#قصائد_الامام_علي_ع_


🥀.     الله وياك يالشايل للكبور
بوية نوادعك وكلوبنة تفور
😭😭😭😭😭😭😭😭😭
.

                       
4



☘قصيده للامام علي ع ☘

حيدريه // نهاية مجلس

اه ياسيف المرادي
شلون طبره طبرته
صوّب الهادي امامي
ونزف دم من هامته

علي.....ياعلي

نزل عل عين وعماهه
والوجه لونه انخطف
حار من راسه يتگاطر
ساح عل خد الترف
خضب لحيته الكريمه
سال احمر مايجف ٢
كام ميشوف الدرب
انعي وابچی یلمحب
ادعي علملعون گول
انشلت ايده الضربته....
اه ياسيف المرادي
شلون طبره طبرته

علي.....ياعلي

راد يتوچه وتدنه
على المنبر ماكدر
طاح ياويلي امامي
شلون وبوكت السحر
اتمدد اعله الگاع نام
وراسه نصين انطبر ٢
التربه شربت من دماه
صاح جبريل بسماه
انهدم ياركن الديانه
المَلَك فز من صيحته....
اه ياسيف المرادي
شلون طبره طبرته

علي.....ياعلي

ماذكر من جان حيدر
يطعمه الخبز وحليب
مايفرقه عن اولاده
ولايحسبه فد غريب
ليش تغدر بالوفالك
انت شو امرك عجيب ٢
يلمرادي شگد جبح
ابد ماغزر ملح
اظلمت الدنيه وهواهه
اختنگت ومارادته....
اه ياسيف المرادي
شلون طبره طبرته

علي.....ياعلي

شاعت اعلوم الامام
الدنيه صارت ضغبره
عافنه وحمّل الوالي
وشال ابونه حيدره
من بعد ينشد علينه
سكن ارض المگبره ٢
اه ياحيدر علي
ياولي ونعم الولي
راح ابوالحمله الشجاع
واخذ كلشي بروحته....
اه ياسيف المرادي
شلون طبره طبرته

علي.....ياعلي

شيعوه احبابه كلهم
بالصياح وبالنياح
كل محب ينعاه بحرگه
والگلب مملي جراح
لبسو هدوم السواد
عليهم وصاير وشاح
صرنه منبعده بضياع
منهو يرعاهه الجياع
حامل النور ورسالة
دين الله بجبهته....
اه ياسيف المرادي
شلون طبره طبرته

علي.....ياعلي



✍ بقلم شاعرة اهل البيت عليهم السلام
       ☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه

مؤسسة منبريات للقصائد النسائيه😭😭
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————





استشهاد الامام الصادق.ع.

المهدي ناصب فاتحه برض البقيع
أيصيح يالمسموم ثارك مايضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
المهدي ناصب فاتحة ويبچي أبدمه
أوبچّة أرض الله أو ملائكة السمه
وحاضره اليلة أبعزائه فاطمه
تلطم أعلة الراس والمنظر فضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تلطم أعلة الراس وتهيل الدمع
على الصادق حيل ألّمها الوضع
أمصابه نسّاهة ألمها والضلع
تذكرت چبد الحسن بالسم گطيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تذكرت چبد الحسن هيچ أنفطر
أتصيح يومية أوفجعني آنه الدهر
بچّت أملاك السمه أوكلمن حضر
أوصار نوح أونايحة وچادر وسيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صار نوح أونايحة أو حسره أوألم
وابو صلاح مودمع ضل يبچي دم
لأن طود الدين والسور أنهدم
طاح سور الدين والسد المنيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طاح سور الدين مسموم أبغدر
خلصّه بالظيم كل ذاك العمر
حيل مكلف صار عالشيعة الأمر
صادق أهل البيت مسموم أوصريع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
صادق أهل البيت وافاه الأجل
والهواشم حضرته بالمغتسل
الهظمه بس حسين وحده أبلا أهل
آل أمية مابقو حتى الرضيع
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي
———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




لبيك ياحسين عميمر للبقيع  (((  أحنه الخدم  )))

………………………………………………………………

احنه الخدم •• نقسم قسم
برض النبي  ••  نرفع علم
چم موكب الشيّدناه •• نبني البقيع ابـ ساعه

………………………………………………………………

احنه الملينه العالم اعزوبيه
ارض العراق وللكرم مضويه
وبكل متر تطلعلك حسينيه
ابراحة عشگ موش ابتعب مبنيه

نوصل غداً  ••  يم الحسن
ازنود السمر •• تبني الصحن
وين ابن تيميه انصيح ••  وين الاقزام اتباعه

……………………………………………………………

عونة بناء و للبقيع انهاجر
ركضة طوريج بعزاء العاشر
اهل المواكب بالخدامه انفاخر
نبنيها ما نصبر تظل الباجر

عيب وفشل •• طال الامل
ابطبگة جفن •• ننهي العمل
انصيح احنه ولد الزهراء •• ضنوة علي واشياعه

………………………………………………………………

دمعة عشك تجري الاساس اتحفره
كل خادم ويشلع گلب من صدره
انجمعن و بيهن بناء انعمره
الحايط يظل ينبض ابحب الزهره

انصيغ الرگب •• فضه و ذهب
أگلادة عشگ  ••  لربع گبب
انمد الخدم زوليات •• انصير احنه فرشه الگاعه

……………………………………………………………

مثل الثريه انطب عليهم نرعد 
جوگات ( ياثار البقيع ) انردد
شلة سعود امن المواكب تشرد
نلطم و جوانه البقيع ايورّد

صوته ايعلي •• انتم هلي
ميت هله   •• ابشيعه علي
يااهل يثرب ما مات •• حسين وهذوله اسباعه

……………………………………………………………

وبكربلا ماي الحسين انقدمه
وهناك كهوه بحب كريم اليمه
وادعيه انوزع من عليل الامه
عالوادم الباقر نثوّب علمه

مثل البرق  •• نلمع خُلق
جعفر رسم •• بينه الصدق
بالفعل مو بالكلمات •• جعفر نشيل اطباعه

………………………………………………………………

ام البنين و يمها ننصب منبر
ننعه اعل ابنها حسين جسمه توذر
بسحگ الحوافر عالتراب اطشّر
وزينب تشاگف من سياط العسكر

يم الوفه   ••  ابنج صفه
ابلا ناظره •• ومايه انچفه
وحضّروا لسكينه احبال  •• من اگطعوها اذراعه
………………………………………………………………
✍️ ( سيد خضر الزاملي )

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




قصيده ثكيله لاستشهاد الصادق عليه السلام

اجينه /اعتنينه/العزائك والمصاب
يصادق الايمه /الدمع من دم خضاب

💧💧💧💧💧💧💧

جينه وتعنينه لعزائك
يالصادق ونبجي المصابك
ضلت ابحيره يطلابك
والحوزه تنعى على غيابك

يمظلوم يمحروم لا حضره بس تراب
اجينه /اعتنينه/الدمع من دم خضاب
💧💧💧💧💧💧
وليش الزمان ايعادي الاطياب
صادق الايمه بكلبه ينصاب
سم وقتل كضوها وارهاب
ولدج يزهره والدهر عاب

يضدهم/دهرهم/بده بسيد الشباب
اجينه /اعتنينه /العزائك والمصاب

💧💧💧💧💧💧

فاطمه تحضرنه وتجينينه
كل يوم مصيوبه الحنينه
كاسر ضلعها البي ضغينه
محنيه وتكول اشجنينه

شجنينه/يدنيه/تعادينه بعذاب
اجينه اعتنينه العزائك والمصاب
💧💧💧💧💧💧

يحضر المهدي ويبني الكبور
ويداوي كلب الزهره مكسور
ويأخذ بثار الذاكه منحور
وتحضر اهناك الشيعه وتزور

دعجل ياربي الظهور الكلب ذاب
اجينه اعتنينه العزائك والمصاب

💧💧💧💧💧💧💧

✍🏻ام زهراء أسألكم الدعاء


🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




#الفزاعيه_بديوان_بحر_الولاء_الجزء_٨_.


فزاعيه للأمام الصادق عليه السلام


الصادق يون امنلألم
والسم مرد دلاله
❥━──➸➽❥💔❥━──➸➽❥💔
ممدود بفراش الاجل
مسموم والمدمع همل
والجسد من عنده نحل
او يفجع الصادق حاله
❥━──➸➽❥💔❥━──➸➽❥💔
ملتمه يمه احبابه
تبجي عليه طلابه
بيت العلم سد بابه
واتنوح يمه ارجاله
❥━──➸➽❥💔❥━──➸➽❥💔
اهل العلم يردونه
اتعنو ليه ايسئلونه
خافنهم ايفكدونه
وادموعهم هماله
❥━──➸➽❥💔❥━──➸➽❥💔
مسموم ناحل حيله
التمت عليه العيله
وابنه بكه ايتجيله
وامغيرات احواله
❥━──➸➽❥💔❥━──➸➽❥💔
سمه صعد لفاده
وامدد اعله اوساده
ناحت عليه الساده
شايل او عاف اعياله
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




#الطميه_بديوان_بحر_الولاء_الجزء_٨_.


لطميه للأمام الصادق عليه السلام


مرتجى المدينه شال واليهه
امام الجعفريه ما يرد ليهه
❥━──➸➽❥💔❥━──➸➽❥💔
امام الجعفريه شال من داره
سد المدرسه وانكطعت اخباره
اليوم الجعفريه اتنوح محتاره
طيبه ارتجت اليوم ابضواحيهه
❥━──➸➽❥💔❥━──➸➽❥💔
مرتجى المدينه او تبجي ارجاله
امام الجعفريه تفجع احواله
السم سار ابدليله او مرد دلاله
الصادق شال لا ما يرجع عليهه
❥━──➸➽❥💔❥━──➸➽❥💔
مرتجى المدينه اليوم علمسموم
كل حره اطلعت تبجي ابدمع مسجوم
اتدك علراس كلهه اهل المدينه اليوم
شال الصادق او شيعته امخليهه
❥━──➸➽❥💔❥━──➸➽❥💔
صوب ارض البقيع الصادق اتعنه
مسموم انجتل وانكطعت الونه
امام الجعفريه ما يرد النه
الشيعه اتنوح والدمعات تجريهه
❥━──➸➽❥💔❥━──➸➽❥💔
امام الجعفريه شايل ابليله
السم مرد دليله وانهدم حيله
شايل للبقيع او عايف العيله
اليوم المدرسه حزنت الراعيهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————





#الفزاعيه_بديوان_بحر_الولاء_الجزء_٨_.


فزاعيه للأمام الصادق عليه السلام


كل حره اطلعت هليوم
علصادق تجر ونه
❥━──➸➽❥💔❥━──➸➽❥💔
كل حره تدك علراس
مكلوبه كلاب الناس
الدين انهدم من الساس
حزنان اعله الامجنه
❥━──➸➽❥💔❥━──➸➽❥💔
مكلوبه المدينه اعليه
حزنانه بكت تنعيه
واهل الدين تندب بيه
يا وسفه رحل منه
❥━──➸➽❥💔❥━──➸➽❥💔
طلعت يلتعازي اليوم
شال الصادق المسموم
اشمعظم قصته المظلوم
ما ضنه يرد النه
❥━──➸➽❥💔❥━──➸➽❥💔
اشمعظم قصته اعلينه
شال اليوم والينه
امصابه حيل حس بينه
الامألمه امألمنه
❥━──➸➽❥💔❥━──➸➽❥💔
الشيعه اليوم يردونه
مو هين يفكدونه
بلسم غمض اعيونه
مولانه بعد عنه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله ع
———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————





مجلس نعي لاستشهاد الامام الصادق
(عليه السلام)
⊰᯽⊱┈──╌❊╌──┈⊰᯽⊱
كان عمر الامام الصادق خمساً وخمسين سنة ويقال كان عمره خمسين سنة وقيل لأن أبي جعفر المنصور لعنه الله لما لم يتمكن من قتله في بغداد أرسله إلى المدينة وبعث من خلفه سماً قتالاً إلى والي المدينة وأمره بأن يعطيه السم ويسقيه فأخذ الوالي عنباً رازقياً وغمس السلك في السم ثم جذبه في العنب حتى صار مسموماً وسم الإمام روحي له الفدا بذلك العنب المسموم ومرض مرضاً شديداً ووقع في فراشه.
وتشهد الشهادتين وعرق جبينهُ واصفر وجهه
وغمض العينين واسبل اليدين
وفارقت روحهُ الطاهرة الحياة
رحم الله من ناداااه
وا امامااااه وامسمومااااه واصادقااااه
⊰᯽⊱┈──╌❊╌──┈⊰᯽⊱
(نعي شعبي)
ودوله ســـم بيد الملاعين
اتسمم وصار الجبد نصين
وجعان حيل ابن الميامين

تمرض يويلي وحيل مالوم
ومن الوجــع مايكدر ايكوم
بيـــدت حيله ذيـج السموم

الله اكبـــــر يـــاخلگ ليش
ملـــوع ولينه ايامه ايعيش
انداويــــه يا مولانه ابيش

سبــــل اديه بالكاع ممدود
ومنـــه الجبد ويلاه ممرود
راح الامـــــام ولينه ميعود

ســـــد الامـــام اليــوم بابه
عــــاف الاهل عايف احبابه
ولفكـــده ضل ينحب كتابه
⊰᯽⊱┈──╌❊╌──┈⊰᯽⊱
ماذا حال مولانه الامام الكاظم عليه السلام
في فقد ابيه الامام الصادق ساعد ﷲ قلبه

(نعي شعبي)
الكاظم يون مكسور ضهره
شلون الولي ينزله ابـــكبره
وابهل فجيعه الله اليصبره

ذب العمامه وحيل حزنان
بالغالي ماشي اليوم دفان
والــــــده ايدفنه بالتربان

حطه ابكبره وسال الدموع
گــــلبه علـه والده موجوع
فجعه الامام اليوم مفجوع

فاكــــــد ابـــــو الله يعينه
مكســــــــور ويجر ابونينه
فلت عشرته وذيجه سنينه

"كل البچي لمصيبة حسين"

الف لا حول ولاقوة الابالله العلي العظيم
وسيعلم الذين ضلمو محمد وآل محمد
اي منقلبا ينقلبون والعاقبه للمتقين
⊰᯽⊱┈──╌❊╌──┈⊰᯽⊱
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صـــاحبة ديـــوان 📓 [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينس
———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




قصيده شور لاستشهاد الامام الصادق"؏"
مواساة للسيده الزهراء "؏"
┈┉━❀❥❃❥❀━┅┄ ┈┉━❀❥❃❥❀━┅┄
عالراس عالراس /عالراس تلطم فاطـمه
عـــالراس عالراس/ للي جــبدته مسممه
┈┉━❀❥❃❥❀━┅┄ ┈┉━❀❥❃❥❀━┅┄
اليوم تنـــحب فاطمه بصوت الحزين
للامـــــام اتنــــــوح وتـــجر الونـــين
بالعنــــــب سمـــمه المنصور اللعيـــن
سمــــوه سمــــوه/ سموه ابـــن العالمه
عالراس عالراس /عالراس تلطم فاطمه
┈┉━❀❥❃❥❀━┅┄ ┈┉━❀❥❃❥❀━┅┄
تگطــــــعت بــــــالسم يويلي جبدته
وامـــــــه الزهـــــــره جته حـــضرته
لطمــــــت اعـــــله الراس لمن شافته
وتنـــوح وتنوح /وتنـــوح وياها السمه
عالراس عالراس/ عالراس تلطم فاطمه
┈┉━❀❥❃❥❀━┅┄ ┈┉━❀❥❃❥❀━┅┄
تكـــــول فــــــاطم انــــه ام ملـوعــه
شفت ابنـــــي يلوب جـبده امگــطعه
يصيـــــح يايـــــمه واذنــي تســمعه
ايلوب ايلـــــوب/ ايلوب روحه امالـمه
عالراس عالراس/ عالراس تلطم فاطمه
┈┉━❀❥❃❥❀━┅┄ ┈┉━❀❥❃❥❀━┅┄
تلطـــــم اعـــله الراس تلطم عالصدر
تصيح ياهـــــل ناس گلبـــــي منفطر
گـــــــــلبي للصـــادق ترى صاير جمر
مالــــوم مالـوم/ مــالوم وينــزف دمه
عالراس عالراس/ عالراس تلطم فاطمه
┈┉━❀❥❃❥❀━┅┄ ┈┉━❀❥❃❥❀━┅┄
عظــــــم الله اجرج يزهره ابهل مصاب
گضـــــو بالســـــم ولــــدج وحز الرگاب
ليــــــج كــــــل ساعه الزمن زيد صواب
تبجيـــن تبجــــين/ تــبجين للصادق دمه
عالراس عـــــالراس/ عالراس تلطم فاطمه
┈┉━❀❥❃❥❀━┅┄ ┈┉━❀❥❃❥❀━┅┄
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صـــاحبة ديـــوان 📓 [شهيدة ﷲ]
لا اجيز حذف الاسم أو التلاعب بالكلام
غير مبري ال

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




قصيده لاستشهاد الامام الصادق "؏"
تقرأ بعدة اطوار: حيدري_نزله_شور

❥ــــــــ☆ــــــــ●ــــــــ☆ــــــــ❥
ابو عبــــد ﷲ سـمـــو جبدته
حيـل وجعان وسكن ابفرشته
❥ــــــــ☆ــــــــ●ــــــــ☆ــــــــ❥
اه واويــــلاه جبــــدته امسممه
تگطــــعت ويلاه وتنــــزف دمه
ومن اثر لسموم روحــــه امالمه
من كـــثر لوجـــع يجــــهر ونته
❥ــــــــ☆ــــــــ●ــــــــ☆ــــــــ❥
الصادق اتمرض ومرضـه شديد
جــــنه ناوي الولي ايسافر بعيد
عسه ايد السـمته ابگطعة الايد
ونـــــار ﷲ الحامــــــيه الصلته
❥ــــــــ☆ــــــــ●ــــــــ☆ــــــــ❥
ســــــكن بفراش المرض مولانه
تلوب روحه امن السم ووجعانه
ربي لعـــــنه السمـــمه وعدوانه
انــــــــتقم من الكفــــر العادته
❥ــــــــ☆ــــــــ●ــــــــ☆ــــــــ❥
عمت عيني اعله الامام وحاله
العنــب مـــــــسموم لمن جاله
ومــــن كلاه ويلي انمرد دلاله
سموم عدوانه ترى حيل اذته
❥ــــــــ☆ــــــــ●ــــــــ☆ــــــــ❥
ساء حاله الـصادق ويرجع وره
وعيــــتله حـــزنانه ليه امكدره
غمـــــــض العينين ابن الطاهره
جمـــــــره تسعر للامام ابموتته
❥ــــــــ☆ــــــــ●ــــــــ☆ــــــــ❥

تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صـــاحبة ديـــوان 📓 [شهيدة ﷲ]
لا اجيز حذف الاسم أو التلاعب بالكلام
غير مبري الذ

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




قصيده مربعه لاستشهاد الامام الصادق
(بيبان العلم)
❥ــــــــ☆ــــــــ●ــــــــ☆ــــــــ❥
بيبان العـــــلم مسدوده هاليوم
راعيهــــا ابـــغدر ويلاه مسموم
❥ــــــــ☆ــــــــ●ــــــــ☆ــــــــ❥
مســـدوده وحزينه شال راعيها
مضلمه وطافيه الصادق مخليها
شـــــايل للــــــكبر لا مايرد ليها
مـــــايرجع بعد ويطـــول النوم
❥ــــــــ☆ــــــــ●ــــــــ☆ــــــــ❥
ابو جف السخي مسدوده بيبانه
وعلـــيه كتبه تون وحيل حزنانه
خالــــي امن الامام اليوم ديوانه
ركـــــن من الديانه صبح مهدوم
❥ــــــــ☆ــــــــ●ــــــــ☆ــــــــ❥
ولـــــده وكــــل هله لجله يونون
حـــــداد الــيوم عالصادق يعلنون
وسفـــــه ابو العلم غمضها العيون
تاركنــــــه الولـــي وعايفنه للدوم
❥ــــــــ☆ــــــــ●ــــــــ☆ــــــــ❥
جـــــادر للولي منـــصوب بالساحه
وبيه لطم وبواجي وصوت النياحه
حـــــزنت شيعــته ماشافت الراحه
تـــــهل لجل الولي هالدمعه ادموم
❥ــــــــ☆ــــــــ●ــــــــ☆ــــــــ❥
بغـــــدر سمو ولينه وغمض العين
شـــال وراح مـــــــن عدنا الحنين
بحـــــر مــــن العلم ومشيد الدين
يفــــتي بشرع الله واحسن اعلوم
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صـــاحبة ديـــوان 📓 [شهيدة ﷲ]
لا اجيز حذف الاسم أو التلاعب بالكلام
غير مب

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————



فزاعيه (محزن شاد انگابه)
للامام الصادق ومواساة للامام الكاظم
✧❖❥✿✧━❖❥✿✧
الكـــاظم للابو مالـــوم
محزن شاد انگابه
✧❖❥✿✧━❖❥✿✧
وسط الفاتحه ينحب
دمعات الفگد يسجب
گلبـــه اليـوم متعذب
احترگ وصـار عطابه
✧❖❥✿✧━❖❥✿✧
شد انــگاب للـــوالي
والدمـــعات اتــلالـي
اه يــــافگدت الغالي
ابد مــــابره اصوابه
✧❖❥✿✧━❖❥✿✧
حزن والروح مالومه
يـافگد الابــو ويومه
عـنــه ضايعه علومه
راح يـــطول اغيابـه
✧❖❥✿✧━❖❥✿✧
يـــــافگد الابــو جتال
سهم ويصيب هالدلال
يألــــم ويعـذب الحال
وصـــعبه ادفنه بترابه
✧❖❥✿✧━❖❥✿✧
الكـــاظم ﷲ ليصبره
البقيه ابروحه وعمره
شــــبت بالگلب جمره
ومنه العــين ســـجابه
✧❖❥✿✧━❖❥✿✧
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صـــاحبة ديـــوان 📓 [شهيدة ﷲ]
لا اجيز حذف الاسم أو التلاعب بالكلام
غير مبر


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




قصيدة فزاعيه (نعشه من تشيلونه)
لتشييع نعش الامام الصادق
✧❖❥✿✧━❖❥✿✧
ابهوســـات ورفع اعلام
نعشه من تشيلونه
✧❖❥✿✧━❖❥✿✧
ابعراضه شيعو المهيوب
بالهوســات سدو ادروب
لجـــل الحيد والـمعروب
شــــهم كلـــكم تعرفونه
✧❖❥✿✧━❖❥✿✧
اعله نعشه خلو العمامه
وهـــــوسو انتو جدامه
ورفعـــو سود الاعـلامه
هــذا الكـــل يهـــــابونه
✧❖❥✿✧━❖❥✿✧
هــــيبه وغيره مولانه
بعراضه شيعو جثمانه
ولطــمو بروح حزنانه
للي انـــــخطف لـونه
✧❖❥✿✧━❖❥✿✧
الصادق ابــــحر اعلوم
حسافه بالجبد مسموم
الطـــمو حيل للمضـلوم
بغــــدر غمضهن اعيونه
✧❖❥✿✧━❖❥✿✧
نعـــــش الحيد المجنه
شيعو وجـــــــرو الونه
الامــــام اليوم فـاركنه
وبالحــسره تــودعونه
✧❖❥✿✧━❖❥✿✧
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صـــاحبة ديـــوان 📓 [شهيدة ﷲ]
لا اجيز حذف الاسم أو التلاعب بالكلام
غير مبري الذم

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————





هوسات الى الامام الصادق
(عليه السلام)
❥ـــــ☆ــــــ●ــــــ☆ـــــ❥
یابحــــر العلم یالمایچف مایه
صادق بالفعـل والگول وحچایه
عله مصیبـتك منصوبه القـرایه
(مــــاذینــه //مولاي امصابك)
❥ـــــ☆ــــــ●ــــــ☆ـــــ❥
هذا انت الفقیه وصاحب اعلوم
وســـــفه بالجبد مولاي مسموم
اجــــینه الیوم نلطملك یمضلوم
(وقـــــرایه//تســــــتاهل ماتم)
❥ـــــ☆ــــــ●ــــــ☆ـــــ❥
تستــــــاهل لـــطم یبن المیامین
حزنانـــــه الك کــــــــل الموالین
سمـــــــوك ابغـدر ذوله الملاعین
(یــــــامولانه //مسمــــوم اتون)
❥ـــــ☆ــــــ●ــــــ☆ـــــ❥
نصبنــــه مجلسك یابو الکلافات
تستاهل لـــــــون نطلع عراضات
یحلــــه الگول الك ویه الهوسات
(اتلوگ الهوسه // اعـله الصادق)
❥ـــــ☆ــــــ●ــــــ☆ـــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صـــاحبة ديـــوان 📓 [شهيدة ﷲ]
لا اجيز حذف الاسم أو التلاعب بالكلام
غير مبري الذمه م
———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————



نعي *[ #صادق_الآه ]*
في ذِكرى إستشهاد الإمام #جعفر_الصادق عليه السلام ، 1441 هـ .
ــــــــــــــــــــــــــــــــــــــــــــــــــــــــــــ

وَا بِنفسي صادقُ الآلِ قضى
الخَمسهْ والسِّتينَ عاماً في لظى

-

وا بنفسي صادقُ الآهِ الجليلْ
قد قضى الأعوامَ في همِّ الدليلْ
بينَ نوحٍ لِلحُسينْ، أخرى الكفيلْ

وارِثَ الدَّارِ وَقيدُ المُرتضى
الخَمسهْ والسِّتين عاماً في لظى

-

أبصَر العينينِ في عينِ أباه
فصَّلت كُل مصائبْ (كربلاهْ)
راضعاً ينعاها وَالدَمعُ هماه

للبُكا (طفُّ) الحُسينِ حرضَّه
الخَمسهْ والسِّتين عاماً في لظى

-

ويحُ قلبي شبَّ إذ شبَّ اللئام
نزعوا من بيتهِ صفوَ الوِئام
سُم والِد جعفرٍ سُمَّا كـ سِهام

يفركُ القلبَ وما أقسى القضا
الخَمسهْ والسِّتين عاماً في لظى

-

للجدُودِ كانَ طبعاً في دمهْ
؛ اْقتحموا دارهْ كـ دارِ فاطِمةْ
؛ وِلدُهُ فرَّت كـ (طَفٌّ) هائمهْ

نارُ دارٍ وَخِيامٍ في فضى!
الخَمسهْ والسِّتين عاماً في لظى

-

حُلكةُ الليلِ يُقادُ لِـ مجلسُ
فيهِ منصورًا بِخمرهْ يجلسُ
كُل ماصاحَ بِـ وَكزٍ يُخرَسُ

حسرةً يزفُرْ ولا تنفع عِظه
الخَمسهْ والسِّتين عامًا في لظى

-

ضاقَ في جمعَ السنينِ كُلَ مُر
كسرهُ في أهلهِ لا ينجبُر
قد نفى رُقدهْ وَعينيهِ حُمُر

حُرقةُ الثأرِ الأنينِ تفرِضه
الخَمسهْ والسِّتين عاماً في لظى

-

ذا زمانٌ لمْ يوقِّرْ جعفرا
في حياتهْ وَالحياةُ الآخِره
قُبةٌ علياء بُغضاً مُكسرا

سابِغَ الحُزنِ إذاً لا ينقِضَه
الخَمسهْ والسِّتينَ عاماً في لظى .
ــــــــــــــــــــــــــــــــــــــــــــــــــــــــــــ

بِـ قلم / خادمة وليِّ النعمة ( قصائد وليِّ النعمة )


الناشر عباس التميمي


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




فزاعيه للصادق ع
****
واويلي عله المسموم
**
الوهابيه عله اسواره تمنع منه خطاره
مشرك كالو الزاره والزاير يظل مهموم
**
صادق عترة المختار بأحشائه توج النار
سموه العده الكفار هدرو دمه للمظلوم
****
محد يوصل لعلمه يتعجب عليه خصمه
ونشر الدين كل همه لفضله يشهد القيوم
**
أسس جامعه وبنيان علوم ومعرفه وقرآن
يشهدله ابن حيان واحسانه بقه للدوم
***
بيبان الوحي بابه عليه تنوح احبابه
نجري الدمع لمصابه كل شيعي عليه مهضوم
****
كبره لامناره ودار ولاكبه وصحن ينزار
ترابه بس عليهه حجار ياوسفه يظل مهدوم
****
يمته يكوم مهدينه يشيد كبر والينه
ويشفي كل جرح بينه ندعي للفرج كل يوم
****
أم علي



الناشر عباس التميمي

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




فزاعيه لامام الصادق عليه السلام

علئ صادق حزنه اليوم
واجينه لابنــــه عـزايه

.❥✿•┈┈┈• • °{🌸} • •┈┈┈•✿❥

اجينه نعازي الكاظم
عله ابوه الصادق العالم
نواسيه بدمع ساجم
ونصبنه عزه وقرايه

.❥✿•┈┈┈• • °{🌸} • •┈┈┈•✿❥
ننصـــــــبله عزه للــــدوم
لمصابه الصادق المسموم
بجينه والدموع ادموم
طول العمر وفــــايه

.❥✿•┈┈┈• • °{🌸} • •┈┈┈•✿❥

نوفي دوم بلخدمه
لطمنه عليه وبهمه
اويلي بيا ذنب سمه
الدوانيقي اله غايه

.❥✿•┈┈┈• • °{🌸} • •┈┈┈•✿❥ك

الغايه ينمـــحي ذكره
الصادق سادس العتره
عليه السمه متكدره
وتنعه املاكها ويايه

.❥✿•┈┈┈• • °{🌸} • •┈┈┈•✿❥

الملايك كلها محزونه
بعزائه هذا حضرونه
بلطـــمه يعيــــنونه
وي دڰـــــة المــلايه

.❥✿•┈┈┈• • °{🌸} • •┈┈┈•✿❥

تمت بعون الله تعالئ

✍بقــلم الشاعره زهــراء الحربي
حسينية الهوئ

غير مبري الذمه امام الله من يحذف الاسم


الناشر عباس التميمي

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————




☘قصيده مع هوسات☘

للامام الصادق ع
ـــــــــــــــــــــــــــــــ


الليله المنتظر ذباها العمامه
للصادق لطمته حيل عالهامه
༺༺💔༻༻

لبو موسئ لطم والدمعه مجريه
مكابل جدته والروح مكضيه
والاملاك نصبت لجله تعزيه

(انعازيها. // الساده لفگده)

✍🏻ام ساره خادمة الحجه عج

༺༺💔༻༻

: والاملاك لجله تنوح بالضجات
لامام الجعفريه تجذب الزفرات
ولسادس العتره نلطم الهامات

(محزونه// هاليوم العتره)
✍🏻سلمى أم جعفر

༺༺💔༻༻

لأبو الكاظم نسوي مجلس الليله
شمعه على الگبر نعلگها تضويله
ونعازي الرسول وكلنه نشكيله

(مالومـه//هاليله الشيعه)

✍🏻ام سجاد الشهيد

༺༺💔༻༻

حزنان العلم والدنيه مرجونه
يبجي منبره طلابه محزونه
يا شيخ المدارس كلها يردونه

((طلابه تون //وتبجيله ))

✍🏻 ام زينب الأسدي

༺༺💔༻༻

لحوزه مظلمه البيبان سدوها
كتبه مشمره بالگاع خلوها
حرگوا منزله والعيله يتموها

((يسمونه/ چاليش المولى))

✍️☘️ام فراس الساعدي ☘️
༺༺💔༻༻

الكال احيو امرنه ناره حراكه
ينعي منبره ويون على فركه
شال الهاشمي والشيعه مشتاكه

((البيرغ رف // عله الساده))
بقلم العلويه ام رقيه
فيض الطف
ـــــــــــــــــــــــــــــــ

تمت باقلام شاعرات رابطة ساقي عطا

———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy

#قصائد_استشهاد_الامام_الصادق_ع
انت المعزى ياصاحب الزمان
عضم الله اجركم😭😭
——————————



☘لاستشهاد الامام الصادق ع☘

يمسموم ~~يمسموم
مرد چبدك يمسموم
يمسموم ~~يمسموم مرد چبدك يمسموم
نار ~~~~نار تسعر بالگلب
~

ابو الكاظم غدر سموه عدوانه
شعدهم من اطلابه وياك مولانه
موتت ابو الكاظم موش ميحانه
عليه طلابه تبجي وحزن قرأنه

على الباب على الباب ~طلابك تون
على الباب على الباب ~على الصادق تون
ذاب ~~ذاب كلبه المحب
نار ~~ نار تسعر بالگلب

✍ام رحمه الگاظميه ✍🏻
~~

سموك بحقدهم سادس العتره
وكسرو گلب احبابه يا كسره
ملاعين ودسايسهم ما تبره
من يوم السقيفه كسرو الزهره

ذاب ذاب وعيوني عمن
احقاد احقاد مدفونه دفن
مات مات ~~والموقف صعب
نار~~ نار تسعر بالگلب

ام ✍🏻زين العابدين لمحمداويه
~~

ياسادس مصابيح الهدى الضاوي
بكلب كل شيعي جرحك بالضلع داوي
بيو السجده الطويله من السمه هاوي
كنز علم الهواشم شخصك الحاوي

مصباح مصباح مايطفه وأن
احقاد احقاد مدفونه دفن
نام ..نام ميت بالغرب
نار....نار تسعر بالگلب

بقلم العلويه ام رقيه
فيض الطف✍🏻
~

ياصادق العتره بعلمه وبدينه
حرگوا حوزته شافاهم بعينه
كظه مسموم مترادي امخلينه
يم اعياله هليله مجبلينه

حرامات حرامات يرجع مانظن
حرامات حرامات نلطم علمتن

ليش ~~ليش ويه العتره حرب
نار نار تسعر بالگلب

✍️☘️ام فراس الساعدي ☘️
~

دلاله انفطر ومغورگه عيونه
وجهة ياخلك اصفر صبح لونه
الله يساعد ابنه حاله شلونه
وطلابه اجو هاليوم يردونه

ينوحون ينوحون للمالة دوة
ينوحون ينوحون عالجان الضوة
ااه. اا ه والدمعه تصب
نار. نار. تسعر بالگلب

✍العلوية فضيلة هاشم الموسوي
~~

شگد عدهم حقد ماينوصف طاري
انون من الظلم اونشكي للباري
لأ مام الجعفريه ادموعنه جاري
مردو جبدته والسم بقه ساري

يمضلوم يمضلوم انساك لاتضن
يمضلوم يمضلوم روحي لك تحن
راح راح يابلسم عذب
نار نار تسعر بلگلب

✍🏻ام سجاد الشهيد
~~~~


تمت بعون الله بقلام شاعرات رابطة ساقي عطاشه كربلا


———————-

مؤسسة منبريات للقصائد النسائيه
https://telegram.me/ahmed_alziwar17

كروب 2 👇خاص بنشر وتلحين القصائد
https://tttttt.me/+tVGiZHdfNq81ZGYy