قصة تيسير ﴿ صراع انثى ﴾ حقيقيه 🔥.


البارت 1 شاركو القصة مع اصدقائكم 📌

فد يوم جيت للصيدليه نظفته اني احب الديتول كلش فكلت خل انظف .. نضفتها وكملت الجو بارد طلعت كهوة وحليب خبطتهن وداشرب ماحس الا واحد طب عليه  لابس تراك يباوع بجهرتي ويعيط

اسمعي لج سمعت اهلج مبلغين بمحكمة الكراده
كتله مادري اني جنت كلشش هادئه مدري ليش يمكن خايفه ومابين خوفي
  كال شوفي اذا ماتنازلتي  اكلب الدنيا ع راسج وراس ابوج!!يحجي ويباوع بعيوني واني حالتي متنوصف خوف على برود ماادري تعودت !!!
طلع جريت نفس كلت يمكن بعد ميرجع .. اشو رجع هد عليه كال انت مو دازتلي صورتج انت و اخوج عندي ياحلوة ادز جماعتي يوكفوله بالدرب يكتلوا
وابوج اكسر المحل ماله ع راسه
كتله كملت لولا صوتك عالي راح تلم الناس علينه
كلي اي الساقطة تخاف لو شريفه ابوج ميسوي هيج ويكول مشتكين عليك وطلع بالشارع وهو يصيح
اله  اترس الشارع بدم اهلج اذا ماتنازلتي
هو طلع التمو العالم وظلوا يسألوني هذا شيريد منج ومنو هذا ؟؟؟؟

أني تيسير مواليد 1993 متوسطة الطول حنطاويه مربربه عيوني بني اثنين رصعات على خدودي عندي اثنين اخوات طالبات واخو واحد اني كبيرتهم ..
اني تخرجت من كلية الهندسه وتعيين ماكو اشتغلت وي عمي بالصيدليه وتعلمت واني بطبعي بسرعه اتعلم فتعلمت على الشغل بين رفوف الادويه وصارت هي مهنتي ..

بيوم جنت متاخره ع صيدليه ظليت امشي بخطوات واسعه وممنتبهه لأي شي حسيت بخطوات ورايه بس مهتميت اني اروح للصيدليه مشي لأن قريبه علينه فتوني داريد افتح اجاني واحد رجال جبير شويه
   فكالي بله زحمه اريد كبسول مال التهابات  كملت فتح الصيدليه ونطيته اموكسيل وحاسبته عليه ضل واكف شويه اجه الولد اليشتغل وياي فطلع هو وكملت شغلي .
**
  بعدهه  بكم يوم دخل نفسه الرجال للصيد ليه وكال اريد حب مال معده كرط
نطيته جان يكلي انتي شنو شهادتج اني كلش غثني شنو يدخل بحياتي
  بس ماعرف شنو الي ربط لساني ومارزلته .
كتله اني مهندسه بس دشتغل هنا كال شلون دبرتيها كل وحده شكل كتله هاي الدنيا كال شلون تعلمتي كتله بنتر اريده ميسألني لان ضجت منه ..عمي علمني وتعلمت .. هو حس بالاحراج عافني وطلع ومشت ايامي عادي
  وبيوم من الايام يوم جمعه بشهر١٢ جانت لسه اتذكر يوم٢٥/١٢ اجوا النه عمتي اخت ابويه وزوجها دزوا عليه ورحت سلمت عليهم قبل الضهر يمكن ١١ وعشره اني جنت اطبخ لان متعلمين طبخنا يصير ع وكت اجه زوج عمتي صاحني كال يمنه خطار ممكن تجين تطبخين النه عمتي رجلها مبتوره وتتعب و بناته باردات ميسون شي واني متعلمين ع طبخي
    طباخه كلش ماهره والكل يشهد بنفسي بالاكل
كتلهم ماشي اطبخ وارجع مااكدر ابقى لأن دوامي ب2ونص بالصيدليه والرجال دز عليه فمااكدر اتأخر
كالو ماشي بيومها جانت حالتي حاله دشداشتي ريحتهه طبخ وشحالهه ومن العجله لبست شحاطة امي وطلعت . وصلت البيت عمتي وكبل للمطبخ جتي يمي عمتي بيدهه مكياجات وانطتني كحله كالت هاج عمه حطي من هي الكحله اخذتهه منهه وضحكت  وخليت بس بلا فهم شويه وناوشتني حمره خلي حمره من هي .. اني كلبي لعب وحسيت اكو شي .
كلت الها عمه شنو شصاير اليوم
كالت عمه جايج عريس يريد يشوفج
  كتلها الله وايدج عمه وينه ههههه بشقه عود
كالت فوك يشتغل ببيتنه هسه عممج يصيحج
   اني كلبي وكف ماعبالي صدك للحظه حسيتهه تشاقه .
كتلهه لا عمه عذريني اني عبالي تشاقين مااريد ازوج ...

يتبع...

قصة تيسير ﴿ صراع انثى ﴾ حقيقيه 🔥.


البارت 2 شاركو القصة مع اصدقائكم 📌

لا شنو ماتتزوجين هي وين لاكيتهه وبعدين شوفي ابوج حالته تره محد يفيدج الرجال سند الج وهذا خوش زلمه ماعنده زايده وناقصه وشاغول وانت حكمي بشروط حتى ترتاحين بس تره هو مطلك مرته تريد تكمل كليه وهو باب عرب ماعنده هي السوالف مايريدهه تدرس ورفعت عليه قضية خلع وتطلكت منه ابوها ظل يعبي براسها عليه هم متفقين تخلص سادس اعدادي وبس اشو هي من خلصت تفرعنت عليه وهو فقير ماكدر عليها  
ماريد انطيج الواحد ابو مشاكل ويتعارك وياج هذا ادمي يعرف الله ويصلي يصوم
طول ماعمتي تسولف اني صافنه عليها
كلت بكلبي مدام هيج ادمي احسن من غيره
    وهو جبيير بالعمر راح يدللني واني الاريده يصير وخاصه هو معنده اطفال وهي حجت لي ان مستقتل ع طفل كلت فرصتي هاي بلكي تتعدل حياتي بهالاثناء ودفكر اجه زوج عمتي كال يلا تعاي يشوفج اني تذكرت ملابسي شحالهه يالله وشحاطه امي
شلون اروح وشلون شسوي كتلها عمه نطيني دشداشه من ملاتج كالت بالغساله ولله جمعه وتدرين اجمعهن واغسلهن
المهم صعدت اني وحالتي المرعبله .. وقلبي يدك ومتشوقه اشوف العريس .. هو جان فوك بالغرفه ديصبغ صعدني زوج عمتي دخلنه ووكف يمي ..
جان العريس لابس لثام على وجهه لان صبغ خاف يأثر عليه او يستنشقه .. من دخلت اني هو فتح اللثام وكال السلام عليكم .. اني انصدمت لان طلع هو نفسه الي اجه قبل كم يوم للصيدليه وجان يباوعلي ويسأل بيه ...

كتله وعليكم السلام واني مصدومه
زوج عمتي كال هذا مؤيد يريد يتقدم الج
خجلت كلش ونزلت راسي اول مره انحط بهيج موقف الخجل سيطر عليه بس بقيت استرق النظرات
مؤيد مبين عليه جبير بالعمر طويل وضعيف عيونه ملونات بيهن خضار ابيض البشره
بقيت ساكته
كال شنو طلباتج
سكتت شويه بعدها كتله ادرس ماستر واذا ماادرس اتعين لان 16سنه درست وتاليهه اكعد
كال كل طلباتج مجابه وبعد شنو
كتله اريد بيت وحدي احسن اني اعرف بشغل البيت حتى لاتصير مشاكل هم
هذا الحجي كدامه للولد
من انتبهت انه يباوع ع دشداشتي عطبت كتله عمو اترخص عمي كال انتي فكري وبراحتج
كتله الله كريم ونزلت ..زين مانجبحت من الدرج هالكد ماانحرجت.
مرت فتره التفكير اخذ جزء من بالي والي توصلت اله  كلت احسن من شباب هالوكت فارق السن١٧ سنه وبلكي هالشي من صالحي هو كال شروطها مستجابه وتدلل بس ابني بيتي اكعدها ببيت مو اجار اني فرحت كلش كلت الحظ ابتسم لي الحمدلله
فد يوم اني بالصيدليه طب عليه انصدمت من شفته وبنفس الوقت خجلت كلش سلم ودخل
كال امي راح تجيج تشوفج للصيدليه بس تره شي روتيني جيتها اني كلشي بمزاجي وامي كالت براحتك واني اختاريتج الي هوايه واني اراقبج وشفت بيج الزوجه المناسبه الي . بقيت اباوع اله كلش متمكن بالحجي وعنده اسلوب يقنع اكبر واحد تعلقت بي حييل من اباوع بعيونه ماعرف شيصير بيه .
كدام كل كلامه احتاريت شنو اجاوبه ..اكتفيت بهزة راسي وكلت اله ماشي .. بس جنت كلش انحرج من جياته الي واتعامل ويا بثگُل ..
بعدها وبعيد الحب المصادف 14/2 جان موعد عمليتي احتفلت بالمستشفى عملية رفع البلاعيم
ضروف المستشفى وطبله وعمليه ودوخه طلعت من العمليه روحي لايبه مااكدر احجي  ووجع بحلگي  وامي يمي كوة سويته جنت كلش خايفه منها
  محد جان ويايه بالمستشفى فقط امي ابويه ملتهي بمشاكله . وره ربع ساعه من العمليه  كتلهم مابقه كالو الطبيب ميرضة الا يجي طبيب الخفر يشوفج
    كتلهم لامابقه ااشر بيدي كالوا انتي لان مو طفله عمليه البلاعيم صعبه نخاف من النزف منسيطر عليه وهسه خاف يصير نزف والدكتور مالج طلع الا يجي الخفر يشوفج زين نامي ارتاحي بينما يجي الدكتور  اقتنعت شويه وانجبرت اكل  موطا واجتي ممرضه ضربتني ابره وراحت اني روحي طلعت اختننكت عبالك مو نص ساعه طالعه من العمليه عبالك صار سنه بالمستشفى شفت الطبيب راح يبصم ويطلع رحت لامي كتله هسه نطلع كالت ميصير كتلها هسه معليه وامشي ودايخه الابره سطرتني
عاد طلعت للبيت هم ارد انام مطفيه بس وجع عبالك چوي مچويه اصعد بالسطح انزل بالطرمه افتر متت روحي طلعت
بالكوة نمت ساعه كعدت بليل امي تنطيني اكل ما اكل ولا اشرب كلشي نص الليل كعدت اختي طكتلي الابره وضربت نفسي بالكانيوله
وره اسبوع رحت للدكتور جان يكول اني موكتلج تعالي باجر ليش متاخره اسبوع ليش هيج ليش طالعه من المستشفى قبل ميشوفج الطبيب كتله ماتحملت وطلعت ...
وين رايحه ؟؟
كتله راجعه لشغلي بالصيدليه
فحص  بلاعيمي كال زينه شو تعالي اشوف ضغطج قاس الضغط٧/٤ تخببل
كال احس بيج راح توكعين هسه ترجعين لبيتكم
واخذي مغذي كتله اي وطفرت للشغل مارحت للبيت وماكلت لاحد مريضه والطبيب رزلني.
رحت للشغل وكلامي قليل لان تعبانه ولازم شهر واحد يجي واني٦ ايام بدوامي
جتي مره كالت شبيج كتله شلت بلاعيمي كوة احجي جان تكلي يا شوكت سويتيها كتله قبل ٦ ايام
هنيالج ولله ست ايام وتشتغلين واني جنتي شهر مافتحت حلكها
كتله خاله العيشه تريد!!...

يتبع...

قصة تيسير ﴿ صراع انثى ﴾ حقيقيه 🔥.


البارت 3 شاركو القصة مع اصدقائكم 📌

عفته وطلعت للبيت كوة اكل يجون خطار يكولون بعد عمليه لخ تصيرين رشيقه وج كلش ضعفانه هههه
مر اسبوع بعد بيوم الجمعه نكعد وكت نضفت البيت اني واخواتي ولفينه دولمه كملنه كلشي على وقت ودخلت  اسبح كملت وطلعت  مشطت شعري سويت ضفيره حطيت مكياج .. وكعدت
صارت ساعه ٩ ونص.. اندكت الباب فتحته شفت
زوج عمتي وعمتي وويا نسوان اثنين ومره عجوز
سلمت عليهم ودخلتهم للبيت وراحت امي الهم
صار حجي كالوا احنه جايين على بتكم وابنه رايدهه ومقتنع بيهه صار فتره ردنا نجي سمعنه سوت عمليه وما كدرنا نجي الا تصير زينه
كلتلهم امي ان شاءالله نرد الكم خبر ..
لزمناهم على الغده مقبلوا كالوا اريد اروح بس جايين نشوفها .. وطلعوا ..
وراها هم  اجه للصيدليه كال شلونج وعيونه تتفحصني  اني اخجل حتى من الكلام ويا وسلامي ثكيل  كتله هلا بيك
كال حلوةضفيره شعرج كتله هاا ؟؟ كال من اجو اهلي وابتسم اني عرفت قصده معناهه كايليله ضحكت ودنكت كتله شكرا راد يحجي بس شافني خجلانه طلع ..
مرت الايام واجه دنتفق على الحفله هو مارضى اسوي حفله ولله خابرته كال بس اكطع مهر اسبوع نتزوج ماتاخر وراها دكيت عليه كتله يعني البشر المرتاح ربك يجيب ناس تريحه والمتاذي يسلط عليه ناس تاذي بزياده اريد حفله بسيطه عماتي وعمامي وبناتهم خما اني وحد كال هسه اجيبلج فلوس واجي وما جاب كال ليش مصاريف

بقيت محتاره شراح اللبس ردت اخابره بعد امي مقبلت كالت مو ضروري هالشغلات ميخالف وهو خوش ادمي وهي كلها مصاريف زايده .. بقيت محتاره باللبس اني صح اشتغل بس فلوسي
  اساعد بيها أهلي بي لأن ابويه على كد الحال وهم ميكفي .. جنت اعوز على نفسي واصرف على اهلي
لذلك مجنت ابذر واشتري ملابس هواي . . عندي خواتي طالبات وانطيهن لان ابويه مينطيهن واخويه مريض بالمرض الخبيث واكثر ادويته اني ادبرها ..
المهم جنت بالصيدليه وافكر وبالي موشوش . بين كل هالتفكير دخلت عليه عمتي سلمت ودخلتها جوه
بيدهه علاكه وكالت هي الج من مؤيد هو دزاهه ..
وراحت .. اخذتها للبيت فتحتها  لكيت جايب مثل الروب مثقب كلش طويل للكاع لونه بصلي و بنطرون بيجي و قميص يصير عريض وردانه يصير ضيق ابيض وشال بيجي وبصلي كلش فرحت بس جنت احس اكو غصه بصدري كاتمه على نفسي متخلي سعادتي كامله بلحظتها .. لبست وكعدت اباوع النفسي بالمرايه واني ممصدگه وهو كل شويه يخابر يحجيلي شديسوون كال توته دنجيب طليان وراح نذبحها اليوم وراح اجيب اهلي واقاربي من الحله والكوت اريد الكل يعرف اني اليوم خطوبتي .. اني اضحك على سوالفه شكد فرحان .. كتله ماشي وضحكت
وكعدت افكر يمكن ممصدك ناطينه مره شبي هذا ..
شويه وسمعت اصوات سيارات وعالم وحتى رمي دخلت عليه اختي كالت ولج شدسوين ماخلصتي اجوي النسوان .. اني كمت راسا خليت مكياج ولبست عدسات ولفيت الشال وداللبس بالحذاء طلع كلش ضيك طبت امي عليه بالغرفه لج يلا وينج السيد اجه ويريدج دتعقدون كتلهه ماما الحذاء كلش ضيك كالت
لبسي طكاكي هههه كتلهه ماشي لبسته شون مجان
وكفت يم الباب و السيد يحجي كال تقبلين بهيج مهر وكذا كتله اي بس عبالك مصدوفه صرت مي من الخجل وحذاء يجيسني هههه.. المهم تمت المراسيم ووزعنا الكيك ولبسني الحلقه ..
طبعا عمامي بالمشيه وولا واحد جاي كلهم اتخلوا عنه بعد كلشي خلص وراح الكل لبيوتهم دخلت للغرفه طكيت بجي كلش مقموت قلبي احس يريد يصير شي بين كل هذا البجي اتصل بيه مؤيد .. مسحت دموعي وجاوبته .. كال بالخير علينه حبيبتي اني سكتت اول مره يكولي حبيبتي كال اريد اجي يمج بالغرفه اريد ابوسج اريد احس انت صدك صرتي اله كتله لا مو هسه وختمته ويا بسرعه ..
مرت اول الايام عاديه جان يجي يمي للبيت وبحضور اهلي نسولف ومره طلعني للالعاب والمول وعقدنه محكمه .. قرب موعد العرس خابرني كال امشي نطلع نسوك رحنا اني وياه نشتري بردات و فرشه ماال غرفه وحصير ومرايا جبنه الغراض من يمنه ولله هنه مو هلكد وكلش بسيطات بس تمشي وكت مؤيد قنعني انه بس يكمل بناء يجيب كلشي جديد  واحنه رح نكعد  بالايجار واذا نتنتقل تتكسر الغراض فأني اقتنعت بكلامه وهو عنده قدره على اقناعي مدري اني جنت مغمضه .خلصنا مشتريات . وصلنا   للبيت مالنه اول ماوكف التكسي يم المكان الي بي البيت  يالله نصدمت البيت  ببستان عبالك غابه ويخزي كلش يخزي كالي تعالي وياي استحيت شلون اطب كتله لا ابقه هنا كال تعاي وظل يجرجر بيه كدام ابو التكسي اخر شي تدخل الرجال كال عمي هذا رجلج عادي حطي الغراض انتضركم بالباب اني
ودخلت ويا ..

يتبع ...

قصة تيسير ﴿ صراع انثى ﴾ حقيقيه 🔥.


البارت 4 شاركو القصة مع اصدقائكم 📌

ودخلنه للبيت ..  وعساني لا طبيت صح جبير اربع غرف نوم بس تعبان حيل جنه خرابه .. هو يحجي ويايه اني بالي مو ويا مصدومه من الي شفته دخلت لغرفة النوم الاخشاب مكسره  حتى الجام متكشط مالها وموكفها ع طابوكات دوشك يخزي خفيف لو لنفسى ما اخلي ولله ولا افرشه ببيت اهلي رغم امكانيه معدنا .. وهو كايلي مسبقا البيت كامل ومكمل بس هي الشغلات الي رحنه اشتريناهه ..
بس انصدمت  شنو هاي الغرفه شنو هالغراض زين اذا جوي نسوان خوالي وهنه شماته شراح اسمع من حجي   واني دارسه ومثقفه  هاي غراضي!!!اني صافنه تقرب مني كال ع خير حبيبتي ديبوسني  انفجرت بوجهه .. !!!
كتله انت شنو شنو هالغراض ولله حرام عليك يعني ترضاها ع اختك ترضه هيج غراض يجهزوها انت مو كتلي كامل البيت و هاي مال مرتك
كام يحلف لامالتي ذنيج بعتهم
ظليت ابجي وصوتي عالي جان يعيط بيه
اسكتي لج  الرجال شيكول داغتصبج وتعيطين نصي صوتج فضحتينه
اني  اخذت موبايلي وطلعت
صعدت بسياره وكلت للسايق حرك وبقيت صافنه والدمعه بعيني  وصلت لأهلي طبيت كبل للغرفه بدون مااحجي ويا احد كعدت افكر بس مو هواي  وره ربع ساعه اخذت التليفون وخابرته بس جاوبني ظليت اعيط بوجهه كتله ماريد الغرفه هاي لو تموتني والبيت هم ماريده وكلشي مااريد زين
جان يكلي  اليوم جمعه كدامج باجر وعكبه الاحد ترحين نتطلك زعطوطه
كتله واي اتطلك ولا هالسحاله.  وسديته بوجهه
ضليت اكل بروحي اكل اني شون قبلت بي شجابرني وعليش مستعجله  ع الزواج ..
لحد ما اجه الاحد دكيت عليه مايرد عليه ظليت ادك مره مرتين وتلاثه ماكو رد اخر شي دزيت اله رساله كتله تعال للمحكمه انتظرك هو ماكو مارد على الرساله راح الاحد اجه الاثنين ثلاثاء ماراسلته ولا هو راسلني
يوم الاربعاء جنت بالبيت اجت امي كالت مؤيد يريدج  اجه يسال وين عنج يكول وين توته مشتاقله اني جنت اغلي منه طبيت عليه محزمه ههههه هو كام عود يسلم اني بدون مااسلم .. باوعت عليه وجهي اصفر وكعدت كباله وامي يمنه وكعدت احجي سوالفه لأمي ..
كتلها يمه ما اجذب وداني للبيت وكتله ماريد البيت هذا روحي اختنكت منه ماريده والمطبخ يخزي
كال شهر ونشيل
كتله مؤيد اكو غرف زايده احنا ثنين واكو ٤ غرف وحده منهم سويه مطبخ
كال اي اسوي
ظليت اعيط عليه كتله الغرفه مكسره مااريدهه مااريدهه انت مو حرام عليك تضحك ع بنات العالم وانت مو صغير ليش هيج ذهب جبتلي محبس وحلقه وتراجي وسكتت كتلي وره الزواج  ماريدك كلك مااريدك يلا
هو ضاج كال رايح اني وطلع
بس طلع امي ظلت تحجي ولج عيب عليج شسويتي شهالحجي اني مجاوبت ورحت للغرفه ..
بعدها اني جنت بالصيدليه وهو جاي للبيت يتوسل ويلح بأمي وامي اقتنعت وكالت متلكين مثله كل الي سويتي بي وبعده شاريج ميصير انت مو زغيره ..
وكال بس اكمل البناء اجيبلهه غرفه من كتلوك ظلت امي تلح بس اني قافله 
بعدها  اجه للصيدليه اهنته وكتله ماريدك عوفني ..
وظل يلح ورايح وراد واني شراي واني اريدها وشنو تريد اني حاضر وهم اطرده.. الى ان بيوم صفنت ع نفسي كلت ابقه هيج الولد رايدني ليش اطور المواضيع بعدين شنو اني مالي احد ولا سند عمامي بالمشيه تخلو عني  بلكي يكون سند الي تواصلت ويا وكتله قابله .. قبل العرس باسبوع عزمونه اهله ردنا نروح بدلت لبست عبايه خليجيه بيها ورد وردي شال وردي وحذاء وردي
وجبت ملابس لأخواتي وتحضرنه دنروح الهم هو اجانه جاب كيه حتى نروح لاهله صعدو اهلي اني،بالاستقبال كتله تعال كال شكو كتله لبسني الحلقه لو حتى هسه هم ماكو لاحفله لا صخام
لبسني الحلقه باصبعي الوسط كتله خرب مو هنا جان يخليه بايدي بس مكلوب لان هي خاتم وحلقه سوا عطت بي كافي دلبسها عاد امي جتي لبسها الي  يريد بحضني طفرت هههه رحنا لأهله ديصبون غده اخواته مو هلكد بس خوش بنات حبابات كلش وامه هم حبابه حيل جان تجي اخته تصيحني تعالي الاخ يريدج بغرفته كتله لالا ماروح جبرتني تكلي يرزلني رحت وياهه بس مستحيه دخلت الغرفته
غرفته فارغه بس جديده بيتهم حلو  بس  غراض مابي يكولون لازم نحط سيراميك يله نجيب اثاث جديد المهم اباوع ع غرفته بس جنطه ملابس وحصير ومبرده لان صيف صار
  وتلفزيون كعدت يمه سولفنه شويه ارتاحيت لان جنت خايفه او مستحيه ظل  يباوع عليه هو ويسولف  فكعد مثل الراكع يباوع عليه كتله هاا شكو تصفن بوجهي .مثل المضيع شي . ؟؟
كلي تدرين احبج وتمنيت ودعيت الله يكتبج الي من يوم الشفتج بالصيدليه وروحي طارت احسج حلالي
الحمدلله الله كتبج الي بس منتراهم وج حيل كصيره جنج دبه مال غاز ...
فتحت عيوني على كبرهم بوجهه وطكيتهه ضحكه بوجهه ولله شكرهته بوكته..  هو كلش كلش طويل  يعني من كاعد كعدته هاي يوصل لحد صدري تقريبا واني واكفه .. جان يلزمني من خصري اني صح سمينه بس جسمي كلش مخصر مدري ليش ع كولته متقصده تكبرين بغداد وتصغرين خصرج حتى يباعون عبالهم عمليات ....

يتبع....

قصة تيسير ﴿ صراع انثى ﴾ حقيقيه 🔥.


البارت 5 شاركو القصة مع اصدقائكم 📌

باسني من بطني يمه احس كلبي وراسي يدكن فد دكه  اول مره احس هيج .. احس من هاللحظه گلبي دك اله . من خجلي معرفت شحجي وشون اتصرف كتله معليه انت متستحي ولله ولا جن عندك خوات وماطب يمك لو تنكلب الامه زين عفته وطلعت اضحك ..

صار وقت الغده وتغدينه مسوين  كبه ودولمه وباميه  شالو الغده اجه اخو كال يالله مرتك هم مدعبله متكلي شراح تخلف .. ضليت اضحك والكل ضحك ..

شلت المواعين وياهم جابو فواكه وجاي  كعدنه اني مااشرب  جاي  ابد نطوني تفاح وموز دا اكل وجان يحط مخدته يمي واني كاعده كال تعاي وكليني

كتله شنو كوم كوم وادفع بي صاح يمه   شوفي شلون تكوم ابنج وهو جوعان شفتي اني حاولت اسكته لان فشلت .. واحنه وحدنه بالصاله ..

كتله هو موز متعرف تاكل كال اي وتفاح هم انطيني دانطي  حط راسه بحضني ايدي وره راسه جرها كال فركيلي راسي يوجعني مديت ايدي عاط اوف اوف بعد بعد خرب صرت اجوي احس حراره طلعت مني من الفشله كال صخنت البنيه كافي عمي ماريد نطيني تفاح خل اكوم وكام راح بغرفته واحنه طلعنه للحديقه شويه كعدنه بحديقتهم سوالف وجاي وضحك دقايق واجتي اخته كالت
مؤيد يريدج عيني ست
كتله ما اجي شيريد كامت تغمز
امي كالت شوفي شيريد حتى نروح

طبيت ملكيت احد بالغرفه دطلع ولزمني جان خاتل كمزت من الخوف كال مخبله انتي ليش متجين اصيح عليج ماتجين كتله اي بس من تبطل سفاله وفسوق اجي
اني فاسق مو ظل يبوس بيه وحاضني حييل  كمت اعيط عليه سمعت صوت اخو يكول احم احم

كتله رتاحيت مؤيد ولله فلا اطب لبيتكم متستحي ولله متستحي شحجي كدام اخوك هسه اكيد سمع صوتي
ولج شدنسوي قابل هو انت مرتي
كوه ملصت روحي منه وطلعت

كلت لامي خل نروح جان يكلي يلا صعدي بالصدر يمي كعدت جان تجي مره كالله شوفي هاي احلى لو ذيج يقصد على طليقته كالتله لا هاي طبعا

جان يكلي سمعتي تكلي هاي جكمه كتله جكمه ع روحي مو عليك ضحك وصعدنا بالسياره وصلنه الاهلي هالحجي الساعه ب8بالليل اول ماوصلنه جتي الشرطه اخذوا اخويه للسجن ..

يتبع ....

قصة تيسير ﴿ صراع انثى ﴾ حقيقيه 🔥.


البارت 6 شاركو القصة مع اصدقائكم 📌

من رجعنه للبيت شفنه الشرطه اخذت اخويه
لان صار انفجار وكارفين شكو ولد بالمنطقه .
احنه انصدمنه وانخبصنه خبص  وكلش خفنه عليه ومنا هو مريض ..
وخاصة امي مقبلت تبقى بالبيت ظلت تدك وتلطم وتبجي .. واحنه حواليهه نسكت بيها وهم نبجي وياهه .
بعدها امي طلعت راحت البيت عمي كالت ماابقى بالبيت وابني مو هنا .. وبقه مؤيد  يمي بس اني وخواتي وهو بقينه بالبيت ..
هو اشرلي كانما يريد يحجي وياي  خواتي راحن نامن بالغرفه اللخ كتلهن هسه اجي بس يحجي وياي انتن نامن
هن نامن بقيت اسولف وياه لحد ما  نعست كلش
كال اريد شي منج كتله كول هالحجي ارد اغفى ع نفسي من التعب واني ممتعلمه ع السهر
كال اريد تنامين بحضني شويه
كتله شنو لا عمي اعذرني اهلي مأمنين بيك خلوك يمنه مو كمت متدري شتدور من سوالف
هو ضحك كال اكلج اكو بنيه تكول اكلك عمي لخطيبها  شنو داطبك الكم كاشي اني لو انتي فيتر مال سيارات وج احجي بصوت ناعم
  حطي راسج ع ايدي وبس هسه يجون خواتج وكومي
  هو جان ممدد تدنيت عليه هو مد ذراعه حطيت راسي ع ايده غفيت ولا ادري،شنو بالدنيا
طبعا جان الوقت  قبل الفجر
بعدها غفيت على ايده ومااحس بس فزيت على صوت  تلفوني يدك سحبته شفتها  هاي امي جاوبتها بلهفه اريد اعرف اخبار اخويه كلش قلقه عليه  كالت كومي سوي ريوك لأخوج طلعوا
  جفلت ملابسه حجاب اني متعلمه كدامه البس حجاب جريت شالي من يمه باس ايدي عفته و رحت ع خواتي بعدهن نايمات الحمدلله ركض غسلت وجهي سويت ريوك ورجعتله  كتله كوم شوفهم عيب شيكولون
هو كام مطفي ويباوع عليه يكلي شكد دافيه يولي حنينه كلش
يمه معت ههههه
  صدك حبيته مدري ليش ملكني كلش ملك كلبي مثل الطفل الي  ينضحك عليه بكلمه ولعبه
  ارتاح من اشوف عيونه اشوف طوله يمكن هلكد ماحب الطويل ربي رزقني بي
حظنه حلو ليش هيج غفيت ماخفت احد يلكفني واحنا بالصاله ماخفت اهلي يجون مادري شنو هالامان الحسيته شيء حلو بين ما ببالي اتمعشق بي بيني وبين نفسي ..
بهالاثناء  طب اخويه واهلي سلمنه عليه كعدت  خواتي كعدن وراحن كل وحده على شغله خطيه اخويه كاتليهم ومبين عليه التعب تريك ونام
مؤيد  بقه يمهم وراها طلع لاهله لان تاخر كلش يمنه

مرت أيام نكضي النهار يجي للصيدليه وبليل مخابرات وكلام وغزل منه هو طبعا اني مستمعه ومبتسمه هم
  زوج وهم حبيب واب يجوز مفتقده حنان الاب ربي عوضني بي وهيج مشت الأيام ..وقرب موعد العرس فد يوم اجه  كاال باجر نروح نشوف البدلات ونحجز يم ام صالون صديقتي
كتله ماروح الها
كلي ليش
كتله تطلعني زباله واني ماريد  اكو وحده مكياجه حلو .. اريد اروح الها
هو قفل الا يم صاحبته كال خوش مره واطلبه فلوس اريد اطلعهن منها لان متنطي
اخر شي اقتنعت كتله خوش  خوش
رحنه شفنه بدلات واجرنا وحده بيجي بيها بنفسجي للحنه وبيها ذيل شغلها من وره كلش حلوة ومال عرس ع كدي وشغل بسيط وبيها ورد ع الزند وبس كلش هاديه
  والمره شافتني كالت خوش ولد وحباب ربي يخلي الج نطتني ملابس كالت هديه مني الج وصينيه الحنه هم منها هديه بس كالت ها كوليلي قبل بيوم احظرها الج وتأمرين تشكرت منها و طلعنه من يمها فرحانه بغراضي كلش
خاصه بدلات جدد ومملبوسات فرحت عبالك اول مره افرح ..
  كلي باجر نروح للكاضم نجيب ملابس نيشان هم تحضري .. بارت 4
كعدنا من الصبح اني وامي  لبست تنوره سوده وشال جويتي اني بالعادة كل لبسي اسود متعلمه البس كله اسود ماعدا شالي يتغير لونه والحذاء وبس مكياج خفيف طلعنه من الصبح اني وياه وامي اجر النه تكسي صاحب التكسي يصير صديقه وجان بوكتها مطر و اكو ازدحامات هواي والطريق تعب اني ما تحمل السياره يصير عندي غثيان سفر
  واستحي منه ومن السايق كوة لهيت نفسي ووصلنا اول مره بللاعضميه نزلونا واكو كيات توصلنا للكاضم صعدنا وصلنا واخيرا اول مره اروح للكاضم من زمان مرايحه مكان حلو تمطر بوكته احس نفسي مرتاحه اباوع واصفن ع مكان شلون حلو شلون شي مقدس وجبير ع هالصفنه عاطت امي بيه تفتيش امشي خل نفتش
  لبست عبايه وفتت دخلنه جوة هم تفتيش وازدحام وامانات وكل شوي وحدة تنطيني هيل تكلي اخذي مرادج من هيله ووحده تنطيني جكليت ووحده تصيح الف الصلاه والسلام عليك يا حبيب الله محمد اني مرايحه ابد ولا شايفه هيج اجواء شغلات جديده عليه ومرتاحه امي تدفع بيه اليوم شماكله ولج بس تتصفنين الرجال ينتظر
كتلهه يمه نسيته هههه  كوة وصلت للمفتشه جان تعيط بيه شنو هالمكياج بجنطتج
غير مدمنه عالمكياج ياعيني
كالت تودي للامانات وتجين
لاحبابه خلي يمج شيوديني ولله امي شلون اعوفه اتيه كالت يالزايره دودي ودي اتيه
شسوين بالمكياج رجعت ووديته للامانات
واني امشي اسمع مره تدعي بجاه الله واهل بيته يطلع حقي وحق بنتي ولكم طفله شلون هيج تسوون
تقربت عليها مره ويمها نسوان اثاري المره بنتها لابسه تراجي ذهب ووحده جايه جارته من اذنه سوده عليه وشكت اذنها واخذت الترجيه وانهزمت....

يتبع...

قصة تيسير ﴿ صراع انثى ﴾ حقيقيه 🔥.


البارت 7 شاركو القصة مع اصدقائكم 📌

والطفله خطيه تبجي واذنها كلش توجعه ودم يموت فد انقهرت شنو هيج نماذج وبهيج مكان يبوكون ويأذون طفل ولله حرام مكان حتى النضره الغلط بي حرام تبوك شنو هالنفس الضعيفه
يااااا تذكرت اني وين ينتضروني يالله واركض ع استعلامات ورحت الهم داخل الامام
هو كال زوري يلا مو بنفسج تزورين ولله طبيت مكان شكد حلو عبالك شي خيالي داخله طبيت وعيني ع كل مكان بي طبيت مره نطتني قران اني وامي قريت شويه وضليت ادعي ربي يخلي ويكون سند الي ومياذيني
  اكيد دعائي مستجاب بهيج مكان طاهر طلعنه اني وامي واجه هو فترينه شوي جبت ملابس كالي جيبي الوان شنو سواد بسواد  شي مفرح جيبي جبت فساتين واحد جويتي واحد ماروني كلش حلو وطويل مال محجبه ورحت ع مكياج هو باوع كال شغلتج مطوله صاح ابو الجاي كال لامي عمه كعدي هنا يمي خل نشرب جاي بنتج شغلته طويله واني يم ابو المكياج يخبل كلشي كلشي جبت عشق المكياج مو طبيعي
  داحجي وي ابو المحل ركض ع ملابس نوم تخزي كلش  كال اريد هذا هم احطه وياهم اني حجه هيج انجلطت استحيت منه كتله لالا ماريد جان يخلي وي الغراض وكال كملي خل نطلع كملنه وطلعنه تغدينه هناك وجبنه حلويات ورجعنه للبيت جان يوم كلش حلو حسيت براحه بي ونفسيتي تعدلت .. قبل الحنه غيرت البدله قلدو عليها   كالو باهته بدلتها ..بالصالون اجتي وياي صديقتي كملت داطلع ماقبل  اخذ صور
   كال بلبيت اخذي طلعنا هو كالب وجهه يباوع عليه يأشرلي اني اعلمج شلون تاخذين صديقتج وياج
   بسيطه
   اني خفت منه شنو بسيطه قابل شمسويه
صديقتي تغمزلي تكلي متحلفلج وتضحك
  اني خجلت محجيت شي من طبيت للبيت عبالك فاتحه ولله لا اكو بشر ببيتنا لا اكو احد بطرك كم شخص لو فاتحه جان هم اجو اكثر
بعز الخنكه وماكو احد تنفتح الباب وتطلع صديقتي كوة مندله بيتنا وجايه هي صديقتي بالدوام صار٣سنوات مشايفته
  ركضت اني وبدلتي حظنته من الفرحه
   هي كالت اله تركصين وياي كمنه نركص وبالي يم اهله  خاف يجون يكولون مستقتله هاي
  كعدت اخابر بي كال ما اجي كتله مو تحنوني عيب اكو ناس يمنه كاال احركج اذا تحطين حنه اموت منها نفسي تلعب
بطلت ماحطيت بكلبي غيض مو طبيعي صديقتي عرفت بي  مضوجني كالت طلعي حركتج بالركص  اجو جوارينه وناس منعرفهم التمو واني بالنص بالكاع وهم وكفو ع كراسي واغاني،بعلو الصوت واني ردح مو طبيعي
طلعت قهرتي كلها كعدت بالكاع كتلهم جيبولي اكل جابولي لفتين كباب وببسي وكعدت اكل والناس تباوع وتضحك عليه شبيه هالبنت مستقتله
بس اني لا اراديا تصرفت هيج واكلت هواي لان صاحبتي كالت صار عندي تسمم وكم يوم ع مغذي ميته جوع كتلها ناكل اني وياج تكلي وبدلتج كتلها مومهم اليحجي خل يحجي
واكلنا خلصت الحفله وهو مااجه  وبعدهه نزعت بدلتي وسبحت ونمت ب٩ بالليل ..
كعدت الصبح جلفت البيت وتنضيف وخلصت ابويه يتعارك ويسوي مشاكل من الماكو كتله يعني كافي خطار يمنه عيب ليش تصيح اجه وموتني كتل
كال اي كيفتي عليه هالمطلك مو؟؟تره اني معليه بيج زين
  كتله انت شسويت الي اني ولد مو بنيه اني كلشي ماجبت لي مثل البنات كله ع راسي كله اني،شلت هم خواتي هم نفسي دراستي وهسه كمت تكول بنتي وبنتي بعديش تكول بنتي بعمرك ما كتلي هاج مصرف بعمرك مكلت بنتي شلونها
عوفني يابه بحالي وطبيت جوه
  شويه واجو صاحوني مؤيد يريدج اني جنت ابجي وعيوني حمر  رحت اله ظل يباوعلي  كال شبيج كتله ماكو بس مقهوره اعوف ابويه واهلي احبهم ماكدر بدونه كال اني اجيبج الهم يلا تعالي نروح للصالون ورحت للصالون وكملت كلشي جيت لاهلي
امي تبجي وتباوعلي  وتحجي والله تخبلين شلون طالعه حلوه
  اني مابجيت بشقه كتلها يمه راح ازوج واخلص واودع العزوبيه واضحك بس كلبي متفطر خايفه ومادري،شسوي يمكن هذا احساس كل وحدة تتزوج طبيت كعدت خابرني مؤيد
كال ماجيب موسيقى وكذا وصور عيب جيرانه ميت كتله صوره ماكو حرام عليك هو عرس بلا صور كاال تطلعين صدرج للمصور لو تردين يباعون ع زنودج وانتي سمينه استحي ثكلي
كتله اكلك ماحاجه لحد يجي بطلت ..
كال احنا بالطريق كتله معليه وسديته وكعدت بنص الكاع كتلهم ماروح والله فلا اطلع زين نزعت التاج وكعدت وذبيت البرنص
  امي تتوسل ونسوان والناس كتلهم ماروح والله داحجي وهم طبو كالو عيب لتسووها سالفه هاهيه
  ديحجون فاتت موسيقى ثاري عمتي ماجرتها
خطيه جرني كومني اشو شاف بدلتي عيونه دم وهو طويل لابس بدله بلا رباط ومدري شنو يعيط جيبو عبايه شنو صدرها طالع جيبو شي كبعوها مو عيب ظل يعيط بوجه امي  انتي امها شلون ترضين هيج....

يتبع...

قصة تيسير ﴿ صراع انثى ﴾ حقيقيه 🔥.


البارت 8 شاركو القصة مع اصدقائكم 📌

حط برنص ع راسي وجاب دبوس خلاه ع صدري وطلعنه
    مشت سيارته اختي يمي وهو وبيبي
  واني وصلت لبيتنه الحذاء كعب موتني دنزع بي واسمع عياط اني كوة نزعت والبدله جبيره مكدرت اطلع كلت خاف ولد تحرش لبنيه لو شي معين
  سكتت اصيح ع خواتي محد بقه الصوت راح يالله عافوني شو محد اجاني ليش هيج الباب ضيكه شيطلعني واني بدلتي هيج
اجه هو كالب وجه ويعيط اكلج شفتي اهلج يكلولي راعي
اني راعي مو انتي شنو احسن مني يعيروني بيج
  هالحجي يعيط ويخابر ويطلع بسلاحه يمه متت من خوفي كلبي يرجف يمه شصار شكو كال عمامج اترس بدمهم الشارع بسيطه كوا.....)
راح وماارجع  لليل الساعه عشرة ادك والطم تلفوني يم اختي امي مو يمي محد يمي بدله متنزع قياطين بيها صرت نار شسوي يربي شسوي اريد امي
ارد ارجع لهلي خاف موت اهلي يربي
  شويه وطب هو شنو نازعه البرگع حبيبي
  اني انزعه الج حتى تصير حياتنه حلوة اباوع هذا بارد شيحجي
  كتله شكو عوفني لا حلوة ولا ابد عوفني بحالي اهلي شبيهم
كال تفاهمنه وياهم وفضت ماكو شي حياتي باسني من راسي وخرت كتله معليه اخابر امي ولله ترجعي لامي
كال ارجعج شنو اني اتمناج يمي هسه تكولين رجعني تبقين يمي هاج التليفون خابري امج هسه اجيج اني
خابرت امي وارجف كالت رجلج طرد عمامج والنسوان كلهن
   ويغلط ويصيح واني ردت اخذج منه بس كوة عمامه واهله يتوسلون وعفتج ديري بالج ع نفسج زين يمه
  كتلها اي بس فدوة جيبولي تليفوني كالت منجي للسبعه ميصير نجيج اتحملي واني اجيبه الج
سديته طب هو
  باسني كال انزعج بدلتج تعاي
كتله مااااريد يابشر ماريد عوفني كال زين زين افتح من وره واروح ع راحتج
  فتح القيطان الوره وراح اني ارجف كلش واخاف ومنغاضه منه شنو يسوي هيج شنو يهدد
شنو يعيط بعدني مصار ساعه يمه
هو طلع اني، سديت الباب ركض ذبيت البدله لبست دشداشه عاديه والحمام يمي سبحت بدلت اجه هو فتحي الباب ولله معليه بيج ولله ماسوي شي بس فتحي كتله زين فتحت الباب كال هاج اكل اني ماطب يمج امني
بقيت اباوع واختلس النظر صدك ما اجه ساعتين تلاثه هو يشخر الحمدلله نام
  محسيت بعدها الا الفجر وهو نايم يمي ها شكو شبيك شعندك هنا
دكات كلبي الف
   رجفه وخوف يمه وحش مدري شنو ماكدرت اخفي خوفي رهبه الله يعلم بيها
عليك الله معليك بيه روح امانة الله روح
صح ارجف بس هو لابس ملابس يعني متوقعت شي واني جنت اريد اعاقبه ع اهانة اهلي
كلت امنعه مني مااخلي يتقرب الي اباوعله عيونه
عيونه حمر
مؤيد شكو روح فدوة روح لخاطر ابوك لخاطر تراباته لتطخني مكدرت  اني شطولي وهو كلششش طويل يعني بححضنه مابين
  لازم ايدي واني اصيح اريد احد يوخره مني ماكو @c77iq
انتهك عذريتي بطريقه عنيفه ومو معتاده مو طبيعيه مو مثل اي رجال لا وانما اخذني (بأيده )
   متت يالله احس جررح جبير وواحد فتحه بسجين  وجع مو طبيعي اتوسل بي مديعوفني روحي طلعت مو عركت وبس وانما صرت مي
وخر من يمي  كل شي بجسمي يرجف ماسيطرت ع جسمي وع الرجفه وع الوجع
  هوشاف دم عافني وكام كلشي ماحجه ظليت الوب على السرير  بعدهه النزف اخذني اريد اكوم مكدرت ظليت الوب يربي متت ..

يتبع...

قصة تيسير ﴿ صراع انثى ﴾ حقيقيه 🔥.


البارت 9 شاركو القصة مع اصدقائكم 📌

ب 5 بعدهه  هو اجه اني ارجف مابيه حيل واوخر بي يريد يلزمني
جاب مي غسل وجهي كال كومي
  غسلي
كل حيلي بس مابيه حيل قوة معندي
كم ساعه ارتاحيت بس كلما اذكر تجيني الرجفه اباوع عليه ديتريك بالاستقبال

   ماحجيت شي وياه ابد غده جاب همبركر بيتزا وببسي ما اكلت
  للعشه قفلت الباب ماريد يجي اخاف
  نمت واني كلساع اتجفل
  ثاني يوم وهو عبالك غريب كلشي محجه ثالث يوم اتقرب مني
ونفس ماسوة اول يوم واقوى هم ظليت اتوسل بي
  ولك عليك الله ابوس ايدك عوفني عليك النبي محمد عليك باغلى شيء عندك لتسوي هيج مؤيد
  يناس بس لحكولي عليكم الله تعالو اريد احد يوخره مني اني ماكدر ماكو بشر ابد ومحد اجاني هم شاف الدم من جديد بس كومه هللمره وراح
طلع بالحديقه اني بقيت  انزززف من الفجر لليل واني انزف
كمت من اشوفه يجي قريب عليه انهار من البجي
يقفل عليه الباب ويطلع
  ومن يجي يفتحه بحجه ناس خاف تجي عليج ماريد احد يطب عليج خيولون واني مااريد احد هنا
هالايام مرت عليه سواد بسواد لاتليفون يمي واخابر اهلي ولااكدر انهزم منه لأن لو يقفل الباب لو هو يمي والبيت عبالك كوخ وبغابه محد قريب عليه ..
فد مره هم اجه واتقرب مني ونفس الشي كمل وراح بدون ميحجي بقيت اتلوه ع السرير من الالم بعد مايخف الالم شويه كمت على حيلي كوه امشي رحت للحمام فسلت وطلعت وهو مموجود طالع وكالعاده قافل اباب .. باوعت للبيت مو نظيف كلش والغرفه مكانه مو مرتب وثلاجه مدري وين حاطه واجي وافر الغرفه وارتبه وامسح البيت نار نطلع منه وجلفته جلف الثلاجه صغيره حطيته بالغرفه والمجمده قديمه بس تمشي  حطيته بالممر
المطبخ جلفته ومواعين رتبتهم واكو حصير كلش قديم غسلته
  ورتبته هو اجه اني نزيت خفت لا يرجع من جديد باوع عليه جايب لوبيه كال سوي مشتهي وراح طلع بالحديقه حتة محجيت وياه سويت الغده هو طالع وخليته صحته يتغدا كال تعالي تغدي وياي كتله ماشتهي
  طبيت بغرفتي
انتظر احد يجيني صارت وحدة الضهر معقوله عافوني يربي
  انوب تلفون ماكدر اخذ منه ماريد اطلب شي منه
  اريد  اروح لاهلي اريد امي كمت ابجي مثل الجاهل
  كلشي صار خطأ شلون قبلت وشلون بقيت وياه زين ليش هيج يسوي وياي هو مزوج قبل معقوله اليزوجون هيج يسوون
  بس اني الاسمعه مو هيج
  يكون حنين هادي وياها شو هذا هيج
  واني افكر صاحني سويلي جاي
  اسوي وافوت جوة ماحجي شي ولا ارد عليه ابد كرهته كلش هالايام السبعه المرت جانت من اسوء ايام حياتي شكد شفت مرار وعذاب بس مو مثل العشته ويا مؤيد ..

مرت ايام واحنا ع هالحاله .. فد يوم اجه
  كعد يمي كال  اكلج احنا نبقه هيج
   كتله احنا شنو
   اي راح تجي السبعه واحنا ماسوينه شيء امج شراح تكول
انت الاسوي مو اني
  اي انتِ تمنعيني منج
منعتك شنو شبيك مؤيد
  اي اذا احد سألني وكلتله بعدج بنيه شيكول عني
  بعدني بنيه ؟؟شنو شدتحجي!!!
اي شبيج اني من سويت هيج بس داشوفج تره
  وبعدج باكر!!!
   لعد الدم شنو هذا ممكن تشرح؟؟!!
  (اني هم غبيه ماجانت يمي الوصله البيضه وهو
   هم فاجاني انصدمت بي وبلا مااحجه وياي   ماماخذه احتياطي)
   اسمعي حبيبتي انتي بعدج بنيه ولله
لا!!!!لتجذب شنو ماعرف اني
شمعرفج اني مزوج واعرف شلون تصير وهاي نجرحتي هلكد ماتعاتتين وتوخرين من يمي اضفري جرحج
  و جم مره عدتها وهيج
هاي جرح انلجمتي من ينفض الغشاء ميوجع
  بس هاي جرحج يوجعج واني اسف جرحتج والله ماعيدها
كعد كبالي ولازم ايدي اني اسمع وافكر ومصدومه
صح اني الاعرفه انه من ينفض وجع خفيف بس اني متت واني مو احسن منه مزوج وعنده تجربه اني ع السمع بس ماعرف يربي شحجي و شكول
   كال لتحجين للعالم اني اسكت منج واتحمل خوفج انتِ هم حقج تخافين ولله وشوكت ماتجي ببالج وتريديني اني موجود أشرت براسي اي يمكن بوكته اخرسيت ماحجي بس اسمع
  اجت السبعه ومشت عاديه عزومه وغده عادي جتي مرة خاله كالتله اي شدو حيلكم نريد طفل حلو كالله خاله اجازه خاله
  اني جفلت شنو اجازه
   كرصته يضحك كبالهم
   كالله خاله شبيج اجازه كالتله اي٤ ايام تفض وتضحك جان قصدها هي ع شهريه بس هو قصده ماكو شي
يجي الليل يحاول ماكو نتيجه ونهار شغل بيت وكذا مر شهر وشويه
عمتي اخت ابويه جتي كالت هاا بشري شلونج جنت مسافره ماجيتج اعذريني شلونه الزواج
كتله الحمد لله
كالتلي شلون اخذج؟
هاا عمه شنو؟
شبيج شلون اخذج؟
بعد عمه بعد
  وج ليش فضحتينه
عمه استحي اخاف همين الله كريم
  ولج مسويلج مصيبه تعالي وطبت لبيتي شغلت قران وفرشت البيت شي جديد
   كالت خاف هذا فراش ذيج مرته
  وكالتلي خل يصلي وصلي وراه
كتله خوش
اجه شاف  الترتيب ظل يعيط  كال بصياح هذا سحر انتي وعمتج دسوين
كتله ولله بس قران وين اكو وحده تشتغل سحر بقران
كال سدي يلا وشيلي الفراشات مخبله ام السحر
شلتهن واني ماجاوبته سكتت ..

يتبع....

قصة تيسير ﴿ صراع انثى ﴾ حقيقيه 🔥.


البارت 10 شاركو القصة مع اصدقائكم

مرت ايام واحنا ع هالحاله .. فد يوم اجه
  كعد يمي كال  اكلج احنا نبقه هيج
   كتله احنا شنو
   اي راح تجي السبعه واحنا ماسوينه شيء امج شراح تكول
انت الاسوي مو اني
  اي انتِ تمنعيني منج
منعتك شنو شبيك مؤيد
  اي اذا احد سألني وكلتله بعدج بنيه شيكول عني
  بعدني بنيه ؟؟شنو شدتحجي!!!
اي شبيج اني من سويت هيج بس داشوفج تره
  وبعدج باكر!!!
   لعد الدم شنو هذا ممكن تشرح؟؟!!
  (اني هم غبيه ماجانت يمي الوصله البيضه وهو
   هم فاجاني انصدمت بي وبلا مااحجه وياي   ماماخذه احتياطي)
   اسمعي حبيبتي انتي بعدج بنيه ولله
لا!!!!لتجذب شنو ماعرف اني
شمعرفج اني مزوج واعرف شلون تصير وهاي نجرحتي هلكد ماتعاتتين وتوخرين من يمي اضفري جرحج
  و جم مره عدتها وهيج
هاي جرح انلجمتي من ينفض الغشاء ميوجع
  بس هاي جرحج يوجعج واني اسف جرحتج والله ماعيدها
كعد كبالي ولازم ايدي اني اسمع وافكر ومصدومه
صح اني الاعرفه انه من ينفض وجع خفيف بس اني متت واني مو احسن منه مزوج وعنده تجربه اني ع السمع بس ماعرف يربي شحجي و شكول
   كال لتحجين للعالم اني اسكت منج واتحمل خوفج انتِ هم حقج تخافين ولله وشوكت ماتجي ببالج وتريديني اني موجود أشرت براسي اي يمكن بوكته اخرسيت ماحجي بس اسمع
  اجت السبعه ومشت عاديه عزومه وغده عادي جتي مرة خاله كالتله اي شدو حيلكم نريد طفل حلو كالله خاله اجازه خاله
  اني جفلت شنو اجازه
   كرصته يضحك كبالهم
   كالله خاله شبيج اجازه كالتله اي٤ ايام تفض وتضحك جان قصدها هي ع شهريه بس هو قصده ماكو شي
يجي الليل يحاول ماكو نتيجه ونهار شغل بيت وكذا مر شهر وشويه
عمتي اخت ابويه جتي كالت هاا بشري شلونج جنت مسافره ماجيتج اعذريني شلونه الزواج
كتله الحمد لله
كالتلي شلون اخذج؟
هاا عمه شنو؟
شبيج شلون اخذج؟
بعد عمه بعد
  وج ليش فضحتينه
عمه استحي اخاف همين الله كريم
  ولج مسويلج مصيبه تعالي وطبت لبيتي شغلت قران وفرشت البيت شي جديد
   كالت خاف هذا فراش ذيج مرته
  وكالتلي خل يصلي وصلي وراه
كتله خوش
اجه شاف  الترتيب ظل يعيط  كال بصياح هذا سحر انتي وعمتج دسوين
كتله ولله بس قران وين اكو وحده تشتغل سحر بقران
كال سدي يلا وشيلي الفراشات مخبله ام السحر
شلتهن واني ماجاوبته سكتت ..

يتبع....