منهاج محرم الحرام ١٤٤٢
القصيدة السابع
ليلة السابع

يا زينب يا زينب . يا زينب يا زينب

؛؛؛؛؛؛؛؛؛؛؛؛؛؛

خيتي هذا اليوم سابع و أعرف إبإسمي إنكتب
تبت إيد الطاغي ذاك الگال ما تشرب و تب
راح أجيب الماي و أرجع لكن بلايه عتب

خيتي بس حشميني
رايد إتشوفيني
بينچ و ما بيني . چلمة و عهد هاي

ما أريد أيامي
حسين لو ظل ضامي
عهد هاي خيامي . أمليها بالماي

؛؛؛؛؛؛؛؛؛؛؛؛؛؛؛

عاهدت حيدر أبويه و طبعي ما أخلف عهد
جودي يشهدلي بوفائي و سيفي بالحومة شهد
كافلچ آنه يزينب حاضر إلها من المهد

كافلچ سَمّونِي
أنطيچ ماي عيوني
والله ميخوفوني . أحلف بالحسين

يبقى راسچ عالي
حالتچ من حالي
خافوا من خيالي . سبعين ألف وين

؛؛؛؛؛؛؛؛؛؛؛؛؛؛؛؛؛

الگاع من أبرز يزينب زُلزلت زلزالها
مني لو مرعوبة صارت أخرجت أثقالها
الجيش من گد أرتباكه گام يصرخ ما لها

تكول إجاكم فارس
للعقيلة الحارس
أبو فاضل تارس . سوح الوغى إدموم

من جثث عدوانه
ينترس ميدانه
هالبطل عنوانه . يتسجل اليوم

؛؛؛؛؛؛؛؛؛؛؛؛؛؛؛؛؛؛؛؛

ها يزينب شاهديني لمن أدخل للحرب
هالوكت معروف سيفي يضرب و ما ينضرب
الجيش لو خايف مغيري خل يدورله درب

خل يشرد جنوده
بالغضب موعوده
إبن حيدر جوده . راد النهر راد

و الحمايه بسيفه
الموت صار بكيفه
عارف بتكليفه . إشما هالعدد زاد

؛؛؛؛؛؛؛؛؛؛؛؛؛؛؛؛؛؛؛؛؛

هالوكت نهر الفرات يصيح يا ويلي إجه
هالبطل يشبه أبوه و نهج حيدر منهجه
لو ضعف هالجيش واگف من مكانه يهججه

خوفي من هالراية
عالفرات و مايه
يصير كله دمايه . من هالملاعين

يا حرس سمعوني
أمشوا لتحرسوني
حتى ما تنسوني . عوفوني هالحين

؛؛؛؛؛؛؛؛؛؛؛؛؛؛؛؛؛؛؛؛؛؛؛
#يا_زينب
#علي_حسن_الكناني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747