يارحمة الله الواسعه..وصلت سمانه السابعه
كلبت موازين السمه..يوم النزل منها الدمه
ايتام تصرخ جايعه
&&&
يارحمة الله بالارض..والجنه نعرف بيها
النبي وصه امته..وشكثر كال عليها
اتمسك انت بالنهج..بماي الوفه اسكيها
خله الولايه بحيدره..واولاده من تحييها
انطبر حماي الحمه.. يوم النزل منها الدمه
ايتام تصرخ جايعه
&&&
مايحجب الغيم الشمس..والرحمه من اسراره
واليطعم الاف البشر..مابات جايع جاره
ولاخله امته بالهظم..وظلت بهم محتاره
الفرسان تعرف صارمه..وتعرف شنو فقاره
ياما عمل بالظالمه.. يوم النزل منها الدمه
ايتام تصرخ جايعه
&&&
حكمته وعلمه من النبي..ماكو بشر يحملها
الانس والجن والخرج..من ملته قاتلها
مابات جايع من حكم..ابيوتهم يندلها
يطعم بمحرابه علي..ودموعه سكته يهلها
دمعته علينه مرحمه.. يوم النزل منها الدمه
ايتام تصرخ جايعه
&&&
كظه حياته بالزهد..وماترك ساعه المحراب
الدنيه ماغرت علي..وسموه ربعه ابو تراب
بالحرب من يوكف جبل..يااسد ربي بالغاب
خيبر وصفين اشهدت..ومحد قلعها الابواب
عدوانه تعرف صارمه.. يوم النزل منها الدمه
ايتام تصرخ جايعه
&&&
يبجي لون صله وسجد..وايتام عاش وياها
الحرب سهله لو دخل..يحمل ابيده الواها
مايوم نزلت رايته..وبيده الفحل علاها
اجفوف مدها برحمته..واجفوف من لاواها
باس اليتيم وسالمه.. يوم النزل منها الدمه
ايتام تصرخ جايعه
&&&
خادم اهل البيت
الحاج ابو علي السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

.
كـلـمــات الـشـاعــر
عـلـــي ابـو سـمــا الـديـوانــــي

(طور جسـام ياضنوتـي)


صـيت فرض العـشگ رايـد يحسين ازورَنـك
گـلــبــي هـــاك اســألـــه
هـــايــــم ابــكـــربــلــــه
رايــــد يـحـســيـن ازورَنــــك
………………………………………………………
چـنــت آنـه مـتـعــود اجــي الـحـظـرتــك
لابـــس ســــواد ونــيــتـــي ازيــارتــــــك
ابگـد لـهـفـتي اعلـيك آنـه احس لـهـفـتك
والـگـه الضـريـح أيـلــم شـمـل شـيعـتـك
واتـبــرك ابـتـربـتـك روحــي اترد من اشمَـنَـك
واسـتــمــــع يــاهـــلــــــه
هـــايـــــم ابــكـــربــلـــــه
رايــــد يــحـسـيــن ازورَنــــك
……………………………………………………
مـحـلــه ابضريـحـك الـگــه ذاك الـجـمـع
تـسـبـيـحـة أمـــك والـبُـكـــاء اسـتـمــع
ابـشـبـاچــك اتـوســل واصــب الـدمـــع
واتـخــايـل اخـيــول وتــدوس الـضـلــع
يتعـالـه ون الگـلـب ونـي يتلاگـه وي ونــك
واذكـــــر الـعــــايـــلـــــه
هـــايـــــم ابــكـــربــلــــه
رايـــــد يــحـسـيــن ازورَنــــك
……………………………………………………
من كـثـر شـوگـي گـمـت انـاغــي الـگـمـر
چــا يـمــتــه ازورَنــك يـراعـــي الـفـخــر
يـامــن ضـريـحـك بـالـجـفــون انـحـفـــر
واعـيـونــي ذَبــلــهــا الــدمـــع والـسـهــر
من كثـر مـاساهرت لـيلـي بالدمعه اشوفَنَـك
دمـعــتـــي ســـايـــلـــــه
هـــايـــــم ابــكـــربــلــــه
رايـــــد يـحـســيــن ازورَنــــك
……………………………………………………
چـا يمــتـه خـطـواتــي تــلــوح الـــدرب
وامشيلـك وكل خـطـوه دمـعــي يصـب
لـهـفـة حـبـيــب انـحــرم مـن الـمـحــب
عــيـد امن ازورك والـضريـحـك اطـــب
اقره الزيارة ابهظم وانعـه. اعله اختك واسمعَنك
وألـعـــــن ابـحــرمــلــــه
هـــايـــــم ابــكـــربــلــــه
رايـــــد يـحـسـيــن ازورَنــــك
……………………………………………………
مـثـل الــغـريــب الـعـايـش ابـدنـيــتـــه
ﮔــلـــب الـيـحــبــك تــنـسـمــع ونـتــــه
بـس شـوفـتـك هــي الـتـرد وحـشــتــه
يحسـيـن بـيـك اتـسولــف احـچـايــتــه
بخيت وصرت خادمك وادعـي ماانحـرم منك
خـدمـتـــي امـسَـجــلـــه
هـــايـــــم ابــكـــربــلــــه
رايـــــد يـحـسـيــن ازورَنــــك


كلمات الـشـاعـر
الميرزا علي ابوسما الديواني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

شفنه يوم الآخره ونار الحساب
من علينه أحترگت أطراف الثياب
الجنه إلنه وماعصينه أبياذنب محترگه أدينه
شفنه يوم الآخره
******************************
يِعرف التعذيبه حرگ عن ياذنب وسبابه
تشبه أيام الآخره نار الخيم لهابه
يطفَّي بعطشنه حرمله بقوسه وبنشابه
يتوجه القبله العبد الموت لودگ بابه
توجهينه وماعرفنه القبله وين
بين نيران المخيم تايهين
إحترگ حته اللابسينه أبياذنب محترگه أدينه
شفنه يوم الآخره
****************************** ظلُّمت دنيانه بالطف والگلوب بدگهه خوف نور ماشفنه بسمانه والشمس بيهه كسوف الظلمه ماتخنگ الريه وتعمي عيون اليشوف
ثاري دخان المخيم وحنه گدامه نطوف
شلون ركض المحترگ وصط النار
لو عبرهه أيرد ترك بيهه زغار
الرجع مارد علينه إبياذنب محترگه أدينه
شفنه يوم الآخره
******************************
المحترگ يختلف شكله ويختلف صوت النويح
مانعرفه ياهو هذا ساعدوني لو يصيح
وحده لو عثرت عليهه العائله كلهه تطيح
يلچم كل ساعه گلبه الجدمه ينداس وجريح
نركض ومانعرف أحنه بيادرب
من كثر ما شمرو علينه الحطب
گلو لمحمد يجينه أبياذنب محترگه أدينه
شفنه يوم الآخره
******************************
بيش آنه أداوي المنجرح والما گدر عالگومه
شنهي الألبسه المحترگ من أذب منه هدومه
أجروحه متروسه رمل ويابس عليهه دمومه
المحترگ ربطوه بحبل والوجع باك رسومه
كل هذا وچفوفه بحبل مربوطات
من يجرون الحبل يشبع لچمات ماعرفنه حنه شجنينه إبياذنب محترگه أدينه
شفنه يوم الآخره
******************************
ثمانين طفلِ إتفرقوا شلون أگدر آنه أجمعهم
ماعرف ياهو المنذبح وياهوه سالم منهم
أنصبغوا بدخان الخيم ماعندي ماي أغسلهم
وجوهم من التعب متغيره گمت أسئلهم
ياهو الأجيبنَّه أسئله أنته أمنين
طفيت واحد كالي آنه أبن حسين
من عرفته تشابگينه إبياذنب محترگه أدينه
شفنه يوم الآخره
******************************
حالتي يحسين حاله ريتك أنته أتشوفهه
الجانت إمدلله بجالك ما محسبه أتعوفهه
عله الناگه شلون تصعد ماتكض بچفوفه
أجروح البجدمي غميجه ياهو لَيه يروفهه
ياهو اليضمد الجروح البجدم
حافيه وعالكاع من أمشي اللچم
الرمل حار ويچوي بينه إبياذنب محترگه أدينه
شفنه يوم الآخره
*****************************
الشاعر
حيدر الشغانبي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يابويــــه الليـله اويـاك .. آخــــــر ليله
گـلبك يشكيلي اجروح .. وانه اشكيله

گِتلي وجرحك بل راس
أمَّـنـتِــــچ عِــد عـبــاس
( آخـــر ليـله )
______***_____________

گوم شِلْ جرحـــك يـشـيّـال الكـلافه
المسجد امتانيك يســـأل ما تِـشــافه
ياعلي اشگـد شـايل بگـلبــــك تـرافه
اتوصِّي حته بقـاتِـلك حُسْـن الظيافه
*

بويــه ايتامك بالبـاب ..وٱنســــد بابك
سمعت وتريد اتشوف ..جرح اصوابك

وانته اتجـر الأنفاس
أمنتچ عــــــد عباس .. آخر ليله
__________________________

ظمني مِن الدنيا بحضــانك دخـيـلك
تره الموت ايراقب انفاسي برحـيـلك
بالســــــلامه اتگــوم ليليـــه اندعيلك
راح أوَزْع ادموعي للفُـقـره ابســبيلك
*

يل تارس عيني دموع حِن اعليها
نـار اصـوابك بالـروح شــيـطـفيها

يل جرحك جرح احساس
أمنتج عـــــــــــد عــبـاس .. آخر ليله
______________________

أمِس دهـري بفاطمــه أمي فجـعـني
بويه عاتبتـه اشكـثر بس ماســمعني
الليـلـه يابويه بجـرح ثـاني تبـــعـني
مِن فَرِحـتي بهذا عيـــد الله منعــني
*

ماريدن بويـه العــــــيـد شِلّي ابعيدي
رحت انته وراح الخير كِلَّه امن ايدي

واحزن من دون الناس
امنتـــــج عــــد عبـاس .. آخر ليله
__________________________

بويه يل غالي اعله گلبي شلون اعوفك
چنت اعوف افراشي وتوسّـــد چفوفك
راح اودعك وانتظر بالطيف اشـــــوفك
الله لا يحـرمني من شـوفت طِيــــوفك
*

يل رايح مُرلي ابطيـف عيني إتَّـاني؟
عندي اويـاچ بعاشـــــور موعد ثاني!!

نجمه انتي وماتنجاس
أمنتج عـــــــد عـــباس .. آخر ليله
______________________

گـلـنه نفـرح وانتـه ســـــالم ياولـينه
بس تســـــع تـيــام للعــــيد اويجينه
بويه ليش انسلبت الفرحه امن ادينه
وليش من دون البشـــــــر ماعَـيّدينه
*

بنتك مافرحت ليش طفله ازغِيره
منك عِيدِيتي ادموع يترس دِيره

بدموعك خَدِّي انباس
امنتج عـــد عــبـــاس .. آخر ليله
__________________________

والله مـو بيــــدي يزينب من أودعِـج
كافي بويه اعـتاب لا جارِچ يِـسـمـعِج
ظمّي دمعج بويــه للطف ظمّي دمعج
وضعچ البل طف أشد من هذا وضعج
*

يازينب دمعــــچ هاذ لاتجـرينه
يم حســين وعباس تحـتاجِينه

خدرج رايد حُـرّاس
امنتج عـــــد عـباس .. آخر ليله
_____________________

خادم الحسين ع
مرتجى الحسَّاني"

خادم الزهراء مرتجى الحسَّاني
يازينب إنتي أول ( نهر ) تروينه بس عطشانه !!


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصائد_استشهاد_الامام_علي _ع


ــــــــــــــــــــــــــــــــــــــــــــــــــــــــ


بدمعة الروح وجمرة النوح
گلوب ناحت يا علي مصابك فِجعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي گلوب اليتامه * ناحت بلوعة هضمهه
چانت ابجالك عزيزة * وحسّت الليله ابيتمهه
ما تريد بلحظه تنسه * مصابهه وشدّة ألمهه
تنساك يا حامي الحمه * وشلون تنسه الغانمه
فگدت ابفرگاك الحمه * اوعگب عينك زاد همهه
حسّت اليوم ابْلوعه وهموم
گلوبهه المتصدّعه مصابك صدعهه
عيون لجلك هلّت امن الدم دمعهه
بدمعة الروح وجمرة النوح
---------------
يا علي وكل الرعيّه * ايتام محتاجه لحنانك
چانت ابهيبة وجلاله * تستظلّ بعظم شانك
أمست الليلة حزينه * تنظر ابحسره المكانك
وتشوفه خالي وتنتحب * وحشاهه لجلك تلتهب
وشلون عنهه تنحجب * خايفه وفگدت أمانك
الخايفه شلون تفگد العون
وانت بالشدات يا حيدر درعهه
عيون لجلك هلّت امن الدم دمعهه
بدمعة الروح وجمرة النوح
----------------
اوكل محب عاشگ لشخصك * ما حمل حزنك وناره
شلون حال الچان يگضي * ابخدمتك ليله ونهاره
عيون الاصبغ بن نباته * اعليك مدمعهه تجاره
معذور يا رمز الوفه * صوّر وفاءه ابموقفه
بسيل الدموع المذرفه * شرح حالة إنهياره
اوداع ابو حسين ابدمعة العين
فجع كل الناس وتغيّر وضعهه
عيون لجلك هلّت امن الدم دمعهه
بدمعة الروح وجمرة النوح
-----------------
سيدي معذور الاصبغ * لو ثگل لجلك حنينه
يا علي والكون كلّه * حگ عليه تبچيك عينه
حيث كل الكائنات * الحيّة لمصابك حزينه
وهذا الأمر يا حيدره * صوت الإوَزّ ايفسّره
الشخصك يريد يأخّره * يدري وعدك گرب حينه
صاحن بصوت عرفن الموت
راد عايلة النبي ايفرّق جمعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي وحتى الجماد * اعليك حنّ وهمل دمعه
يا علي وراد ايتكلّم * لچن تكليفه يمنعه
اتمسّك البسمار طارف * محزمك رايد يگطعه
ويأخّرك چان الگصد * خايف تروح وما ترد
عن الحياة وتبتعد * اويختلف هل كون وضعه
يا علي تروح وتترك جروح
يا علي وليك الحياة احنت ضلعهه
عيون لجلك هلّت امن الدم دمعهه
بدمعة الروح وجمرة النوح
-----------------
يا علي هاي الاصوات * الچان سلوتهه ابوجودك
رحت عنهه ويتّمتهه * وراح يا كرار جودك
رحت يا بالحسن ساجد * اتودّع الدنيا ابسجودك
تودّع يحيدر سجدتك
وتتخضّب ابدم هامتك
والجمرة تبقه ابشيعتك
وشلون تنسه امصيبتك
اوبچت هذا اليوم لجلك * يا علي حتى المنية
---------------
#عقيل_الكاظمي بغداد

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصائد_استشهاد_الامام_علي_ع



------------_---------------------------------


السلام على امير المومنين
____

ما نعيش بلا هـــواك .. يا علـــي وكلنه فداك
وين مثلك نلگه وين .. يا أميـــــــر المؤمنين
---------------------------------
يا هـَــــوا الجَنـــة ونَسيمـــه المحــــد يقـــدره بثمن
ميت المــــا شم نسيمك يـــا علــــي يــــا بـــالحسن
يا نبض كَــــلب اليحبـــــك وياك عاش بكل زمــن
ذكــرك العــاشر لســـانه حتــه لو باصعـب محــن

يسـكن بروحه غـلاك .. بريته ظل يشتم هواك
انته وين الدنيه ويــــن .. يـــا امير المـــؤمنين
---------------------------------
من عطر حبك عرفنه شنهو معناها الحيــاة
ويه اسمك احنه عشنه انته يشراع النجــــاة
ما نعوفك تدري بينه وما تغرنه المغــريات
منهو غيرك يا ولينه يحمل اجمل هالصفات

هامت الروح بسماك .. كلب كل شيعي هِواك
ايـــــة الحب والحنين .. يا أميـــــــر المؤمنين __
بكل حرف بِسمك لِمّسنه يا علي حُب واعتِقادْ
أسمك من اسم الجَلالــــة ومالِك السَبع الشِدادْ
يا سَفينة نُوح انته الـــــي حِوت كُـــــل العِبادْ
نمُوت والله بلاّيا حُبك وحنه من دونـَـك جَمادْ

إي وحَق مَن اصطفاك .. احنه من دونك هلاك
انت مَرهــم كُلّ عَين .. يا اميـــــر المؤمنين

--------------------------------
شگّد عَظيم أسمَك يَحيدر يلّــي أسمك مُعجزه
الدنيه كلها شما تُوصفَك تُبقــــى يَمك عاجِزه
كُــــل مَعاني الوَصف انته أتجّاوزِتها أبفارزه
وأحنـــــه بس حُبك يَحيدر بيه أخذّنه الجائزه

بكل نفس عايش مَلاك .. ناخذّ الجَنة برِضاك
يــــا مــــلاذُ الخائفين .. يــــا اميـــر المؤمنين
_
انته دستور المَحَبّة يـــا عَلـــــي بحُبك نــذوب
انته باب الله الوِسيعــــــه وبيك غُفران الذنوب
حجة الله اعله البَــــرية وآيـــــة الحُب لليتوب
يا صراط الله وجَنانه وشَمس ما عُرفت غروب

يا علي واسع فضّاك ..ما يخّيب الي نخاك
يا دَليلُ الحائـــــرين .. يـــا أمير المؤمنين
-------------------------------
شلون كُل هذا الجَمال يغيب عن هذا الوجــــودْ
شلون يطفه النور كُلـــه وتِذّبل وجوه الــــورودْ
شلون هامــــك يا ولينه ينطبر وَكت السجــــودْ
شلون سيف ابن الدَعيه يا علي أتعده الحــــدودْ

يا علي بسيفه إِعتِناك .. وسالْ من هامَك دِمّاك
كُل يَتيم أصبح حَزينْ.. يــــا أميــــر المؤمنين
---------------------------------
ابو باقر المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ــــــــــــــــــــــــــــــــــــــــــــــــــــــــ



يا علي

غالي ويودع غالي هاي الليله
ظلت ابلا والي يبويه العيله
خيمتنه طاحت
خيمتنه طاحت
@@@@@@@@@@@@@@@@@@@@
ها يبو الخيمه الجبيره وطاحت اعلينه
بويه احنه ابعازتك لا لا تخلينه
مهظومه انه والهظم يابويه سابينه
وبغيبابك كل اخوتي تصرخ ابوينه

واليفكد الوالد تزيد احموله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@

بويه انه واخوتي متنه بالوداع
غالي انته وارحلت يابويه شبساع
بعد عينك ياعلي ضاع العمر ضاع
ماتلمنه كلهه والله بويه هالگاع

واليمشي عنه والده ياويله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@@

راح البگلبي حنانه لسه ماراح
من مشيت اودعتنه راحت افراح
جن قدر مشئووم الي يالوالي لاح
وجن خيام وغاضريه والاخو طاح

حسينك يظل ابلا اخو ولاحيله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@
كبل الأنفاس الاخيره كتلي زينب
عكب هذا اليوم اخيج ليج يثغب
ابو فاضل على النخوه لا ميتعب
الوعد ماهو بعيد ابنيتي گرب

ايعدل اخوج الهودج أمن الميله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@@

جاني ذاك اليوم بويه وشفت اخوتي
ريت تلفيني المنيه ويلفي موتي
مجزرين اكبالي موته وراح صوتي
منهو يابويه اليرد ليه نخوتي

رحت بيسر وحسيني دم ابجيله
ظلت ابلا والي يبويه العيله
خيمتنه طاحت
@@@@@@@@@@@@@@@@@@@@@

محمد الدلفي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صوت السماوات ارتفع
حيدر بمحرابه وكع
تهدمت والله أركان الهدى
تهدمت والله أركان الهدى

**********************
صوت الفجيعه بالفجر
حيدر علي بهامه انطبر
عالمرتضى العادي جسر

وبالحداد للوصي الكون ارتدى
تهدمت والله أركان الهدى
**********************
بالحرب محد قابلك
مهزوم كلمن قاتلك
الحرب تحلى بس إلك

يامن رددت الحق ممن اعتدى
تهدمت والله أركان الهدى

**********************
سيف النبي الباترو
هذا علي الثائرو
في قتله تباشرو

قتل الكرار في سيف العدا
تهدمت والله أركان الهدى

**********************
اصابوا نفس المصطفى
هذا الوصي المرتضى
هذا علي والقضا

فزت ورب البيت قد كان الندا
تهدمت والله أركان الهدى

**************************
وكت الفجر وتروعو
اولاده ركضه اتسارعو
كالو علي طاح اسمعو

الكون من خطبهه مغبرا غدى
تهدمت والله أركان الهدى
************************

محمد النوري




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إلى الإمام علي بن ابي طالب عليه السلام

(تقرا لطميه او نعي)



جينا وكعدنا ابابك أيتام
كالو علينا مصوب الهام
كلي الزمان شخبى واشضام
بعدك يحامي دين الإسلام
**********************

شمضموم النا يامصيبه
ياوصي الهادي وياحبيبه
كالو علي آيس طبيبه
وصي وصيتك ها يضرغام

وصي يبو الحسنين الأولاد
كلهم يبويه حان البعاد
بعدي عليكم فتن تزداد
ورايح عليكم تقسي الأيام

بويه كتاب الله احفظوه
وبيت الله بعدي لاتهجروه
دارو اليتيم ولاتضيعوه
يابويه احنا اخلافك أيتام

ياعيد ريتك لاتجينا
والبيت خالي من ولينا
مصوب ابونا وتدري بينا
مايحلى عيد بغير الايمام

ياعيد يحلى بعد أبو حسين
ومن لليتامى يبو الطيبين
رايح يبويه وتهمل العين
لاحلى بعدك عيشنه او دام


محمد دعبل النوري





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الجانت اتوصيه بزينب فاطمه
راح منها هسه حماي الحمه

******************
تذكر بدفن الزجيه شوصتك
ياعلي للبيت رد اتنختك
خاف زينب ترتعب من غيبتك
شلونها بلايا علي ولا فاطمه
******************
جم يتيمه ياعلي ضلت وراك
تمسح ايدك رأسها تبقى برجاك
حيف عالموت الذي منهم خذاك
وضلت ايتامك ابابك لاطمه
******************
ياعلي رد اعلى زينب ياعلي
فاكده أمها وفكدت اليوم الولي
بعد أهلها شلون زينب تبتلي
راحو وخلوها زينب هايمه
******************
بلايه حيدر زينب بيا حاله
والدهر بعده تدور احواله
بحيره دمعتها تضل هماله
والمصايب على زينب حايمه
******************
منهو الها زينب يداريها
ياعلي والدهر لو ياذيها
انت ابوها وأنت سور عليها
لو رحت دمعتها لجلك ساجمه
******************

محمد دعبل النوري




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصائد_استشهاد_الامام_علي_ع





------------_---------------------------------


بحق امير المؤمنين //ع//

ابليلة القدرِ العظيمــــه
راسك اتصوب هظيمه
يا كرار -- يــا كرار
------------------------------------------
الليلة لمصابك علي ينوح الملـه
املاك عرش الله يحيدر معولـــه
ينعى جبريل بحزن صوته اعتله

يا علي حامي الحميه
سالت ادماك الزكيـــه
يا كرار -- يــا كرار
-----------------------------------------
مثل اهل الارض مفجوعه السمـه
شلون راسك يا علي اتخضب دمه
وانت حامي الجار ليث الموزمـــه

ضجه للكون بعويلـه
طبرو اليحمي دخيله
يا كرار -- يــا كرار
---------------------------------------
خالي محرابك تره الفكدك نعــــــه
جان وي الفجر صوتك يسمعــــــه
انهدمت اركان السمه بهل الفاجعه

ريتك تكوم بسلامه
تمسح دموع اليتامه
يا كرار -- يــا كرار
----------------------------------------

اليوم راسك سيدي ودم طبرتـــه
خله جفن الكون ترخص دمعته
بليله بيهه الباري نزل رحمتــه

هامتك ينزف دماهـــه
ناحت السبعه وسماهه
يا كرار -- يــا كرار
------------------------------------------
من جديد النوح يالوالي ابتده
انعاد حزن الباب بفعال العـده
وفكد طه اليوم هامك جددهـ

هذا جرحك يالصميده
شينفع وياه ويفيــــده
يا كرار -- يــا كرار
----------------------------
دمع الحسين وحسن يمك جــــره
وزينب اتكسر الكلب يا حيــــــدره
اتصيح بويه و حالك شلون انظره

ظلت الليله بألمهه
شافتك ممدود يمهه
يا كرار -- يــا كرار
.---------------------------------
سورة القدرِ تره تظل نايحــــــه
تنحب بكل يوم وي الفاتحــــــــه
وألم نشرح يا علي تعزي الضحه

ربك اتصوب كتابـــــــه
يالجنت فصله وخطابه
يا كرار -- يــا كرار

÷÷÷÷÷÷÷÷÷÷÷÷÷÷÷÷÷÷÷÷÷

✍الشاعر رعد الجريخي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#شهادة_الامام_علي-؏


ـــــــــــــــــــــــــــــــ

..ارجعلي يمرجع الشمس..
..ليلي وحش عگبك احس..

گلبي يبو حسين انفطر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
يابويه جرحك چم جرح خله ابدليلي
هم تدري بويه بطيحتك موته حيلي
بالباب چنت اتنطرك سالم تجيلي
تاليها سابح بالدمه كلك يويلي

واقع اشوفن لوحلم
نصين راسك منجسم

راس الوحي شلون انطبر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
ما مره بويه اتخيلت تنظرلك العين
امدَد يبويه وهامتك مگسومه نصين
ما ادري ليش بهالوكت استعجل البين
وايريد مني ياخذك هسه يبوحسين

مستعجل عليك الأجل
وماظلي بس نوح وزعل

مكتوب اعيشن بالقهر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
يمرجع بقدره الشمس ارجع اليه
ماني وديعة فاطمه امي الزچيه
مابيه حيل اعله الهضم موتدري بيه
يكفيني ضيمي ياعلي بالغاضريه

ارجعلي يا حيدر علي
غيرك يبويه ياهو الي

يسندلي يابويه الظهر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
لاحگ عليه اني البچي وضيم الليالي
باچر اضحي بچم اخو يابويه غالي
بعاشر محرم من تره الوادم خيالي
ساعتها افگد ياعلي عزي ودلالي

يابويه عاشر كربله
ماتبقه وحده مدلله

كافلنه ميت عالنهر
وچم خاطر ابروحي انكسر
ارجعلي يمرجع الشمس
،،،،،،،،،،،،،،،،،،،،،،،،،،،،،،،،،،،،،،،،،،،،،،
گبالي اشوف اني الاهل فوگ الوطيه
ميتين ما واحد يجي يفزع عليه
لمن يجيني و الشمر يچتف اديه
ويريد ياخذني غصب بويه سبيه

صحت ولا واحد فزع
وحسين گام ورد وگع

صاير ابو اليمه وذر
وچم خاطر ابروحي انكسر
ارجعلي يمرجع الشمس


الشاعر عقيل كاظم الحسناوي..

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#شهادة_الامام_علي-؏


ـــــــــــــــــــــــــــــــ

ياحال عقدة كل شدد
لوگلنه ياحيدر مدد
بحماك ياجاه المله
ياقل هوالله احد
🔶️ 🔶️ 🔶️ 🔶️ 🔶️ 🔶️ 🔶️ 🔶️
مقرون حبه ويالنجم جي كل جمال ابنيته
اليل صار اسود لئن هاي السمه حسينيته
جبريل كل هاي الارض مايكعد اله ابيته
جي يدري بالدار الكرم ياخذ كرم من صيته

وي الهوه اشتمك جرح
مايحله بعيوني الصبح
جنت خلودي ماتمك
ماريدن ادموعي تشح
🔶️ 🔶️ 🔶️ 🔶️ 🔶️ 🔶️ 🔶️ 🔶️
سر السمه المادرات ويه الارض كلها بحيدر
جي لمحت عيون الوصي صفنت بعد ماتفتر
حته الاذان من اعتله شاهد علي من كبر
جي شاف نور الله بعلي والباري بي يتصور

يا نور دربي وكل هلي
يا دين ربنه الازلي
بقاموس ربنه كل نبي
ما ينقبل اله بعلي
🔶️ 🔶️ 🔶️ 🔶️ 🔶️ 🔶️ 🔶️ 🔶️
ما گول باء البسمله لاكن حرف من وصفه
شلون انه اوصفنه ابحرف والكتب بسمه تغفه.
ماكو مثال الهيبته كل جرف يرسي بجرفه
لو صحنه ياحيدر علي كل نار باجر تطفه

مخصوص اسمه لكل صعب
بالشده اشد من الرعب
وبالمرحمه يگطر وفه
خاشع عله ايتامه يطب
🔶️ 🔶️ 🔶️ 🔶️ 🔶️ 🔶️ 🔶️ 🔶️
حاتم الطائي ويه الكرم اسمه خبر كل ديره
والعرب بي اتنومست جي يختلف عن غيره
بس وحده اسولف عن علي ونشوف الاكثر خيره
النهر من حل بي عطش عزبله راعي الغيره

مايصح مثله بكل زمن
يمطر حميه عله المحن
مو دم سره بكلبي ابد
حروف اسمه وي دمي سرن
🔶️ 🔶️ 🔶️ 🔶️ 🔶️ 🔶️ 🔶️ 🔶️
خليني انوح الطبرتك وي زينب عله اعتابك
وخليني اتوسم حزن عبد العبيد اترابك
يابو تراب من المهد نذرتني امي ابابك
وخلطت دمع ويه الحليب ورضعتني مصابك

ماتوب من دمعي ابد.
يا بالحسن اخذالعهد
للموت راح ابجيلك
والگلب للنوح استعد
🔶️ 🔶️ 🔶️ 🔶️ 🔶️ 🔶️ 🔶️ 🔶️

حيدر الرومي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ـــــــــــــــــــــــــــــــ
فجعـوهــا فجعـوهــا شيعـة حيـدر فجعـوهــا
أو صــوت المصيبـه إبكــل دار
حـرمـوهــا مـن حـامي الجار
شيعــة حيـــدر فجعــــوهـــــا
************************************************************************************************************
هـــالليلــه نــــار الشيعــه شيطفيّهـــا
أو تــدّي الجـــروح أو محـدّ ايشافيها
حسبتهـــا صعبـــه أو راح اليصفيّهـا
شبــوهـــا شبــوهـــا نار الهظـم شبــوهـــا
أو دمع النوايب سـﭽـاب
من ضيّعت داحي الباب
شيعــة حيـــدر فجعــــوهـــــا
************************************************************************************************************
عــالشيعه ﭼـانت هــاي أشدْ كـل ليله
راح أمــن إديهـــا اللــي يــرّدْ العيلـه
أو مــن هــم وكتها أشما ثگل تشكيله
غدروهـــا غدروهـــا إبحامي الحمه غدروهـــا
مــا تقبــل إنعيش أحرار
حــزب آل أمُيــه الفجّــار
شيعــة حيـــدر فجعــــوهـــــا


هــاي الجــريمه اللي سدت معروفــه
إو عـدْ آل أمُيه إبكـل عصـر مــألوفه
واكبــر دليــل اللـي حصـل بـــالكوفه
تبعــوهـــا تبعــوهـــا أطبـاع المضـو تبعوهـــا
وأتقــاسمــوهــــا الأدوار
يـــوم السقيفــــه الأشـــرار
شيعــة حيـــدر فجعــــوهـــــا
**************************************************************
هـــالملّـه مـــن دون الملـل متعــوبـه
أو يـوميــه نكبـه إمــن الدهر منكوبه
أتصبّـح زلمهــا إعله النخل مصلوبه
رادوهـــا رادوهـــا تتـرك"علي" رادوهـــا
وأتمسكـت بـــالكـــــرار
ﭽـي نهجــه نهـــج المختــار
شيعــة حيـــدر فجعــــوهـــــا
**************************************************************
شـوف أبــوگتنـه الطـائفــــه الشيعيّـه
بسم التطــرّف تنــــذبــــح يــــوميــه
أو مـــا إلهـا حــق أتمـــارس الحريه
عادوهـــا عادوهـــا أبشتى الطرق عادوهـــا
ﭽـي قــرّرت مــا تختار
غيــر ألأباة الاطهــــار
شيعــة حيـــدر فجعــــوهـــــا


خادم اهل البيت عليهم السلام


ابو حيدر المجراوي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اودعنك يحيدر ليش اودعنك
وانه ام البنين وهيبتي منك
دليلي اتعود ايشوفك ..وامان الدنيه بجفوفك
اخذني اوياك مااكدر اعوفنك
ـــــــــ
لاتكلي الليله ارحل ياحلم كوه لكيتك
وانه بحلامي ويقظتي ويه روحي اشكد حجيتك
بالحلم جن نور اجاني وصل اجدامي الثنيتك
وانتبه لنها الزجيه هيه دلتني اعله بيتك
هذا كلبي وضلعي حاني ...اعليج اتكلي وداني
أبوي اوسولفت عنك ...اودعك ليش اودعنك
ـــــــ
أكعد أوياي انتباصر وسولف انته شماخفيته
من يمر يوم ابخدمتك خاف اكولن قصريته
هم شكالك حاله يمك احد اولادك لكيته
جلمة الييمه شلتهه خاف الحسين واذيته
اتغير ابكلشي الليالي ..وهذا حالي تدري حالي
ماخيبت لحظه ظنك ..اودعك ليش اودعنك
ــــــــ
صبرت اوياك باللامك وحملت همومك ابكلبي
امنيتي والله حققهه دعيت انه شكثر ربي
استجاب الباري لدموعي ولاضيع ابد تعبي
طلبتي اخدم الزهره ولاخيب امل طلبي
بيك اخدمهه كل ليله ...واخدم باقي العيله
وناوي اعله الهجر جنك ..اودعك ليش اودعنك
ــــــــــــ
هذوله اولادي واولادك بعد بيمن توصينه
جبت عباس كدامك واريد اتعاين ابعينه
كسر كلبي هضم حاله يشكي احواله لحسينه
وشفت زينب تسولفله يعباس انكسر بينه
الحسن كدامك اتشوفه ...مسح دمعاته بجفوفه
شصبر وني لو ونك ...اودعك ليش اودعنك
ـــــــــــ
حبست انفاسي ودموعي وعاين وانته تتلوه
جرعت اللامك ابروحي واصبر بالصبر كوه
اذا زينب اشوفنهه ودمعهه ابخدهه يتروه
واذا كلنه يتامه اليوم وانته البيك المروه
شسكت دمعي دمعتهه ..تضمهه ونشغه فضحتهه
اسكت دمعي اظمنلك ..اودعك ليش اودعنك
.......



علي الحاج الصبيحاوي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حزن عدنه أو بـﭼـي إبكل دار الليله أنوّدع الكرّار
تيتمنه أو تـــألمّنـــه الليلــه أنــوّدع الكـرار

*****************************************

الأرامل واليتـامـــى اليوم تنعــى إبعبـــره والــدها
حگهـــا أو مـــا تنام الليل غير المرتضى اشعدهــا
ﭼـانت مــن بيــوت المال گبــل إعيــالــه يفگـــدها
وذا عــالت عليهــا الناس ﭼــان أبهيبتـــه إيـــرّدها

يـراعيها او يـواسيها هاي اطباعه حامي الجار

**************************************

حزن عدنه او لطم واصياح او علينا الدنيه متحـزمه
مــن جــاب الخبــر جبريل يهتف طــاح أبـو اليمّه
ركضنه أو سـاجــد الگيناه لكــــــن سابــح إبدمّــه
صابن راس أبــو الحسنين سيف الظـالــــم إو سمّه

أشبعد عدنه يوالدنه بعدنه إعله المصيبه إزغار




حزن عدنه او بـﭼـي إبكل دار الدمعه أبحرگه نسـﭼبهــا
أو لبسنــاهــا الثيــاب الســـود أو مـا ظن يا علي انذبهـا
أو بينــه الــدنيـه ألف يـا حيف نشبت مخـــــالبهــــــــــا
تــريـــد إتسلّط الأشــــــــــرار وشتحسبهــــا تحسبهــــا

حسبنـاهـا او عـرفنـاها مـن يوم المشى المختار
*****************************************************

حزن عدنه أو نصيح بصوت ضــاگت يـــا علــي إدخيلك
يـــالمخـــوّف المنــايا اشلون يــا گــــاع الـــــذي اتشيــلك
الــوادم ﭼـانت امـــن الظيـم إذا وازاهــــــا تشكيـــــــــلك
أظــن حگهــا يــداحـي الباب مـــن دم هسّـــه تبـﭼيــــــلك

يـواليها يحــاميهـا لـوّن بيهــا الـوكت يندار
*****************************************************

صحيـح الجنّـه الك تشتاگ او صحيح الباري مختارك
لـﭼن شانت يبـو الكلفات تظّل إبــلا ولـي أنصارك
أو تظل لبــن الطليق الناس عبيــد أو تنســـه مشـــوارك
-علي - و يا فرحة الشمّات يــوم التحكم ابـــدارك

تجي إتذلنه او تعاملنه إبحقّد يا جوهر الأسرار


خادم اهل البيت – ابو حيدر المجراوي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حيدر من طاح أبمحرابه والكون إتكدّر بصوابـه
حيدر من طاح إبمحرابه

********************************************

يـــا حيــدر مـذهــولــه أحبابك
والتمت مفجــوعـــه إبـــابـــك
أشلــون إتجسّر هـذا إوصـابك
متأكد سيفك بـﮔـرابه — حيدر من طاح

********************************************

أيتـــامـــــك تصـــرخ وعيـالك
والـﭼـانت مــرتــاحــه إبجالك
ويْ نعشــك طلعـت تبــــــرالك
من هذا المنظر مرتابه — حيدر من طاح
********************************************

يملــوّي إســـروج الخيـــاّلـــه
ربـعــك متعجبــه الهــالحــاله
ﭼتـــالك مــــا مَـــرّ إبّـــــالـــه
با ﭽـر إنته أتوقع اكتابه — حيدر من طاح
********************************************


يـــا ســور الـديـن او نـاطوره
والــرايــــه البيـــدك منصوره
سيفك تشهــدلــــه المعمــوره
سيفك كل الدنيا إتهابه — حيدر من طاح

********************************************

لــو نستعـرض قصّــة سيفــك
يعـــرف تكليفـــــه أو تكليفــك
تتخيــر بـــالـــروس إبكيفــــك
ماضي أوسيفك ماضي أصوابه — حيدر من طاح

********************************************


ثـــــابت تتـــــــوسط ميــدانك
إشمــا يحمل جحفل عــدوانك
كـــرار أو خيبــــر عنــــوانك
غيرك محّد يقلع بـابـه — حيدر من طاح

********************************************


خادم اهل البيت عليهم السلام
ابو حيدر المجراوي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ريّض بــالعــزاز يـــالمـاشي جنــاز
يـــا هــو اليـدّگ بــابـي مــن تـاخــذ أحبـابـي
يـــالمـاشي جنــاز
*****************************************

يــا من مشيت أبحيدره وين أتريد خليني أوّدعه والدي أوضي عيني
لا تمشي حيل أو تبتعد عني أبعيد مــا بيـّه أتبعّه أمـــروّتك تــانينــي
تدري أنته ماخذ سلوتي أو باﭼر عيد دمعه أعله دمعه أمكــدّره إتخليني

إمن أتطش الضعــون شيصبـــر العيون
إمن أتـريد أهــاليها مجبــوره أبــﭼيّها
يـــالمـاشي جنــاز

**************************************
يامن خذت حامي الضعن تالي الليل ﭼـا خبّـــرتنا أو نستعد لــوداعه
وأنتـه أدرى بفراگ الأبو أيهدّ الحيل ليش أتركتنا للكـــدر شمـاعـــه
لــو تـــدري بدموع الحزن دم إتسيــل ﭼـا مـا عفتنا بـالخـدر هــالساعه

ﭽــــا رحنــا ويـــــاك للمـﮔبـره أهنـــاك
خــاطر تـــدلينــــــا ابـﮔبـره اوترد بينا
يـــالمـاشي جنــاز


خلوني أروح أو يالنعش يـالمـاشيـن أرد أطفي همي أونـارالبدلالــي
نـاسيته بس هسـه أنلـﭼم بعد أسنين جرحي اعله أمي واليتم شل حالي
وأهنـاك أريد أعله الگبر خويه حسين بس أنتــه يمي أو من أرد تبرالي
والـــدنـــــه وصـــاك خــويه آنه بحماك
مــن تــوحش أيـامي أتشاركنـي بآلآمي
يـــالمـاشي جنــاز
*****************************************************
بالله إعله هونك يـالخذت داحي الباب صبرك عليه أو خل علي ابهالليله
وي حامي جاره العايله عدها أعتاب هــاي المسيه أو رايــده تشكيله
عــايفنه ليش أبهـالوضع بيــن أجنـاب صعبه القضيه أومن يرد العيله
أو مـــن يـرعى الأيتام يــا سيف الإسلام
أو يــا هـــو اليحامينا مــن جور أعادينا
يـــالمـاشي جنــاز
*****************************************************
مــا ﭼـانت إبــالي أبد هيـﭻ أيجور دهري أو زماني أو يبتعد بحبابي
وبكيفه دولاب الــوكت بينا أيدور وأبگه آنه أعاني أو ما ترد غيابي
والـﭼـان اليه أمن الزمن مثل سور بس طيفـه أجاني أو بالحلم دگ بابي
أو ســولفلـي بهــداي مـن تجفي دنياي
أو ظيم اليمــر بينا والكفــــر تسبينا
يـــالمـاشي جنــاز


خادم اهل البيت عليهم السلام ابو حيدر المجراوي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

صــوت يهتـف بـالسمه والأميــــن إينـــادي
طــاح حمّــــاي الحمـــه أو سور دين الهــادي
أهتــزت أركـــان الهـدايــه أو محــزن الكـــون
*****************************************

طلـع مــن بيتـــه الصميـده بعــد مــا أنــوى الصيّام
أمسك إو أكمــل وضــوءه أو گصد بيت الله الحرام
صلى عالمصطفى الهـادي أو أيقظ النــــاس النيــام
أو گبــل لا يبدي إبصلاتـه أذّن إبصـــوتـــه الإمـام
أو رجــع أَمْ المـــؤمنيـن أو رتّـل أعظـم آيه
إبصــوتـه نبرة خاشعين أو دمعته إمصلايه
أتبللّت تــربـــة صــلاتـه إبـدمــع العيون

**************************************

بعــــد أوّل سجــــده حيـدر راد يسجـــد مـــن جديد
بـــادره إبسيفــــه المـرادي المـــوضع الهـامه يريد
سيفــه بيــه حقـــــد آل أُميه أو حقـــد ثـارات الوليد
لا عـــرف حـــرمــة صيّام أو لا ذكــر يوم الوعيد
أبـــن ملجـــــم ينتظـر حـــاسب إلهـا إحسابه
صـوّبه أبسيف الغـدر أصواب فوگ إصوابه
ﺤﮔـــهم أنصار الإمــامه إعليه يجزعـون

**************************************

طلعت أنصـــار الإمـــــام أتصيــح وي خيط الفجر
مرّه تبـﭼـي أبصوت عالي أو مــرّه تلطم عـالصدر
أخلاف حامي الجار تدعي ريت لا طــــال العمـــر
أو تدري من بعد الصميده أردود تحكمهـــا الكفـــر
عگب حمـــاي الـــدخيـل مــن يخمــد نـارها
ويـــن مـــا ﭼـــانت تميل أبـﭼفه يأخذ ثأرها
أو هسه من غرّب وليها أتفارگه أشلــون
*****************************************************
ﭼـان ديــن الهـــادي محّـد غيــــره يحمــــل رايتــه
أيــريـــد تثبيت الــــرساله والشهــــاده غــــايتــــــه
ﭼـانت أصفــوف الكتـايب تنكســـر مـــــن حملتـــه
والأبطــال أيشــح صبرها أو تنهـــزم لـــو شـــافته
حيــدره أو ليث العـــرب والعــدى أيعرفونه
المــوت عالجيش أنكتب لــو ركب ميمــونه
حيــدرالديـــن ابوجــوده ﭼـان مأمــون
*****************************************************
دومـــه يحضــر بــالشدايد وأسمه أبــو الحمله علي
الحــومـه مـن يشتد وغاها إبسيف حيــــدر تنجلـــي
ﭼــان مـلك المـــوت سيفه أليّمـــه يگــــرب يبتلــي
أشلــون يــوصلهّ المرادي يـــا سمــــاء أتــزلـــزلـي
هـذا أبــن عــم الــرسول اسمه حامي ادياره
حيـــدره أو زوج البتـول أو عنده كل أسراره
ساند الهادي أبدعوته أو ﭼـان إلــه عـون
*****************************************************
خادم اهل البيت
ابو حيدر المجراوي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وين وين ... ... رايـح علي رايـح
وين وين ... ... تدري البُعد جارح
فرگتك منيه
والهجـر أذيـه

ــــــــــــــــــــــــــــــــــــــ
آنه كلـكــم فارگتكم
وهوه من طبع الحبايب مايظلون
چي أودكم أفتقدكـم
مرو لو حته إبحلم مشتاگه الاعيون

عميه عين المگبـرة .. .. .. تـــاخـذ الحــبــوني
جدي وامي بالسره .. .. .. راحـــو وعــافــوني
والـيتـم ياحيـــدره .. .. .. أمبين اعله إعيوني

ليش ليش ... ... عن زينبك ترحل
ليش ليش ... ... ورد العـمـر يذبل
شو رحت ضحيه
والهــجـــر أذيـــه

ــــــــــــــــــــــــــــــــــــــ
بهذا كسري وحيرة أمري
أرد أعاتبكم وأشوف إشكد غلاتي
عني رحتو وابـتــعــدتـو
واحــد ايــودّع الثاني من حيـاتي

بالخيــال أرسم صور .. .. .. وبالنــواظـر مأتم
كلــشـي بالدنيه زغــر .. .. .. بس چبيره أتيتم
أنختمت أوراق السفر .. .. .. النعش يگطـر دم

نام نام ... ... نــــوم الهَنه والعــز
نام نام ... ... ما ابچي خاف اتفر
ونّتي خفيه
والهجر أذيه

ــــــــــــــــــــــــــــــــــــــ

لحظة وإبساع صار الإوداع
صدگ هاي الدنيه هاي أم العجايب
ظلع مكسور وراس مطبور
وآنه بچتافي إنطبع نعش الحبايب

اليـتـــامــه وعيلـتـك .. .. .. فاگـــدين إرسـومك
گمت اطب الحجرتك .. .. .. وبس أشم بهدومك
خــاف أَذّي طبــرتـك .. .. .. لابـعــد ما لــومـــك

روح روح ... ... الدنيه ماتسـوه
روح روح ... ... وآنه أبقه أتلوّه
أبالي غاضريه
والـهــجر أذيه

ــــــــــــــــــــــــــــــــــــــ

ياضوه الدار بالگلب نار
علـي رمضـانـك محـرم هـل عليه
إنته مدفون وتبچي العيون
وآنه حـالي إبغيبتك حـال السبيه

بروحي مشتعله الخيم .. .. .. والگمــر خـــلاني
إيگلـي بعيــوني السهم .. .. .. والعَــمـد أذانـــي
بــعــد مــا شيــل العلم .. .. .. اتگصصن ذرعاني

يوم يوم ... ... أشتم جرح راسك
يوم يوم ... ... ايودعني #عبـاسك
أشسوّه دهري بيه
والــهــجـر أذيــــه

ــــــــــــــــــــــــــــــــــــــ

مدلي أيدك بويه أريدك
تمسح آخر دمعه وأتخفّف عــذابي
يالچنت دوم إتفر من النوم
خاف واحد بالحلم ينظر حجــابي

باچــر انجــر بالحبل .. .. .. ياعلــي واتسلب
البـد إبـســد الـهــزل .. .. .. وبالعَلم أتحجب
ياعلي وسوط الندل .. .. .. عالمتن يتگـلـب

آه آه ... ... بين الهـــزل والتل
آه آه ... ... أقره اثنعش مقتل
واختم بــرُقيه
والهجــــر أذيه

ــــــــــــــــــــــــــــــــــــــ

واليأذنون خل يگــولون
أشهـد ان علي إبوسـط المگــابر
يابو الأيتام وعطر الإسلام
الما تذكرك ياعلي خرسه المناير

عايش إتظل يالولـي .. .. .. وماتــمــوت أيامــك
وإنتـه تبقه المعتلـي .. .. .. وكلهه تحت أقدامك
إبليس يـركـع ياعلي .. .. .. لو شــلـت صمامــك

بيك بيك ... ... غيرة محمدنه
بيك بيك ... ... نور اليوحّـدنه
وحضــرتك بَهيه
والهـــجـــر أذيه


#العبدالحسيني_محمدالجماسي





الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747