Тхьэмахуэ кlуам ди республикэм щыхьэщlащ Акъ Мухьэрбэч и цlэр зезыхьэ шэрджэс драмэ театрыр. Налшык къалэ дэт Щоджэнцlыкlу Алий и цlэр зезыхьэ къэбэрдей драмэ театрым, Нарткъалэ, Анзорей дэт Щэнхабзэмкlэ унэхэм щагъэлъэгъуащ "Шукшин и хъыбахэр" спектаклыр.
Режиссер Агъашэ Елдар спектаклыр игъэуващ Шукшин Василий и "Степкина любовь", "Мой зять украл машину дров", "Степка", "Артист Федор Грай" lуэтэжхэр и лъабжьэу.

Шэрджэс театрым и унафэщl Акъ Динэ къызэрыджиlамкlэ, Къэбэрдей-Балъкъэрымрэ Адыгеймрэ щаlа гастролхэр Къэрэшей-Шэрджэс Республикэр къызэрыунэхурэ илъэси 100 зэрырикъум ипкъ иткlэ, КъШР-м Щэнхабзэмкlэ и министерствэм игъэхьэзыра проектым кърикlуауэ аращ.

"Адыгэ Республикэми Къэбэрдей-Балъкъэрми щыдогъэлъагъуэ тхакlуэ Шукшин Василий и lуэтэжхэмкlэ дгъэува спектаклыр. Ар адыгэбзэкlэ зэзыдзэкlар журналист, усакlуэ Бемырзэ Зурабщ. Къыхэгъэщыпхъэщ, Шукшиныр адыгэбзэкlэ иджы япэу утыку къихьэу зэрыарар", - жиlащ Акъ Динэ.
Спектаклыр хуабжьу "зэмыфэгъу" дахэу зэхэгъэува хъуат, хъыбариплlым я купщlэр къыхэкъузыкlарэ гушыlэ дахэкlэ гъэнщlауэ. Шукшиныр нэхъ тпэгъунэгъу ищlырт, теплъэгъуэхэм я зэблэкlыгъуэм актерхэм къыхадзэ адыгэ дзапэ уэрэдхэм ("Си Сэрэтинэ", "lэлъын цlыкlу", нэгъуэщlхэри).
Шукшин и хъыбархэр бзэ дахэкlэ тхауэ, ар къэзыlуатэм акъыл жанагъ дэплъагъуу апхуэдэщ. Абы хэтхэр цlыху къызэрыгуэкlщ, къуажэ гъащlэм нэхъ пэгъунэгъуу, гу къабзэ-псэ къабзэу.
Ар адыгэбзэкlэ зэдзэкlауэ адыгэ актерхэм ягъэзащlэу слъагъуным си нэ къыхуикlырт зэрагъэувам и хъыбар зэрызэхэсх лъандэрэ. Спектаклым и япэ дакъикъэм щыщlэдзауэ удахьэхырт шэрджэс театрым и актерхэм. Утыку кърахьам лъабжьэ хуэхъур псэукlэм ехьэлlа къызэрыгуэкl lуэхугъуэхэрауэ щытми, дэтхэнэми и псэ, зэчий, къару хилъхьэри, гъащlэм щыщ дыдэ фlэкlа умыщlэу ди пащхьэ къиуващ актерхэр. lуэтэжым хэт лlыхъужьхэр дахэу зэрыджэгум гур хигъахъуэрт, гушыlэмрэ джэгукlэмрэ псэр дэпсэхурт.
Гъэщlэгъуэн пщымыхъуу къанэркъым зы сыхьэтым и кlуэцlкlэ актерхэр образ зыбжанэм зэрихьэр, зы теплъэгъуэм къыпыту адрей теплъэгъуэр екlуу зэрагъэзащlэр. Ар апхуэдэу тыншкъым зи щlалэгъуэхэм я дежкlи, нэхъыжьыlуэхэм я дежкlи. Спектаклым хэтахэм ящыщ дэтхэнэми щхьэхуэу укъытеувыlэну хуэфащэщ, ауэ сэ къыхэзгъэщынут Шэрджэс театрым и артист гуакlуэ, зи ныбжьыр илъэс 70 щхьэдэха Тут Тезадэ. Абы и ролхэр "утыку образкъым", атlэ "гъащlэ образщ". Апхуэдизкlэ дахэу мэджэгури джэгуу къапщlэркъым Тезадэ. Ар ящыщщ театрым узэрыщlэсыр пщызыгъэгъупщэ актерхэм. Мы спектаклми арат - къуажэм, хьэблэм, пщlантlэм, унэм щыпсэу бзылъхугъэ фlэрафlэщ, lущщ, бзаджэщ, гуапэщ - дауэ мыхъуми, жиlэмрэ зэрызищlымрэ уи ф1эщ ищlыфу утыку итщ.
Нэхъыжьхэмрэ нэхъыщlэхэмрэ щызэдгъэпщакlэ къыхэзгъэщынт Кlэм Асият. Пэжщ, дяпэкlэщ актрисэ пщащэм и псыкъэжэгъуэр, ауэ образым зэрихьэфым, и лlыхъужьым ещхьу уи пащхьэ къызэриувэм я фlыгъэкlэ куэдкlэ узыщегъэгугъ. Нэхъапэу игъэзэщlа ролхэмкlэ, и актер lэзагъкlэ куэд щlауэ тцlыху Мамыжь Азрэти сыт щыгъуи хуэдэ дахэу щыджэгуащ "Шукшин и хъыбархэм". Апхуэдэу ди гуапэу дакlэлъыплъащ Ажий Щамил, Дыщэк1 Руслан, Шорэ Марьянэ, Къэргъей Заремэ, Мэчэр Индирэ сыми.
Налшык иужь шэрджэс театрым и гъэлъэгъуэныгъэхэм щыпищащ Аруан, Лэскэн районхэми. Театрым хуэзэша цlыхухэр Щэнхабзэмкlэ унэм екlуэлlахэщ иджырей щытыкlэм къигъэув жыпхъэхэр ягъэзащlэу, ягу зэрырихьар къралъхьащ социальнэ сетхэм.
Пандемие лъэхъэнэ дезыгъэзэшам щlэщыгъуэу къытхыхьа шэрджэс театрыр махуэ хуабэм узыхуэлlэ псы lубыгъуэу къытщыхъуащ. Тхьэм заригъэузэщl.
Нэщlэпыджэ Замирэ.
Сурэтхэр Къарей Элинэ трихащ.

#Repost @adygvoice
・・・
⚡️⚡️⚡️31 октября 2020 года в 20:00 YouTube-канал «Circassian Film Festival», учредитель фонда репатриации в Канаде, опубликует 10 роликов, участвующих в конкурсе на лучший короткометражный фильм об истории, культуре, традициях черкесов.
🎥📽🎥
Для участия в программе фестиваля адыгского кино свои работы представили Яра Тлебзу (ОАЭ), Яхья Алхатиб (Швеция), Ясмина Чэтау (Америка), Нура Хабжоко (Иордания), Рияд Хуадэ (Канада), Умар Енамук (Сирия), Сизар Кат (Катар).
🎥📽🎥
Адыгея представила 2 фильма, режиссером которых выступили Усама Тлебзу и Дина Чениб. Авторы в мини-фильмах изобразили маленькие истории об адыгах. Длительность каждого ролика 3 минуты.
🎥📽🎥
Оргкомитет фестиваля учредил две премии. Одного победителя выберет профессиональное жюри, в состав которого вошли режиссер анимационных фильмов Муафак Кат (Канада), актер театра и кино Синан Албайрак (Турция), журналист Светлана Тешева @svetlanatesheva (Адыгея). А кому достанется приз зрительских симпатий, определят по количеству просмотров, лайков и положительных отзывов в комментариях.
🎥📽🎥
Смотрите, оценивайте, голосуйте! Ещё раз напоминаем - Фестиваль адыгского кино стартует 31 октября 2020 года в 20:00. Фильмы можно смотреть в течение недели. Имена победителей объявят 6 ноября 2020 г.
#адыгэмакъ #фестивальадыгскогокино #адыги #черкесы #культура #традиции #быт #адыгея