#محرم_١٤٤٣
#قصائد_منبريه
#ليلة_١٣محرم_دفن_الاجساد_الطاهره


هاذي ياكَاع التلمهم ويالِحِد يحضن جثثهم
عمه هم انزورهم
ونبجي يم اكبورهم
ها يعمه ها يعمه
**********************************
غاب عن عين العقيله وفكدته ساعه غيابه
هوه هالواحد بقه الهه ومابعد بيهه المصابه
غالي وابن الغالي واسمه علي وجنه داحي بابه
رجع من كاع المصايب دافن اهله والصحابه
شبكته وتحسه ابوهه
تسأله وبحركه اعله اخوهه
اتكله هم انشوفهم ونبجي يم كبورهم
ها يعمه ها يعمه
*************************************
سولفلهه وكلهه عمه ابكربله كبور النحبهم
قبله صارت للمدامع كوه عمه ودعتهم
قطعه قطعه من الاراضي عمه والله لملمتهم
وبحصيره اجساد اهلنه مكطعين وجمعتهم
اتكله والدمعه بجفنهه
روحي عِدمَن ودعتهه
عمه هم نطوفهم
ونبجي يم كبورهم
ها يعمه ها يعمه
*************************************
يحجي وتسأله اعله خنصر كطعته جيوش آل اميه
تسأل اعله حسين اخوهه امكطع وبالغاضريه
على الاكبر واعله جاسم تسأل بشهكت منيه
واعله ابو فاضل ذخرهه وكل اهلهه العالوطيه
اتصورت ذيج المقابر
تكول نرجع بلكي باجر
هم نحن لرسومهم ونبجي يم كبورهم
ها يعمه ها يعمه
**********************************
آل اسد يمهم شفتهم للدفن حضرو عشيره
ساعدوني وبدفنهم همه جابولي الحصيره
جسم ابويه مسلبينه مصيبته والله جبيره
والرضيع إلاّ اعله نحره كال ادفنه يالاميره
تكله هم شفت العمامه
طاحت وضل خالي هامه
ريت ابد منعوفهم ونبجي يم كبورهم
ها يعمه ها يعمه
***************************
كلهه وبكاع المصيبه كلمن بصفه حسينه
أي يعمه ونرجعلهم من يجينه اربعينه
بس رقيه اويانه ماكو وخاف يسأل عالحنينه
انكله يحسين اعله راسك ماتت اهناك الامينه
اتكله مابيه البعدهم
ارد اروح وابجي يمهم
وباليتامه نزورهم ونبجي يم كبورهم
ها يعمه ها يعمه

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#محرم_١٤٤٣
#قصائد_منبريه
#ليلة_١٥محرم
عند المسير زينب ع تخاطب الحسين ع

من ظلت رميه

جثتك عالوطيه

يحسين يحسين    يحسين يحسين

 ....

يبن امي جثتك عالثره               ياضي العيون

وبهالخرابه يالولي                اهلك يباتون

كلكم فرد يوم ابصبح                   خويه تروحون

وظلينه يسره اويه الغرب              لاكافل وعون

عفنه ابهالمسيه      جثتك عالوطيه

يحسين يحسين    يحسين يحسين

.....

خويه انه زينب موسهل          عزي ودلالي

امشي يسيره وانسبي             ويترده حالي

تدرون يحسين اشسده             وشنهو الجرالي

شتموني ياخويه العده              وضربو عيالي

وبهاي الرزيه     جثتك عالوطيه

يحسين يحسين    يحسين يحسين

......

ايتامي تسأل وانهضم            وادموعي تجري

عن الكفلني ابا الفضل          كافللي خدري

يحسين مو عقلي انذهل         حايره بأمري

درب اليسر بيه بده              ويذبحني صبري

من رحت سبيه   جثتك عالوطيه

يحسين يحسين    يحسين يحسين

.....

عفتك رميه اعله الترب          جثتك سليبه

عنك مشيت وينسمع             كلبي نحيبه

من دمك الحيتك شفت             خويه خضيبه

واخذوني عدواني ابغصب         عنك غريبه

بين الناصبيه    جثتك عالوطيه

يحسين يحسين    يحسين يحسين

.......

محتاره خويه ابمحنتي        وبعيالي همي

بس العليل البل ضعن         ياخويه يمي

يجري يخويه من الحبل       من ايدي دمي

وابسكته ابجي من انهظم        واتذكر امي

يالبل غاضريه          جثتك عالوطيه

يحسين يحسين    يحسين يحسين

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#محرم_١٤٤٣
#قصائد_منبريه
#رقية_بنت_الحسين_ع

دمـع العيون                مــن رقيه على الوجن

والله ميهون                صغيره ما تحمل حزن

من السبي والهم تصيح

هـــذي بـنـتـك يالـذبيـح

والله ميهون         صغيره ما تحمل حزن

.............................................................

اتـيـتـمـت بعدك رقيه من الزغر

والــزغيــره شلون تتحمل صبر

جـتـفـوهـه اويـه الـيـتـامه باليسر

وغيـر جـيـتك يا ابوهه شتنتظر

تالي راس بلا جسد

والكَلب منهه انمرد

شلون وتشوف        بطشت راسك ما تون

والله ميهون          صغيره ما تحمل حزن

..............................................................

راحـت بـدرب اليـسـر تـحـمل انين

وتـرتجف من جور ادين الضالمين

تصـيــح مـن تعـثـر رقـيـه ياحسين

انـت ابـوهـه وتـنـدبـك يبن الامـين

تـنـتـظـر منك حنان

وتشـعـر بكل الامان

وانت مذبوح        انهشم صدرك والمتن

والله ميهون         صغيره ماتحمل حزن

...................................................................

كَـوه جـانـت تـحـمـل سياط العده

والـسـِـده اعـلـيـهـه ابـد لاما سده

تــنـضـرب واسمك يبوهه تردده

وانـت جثتك عالتراب موسده

ابسـوط بنتك تنضرب

ياحسـيـن شكَـد صعب

اتشوفك اتريد         الشـبـكَـت جفوفك تحن

والله ميهــون         صغيره ماتحمل حزن

.................................................................

اعـلـيـك تـسـال زيـنـب وكـلهه وقار

تكلهه اريد حسين وانتضره اعله نار

من اشتياقي كَـلـبـي بـس نـار وشرار

والله مــا أحـمـل بعـد طــول انتضار

وانت راسك عالرمح

يـقــره أيـــــات الفتح

مادرت بيك        راســـك يطوف المُـدِن

والله ميهون        صغيره ما تحمل حِزِن

................................................................

تالي جابو راسك الهه وكـله دَم

حيـلهه من شافت الراس انهـدَم

رجـفـت ومن راسهه لحد الجدَم

والنفس منهه الهالمصاب انعدَم

من الحزن ماتت يحيد

نشف دمهه البِل وَريد

ومن الاحزان         ذبـلـت الجـانت غصِن

والله ميــهـون         صغيره ماتحمل حزن



الشاعر
ياسر العارضي



https://telegram.me/aabas78
قصائد لكل ايام محرم اشترك بالقناة

#محرم_١٤٤٣
#قصائد_منبريه
#الزيارة_الاربعينية

درب الحسين غايتي درب الحسين
امشي وترف رايتي كل اربعين
...............................
عشكي وابكَلبي انبنت كَبه ومناره
روحي ملهوفه وتجي اتأدي الزياره
صبري من مرت سنه ابعمري انتظاره
وادري كل خطوه ابعشك أجمل عباره
أنعه بأنين دمعتي أنعه بأنين
امشي وترف رايتي كل اربعين
...............................
كعبه قبله وكل محب يوصل يطوفه
كَلبه ابيض طيب وميرد ظيوفه
صعبه سهله اتصير من الفظ حروفه
حربه بيهه استشهد وضامي ابطفوفه
لجل الوتين صيحتي لجل الوتين
امشي وترف رايتي كل اربعين
...............................
عارف كلمن حقه ضامنهه العقيده
عاكف يعبد ربه من كَطعو وريده
ناشف جان السانه بالحاله الشديده
واكَف هل من ناصر ايردد نشيده
يطلب معين قبلتي يطلب معين
امشي وترف رايتي كل اربعين
...............................
حره زينب تعتني اتأدي اربعينه
جمره بيه الدمعت الحره الامينه
نحره من تحت الترب تسمع أنينه
عطره باقي ابتربه بيهه امكَطعينه
دمع الحنين سلوتي دمع الحنين
امشي وترف رايتي كل اربعين
...............................
دمعه واوكَع بالصحن لو اطب ضريحه
ضلعه ذاك المنكسر قصه ونصيحه
شمعه نوره ابدربي احس جلمه صريحه
وضعه جان اعظم رساله الكل شريحه
ياعالمين كلمتي ياعالمين
امشي وترف رايتي كل اربعين

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#الامام_علي_الهادي_ع

على انفاسك سلام ألله

لفكدك آه وا ويلاه

علي الهادي    ياعلي الهادي

.........

بجينه وماترد دمعات العيون

كل الراحو وماضن يرجعون

نضل طول العمر للي يموتون

نشتاك ونظن بلكت يمرون

وانت العاشر الوالي

إمام وعالكلب غالي

علي الهادي    ياعلي الهادي

........

سم جبدك رسم لوحة غيابك

مايدري احنه كل يوم اعله بابك

نجيك ونعتني نشم ابترابك

ومانشبع ابد من شم ثيابك

ييوسف كل شخص بينه

الك زادت بواجينه

علي الهادي    ياعلي الهادي

.........

تره غالي الهوه وانت اغله منه

يرمز العاطفه وكللك محنه

من اتروح يعني أحنه رحنه

متمسكين بيك من انوجدنه

لونك منخطف رايح

ابدارك ينسمع صايح

علي الهادي    ياعلي الهادي

.........

دنيانه الكضت وي ما رحت ليش

اضن حته الوقت مايقبل ايعيش

يعاقبنه الزمان ابلا ذنب ليش

البلاوي الريح واحنه بخفة الريش

يشتتنه وتجمعنه

بوجودك ربنه يرحمنه

علي الهادي    ياعلي الهادي

.........

وي العسكري نحيي عزائك

ودمعنه انخلطه يالحيد ابدمائك

جنت تحفظنه من ترفع دعائك

اخذنه حته لو نجمه ابسمائك

تصبحنه وتمسينه

وبنورك تضوينه

علي الهادي    ياعلي الهادي

الشاعر
ياسر العارضي

https://telegram.me/aabas78
قصائد لكل ايام محرم اشترك بالقناة

#قصائد_منبريه
#محرم_١٤٤٤
#الوداع_ليلة_العاشر
اساسيه

ليلة اوداع يبويه ليلة اوداع
والعمر ضاع يبويه والعمر ضاع
.............................................
الليله نتوادع يبويه ويه الغوالي
وانتهت ويانه كل ذيج الليالي
على ايتامي يضل بويه انشغالي
واحس حته الصخر يبجي اعله حالي
صوتي مبحوح يحيدر صوتي مبحوح
عمري بس نوح يحيدر عمري بس نوح
............................................
زينب آنه وشنتظر صبح المصيبه
شيبة حسين ابصبح باجر خضيبه
أضل بين الغرب وحدي وغريبه
بعد جف الكَمر جف منهو اجيبه
بين الجيوش وحيده بين الجيوش
دمعة ارموش وحيده دمعة ارموش
............................................
باجر الصيوان ناره اتشب علينه
وبس نسوان يابويه اشبدينه
وحكَ ضلع امي البضعه الحنينه
نضل ابحيره من يوكَع ولينه
نحره مذبوح اشوفه نحره مذبوح
جسمه مطروح اشوفه جسمه مطروح
............................................
بين اعيوني اشوف ابليلة اوداع
كل ساعه اعله ساعه هالعمر ضاع
سفينه حسين واني تحت الشراع
أعيش وابقه من دونه بالاوجاع
ساعه ماعيش بدونه ساعه ماعيش
صبري جا بيش بدونه صبري جا بيش
............................................
ليلة العاشر خذت من عمري عمرين
خذت كل اهلي وي عباس وحسين
بعدهم بالكَلب تبقه نياشين
ولعبدالله انذِبِح من الوريدين
ساعة افراكَ أليمه ساعة افراكَ
الهم اشتاكَ أليمه ألهم اشتاك
............................................
باجر اعله حسين خيل اجيوش اميه
ترض صدره بأراضي الغاضريه
يذبحه الشمر من كَبل المسيه
السهام بكَلبه يوكَع عالوطيه
والكَلب صاح حسينك والكَلب صاح
ينذبح راح حسينك ينذبح راح


الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#ليلة_الوحشه
#ليلة_الحادي_عشر


ليلة الوحشه ثكَيله اعله الحرم
لا زلم بالغربه ضلن لا خيم
.......................................
وحشه موعالطاح ضامي بكربله
عالنسا وايتام ذيج القافله
هالارامل واليتامه ابمشكله
من بعد عباس سبع المرجله
هيه هاي الوحشه من سوره انهدم
لا زلم بالغربه ضلن لا خيم
.......................................
مغربيه وجيش مابي مرحمه
انصبغت اثياب اليتامه من الدمه
ليله جانت حيل بيهم مظلمه
وزينب ابلا والي ياهو اتحشمه
هاي أكبر وحشه من هذا الالم
لا زلم بالغربه ضلن لا خيم
.......................................
زلم طاحو ما أضن يستاحشون
بالاطفال الوحشه مرت ماكو عون
شربو الماي ودمعهم يذرفون
خايفين من الاعادي ينظرون
وبالرجوع الحرم للموطن تهِم
لا زلم بالغربه ضلن لا خيم
.......................................
بعد ما جلجلت ليلة وحشته
حسين ضل عالغبره هوه وصحبته
امدد ابلا راس ما بين اخوته
زينب بهالليل طلعت كَصدته
وتحجي من ابعيد للشال العلم
لا زلم بالغربه ضلن لا خيم
.......................................
صعبه تبقه الحرمه لا والي وأهل
بهاي تتمنه يوافيهه الاجل
ساعد الله الحره بالبيهم نزل
ضلت ابلا والي من بعد الكِفَل
بين ديره اجيوش ماعدهم ذِمَم
لا زلم بالغربه ضلن لا خيم

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#الامام_السجاد_ع
نزال_زنجيل

آه يبو الباقر                     آه يبو الباقر
..................................................
عالجت بالروح من سم الغدر
خلصت بس آه واهموم العمر
صبر زينب صبرك وأعظم صبر
على حسين ابكَلبك ايعيش الجمر
والحزن حاظر                            آه يبو الباقر
..................................................
ابن عبدالملك حارب نهضتك
جانت الدمعه ابدعائك ثورتك
حزنك اعله حسين جان ابمهجتك
والعدو  من  هاي  سمم  جبدتك
رادك اتهاجر                       آه يبو الباقر
..................................................
ذكرياتك جانت ابطف كربله
وابمنيتك صرت للطف تكمله
اشما شربت الماي تبدي ابسمله
ودمعتك جن آيه عالخد هامله
ابكَلبك العاشر                      آه يبو الباقر
..................................................
الك هالاحقاد نصبت هالعده
من فعلهم عمرك ابحزنك حده
نحل جسمك والالم بالدم بده
طحت عالكَاع وأديك امدده
سمك الكافر                    آه يبو الباقر
..................................................
على الفقره منهو يكَصد لو رحت
بيك  حسو  يا علي يوم المتت
حته  من  ايام  عمرك   وزعت
يوم جبدك سيدي طاح ابطشت
روحك اتسافر                  آه يبو الباقر

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#الامام_زيد_الشهيد_ع
موشح نجفي

الك يازيد الركاب الكافره
اخذ ثار اركَاب ولد الطاهره
...............
صول بيهم واكَطع اركاب الكفر
من ضميرك صوت ينطيك الأمر
عالمصايب هاي وشتحمل صبر
خلي سيفك بالرؤوس الفاجره
..............
يبو يحيى الدين حركَو هيبته
يوم حركَو على الساجد خيمته
بالعيال وبي احتارت عمته
بين كوم ونار جانت حايره
...............
ذبحو حسين واخوته والصحاب
سال دم ذيج الزلم فوك التراب
ذوله ولد الدفعو اعله الزهره باب
عين سيفك جانت الهم ناطره
...............
زلزِل الكوفه وعلى ظهر النجف
علي ابكَبره سيدي بعزمك عرف
بارك الله بيك وبسيفك هتف
على ثار حسين عينك ساهره
...............
والامام الصادق انطاك الاذن
ثورتك أيدهه بدموع الحزن
سيفك ابهامات عدوانه يرن
اجفوفك ابخد التضدهم ساطره
...............
مايهمك اي عدد من العده
ويه زودك ماكو بيهم فائده
تارك اجساد الاعادي امدده
والعقيدة بانتصارك زاهره
...............
ياحسافه ابسهم صابو جبهتك
سبب صار المرمي هذا ابموتتك
مّثِلو يازيد وسفه ابجثتك
وعلكَوهه اعله الجذع للناظره
...............
من الجسد ظهرت براهينك وفه
تشفي كلمن علته ما تنشفه
جثتك للناس تنطي المعرفه
وجن مظيف الكعده يمك عامره
................
شافو الثوار دمهم مابرد
قررو عدوانك ابحرك الجسد
بالهوه ذروك جسمك منوجد
وانكسر كَلب الموالي وخاطره
..............
تبقه يازيد انت ميزان الكرم
نار كَلبك طيبت جرح الحرم
الماسمع بافعالك بأذنه الطرم
جنة الله انت ابوجودك زاهره

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#استشهاد_الامام_موسى_الكاظم_ع
نزال
تشييع الكاظم ع

علي  بالتشييع  يالكاظم حظر
يجري دمعه اشما ألك طال النظر
يا موسى بن جعفر
ياموسى بن جعفر
.............................................
يوم نعشك عالجسر ماله أهل
حظر يمه حيدره خير العمل
أخذ جثمانك الصدره وبالعجل
على ارسومك دمع من عينه نزل
والفكَدك تحسر
ياموسى بن جعفر
.............................................
بعد ما سالت دمعته اعله الجسد
شاف الاغلال وعلي كَلبه انمرد
حيدره ذاك الجبل وكت الشدد
اتشوفه جن حسين يم أكبر كَعد
بي حيل يومك اثّر
ياموسى بن جعفر
.............................................
صاح يا شيعه وجمع من شيعته
فزعت النجواه وتفرض هيبته
شال نعشك فوك متنه ابيمنته
شيعه داير ما يدورك حظرته
بلفظ القدره كبَر
ياموسى بن جعفر
.............................................
مال نعشك علي حس من الحديد
اشكَد ثكَيله جانت اغلالك بليد
يالغريب ابسجن هارون الرشيد
رحت مسموم ولجل دينك شهيد
ولونك هم تغيير
ياموسى بن جعفر
.............................................
بعد ما بالسجن خلصت العمر
سيدي بغداد صارتلك قبر
مُر الفراك الجرعته والصبر
ابكل سجن عمرك بعد اسرع يمر
من السَم صاير اسمر
ياموسى بن جعفر

الشاعر ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#جرح_الامام_علي_ع
موشح نجفي

هذي اخر عَشره لو اخر جرح
كَضه عمرك وانت بجروحك ملح
...........
مثل ما سِألوني كَلتلهم قبِل
ارد اسألك سيدي يابو العدل
هذا اخر جرح عندك من نذل
لو كضيت ايام عمرك منجرح
..........
واني محتار ابخيارين واريد
ينكَطع وياك من عندي الوريد
ليش باخر عشره من شهر العبيد
ينطبر راسك واريد الهه الشرح
...........
بعد عندي شكم سؤال وادري بيك
حيل مابيك واحس ممدوده اديك
ليش وي رمضان هجمتهم عليك
هالامر مولاي لازم يتضح
............
جرح راسك لو جرح كَلبك غميج
ابكَلبي شب ياحيدره اعليك الحريج
هالجروح من العده لو من صديج
كون تشرحلي وجوابك مايشح
............
مو احزامك ينحل اعله اعتاب باب
وانت مثل الليث لو شَد الضراب
بيهه سر هذي واريد أنه الجواب
كَلبي محتار المصابك منقرح
.........
يا نوائح تقصد من الوَز يصيح
خاف تقصد سيدي حسين الذبيح
راح يبقه ابكربله عاري وطريح
بس بعد سر عندك بذاك الصبح
.........
مانمت ليلك ومتهاب الممات
ولاتريد الدنيه مابيهه حياة
شنهو شاغل بالك اتضل ماتبات
اختلف سهرك هذا عن عمر الفلح
..........
علي موش اجدامك التثكَل محال
لهذا  يامولاي  اريد اسأل سؤال
ليش بجدامك احس ثكل الجبال
وكَوه ترفعهن يبو ممشه الرمح
...........
بعد ياحيدر علي عندي نِشِد
انت  بالبيت ابمجيئك منولد
ليش هم ابيت ربك تنضهد
والجرح راسك دوه لا مايصح
............
ادري مو حاجة لبن تطلب تشوف
تجي ايتامك سيدي ابابك تطوف
ليش رايدهم علي ابذيج الظروف
بيهه عندك معنه اكبر بالطرح
.............
هاي بعض الاسأله واكثر تره
بمعجزة افكار شخصك مقدره
تبقه روحي ياعلي متحيره
منك ارجو لهاي اسألتي الصفح

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#موقف_ايتام_علي_ع
اساسيه

يا ابو تراب اعله جرحك مو تراب        
حط دمعنه سيدي واعتبره طاب
بيي من زادك ملح
حتماً ايشافي الجرح
يا أبو تراب                           يا أبو تراب
.........................................
من طبر سيف المرادي           راسك وسال الدمه
كَلوب عدنه لهالمصيبه             بالمآسي امألمه
لاتهيل اتراب حيدر              خاف جرحك تلجمه
اخذ من عدنه دمعنه              من عيون اميتمه
حطهه فوكَـ الجرح نتأمل يطيب
ياطبيب المانفع جرحك طبيب
سيل ابد لاما يشح
حتماً ايشافي الجرح
يا أبو تراب                           يا أبو تراب
.........................................
راسك المطبور أذَن                  حَي على فرض البجي
والدمع صله اعله جرحك             من سكون ابلا حجي
حظرو السبطين ولدك                     يالعليهم ترتجي
من يكَودونك عليهم                      يا أبوهم تنتجي
قبل ما ينزل مطر من السماء
خل دمعنه ينخلط وي الدماء
خله بالدم يتضح
حتماً ايشافي الجرح
يا أبو تراب                           يا أبو تراب
.........................................
ياعلي الخاطر بجينه            وخاطر الهم والمحن
خاف ميطيبك دمعنه                 جابو ايتامك لبن
دوه الجرحك ياحِماهم              يالجنت الهم وطن
وماتردهم هذا عهدك            حته لو جار الزمن
كَاصدينك ياعلي ابهضمة يتيم
ينزل من اعيونهم بلسَم عظيم
جا دواك المايصح
حتماً ايشافي الجرح
يا أبو تراب                           يا أبو تراب
.........................................
سيف ابن ملجم منافق              ما سجد الا ابكفر
توضه بالسم من تهيأ           عقد نيته اعله الطبر
وجانت الاولى ابحياته             يكَعد ابوكت الفجر
وي المرادي كَظاهه             عمره نايم    للعصر
ما كفاه   ويخلي طبره ابهامتك
وصل هالسيف ابطبرته الكَصتك
والدمع اخذه الصبح
حتماً ايشافي الجرح
يا أبو تراب                           يا أبو تراب
.........................................
لها المصيبه شلون زينب              تدري بفراكَك صعب
شلون بالمحراب توكَع                وانت فارس بالحرب
صح بقه العباس بعدك                   هوه كافل بالدرب
همهه من ترجع وحيده                باليسر وي الغرب
كل جرح بحساسه اتنفس حَنين
يشفه من صوت التعازي بياحسين
لو دمعنه ويه الذبح
حتماً ايشافي الجرح
يا أبو تراب                           يا أبو تراب

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#محرم_١٤٤٥
ليلة الوداع ١٠ محرم


ليلة اوداع                 وي الحسين واخـــــوته
ليلة اوداع               والبجي مخنوكَــ صوته
زيـنـب وكــــل النساوين
الليله هاي اتودع حسين
ليلة اوداع                      ليلة اوداع
................................................
اتجمعن بالخيمه كلهن             ليــــلة العاشر اجن
وي الحسين الليــالي              اهنا بسرعه خّلصن
ما عِله صوت الحراير             ابخنكَة العبره بجن
حته ما تحجي الشماته          من يأسرون الضعت
والبجي صار       بس دمع من يوكَع ابدم
والبجي صار       بـــي صمت لــكــن تكلم
باجر المن تلفت العين
الليله هاي اتودع حسين
ليلة اوداع                      ليلة اوداع
................................................
سولفن وي ابو الاكــــبر             اووي كفيل العائله
وحدة تبجي وحده تحجي             ابكل مصايب كربله
احنه اجينه بكتب منهم               أقدِمـــــــو كل الهله
شــو مثل سنبل صفينه              لــــو تـنـطر منجله
وانتم اهنا        لو مشيتو شلون بينه
وانتم اهنا        تنطفي العباس عينه
من بعدهم هنه لاوين
الليله هاي اتودع حسين
ليلة اوداع                      ليلة اوداع
................................................
لــــــيلة العاشر ثكيله                    واكـثــــــر بثكَل الدمع
الزهره لوموجوده يمهن                يطكَـ من عدهه الضلع
من البجي بهالليله كلهن                 ذبــلن وذابــن شـــمع
العبره تخنكَـ لليسولف                  وسكته لامـــــــاتنسمع
والحراير     اختنكَن ابعبرتهن اكثر
والحراير      من اجه حسين وتأثر
ماتمالك دمعه بالعين
الليله هاي اتودع حسين
ليلة اوداع                      ليلة اوداع
................................................
اجتمعن وكَعدن سويه              ابخيمه واحساس الهجر
بيهه والــدنيه غريبه                  وابـــد مايسوه العمر
بعد الحسين واخوته                   والشبــــــاب التنتظر
المن يروحن بعدهم                    واشيحملـن يــاصبر
والدرب موت       ولا ولي ايركب اليتامه
والدرب موت     ماكو رجعه بالسلامه
هالمصيبه وهاي نارين
الليله هاي اتودع حسين
ليلة اوداع                      ليلة اوداع
................................................


موسهل والدنيه بــــاجر             ضلمه من بعد الزلم
والرمل يجوي اليتــامه               وعلي حيدر ينشتم
ابلايه رحمه الجيش كافر            وابـــد مابيهم شهم
والعطش يـــمرد كَلبهم              والخيــــــام التنهدم
والرمل حار        يحركَـ ابرجلين الاطفال
والرمل حار       وابد ما ترحمهه الانذال
كلهم ابعمر الرياحين
الليله هاي اتودع حسين
ليلة اوداع                      ليلة اوداع


((((الشاعر ياسر العارضي))))


https://telegram.me/aabas78
قصائد لكل ايام محرم اشترك بالقناة

#قصائد_منبريه
#محرم_١٤٤٥
لهلال محرم

من دار الفلك وانعادت ايام
هلت بالسمه صيحات الايتام
لا مو هلال
لا مو هلال
هلت بالسمه صيحات الايتام
.............
تشوفه العين بس بإحساس اليشوف
يسمع صوت  بس متيتمه الحروف
جن سكنه ورقيه ابكَلب ملهوف
يصيحن ياحسين ابلهفه وبخوف
ويركضن ضايعات ابين الخيام
غريبات ويعانن سهم الآلام
هذا السؤال
لا مو هلال
هلت بالسمه صيحات الايتام
.............
زغير ابنورك الظلمه اكبر شلون
ترس دخان خيمة زينب الكون
اظلم والعقيله ادور العون
كلهم صارو اعله الحره فرعون
وشجم موسى بيهه اتريد للشام
اذا باجر مشت وي جمع الاقزام
هذا النزال
لا مو هلال
هلت بالسمه صيحات الايتام
.............
ابعكازة علي السجاد يهلال
حزن بس بيهه يكدر يمحي الجبال
نحيل ابن الحسين اكَليبك اشكَال
يشوف ايتام مجتوفه بالحبال
بعد العاشر ايشاهد هالاجرام
يسيره العيله بين اجفوف ظلام
بعد الدلال
لا مو هلال
هلت بالسمه صيحات الايتام
.............
عاشر من حياتك ينبع الدين
ثوره وعنفوان ابدم الحسين
بحيث ابكل أرض عطر الرياحين
تطيح ابصفه سبعين القرائين
وي اهله واخوته طاحو ازلام
مثلهم ماكو ابد حته بالاحلام
وبعد الرجال
لا مو هلال
هلت بالسمه صيحات الايتام
.............
عشر تيام زين ابجبد الافلاك
تبقه وانت تسمع تبجي الاملاك
كل شيعي يذوب ابحين رؤياك
وكت اغروب تصعد روحه لهناك
يم رب السمه ولطماته عالهام
جا مذبوح الحسين بهالايام
فوك الرمال
لا مو هلال
هلت بالسمه صيحات الايتام

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#محرم_١٤٤٥
نزال _ ليلة ام البنين (ع)

موشح نجفي في حق ام البنين (ع)

اني والاربعه فدوه الشوفتك
كون سالم ترجع انت العيلتك
.........................
اني واولادي وبعد كل العمر
فدوه يحسين ولَدينك هالامر
هيج يم بابي واشوفنك تمر
ترجعلنه ونستطيب ابنظرتك
...........................
يا حسين الدنيه من دونك سجن
وكل وكتنه نبقه لمصابك نون
عيدنه ابساعة رجعتك للوطن
خلي كلشي ايروح فدوه الرجعتك
...........................
كون مو اربع شباب اكثر بعد
اوياك اوديهم تره اشيكثر عدد
ايعاهدونك سيدي واعله العهد
سور دون العيله كلهه وخيمتك
...........................
وحته مايرجف كَلب زينب تره
أرسل العباس سبع الكَنطره
دون زينب ابني ناذر منحره
وبيده يرفع بالصميده رايتك
...........................
ياحسين وهالزلم عندك سنَد
حيدره سواهم اليوم الشدد
يدعي ربنه جان لو صار الولد
رايده الكرار زلمه النصرتك
...........................
فدوتك يحسين كل احنه وعلي
الك هاي اولادي وانسابي وهلي
على المنبر لو اشوفك معتلي
انسه كلشي واستلذ ابخطبتك

الشاعر ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#محرم_١٤٤٥
نزال في علي الاكبر (ع)

علي  وللحومه نزل               علي الاكبر
بيه شبه من الفحل               علي الاكبر
.................................................
بالوجه صورة محمد                     علي بافعاله
يشبه اثنين ابحياته                   اجفوفه جتاله
كاشخ ابدرعه وحسامه            الكشخه تحلاله
وارتجز وارعب عدوه                اتخوف اقواله
واضح من المستهل              علي الاكبر
بيه شبه من الفحل               علي الاكبر
.................................................
هاجم    بأربع جهاته                     بكل جهه تشوفه
ابكل مكان ايطيح مزنه                      وزلزل الكوفه
كل وجه من سطرة ايده                 الوانه مخطوفه
والصدور ابرجله جانت                     كلهه مخسوفه
سيفه وفاي الأجل                علي الاكبر
بيه شبه من الفحل               علي الاكبر
.................................................
والله لو ما عطش كَلبه                      جان يفنيهه
وجانت الروس ابجثثهه                        ما يخليهه
وكربله من الارض كلهه                   سيفه يمحيهه
يكَدر بأذن الله بالطف                     كَاعه يطويهه
أي مثل طي السجل              علي الاكبر
بيه شبه من الفحل               علي الاكبر
.................................................
مثل الاحزاب وإبن وِد              بكر ابن غانم
ماتقهقر علي الاكبر                   للحرب قادم
والكَطع ركَبة عدوه                 هالشهم عازم
منتصر لحسين يرجع                 للكفر هادم
وانتصر خير العمل               علي الاكبر
بيه شبه من الفحل               علي الاكبر
.................................................
مو سهل من ينزللهم                       شاهر ابسيفه
يقتحم جيش الاعادي                 بأي جهه ابكيفه
ظيفه موت ارجاس اميه              ويكرم ابظيفه
لا شته ايبرد   حسامه         يسعر ابصيفه
بالشجاعه من الازل              علي الاكبر
بيه شبه من الفحل               علي الاكبر

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#محرم_١٤٤٥
ليلة علي الاكبر (ع)
قصيدة اساسيه

سيد  الاخلاق  طب سوح الحرب
جن محمد بالوفه
بالرساله   يحجي أول ما يطب
كله غيره وعاطفه
شافهم ضلمة ضباب   عدهم السيف الجواب   مايريدون الخطاب
جرد السيف                   جرد السيف
....................................................
وي خلق واخلاق جده               جان قمة مرجله
واتخذ  منهج هدايه                يوم طب الكربله
واعظ ابنص المعارك             والجيوش ابمهزله
وبنبل وسيوف ردو             موعظه ابلا تكمله
جانت اكَلوب الجيوش من الجمر
ماتريد الموعظه
علي الاكبر صارت اعيونه حمر
ضهضب ابنار اللضه
هجم واشتد الضراب     وارتفع ذاري التراب  مايريدون الخطاب
جرد السيف                   جرد السيف
....................................................
من صفاته ابكَلبه رحمه             مابده ابحرب الخصم
بس لمن طب للمعارك                 ضربته ادك بالعظم
جن بده ايألف قصيده                ايصيغ مبدع بالنظم
ورق جان الجيش عنده             وبالورق يبرم برم
سيفه جان القلم واشتد بالشعر
والحبر سايل دمه
اشكَد جبير الجيش بس عنده شبر
كله غيره وغانمه
زينته ابعمرالشباب    وانذرالجيش العذاب  مايريدون الخطاب
جرد السيف                   جرد السيف
....................................................
كامل   ابقمة وجوده                 وهمه أكثر من نقص
من اجل دين الله عنده                 عالعقيده اعظم حرص
حسين جان ابكل حياته                 بالقصص يمه يقُص
سورة   الدخان  كَله              بالحرب جفك ينص
وسورة التكوير كون ابهجمتك
والقيامه وهل اتى
الما سمع بحزابهه  من يمنتك
سمعه جملة لا فتى
وعلي الاكبر الهه حاب   كلهه جلماته الثواب مايريدون الخطاب
جرد السيف                   جرد السيف
....................................................
من عطش كَلبه التفطر                 كَلبه احر من الشمس
السانه مايكَدر يحركه                   من الدرع أثكَل يحس
بس رغم هذا ابنَ غانم         سيفه اجه ابراسه ترس
الماشهد من طاح ابن وِد          شووفه الاكبر أمس
ورَد لبوه جا أمي تدعي ابرجعته
ولوداعه تستعد
وحشه ضلت من غيابه خيمته
وحشته تمرد مرد
شايل ابوجه الكتاب    مصحف وكله اغتراب مايريدون الخطاب
جرد السيف                   جرد السيف
....................................................
ابلا  ذنب طاح  وتمدد        عالترب طوله ارتمه
طعنه فوكَ الطعنه جسمه             من الطعن كله دِمه
صاح يمه حسين صيحه            وصلت السابع سمه
عالحياة   العفه بعدك             رايح ابكَلبك ضمه
منحرم  من الهوه  ابعمر الورد
شاب مو وكت الهجر
ياحسافه  اتروح ضامي  وما ترِد
يخلص ابساع العمر
يشهد الطف للشباب    باجر ابيوم الحساب مايريدون الخطاب
جرد السيف                   جرد السيف

((  الشاعر ياسر العارضي  ))


https://telegram.me/aabas78
قصائد لكل ايام محرم اشترك بالقناة

#قصائد_منبريه
#ليلة_الوحشه
#ليلة_الحادي_عشر


ليلة الوحشه ثكَيله اعله الحرم
لا زلم بالغربه ضلن لا خيم
.......................................
وحشه موعالطاح ضامي بكربله
عالنسا وايتام ذيج القافله
هالارامل واليتامه ابمشكله
من بعد عباس سبع المرجله
هيه هاي الوحشه من سوره انهدم
لا زلم بالغربه ضلن لا خيم
.......................................
مغربيه وجيش مابي مرحمه
انصبغت اثياب اليتامه من الدمه
ليله جانت حيل بيهم مظلمه
وزينب ابلا والي ياهو اتحشمه
هاي أكبر وحشه من هذا الالم
لا زلم بالغربه ضلن لا خيم
.......................................
زلم طاحو ما أضن يستاحشون
بالاطفال الوحشه مرت ماكو عون
شربو الماي ودمعهم يذرفون
خايفين من الاعادي ينظرون
وبالرجوع الحرم للموطن تهِم
لا زلم بالغربه ضلن لا خيم
.......................................
بعد ما جلجلت ليلة وحشته
حسين ضل عالغبره هوه وصحبته
امدد ابلا راس ما بين اخوته
زينب بهالليل طلعت كَصدته
وتحجي من ابعيد للشال العلم
لا زلم بالغربه ضلن لا خيم
.......................................
صعبه تبقه الحرمه لا والي وأهل
بهاي تتمنه يوافيهه الاجل
ساعد الله الحره بالبيهم نزل
ضلت ابلا والي من بعد الكِفَل
بين ديره اجيوش ماعدهم ذِمَم
لا زلم بالغربه ضلن لا خيم

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#محرم_١٤٤٥
#السبي

ليش زينبكم سبيه ياغريب الغاضريه
......................
زينب اويه الغربه راحت لليسر
اتمنت ابها الحاله يخلص هالعمر
تلالي دمعته اعله خدهه من الهجر
وبالكَلب ما ينطفي حر الجمر
وانت طايح عالوطيه ياغريب الغاضريه
..............
عينهه من البجي حمره اصبحت
صابره الحره وابد ماعاتبت
من الطفوله اعله المصيبه اتعلمت
ومن كثر هاي المصايب شيبت
سيدي هاي الابيه ياغريب الغاضريه
.........
ياحسين الحره مهضومة كَلب
صعبه والله المجلس الظالم تطب
بعد ما كَطعو وريدك بالحرب
صارت ابموقف يبو الاكبر صعب
صارت المسؤوله هيه ياغريب الغاضريه
..................
بعد ماغاب الكَمر عنهه ومضه
شافت ابصدرك خيول اترضرضه
والسهم هذا الذي ابجبدك مضه
صاب جن كَلب الامير المرتضه
وهيه تحمل يارزيه ياغريب الغاضريه
...............
يا أبو السجاد زينب تنسبي؟!!!
اي ولكن ما يجرون العبي
امحجبات وذني احفاد النبي
وهنه عيلة حيدره ذاك الابي
هيبه بعيون ال اميه ياغريب الغاضريه

الشاعر
ياسر العارضي


https://telegram.me/aabas78
قصائد لكل ايام محرم اشترك بالقناة

#قصائد_منبريه
#محرم_١٤٤٥
نزال_ زنجيل_للامام زين العابدين (ع)

زين العباد اليوم
كربت منيته
...........
شاف الظلم والجور      وامصايب اهله
وجناته للدمعات             سواهه قبله
وشسوت الايام             عملتهه عمله
جارت عليه ماشاف           غير المسله
ابشهكة نفس للموت
وصه ابوصيته
زين العباد اليوم
كربت منيته
......
من كربله الاهات              بنفاسه تسري
واعله السبط من طاح        دمعاته تجري
بهمومه محد جان             من ناسه تدري
بعد الحسين ايكول             ماريده عمري
وراح ابهظم ودموع
فارك لبيته
زين العباد اليوم
كربت منيته
........
ابهمس الدعاء اهموم         عايش فجيعه
من طاح ابو النوماس        فوك الشريعه
ومن الحسين ابيوم            ذبحو رضيعه
ومن الشباب اهناك          طاحت صريعه
ويه الدمع والدم
صارت هويته
زين العباد اليوم
كربت منيته
..........
بالسم مهجته شلون           ذابت حسافه
سم جبدته  غييب         رسمه واوصافه
ابن الرجس سماه           و بيده الخلافه
حارب امام الكون           ما لحضه عافه
والساجد المظلوم
اول ضحيته
زين العباد اليوم
كربت منيته
....
عاش وخلص عمره          بالحسره والهم
من عينه لو يبجي             عالخد نزل دم
وشما يشوف الماي             بانفاسه مأتم
وبلاذنب ياحيف               تاليهه ينسم
جن شمس بين الغيم
حانت مسيته
زين العباد اليوم
كربت منيته

الشاعر
ياسر العارضي

https://telegram.me/aabas78
قصائد لكل ايام محرم اشترك بالقناة