ضاعت احلام السنين
وكَلبي ذاب امن الونين
انه زين العابدين
يا زماني يا زماني
****************
رايد اعتب والعتب مسموح اليه
اهوايه غيرني مصاب الغاضريه
وكت يا دنيه بحبل مشدوده اديه
بضهري مطبوعه بعدهي اصياط اميه

كبرت وياي الجروح
وروحي ترتاح امن انوح
انه وين وهمه وين
يا زماني يا زماني
******************
عادت المخنوكَ ما يترك دمعته
ونايم بحضن التراب الغالي عفته
شفت ريج الماي يابس فوكَ شفته
وانه حته الماي من بعده كرهته

انه ابوي المنذبح
الراسه رتل عالرمح
ليش عطشت الحسين
يا زماني يا زماني
*************

موقفي ويه الخيم يحتاج توضيح
شفت بعيوني رقيه اتكَوم واطيح
بهدمي طفيت الخيم وانه اسبكَ الريح
وعمه لا تحتركَ زينب كَامت اتصيح

حته دخان الخيم
بعيني احسنه سهم
يا رقيه لا تجين
يا زماني يا زماني
****************
انه جانت عمتي تدرون اميره
ويزعل العباس اذا كالوا سيره
صدكَ هاي الناس ابد ما عدها غيره
تنضرب بالصوط بت حيدر جبيره

ولو ابو فاضل عدل
محد ايجرها بحبل
لجن مكَطوع الادين
يا زماني يا زماني
*****************

انه ويه النوكَ سالفتي طويله
اشلون عمتي صعدت الناكَه الهزيله
آه يا درب السبي ما بيه حيله
الروس تهتز من يشتمون العقيله

اهوايه تعبت عمتي
اتكَلي نوخ ناكَتي
اتعذبينه احنه الثنين
يا زماني يا زماني
*************
الزاد بللته بدمعتي بفكَد الاحباب
وكامت اتمر السنين وعيني عالباب
كمت كل اغروب احن وركض للثياب
لا تلوموني اعله راسي امن ارمي التراب

الياوكت ابقه انتضر
راحتي بس بالكَبر
عشت كل عمري حزين
يا زماني يا زماني
*********
تمت
تحسين الخفاجي



https://telegram.me/aabas78
قصائد لكل ايام محرم اشترك بالقناة

لشهادة السجاد ع
.
.
.

الأخـر نـفـس تبـقـه تـهـل دمـعــاتي
لحـسـين ابـويـه والــسـبي عـمــاتي
كـربـله ومـأساتها
بالـگلـب جـمراتها
انه زيـن العابدين

_________

عــلــى افــراش المـوت والـدمعه جـريه
مــانســيت اشلــون انــسه الــغـاظـــريه
عـمــتي مـــن صــاحت أثــر خــَلـته بـيه
يــابـــو فــاضــل شـبــو الخـيــمـه عــليه

مـن ماسمعها گامت اتنـاديني
گالتلي عمـه امـروتـك طفيني
ابالي كل صيحاتها
بالـگلـب جـمـراتها
انه زيـن العابدين

_________

اعيوني چـنت اتمــنه لـو همه عموهن
حـتـى لا مـاشـوف عمــاتــي سبــوهن
بــالحــبــل عـالنــوگ لمــن چتــفــوهن
اظلـوع صـدري والله اشـعر كسـروهن

اتمنيت اموت اولا اشوف ابعيني
مـا اگـــدر افـزع گــيـدو چفــيني
السالفه احچاياتها
بالـگلـب جـمـراتها
انه زيـن العابدين

_________

مـو امـن السـم تــره والله ذاب چــبدي
ذاب مـن هجـمت العـسكر وانــه وحدي
اطـفال مــن غير النـسه اثمــانين عندي
شـلون اَلـمهم حـرت انـه امنــين ابــدي

عمتي شــفتها مثـلي هـم محتاره
عالخيم من هجمت واجتنه الغاره
اتـأوهت وأهـاتها
بالـگلـب جـمراتها
انه زيـن العابدين

_________

لاتـلومــوني علــى دمــعـي النــزفـته
ريــتــنـي مـيــت ولا والــدي شــفـته
جـسمه مـاينوصف لــو الكـم وصفـته
هــواي مــتـغــير لــذلــك مــاعــرفـته

بالحومه فوگ الگاع شفته اموذر
وداست على والدي خيل العسكر
خيلـهم دوســاتها
بالـگلـب جـمراتها
انه زيـن العابدين

_________

الـشــام لا والله مــا انســه مــصـابه
ريـتنـــي مـيــت ولا انـــظــر عــذابه
مــايــفارگنــي أبـــد طــاري الخـرابه
مــن شفــت نــومــة رقـيه عالتــرابه

اختي الزغيره وسفه مارحموها
راس الابـو تغــفه عــليه خلوها
نــامــت ودمعاتها
بالـگلـب جـمراتها
انه زيـن العابدين

_________

انــه ميــت والســئــلـنـي عـــن مـمـــاتي
ابعشــره عاشــور ابتــدة ســاعـة وفـاتي
مـــن خَـــذو للســـبي عــماتـي وخــواتي
عشـــت مــن ذاك الــزمــــان ابــنايـــباتي

ليهسه حادي السبي اسمع صوته
ويوميه الف موته تجيني وموته
قصــتي شـوغاتها
بالـگلـب جـمراتها
انه زيـن العابدين
_________
حيدر تركي الكربلائي



https://telegram.me/aabas78
قصائد لكل ايام محرم اشترك بالقناة

موشح لإستشهاد مولاي زين العابدين عليه السلام

مات من طف كربله وأحزانه
أبو الباقر والحزن عنوانه
==========
ضيم من طف كربله شاف الألم
شاف شامت من اجه يحرگ خيم
شاف عبد الله انذبح من السهم
روحه لحبابه تحن لهفانه
==========
جان شاهد عالمصايب والجره
شاف ابوه احسين حزوا منحره
الجرحته زينب غريبه ميسره
والنذل أعلن عليه طغيانه
==========
حيل ماعنده وصعد فوگ الهزل
ويده ياوسفه يعت بيها الحبل
يطيح من الناگه لو جره النذل
مابقه واحد عدل بخوانه
==========
زين الاعباد وتمرمر ياخلگ
صدره بالحسره علئ الحره احترگ
جفه للناگه بحبل ويلي انشبگ
وسفه يتمرجل ابن مرجانه
==========
والهضم أكثر بعد طاري السبي
بغربه مسبيه يصد بت النبي
علي السجاد وينادي ياعلي
جدي احظر ياعلي ويانه
==========
لإبنك احظر ياعلي بهذا المحل
تحظر الينخاك أعرف يالفحل
هاي وادم جدي ماعدها خجل
عمتي ياجدي تره عطشانه
==========
تمت ولله الحمد/ المقصر مع الحسين
الشاعر علي النائلي


https://telegram.me/aabas78
قصائد لكل ايام محرم اشترك بالقناة

السجاد


سلام سلام يالمبجي الليالي
سلام سلام عله جروحك يغالي
_
امن الصبر للكبر عشت اصعب عمر
شفتك بعين الحزن كلك صلابه
كربله حيتك ماعفت عمتك
من الخيم لخر دمع وسط الخرابه
ياونين الجرح والدك منذبح
كافل الخدر صرت انته بغيابه
رغم جرح المتن شلت كل الحزن
بدت منك اه يحسين ومصابه

نحيب نحيب صحت محد بقالي
سلام سلام عله جروحك يغالي
_
يلي جدمك ركض رغم جرح المرض
بيوم ناده والدك هل من مناصر
ابد ماقصرت سيف بيدك شلت
وردت نحرك ينكطع ويه المناحر
رجعك بالألم والدك للخيم
يبني كلك انته تحمي عيالي باجر
وانت كتله اطمئن اهلي وسط الجفن
ماتهمني وداعتك كل المخاطر

عليل عليل واحامي عن عيالي
سلام سلام عله جروحك يغالي
__
شفت كلشي صعب مايحمله الكلب
والله عجبه مامتت بالغاضريه
بيك ماضل فكر وشفت ثوب الشمر
بي دمه حسين وركض يضرب رقيه
بكثر ماتنفجع كابرت بالدمع
حاولت تخفي حزن هاي الرزيه
ركبوك الهزل وجتفوك بحبل
رغم هذا ورجفت جيش ال اميه

اسير اسير مشيت وماتبالي
سلام سلام عله جروحك يغالي
_

عن خطبتك عبر لسه يحجي الدهر
سولفت وبكل حرف جانت رساله
ابد لا ماخفت جم كلب رجفت
بنص قصرهم وافضحت اهل الضلاله
صحت اسمي علي الفاركوني هلي
انه الذبحو كل هله ومحد بقاله
استرسلت بالحجي وعلة صوت البجي
كلت ابوي اللي انسحك جسمه وخَياله

دموع دموع وسط عينك تلالي
سلام سلام عله جروحك يغالي
___
بعد كل الجره لروحك الصابره
عشت عمرك والدمع يجري اعلة خدك
بيك محد يمر وابد لاتنتضر
اهلك بطف الغرب خلوك وحدك
بيك ماضل امل وحان وقت الاجل
بكربله وبالسم يغالي ذاب جبدك
بلكي من تندفن تنسة كل الحزن
ماغفيت وبلكي تغفة ابوسط لحدك

ونين ونين عشت عمرك يوالي
سلام سلام عله جروحك يغالي
_
الشاعر السيد معتز الحسيني


https://telegram.me/aabas78
قصائد لكل ايام محرم اشترك بالقناة

يا رقية


أخر نفس تشتمه.
عطر من راس ابو اليمه
وماتت رقيه
................ ١

بالخرابه ضلت تنوح واجوهه
براس ابوهه الطفله جابوا عذبوهه
شبگته وشمت عطر من راس ابوهه
هذا أخر نفس الهه او دعوهه.
.
شبگت راسه وارتاحت.
من ذاك التعب نامت.
جتهه المنية.
ماتت رقيه

،،،،،،،،،،،،،،،،،،،،،،،،،،،،،،،،،٢،،،،،،،،،،،،،،،،،

تگله بويه صياط ظهري عذبني.
الگوم شو كل اليجي يمي يسبني.
وشوف ذاك الشمر چم مره ضربني
دم طلع ويه التراچي من سلبني
.
لاينطي الشمر ربي.
شلع أذني وشلع گلبي.
منه الأذيه.
ماتت رقيه.


،،،،،،،،،،،،،،،،،،،،،،،،،،،،،،٣،،،،،،،،،،،،،،،،،،،،،

بويه من حرگو خيمنه ماشفتنه.
هجمت علينه النذال وفرهدتنه.
صحت ماتفزع علينه بويه متنه.
والعليل من السياط ايميل متنه.

اعلخيتي يسحگ الحافر.
وبثيابي الجمر فاير.
بذيچ المسيه
ماتت رقيه.

،،،،،،،،،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،
ماتسولف بعد سكتت خاطبوهه
فوگ راسك جمدت ومن حركوهه
على راسك ميته هالطفله لگوهه.
حگهه ماتت من سبيهم لوعوهه.

طفله تموت بالغربه.
الحجر هم ينكسر گلبه.
تبچي السبيه.

،،،،،،،،،،،،،،،،،،،،،،،،،،،،،،،٥،،،،،،،،،،،،،،،

وهيه ميته بالحبل مچتوفه اديهه.
وبرجلها الشوك چي حافي مشيهه
وزرگه حتى متونهه وتبچي عليهه
زينب وتدفنها بالغربه شبديهه.

شتگله حسين من ترجع.
رقيه ماتت وتفجع.
يبن الزچيه
ماتت رقيه

،،،،،،،،،،،،،،،،،،،،،،،،،،،،،،،،،،،،،،،،،،،


حيدر موسى الرميثي


https://telegram.me/aabas78
قصائد لكل ايام محرم اشترك بالقناة

(عزيزة الحسين رقية )

طفله شافت بل منام * ويه ابوها سولفت
فزت ومرعوبه حيل *بابا يا بابا اصرخت
*
عمه يازينب تصيح هسه اريدن والدي
عمة هسه ويايه جان وسولفتله علسبي
وكام ينشدني عليج اشلونها بت لنبي ؟
كتله من كثر السياط تشككت حته العبي
من بعد جف الحنان بسوطه جف الأجنبي

ماتحمل هل كلام وصورته مني ختفت
**
عمه خافنه زعل هسه اريدنه يعود
ماسئلته على الكفيل صدك مكطوع الزنود
عمه ما أحمل عطش وانه بعمار الورود
تذبل الورده وتطيح كون مايسكيهه جود
جان يزعل لو بجيت يمسح ابجفه الخدود

خله يرجع وي ابوي عيني بدموعوي أنعمت
*
طفله تصرخ وين ابوي وين اخوتي والعمام
فززت من بل قصور انزعجو أولاد الحرام
طشت جابو الهه اشوف مغطه والدنيا ظلام
تكله صح جوعانه حيل لجن ماريد الطعام
تكله اريدن هسه ابوي رايده علجفوفه انام

كلهه هذا رأس ابوج طاحت عليه وشبكت

طفلته اتحظنه وتلوع براس ابوها محيره
تسأل وماكو جواب سنونه ليش مكسره
عمه يازينب عليج عمي سبع الكنطره
بابا منهو الموتاه ؟ منهو كاطع منحره ؟
بابا ماباساني ليش ؟ خاف اشفته امفطره !؟

خاف زعلان العزيز ليش ساكت معرفت
*
بويه خل نفتح نقاش جرحي لو جرحك شديد
انه اسولفلك تراجي ونته سولف خنصر ايد
وأنه اكلك بذني دم ونته راويني الوريد
وانه راويك الجروح ألهه اطب ماضن يفيد
هدومي بويه محركات اتملخ الثوب الجديد

شككاه دك السياط وزركه الضلوع أصبحت

جنه جاوبهه الحسين بصوته من عند النحر
بويه عشره منل خيول رضرضت مني الصدر
مراشك ابجسمي النبال بكلبي المثلث حفر
يارقيه وشوفي هاي براسي خسفه منل حجر
وانه عطشان وألوج ويذبح ابراسي الشمر

على رمح راسي ارفعوه وأبره وياكم رحت
*
حاجته بدمع العيون بابا يابابا سؤال
وين أديت الصلاة على الرمح لو علنبال
موش سجادة افرشت روحي افرشها تعال
بوية والمثلي تريد بهل عمر تشبع دلال
وانه من مشي السبي طككت رجلي الرمال

طفله بس شفت العذاب متوني منهم ورمت *
كلهه يابويه عليج تبجي دم خلهه الدموع
انتي مثلي مكسرات بينن بيج الضلوع
ياعزيزة كلب ابوج يصعب وياج الرجوع
بويه بس انتي تعاي ياشمس وكت الطلوع
شهكت وضاع النفس ولعمرشمعه ويموع

كوضت مامنهه صوت ميته علراس اوكعت

**************

خادم رقيه
هادي الصالحي



https://telegram.me/aabas78
قصائد لكل ايام محرم اشترك بالقناة

ريحانة الحسين رقيه ع

آخـــــر خــــرابة الشام ملگه و منيه
ومشابگ اويـــــه الراس نامت رقية
ضلت غريبة ابحظن المصيبه
نامت رقيه


طفله ابعـــــمر قـــــداح فتح وردهه
وگطر النده نعسان يغفه اعله خدهه
تــدري علـــــيش حسين اكثر يودهه
چــن أمه ثلث اسنين تقره ابحمدهه
گطعو غصنهه وذبل حسنهه
نامت رقية

......
مشي اليتيم اشلون وي چاتل أهله
ســوط وحبل وسموم والناگه هزله
گـــــالو عماهه الراس گد ما تصدله
وبــين عليهه الشيب ماچنهه طفله
و اجروح اذنهه تغفه اعله ونهه
و نامت رقية

......
بس ما شمسهه تغيب وحشه الخرابه
ايــذبهه التــــعب واتنام فوگ الترابه
تگعـــد ابنـــــص الليل تصرخ يه بابا
تحـــلم ابحضن الراس والدم خضابا
من حبل ايديهه تشكي العليهه
و نامت رقية

........
ليل اليتيم اجـــــروح مـــا يبره همّه
وجـــرح اليمسه اتراب بلله اشينيمه
زينب تگضي الليل لچمه اعله لچمه
كــل ساعه تسمع صوت وينچ يعمه
ما تگدر اتنوح وتجلب الجروح
نامت رقية

........
زينب تجــــلب الليل مابين الجروح 
كلــــما تصد للراس وتشوفه مذبوح
لا بيهه تبچی ابصوت لاتگدر اتنوح
وماتدري باچر وين حاديهم ايروح
خلصت اسرهه وحفرت گبرهه
و نامت رقية

الشاعر عـزیـز_الـفــیـصـلي



https://telegram.me/aabas78
قصائد لكل ايام محرم اشترك بالقناة

الى رقيه عزيزة الحسين عليه السلام


راس ابوي يمي جابوه بالطشت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع

توني شفته بالمنام يصيح ليه
بويه بويه اغفي أعلى صدري يارقيه
ياحنانه بغربتي ويمر عليه
بدونه عمري شلي بيه وبالدنيه

مرني طيف وانه لاجله فرفحت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
**************************

هذا يا عالم وبيه اطفال أسرى
طفل يهدوه راس ابوه منكطع نحره
طفل ماواعي أعلى دنيا زغير عمره
راس ابوه يشوفه ينزف دما حمره

بطيفي جان يحاجي بيه ويلتفت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
**************************

جان شعره بيني وبينه والاكيه
ياضواي اعليه كرب وانه احاجيه
مرحبا براسك يبويه وياهلا بيه
مو وهم صارت حقيقه المس ايديه

شو تعاي انه باحضانه رحت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
**************************

ياحنانك بويه صار بعيد عني
دنيا واللجمات بيها عذبني
تدري بالخيمات بجدامي جوني
انه طفله وعلى راسك راسي محني

ياهواي انه توني تنفست
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
*************************

الرعب والخوف بويه حاصرني
والشمر بالسوط مرعوبه خذاني
طفله ليش الزمن هيجي مرمراني
بويه صدرك وينه خل احظن حناني

يالحنين ليش هيجي طولت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع

**************************

محمد دعبل النوري


https://telegram.me/aabas78
قصائد لكل ايام محرم اشترك بالقناة

يارقيه

يلي تسأل عــن رقيه شـلــونـهـا
هسه حمره من البواچي عيونها

اشكد صعـوبـه اعليها لحظات التمر
هسه تـمشي حافـيـه بــدرب اليـسـر
ازغـيــره ماتحملها ضربات الشمـر
ترفه جانت هسه زركـه امتونها

صعـبه كلش صعـبـه لحظات السبي
وينظــر اعـلـيـهــا رقــيــه الاجـنبي
منين ما تـلـتـفـت محـروگـه العـبـي
الدمعه متفارك سواد جـفونهـا

والاشد واصعــب عـلـيـهـا بـالسفـر
تنـظـر اعـلـه الـعايلـه كلهـا بخطــر
اتمنت العـبــاس ويــاهــا الگــمـــر
جان هسه امدلـلـه بضعـونهــا

چان حادي ضعونها راعي العلم
عالنهـر عـافـتـه وبعـيـنـه سهـم
مادره العـبـاس حرگـوهـا الخيم
و بـرقـيـه مـادره يضربونها

هـذا حال التـبـقه ماعــدهـا ولـي
تبـقـه كـل اهـمـومهـا ماتـنجـلـي
اشكـثر نادت لينـه احضر ياعلي
للفـواطـم كـامو يشتمونهـا

اخـتـم ابـدمع الصبــر والامنـيات
اشگد رقيه الها بالطـف ذكـريات
اتنادي بعد حسين ماتسوه الحياة
ولآن ماتت عالنحر خي عونها

الشاعر السيد رياض الرسل الجابري



https://telegram.me/aabas78
قصائد لكل ايام محرم اشترك بالقناة

نون اليوم عل الماتت سبيه
نصيح بصوت مظلومه رقيه
&&&
نون اليوم ونتنه الجبيره
عل المهمومه الماتت زغيره
بخرابه والعده ظلت بحيره
تصيح بصوت من شر البليه
&&&
تصيح بصوت وين اهل المروه
كلبي من الالم بناره تجوه
راح الجان الي ولكلبي سلوه
شفت اليوم انواع الاذيه
&&&
شفت اليوم انواع المصايب
كلبي من الالم وبناره ذايب
اصيح ابصوت وين اهل الحرايب
خل اليوم بس تفزع اليه
&&&
خل اليوم تفزع هل المحبين
تصيح بصوت جينه بنت الحسين
نفوت اليوم وبكل الميادين
عل المهمومه من نسل الزجيه
&&&
عله المهمومه نهمل دمعة العين
ونصيح بصوت يابنت الميامين
الج نلطم صدرنه ونبجي اسنين
الج هاليوم من نفزع سويه
&&&
الج هل اليوم نادت كلها الناس
تصيح بصوت احنه الج حراس
وشحده الكرب من هاي الارجاس
نراويه االغضب ويوم المنيه
&&&
نراويهم غضبن بعين خدام
والهم هالعده شدينه الاحزام
نصيح بصوت نردعهم الظلام
نشوفها العده ايد القويه
&&&
نشوفها العده احنه المنايه
وهبينه بعجل كلنه سرايه
رفعنه اليوم كلنه هالروايه
بسم مولاتي صحنه يارقيه
&&&
خادم اهل البيت
ابو علي السعيدي


https://telegram.me/aabas78
قصائد لكل ايام محرم اشترك بالقناة

استشهاد عزيزة الحسين رقيه ع

جروح ابوجـهك هواي .. شفـافك مارون ماي
يمن مذبوح عطشان .. شكـثر يابويه ذبــلان

--------------------------
قبل ساعـه چـنت يمي بمنامي
اسلم اعليك وانته اترد سلامي
هـسه ليش وجـهك بويـه دامي
شفافك ذابله وحيل انته ضامي

راسك شفته مذبوح .. هواي بشفـتك اجروح
هاجت بيه الاحزان .. شكـثر يابويه ذبــلان

--------------------------
اصد عيني عله وجهك ماشفت نور
شفـت هـواي وجـهك بويـه مطبور
عـظـم الوجـنه هـذا حيل مكـسور
چا هـم مـثلي انتـه هـواي مسطور

هم هواي طگوك ؟ .. هم بالنار حرگوك؟
اشمن بيك دخان .. شكـثر يابويه ذبــلان
شكـثر يابويه ذبــلان

--------------------------
اشوف هـواي متـغيره عيونك
العـطش يابويه غير حيل لونك
بحلگـك ليش كسروهن سنونك
اذا مـذبـوح الـمـن يضـربـونـك

يمن عطشان منحور .. سنك ليش مكسور
وراسك كله تربان .. شكـثر يابويه ذبــلان

--------------------------

دمك خـل اوخره العامـي العيون
فك عينك يبويه وشوفني شلون
اراويـلك شـصـار بـهـاي المـتـون
بيـه هـواي مـن بعـدك يضـربـون

نزل لعـظامي السوط .. وچـفي بحبل مربوط
الحبل سوالي نيشان .. شكـثر يابويه ذبــلان

--------------------------
عگب ذبحك خيمنه اشتعلت بنار
احـترگت انـي يـبويـه وي الزغـار
انسبينه احنه ودخلنه شام الاخطار
اطـفال الشـام بـينه تشمر احجار

بحجر بينه يشمرون .. يشتمونه ويضحكون
وراسك عالي بالزان .. شكـثر يابويه ذبــلان

--------------------------
بويه الشام تهضم كلش الشام
ونظرات الشماته مـثل السهام
بخـرابه بلا سكـف خلونه انام
خرابه وليـلها مانعـرف شضام

خرابه وصوت الونين .. يـهد الحيل يحسين
نون باليل نسوان .. شكـثر يابويه ذبــلان
شكـثر يابويه ذبــلان


الشاعر عقيل الحسناوي..


https://telegram.me/aabas78
قصائد لكل ايام محرم اشترك بالقناة

شلون حاله ... طفله شافت راس ابوها ... شلون حاله
شلون حاله ... شــــــبكته وميته لكوها .... شلون حاله
حالة موادع عجيب ... بين محبوب وحبيب
.......................................................
نامي عمه .. الدنيه ظلمه .. الليل وحشه وامست علينه المسيه
كافي كافي .. لاتخافي ........... آنه يمج نامي يالطفله السبيه
بالخرابه .. يا عذابه ....... الينظر بعينه ويصد دمعة رقيه
ابجي سكته .. من كلب مكطوعه ظنته .. ابجي سكته
ابجي سكته .. يادمع عيني الخنكته ..... ابجي سكته
ابجي والموقف رهيب ... بين محبوب وحبيب
............................................................
آنه يمج .. عمه احرسج . .... واحرس اليمج بقن كلهن سبايه
صعبه صعبه .. احنه غربه ..... بلا كفيل ولامحامي ولا حمايه
نامي يمي .. وشمي همي ....... توسدي ذرعاني واغطيج بعبايه
يا حسرتي .. جنها نار وبيه تسعر .. يا حسرتي
يا حسرتي .. ويا طفل مثلج تحسر .. يا حسرتي
يا زمن كلك غريب ... بين محبوب وحبيب
..........................................................

عمه باجر .. من نسافر .......... نرجع الدارج يعمه البيه وطنه
نلكه عمج .. الراح منج ....... ونلكه ابوج هناك كاعد ينتظرنه
جنه سافر .. وانتناطر ............. انه وانتي من يرد يا عمه انه
دمعي سولف ..قصه للطفله اليتيمه .. دمعي سولف
دمعي سولف ..سايل وناده الظليمه .. دمعي سولف
والوعد اصبح قريب .... بين محبوب وحبيب
...........................................................




طيف اجاها ... وعذباها ......... مر عليها بغربه ابوها وكلماها
تبجي كعدت .. بويه صرخت ..... ما لكت طيفه وبعد عنها وجفاها
ايدي بيدك .. اتصيح اريدك....... حته بالطيف الزمن شو يتماها
وآنه مدري .. ابجي لو اصفج بديه .. آنه مدري
وآنه مدري .. قصة قصتج يارقيه .. آنه مدري
صارت الدمعه نصيب ... بين محبوب وحبيب
..........................................................
طشت اجاها .. وعذباها ........... بيه راس اللي تحبه حسين ابوها
ضامي ضامي .. شيبه دامي ... وراحت اكباله وغفت من وسدوها
تشمه شمه .. ميته يمه .......... شمة امفارك ابو .. ميته لكوها
شلون نومه .. طفله وتنام اعله نحره .....شلون نومه
شلون نومه .. الجانت تنام اعله صدره .. شلون نومه
نامت وحان المغيب .. بين محبوب وحبيب
......................................................
يارقيه .. ابهل المسيه ......... بدمعه وبحسره يعمه توادعينه
بالنواظر .. جنه عاشر ........ من محرم بالخرابه ايمر علينه
بغربه والله .. وداعت الله ...... نامي ودموعج تهل آه يالحزينه
آه يا دنيه .. التكضي بهموم ونياحه ... آه يا دنيه
آه دنيه ....... يا هو كال البيج راحه .. آه يا دنيه
جرحج ابدن ما يطيب ... بين محبوب وحبيب


الشاعر علي صادق المجراوي


https://telegram.me/aabas78
قصائد لكل ايام محرم اشتارك بالقناة

صوت عباس الكمر .. آ يارقيه
وين وداج الدهر ... آ يارقيه
عكب آلام اليسر .. اليوم اجيتج للكبر
آ يارقيه
.................

يبنت حسين وين الدهر بيج اندار
كبل بين الاهل واليوم بين اشرار
غدار الزمن ياضنوتي غدار
عكب ذاك الشمل صار الشمل طشار

الج هليله الحزن .. آ يارقيه
لو على زينب اون.. آ يارقيه
كسر اعظم من كسر.. .. اليوم اجيتج للكبر
آ يارقيه
.................

ويّه حسين ابوج احساسي وأحساسه
الحافر داس صدري بيوم من داسه
وي روس اخوتي باليسر حراسه
وشفت شلون من متي على راسه

صاح راسه اعله الرمح .. آ يارقيه
غفت روحج عالجرح .. آ يارقيه
هناك ودعتي العمر.. .. اليوم اجيتج للكبر
آ يارقيه
.................

من يوم الضعن لليسر بيكم راح
وكلبج فوك نحر حسين لمن طاح
صحتي وراس ابوج وياج بالهم ناح
بجه عليج الحسين ويارقيه صاح

صوت من نحره طلع .. آ يارقيه
والضعن بيج انفجع.. آ يارقيه
وانه بدموع الجمر .. .. اليوم اجيتج للكبر
آ يارقيه
.................
كل سوط اليضربج سهم صاب العين
كل حسرة عطش نار وتشب للحين
كل نضرة عتب مكتوبه عالجفين
اعذريني الدهر غادر يبنت حسين
وآ يايوم اليسر .. آ يارقيه
ويه كل دمعة جمر.. آ يارقيه
اسأل هموم الصبر.. اليوم اجيتج للكبر
آ يارقيه
.................
لسه دموع عينج يالحزينه تسيل
واشوفن كبتج مثلج بهمها تميل
اجيت اليوم حارس واليريد يعيل
عباس انه اصب اعليهم السجيل
اليوم اجيت بغيرتي ..آ يارقيه
واغطيج برايتي.. آ يارقيه
وحاميج من الكفر.. اليوم اجيتج للكبر
آ يارقيه
.................


الشاعر جواد الخطیب



https://telegram.me/aabas78
قصائد لكل ايام محرم اشترك بالقناة

أنه ماريدك ابد تزعل عليه
وفقتني الليله راح اقره الرقيه
تعبهه الاونين ///بنتك يالحسين
**************************
هاي العزيزه من طحت جوه الجمر رجليهه
يحسين هاليله شتحب اقرالك انه عليه
السلب تراجيهه ومشه متقصد ايبجيهه
المفروض موسوط وحبل جنطه وكتب ينطيهه
ماتت احلام الطفوله بحرك الخيام
وانته تدري شكثر موحش ليل الايتام
منين ابتدي منين/// بنتك يالحسين
**************************
نادم يظل طول العمر اليذبحله حلم ابنيه
ياناس بس المنسبي يعرف شني المسبيه
فراشه جانت بالخيم ومبركعه ابحنيه
مملوحه واشور تره يادمعت العلويه
جنت مثل الورده كل ساعه تشمهه
ومن سبع فدوات اروح انه الاسمهه
وشمهه مرتين/// بنتك يالحسين
**************************
راح اقره الهه المستهل واكسر كلب دمعاتي
بالسوط اصيحن ياخلك ظربو متن مولاتي
مو بالخرابه انه صحت بنص عيني كومي باتي
خليته الج صدري وقف مو بس تره وناتي
حتى دمعاتي بثوابج ثوبيتهه
انه حته ابنيتي للمجلس جبتهه
موصيهه تقرين/// بنتك يالحسين
**************************
فاجئهه راسك بالطشت تراب ودمه بشيباتك
شفت الخرابه ابلاسكف انترسن زعل نظراتك
بخدك رقيه باستك وظلت تشم وجناتك
يابويه كالتلك بعد لتفارك ابنياتك
صاحت الزينب يعمه الراس تعبان
ماي ماعندج اشربه هواي عطشان
وتبجيلك العين/// بنتك يالحسين
**************************
عذبهه يحسين الرمح راسك ذبيح وشالك
تباوعلك ابحر الشمس محد اجه وفيالك
تحاول تجيلك والشمر يظربهه كام اكبالك
اوكف يشيال الرمح هذا ابوي اشمالك
بقت تدعي ياالاهي بهل المسيه
فوك راس الغالي اريدنهه المنيه
بحبال الايدين/// بنتك يالحسين
**************************
الهاي المصيبه عادتي ثياب السواد اللبسهه
وعندي المأتم سيدي مثل الهوه اتنفسهه
لبنتك اريد ابكل سنه كون احظر ابمجلسهه
وفقتني وامروتك بعد روحي اللطم واهسهه
يارقيه اتعود اللساني يرد دوم
الله لاينطيني اذا انساهه فديوم
شما مرت اسنين/// بنتك يالحسين
**************************
تمت..... علاء الزيدي

https://telegram.me/aabas78
قصائد لكل ايام محرم اشترك بالقناة

#محرم_١٤٤٣
#قصائد_منبريه
#رقية_بنت_الحسين_ع

دمـع العيون                مــن رقيه على الوجن

والله ميهون                صغيره ما تحمل حزن

من السبي والهم تصيح

هـــذي بـنـتـك يالـذبيـح

والله ميهون         صغيره ما تحمل حزن

.............................................................

اتـيـتـمـت بعدك رقيه من الزغر

والــزغيــره شلون تتحمل صبر

جـتـفـوهـه اويـه الـيـتـامه باليسر

وغيـر جـيـتك يا ابوهه شتنتظر

تالي راس بلا جسد

والكَلب منهه انمرد

شلون وتشوف        بطشت راسك ما تون

والله ميهون          صغيره ما تحمل حزن

..............................................................

راحـت بـدرب اليـسـر تـحـمل انين

وتـرتجف من جور ادين الضالمين

تصـيــح مـن تعـثـر رقـيـه ياحسين

انـت ابـوهـه وتـنـدبـك يبن الامـين

تـنـتـظـر منك حنان

وتشـعـر بكل الامان

وانت مذبوح        انهشم صدرك والمتن

والله ميهون         صغيره ماتحمل حزن

...................................................................

كَـوه جـانـت تـحـمـل سياط العده

والـسـِـده اعـلـيـهـه ابـد لاما سده

تــنـضـرب واسمك يبوهه تردده

وانـت جثتك عالتراب موسده

ابسـوط بنتك تنضرب

ياحسـيـن شكَـد صعب

اتشوفك اتريد         الشـبـكَـت جفوفك تحن

والله ميهــون         صغيره ماتحمل حزن

.................................................................

اعـلـيـك تـسـال زيـنـب وكـلهه وقار

تكلهه اريد حسين وانتضره اعله نار

من اشتياقي كَـلـبـي بـس نـار وشرار

والله مــا أحـمـل بعـد طــول انتضار

وانت راسك عالرمح

يـقــره أيـــــات الفتح

مادرت بيك        راســـك يطوف المُـدِن

والله ميهون        صغيره ما تحمل حِزِن

................................................................

تالي جابو راسك الهه وكـله دَم

حيـلهه من شافت الراس انهـدَم

رجـفـت ومن راسهه لحد الجدَم

والنفس منهه الهالمصاب انعدَم

من الحزن ماتت يحيد

نشف دمهه البِل وَريد

ومن الاحزان         ذبـلـت الجـانت غصِن

والله ميــهـون         صغيره ماتحمل حزن



الشاعر
ياسر العارضي



https://telegram.me/aabas78
قصائد لكل ايام محرم اشترك بالقناة

نزله
عليميني اعــله العشگ
صدري ما يشفه امندگ
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالعشگ اول خذيتـــــي وانتي بعدچ طفله
فوگ راس احسين ميته عندي لا مو سهله
الطم واصـــرخ اگـــله هـــل عمـــــر مايغله
عالمـــچ يمته اعيشه واصــحه مـــن الغفله

ياحسين امنصرخت
زحمه مثـلچ مامتت
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مدرســه للحــب اشوفــچ جـاي اريد اتعلم
يا عظيمه ادخيلــچ آنــــه خادمــــچ يتئلم
مـن جَـزع گلبــچ انطيني حين اجي للمئتم
وعله مصــاب الغاضــريه حيلي خل يتهدم

بالمجالس موتتي
هيه هـايه امنيّتي
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وفقيـني ابهــل خـدامه ابعبره الطم وانحب
واگضـي عمـري بالمجالس يــا حبيبة زينب
خلي دمعـي ايطـفي نـارچ يلــي نارچ تلهب
بجاهـــچ الحـــد المنـــيه مــا امــــل واتعب

وين ماروح وارد
افتخــر الكم عبد
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مـن اذكـرچ يارقـيه بصـدري تبـقى الخنـگه
ياهي شافت راس ابوها وماتت اول شهگه
شگد عزيز وغالي عنــدچ ما حملتي الفرگه
ويـن ادور غيـــرچ آنـــه والله لا مــــا الگه

واللـــه يل گلبــــچ تـرف
امنل خجل جيت اعترف
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله مــو مالـــت خــرابه يلـي چنچ ورده
بحضن ابوچ النومه تحله بس الچ والگعده
منين اجتچ هل مصيبه وشفتي هاي الشده
ويلــي آخــر چلمه منـــچ ارد ابوسه بخده

بوسه بس بيهه العجب
جالـــچ ابطشت الذهب
يارقيه……...…. يارقيه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي…

https://telegram.me/aabas78
قصائد لكل ايام محرم اشترك بالقناة

ازغر علويه _ ماتت مجويه
كون الهه نثوب _ ماي وترجيه
قهر ميته لكوهه//عزيزت كلب ابوهه
◇◇◇◇◇◇◇◇◇◇◇◇◇◇◇
العايشه جروح السبي شتقره عليهه
وينهه اوين الجمر ترفات اديهه
سوك شمات الخدر زيد بجيهه
هاي ترجيه اسمعت من يشتريهه
التفتت شافتهه _ تشبه مالتهه
هايه ترجيتي _ تكل العمتهه
غصب مني خذوهه //عزيزت كلب ابوهه
◇◇◇◇◇◇◇◇◇◇◇◇◇◇◇
طفله من كثر البجي هادل جفنهه
تصل طكت السوط ليهسه بمتنهه
يا بنات الشام تمشي وطيحنهه
سم الله صاح حسين ركضن كومنهه
الراس يصد الهه _ سم الله يكللهه
حافي العلويه _ الجان مدللهه
الزغيره حيروهه //عزيزت كلب ابوهه
◇◇◇◇◇◇◇◇◇◇◇◇◇◇◇
من ابوهه انحرمت وطفله بعدهه
من الوساده ينلجم مسطور خدهه
الرمح ابوهه تركض وشامت يردهه
وهيه تمشي كامت اطيح الوحدهه
بهالحاله اتصور _ شما كامت تعثر
يمكن عطشانه _ تسولف ماتكدر
شكثر جا عذبوهه //عزيزت كلب ابوهه
◇◇◇◇◇◇◇◇◇◇◇◇◇◇◇
المغربيه كعدت بركن الخرابه
عمه طك كلبي تكلهه وينه بابه
هاي ديره النه مابيهه كرابه
سالت اعله الطشت هذا ياهو جابه
الراس مغشينه _ بطشت مخلينه
ركضت فرحانه _ الهه مودينه
تبجي وسكتوهه //عزيزت كلب ابوهه
◇◇◇◇◇◇◇◇◇◇◇◇◇◇◇
جويه جويه راوته بجمرات الخيام
تكله ما شفتك بعد حته بالاحلام
ارد احط راسي اعله راسك بويه ونام
انه بت خير انسبي ترضاهه للشام
ذوله يكرهوني _ من ابجي يظربوني
بشمس الظهريه _ بويه يكعدوني
تره بنتك سبوهه //عزيزت كلب ابوهه
◇◇◇◇◇◇◇◇◇◇◇◇◇◇◇
يارقيه زغيره و عد الله اشكبرهه
والحبل كلش خشن موش العمرهه
السوط ذاك البسبي كاسر ضهرهه
بصف ابوهه تمنته يصبح كبرهه
زينب دفنتهه _ تحير غربتهه
وامتون الطفله _ زركه شافتهه
الكبرهه شيعوهه //عزيزت كلب ابوهه
◇◇◇◇◇◇◇◇◇◇◇◇◇◇◇
تمت____ علاء الزيدي

https://telegram.me/aabas78
قصائد لكل ايام محرم اشترك بالقناة

ليش مانسمع بعد كلماتچ
هودن فوك النحر وناتج
الله يعلم بالجره. .من شبگتي منحره
يارقيه. ............يارقيه
________________________

فوك رأس حسين اشوفج عمه بس بياوضع
ثغرج ونحره تلاگن بين عبرات ودمع
ساعه لن صوت المناحه هود وماينسمع
وصرتي باحضان المنايا وعمرچ الغض منصرع
اشفتي من حاله وتغير حالچ
خلت طيوف الاجل تبرالچ
ويامنيه مقدره... من شبگتي منحره
يارقيه.............يارقيه
----------------------------------------------

الروعچ شوفه جبينه وشعمل بيه الحجر
عمه لو رمح الشماته التارك بنحره اثر
شفتي ثغره الچان زمزم يروي چم طبره انطبر
عمه لوطاحت عيونچ فوگ اثر حز النحر
نياط گلبچ گطعنها رسومه
لوشفاه الذابله المحرومه
المن ضماه مفطره..من شبگتي منحره
يارقيه............يارقيه
---------------------------------------------
هدم اركانچ سكوته من بديتي بشكوتچ
ومالگيتي اچفوف اديه البيها يمسح دمعتچ
بين ذرعانه يضمچ يارقيه معودچ
صدره ضل بالغاضريه وين طاحت دمعتچ
الچان باللثمات يسگي سنينچ
شفتي شيبه مخضبينه بعينچ
من دماه الطاهره..من شبگتي منحره
يارقيه...............يارقيه
-----------------------------------------------------
الله يعلم يارقيه شلون چانت حالته
مثل ونتچ ياحبيبة گلبه طلعت ونته
بعيني شفت دموعه نزلت مودمع دم دمعته
وكلمتچ وينك ييابه يارقيه اذته
روحه ضلت تنتحب وي روحچ
تاركه جروحه وتداوي اجروحچ
يدري بيچ امرمره..من شبگتي منحره
يارقيه...........يارقيه
----------------------------------------------------
يادمع يگدر يواسي هالامر ويوصفه
بس خمس وردات عمرچ ولاجل يمچ لفه
عمه ياگلب البتول المملي طيبه وعاطفه
من بعد عينچ رقيه عمه عالدنيا العفه
ياعزيزه گلب اخوي الضامي
زدتي نوحي ومحنتي والامي
وصرت بيچ امحيره..من شبگتي منحره
يارقيه............يارقيه
----------------------------------------------
الليله اخرليله يمچ وي فجرها راحله
عنچ بدمع المحاجر وگصد الطف كربله
انتي ضلي بالخرابه واني ارد بالعايله
لگبر ابوچ وراح اخبره حالتچ يمدلله
راح اخبره عن زراگ متونچ
وشلون من بعده العده يضربونچ
وانتي طفله ميسره...من شبگتي منحره
يارقيه..........يارقيه


جواد كاظم الگرعاوي


https://telegram.me/aabas78
قصائد لكل ايام محرم اشترك بالقناة

السيدة رقية ع




يالتسهر الليل اشتظن حالك مثل حالي
هم مثلي مجروح الكلب جي فاركت غالي
بس انه عنك اختلف ... فاركت ابو بي ينحلف
جسمه عالتراب وصعد راسه ابرمح عالي
      . . . . . . . . . . . . . . . . . .

يالتسهر الليل استمع اروي بعض من من قصتي
مر بيه يوم امن العمر شاب الجنين الحالتي
فزيت  ملهوفة عطش لا والدي ولا اخوتي
امن اسال عن حسين الابو مسافر تجاوب عمتي

آنه رقيه و والدي لتظن بشر عادي
روح البتول ابن الوصي جده النبي الهادي
آنه اللي بسمي ينحلف .. فاركت ابو بي ينحلف
جسمه عالتراب وصعد راسه ابرمح عالي
      . . . . . . . . . . . . . . . . . .

واسمع خبر عني لمن مسبيه متحفيه الجدم
والشوك اكل رجلي اكل المجويه من جمر الخيم
بعيوني شدت عمتي اعصابتها خافت ابجي دم
ثاري الابو راسه ابرمح يمشي اويه خطوات الحرم

يعثر كبل لا اعثر وحارس على اعزازه
هو غفه بجرح الامس وانه بجرح تازه
والدمع ما لحظه يجف .. فاركت ابو بي ينحلف
جسمه عالتراب وصعد راسه ابرمح عالي
      . . . . . . . . . . . . . . . . . .

يالتسهر الليل استمع مني بعد هذا الأمر
بذيج الخرابه امن أنزلت بكليبي شب موكد جمر
بحلمي اجاني والدي فزيت ما عندي صبر
ابجي و اون اعله الابو و وناتي وصلت للقصر

ما ادري فرعون الزمن من خوفه يتغشه
ودمعاتي نزلت صاعقه وكامت تهز عرشه
بس الحقد خلا صلف .. فاركت ابو بي ينحلف
جسمه عالتراب وصعد راسه ابرمح عالي
      . . . . . . . . . . . . . . . . . .

يالتسهر اسمع هالخبر من جابوا الراس ابطشت
شفته وصحت صيحه واحس بالصيحه جني اتفجرت
اني صرت اول بشر من حزني عالوالد متت
جسمي شبك راس الابو وبروحي وي روحه رحت

سامع ابواحد بالحزن ميت على احبابه
آنه اللي مت اعله الابو من حركت اصوابه
لمصابه بكليبي نزف .. فاركت ابو بي ينحلف
جسمه عالتراب وصعد راسه ابرمح عالي
      . . . . . . . . . . . . . . . . . .

يالتسهر الليل انتهى عمري كبل لا يبتدي
آنه الشفت ام الخدر بسوطه يلوعها الردي
حاولت اشاكف عنها بس من ظربته انخلعت يدي
آنه المتت فوك الطشت وجفني على خدودي ندي

آنه اللي دفنوها ابغرب والغربه تالمها
بذيج الخرابه الموحشه ومامش اهل يمها
من الخوف ظليت ارتجف .. فاركت ابو بي ينحلف
جسمه عالتراب وصعد راسه ابرمح عالي
      . . . . . . . . . . . . . . . . . .

آنه اللي جابولي مره تغسلني وتحضر الجفن
شهكت ولطمت عالوجه وكامت تحن ليه و تون
كالت مرض صايبها لو ماتت عذاب وتندفن
آثار بيها من الظرب ومزورك بسوط المتن

آنه التحملت الظرب وتلوعت روحي
يالتسهر الليل اشتظن هم توصل جروحي
صرت آنه واحزاني عرف .. فاركت ابو بي ينحلف
جسمه عالتراب وصعد راسه ابرمح عالي
      . . . . . . . . . . . . . . . . . .

خادم أهل البيت عليهم السلام
عمار العيساوي الكربلائي

https://telegram.me/aabas78
قصائد لكل ايام محرم اشترك بالقناة

( رقيه ع )

بدمعه زينبيه
خل نذكر رقيه

خل نذكر رقيه بدمعه من دمعه
وخل نبچي وننوح اعليها خل ننعه
بلچي الصوت هذا فاطمه اتسمعه
وحتى الدمعه باچر تنگلب شمعه
من راحت سبيه
خل نذكر رقيه

نذكرها بدمعنه ولوعت الاحزان
من راحت اسيره بولية العدوان
بالمصرع ابوها بحومة الميدان
بحر الذاري ضل اعله الترب عطشان
مذبوح ورميه
خل نذكر رقيه

للشام بدمعها وصلت وتنحب
وگلبها من العطش ومن الحزن يلهب
ياهو المر عليها الاثر واصعب
راس الوالد اصعب لو خدر زينب
وبدمعه جريه
خل نذكر رقيه

محتاره رقيه وحايره بأمرين
مابين السبي و لوعت ابوها حسين
منين الغاضريه هاي اجتي منين
تنظر راس ابوها والدمع بالعين
و بونه شجيه
خل نذكر رقيه

نادت وبدمعها الطفله وشنادت
كون تشوف ابوها اتشمه بس رادت
جابو راس ابوها شافته احتارت
شبگت راس ابوها وعالنحر ماتت
متحملت خطيه
خل نذكر رقيه

شاعر اهل البيت (ع)
رياض الرسل الجابري


https://telegram.me/aabas78
قصائد لكل ايام محرم اشترك بالقناة