني
بلا ذمة وشــــرف أعــداء ديـني
لـــبو الاكبر تـراه حزني ونيــني
دموعي أهمل لحد ما تعمة عيني

عل عني راحو ... يايمة صاحو
لا تسألوني ... عالفاركوني ...... دايم عزائي
""""""
أظل لأخــر عمر أنعى الفكــدهـم
بنيني الوافــو حســين بـــوعـــدهم
فخر لية لــون أكــعد و أعــــدهم
خمس أولاد عندي ويــة أسدهـــم

روح الزجية ... يهل الحمية
بذبحة سبوني .... عالفاركوني ... دايم عزائي
"""""""
فكدت أربع ولــــد بالغاضرية
شبه غيرة علي حامي الحمـية
فلا أهتميت راحـــو من أديـــة
والهماني بـــس أبــن الـزجية

موتة الفجعني ... زيدلي وني
خابت ضنوني ... عالفاركوني ... دايم عزائي
""""""""
بعد موت الولد مـوتي أريــــدة
شلي بعمري أعيشأ مــو سعيدة
أبــــد مـا حسبت أبكى وحــيدة
ولا عالــبال جانـت هالبعـــــيدة

بس هم صفالي ... بعد الغوالي
ذبلت جفوني ... عالفاركوني ... دايم عزائي
......
رفعة راس ولــــدي يالتـــناشــــد
كظو بالموت واحـــد بـعـد واحــد
ماهــــمني خبرهم اللــه شـــاهــد
لجل نصرة حسين بروحي أجاهد

مو بس بنيني ... افدي سنيني
لا تفجعوني ... عالفاركوني ... دايم عزائي
...

أحسب جنـت أذا كـربت منيــتي
يشيعوني بنيني ويعـــلى صيتـي
لجن حكم القدر خالف وصــيتي
أخذ أحباب كلبي هـــدلي بيـــتي

ماخلة واحد ... والباري شاهد
دمعة بعيوني .... عالفاركوني ... دايم عزائي
.....
موش أربع ولد خمسة أنة أمهم
علي قاسي الزمن ضيع رسـهم
بنيت بيـوت خمسة أنـة بســـهم
أكظي الوكت كـلة والله يمـــهم

أعرض صورهم ... وأجمع ذكرهم
حزني وجنوني ... عالفاركوني ... دايم عزائي
""""""

الحمدلله رب العالمين
اللهم صل على محمد وال محمد
موسى الخادم




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ







يم علي لو يم فاطمة .... ندفنهة ام الاربعة
......
يم علي لو يم فاطمة لو بالمدينة
ندفنهة ام الاربعة الماتت حزينة
بأمر الدفن ما ظل فكر واتحيرينهة
كلهم تحبهم يا خلك يشهد نبينة

يم الذبيح ابكربلة .... ندفنهة ام الاربعة
.......
يا سامعين ام الوفة ماتت تراهة
واعليهة ناحت هل الارض ناحت سماهة
وين اليواسي ام الصبر يبجي البجاهة
زايد حزنهة عل المشت محد وراهة

من البنين أتيتمت ...... ندفنهة ام الاربعة
......
ام البنين الطاهرة الحرة الابية
وافاهة ياناس الاجل هاي المسية
ماتت وحيدة ولا هل يمهة الوفية
كل البنين اتذبحو بالغاضرية

موقفهة ابد ما ينسة ....... ندفنهة ام الاربعة
.......
جانت تردد كل وكت هاي الغريبة
الله أكبر من عظم هول المصيبة
موهينة يصعب عل المحب يفكد حبيبة
يكظي العمر نازف جرح غايب طبيبة

وسط الكلب يا هل الخلك ..... مدفنهة ام الاربعة
......
جانت اذا تذكر ولد اولهم حسين
واخرهم اعليه تنتحب وتزيد اللونين
مأتمهة عامر بالحزن كل هاي السنين
بس بالحسين اتولعت مو بربع أبنين

يم فاطمة الزهرة الطهر ..... ندفنهة ام الاربعة
......
عاشت لحد اخر نفس تندب يمظلوم
دمعتهة عالخد جارية ما شافت النوم
سهرانة واثار السهر بالعين مرسوم
من بعد الحسين اصبحت تعثر بالهموم

من بعدة عاشت بالحزن ...... ندفنهة ام الاربعة


......
نعش العفيفة انجهزة وانتاني ابنهة
مكطوع الجفوف ايحضر يغمض جفنهة
يحضر يغسلهة ويلف روحة بجفنهة
لازم وصل ليه الخبر يحضر دفنهة

نترقب الكافل يجي .... ندفنهة ام الاربعة
......

الحمدلله رب العالمين
اللهم صل على محمد وال محمد
موسى الخادم

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ




قران الوفة لو ردنة نقراه ....
بسم ام البنين اياته نلكاه
أبأول اية فاطمة
وفاطمة بالخاتمة .
لو ردنة نقراه
.....
يا سلام الله عليهة .... فاطمة ام الكمر
هذي اول ايه الهة ..... انكتبت ابدم النحر
للوفة عنوان صارت .... بيهة بارينة افتخر
ما يصح واحد مثلهة .... أبين كل هاي البشر

ام عباس هاي العنها يحجون
اخذ عدها درس عابس كبل جون
هل الجليلة العالمة
أباول اية فاطمة

.....
فاطمة يا محلة اسمهة .... محلة اسمهة من يرد
كل شخص يكصدهة زاير.... من كبرهة يشم ورد
باب صارت للحوائج .... للندبهة ما ترد
ينجلي الهم بذكرهة .... الضحت ابربع ولد

مترد كل شخص ينخاهة مهموم ...
تكظي حاجة بساعتهة معلوم
عل الوفة متعلمة
أبأول اية فاطمة

.....
مو قليلة ابحقهة تنزل .... الف سورة امرتلة
ضحت ابكلشي تملكة .... للذبيح ابكربلة
اجفوف عباس ابو فاضل ... بسم اخية امسجلة
ونذرت اعيونة الحنينة .... للعقيلة الكافلة

ﻻرض الغاضرية زفت أبدور .....
ما همهة خبرهم يوم عاشور .....
عل الحسين أمألمة
أبأول ايه فاطمة

....
طيبت الزهرة الزجية ... شايلة ام الاربعة
تشهد اعليهة النوافل ... والزيارة الجامعة
وصت الكرار اسمهة ... ابيت فاطم يرفعة
خافت اعلى احسين ابنهة .... ينهضم لو يسمعة

طلبت من علي كدام الحسين ....
لا يذكر أسمهة ام اللبنين ....
حبة يسري بالدمة
أبأول اية فاطمة

.....
قمة جانت بالتواضع ..... والشرف والمستحة
تجي من بعد الزجية ..... بالادلة الواضحة
للحسن وحسين جانت .... ام عظيمة صالحة
زوجة اب ما حسستهم .... تشهدلهة الفاتحة

كلمة جارحة ما سمعتهم .....
دلال ام أولدهة دللتهم .....
تشهدلهة ارض أوسمة
أبأول اية فاطمة


.....
الحمدالله رب العالمين
اللهم صل على محمدوآل محمد
موسى الخادم




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ







السلامُ على أم البنـــــين
السلامُ على أم البنـــــين
***
سلام الله على أسمچ يالوفية
أنطيتي شچم نحر لبن الزچية
بكَلبچ شلتي ضيم الغاضرية
اوي زينب مشت روحچ سبية
وعلى قبرُكِ نــــــــارُ الأنين
***
المحتاجين شبعو من عطائچ
لبو اليمه ولا شفنــه بوفائچ
أبد ما ينتهـــي بكَبرچ عزائچ
آيحسين ومصـــابه ندائـــــچ
والى يومَنــــــا بـاقِ الحنين
***
يشهد الله مولاتي على حبنه
على حسين أحتركَ مثلچ كَلبنه
أمني ما نســـه العترة شعبنه
وي داعش أمس تشهد حربنه
ومضينــــا بعـــزمٍ لا يَليـــــن
***
مثلچ يا مـــرة التنطــي ولدهـــا
مقصرة ويبو اليمه تحس بعدها
چفوف النـــاس أيدچ ما تردها
ميته ولسه دمعتها على خدها
وستبكينــــه مــدى السنيــــن
***
وحــكَ الكَطعو يسارة ويمينه
لزينب يوم واحد مــا نسينـــه
يمولاتــــي بدعائـــچ اذكرينـــه
باچــــر بالحشر عينچ علينه
وستـــأتي انــا على يقيـــــن
***
نظل على العهد نحيي الشعائر
المثلچ يبقه عايش بالظمـــائر
كيانچ كل عزاء ويانـه حاضر
ربه رجـــال وكَفو عالســواتر
أبداً سوف نبقـــى ثائــرين
***
يالمالچ ضريــح ولا منــارة
ولا مسموح للشيعة الزيـارة
هواي المهدي طَول انتظارة
مصايب شبعت كَلوب الحيارة
بِنـا ادرى إلـــــــه العالمين
***
البقيع مهدمه مو يدري بيها
أبو صالــح بعد يمتــه يجيها
هجمولك بنـــي أميــه عليهـا
اذا يرد النبــــي تكتل نبيهـــا؟
إنهـــم كَزيــــدٍ مُجرميــــــن
***
حيدر حسين الكَرعاوي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






لوفاة ام البنين عليها السلام

ضحت اشبال وگمرها  وراحة الروح وعمرها
والشهود ايامها
الجنة تحت اقدامها
ام البنين
★★★★★
تضحيات وجود كلها    من البداية الحد أجلها
رضا الباري كل املها        غير هذا مايهمها
يشهد التاريخ الها       يعجز يوصف فضلها

رغم كل آلآمها
الجنة تحت اقدامها
ام البنين
★★★★★
لاحت جروح الخفيه  ومرت ايام المنيه
تعاني بالدار الخليه   وفارگت ابن الزچيه
والبدور الهاشميه   موحشه اعليها المسيه

اعليها تبچي ايتامها
الجنة تحت اقدامها
ام البنين
★★★★★
يافضل عنها نذكره  الفاضله الطاهره الحره
أبد ماقصرت مره     تفخر ابخدمة العتره
أتمنت من الولد عشره   كون كلهم فده الزهره

فده الطيب انسامها
الجنة تحت اقدامها
ام البنين
★★★★★
ابدارها تنحب عليله   عگب ابو اليمه نحيله
وابو فاضل والعقيله   ليله أشد من بعد ليله
الراحة صارت مستحيله  بدت رحلتها الطويله

والقدر گدامها
الجنة تحت اقدامها
ام البنين
★★★★★
بحر من فيض العداله   وگفت بوجه الضلاله
ورسمت الحق وجماله  ونالت بهاي البساله
الفوز من رب الجلاله  الخدمت اعلام الرساله

نفتخر خدامها
الجنة تحت اقدامها
أم البنين


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






           مانشفت دمعتها   من داست عتبتها
                      سالت عن قصتها
                           بحسرتها
           هاي الباب شبيها  تجويني واجويها
                        القصه ومابيها
                            عرفتها
                        _
         بعد فتره   بلا زهره     بقت زينب وابو زينب         
       جبت حرمه  مثل نسمه  حنينه وبالمثل مضرب
          هاي الحرمه ام عباس تتسمه بعد فتره
     كضت ليلت فرحها دموع تبجي بعتبه الزهره
      وعرفت بالضلع مكسور من حيدر لزم ضهره
           كالتله ومتعجبه  حركو باب الكعبه !
                      حيدر  لازم كلبه
                            بليلتها
         يكمل لو ينهيها  تجويني واجويها
                       القصه ومابيها
                            عرفتها
                        _
      اسمعت بذني   ونين ابني  وشفت نار الحقد لهبت
      بده عتابي    وجَرح بابي  العله ام الفاتحه انطبكت
         بين الباب والحايط انعصرت امي وام بيتي
        اختنكت وانه من يمي ماضل كل هوه بريتي
         امنهد ماراحت الزهره احس مجروحه حنيتي
            من هجمو اذوها  ضربوها وجرحوها
                     وضلوع الكسروها
                            حسبتها
             خافت من تاليها    تجويني واجويها
                         القصه ومابيها
                            عرفتها
                        _
      بعد شحجي  وصرت ابجي  بغسلها وصبري ضيعته
       ادي وكفت  بكسر حست   بعيوني الكسر شفته
       اصعب لحظه من حسين  شبكها وصاح ارجعيلي
         صحت كدامه راح الحيل وبعد ياهو اليتجيلي
           صفه للنوح مو للنوم بعد ام الحسن ليلي
               اصعب من موتتها  تشيع جنازتها
                      عرفت من دفنتها
                             غربتها
              بكل كلمه يأذيها  تجويني واجويها
                        القصه ومابيها
                              عرفتها
                        _
      بجرح طلعت  وبعد سالت  نسيت الصار لو بعدك
       يعلم الغيب  خذاك الشيب  واثر دمعاتك بخدك
             ربيت الصبر كلها  وتعلم مني يتصبر
        بعد الزهره ردت اصبر ولكيت جروحي ماتكدر
         ردت انسه ولكيت الروح كل ماتنسه تتذكر
             مااكدر انساها  ميته واحجي وياها
                      يامصعب فركاها
                           وخِلتها
               الماكدر اخفيها  تجويني واجويها
                        القصه ومابيها
                             عرفتها
                        _
        تحس روحي   دوه جروحي  انتي وجيتج بلسم
         يبنت احزام     اريد ازلام  بيهم ابني يتحزم
         قصه بابي خلتني اعيش الطف كبل وكته
         اريدن منج العباس حته اتطمن اعله اخته
           احس بمحسن حجايه والعباس تكملته
            بس انتي تفرحيني  بعباس تبشريني
                  من الصدمه تطلعيني
                           وَرهبتها
            لغيرج مااحجيها  تجويني واجويها
                        القصه ومابيها
                            عرفتها
                        _
سيد معتز الحسيني


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






انه ام البنين الما اسد ابابي
ويا ناس المريض يطيب بترابي
***
جربوني صحت بالشده جربوني
ابد ما خيبت ضن اليندوبوني
ما رديت ضيفي وداعت عيوني
والينخاني احضره ويسمع اجوابي
*
عاده الكرم عندي وماشيه العاده
ياهو المثلي بالطف ثوب اولاده
والعباس مني ماخذ امراده
وبذاك الوكت كمطته بحجابي
***
صفو النيه وحجولي حوائجكم
بأذن الله احلها وراح ماردكم
انتم اغله من الروح واحدكم
والخادم اسجلها بدمعي بكتابي
***
انه مثل الحسن عندي الكرم شمره
وبكد السمه مديتها السفره
واليندبني بسمي اشلون ما حضره
الداس بصاطي صعبه يضيع بغيابي
***
صح انه اعربيه واصلي بدويه
بس بابي يعالم باب علويه
انطي امراد للما عنده ذريه
واحب كلمن ينوح ويبجي لمصابي
****
انه ام البنين واكضي كل شده
مارد اليجيني ودمعته بخده
اشافي كل مريض وبابي ماسده
ماخلي بوجودي ايحير طلابي
****
تمت
تحسين الخفاجي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ



١٠٦٨- وفاة السيدة ام البنين (ع)

يالسجّــــــاد الك عيني ترابات
وحزن عاشور بضلوعي ترابات
من طف كــــربله عندك ترابات؟
خلهـــــن بالگـــبر يوليدي اليه

✍ فراس المحمداوي





ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ



يا أم البنين
(أيحرك الباب الريح)



أيـحـرك الباب الريـح      والـگلـب يفرح ويصيح

                 ميّة هلا ابـجـيـتهـم 
                 ميّة هلا ابـجيــتهـم

*---------------------*-----------------*

طـال الهجـر    وأنـه أنـتـظـر    وبعيني دمعه
صوتِ اعتله    مـيّـــة هــــلا    ومحد يسمعه
صـبـري ذبـل    وأزرع امــــل    مـا بيّة فجعه
مـــن الـبُـعـد    شـمـل الـولـد    يـاربـي رجعـه

              احبابي بلكي ايسمعون
              هذا الحچي والمضمون

*---------------*---------------*

عـمري شمع    يخلص دمـع    يـــدرون هُـمـه
أفـرك بِــدَي    شـحت عَلّـي    كـلـمـة يـيُـمــه
بحكم القدر    گـلبـي انكسر    وسنيني ظلمه
حــگـي أوّن    نـار الــحــزن    شـلـون أكظمه

             ما شافت اعيوني النوم
             مشتـاگـة أگـولـن هاليوم

*-----------------*---------------*

جرحي نزف    كلشي اختلف    والـهـم حملته
ما صح شفه    بلحظه اختفه    التعبِ التعبته
قاسي الزمن    غـاب الظـعـن    وشگد نطرته
هُـمـه الـدوه    حـتـى الـهـوه    مـسلـوبـه لـذتـه

              بـس المناحه امخلين
             اتــمنـه أنـادي الطيبين

*-----------------*--------------*

يلفي الـغرب    وآنه اقترب    من المنيه
لـمـن مشـوا    مني خـذوا    اخر وصيّه
دمـعـاتي دم    يـهـل الشيم    ردوا علـيـه
جفني انجرح    فكري سرح    والبـيـه بـيـه

            ما ادري بحبابي اشصار
            اصفن واصيحن بـالـدار

*---------------*-------------*

دمعي أيهلي    ومـحــد ألــي     وحشه المدينه
عفت العـتب    وادري السبب    ابـقـه حـزينـه
إلـهـم نـحـت    واسمع گِـلـت    كـلمـة اجـينـه
اتضل صابره    وتنسه الجره    روحي الحنينه

                اتأمـل الفـرحه اتـعـود
                وبالجيّه أنزعهه السود

*-----------------*--------------*

انسه الحزن    ريت اندفن    والموت أريـده
اشبع بچي    ونفس الحچي    بـالـليل أعيـده
لا مـو سهل    جفني يـهـل    واصبح وحيده
اشضل بعد    ولـدي السند    عـنهـم بـعيـده

                تركوا صورهم علبال
               وأيردد الساني وگال

*----------------------*----------------*


✍خـادم ام البنين (ع)
الشاعر رعد الجريخي





ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ







فزاعية لام البنين ع:


الحرة الربّت العباس واجب نلطم اعليها
.
.
.
مو علوية بس احساب علوية
باب احسين هايه و السماوية
ما راحت سبية او جنها مسبية
عاشت ذيج الالام او مآسيها
.
.
من إسهام طف احسين ملجومة
فرّت جنها وي نسوانه بالحومة
بِعيدة الحرة بس اهواي مهضومة
جنها بكربلا او نيران تجويها
.
.
من كد البواجي الناس ملّتها
يردوها تبطّل صوت نَعْوتها
او هيّ اعله الحُسين او ولده ونّتها
دوم الدمعة عالمذبوح تجريها
.
.
شكثر وصّت ابو فاضل على احسينه
مولاك الحُسين او واجب اتعينه
كاللها إبشري او انطه جفينه
او هاي الروح لحسيني اني منطيها
.
.
كالت للكمر أختك ييمه اختك
ترعاها او تصير الها سند ردتك
خدرها اتحفظه بالزهراء حلّفتك
ما دامك عدل يمّه تحاميها
.
.
عليها شْجم إمام السلّم او صلّى
شهيدة ماتت بْسم موش موت الله
سمّوها لأنها النوح مَتْملّه
هاي الطاهره او فاز اليواليها
.
.
فاضل عباس الخزاعي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ





#ام_البنين صلوات الله عليها
.
.

إنها قدسيةٌ أم البنين
صاغها الله بأنفاسِ الحسين
وبها الرحمن باهى الأنبياء
ولْدَها قد نذرت للأطيبين

جبيرة بخت بيها أهل السمه تقسم
جبريل اباسمها دوم متحزّم
ام الخدمة منها الكمر متعلّم

باسم ام الوفاء... متحزمة الخدم
من عدها العطاء ...أومن راعي العلم

كمرها ابزوده .. قسم بزنوده
نذر لحسينه .. أو وفه بعهوده
.
.
درةٌ كانت ونبعٌ للوفاء
صيتُها قد مُلِئَت فيه السماء
قبلةٌ في ذكرها تحنى الرؤوس
إنها والله أمّ السعداء


عزيزة فاطمة والجوهر الاروع
في تصويرها الرحمن قد أبدع
فصارت للحسينِ بابه الأوسع

بيرغ للعطاء ... هي بكربلا
ضحّت بالبنين .. لأجل العايله

تحبها العترة ... العظيمة الحرة
العمر ناذرته...لآل الزهرة
.
.
نورُها شقّ مسارا للخلود
وبها قد نيرَ والله الوجود
فضلها للناسِ ماءً للحياة
دونها الخدام تهوي في الجمود

دخيل ام الكمر هاي السماوية
عظيمة شان عد احسين مرضية
آية أو من جلال الزهرة مبنية

محفوفة بكمال... درة حيدره
خلدها الزمان ... دنيا او آخره


ضواها يبهر ... أمينة او تزهر
شعاع الخدمة ... القلبها نشكر
.
.
هي زهرائيّةٌ عظمى الخصال
رُفِعت أعلى مصاديق الكمال
قد دنت ثمّ تَدنت للحسين
فكساها الله من فيء الجلال


ابحِجاب النور أم الكمر مستوره
علي انطاها المقام العالي من نوره
مره اتكلها الزجية اهواي مشكوره

للزهراء باب ... هاي ام الكمر
اشما نحجي أو نكول ... جن نقطة ابحر

الابنها الكافل .. ضواها كامل
إهي للجنّة ... خبرها واصل
.
.
خصّها الله بألطافٍ كثار
فغدت رمز الوفا والاصطبار
أم عباسٍ لها يحلو النداء
مدد الخدام منها الانكسار

صعب تفهم اسمها الناس وتفسره
شكبر حظها التحبها فاطمة الزهرة
أو باسم احسين دوم اتنوح منكسرة

ضحّت بالنظر ...لحسين أو هله
ما راحت لجن ... جنها بكربلا

صعب تتوصف... ولا تتعرف
الملائك الها ... تجي أو تتشرف
.
.

فاضل عباس الخزاعي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






#ام_البنين صلوات الله عليها

درّةُ الكرارِ والحبُّ الصفي
إنها سرٌ عظيمٌ و خفي
لا ينالُ المدحُ فيها ذرّةً
قلبُها قلبٌ رحيمٌ نَجفي

معجونة بولاية .. حيدر الدر
تتنزّل ملائك .. بيها تخدم
من ضيها الكواكب .. أخذت الضي
جفها للبرية.. هو مُنعِم

فَخْرُها من تخدم .. بالزهراء
هي ربت زلمة .. عاشوراء
والجلال البيها .. ايخجل الكون
شاركت بالدمعة .. للحوراء

لاجل احسين.. عمود الدين
نذرت ولدها المهجته .. نور العين
.
.
سورةُ العشقِ بها قد أُنزِلت
من عيوب الخلق نورًا أُكمِلت
في مسارِ الخُلدِ كانت صورةً
أمُّ عباسٍ على الأنسِ عَلت

قد ربت كوافل .. للفواطم
مبرورة الكريمة .. يا حِسِنها
لا تُدرك عظيمة .. جفها نعمة
جللها الخلقها .. بنور ابنها

كلشي يمها ايدنك .. او يطلب عون
من ضياها الكافل .. ياخذ لون
نعمة الحب هي .. والاسرار
والمدد بالخدمة .. منها ايكون

منها الخير .. واسمها اجبير
الرايد معونه الخدمته .. يمها ايصير
.
.
مركبُ الحبِّ وبابُ الاوليا
إنها والله أم الاتقيا
قد تجلت في بيوت المرتضى
تخدم الاطهار ولد الأنبيا

باب الدمعة جفها .. او جف ابنها
بالخدمة الجليلة .. هي الاعلم
مركز للتفاني .. والتصاغر
السلّم أمره يمها .. والله يسلم

مُحْورٌ للرايد .. حبّ اخيام
للنذر كل عمره .. يبجي الشام
اتحبها حيل الزهره .. ام عباس
كلشي عدها نذرت .. للاسلام

نور النور .. وهي دستور
للقلبه عشاك الخيم .. او والها ايفور
.
.
مسلكُ العشاقِ في أعتابِها
حبّ ولد المصطفى في حبِّها
من أراد الله والعشق فإنْ
نفحات الحب والدمع بها

بجفوف السخية .. تنطي رحمة
كل نعمة بفضلها .. والمدامع
نسمة حب اسمها ..عالمجالس
راية ايرف ذكرها .. بالمسامع

حيدر ايعظمها .. برفعة شان
جانت بنص بيته .. جن قران
تعشك اسم احسينه.. وام احسين
تبچي كل اسنينها.. عالعطشان

واللي ايريد .. دمعته اتزيد
إلها يصد يطلب مدد .. أم الحيد

:
لوحة المجدِ الحسينيّ الجلي
ذاب قلب الأمِّ في قلب علي
ثمّ للسبطِ غدت خادمةً
إذ تجلّت في الجلال الأكملِ

محفوفة بمفاخر .. ما نحدها
والراية الجبيرة .. بزود كافل
ام اشجع مقاتل .. بالبوادي
صارت ولد عدها .. بس مراجل


دوحة العز والحب.. والاحساس
ما تصوفها الكل.. ام عباس
وبفضلها يشهد .. نجم الكون
ما يحد هيبتها .. كل مقياس


والمحروگ .. يجيها بشوگ
نسمة شرف والمفخره .. إلها اتلوگ
:

فاضل عباس الخزاعي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ




قصيدة ( اعتذر منچ يزينب ) وكأن ام البنين تعتذر لأنها كانت تتمنى أن لها بنت ذهب اسيره بدل السيده زينب عليها السلام



اعتذر منــچ يزينــب يمه مــا عندي بنات
دونچ يشدون اديهن عالهزيله امسلبات
قدمت أربع ولد ظني ابو اليمه يرد
يمه مــا عندي بنات

*-----*-----*-----*-----*

دمعي أسيله يــالعقيــلـه بـأعتــذاري
حسره عمري ناري تسري أه ينــــاري

ريت كــل هاي المصيبه المرت بطف كربله
عندي كــون ابنيه دونــچ بالمصايب معوله
وتنظــر إخــوتهـا ضحــايا اربعتهــم بالفــلا
وســالم حسين وبنينه وكــل بناته وكل هله

ولدي كون الطـف ذبحهم عالرمــال امگطعــين
وسالم ابن الزهره يرجع والله يمه تگرلي عين
ابــد مـــا همنـــي البعـــد ظنـي ابو اليمه يـــرد

*-----*-----*-----*-----*


لا كفيلـچ وحشــه ليلـچ يمـــه زينب
والظلامه بس يتــامــه كلها تنحب

اخ مــن ليــل الفجيعــه مــن بعـد حــرگ الخيّـم
بنتي كــون بحيــره دونچ تجمــع أطفـال وحـرم
وكــون مــو أنتـي الصرختي وينــه شيال العلم
بنتي كــون الي تنادي وجــدها ريته ألي أنشتم

يعينج الله أعلى الفجيعه شطولـه ياليل اهدعش
حــرم مذهــوله ويتـامه وخوف وهموم وعطش
المــن ايتــامــچ تصـــد ظني ابو اليمــه يــرد

*-----*-----*-----*-----*

والله حيره يـالامــيــره بهل الرزيه
بلا عشيره أنتي أسيره من ال اميه

كون مــو أنتي السبيه بنتـي راحـت للسبي
وشمر ريته يشد أديها يگلها عالناگه اركبي
وسـوط البمتنچ عليها وسالمـه بنـت النـبي
وريت مو أنتـي أسيـره يا أبــه و قبلة عبي

كون مــو چفــچ يـزينب والله ينشـد بحبال
ريت عندي ابنيه دونچ والله يربات الدلال
وفاگــده إخــوان أولــد ظني ابو اليمه يرد

*-----*-----*-----*-----*

اه يوسفه والله كلـفــه والله بـلـــوه
يــا ألمها شكبره همها الفگدت أخوه

حيرت السوگ ومصابه كون مــو بيـچ اليمـر
والله يــا يمــه يزينــب الــچ ميلـوگ اليسـر
ريت عندي ابنيه دونـچ واگفــه بحــر الظهـر
وريت مــو أنتي الدخلتي بنتي دخلـت للقصر

والشماته تصد عليها والـچ مــا واحـد نظـر
فــدوه انه وكل بنيني وما يمــر عينـچ سهر
ومحــد لچفــچ يشــد ظني أبو اليمه يــرد

*-----*-----*-----*-----*

يا مصابه بالخرابه شكبره صبرچ
والرزيه من رقيه حسره عمرچ

والله صعبه بت محمد بالخـرايب مــن تبات
يساعــدچ الله يــزينب يــا عظمـها النايبات
كــون بنتي بحيره ظلت تجمـع أيتام وبنات
وتگعــد بدمعتها تنعه يســاعد الله الفاگدات

تصـبــر بدمعــه رقيـــه تگلها ما مات الحسين
بس ابو فاضل وإخوته عالــرمال مگــطعيــن
فــدوه طعنــات الچـــبد ظني أبو اليمه يــرد
*-----*-----*-----*-----*

الشاعر موسى البديري




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ







موشح إلى السيده الطاهره ام البنين عليها السلام


صرتــي للإخـــلاص مثـــل البسـمـله
ورتلــچ بـــأيمــان مصحــف كــربلــه

*----------*----------*----------*

رتلــچ هـــذا الـــزمــــان أبكبـــريـــاء
ومنـــچ أتعلـم دروس أعظـــم وفــاء
بسملــة أخـــلاص صـــرتــي بكربـلاء
واسمــچ أبكـــــل زود ظـل يــرتــلـــه

*----------*----------*----------*

يرتله أبكـل زود والله وكــل وفخــر
يلّــي علمتــي الگمــر يصبــح گـمــر
لا خسوف ايمرله مــن ينطي النحــر
النحر مــــن ينطيــه نـــوره يكمـَلّــه

*----------*----------*----------*

نــوره يكمل لـــو نـذر ذيـچ الچفـوف
ودون أبــو اليمـه يتــوذر بـالســـيوف
طــاح لكــن قبلــه أصبــح بالطفــوف
بعــزه أصحـــاب الـــوفـــه تستقبــله

*
طاهــره وعبــاس طــاهـــر مــرضعـه
مـــن علـــي الكــرار أصــلــه ومنبعــه
أبِغيــره متنســيه وأبــاء ومشـــرعــه
فاض بالطــف غيــره والــزود اعّتلــه

*----------*----------*----------*

فاض غيــره وزود يـا طيبــة أصــل
والفــرع مــن أصلــه لازم يكتمـــل
احتـــار بيچ الدهر يكتـب يا فصــل
وأنتــي موسوعــه بجـلالــه أمنــزله

*----------*----------*----------*

انتــــه موســوعه مجد يــأم المـجـد
وحگــه تــاريــخ الفخــر لــو يستعد
لفاطمــه الزهــره نذرتي أربــع الـولد
وعالصعيــد بدمــها كلــهــا أمغسلــه

*----------*----------*----------*

مثلـــچ التــاريــخ مـــــا ذاكــر مــره
تضحــي بأقمــار أربعــه فوگ الثـرى
لابن ضـــرتــها وتحــس امقــصــره
وخــدر زينــب ابنــچ أصبــح كافلـه

*----------*----------*----------*

كـافــل الخِــدّر أستــاذ التضحيـات
رضــع طاهر مــن حليبچ مكــرمات
فاض غيره بيوم شــح مايه الفرات
وبقـى خالــد وي ابــن سيـد المـــلا

*----------*----------*----------*

بقى خالــد والــزمــن سجـل صَــوّر
غـرف بيده ومــا شرب مــاي النهـر
هالمـواقــف حيّــرت كــل البـــشر
حگـــه لــو ظــل الـــزمـن يتــأملـــه

*----------*----------*----------*

حــگه يحتار الــزمن طــول السنين
جامعـه أنـتي خرجيتي أربــع بنيـن
اتعيـنو أنصــار مــن دون الحــسين
أستـاذه أنتــي والگـمر بيــچ اعتــله

*----------*----------*----------*

الشاعر
موسى البديري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ








كعديه إلى السيده ام البنين عليها السلام


قــدمــت لجــل الامامــه أربع أقمار أبفخر
جامعــه لكــل الكـــرامه والنعــم يمْ الگمر
قبله صــــارت للوفه
عــن يقيــن ومعرفه
والنعــم يمْ الگمر والنعــم يمْ الگمر

*

أحنــه بسم الله... نبـدي لو قــرينه الفاتحـه
ابسملــه نبــدي حچينه بالجــليله الصــالحه
نعجز أنوصف قــدرها صعبه والله أنوضحه

قــران صــارت للوفه وشلون نشرح هالصفه
بيها الفخر كله اكتفه نخلي نقطــه وشــارحه

القدمت أربــع ولــدها وتنعه الحسين ابدمع
يا مجد يوصل مجدها شعله من الطف تشع
حيره اذكــــر يا صفه
عــن يقيــن ومعــرفه

*

مــن سأل حيدر أخيه أنتـي چانــت غايته
يا عقيل اخطبلي حــره حيل صعبه طلبته
والنعم من حــره جابــت گمر يرفـــع رايته

چــان الله مختـارچ اله لسر نقطة البل بسمله
حتى الطفوف أيكملــه بالگمــر والله ويمنتـه

بالگمــر طف الكــرامه بالمــواقف يكتمــل
والچفوف أتظل علامـه توگع وترفض تذل
الله كـــرم مــــوقفــه
عــن يقيــن ومعرفـه

*

عن مواقفها انتحدث عن خلقها وعن وعيها
منين ما نبدي طلاسم حگنه مــن نحتار بيها
يا مــره لضرتها تهدي كل عمرها وكل بنيها

بحگ الامامـه عالمه قسـم تگـول بفاطمه
مو مرت أبو..؟ لا خادمه خدمة الزهره اشتريها

هـــذا تــاريخ العواصم تابعه انته وراجعه
حگها تحتــار العوالم والله بأم الاربعـه
والـوفه بيهــا اكتفــه
عــن يقين ومعــرفـه

*

يا نبـع صافي بحليبـچ منـه غذيتــي أربعـه
للوفه صــارو علامه وأنتي صرتي الجامعه
والله يم عبـاس حگها تحيــر بيـچ الواسعه

مــوسى النبي أمه تحن من اجله كاتلها الحزن
ولحسين روحچ ظل تون احا يعظم الفاجعــه

موسى رد لأمه واجــاها وأمه لعيـــونه تصدْ
وانتي رد ناعي المصيبه ينعه فگد اربع ولد
فدوه لأبن المصطفى
عــن يقيــن ومعرفـه

*

القدمت أربــع ولــدها اتگطعــوا بالغاضريه
بس يـرد حسين سالم فــدوه لولاد الزچيـه
الله كرمها بكرامه والله تگضي الحاجه هيه

الي گصدهــا أبدمعته والها بعسر مد يمنته
بأمر الله تقضي حاجته ونعــم والله من الابيه

الله بالطــف شنطـاها القدمت اربــع ولــد
ما يخيب الي دعاها تسـره بالحاجه يرد
والمرض بيهــا شفـــه
عــن يقيــن ومعــرفه

*

الشاعر
موسى البديري
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ







الباطل عماهه = خلافك يمختار
خانت وصيتك = داست ثنيتك
الباطل عماهه = خلافك يمختار
------------------
طه يا اصل الوجود ومن ضيائك تم ضيائه
مصدرك نور الجليل وشعشع بارضه وسمائه
والذي ميشوف ضيّك شيبصر بدنية بلائه
يمشي بدروب المظِلْمه ومنّه مفروضه البرائه
هالنور سره بمصدره --- ويبقه امتداده بحيدره
بنور الزجيه الطاهره --- الاوجب الباري ولائه
نورك يطه = بآلك الاطهار
بحبك نشوفه = وناس التعوفه
الباطل عماهه = خلافك يمختار
-------------------
كمّلت دورك الاقدس بتضحياتك وبجهادك
الامّه من جهل وضلاله انقذتها بجف قيادك
وكلها تدري الناس انت رحمه الها الباري رادك
وثبتت درب الهدايه وصار علعتره اعتمادك
وبالعتره وصيّت وكلت = وتسمع الامه اتأملت
وامرك لربك سلّمت = من اعرفت ميتم مرادك
عارف مُناهه = دنياهه تختار
ولا ماتوافي = وتظهر مخافي
الباطل عماهه = خلافك يمختار
------------------------
خالفت هالكَوم امرك وامرك من الباري صادر
واظهرَت كل حقد عدها وبالنفاق اضحت تجاهر
كَلوبهم ظلمه وضيائك رفضته وجانت تكابر
تبعتك لاجل المطامع بوحي منبليس واوامر
الاظلم كًلب مايقتنع --- طبعه النفاق بكل وضع
بأذنه وقر ما يستمع -- لو حجه السانك الطاهر
ابليس الحواهه = وصارتله انصار
باض ابصدرهه = وأظلم بصرهه
الباطل عماهه = خلافك يمختار
--------------------
نكرت افضالك وخيرك يبو الزهره بلا مروّه
تنطّرت موعد رحيلك تنقلب علدين كَوه
بكل صلافه بلا حياء تجمّعت تقتحم عِنوه
دارك ونيران شعلت بيد جم واحد ميسوه
تهدد وصيك وتعرف -- بحبل الوصيه منجتف
امّنت من سيفه الحتف -- وبالصبر وصيته سلوه
ضاكَت سماهه = بناظر الكرار
وكَوم المدينه = جتفت يمينه
الباطل عماهه = خلافك يمختار
----------------------
البعض يتصور الموقف صدفه صار وكمل غفله
ولليفك عقله ويفكر بالاحداث يرشده عقله
يلكَه هالاحداث خطّه مرتّبه ولاموش سهله
بيها مشتركه قبائل موفقط اشخاص قلّه
متآمره ومتحالفه -- موقعه الصحيفه وحالفه
نَص الغدير تخالفه -- وعِد حذيفه القيد كلّه
لا ما خفاهه = تاريخ الاخبار
وكَبل السقيفه = مرتبه الخليفه
الباطل عماهه = خلافك يمختار
---------------------
شمسرع الوادم البيها خِلّه بالدين الطمعها
تركض على الدنيه جنها خالده ايغرهه جشعها
وتعمه عن نور الهدايه ذياب بس همها شبعها
تِعِرف الحكَ بس تخالف وعزّة آثام بطبعها
وتصبِح شيمها بس غدر--والكرسي عدها اعظم نصر
يادين يا موقف حشر -- الكَوم غايتهه نفعها
وتسفك دماهه = وتذبح بالاحرار
ارتدّت عَصيّه = وللجاهليه
الباطل عماهه = خلافك يمختار
------------------------
واجت فرضت امر واقع على آل طه واهل بيته
بمجمع الاجلاف كَصدت بلا خجل داست ثنيته
ودفعت الباب اليطرقه جان جبريل بمعيته
والجره بهاليوم والله يبجي الاملاك برزيته
والزهره بت سيد البشر
مرعوبه حست بالخطر
ومنها الضلع ويلي انكسر
وضلت ابونّتها لمّن ....راحت لربها الحزينه
----------------------------
قاسم آل واعي الرميثي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






((رجز لكرم ام البنين))


امي ماچانت تلوليلي من أنام
وعلى أگماطي أتغمض عيون الضحه
امي چانت تنتخي بـ ام البنين
حتى أنامن امي تقرا الفاتحه


وبذرةّ الحب كبرت بهذا الزمان
ولازم الفلاح يهتم بالزرع
عندي حاجه بس أگول ام البنين
للمجالس رايد من إيدچ دمع


ياضمير العاطفه وباب العطاء
ماسمعنه أبيوم ردت مسئله
انتي يامولاتي تدرين أشأريد
رايد الخدمه وزيارةّ كربله


سولفولي بالوفه يوم الزواج
گبل لاتدخل البيت الموزمه
طلب عندي ياعلي تناديلي اريد
خادمه تناديلي لا مو فاطمه


وعاشت بفَيّ الخدر ام الحنان
وياكرمها الماترد مره السؤال
مره واحد ميت ومدلها إيد
رد عدل لمن سمع چلمةّ تعال


بت حُزام اتحزمت للخدمه حيل
وشدت بضهر الحسين أربع حزم
گامت اتوصيهم بيوم الوداع
خلي عدكم بس الحسين المهم


يمه جعفر صير ساتر للنياگ
بالك أمن العين وتصد الخدر
أنصب الخيمه يبعد أمك اريد
ودوم صير أمقصر ودوم أعتذر


عون يبني يا صگر آل مناف
ما أريد بكربله إيمرك وسن
هيه غربه ومضلمه مابيها أمان
يمه بس أعيون ابو اليمه وطن


يمه ياعبدالله شم بصدر أخوك
يمه ماريدك تشم هذا الهوى
اوگف اباب الخيم يبن الكرام
لاتأمن دوم يمه بنينوى


هايبن شايل الدنيا أعله الچتوف
انته ابو فاضل يليث القسوره
زم على الفرسان بثنين الچفوف
يمه راويهم حساب الآخره


عبد زينب
محمد الابراهيمي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ





فلـسفة الانتـظار  .. للغايب باختصار
اترجمها ام البنين
اترجمها ام البنين
-------

كــلمن منــتظــر غـــايــب .. وگلبه امن الوله جمره
بغمار الحب وجوب ايخوض .. وفلسفة الوفه يقره
امـــن ام عبـــاس اتــعلـم .. يمــن للمــهدي منتظره
عــلى غايـــبها مــن تبچي .. دمــعتها تهـــل حــمره
 
ودمــوع الانكسار .. للغايب باختصار
اترجمها ام البنين
اترجمها ام البنين
-------

يامن ناطــر الغايـب  .. وحچي اسمعونك بكل يوم
تره ام الاربـعه قبلــك .. مـــن الــنـاس شبــعت لوم
المامذبوحلـه ابـن ادم .. ايســـولف حـقـه ماملچوم
والرايحله ابو اليــمـــه .. عــاديـــه يطـلــگ الـــنوم
 
والحدر اعيونه نار .. للغايب باختصار
اترجمها ام البنين

-------

عـــالــم فلــسفة حــبها .. يـــامـــن رايـــد اتــدرسه
ابحب ام البنين ابحث .. اخــذه وطبــقـــه بـــنفسه
اساس المعرفه القصوى .. الوفـــاء وكـــون مـاتنسه
الامامك شوگك امن ايقل.. امن الطف صدرك اترسه
 
اشواگك مهما صار .. للغايب باختصار
اترجمها ام البنين
اترجمها ام البنين

------

راح الـكــــربلـه وراحــت .. كــل ايامهــا الحلوه
وكل مانسمه مـن الطـــف .. تمـر بالطاهره تهوه
اعــــز مانمتـــلك احـــنه .. تعـلـــمنه الـــه فدوه
ابلايه انفاس ابو صالح  .. كلشي الدنيا ماتسوه
 
ومن انگول البذار .. للغايب باختصار
اترجمها ام البنين
اترجمها ام البنين
-----

خل اعيونك اتسولف .. والدمــعات بــديها
هوه الفارگ احبابــه .. روحه اتضل تواليها
يمن للمهدي تشتاگه .. ام عـــباس حـاچيها
گلها ابداعة اعيونچ .. جمرتي بيش اطفيها
 
الدمعه ليل ونهار .. للغايب باختصار
اترجمها ام البنين
اترجمها ام البنين
-----

المثل ام البنين ايعيش .. ينطــر غايبــه اعوام
شــما رادو يــحاچـونه .. تره المشـتاگ ماينلام
هــوه المــنذبح شوگه .. متفزز اجروحه اسهام
اليدور ماي حتى ايعيش .. يمشي مستعد ايام
 
والاحزانه جهار .. للغايب باختصار
اترجمها ام البنين
-------
حيدر تركي الكربلائي
 
 



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ






گعده لــ ام البنين

(لــن تَــنالوا البِــرَ حــتى تُنــفِقـوا ممــا تُحِـــبون)
وانه اعز ماعندي ولدي وفدوه الك يانور العيون
اويه اللبن من رضعتهم
عالتـــفـــاني علــمـــتهم
(لن تَنالو البِرَ حتى تُنفِقوا مما تُحِبون)

--------------------

بسم دمع اعـيوني ابدي واحچي عمَا صار بيه
الكــبرتهـم بــالمــتاعـــب والمــصاعب والاذيه
محــلل ومُــهوب بيهــم كون بس ترضى عليه

اي وحق جفني ومدمـعه .. اعرف قليل الاربعه
يـــرادلــــك للمـــشرعـــه .. اخـوه للــعباس ميه

عَشره من يرحون منهم هم يضل وياك تسعين
حتـى ماينكـسر ظهرك عالشـريعه يـمه يحسين

لون عندي جندتهم
وعالـتفاني علـمتهم
(لن تَنالو البِرَ حتى تُنفِقوا مما تُحِبون)

------------

(اتقــوا الـــنارَ بــشقِ )تمــره وانــه هـــواي عندي
ولــذلك مــو بتــمــره جــاي اتــصــدق ابـــولــدي
انچان تحسبهم شويه ويـاهم انه احسبني جندي

ابعامود اهد وموعجب .. بالمعركه مثل ام وهب
لاموعجب بس العجب .. شحچـي للزهره بلحدي

من تگلي وين اديچ وايدي كلشي ماكو بيهه
شراح اگلها يبو اليـمه وزينـب مچوايه اديهه

إي وحق الي خذتهم
عالتــفاني علمــــتهم
(لن تَنالو البِرَ حتى تُنفِقوا مما تُحِبون)

--------------

امن ازرعت بذره محبتك خضر العباس ياسك
وگتله انفاسك حسين تمـوت انته ابلا انفاسك
تاج راسك ابو اليمــه وغــيره ماكو تاج راسك

ربيته هـيچ امن الزغر .. وشــربته خــدر ام الخــدر
بشيلتهه گمطته شكثر .. حتى يعرف شنو حساسك

علي چان ايصيح بسمه الكربلائي الكربلائي
وانه ماگــله ابو فاضل چــنت اگله يالفدائي

بهالــطريقه هيئتهم
عالتــفاني علمــتهم
(لن تَنالو البِرَ حتى تُنفِقوا مما تُحِبون)

-------

وداعتــك يا ابو اليمه باچر امــن ايصير عاشر
ومايضل عندك صـديج ومايضل عندك مناصر
اربعتــهم تحت امــرك ولدي ســـويهـم گـناطر

بــس المهــم تــرجع الي .. يابو عــلي يابــو عـــلي
من تبطي تدريني ابتلي .. وابقـه مكسورة الخاطر

الدنيه ريح وريح صرصر وانتَ تـدري چني ريشه
العيشه عــگبك مستــحيله وراح ماسمــيها عيشه

واسأل اولادي اربــعتهم
عــالتــــفــاني علمـــتهم
(لن تَنالو البِرَ حتى تُنفِقوا مما تُحِبون)

----------

مــن احــط بكفه ولــدي سيدي وحــبك بـكفه
حـبي يرجع عـلى اولادي مــن كـثر مابيه لهفه
اليوم حالي حال واحد عنده ميت وعنده زفه

كودن نطيت اربع ولد .. وچـي رايح انتهَ وماترد
دلالـي احــسه منمــرد .. ويبــني من هــسه توفه

ان شاء الله ترجعلي انتَ والولد لامومهمين
ولوتــرد سالم ييــمه بعــد شــتريد ام البنين

فدوه الك من قدمتهم
عالــــتفــاني علمتـــهم
لن تَنالو البِرَ حتى تُنفِقوا مما تُحِبون
--------------
حيدر تركي الكربلائي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_وفاة_ام_البنين_ع_

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴🏴
ــــــــــــــــــــــــــــــــــــــــــــــــــــــــ





نزلة ليلة ام البنين
.
.
.

 
 
يــم البنــين اتـــدللي    غير الحسين ماكو والي
 
***
 
أمنه اوصــيتچ واجــبه بــس لاتوصـــينه
مــو اخوه لا احنه خــدم لحــسين تدرينه
نــيران غيــره ومــن نــشب محد يطفينه
ويم خيم زينب ننطفي بنفاس ابو سكينه
 
عدنه اليقين ابن علي    غير الحسين ماكو ولي
 
***
 
باجر اذا گال الشمــر ولد اختي مامونه
وداعـة حليبچ والربه نفــگسهن اعيونه
لايبقى گلبچ بي وجـل كلمتنه مضمونه
الدنيـــا نزعـلـــها اذا الغــالي يــزعلونه
 
حب الحنين حب ازلي   غير الحسين ماكو ولي
 
***
 
احچـايه نطيناچ وعــهد نبـقه اعله الحچايه
باجر گصــص تعله وگصــص نسحگها بالرايه
سـيل احــنه والسبعــين الف بالســيل كشايه
صــح اربعـــه بس العده يشــوفونه اهـــوايه
 
صوت الليوث من يعتلي     غير الحسين ماكو ولي
 
***
 
يم البنـــين اتطــمني زينـــب نــباريها
بعــيــونه مـــو بالخيــم احنه نخلــيها
بطاريها فن واحد يمر ويجيب طاريها
ساعة قــيامة وداعتـچ بالطف نسويها
 
حصن الحصين بالطف جلي    غير الحسين ماكو ولي
 
***
 
عباس اذا هز صارمه وعثـمان اذا زمجر
وجــه الجمع في كــربلا مـعــناتها اتــغير
عبد الله يا ام الوفـه ايگــر عينچ وجعفر
باچر يأمنــه هالرگـــب ترخص لبو الاكبر
 
وهذا الحچي ابلا جدلي       غير الحسين ماكو ولي
 
***
 
والينه ابو اليمه وبـعد منوالي أي والي
والمايوالي ابن النبي يضل دائـمن تالي
الرايد علــو شــانه وجوبـاً يتبــع العالي
الماعنده غالـي ابدنـيته مايعــتبر غالي
 
وللعنده دين گلنه بلي     غير الحسين ماكو ولي
 
***
 
غير الحسين وعترته منــــشوف أي واحد
الشاهد علينه ام الخـدر والنــهر هم شاهد
الأخــر رمــق بالمعـــركه لحســينه انجاهد
ابشيـلتـچ وبشيبـــاتـچ وبالمعصب انعاهد
 
متــمسكين بالأولي       غير الحسين ماكو ولي
***
حيدر تركي الكربلائي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA