📲Адыгэ тхакIоу, усакIоу, драматургэу, публицистэу, зэдзэкlакlоу, АР-м искусствэхэмкIэ изаслуженнэ IофышIэшхоу, УФ-м и Къэралыгъо премие илауреатэу Къуекъо Налбый непэ къызыхъугъэ маф.
1938-рэ илъэсым, бэдзэогъум и 20-м къуаджэу Къунчыкъохьаблэ къыщыхъугъ.

📎ЩэIэфэ зыфэ­усагъэри, зыфэгупшысагъэри, зыфэгумэкIыгъэри ­иадыгэ лъэпкъ; ащ ишэн-хабзэхэр, ишIыкIэ-гъэпсыкIэхэр, иакъыл зынэсырэр ыкIи ибзэшIуагъэ, адыгабзэр – бзэ минмэ ялъэгэкIэу, яинэкIэу, угукIэ пшIоигъо­мэ, пщынэ бзэрабзэу, уцIыфышIумэ – шъоупсэу, бзэ къодыеу щымытэу, игущыIэ фабэу, шъабэу, шъып­къэу – Iэзэгъу лъэшэу зэрэщытыр, ащ адыгэ лъэп­къым ыпсэкIуачIэ зэригъэпытэрэр, зэриIэтырэр къыриIотыкIыныр ары.

🔻Къуекъом ытхыхэрэр 1962-рэ илъэсым къыщыублагъэу хиутыгъэх. Ипоэтическэ тхылъхэу «ЧIыгур сыгу къыщекIокIы», «Чэрэз чъыгхэр», «Нэпкъ фабэхэр», «Огур зыIэтыгъэр», нэмыкIхэри къыдэкlыгъэх.

🔻АдыгабзэкIэ зэридзэкIыгъэх пьесэхэу «Укрощение строптивой», «Хозяйка трактира», «Тартюф», «Ревизор», «Иванов» зыцIэхэу Шекспир, Гольдони, Мольер, Гоголым, Чеховым атхыгъэхэр.

Аужырэ илъэсхэм итхылъхэу «Хэта огур зыIэтыгъэр?» «Адыгский этикет»; «Избранные произведения» зыфиlохэрэр къыдэкlыгъэх.

➡️Къуекъо Налбый Адыгэ Рес­публикэм искусствэхэмкIэ изаслуженнэ IофышIэшхуагъ; АР-м и Къэралыгъо шIухьафтын (2002), дунэе премиеу М. Къан­дурым ыцIэкIэ агъэнэфагъэр къыфагъэшъошагъэх, шIэныгъэ­хэмкIэ Дунэе Адыгэ академием (АМАН), Урысыем итхакIохэм я Союз 1974-рэ илъэсым щегъэжьагъэу ахэтыгъ.

📝Мамырыкъо Нуриет/«Адыгэ макъ»