#قصائد_محرم_علي_الاكبر

عَِظٌـمِ أٍلٍَلــَه لْڪْمْ آلْآجــْرْ

#مؤسسة_منبريات_للخطابه_والالحان

↝-﹏-﹏-﹏-﹏🏴﹏-﹏-﹏-﹏-↜

#محرم

#علي #الأكبر



*طور ملا عبدالحي* وغيره


◇نظر الحسين ع الى ولده نظر آيس من رجوعه سالما.. وارخى عينيه بالدموع وأطرق برأسه الى الارض لئلا يراه العدو فيشمت به..

وقيل ان الإمام قال لولده علي.. إلي ّ إليّ أودعك وتودعني ... أشمّك وتشمني.. واعتنق الحسين ولده وجعلا يبكيان ..

صار يودع هذا الجمال النبويّ المحمدي..

اعتنقا حتى سقطا الى الأرض مغما عليهما..


يويلي الاكبر ابحضن ابو اليمه

انحنى اعلى وليده يحبه ويشمه

نار بقلبه وبسيل الدمع ضمه

تعانق وياه لن طاحوا سويه


*


◇بعد شهادة علي الأكبر صار يحتضر الحسين ع ... كان يذكّره برسول الله ص..

ويقول الشيخ التستري في كتاب الأيام الحسينيه..

أنّ كل من يسمع صوت علي الأكبر وكان قد شاهد جده لاعتقد انه صوت رسول الله ص...

كان شبيها له خلقا وخلقا ومنطقا..


#طور *يا ام الولد*


آه يالولد .... آه يالولد ....


روحي تنعى...مهجة عيني

غاب الأكبر...حلم سنيني

يشبه جده...ضوى عيوني

نوحي زينب...راح الأكبر


آه يالولد .... آه يالولد ....


وين الشبان...خلي تجيله

وحدي مقدر...انا شيله

جسمه مقطّع...دمه يسيله

كافي سكنه...قلبي تفطّر


آه يالولد .... آه يالولد ....

*

#أمنن #علينا #برضاه
#يا_صاحب_الزمان


#يا #حسين

↝-﹏-﹏-﹏-﹏🏴﹏-﹏-﹏-﹏-↜

↜مؤسسة منبريون لنشر القصائد النسائيه👇
https://telegram.me/ahmed_alziwar17

↜اكبر ڪـــــــروب لتلحين القصائد 👇


https://tttttt.me/joinchat/Dw92DkJZ4ttQ4WU4c815pw

#قصائد_شهادة_الباقر_ع

عَِظٌـمِ أٍلٍَلــَه لْڪْمْ آلْآجــْرْ

#مؤسسة_منبريات_للخطابه_والالحان

┈┅••••••◐✦◑••••••┈┅┈


#بين_مولاي_الباقر_ومولاتي_الزهراء ع

بدمعتي الجرية 000 أشتكي الرزية
للبقيع أجيتچ 000 يمّه يالزچية
&&&&&&
الباقر البلهم بقت تدمع عيونه
بيا وداع ويارزية يودعونه
للبقيع الليله أهله يشيعونه
ويم گبر أمه الزچية يدفنونه

ويشتكي الفجيعة 000 لفاطمة الوديعة
بدمعة وبمناحة 000 تخلص المسية
&&&&&&
خفف شوية بمشيتك يالتحمله
الباقر تريد بألمها تودعه أهله
فرگة الباقر تراها ماهي سهله
كل محب المدمع لأجله يهمله

فرگته تهضمه 000 باقر الأيمه
وبحزن مصابة 000 ينصب العزية
&&&&&&
ليلة الملچوم جرحه شگد طويله
والجروح تريد واحد تشتكيله
الباقر أويه الزهرة والمدمع يسيله
يگلها يمه أرد أشتكي همومي الثجيله

أشتكيلچ الهم 000 بچبدتي جره السم
والألم مردني 000 وحزني والأذية
&&&&&&
تگله يبني لهذا جرحك تبچي روحي
لچن جرح حسين يظل أكبر جروحي
مصيبة الطف لأجلها يبقى نوحي
من البچي لحسين آيعيوني روحي

الباقر بونينه 000 يسمع الحزينه
تگله كل جروحي 000 من الغاضريه
&&&&&&
الباقر يگل للزچية ودمعه يجره
آنه بالطف چنت موجود وأنظره
يمه شفت الخيل من تدوس صدره
والشمر بالسيف طبره فوگ طبره

أتذكر المصيبة 000 وعمتي الغريبة
آيعمتي زينب 000 من مشت سبية
&&&&&&
أدري جرح حسين يمه شگد يفجعچ
بس أريد أسئل ييمه شلون ضلعچ
صدگ عينچ لسه حمره ويجري دمعچ
شلّت أيده ولا عله الحايط يدفعچ

سطرته عله عينچ 000 وينعصر جنينچ
وعالارض وگعتي 000 من الألم رمية
&&&&&&&&&&&&&&&&&&&&&
#علي_حسن_المنصوري

┈┅••••••◐✦◑••••••┈┅┈

↜مؤسسة منبريون للقصائد النسائيه👇
https://telegram.me/ahmed_alziwar17

↜اكبر ڪـــــــروب لتلحين القصائد 👇


https://tttttt.me/joinchat/Dw92DkJZ4ttQ4WU4c815pw

#قصائد_محرم_1440

عَِظٌـمِ أٍلٍَلــَه لْڪْمْ آلْآجــْرْ

#مؤسسة_منبريات_للخطابه_والالحان

↝-﹏-﹏-﹏-﹏🏴﹏-﹏-﹏-﹏-↜

#فزاعيه
#علي_الوليان
#الامام_الحسين_ع





*والدار حزنانه وتون*
*من شال مني الوالي*


تبجي وتون حزنانه
ظلت عليه دوهانه
ليش الولي ماجانه
*لاشاف ذل احوالي*



لاشاف عيني هامله
وتبجي وتون العايله
وانه العزيزه مدلله
*وانهدم سوري العالي*



وانهدم حيلي من البجي
مهظومه عدمن اشتكي
والنوح ملني والحجي
*والنزل بعدك خالي*



والنزل بعدك ينغلك
والاخووياخته يفترك
وكلبي يخويه يحترك
*ارجع يخال اولادي*



خال الولد اسمعني
وعيني الدمع تحركني
وانته الاخو وخال ابني
*محزونه وشاده بالي*



محزونه الطاح عالثره
نام الولي بالمكبره
وانه الغريبه مرمره
*ومني انمرد دلالي*



تـــــمـت والحمـــــدللـــه
✍ *الشــــاعره ام آمـــنه*

واسالکم الدعاء🌹
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة نداء الحسین علیه السلام
🌷قصايد الشاعرة ام امنه🌷
غیرمبری الذمه من یحذف اسم الشاعرة 🌹
شارك وانشر للأجر والثواب


↝-﹏-﹏-﹏-﹏🏴﹏-﹏-﹏-﹏-↜

↜مؤسسة منبريون لنشر القصائد النسائيه👇
https://telegram.me/ahmed_alziwar17

↜اكبر ڪـــــــروب لتلحين القصائد 👇


https://tttttt.me/joinchat/Dw92DkJZ4ttQ4WU4c815pw

عَِظٌـمِ أٍلٍَلــَه لْڪْمْ آلْآجــْرْ

#فزاعيات_محرم_1440

#للهلال
https://tttttt.me/ahmed_alziwar17/4817

#للمسير
https://tttttt.me/ahmed_alziwar17/4862

#للنزول_في_كربلاء
https://tttttt.me/ahmed_alziwar17/4863

#للعليلة
https://tttttt.me/ahmed_alziwar17/4860

#مسلم_بن_عقيل
https://tttttt.me/ahmed_alziwar17/4856

#اولاد_مسلم
https://tttttt.me/ahmed_alziwar17/4854

#الامام_العباس_ع
https://tttttt.me/ahmed_alziwar17/4878

#القاسم_ع
https://tttttt.me/ahmed_alziwar17/4377

#علي_الاكبر
https://tttttt.me/ahmed_alziwar17/4955

#عبد_الله_الرضيع
https://tttttt.me/ahmed_alziwar17/4453

#الامام_الحسين_ع
https://tttttt.me/ahmed_alziwar17/4624

#قصائد_استشهاد_الامام_علي_ع

#عظم_الله_اجـــــــورڪم

#مؤسسة_منبريات_للخطابه_والالحان

~🖤~🖤…🖤~🖤~

#قصيده
#الامام_امير_المؤمنين ع

#علي-لحن_مله
#باسم-الكربلائي
#رحمه_بالتشتم-هواك
◄
───✤◐►✍◄◐✤───

ياعلي ابابك انين
بچه كل الحاظرين
من دخلت اورت اشوف
ثاري صوت ام البنين

😭😭😭😭😭😭😭😭😭😭

شرعأ ايجوز الكلام تسمعه اهواي العبيد/
امن التخدمه ابكل مكان واحنه خدامك اكيد/
وآنة القديسه هاي ما اظن بعدك تهيد/
تختلف عن النساء اذوب ابونهه الحديد/

وآنة المضيعتلي روح
اتهيج الاف الجروح

والفگد واحد عزيز

يبقه مدمن عالونين
ياعلي ابابك انين

😭😭😭😭😭😭😭😭😭


الميت ابحبك يعيش الما يحبك هذا مات/
العنده حيدر ما يريد كلشي من هاي الحياة/
الف ابن ملجم يطير راسه لو اشد العباة/
تضعف اگبال الجليل بخته چانت بالصلاة/

هوه لو زلمه انتظر
يعرف بحيدر خطر

يعرف بركن السجود

فكره يبقه وي المعين
ياعلي أبابك أنين

😭😭😭😭😭😭😭😭😭😭

بيده رد شمس السماء يا هو يوصل هالحدود/
يدري ابن ملجم جبان واستغل ركن سجود/
اللي بفراش الرسول نايم واثبت وجود/
بالمعارك عنده سيف ما يعادل زوده زود/

انطبر راسه بغدر
حيدر بسجدة فجر

ما خسر مره بقتال

لا بدر لا في حنين
ياعلي ابابك أنين

😭😭😭😭😭😭😭😭😭😭

بالشيم معروف اكيد حتى يعرف موته وين/
ما يهاب من الممات كل خلق ينتظره بين/
ركن الإسلام الامام حافر اسمه على الجبين/
سيفه يشطر كلشي چان يقسم الكل عالثنين/


صاحت ايتامك حرام
انت ابو النه وإمام

انذبح أجمل حلم

بلألم نگضي السنين

ياعلي ابابك أنين
😭😭😭😭😭😭😭😭😭😭
لو اريد اوصف واگول عنه اكتب يا وصف/
حارب الجن وحده چان بينت حيدر كلف/
يعرف اسرار السماء بالارض يملك عرف
ما سفك دم البريئ يعني عنهم يختلف/

الصراط المستقيم
حيدر وهوه القسيم

بيده جنه وبيده نار

واحنه بأسمه المهتدين
ياعلي ابابك انين
😭 😭😭😭😭😭😭😭😭
حيدر اربات الرسول والنعم من هالامام/
منولد بالكعبه هاذ وبفراش الهادي نام/
يحمل اخلاق وخصال وعنده منطق بالكلام/
واليواليه هذا فاز الجنه تصبحله المقام/


خصه الله بهالخصال
ما يرد سائل محال

جرب ابشده انتخيه

تلكه حل برمش عين

ياعلي ابابك أنين


★★∞∞∞★★∞∞∞★★∞∞∞★★

تــمـ✍ـــٰت بــعــون اللـہ
✭✭✦••┈•✭✭..✭✭✦••┈•✭
#خــــــادمة_الزهراء_ع______________________ آمٰ̲ہ ڪٰྀہٰٰٖرآر آلطۨہٰٰآئيِٰہٰ̲ھہ ❥┊⁽ ♔ ♬ ◄
───✤◐►✍◄◐✤───
#لااجيزحذف_الاسم
~🖤~🖤…🖤~🖤~

🖤مؤسسة منبريون لنشر القصائد النسائيه🖤
https://telegram.me/ahmed_alziwar17

🖤اكبر كروب لتلحين القصائد 🖤


https://tttttt.me/joinchat/Dw92DkJZ4ttQ4WU4c815pw

#قصائد_شهر_محرم

عـــظم الله اجـــــــوركم

#مؤسسة_منبريات_للخطابه_الحسينيه

••••••••••••••••••••••••••

جديد لشهر محرم الحرام ١٤٤١

شبيه الرسول الاكرم
#علي_الاكبر

نادت بالخيم ليلى
يزينب بالله سنديني
اوليدي راح للميدان
وآنه ضاعت اسنيني


بخيمتها تون وتنوح
ليله من الحزن تنحب
ما ضاع اربايه يا يمه
لجنهه الشوغه بي تلهب
رايح يا علي الأكبر
ودمع عيني ما ينضب
صفات الهادي اوصافك
ومصابك يمه عاميني


جلست بخيمتي انطر
بحسراتي ودمع يمه
اخذت اثيابك بحضني
وريحك بيها اشتمه
اسولف وي جرح گلبي
هم يرجع علي وضمه
ويمسح بيده كل دمعي
ويسكن روعي وونيني


ولن ساعه الخبر الاگشر
اشوفنه بوجه الحسين
تغير لونه من شافك
وحيد ابوسطة املاعين
اسيوف ارماح تتشابگ
وجسمك وذراه البين
طلع للحومه يتعثر
واصفگ انه جفيني

ييمه البيك آمالي
يفتشة عيني يا ضيها
بغيابك تدري تذبحني
وروحي الحزن يسليها
انادي لعمتك زينب
تبجيني وابجيها
ارسومك غيراها الموت
وسود ايامي تحديني


عمري انذرته لسنينك
يغصن أمن النبي احمد
اتروح أمن ايدي يالاكبر
وعمري اتوشح بالاسود
لأيام الشيب انه اترجيت
وبيدك للگبر تلحد
حسافه ابكربله عفتك
واعداك اليوم تسبيني

تمت بعون الله
خادمة الزهراء /ليلى زغيب


الشاعره ليلى زغيب
اين الطالب بذحول الانبياء وابناء الانبياء


•••••••••••••••••••••••••
مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_فاطمه_الزهراء_ع

#عظم_الله_لكم_الاجر

#مؤسسة_منبريات_للخطابه_الحسينيه
•••߷•߷•߷•߷•••

يَا فاطمةْ أرزقِينا حُسنَ الخَاتِمةْ
____________________

كُلي ذنوبٌ فاطِمٌ هل تَرحمِينَ ضَعفِي

هل تَشفعِينَ زَلتِي ها قد مَددتُ كفّي

كُلي يَقينٌ مَجلسُ الزّهراءِ خيرُ سَقفِ

فظلُهُ لي شَافعٌ ومُنقذٌ لحتِفي

مَجلسُها نِعمةٌ عَلينا قاِئمةْ
________________

غداً أنا في القبرِ بل في وحشةِ المَكانِ

لا وَجَلٌ زهراءُ ذي سيّدتي أماني

أنْ جاءَني يومَ اللقا هَولٌ فَما شَجَاني

أكشِفُ صَدري لَطمتي ودَمعتي ضَماني

لا تَحسبُوا ابداً تَنساني فَاطِمةْ
____________________

كفّي وصَدري شَاهدٌ عَليهما عَلامةْ

علامةُ اللطمِ التي كانت لنا وِسامةْ

عَزاؤنا هذا دَواءٌ صَحةٌ سَلامةْ

عِبادةٌ خالصةٌ تَبقى إلى القيامةْ

هذا الدّوا نُورٌ وخَابَ لائِمةْ
__________________

ما قَيمتي سيّدتي ومَن أكونُ أنّي ؟!

إنّي عَداكِ عَدَمٌ أعيشُ دونَ شأنِ

مَنزلتي ورَفعتي وضَحكتي وحُزني

مِنكِ أتوا يا قِبلتي يا غَايتي وظني

يا غَايتي اشفعي لي أنتَ العالِمةْ

_________________________

غداً تَجيءُ فاطمٌ تَضيءُ ظلمَ قَبري

غداً دُموعي شَمعةٌ تَخمُدُ نارَ قَبري

ولَطمتي كآيةٍ تُتُلى أمامَ قَبري

صَدري يَدي قَصيدتي صَوتي امانُ قبري

هذهِ النّعمْ في غَدٍ اراها قادِمةْ
____________________

أسالُكِ سيّدتي حُسَنَ الخِتامِ دائِمْ

أسألُكِ أبقى أنا بينَ يَديكِ خَادِمْ

ما همّني جاهٌ ولا دُنيا ولا عَوالِم

بل همّني يا ناسُ واللهِ رضاءَ فاطِمْ

كُلي أنا ** فَاطميٌّ فَاطميٌّ فَاطِمةْ
____________________
#علي حبيب الشابي
الليالي اللفاطميه

•••߷•߷•߷•߷•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_فاطمه_الزهراء_ع

#عظم_الله_لكم_الاجر

#مؤسسة_منبريات_للخطابه_الحسينيه
•••߷•߷•߷•߷•••

ورق قران
.......
فاطمي وايامي كلها فاطميه
من الرضا سامع انه هاي الوصيه
رحم الله محيي ايام الزجيه
.....
فاطمي وهاك استمع سر فاطميتي
انتمي للزهرة والزهرة هويتي
والليالي الفاطميه كل قضيتي
الهوه المابي فاطمه ما ادخله ريتي


انا من هاي الشعائر كل وجودي
صرختي بوجه الظلم ترسم خلودي

وانا ماخذ منهجي من الابيه
رحم الله محيي الأم الزجيه
...........

....هيه اول واحد اليطلع تظاهر
داعت بمنصب علي وظلت تجاهر
كالت اليغصب خلافه اعتبره فاجر
وحده بس جانت مواقفها عساكر

رفعت اول لافته مكتوب بيها
أمة المختار بس حيدر وليها

راحت بسلميه وهدَها المنيه
رحم الله محيي الأم الزجيه
.........
فاطمه المحور الأول لم شملنه
احنه من فاضل ترابج قد خلقنه
فاطمه شجرة قداسه وي المحنه
فاطمه لومامره مخلوقه جنه

محمد كل فجر يتعنه للباب
أية التطهيري يقرأها اعله الحجاب
يدري من بعده يحرموها العزيه
رحم الله محيي الأم الزجيه
...................

فاطمه لوماعلي كفأج منو يصير
الله خالق كل قدر يم قدرج غير
الله لوماانتي مايخلق عصافير
ورقة من قرآن وتجرحجي بسامير

عصروج ورضو كل ذكرج ايروح
الورد من ينعصر بس عطره اليفوح

نبيه وكل فعالج حيدريه
رحم الله محيي الأم الزجيه
..................
نعمتين الله نطاها من خذاها
اخفه كبر الطاهره عالسن عداها
حتى مايتشفعون بمس ثراها
وثاني نعمه رفض يتحدد عزاها

سر عزاها مختفي بين الروايات
الزهرة ماتحويه دنيا اعله المعانات

دموعنه كل العمر الها جريه
رحم الله محيي الأم الزجيه

..................

الزهرة الله استودع السر البيها
ندعي بيها الباري ثم نندعيها
يالاهي نكول بالزهره وابيها
وبعلها حيدره ونرجو بنيها

يعجل بطلعة مغيبنه النريده
بقسطه وبعدله نتنعم موبعيده

والنه يقره شماحصل بالغاضريه
رحم الله محيي الأم الزجيه

.................................
#علي السعيدي

•••߷•߷•߷•߷•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الكاظم_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

#ثكيل
#استشهاد_الامام_الكاظم ع


والسجن ذبّل الورده الهاشميه
طاحت بديره أسمها الكاظميه ،
والسجن مابي حنان == مو مچانك هالمچان
_________________________________
وعمامة السيد الخضره شبيهه
يمكن تراب السجن غطه عليهه ،
لو هالسلاسل ترجع لماضيهه ، ،
اي هيه شدت زينب من ايديهه ،

-- يابو طلبه اعله الجسر چم رايه ،
---- اترفرف وتستقبل المشايه ، ، ،

ما رحم بيك الزمان == مو مچانك هالمچان
ترجع الگعده بعد لو هاي هيه
والسجن ذبّل الورده الهاشميه
_________________________________
يابو الرضا ارزقني النحيب شويه ،
حد ما يغرگ وجهي دمعي البيه ،
ضعنك مثل ضعن المره العلويه ،
وتشبه غربتك غربة المسبيه ، ،

-- يا معين وعيني اعله امصابك ، ،
-- كون اذب روحي اعله عتبة بابك

اسمك شگد بي امان == مو مچانك هالمچان ،
والورد ندري بمچانه المزهريه ،
والسجن ذبّل الورده الهاشميه
_________________________________
وعين السمه الصبت دمع للصعبه ،
خلص عمركم غربه تشبه غربه ، ،
والكاظم بسجنه ومصابه بگلبه ،
من صله شذرة گاع خله التربه ،

-- جرحك ايراوي التعب للوادم ، ،
-- وانت خلصت العمر ما نايم ، ،

يا مفاتيح الجنان ، == مو مچانك هالمچان
والسوالف بينه ضلت هيه هيه ،
والسجن ذبّل الورده الهاشميه ،
_________________________________
يالراهب شماله الجسر ما شالك ،
هاشمي وحال الضيم صاير حالك ،
اسوالف سبي العلويه لسه ابالك ، ،
چي ظلمه سجنك ما تشوف اخيالك ،

-- تفرش اجروحك اتنام اعليهه ، ،
-- مگبره الزنزانه نايم بيهه ، ، ،

يعينك الله اعله الزمان ==مو مچانك هالمچان
ضعنك يسولف سبايه الغاضريه
والسجن ذبّل الورده الهاشميه ،
_________________________________

-- #علي مهدي المالكي ،


•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_شهادة_الامام_الكاظم_ع

#عظم_الله_لكم_الاجر

#مؤسسة_منبريات_للخطابه_الحسينيه
•••°߷°•°߷°•°߷°•°߷°•••

لأستشهاد الامام الكاظم ع

يلكاظم آنه السجن ...... ابچي امن اسمعك تون
تكسر گلب حيطاني لمّن تحن
للأهل واعيونك خذاها الحزن
___
يالچافي بخدودك نهر ...... والظلمة شربت لونك
يابو المحنّة امن البچي ... طايح سواد اعيونك
ابكل حايط امخضر فطُر .. امن اتون تره ايسمعونك
سدّوا روازين الشمس ...... رادوا تره ايضيعونك

من جابوا السنسلة ..... للأيد المهيّلة
من الكرم صحتلها مية هلة
واتذكــرت عمّاتــك ابكربلة
_
دمعاتك التنگط بخت ...... گيعاني غرگت بيها
حدرك اظن خضّر ورد ..... چي گاعد انتَ اعليها
حيطاني متروسة ضوه ... طولك ترة امحليها
يمبّخَر ابهيــل ومــسچ .... والسنسلة امبچيها

هنيالي بيك وعلي ....... حبيتك وانتَ لي
باچر اسولف وافتخر يم هلي
چي انتَ گاعد بية وابداخلي
_
يالجايب ابعينك شمس .... تبچي ضوة من تدمع
من گصتك يجدح گمر ...... وانجــوم مــنّك تطّلع
يمسوي واهس للعرش ..... ايشبگك شبگ من تركع
ابچفيتك الخضرة بخت ... وانتَ ابترافة امنگّع

دمعاتك امعتبرة ..... ابحنيتك امبخرة
ابسجانك امشوّر يسيّد ترة
ظل ماينام الليل وامحيّرة
___
يلطابع اركبّك طبع..... بقماش الامصلاية
يلتنده التربة الصبح ...من تغفة حدر الصاية
ابطول ابوفاضل سجدتك ... من چفة كض الراية
يمصلّي وياك الورد ...... غافي اعله ايدك هاية

يابو الضوة والحزن ...... يالمنحبس بالسجن
ليلــية لــوليداتك انتَ تحــن
ازغار وحچيهم بذنك ايظل يرن
_
يا وسفة سمّوك ابرطب..... وانتَ اعله ريجك صايم
تتلوه باقي للصبح ............. متعيني يلما نايم
ماانسة فضلك يلچنت ..... اميّزني عن الوادم
اتشرّب حياطيني ابندة .....وگتلك اريدك سالم

من فدوة اروحن الك ...وللسادة ولكل هَلك
حبيتك آنه اهوايه من گلت الك
خــافن اتعــبك گــتلي اتحــملـَـّك
___
#علي هادي الخزعلي

•••°߷°•°߷°•°߷°•°߷°•••

مؤسسة منبريات للقصائد النسائيه

https://telegram.me/ahmed_alziwar17

كروب مؤسسة منبريون رقم 2

https://tttttt.me/joinchat/Dw92DkJZ4tvYLR59ScGA1A

#قصائد_الامام_علي_الاكبر

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•
#علي_الاكبر

ناديت واهمل بالدمع ياضنوة حسين
ييمه بگلبي المنفجع ياضنوة احسين
بعدك على الدنيا العفى
ياضنوة احسين

ييمه بالخيمه اجلست واتنطر اخبار
بكر بن غانم من نزل ظل گلبي محتار
دعيت بغربتي يرد الي اليشبه المختار
أمن دعائي والدك وبلغني بالصار

رأس الشرك بيمنتك يوليدي مشكور
تنادي العطش ياوالدي بگليبي تنور
بعدك على الدنيا العفى
يا ضنوة احسين

&&&&&&&&&&&&&

ييمه ناذرتك نذر لتخيب اظنوني
ادري بنزولك للحرب تاليها يسبوني
يا شمعة سنين العمر وإلمنها حرموني
يالتشبه الطه النبي يوليدي فجعوني

شفتك على حر الرمل سابح بالدموم
نوبه انادي يالولد نوبه يا مظلوم
بعدك على الدنيا العفى
يا ضنوة احسين

&&&&&&&&&&&&&&&

بعدك يبعد امك جمر والفرگه تجويني
ما شوف مثله بالبشر وبطوله سابيني
گضيت الليالي امساهره اوبربايه وافيني
اقسم عليك بونتي يا يمه تانيني

روحي وي روحك ياعلي ريتن يصعدون
ما أكدر امشي وي الغرب لنهم يشتمون
بعدك على الدنيا العفى
يا ضنوة حسين

&&&&&&&&&&&&&&&

بجف الضراعه واندعي يا ربي عالظالم
ادعيت من رب السمه ترجع إلي سالم
ربي استجاب الدعوتي واقتلت بن غانم
طولك نظرته ياالولد لو نظرة الواهم؟!

ممدود طولك ياعلي بالخيمه يمي
والثغر منك مبتسم والنحر مدمي
بعدك على الدنيا العفى
يا ضنوة حسين

&&&&&&&&&&&
لكربله يا يمه علي كون انه ما جيت
بوادي المصايب والبلا كل حيلي ذبيت
شفتك على جمر الأرض وبصوتي ناديت
بعدك على الدنيا العفى يالروحي اخذيت

من جابك احسين الابو وبعيني شفته
يوليدي دمعاتي انزلت والونه سكته
بعدك على الدنيا العفى
يا ضنوة حسين

تمت بعون الله
خادمة الزهراء / ليلى زغيب
•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_الامام_علي_الاكبر

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

#علي_الاكبر

عندما رجع الحسين من مصرع ولده علي الأكبر

صوت دوى بكربله وزاد الصياح
يزينب نادى وصفگ راح براح
أمن ايدي يزينب علي راح
واظلمت يخويه الغاضريه

نادى ويهمل العبرات عالخدين
شبيه النبي طاح اموذر بالميادين
يزينب ردي لخيمتج زيدي الونين
و ليلى وي سكنه يونن سويه

يزينب راح وعلى الدنيا العفى
يزينب الدهر خان وياي وجفه
يزينب شمعة اسنيني طفى
طاح الأكبر يخويه اعله الوطيه

خادمة الزهراء /ليلى زغيب

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_الامام_علي_الاكبر

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

#علي_الاكبر

انظر بالعين ،،،هذا انه حسين ،،،،يبني يالاكبر
شابح بالعين ،،،، من جاك البين ،،،،،،يبني يالاكبر

يابني يا علي ويا شمامة هلي
يا شبيه المصطفى وجدك علي
بفقدك يالولد ماظل كل فكر إلي
بطيحتك يبني الحراير تنولي

بطيحتك هاي ،،، يالب حشاي ،،،توليني اعداي
انظر بالعين ،،،، من جاك البين ،،،،يبني يالاكبر

$$$$$$$$$$$$$$$$

يوليدي من اشوفك قلبي ينسعد
من تمر اقبالي جن جدك يرد
صعبه اشوفك للحرب يبني ترد
بموتتك مات النبي وحيدر بعد

جن جدك مات ،،،، يبني هيهات ،،،،،، ترجع لعيوني
ناداك الحسين ،،،، جن جاك البين ،،،،، يبني يالاكبر

&&&&&&&&&&&&&&&&&

ويلي ومن رجع منك محني الظهر
يعين الله الحسين وينطيه الصبر
يحمل أبنه من الحرب لا ماكدر
صاح راح الولد يازينب صدر

يصفچ بالراح ،،،،، يزينب راح ،،،، الأكبر الغالي
لفاه البين ،،،،، ضنوة حسين ،،،،يبني يالاكبر

&&&&&&&&&&&&&&&&&

جاب الاكبر حطه مابين أخوته
گام يندب علي وصاحب رايته
حيف اعله الشباب تنادي عبرته
على الدنيا العفى كل غالي خطفته

بدموع العين ،،،، ناداهم وين ،،،،،بدموع اعيونه
راحوا الاثنين ،،،،نادى الحسين ،،،يبني يالاكبر


&&&&&&&&&&&&&&

طبت الخيمه بحزن تبجي وتنوح
تنادي يبني ياعلي ذابت الروح
يمه فقدك ما اجرعه لا تروح
جنت سور حماي شو صرت مذبوح

تنادي يحسين ،،،، يا ضيا العين ،،،، مذبوح وليدي
تهمل العين ،،،، من جاك البين ،،،، يبني يالاكبر


خادمة الزهراء / ليلى زغيب

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_الامام_علي_الاكبر

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

جديد لشهر محرم الحرام ١٤٤١

شبيه الرسول الاكرم
#علي_الاكبر

نادت بالخيم ليلى
يزينب بالله سنديني
اوليدي راح للميدان
وآنه ضاعت اسنيني


بخيمتها تون وتنوح
ليله من الحزن تنحب
ما ضاع اربايه يا يمه
لجنهه الشوغه بي تلهب
رايح يا علي الأكبر
ودمع عيني ما ينضب
صفات الهادي اوصافك
ومصابك يمه عاميني


جلست بخيمتي انطر
بحسراتي ودمع يمه
اخذت اثيابك بحضني
وريحك بيها اشتمه
اسولف وي جرح گلبي
هم يرجع علي وضمه
ويمسح بيده كل دمعي
ويسكن روعي وونيني


ولن ساعه الخبر الاگشر
اشوفنه بوجه الحسين
تغير لونه من شافك
وحيد ابوسطة املاعين
اسيوف ارماح تتشابگ
وجسمك وذراه البين
طلع للحومه يتعثر
واصفگ انه جفيني

ييمه البيك آمالي
يفتشة عيني يا ضيها
بغيابك تدري تذبحني
وروحي الحزن يسليها
انادي لعمتك زينب
تبجيني وابجيها
ارسومك غيراها الموت
وسود ايامي تحديني


عمري انذرته لسنينك
يغصن أمن النبي احمد
اتروح أمن ايدي يالاكبر
وعمري اتوشح بالاسود
لأيام الشيب انه اترجيت
وبيدك للگبر تلحد
حسافه ابكربله عفتك
واعداك اليوم تسبيني

تمت بعون الله
خادمة الزهراء /ليلى زغيب


الشاعره ليلى زغيب
اين الطالب بذحول الانبياء وابناء الانبياء

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_الامام_علي_الاكبر

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

جديد لشهر محرم الحرام ١٤٤١

شبيه المصطفى خَلقا وخُلقا ومنطقا
#علي_الاكبر

نزل شبه طه النبي بالحومه يفتر
گلب اراضي كربله شبل الغضنفر


شد حيله شبه المصطفى عالحومه يفريها
انگلبت اراضي كربله جن الحشر بيها
ما همه جيش الانذال سيل وهدر بيها
شردت الابطال لنه كسّر مواضيها

اتحيرت بي هذا علي لو هذا حيدر
نزل شبه طه النبي بالحومه يفتر

🏴🏴🏴🏴🏴🏴🏴🏴🏴🏴🏴

سمعهه زينب بالخيم گامت تحشمه
دگ صدره واتجنه والسيفه لزمه
رجعهه صولة حيدره والحمزه عمه
ذكرهم خيبر واحنين والشرد زلمه

نادى بجحافل اعداه هذا انا الأكبر
نزل شبه طه النبي بالحومه يفتر

🏴🏴🏴🏴🏴🏴🏴🏴🏴🏴🏴

نزل ويه ملك الموت يحصدها الانفاس
يتباهى ظل والده وي عمه عباس
هذا الشبل جنه حيدر يا رفعة الراس
تفري الكتايب خزرته متروسه احساس

جندل بكر بن غانم حقه يتبختر
نزل شبه طه النبي بالحومه يفتر

🏴🏴🏴🏴🏴🏴🏴🏴🏴🏴🏴

يخاطب احسين بلهفته ويگله عطشان
شربة ماي يا والدي جن جوفي نيران
لون تحصل يابوعلي امسحهه الجيمان
گله سهله طلبتك تلگاها يم العدنان

ارجع الميدان يالجبدك وجبدي انفطر
نزل شبه طه النبي بالحومه يفتر

🏴🏴🏴🏴🏴🏴🏴🏴🏴🏴🏴

لن ساعه واتگنطر علي بحومة الميدان
والتمت اعليه العده بأرماحٍ وزان
ولن صوت رجاها الخيم لحگني يعطشان
وجه السمه اتغير لاحت علي العدوان

صاح على الدنيا العفى طاح وتوذر
نزل شبه طه النبي بالحومه يفتر

تمت بعون الله
خادمة الزهراء /ليلى زغيب


الشاعره ليلى زغيب
اين الطالب بذحول الانبياء وابناء الانبياء

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_الامام_علي_الاكبر

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

#محرم1440هـ_2018م
#تقرأ مربعه وفزاعيه
#علي الأكبر لسان حال والدته ليلى


اون اعله الشباب الراح متوذر
واصيح بصوت يبني ياعلي الاكبر

✹✹✹✹✹✹✹✹✹✹

وين الكاك يبني ويانظر عيني
يازهره حياتي وسلوه اسنيني
صحت بصوت صبرك يمه تانيني

✿موذره جثتك يفجعني هالمنظر✿

✹✹✹✹✹✹✹✹✹✹

اون اعليك واهمل دمع العيون
يل طولك حلو و منك يهابون
اظل انحب عليك وكلبي محزون

✿يامحروم نارك بالكلب تسعر✿

✹✹✹✹✹✹✹✹✹✹

اشلون انساك وانسى رباك يمه
يل شوفك يسر ويشيل هظمه
صعبه انساك صعبه حيل صعبه

✿دعيت الله يردك الي وتحظر✿

✹✹✹✹✹✹✹✹✹✹

هم ترجع ييمه وهم عليه اتعود
للعازات يبني الولد مريود
ياشذره ثمينه صاغها المعبود

✿يريت اتعود كلب امك تفطر✿

✹✹✹✹✹✹✹✹✹✹

يبني ياعلي بأمك اشخليت
ياضنوة دليلي وياعمود البيت
تمنيت المنيه يمه انه اتمنيت

✿ولا اركض وادورك واطيح واتعثر✿

✹✹✹✹✹✹✹✹✹✹

تمت بحمد الله
17/9/2018
✍🏻آلــــّ؏ــلّويِـــــه آلّمٌوسويِــــۿ

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_السبي

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

صاح الشمر.. يله اخذوهن سبايه
صاح الشمر.. ضلن بلايه حمايه

بلا جفوف اعله النهر عباس مات
اسبوهن الجانن بزوده مدللات

__
نمشي مابين العساكر.. اكبال عين الاجنبي
صاح ابن جوشن عليهم.. اسبو نسوان النبي
اكثر من النار تچوي.. اعيونهم تاكل عبي
واحنه يتعثر دمعنه .. وينه وين السبي

عين العدو.. تباوعلنه ونستحي
عين العدوه.. بلكت وينزل وحي

واسمع يكول النذل عدهم بنات
اسبوهن الجانن ابزوده مدللات

_______________
حيره والحيره شكبرها.. من يرچبنه الهزل
حيل شدوا جف ادينه .. وحز الاعضام الحبل
ياهو اليصعد حرمنه .. بس عليل وچم طفل
وينكم يهلي النشامه .. مابقه منكم عدل

اكبر كسر .. يرتچي السجاد بيه
اكبر كسر.. وانه مشدودات اديه

اصعب احجايه نحچت عن الخوات
اسبوهن الجانن بزوده مدللات

____________

يا صُباح الي نشوفه .. ومنذبح ندري الصبح
يل خواتك رايداتك .. وانته بعيونك جرح
والله كل علويه منهن .. تسمع اسمك تنذبح
يل شلت راس العشيره.. شايلك كوه الرمح

لا تعتذر .. البنات ابلايه والي
لا تعتذر .. كوم ردلهن ياغالي

تقبل يكولون ماعدهن حمات
اسبوهن الجانن ابزوده مدللات

__________

وشيصبرنه اعله افكدك.. منك انتاني خبر
متون زركه من الاعادي ..عيون ما كلها السهر
وانته جسمك بلحوافر .. صار ياخويه وذر
الخيل داست فوك صدرك.. الحافر بكلبك عثر


فات الحجي... للندم ماضل وكت
فات الحجي... شلون اودعنك حرت

جفوف اديه من الخيم متچويات
اسبوهن الچانن ابزوده مدللات
______________

هاي اول مره افكدك ..عمر خلصنا سوه
يل چنت فيي الخواتك . هسه ماعدهن لوه
يا غلاتك يابو فاضل . اعز حتى من الهوى
ليش هيجي يصير بينه.. ضلمه يلوجهك ضوه

بلا جفوف .. شلون نتوادع هضيمه
بلا جفوف.. يا هوه الله ويا نسيمه

عيونك الماكو بحلاهن غافيات
اسبوهن الجانن بزوده مدللات



#علي مخيلف

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_السبي

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

الى السيدة زينب ع


آهِ يَا وَحشتِي لَم أَنمْ لَيلتِي

فَقدُ الحُسِينِ غُربةٌ لَيلَي
_____________________

١/ لَيالٍ طُوالٌ وفَجرٌ تَخضّبْ

فَمُ المَوتِ نَارٌ بِأعضَايَّ تَلهَبْ

هُنا طَاحَ طِفلٌ هُنا بَاتَ يَنحَبْ

وكُلٌ يُناِدي اغيثِيني زَينَبْ

صَوتُ في مَسمعِي للبُكا والنَّعي

في كَربلاءَ لَوعةٌ لَيلي
___________________

٢/ ظَلامٌ غُبارٌ دُخانٌ جِراحٌ

يَطلُّ بِهمٍّ عَليِّ الصَّباحُ

أخٌ كَافلٌ غَيّبتْهُ الرِّماحُ

لِمَن اشتكِي لَوعتِي لا تُزاحُ ؟

لا أخٌ لا أبُ حَالتِي تَصعُبُ

إنّي أنا وَحيدةٌ لَيلي
________________________

٣/ أُخيَّ أبا الفَضلِ هَل أنتَ قُربِي ؟

أُنادي أَنا والهُمومُ بِقَلبِي

كَبِرتُ كَثيراً بِحُزني بِكَربِي

تَعالَ فلمْ أدرِكِ اليَومَ دَربِي

أَسَفاَ يا أخِي قُلْ بِمَن انتخِي

غَرِيبةٌ مَسبِيةٌ لَيلي
__________________

٤/بَصرتُ حُسِيناً و سَيلَ دِماهُ

وقد حُزَّ نَحرٌ لهُ مِن قَفاهُ

وبينَ الخُيولِ يَرانِي أَراهُ

قَليلاً وعَنّي غُبارٌ خَفَاهُ

خَرَّ رُكنُ الهُدى سَلبُوهُ رِدَا

بِالعَرشِ ضجّتْ صَرخةٌ لَيلي
_______________________

٥/ كأني سَماءٌ وهَذي النُّجومُ

نُجُومٌ يَتامَى وحَولي تَحُومُ

فَما مَرَّ يا دَهرُ في السَبيِ يَومُ

ونَسمَعُ شَتماً وسَباً يَدُومُ

جَهِلوا شَأنَنا شَتمُوا أُمّنا

عَادتْ بِنا سَقيفةُ لَيلي
__________________

٦/ ألا أينَ فَاطِمةٌ أينَ حَيدرْ ؟

عَزيزتُكُمْ زَينبٌ لَم تُقدَّرْ

غَدا وَجهُها اليَومَ في الطّفِّ أصفَرْ

مَلامِحُها و الجَمالُ تَغيّرْ

آهِ أينَ الأهلْ ** كَوكبي قد أفلْ

أمّي أبي مُشتَاقةٌ لَيلي
__________________

#علي حبيب الشابي
محرم 1442

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_السبي

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

عندي رسالة نبي...ماهمني درب السبي
كل همي ضل روس خوتي
للكوفه صار الدرب .. والموقف شكد صعب
يجرحني كلشي بغربتي
________


غربه والم ودموع . .. وايتام چنها شموع
درب السبي بي منكتب عذابي
والمحنه من يبجون .... والعمهم يعطشون
ياربي ما شايل بشر مصابي
امشي بجنح مكسور .. والحرم جنها بخور
خفت اعله اخياتي بكثر عتابي
من حضرولي حبال .. هل جلمه ما تنكال
اشبچ بديه وحيرتي بحجابي

تعبان كلبي اليحن .. من الحزن للحزن
من كل كتر عندي كسر
من كل كتر بي حزب .. ياخدري لا تنسلب
ماعدنه ضل بس الخدر
____

يصعب عليه الحال... والدنيا كلها احبال
رحنه وبدت سفرتنه للمنيه
بلكوفه ناس وياي .. اليتباوعون هواي
فوك الخجل صاحو عليّّ سبيه
اولكوفه موطن سوك .. تخيلها عرجه النوك
واحد شمر منهم حجر عليه
اليسألني تحجي العين .. جاوين صار حسين
وتشمتوا حركوا كلب رقيه


حچي الشماته سهم ..وعيني اعله راعي العلم
حسره ويه كل جرة نفس
مختنكه خنكت نحر.. وهلال صار الكمر
ذاك اليسد عين الشمس
_______________


بلقصر موتي يصير .. وياي العليل يحير
حيرتنه يحسين شكثر جبيره
صوتي طلع للناس... جا مادره العباس
انذلت ابنص القصر اميره
بديار كلها اجناب.. ينومونه فوك تراب
استكثروا بينه يخي حصيره
بعنادي صارت هاي .. يطشرون خويه الماي
الماعنده اخوه ينهضم مصيره


دمعاتي تنزل جمر .. بلا رحمه يضحك شمر
شتريد اسولفلك بعد
عن وكفتي ويه الزلم.. عن الضرب والشتم
لو عن جروح بلا ضمد

______

مل الصبر ياروح ... وبكل مكان جروح
وياي الضعينه وبلحبل خذونه
يتباچن النسوان .. وتتشمت العدوان
ضعنه بغرب يمته خوتي يجونه
اخوتنه مايدرون ...مابقت عدنه متون
ازرك مثل لون السمه وحدونه ؟ ( يحدون)
كلساعه واحد صاح ... زينب انه الذباح
بين الشتايم والضرب سبونه

عندي سوالف بچي ... عباس ماتنحچي
دلال اخيتك منذبح
وخدودي بيهن طبع .. بين الطم والدمع
من فركتك بيه جرح

__________

اخر رسالة اه .... لشيبة رسول ل الله
ما خجلوا و همتهم الوصيه
يا جدي عندي عتاب .. الحركو على امي الباب
بلخيمه شبوا نارهم عليه
كسر الضلع عادوا .. ضلع الشمس داسوا
ذرة شرف ماعدهم وحميه
وحسينك المذبوح ... ضل علرمل مطروح
لميته بس ما كفته اديه



والغربه بيه انتهت .. قصت سبي تخلدت
وسفه السبي البت فاطمه
والطف مدينة ذنب ... ماضكت ماي العذب
يمي النهر واشبع ضمه

#علي مخيلف

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg

#قصائد_السيده_رقيه_ع

#عظم_الله_لكم_الاجر

#مؤسسة_منبريات_للخطابه_الحسينيه

•✯•✯•✯•✯•✯•✯•✯•

شكد هضموني
وماشافو دمعه من عيوني
بس هل مره
من هزوا راسك بچوني

شكد هضموني

////////////////////////

ياريت رمحك من وصل ما شفته
عباس راسي بغيبتك دنكته
من شافني بهل حال اجاني السجاد
ها عمه بعدج عايشه و ما ميته

من حاچاني..
فزيت ونومت اضنوني
بس هل مره
من هزوا راسك بچوني

شكد هضموني

/////////

تواعدنه ما أبچي واضمن حزني
بس مادريت بنصهم تفاركني
الكاع ماتسوه بغياب الفلاح
ها يا حنين الشوفك معطشني

هم تتحمل
ياعباس تضل من دوني
بس هل مره
من هزوا راسك بچوني

شكد هضموني


///////////

عباس من عفتوني مدري شبيه
والحيره ماخلت عزيز اعليه
سلمت روحي بيد چف الچتال
وخذوني كوه الغربتي مسبيه

هاي جروحي
چي ما تسأل عني شلوني
بس هل مره
من هزوا راسك بچوني

شكد هضموني

/////////////////////

بديوانهم طبيت بس من دونك
عباس ما ذليت لا وعيونك
بس كلبي صار رماد لمن ذكروك
احتاجيت احطن راسي فوك متونك

يا مذبوحي
شوف شصاير بيها متوني
بس هل مره
من هزوا راسك بچوني

شكد هضموني


/////

عباس ميت يا حجايه وصعبه
وذباحك المايسوه ماي يشربه
ناديتك من الرمح وتهل العين
يا وطن روحي الناس كلهم غربه

يل ماعفتك
عنك بلكوه يمشوني
بس هل مره
من هزوا راسك بچوني

شكد هضموني
//////

#علي مخيلف

•✯•✯•✯•✯•✯•✯•✯•

مؤسسة منبريات للقصائد النسائيه

https://telegram.me/ahmed_alziwar17

2.كروب 2 خاص بنشر وتلحين القصائد
https://tttttt.me/joinchat/Dw92DkJZ4tvb4YIzJWBWrg