خادم الزهره وأظل أتباهه ..
وأبقه دوم على العهد وياهه ..
يالزجيه .. يالزجيه
.....................................
انه خادم وابقه رافع راسي ..
فاطمه انتي الهوه البنفاسي ..
أغلى من اخواني وهلي وناسي ..
ونبض كلبي حيدري وعباسي ..
دوم مأساتج تعيش ويانه ..
ياأساس المذهب وعنوانه ..
يالزجيه .. يالزجيه
......................................
هالهويه بحب علي مختومه ..
وبصمة العباس سبع الحومه ..
وبيهه دمعه عالوجه مرسومه ..
عالذبيح السلبوله هدومه ..
للزجيه خادم وتدروني ..
دوم ماينشف دمعهه اعيوني ..
يالزجيه .. يالزجيه
....................................
انه مابطل ابد وناتي ..
عالوجن حفرن نهر دمعاتي ..
عالزجيه الطاهره مولاتي ..
ادري بيهه تقضي كل حاجاتي ..
خيرج مغطيني حد الهامه ..
نظره يامولاتي لللطامه ..
يالزجيه .. يالزجيه
..............................
الليله عالزهره لطم وقرايه ..
وكلنه نحضر مجلسج وفايه..
كوثر انتي والشرب من مايه..
غرف منج مكرمات هوايه ..
مكرماتج فاطمه مشهوده ..
اي وحك الكطعوله ازنوده ..
يالزجيه .. يالزجيه
.................................
الحضر مجلس فاطمه هنياله ..
لابس اسود واللطم يحلاله ..
الليله تجري دموعنه هماله ..
جن شهر عاشور هل اهلاله ..
هالليالي الفاطمه نحييهه..
أبوصالح ندري حاضر بيهه ..
يالزجيه .. يالزجيه
.................................
الليله حتى المنبر يهل الدمع ..
عالزجيه الطاهره وكسر الضلع ..
كل موالي الليله خل يعلك شمع ..
من قره الرادوود نبجي ونستمع ..
الخدمه كلمه والعرف معناهه ..
هامته بعلو النجم علاهه ..
يالزجيه .. يالزجيه
.....................................
الزجيه عاشت بوجداني ..
ابد مافارك اسمهه الساني ..
ابقه للموت أبغض المرواني ..
ألعن الاول وأسب الثاني ..
الظلم بضعة طاهه والوج ناره ..
بصدر كل شيعي غرز بسماره ..
يالزجيه .. يالزجيه
......................................
الشاعر حيدر مطر العبادي
الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزلة عزاء

يا هلا بشهر الالم
مستعده هالخدم
اي وحگ راعي العلم

للخدامه محزمين
يا هلا بشهر الحسين
***********
بالدمه انقيم العزاء
وبحضور أهل الكساء
كلبي ينبض كربلاء

وكل سنه متعودين
يا هلا بشهر الحسين
**********
يلي تفتي بالمنع
مني اخذهه واستمع
ضلوع اكسر مو ضلع

بالمجالس من تحين
يا هلا بشهر الحسين
*********


اي وحگ درب اليسر
القامه بيدي وانتظر
يمته راسي ينطبر

وارسم بدمي الونين
يا هلا بشهر الحسين
*********

ياحسين اعله العهد
ما نعوفك للأبد
لا وحگ رب الصمد

عالخدامه معلمين
ياهلا بشهر الحسين
**********
يلي تمنعنه تريد
شوف عاقبته اليزيد
كيد كيدك ما يفيد

گول عنه امسودنين
يا هلا بشهر الحسين
**********

يلي تمنع مأتمه
شتعتذر من فاطمه
المهدي يبجيله دمه

انتبه وافهمني زين
يا هلا بشهر الحسين
**********
هذا عاشور الحزن
شلون ما ابجي وأون
حسين عاري بلا دفن

نبقه بي متمسكين
يا هلا بشهر الحسين
******
هذا شهر الفاجعه
لسه تبچي المشرعه
و ألي بيهه مگطعه

ابن سيد المرسلين
ياهلا بشهر الحسين
**********
بيه زينب تنظرب
وتنسبي لرض الغرب
هالشهر كلش صعب

عالنبي وآل الحسين
يا هلا بشهر الحسين
**********
تمت بعون الله تعالى
كلمات خادمكم الصغير

يوسف هاني الأسدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لسان حال حبيبة الحسين ع رقيه ع


راس ابويه بالطشت جابوه اليه ....
دمه ينزف والجسد بالغاضريه

حاچيته ما حاچاني * وبمدمعي خلاني
*

ردت ابوسه بمنحره بس ما لگيته
سلمـت اني الامر بسته بلحيته
بـويه بـويه ويـن جسـمك سائليته
شنهي ذنبك تنقتل شنـهي الجنيته


گـمت احس وي الابو گربت منيتي
وانــه طـفـلـه تيـتمت شلــي بدنيـتي

المن ابث احزاني * وبمدمعي خلاني


هلـت عيوني وصحت وينچ يعمه
چانت امنيت العمر ارجع واشـمه
مواشوفن راسه يمي ايسيل دمه
شفته بالطيف وشفت محفوظ جسمه


هسـه خابت ضنـتي شفته بخـضابه
عندي غالي ويا گلب يحمل مصابه

بعطفه الابو رباني * وبمدمعي خلاني
*

گتله بويه وماحچـه اتهدم كـياني
اني ارقيـه العزيـزه گتله انـي
چني احس بنفاس تلهب جاوباني
هذا حالي ومنتظر جيتچ واتاني


گـتلـه فـدوه لحيـتك ويـاك اخذني
نار الاسياط وجرح فگدك مردني

حيل السكوت اذاني * وبمدمعي خلاني



اشلون أعيش بدنيتي والعيشه مره
واني بعيوني اشاهد شيبه حمره
مـظـلم اليـل بغربتـي اوجهه گمـره
ركزت بيه وشفتهه انوار ثغره

هــذا نوره البـشمـس يعكس ضـواهه
سورت أصحاب الكهف يمي وقراهه

اتصورت شافاني * وبمدمعي خلاني

****
عادت الميت تره تحـفظ حـرمته
بس ابويـه بالحـجر صـابوا جبـهـته
روحي هامت لطشت گله وحظنته
قبّلت وجهه ودمه الحاجب مسحته

شنهو ذنبه وبالحجر صابو جبينه
تجري عيني والكلب ذاب بحنينه

وين الاجل شمتاني * وبمدمعي خلاني
*
كلبي حن الشوفته ورد ذكرياته
چنت احط سجادته واسمع صلاته
غالي عندي ومايصح والله بغلاته
هيچي غالي اليفگده شـلـه بحـياتـه

هو شـمعت دنـيتي ماعـندي غيـره
چنت أعيش بروضته واشتم عبيره

هسه الزمن جرحاني * وبمدمعي خلاني
*
✍بقلم خادم الحسين ع
الشاعر رعد الچريخي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هذا    شيال  العلم
بغيرته اقسم قسم

انت للخوه.......جبل يابوفاضل
*********************
استعرض ابسيفه المراجل  خزرتك جباره
الحومه من تجبل عليها  تهلهل بفقاره
ماتت  الحومه بيمينك  ضهضب
ومحتاره
والنهر  شافك   تخربط  لو زعل  بتاره

كسر  اخشوم الزلم
بغيرته اقسم قسم
***********************
رايتك تخفك عليهم وانت تلعب جوله
خبر عاجل  من اجاهم   قصتك محلوله
والنهر   بيدك  تذله   والشريعه احجوله
كالبرق  تخطف عليهم سيفك بمفعوله

ماتت اكلوب الخصم
************************
كربله  اتصور  مراجل   رايتك مشهوده
والعذب بيدك تبده  غيره  فاض  بجوده
شلون اوفي ام الخدر حالف يكطع ازنوده
احجايتك  وحده  وثبتهه وفه كل اعهوده

يضحك وصاح الحسم
************************
 يلله شيل الطف عليهم وانت تقره الفاتحه
خلي  يوم الطف  جهنم بيها  تعله نايحه
 غضب من ربك وصلهم  وبدماهم سابحه
ارسل  العباس بيهم  نوح  شعبك  نازحه

والله ابد ما ينهزم
************************
هذا جودك  من اجاهم زلمه يتحول  مره
تحير   الموت  بحسامك  عاد يوم الكنطره
نادو  العباس  انت  لو  علي رد  خيبره
كعد  عزريل  ويشاهد جيش اميه  مطشره

والنصر  عندك مهم
***********************
الشاعر  يوسف الفتلاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ماكو زفه ولاعرس
هذا موقف يندرس
           ليلة  الاكبر وداع
 تستحي منه الشمس
**********************
اوليدي كايد ناگتي. وياه جنت مخدره
هوه كد احجايته. مثل  سبع  الكنطره
وانه اعرفه بكربله. يبني يوم المفخره
شلون  تتركني  وتروح  --ليله ظلت حايره

كلت يامحلى المنيه.        
يبني هاي اخر مسيه

          بدمه حنيت الكلب
        وليدي عريس الحرب

ليلة  الاكبر  وداع
 تستحي منه الشمس
***********************
الراوي خبر بالطفوف ،،،،  كاتب وجدد بعد
 نذري ما وفيت اكول.،،،،كلت بس هذا الولد
حسرتي تذبح ضناي،،،،،  دم الاكبر مابرد
ظهري يوليدي انحنه.،،، وانت ابوك ابلاسند
عيب من حامي الحمه.،،
وستحي من فاطمه

            يمه   حني   جبهتي
         الزهره تدري بحسرتي

ليلة الاكبر  وداع
 تستحي منه الشمس
************************
جنت بكماطه اصيح،،يبني راضعتك عزم
جابو احزام الكفيل،،،،  تكلب الطف ياشهم
جيب حتى العامري،،،  ماقنع شنهي بزلم
العامري  يمك يموت ،،خيبر  تعيد الحسم

ابزغره ويسولف رعيد
راح  اسويكم  عبيد
                    
              احتارت  اكباله سيوف
               يمه  ما  تكدر  تشوف

ليلة الاكبر  وداع
. تستحي منه الشمس
************************
لا  تودعني  وتكول  ،،،،الكمر  يمك خسوف
بعيني لو ظلمه تصير،،،،،،،،الشمس
صارت كسوف
عالمراجل ذل جيش،،،انت صياد الطفوف
ابني ومربيته  زين ،،،كلبه  حنيه  وعطوف

يكشخ  اليل بضواه
والنجم يركض وراه

           وبتسم  بطف كمر
          فدوه لا ترحل نذر
ليلة  الاكبر  وداع
 تستحي منه الشمس
**********************
كتله يمه  اليوم  اريد،،،،،  كلي يمه دللي
 
كتله وعدك يمه وين .كال عد عينج بلي
دخلت الخيمه بدموع، يالهي رجعه ألي
يوسفي رجعلي غاب،،اقسم ابداعت علي

اگبالي  اشمنك واشوف
كلبي ما يرهم   طفوف

       لو وكع حملي عليك
      يمه ضمني بين اديك
ليلة الاكبر وداع
        تستحي منه الشمس
***********************
المقصر  والخادم
 يوسف  الفتلاوي
                   


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليــلة يــــــم أخيامي .. الأنصار
وســـــتعرضُ جدامي .. الأنصار
رفرفت راياتـــهم .. وعتلت صيحاتهم
******
غيض بيـــهم شــــاط من سمعُ الحرة
خايفه على عيــاله وتجـذب الحسـرة
هز حبيب العــلم بس عيـونه حمـرة
كون هذا الجيش باجـــر كله أنحره
بالـمعركة تشوفيـــــهم .. الأنصار
من يجـرأ يلاكَيـــــــهم .. الأنصار
مصيته صولاتهم.. وعتلت صيحاتهم
******
قدمـوا الأرواح مــــن أجل الولاية
صادقين بـهل العــــــهد من البداية
نصرت حســــين وثورته أجل غاية
هــــــــــــــذا مبدئهم الثابت للنهاية
راسخين وهيبـــــــــة .. الأنصار
صـدك أهل النيبــــه .. الأنصار
شاهدة حملاتهم .. وعتلت صيحاتهم
******

هاجت الغيــرة بصـــدرهم والمراجل
كَبال المخيـــــم وأجــــاهم أبـو فاضل
صاح ياعــــــــم ياحبيب أنه كافل
أنه أبـدي دونـــــــــــكم أول منازل
كلــــــهم يشـــــوفونه.. الأنصار
الغيض وسط عيونه.. الأنصار
الحسـين بذاتهم .. وعتلت صيحاتهم
******

شكَد عقيـــــدتـهم بأبو اليمه قوية
صافيه وما غيــــروا وبدلوا النيه
جنهم بيارغ ترف ذيــــج المسيه
كَبال خيمـة زينب ألتــــموا سويه
شاهرين سيوفهم .. الأنصار
والعقيلة تشوفهم .. الأنصار
عاليه هاماتهم .. وعتلت صيحاتهم
******



باعُ الدنيا من أجل لحسين كلهم
تركُ الأمـــــــوال والدور وأهلهم
الله شاءت رحمته وبيـها شـملهم
مخلصين وصادقــــة النيــه بعملهم
أعلى رتبـــــة نالُ .. الأنصار
كَبال زينب صالُ.. الأنصار
بالحرب بصماتهم .. وعتلت صيحاتهم
******
حسين بيهم مبتــشر كلش دليــله
لن معادنهم نقـــــــــي وهم أصيله
ليوث وكفوا كلهــــم كَـبال العقيلة
عيونهم ماتغمض وتغفى علـ ـعيله
زلــم كلهم غيرة .. الأنصار
طيبين السيرة .. الأنصار
صادقة كلمـاتهم .. وعتلت صيحاتهم
******
شاعر أهل البيت
الشيخ عبد الحسين المنصوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إنما يحيي الشعائر المرتوي بماي المنابر
آيه بكتاب الله وتظل آيتنه
إن ألذين أمنو مالتنه
طه يوم الي رحل خلف الثقلين
الاول القرآن گال و ثاني الحسين
يلومنه الما يدري وجهت قبلته منين
ليش طول العمر نجري دمعت العين
ما دره دمعتنه ثوره بيهه دين الله ننصره
چم آيه نزلها الوحي ذكرتنه
إن ألذين أمنو مالتنه
****
هالشعائر آيه خالقنه جعلها
بشر ليش نحسبه كلمن حارب الها
بالمجالس تربيه ماكو مثلها
المرجله و الغيره نبقى احنه اهلها

احنه ربتنا المواكب احنه حزب الله الغالب
بالشرف و الغيره ترف رايتنا
إن ألذين أمنو مالتنه


الله خالقنا لجل نخدم حبيبه
إله نجري ادموعنه و نحيي المصيبه
احنه من نطفتنه ننبض وفه و طيبه
النشيد العدنه زينب يا غريبه

اجتبانه الباري بيده خدم لحسين وعبيده
خالقنه من طف كربله طينتنه
إن ألذين أمنو مالتنه
*
الما همل دمعه و لطم لحسين صدره
محنته محنه تصير بوسط گبره
إنچان مو ويه الخدم كتبته الزهره
عالصراط إبحيره يبقى من يعبره

عن عقيده الهه خدمنه إبجنة الخدمه تلمنه
خدام و الجنه تظل جنتنه
ان اللذين امنوا مالتنه


شيعته و هاي الشعائر معتقدنه
ما يهمنه شما يكول اللي يضدنه
الموت عن درب الشعائر ما بعدنه
ايده نگطعها اليمسنه و يدني حدنه

تظل شعائرنت قضيه للوفه تبقى هويه
بيهه تظل طول الدهر هيبتنه
إن ألذين أمنو مالتنه
***
منبر حسين اليروينه الهدايه
يفسر القرآن النه آيه آيه
حسين نهر العشگ و اتروينه مايه
بغير چـفه بالحشر ما تعله رايه

بحب ابو اليمه ولينه للصراط احنه اهتدينه
امن الحمد للناس السور قصدتنه
إن ألذين أمنو مالتنه

الشاعر السيد موفق الموسوي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

گربت ايام الذبح*******راسه مرفوع برمح
وشكثر بيّه بجي ****عالمصاب وعالجرح
&&&&&& &&& &&&
(1)
ربي طول اعمارنه اليوم الطبگ
نريد نبجي اعله الخيام التحترگ
حسين وسفه وياهضيمه وياحرام
ولله مااگدر اگولن منسحگ

انا ماريد الحزن **** بس عله اجروحك احن
واگعد انعه للصبح *عالمصاب وعالجرح

&&&&&&&&&&&&&&&&&
(2)
لليموت اليلطم اوياه قمبر
للخدم عرش الله يصبح منبر
نقره بي عالشدو ايديهه بحبل
و عله حسين الماتغسل بلبر

كون ابوفاضل عدل * منين اكو سوگ وهزل
دمعي ظل لاتنمسح * عالمصاب وعالجرح

&&&&&&&&&&&&&&&&
(3)
الخيل ماترحم ترض بلحافر
وجم ضلع مكسور الك بلعاشر
شلون ما الطم و اشگن زيجي
وانته لليسلب قميصك ساتر

الخيمتك لمن تصد * وحيلك يمنعك ترد
بحزني مسموح انفضح عالمصاب وعالجرح

&&&&&&&&&&&&&&&&&&&&

( 4)
امي متوزره وتوزع بلخبز
ورايتك بلبيت تتعلگ حرز
انا لو ماانته جا ولله ضعت
غافل امن ذنوبي بس بلموت افز

الفاقد احساس اللطم** ما عرف معنه الهظم
بس دمعتي الكم ربح *عالمصاب وعالجرح

&&&&&&&&&&&&&&&&&&&&

اشلون حالك من طحت جوه الشمس
والسهام الترست اصفاحك ترس
الخيل والوادم عله خيامك تهد
الماتكوم بسوط يرفسها رفس

حسين طايح عالارض* الحافر شثگله ويرض
رحمه الله شگد سمح****عالمصاب وعالجرح
*************************



الشاعر // علي شلال




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا محرم اجيت وخذت مني اخوتي
وانته تدري عليهم حنينه دمعتي
كطعت كلبي النوايب طول افراك الحبايب
يمته يخلص عذابي ونام براحتي
********************
يا هجرهم شيباني وين اسافر والعمر راح وتعده
من بعدهم روحي ملت فاركوني ودمعي بخدودي تبده
حته راسي شاب منهم عذبوني وجرحي حرت ابيش اشده
افكاري تعبت عيني ذبلت والمصيبه اسنيني طاحت طيحه وحده

كافي ضهري كسرته وبعد مابيه اكوم
يمته احط راسي وغفه وتسلهم عيني نوم
واليحب طبعه يعاتب طول افراك الحبايب
يمته يخلص عذابي ونام ابراحتي
******************
ليش بيهم ذكرتني بس صورهم عندي ضلت احله ذكره
ياهواهم من يمرني بلهفه اشمه اشكد يرد الروح عطره
بيه لجمه وبيه دمعه وبيه لوعه وبيه فوك اجروحي حسره
زاد شوكي وضاع حلمي والليالي صارت ابلايه اهلي مره

شو مشو عني كلهم يكلبي وما اجو
أسال بفركتي هم عله افراكي بجو
وانه جيتهم اراقب طول افراك الحبايب
يمته يخلص عذابي ونام براحتي
********************


انه زينب يا محرم كبر سني والحزن خيم عليه
كتله ارجع ما اريدك بداعت امي لا تذكرني برقيه
الصوط لحضه ما نسيته الناكه عرجه وبحبل مجتوفه اديه
بالصحاري بلايه والي وعني كالو عكب اخوتي خارجيه

جدمو ناكتي وعالضهر صوط التوه
ولو طحت بالدرب كلهن ايطحن سوه
بكربله صرنه غرايب طول افراك الحبايب
يمته يخلص عذابي ونام براحتي
*****************
بكربله اذكر فرهدونه وبخيمنه النار شبت ونولينه
فرد هجمه الخيل هجمت روعونه وبالصحاري اتشردينه
لا اهلنه ولا خيمنه وماكو واحد منهم الينغر علينه
حاربونه وسلبونه ومن هضمنه كمنه نتستر بدينه

لا تجيني الف مره كتلك لا هله
من تجيني تذكرني راح بكربله
يا محرم كلبي ذايب طول افراك الحبايب
يمته يخلص عذابي ونام براحتي
*****************







وينه عباس الكفلني راح عني وراحت اوياه المحنه
مو بدينه اتفاركينه ودعاني واحنه احله اثنين جنه
الضحكه راحت وي طلعته وانه ادعي ربي لا تحرمني منه
يابو فاضل كمت انادي خويه ترجع لو بعد اكطع الضنه

يا حلات الاخو لمن اعله اخته يمر
اشلونج ايكلها ويسر كلبها المنكسر
التمت اعليه المصايب طول افراك الحبايب
يمته يخلص عذابي ونام وبراحتي
****************
ها يدمعي يمته تنشف تعبتني والسهر ذبلها عيني
بعتبت الباب انتظرهم وانه ادري محد المنهم يجيني
ليش راحو عني كلهم من اهدهم ما بطل نوحي اونيني
مالي خاطر خاف عدهم شو جفوني وحنت النوك الحنيني

سايمه الله عليكم ارجعولي متت
اهواي من رحتو عني تراني اتغيرت
شفت بالدنيه العجايب طول افراك الحبايب
يمته يخلص عذابي ونام براحتي
****************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(قصيده سريعه بحق علي الاكبر ع )


أنه ياعمه علي ▪︎▪︎ وأنه تربات الولي

ابعينج اتشوفين من امحيهم

---------------------------------------------------
1) شوفي ياعمه امن أسد عين الضوه

وكطع اعله الجيش بالحومه الهوه

جن أحس ابسيفي منهم ما روه
المات منهم مات والعايش هوه

كمت اصيح ادللي▪︎خاف كلبج يبتلي

أبعينج اتشوفين من امحيهم

---------------------------------------------------

2) مثل سعفه اكبالي هالعسكر رجف

والسمع باسمي شفت لونه انخطف

الجان يمشي ابطوله شو عمه زحف

او كبل لاطعنه رجف رجفه اونزف

أنه عاشك كربله▪︎اوسيفي مثل الزلزله
أبعينج اتشوفين من أمحيهم

---------------------------------------------------

3) عشكي للحومه فلا ايشبها عشك

اوعشره وياها او ابد مانفترك

شلون اخلي اعيون تغفه اوتنطبك

وانتي عمه اكبالي كلبج محترك

وحك امج فاطمه▪︎الرووس تصعد للسمه

ابعينج اتشوفين من امحيهم
---------------------------------------------------

4) الا اخلي ابكل كلب ينزف جرح

والا أخلي الدنيه ظلمه ابلا صبح

اشلون اعوفج وأنه صولاتي رمح

وين مثلج عمه بالدنيه يصح

شوفي يابت حيدره ▪︎الحومه صارت مكبره
أبعينج اتشوفين من أمحيهم

--------------------------------------------------
5) صحت عمه ابصوت جاوين الشمر

خل يواجهني اويكلي اشينتظر

روحي انذرها او ألج فدوه العمر

اوستر ياعمه اصير اعله الخدر

ماأعوفن خيمتج ▪︎وأنه روحي ابدمعتج
أبعينج اتشوفين من أمحيهم

--------------------------------------------------

6) اشلون أشوف النار تاكل بالخيم

والشمر بالسوط يضرب بالحرم

الا اوكفلج مثل راعي العلم

اوخل يطعنوني ابرمح مره ابسهم

مثل سبع الكنطره▪︎أبسيفي اوكفهم سره

أبعينج اتشوفين من أمحيهم

----------------------------------------------------
لخادم أهل البيت ع * أبو أحمد المجراوي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

انه العباس والسيف بيميني
اطب للموت ما يهتز يقيني
=========
انه العباس من انزل عليهه
تصيح الناس چن هذا عليهه
اطگ روس الزلم واسحگ عليهه
شبل حيدر منو ليوصل عريني
==========
عليه ديون والمطلب قضيته
الطاغي بمحكمة سيفي قضيته
وحسين أدفعت روحي لقضيته
ثمن وچفوف قدمت ويه عيني
===========
بساحات الحرب مرفوع راسي
وابحر الوغى ابكل صوب راسي
جبل عالي شبيه الطود راسي
كرمته چفوف من ناداني ديني
==========
ديار اهل الكفر عزمي رحلهه
واذا دارت حرب سيفي رحلهه
اخو زينب انه الچافل رحلهه
رحت للموت ما لحگ يجيني
=========
نزلت اعلى العدى بسيفي ورايه
ومن عندي برعب لا ذو ورايه
واذا صار الخصم فكره ورايه
ينازلني يطيح بنص كميني
=========
الشاعر أبو حسن الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بثــت الـقاده خبرهـا العاجل
انذار كل الجيش كون يقاتل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اليــوم لازم تلتحق كل الجنود
والحدود ابساع تنسد الحدود
شـما تـودوله زلم محــد يعود
اســــد مسلـــم لا ابد ميجامل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عيونه تجــدح نار وكت الموزمه
هــوه حيـــدر مدري حيدر علمه
سيفــه مــا ينشف ابد يگطر دمه
حسين عنده هــوايه مثل الكافل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صح عددنه هواي لاچـن ما يفيد
طبع حر وتخاف من عنده العبيد
خل يجــي ويشوف ورطنه يزيد
اي غضـــب اللــه وعليــــنه نازل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لــو يريــد الكــوفه انطوهــا اله
بســرعه دزوله زلــم خـل تسئله
واي طلب عنــده بعد هــم نقبله
و نعتـــرفله بخــوفنــه يستاهل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انسحاب انريد ما نهــوه الحرب
بكل درب نطلعله ويسد الدرب
بلله ياهــو الگال مسلم بالغرب
وهلهلتله طوعــه ليش انحاول
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احنه نرجف وهوه يضحك للهوه
لـــو يشيــل السيف ويهـــز اللوه
ماكـــو اي حــل اله شردتنه سوه
وحده يمشي چــن معسكر كامل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حسين دزلنه شخص شـبه الگمر
للنهــر مــا راح چــا صـــرنه وذر
نـدري بـي عطــشان دلاله انفطر
يا حسـين يصيــح يا بــو فاضل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشاعر ابو ياسر المياحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا ناكه شجاج وما عرفتيني
بلله امشي اعله كيفج لا تطيحيني
*************
فاركني العزيز وطول افراكه
ومشتاكه لخوتي اهوايه مشتاكه
نزليني اعله هونج بلله يا ناكه
خافنج كبرتي وضيعيتيني
************
للعباس اصد ونوبه اصد لحسين
طريت الصحاري ويجري دمع العين
بزينب وين يا ناكه صحت تردين
امن اتعرجين يا ناكه تعذبيني
******************
كمت الراس اهبطه من يشتموني
وانواع الحجي كامو يسمعوني
بحجار وعصي ضلو يراموني
من الناس بيدي كمت اسد عيني
****************
يا ناكه اعله هونك بالمشي واني
انه الضيعيت بكربله اخواني
يتفرج عليه القاسي والداني
ردت عباس يمي ويسمع اونيني
*********************





تاليت العمر بحبال مجتوفه
وبروس اخوتي طبيت للكوفه
اشبيها الناس كلها اعلينه مصفوفه
صحت وينك يجيدر كوم حاميني
*******************
من الناس في يا ناكه سويلي
اباتن بالخرابه اشلون كليلي
امصاب حسين عذبني وهدم حيلي
ومحتاره بيتامه ازغار تدريني
*********
كلبي امن القهر ومن الحزن خلصان
والله ايعينها التبكه بلايه اخوان
تره اهوايه اهضمتني طبت الديوان
يا ناكه الهلي ناديت رديني
*******************
يا ناكه اشوفج حيل حنيتي
ومثل اونين زينب هيجي ونيتي
اليوم امن الزلم خالي صبح بيتي
يا ناكه بدمعتج حيريتيني
**************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شوط كربلائي



ابو السجاد انـصاره .. بالـطف ســــوو المــاصار
تره من حقه يتفاخر .. يعمي العنده هيچ انصار


ترى العنده بخت ياناس .. يحچي احچاية العدله
وبالــسان المــعـتـبر دوم .. هــيه الـسالـفه تحــــله
عن انصار ابــو الســجاد .. لحـــد يحــچي بالسهله
نعم صاروله تچــايه
زلــم للــموت شـرايه
امبينه هيه الحجايه
الله اخــتارهــم لحسين .. وشوف شلون الله اختار

_

يالي اتريدلك صاحب .. كون اتدقق ابوضعه
ومن تختاره هم تلگاه .. عنــك يخــلف طـبعه
حقه احسين ابو اليمه .. مــن يتــفاخر ابربعه
ذول الصارو اخـياله
اوبــدو دمهـم اگباله
الراحوا فدوه لعـياله
مايتعذرون ابيوم .. عنده انصاره ماكو اعذار

____

شدوا للكلافه احزام .. اجو والغيره ترستهم
عـفو عن كــربله همه .. چيه زينب التمستهم
حي الله رجال حسين .. البلكــلفات ونستهم
امــلاگاهم ســوالف عــيد
امصافحهم اسيوف ابأيد
هوه احسين هيــچ ايـريد
والگلبه حطب خليه .. لا يــدنه يـــم الـــنار

____

الرايد ينتــقيلـه ارجـــال .. كون ايدقق ارجاله
مـــن راس البحــر يخــتار .. مايخــتار الوشاله
وابو السجاد عنده احيود .. اخذوا كربله كباله
لمـــــن طــبو الســعين
رادت كـــربلاء امعــين
من النزف صارت طين
لمن غركت امن الدم .. صاح الجيش ياستار
___

الطف امن الجثث غصت .. ولنها اتصيح المروه
المايخــضع الطـــوع امره .. للــمذبح يــجي كوه
كلها ابكربله خرسان .. اليحجي السيف بس هوه
زلـــم شردت زلـــم ركـعت
وبعضهه الروسـها الوكعت
بالانصــار مــــــن ســمعت
ذاك الجيش المرتب .. شو لنه صبح طشار



رفــت رايــه والـــرايه .. حبيب وبيده ساريها
والخيمة اخت عباس .. وصل هالرايه طاريها
العنده صحبه لو هيچي .. لو ليــجيب طاريها
اليــقدملك تـره رگــبه
مو بالهيــن اتشــــطبه
هاي التنحسب صحبه
صاحب موش ياهو الچان .. قلد احسين من تختار

__

وفو والنعم مــنهم .. وخوش انطونه هالعبره
أي معناها يبن ادم ..كــون اتصـــير كالشجره
اتفيي عالذي مكسور .. ولازم خاطره اتجبره
من انصار ابو الـــيمه
اتعلم انــته هالحكمه
انطي وعيش بالنعمه
اليقدم روحه للطيبين .. للوادم يضل تذكار
____
الشاعر حيدر تركي الكربلائي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فارس برز كدها وكلف حي الله جسام
ايعادل تره سبعين الف حي الله جسام
**************
بسيفه طب عليها وحالف ايصفيها صاح إله اكظيها
هذا هوه القاسم
ضهضب عله العسكر الشافه ظل يتعثر هذا صاحو حيدر
هذا هوه القاسم
الحومه رادت تنخسف حي الله جسام
ايعادل تره سبعين الف حي الله جسام
*********
شهم من أفعاله وركض الخياله تورط اليدناله
هذا هوه القاسم
الحومه بيه اتفاخر طبها فارس شاطر الزلم منه تحاذر
هذا هوه القاسم
خله الزلم تزحف زحف حي الله جسام
ايعادل تره سبعين الف حي الله جسام
*******
من تقدم ليهم الكاع ماجت بيهم المفر ضاع عليهم
هذا هوه القاسم
الشرد ضن بروحه لو يطير ايلوحه ما تهمه اجروحه
هذا هوه القاسم
منه العساكر ترتجف حي الله جسام
ايعادل تره سبعين الف حي الله جسام
********
السبع شو ضم راسه وخمد حتى أنفاسه الشرد كالو داسه
هذا هوه القاسم
سره واحد واحد ويله صاح ال لابد وعلي اجيبه الشارد
هذا هوه القاسم
ياهو الشرد خل يعترف حي الله جسام
ايعادل تره سبعين الف حي الله جسام
*********
الزلم شو مخطوفه وترجف من اتشوفه بيها صارت خوفه
هذا هوه القاسم
شورطاهم ذوله غشمه وتعنوله بالسره اصطفوله
هذا هوه القاسم
فارس شهم كدها وترف حي الله جسام
ايعادل تره سبعين الف حي الله جسام
*********
الموت ضيف القاسم وبيه يعزب الوادم وسيفه يكرم لازم
هذا هوه القاسم
الزلم مصدومه كَرب الكل يومه صفكَتله الحومه
هذا هوه القاسم
الموت بالطف يختلف حي الله جسام
ايعادل تره سبعين الف حي الله جسام
*********
تمت
الشاعر ميثم العمري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*لسان حال مولاي مسلم ابن عقيل ع من فوق قصر الاماره وهو يودع الحسين ع



عاشك يسولف لاميره
قصة وداعه الاخيره
ياحبيبي ياحبيبي وداعاً**
____&&___________
عيني دارت للضعن.. ونظرتي تسولف محن
مسلم انه بكل حسرتي.. اروي يمك كل غربتي
يالغريب انت الوطن***
باخر انفاس العمر.. عاند وياي الصبر
الشامت من يشوف دمعي.. بنتظارك هذا وضعي
الموت يمك منتظر

والله صعبه..
مسلم من يطيح ماكو حسين كربه
والله صعبه
تحتم علينه المسافه بديره غربه

كون اخر صوره عينك
وتشهك انفاسي حنينك
_______________
ردت اواسيك بجرح.. وكلت ميكفي الذبح
الينطي كل عمره ووريده.. كون اواسيه ه بحميده
وردتي بلون الصبح**
تعيش كون ويه اليتم.. وقبل بنتك تنلجم
فدوه لعيونج رقيه.. بنتي وياكم سبيه
عليها ابدن ما ا هم**

هيه ورده
تاخذ جروح الفواطم وحده وحده
هيه ورده
عطشت وحته المخيم منها نده


ع الرمح مرفوع راسي
وبحميده ردت اواسي
________________----____________
ثنين عندي من الولد.. جانو بعمر الورد
عطر بثوابك تشمه.. للفواطم فدوه نسمه
الخنكه باجر من تهد**
محمد وطاهر فده.. لجلك انطيهم نده
نسمه من ذخر الهواشم.. تهب عطرها عله الفواطم
والمخيم تسعده****

كلشي فدوه
الينطي كل ذخره لحبيبه تعبه يسوه
كلشي فدوه
ولدي وسنيني بسنينك بيهن اهوه

اليفدي كل ذخره لحبيبه
يهوّّن بكلبه المصيبه
ياحبيبي ياحبيبي
_____
وانه من فوك القصر.. باخر انفاسي انتظر
ردت اوديلك علامه.. جلمه بجناح الحمامه
ارجع افديك العمر
وادم مضيعه العرف.. صعبه كلش تنوصف
تكّفر النجمه بضواها.. وتحبس النسمه بهواها
تعطّش الكلبه ترف

والله حيره
طفت الوادم شمسها وماكو غيره
والله حيره
ضيعت الوادم عرفها شلون ديره

هايه وادم موش اهلها
تعطش ورودك لاجلها

____&&&_________
اخر حجايه السلام.. وشايل وداعي الحمام
امنيه الضلت اخيره.. كون واموت وكلي حيره
وتارك بضهري الخيام،
ارد احس بلوعتك.. وارد اعيشن حسرتك
خلتدوس الخيل بيه.. وحافر يسابكَ عليه
مثل خيل الداستك

هاي هيه
راح اروح وبنتي وي ضعنك سبيه
هاي هيه
راح اموت وماكو خيل اتدوس بيه

فدوه لجلك كل حياتي
وكون اواسيك بمماتي
ياحبيبي ياحبيبي.. وداعا
___----________--________
الشاعر (حسن هاني السهيل )

،، الفاتحه لارواح خدام الحسين ع


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الحومه تفصال على طوله .. الكمر عباس ..
مدرسة غيره ورجوله .. الكمر عباس ..
بكل درايه ومعرفه .. يعلم دروس الوفه
مدرسة غيره ورجوله .. الكمر عباس ..
.............................
أبو فاضل يا شجاعه وحكمه وأيثار ..
بالشدايد كلبه شايل صبر وأصرار ..
هذا أبن حيدر قسيم الجنه والنار ..
أسد نازل بالطفوف وبيده فقار ..
من برز بالغاضريه .. الكمر عباس ..
أبد ماهاب المنيه .. الكمر عباس ..
نزل مثل العاصفه.. يعلم دروس الوفه
مدرسة غيره ورجوله .. الكمر عباس ..
..................................
خله بالطف العساكر تشتهي الموت ..
وسوه أرض الغاضريه الهه تابوت ..
زلزله ونزلت عليهم يرعب الصوت ..
ماكو واحد للمخيم يكدر يفوت ..
زهد تسبيح وعباده .. الكمر عباس ..
أتلوك لجفوفه القياده .. الكمر عباس ..
بيده رايه مرفرفه.. يعلم دروس الوفه
مدرسة غيره ورجوله .. الكمرعباس ..
......................................
مثل حيدر بالحرب ما يعرف الخوف ..
واللي ماشايف شجاعه خل يجي يشوف ..
هذا ضرغام الحرايب وأسمه معروف ..
كمر كفال العقيله بأرض الطفوف ..
بيه غيره حيدريه .. الكمر عباس ..
كافل الحره الأبيه .. الكمر عباس ..
الوصه بيهه المصطفه .. يعلم دروس الوفه ..
مدرسة غيره ورجوله .. الكمر عباس ..
....................................
أمه وصت للاطايب ينطي جفين ..
حاضر وممنون كلهه ياضوه العين ..
أنتي رفعة راس بالطف يم اللبنين ..
صاح آنه وكل أخوتي فدوه لحسين ..
صاح عد عينج ييمه .. الكمر عباس ..
راح أسوي الدنيه ظلمه .. الكمر عباس ..
سطع نوره وماخفه .. يعلم دروس الوفه
مدرسة غيره ورجوله .. الكمر عباس ..
.................................
كمر ويشع بالطفوف ورافع الهام ..
كال اجيب الماي بيدي لنص الخيام ..
اروي زينب والهواشم واروي الايتام ..
وما أخليهن سبايه بخربة الشام ..
ابد ماخله العقيله .. الكمر عباس ..
تصعد الناكه الهزيله .. الكمر عباس ..
بيده باشط مرهفه .. يعلم دروس الوفه
مدرسة غيره ورجوله .. الكمر عباس ..
.....................................
جبل هز الغاضريه ويرفس الكاع ..
حسين للجنه سفينه وهوه الشراع ..
منه ماطاحت الرايه وطاح الذراع ..
وعالنهر كرّب يزينب وكت الوداع ..
أبد ماخان الوصيه .. الكمر عباس ..
يشهد الله للمنيه .. الكمر عباس ..
صفه أعظم من صفه.. يعلم دروس الوفه
مدرسة غيره ورجوله .. الكمر عباس ..
.................................
الشاعر حيدر مطر العبادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

والله حيرة اوداعك اويه اوداعي تمدلي چفك وانه ماكو اذراعي
شوفي راح ومالي ادين ...............شلون اشبگك يا حُسين
....................................................................
اتوچه بيمن من طحت ولا انگلّب بصفاحي
وانه الصگر بالموزمه كسرو يخويه جناحي
متوسد اضفاف النهر من طر علي مصباحي
لاميت ولاني عدل گمت انتظر ذباحي
حيلي راح وما بقيت بحيلي ......... عيني خيّم بيها بعدك ليلي
وين اشوفك گلي وين ..... شلون اشبگك يا حُسين
..............................................................
ما ظل الي بس السمع واسمع جدم يدنالي
عَدّ الثواني اتمهّلك لحظات اودع غالي
للغررة هاذه النفس هي حالتي واحوالي
بالدنيه ما عندي امل بس الحبيب ابالي
گلي اخوك الگاعد العد راسك .........خويه اگعد لا تغيب انفاسك
گتلة خويه وبالانين ............... شلون اشبگك يا حُسين
..................................................................
حارمني منك چم جرح مابيه اگول اشلونك
وعيوني من نظرت الك عميه وتصد لعيونك
لا شوفك ولا اشبگك تدريني اموتن دونك
ولا چف الي اليمسح دمع أمغيمه احس چفونك
شلون امسح دمعك الهليته هاذه همي وبالگلب خليته
حيرة ما بين الثنين ................. شلون اشبگك يا حُسين
..........................................................................
يا حيرتي وحظني انحرم من الحنان الدافي
جرحي علة لساني وصل وتلجمني حته اشفافي
كون اگدر اشلع هالسهم وبعيني اشوفك كافي
ولو اگدر اوگف چا ركض اركض اجيلك حافي
والله فشلة وكل دمعتي اوشالة.... والذبحني موقفي بهلحاله
انه كاتلني الحنين ..................... شلون اشبگك يا حُسين
..................................................................



آخر وداع وما يصح شوفة حبيب ايامي
يا حيرتي نايم اظل واجبل علية الضامي
واتبده مايي اعله الجرف زيد ونين آلامي
آخر حلم عالمشرعة ما شفته بين احلامي
ما يهمني جروحي خويه هوايه كل عذابي وكل حسرتي بهايه
واصله الكطع الوتين ............... شلون اشبگك يا حُسين

...................................................................


نسالكم الدعاء
علي صادق المجراوي
19|6|2020

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا عباس يا عباس
************
من كطعو يمينك صابو خويه عينك متخضب جبينك يا عباس
نايم عالشريعه وجفوفك كطيعه هاي انه الوديعه يا عباس
يا عباس يا عباس
***********
ياخويه اعتنيتك عالشاطي لكيتك تنهض حشميتك يا عباس
كوم احمل علمنه ذبحوها زلمنه وحركوها خيمنه يا عباس
يا عباس يا عباس
*************
اهنا يالودعتني بهجرك عذبتني جا عدمن عفتني يا عباس
يا حادي الضعينه يا خويه انولينه وينك ما تجينه يا عباس
يا عباس يا عباس
**************

يا راعي الشهامه كوم اروي اليتامه كتلتها الملامه يا عباس
بجودك يمته ترجع دلالي تكطع جم طفل التلوع يا عباس
يا عباس يا عباس
***********
يا حلو الشمايل وينك يابو فاضل شدينه المحامل يا عباس
هاي انه العقيله ويا حمل الاشيله والرحله طويله يا عباس
يا عباس يا عباس
************
تسعر بيه ناري مليت انتظاري بحالي انته داري يا عباس
عكبك يسروني وعالناكه ارجبوني واشكد شتموني يا عباس
يا عباس يا عباس
***************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابلا مجـلسك يابو علي
صدگني چن ماتو هلي
كئــيــب
يالحبيب
,,,,,,,,,,,,,,,,,,,,,,,,,,,,,,,,

جابـتني امـــي المجلسك .. مــن چـان عمر شويه
وگالــتلـــي هـــذا مــنزلك .. لازم تجــيه يــوميه
المنــبر احســبه والــدك .. وامــك هالحــسينيه
عليك أرضه يوليدي صدك .. من تبجي عالمسبيه

يالعــمري كــله اتنـــفسك
زحمة انحرم من مجلسك
غــريــب
يالحبيب
,,,,,,,,,,,,,,,,,,,,,,,,,,,,,,,,

ياسيدي امن انطو حجر..نحجرت بصدري انفاسي
وهواس اخذني والسبب..عـن مجلــسك وهواسي
معقوله اضــل ابلا لـطم..ومــا ينــطـــبرلك راسي
عمـــري نسيـــته سيدي..وعاشـــور ابــــد ماناسي

ابقه حترگ وبقه حترگ
الحد مايجي يوم الطبگ
عجيب
يالحبيب
,,,,,,,,,,,,,,,,,,,,,,,,,,,

اذبــل اذا مـــا دگ الـك .. صدري واكسر ظلوعي
موضوعي بس بمجلسك .. والباقي مو موضوعي
گالـولي مـشروعك شــنو .. گلت البچي مشروعي
امنيتي لحــد اخر نفــس .. تــنزل عليك ادموعي

معقوله ماون ونجرح
يالراسك براس الرمح
سليب
يالحبيب
,,,,,,,,,,,,,,,,,,,,,,,,,

العالم بلا نوح وبچــي .. ماصــخ بلايه ملوحه
والمنحرم من مجلسك .. بيمن يداوي اجروحه
الماطب حسينيه شــهر .. صدگــني تطلع روحه
بعيني دمـعتي لو بـقت .. مثلك احس مذبوحه

ارد اختصرلك هالحچي
جوعني بس اشبع بچي
قريب
يالحبيب
,,,,,,,,,,,,,,,,,,,,,,,,,

سامحني يالگلبك سمح .. يامـن تنكط رحمه
بالنــعمه ماحســيت ابـد .. الــه بزوال الــنعمه
ارد انه حلفك سيدي .. بعبد الله فدوه الاسمه
من عندي يالكلك كرم .. لا تسلب انته الخدمه

ابلا هالوجــوه النيره
تصبح حياتي مكبره
مجيب
يالحبيب
,,,,,,,,,,,,,,,,,,,,,,,,,

ياكل كياني وقيمتي .. ويا كشختي ويا صيتي
يالكبرتني بمجلــسك .. يالكــونــت شخــصيتي
من تالي منك انـحرم .. مــعـــقوله يا عافيــــتي
استغني عنـك موحچي .. اله انحـــرم من ريتي

ابدونك فلا شم الهوه
والحــالي ماينفع دوه
وطبيب
يالحبيب
,,,,,,,,,,,,,,,,,,,,,,,,,,,,,,,,,
تمت 1442
حيدر تركي الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747