#منقووووووول

انا ساكنة جنب بيت حمايي وجوزي الحمدلله وضعو المادي وسط يعني مستورين
وهو كل ماراح على السوق بيتذكر أهلو بشوية خضرة وفواكه وحماتي على طول بتقول الله يرضى عليك وعلى ولادك ويوفقك .

مرة كانت عندي رفيقتي وسألتني وينو ابنك .
قلتلا عم يوصل غراض لبيت حمايي هلق بيجي
قالتلي : غراض شو؟؟
قلتلا شوية خضرة وفواكي .

رفيقتي:وليش شو الله جابركم باهلو ؟؟زوجك الله يساعدو هالمصاري يلي عم يبعزقها على اهلو ولادك أولى فيها
انا : الله بعوِّض أضعاف مضاعفة ، بعدين مين قلك انو مو مجبور بأهله .

رفيقتي: الحق عليكي والله انا مابخلي جوزي يعمل هيك انا اخدتو منشان يصرف عليي مو على اهلو .
انا: شوية غراض ماراح يكسرونا
رفيقتي:حبيبتي بيكسرو ...الف من هون والف من هون بيجمعو .

انا: انت عم تحكي هيك والحمدلله جوزك معو والله رازقو
رفيقتي: ايه طبعا معو مصاري لاني ما بخليه يبعزق مصريه على اهلو .

للحظة حسيت كلامها مظبوط وانو هل المصاري يلي عم يبعزقها على اهلو اولادي وانا أحق فيها
وبعد شوي رن الجرس واجا ابني وسلّم على رفيقتي وقلي : قررت بكرة بس اتجوز اخد بيت جنبك

رفيقتي: ليش بقى كل هل القد بتحب امك؟

ابني:اكيد بحبها 😊😊😊بس مشان بكرا اذا جبتلا غراض ، ولادي يوصلون الها ، واذا بدها شي يكون البيت قريب ودغري بجبلها ياه

اطلعت برفيقتي وحسيتها اخضرت وحمرِّت ، وما عاد حكت ولا كلمة لانو اجاها الرد القاتل على كلامها

انا :شفتي ليش انا ساكتة لانو الله عم يدخر هالشي بولادنا لبعدين .