#قصائد_محرم الحرام ع
باجر من يطيح حسين    وين حسين دليني

——————————




#قصائد_محرم


بينك وبين العطش عبدالله موت
من الخيم حد النهر ذابحني صوت
ضامي ..يبني بشحت الماي
صحره.. وبالطف مامش افياي
وانه اشبيدي ..على موتك .. انه اشبيدي
**
من الخيم جبتك تنازع وبالعطش كلبك تفطر
صحت ماي بعالي صوتي بس صداي التارس البر
ماكو كطره الهيمه صاحت وعله نحرك سهمه اشر
غافي وجرحك بكبرك .. وحك نحرك.. خلص كل عمري
عطش ويفطر بثغرك .. وبصبرك .. يبني من صبري
من عمر الورد عمرك .. وبكبرك .. نايم بصدري
الفرق بيناتكم مثل السمه
انت غيمة ماي بس شابع ضمه
نايم ..وكلبك شابع ونين
جرحك .. فطر كلب الحسين
وانه اشبيدي ..على موتك .. انه اشبيدي
**
سهم نحرك اخذ روحي يبني احسنه ذبحني
ردت المكسور خاطر راح اردنه بويه محني
سهم المثلث ذبحني لا الف مره جرحني
بيه جرحك اسوه ..تتلوه ..شلتك بديه
منهم راحت النخوه ..والتكوه ..صارت عليه
مني رايح اليسوه ..بس فدوه ..الرب البريه
قدمت قربان دمك للعرش
وبالسمه يوليدي نحرك ينقش
راسك ..راسك فوك الارماح
دمك .. فوك الارض ماطاح
وانه اشبيدي ..على موتك .. انه اشبيدي
**




بين اديه وصوت حزني منذبح للخيمه جبتك
شلون احضنك بعد روحي والسهم حاضن ركبتك
شيلت الفاكد خليله يبني بين عيوني شلتك
كاسر كلبي يوليدي ..وابأيدي ..يتبده دمك
شوفت وجنتك عيدي ..بوريدي ..يوليدي اضمك
صحت يادنيه شتريدي ..مواعيدي ..بالطف اشمك
بين لجمه ولجمه مكسور الضهر
اشعنده وي حسين من ثار النهر
بسكوت .. ونك حيل بسكوت
والموت ..شله بعمرك الموت
وانه اشبيدي ..على موتك .. انه اشبيدي
**





ضاك صدري وخلص عمري من خذاك الموت مني
احس حافر بصدري ساحك ومدري بضلوعي اشلجمني
الماي بالطف صار شده مارحم بيك ورحمني
موتك مارحم بيه .. مكضيه ..يوليد شده
النهر عطش سواجيه ..ليليه ..حلمي شيرده
مامش كطرة اميه ..وعليه .. ماي وتبده
منين اجاك الماي نزلت دمعتك
خذت روحي يالولد وي روحتك
ملجوم ..اكضي اسنين ملجوم
مالوم ..وابقه بجرح مالوم
وانه اشبيدي ..على موتك .. انه اشبيدي
**






هيه ساعه وكلنه نخلص  وكلمن يفارك حياته
الصعبه بويه بهيمة الطف الابو يودع بناته
لاكو خيمه وبالبراري هذا حال امدللاته
تهيم بهيمة الصحره ..عالجمره ..تسحك رقيه
وتبقه زينب الحره.. منكسره .. الخاطر عليه
كسرها محد يجبر ..الكبره ..راحت سبيه
آه يجرح المابرد من السحك
الحافر عله ضلوعي يطبكهن طبك
ينداس ..صدري شلون ينداس
عباس ..وانه عضيدي عباس
وانه اشبيدي ..على موتك .. انه اشبيدي
**
تمت
#احمد #الخفاجي

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy