قصيدة للسيده زينب ع تبحث عن اخيها
الحسين ع بين الاشلاء في ساحة المعركه
بعد استشهاده .......
القصيده على طور قصيدة ادور عليك يبن امي للشيخ ياسين الرميثي الله يرحمه...
*******************

ساعة طحت علتربان

********************
ساعة طحت خويه حسين
وذيج الساعه ميشومه
ما ظل لا فكر لا حيل
وزينب غدت مهظومه
*******************
لو تدري اشجره ابهل الحال
بساعة طحت علتربان
احسن بالشمس طاحت
بالحومه بكلب حيران
وعم بينه ظلام الليل
وضاعت شوفة الميدان
اشلون اندل بعد يحسين
وما باجي نظر.......بالعين
مسكومه ولفاني البين
وياهو لحالي افزعنه
واني بحيره مظلومه
*(*********************
وكلبي ما ركد والله

فز مني واجاك ايلوب
واني اركض وره الدلال
وحطني والعكل مرهوب
وشفتك يا رفيف العين
طايح والجسد مسلوب
ومن شفتك صحت يحماي
ما ظل لا عكل لا راي
جا بيمن بعد رجواي
وانتم علترب يا حيف
وبلايه غسل نومه
******************
وشفت فوك الرمح راسك
وعلينه اعيونك اربيه
وجن راسك يناديني
بالج علحرم خويه
باجر علهزل والنوك
كلكم وانتي مسبيه
المكصد باجر الكوفه
وحرمنه الوادم اتشوفه
وانتي اللبوه معروفه
حارسكم يخويه الله
الدنيه بجفه محكومه
********************
لون تدري اشكثر لوعات
ظكت من الدهر بعدك
اولهن ينور العين
ما احمل ثكل فكدك
وتدري انته الحرم واني
امانة حيدره عندك
لكنه الدهر.....غدار
ما خله ظوه بالدار
وبصدري تشب النار
وياخويه اليسر مخطور
وزينب والله مهدومه
*******************
واجيت بليل ادورنك
وما شوفن بعد دربي
وما بين الجثث والناس
دلاني بلهف كلبي
جنت مندل يبو الاهات
وابدن هذا مو ذنبي
مسلب بالعره ومطروح
يبن حيدر يبعد الروح
وبكت زينب عليك اتنوح
ما تسمع يخي ونها
يلنايم على الحومه
********************
ينشدوني الحرم جا وين
ابونه اتعطل اعلينه
من ارجع شكللهم
مخذم عفت والينه
ذاك اعله الرمح راسه
انذبح ظامي اليحامينه
لا راي وفكر لا حيل
وعبرت يا وسافه الخيل
ومن عبرت لفانه الويل
وما خلو خيم لا بيت
وروحي اصبحت مكظومه
*******************
بقلم الخادم...الشاعر مهدي العبساوي
****،***************************
الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دخول الضعن
..
شايل غبار القافله رساله
من المدينه لكربله رساله
يرض النواويس الضعن جاي
يـمچ امانه حسين مولاي
...
يا كربله ضيفچ نوه يشد الرحيل بضعنه
بليل راح لفاطمه ودع گبرها بونّه
ومر برسول الله وبچه وقرر الچ يتعنه
ياجنة الله استقبلي سيد شباب الجنه

يمچ مصابيح السمه امانه
يا كربله من فاطمه امانه
من يوم راح و ظلمه دنياي
يـمچ امانه حسين مولاي
...
هاي الضعينه اسبعطش كوكب يدور اعليها
عاف المدينه خاليه ولا هاشمي الظل بيها
حته الطفل وياه مشه بس طفلته مخليها
ظلت عليله بلا دوه وداع الابو مبچيها

وام البنين تطش دمع وداعه
خلاها محنية ضلع وداعه
سِمعي وصية ام الوفه هاي
يـمچ امانه حسين مولاي
...
عباس اجه بهالقافله وراية علي بيمينه
قائد الجيش الهاشمي بخدر السمه موصينه
يا كربله وصي النهر لا تنگطع چفينه
ولا تنطفي عينه بسهم زينب امانه بعينه

وحسين يفگد عالنهر اخيه
وبطيحته يكسر ظهر أخيه
من يوگع العباس عالماي
يـمچ امانه حسين مولاي
...
يا كربله حسينچ اجه وشايل رسالة جده
يذبحون اخوته وصحبته وبالعاشر يظل وحده
عالمهر لو شفتي السهم لظهر الحسين اتعده
يا كربله وصي الرمل لا ينچوي بي خده

والشمر روح المصطفه يذبحه
بثنعش طبره من الگفه يذبحه
يـا كربله بجروحه الـهواي
يـمچ امانه حسين مولاي
...
يا كربله زينب اجت والبالخدر معروفه
وصيلي تل الزينبي لا بشر ظلها يشوفه
من توگع اچفوف الوفه تمشي بحبل مچتوفه
هذي حبيبة فاطمه مو مال شام وكوفه

ما لايگ اعليها إسم سبيه
ويلاه تمشي اويه الزلم سبيه
تناديچ من يحديها حداي
يـمچ امانه حسين مولاي
...
خادم الحسين ( عليه السلام)
كرار حسين الكربلائي
( ابو كميل)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

584-دفن الاجساد الزاكيات...جديد ٢٠١٩
___________________________
ايجمعه راد و ما كَدر..جسمه متكَطع وذر
ناده جيبولي الحصيرة
حيرة السجاد حيرة
و الله حيرة. و الله حيرة
____________________________
من وصل جسم الغريب ..شافه مطروح و سليب
و التراب اكفان صاير
يرتفع منه النحيب..شلونه حالك يالحبيب
بشيلِته السجاد حاير
ناده جيبولي الحصير..حزنه بالخاطر جبير
عاين بناظر حسير..و الكَلب ضامي و كسير
يجمع اوصال الجسد
جمرة ساعر ما خمد
نزّل حسين بحفيرة...1
___________________________
قبّل النحر القطيع..بعده يتنازف نَجيع
و النحر حسرات نازف
اتكلّم بصوته الرَفيع..عالصدر خلّي الرضيع
من الظلام ايكون خايف
همسة من نحر الحُسين..بيهه يتهادَه الحَنين
حسرة الام و أنين..نزفه من كَطع الوَتين
عالجسم هال الترُب
و الدمع من دم يصُب
روحه جن صارت أسيرة....2
___________________________
من بعد دفن الأمام..يدفن اصحابه الكرام
بس حبيب بحفرة وحده
بعينه مشدوه الكلام..ردّد اعليهم سلام
بالجمر مشبوب جبده
وسّد اصحابه الأُباة..لاجله عافوهه الحياة
فرحوا بهذا الممات..كلهم اِقدام و ثبات
كلهم ايثار او وفه
كَالوا الدنيه العَفَه
وافَوا ال حيدر غَديره....3
___________________________
اتوجّه ال شاطي المُصاب..شايل اهموم و عتاب
و الدمع من عينه سايل
دمعة الام انتحاب..عمّه نايم عالتراب
من سرَت عنّه المَحامل
ما تريد اسكينه ماي..عاود الزينب مَعاي
و استمع لوعة بجاي..ظلمة من بعدك سِماي
اعيوني فاركَهه الضوه
و ريتي جافاهه الهوه
من بعد بدر العَشيرة....4
___________________________
عاوَد بوكت الغروب..و زينب اتباري الدروب
و الحزن لفراكَه زايد
تنتظر جيته و تلوب..و الكَلب ناعي و يذوب
اتأخرِت كَامت تناشد
كَلهه بالدمعة العليل..ادفنْت اخوتج و الكفيل
نادت بمدمع يسيل..خويه ما ظل عندي حيل
ضامي مدفون بلحِد
ارقية تنتظرك ترد
يا ورد راحل عَبيره....5
=_=__=_=_=_=_=_=_=_=_=_=_=_=
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزال +شور .. الوِصِيه


وِصِيتَك بويه ما ناسيها
وِصِيتَك دوم اسولف بيها


وصاني والدي من الزغر
يابويه ابخدمة احسين استمر
للغالي فدوه صوتك والعمر
وانطاني خير الحسين اشكثر

عطيتك يابشر يحصيها
وصيتك دوم اسولف بيها



كلماتك مثل ترچيه بأذن
دمعاتك بويه رَوَنيِ الحزن
شيباتك على زينب والمتن
ترباتك للطم صدري يحن

بچيتك عايش الطف بيها
وصيتك دوم اسولف بيها


كض ايدي وكالي اسمع هالحچي
عالغالي ايحلي العيون البچي
عالخدمه دير بالك تنتچي
يوليدي بس للحسين اشتچي

هَوُيِتَك خدمتك سويها
وصيتك دوم اسولف بيها


يابويه خلي گلبك يحترگ
للخيمه صِيّر ماي وموفتگ
عبراتك بيها صدرك ينسحگ
ياخادم صير خادم من صدگ

مَشيِتَك قصتك ترويها
وصيتك دوم اسولف بيها



بعيوني خدمة احسين الرمش
والعاشر سده بجروحي هرش
ودموعي من عصر بالخد ترش
يايومك ينهش ابروحي نهش

لگيتك عَبرِتي شاريها
وصيتك دوم اسولف بيها


حبيتك وانت بعيوني دمع
ظميتك عالبشر كسرة ضلع
شميتك وانت وردك منگطع
سميتك والد أجروحي التسع

نَخيِتَك شيعتك تحميها
وصيتك دوم اسولف بيها



فيصل المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للسبي
.


حـرامـات .. الامــيرات .. ســبيات
يابو فاضل
__

الچانن ابنورك يكشخن چيه ضواك ايحيط بيهن
والنــجم ياخـويه اذكــر يخــجل ايــباوع عـليهن
عــگب كــل ذاك الـدلال وعگـب عــزهن ياولـيهن
هــسه عــلويـات الله بسنــسله امگيــدين اديـهن

الكريمات .. الامــيرات .. ســبيات
يابو فاضل

__

البالظعن كل ساع اعدهن تعرف ابأختك وفيه
امن احسبتهن لـنه ظعـني يالاخو ناقص سبيه
النــوگ كلــهن شايـلات وخــاليـه نــاگــة رقيه
صحت يالحادي انتـظرها يســمع ومـارد عليه

معـانــات .. الامــيرات .. ســبيات
يابو فاضل

__

شامت امن ابعــيد صاح ايگــلي وينـه ابو فاضل
ها يزينب شـو خواته عـلى الــنوگ ابـــلا محامل
آشـــر النــسوانه گــال اســتقبــلنــهن بالــهــلاهل
الضحكه ترست وجها كوداً شافنه من غير كافل

وگلب مات .. الامــيرات .. ســبيات
يابو فاضل

__

يالاخــو المــاشـايفتــهن اعــتقد حتــى المرايه
هسـه صارن خــويه فرجه وطبــبوهن بالولايه
الشمر ترس اذني حچاها وموتـتني هالحچايه
گال ذنــي امـخدرات وهــسه جبـناهن سبـايه

حـكايـات .. الامــيرات .. ســبيات
يابو فاضل

__

على ياشده اسولف خويه وبگلبي الـف شده
الشامت اعليه يخويه السانه كل ساعه يمده
على اسـكينه النـوب أشر رادها خدامه عنده
صحت وينـك ياكفيلي يابو فاضــل گوم رده

بالآهــات .. الامــيرات .. ســبيات
يابو فاضل

__

النايــبات اخـلاف عينــاك بالفـــواط ظــيــم ســــون
ونــوگــهن ونـــت عليـــهن مــن كـــثر مــاهـــنه وَنن
ماحچــن كــلشي خــواتك غير بــس ياخـويه يـبچن
امتونهن عالگاع طاحت من ظرب سوط ابن جوشن

وجراحات .. الامــيرات .. ســبيات
يابو فاضل
__
تمت والحمد لله
حيدر تركي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(زينب والعباس –السبي)
يابو فاضل طاره ادروب الأبـد ماشايفتهه
يابو فاضل زينب العلويه جا عدمن عفتهه
بس حريم بهالصحاري تايهه ابنص البراري
يابو فاضل يابو فاضل
****
خويه يابدر العشــــيره وياحجـاب الربتك
اشكد صعب والله عليه ماشــيه ابلا خوتك
ابد مامعقوله خويــــــه ما اشــــوفن رايتك
الجانت اظلل عليــــــه لو طلعت ابشيمتك
يابو فاضل هاي ماجانت على بال العقيله
يابو فاضل بيرغك شمر النذل بيده يشيله
وعد وامكدر اثاري تايهه ابنص البراي
يابوفاضل يابو فاضل
****
آخ شحجيلك يغالــــــــــــي خويه عن درب اليسر
ادروب ماشافتهه عينـــــي منهه كَلـــبي ينعصر
بنص صحاري بهالبراري ليل مصـــباح وعصر
وآنه علويــــــــــه وجبيره امجتفه وبيــــــد الشمر
يابوفاضل فوك ضيم المشرعه والغاضريه
يابوفاضل امجتفه بحبال هســــه آنه وسبيه
كافله ايتام واداري تايهه ابنص البراري
يابو فاضل يابوفاضل
****
حايره وبس اليتامــــــه ســــــايرين بهالضعن
ونار مستعره بدليلــــي اضلوعي احسنهن دون
وخويه من كَد ماانــوح النوك اشــــوفنهن بجن
اكسر الخاطر يخويــــه وعلى حالـــــي دمعن
يابو فاضل من نطر الناس تنظرنه بشماته
يابو فاضل اتكول عباس انكتل ذني خواته
والله احس اظلم نهاري تايهه ابنص البراري
يابو افضل يابو فاضل
****
وين جانت يابو فاضــــــــل راجبه انـــــــياك الهزل
وعلى امتوني انطك يخويه على جف واحــــد نذل
والله تخنكَني عبرتــــــــــي لو صحت يابو الفضل
اهواي صعبه يبو الغيــــره وهالأمــــر لا موسهل

يابو فاضل حيل يوجعني النذل لو طــك متوني
يابو فاضل اكباله ما اخلي الدمع يترس جفوني
اسطبر هذا قراري تايه ابنص البراري
يابو فاضل يابو فاضل
****

النوم مايطره اعله بالـــي من يجن ليل السـمه
افرش اعباتي ويجنـــــي ارقيه سكنه وفاطـمه
واليتامه اتدور يمــــــــي امن التعـــب متألـمه
ناموا اكَلهم آنه يمكــــــم ساهره وما نايـــــمه

يابو فاضل امساهره وليل اليمر ماتغفه عيني
يابو فاضل ابجي ســكته واندبك خويه بأنيني
اختك وملتهـــبه ناري تايهه ابنص البراري
يابو فاضل يابو فاضل
****

فوك ضيم الغاضـــــريه والخيام امحركَـــه
انوب مسبيه العقيلــــــه والجــدام امطكَكَــه
امرمره ارياكي وجبدتي جن احسه امزكَـه
شلون ماميته عجيبـــــه والضلوع امطبكَــه

يابو فاضل روحي ظلت عالنهر يم الشريعه
يابو فاضل اتوسدت جفين من عندك كَطيعه
وجسمي بضعونك يباري تايهه ابنص البراري
يابو فاضل يابو فاضل



الشاعر أبو علي الركابي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

تدري بيه  جننتني محبتك
تدري بيه  واهسي بس خدمتك

*
عن بابك شما ابتعد   مهما عِلّه بـﭼـفي المجد
لازم على عتابك ارد    يامن ملكت اوجودي
لوماأنوح بمجلسك     بعبره اختنگ وتنفسك
احسبني اني عابسك   يابس وخضر عودي
عيشني عمري بمآتمك   المامنـﭼوي امن مخيمك
لاعاشگ ولاهايمك      وفقني اوشد زودي

ياحبيبي  وفقني اخدم حضرتك
تدري بيه  جننتني محبتك ..

*

ندري اليمد ايده لبشر     ماتبقه اله قيمه وقدر
ومديت اله ايدي بفخر   رد ايدي الي مليانه
خليني اجيك بحسرتي   بعتبتك اجري عبرتي
يمك  اطول  گعدتي        روحي الك لهفانه
منين ماانضرك سمه        تمطر حنان ومرحمه
سبحان رب السلمه         گلوب الخلق وٳجنانه

مالي غيرك  . بصايت الله وصايتك
تدري بيه  جننتني محبتك

*

مدفون سري بكربله    شارع السدره اشتاگ اله
موكب يمر او قافله     اذكر ضعن مسبيه
 گبالي يصبح منضرك    حر الشموس مغيرك
بالصحن جن يم منحرك  تبجي عليك ارقيه
ماعايش اني مصيبتك    استحي من بنيتك
مشتاكه ليك وحضنتك   وبالصحن جم علويه


بعيد عنك . ماعشتها مصيبتك
تدري بيه  . جننتني محبتك

*

وفقني مولاي الجزع     ارزقني يحسين الدمع
 وكلبي القاسي ينفجع    من يسمع اللطميه
وبمجلسك اكنس بسط    ولكل مُعزي ﭼـاي احط
خليني اتعب وانفحط       وأثواب اوزع اميه
محزم انه بخدمتك         شاغل افكاري حضرتك
ومالحضه انسه مصيبتك   ساكن بالحسينيه

ابجي حركه . لوقرو بقرايتك
تدري بيه . جننتني محبتك

*

خليني يم بابك عبد     اسكي الرايح واليرد
واني اعرف الي ينطرد   من رحمتك ياويله
مولاي فدوه مروتك     غطيني بضل رايتك
كحل عيوني بنضرتك    مديت الك اديه
وعالتل اصليلك فرض   واباسمك يلبي النبض
هنياله كلب الي حفض   اسمه وكل طاريه

اني ضايع .  دليني امشي بحرثتك
تدري بيه  . جننتني محبتك

*

اللهم صلي اعله العزاء     واعله اليحبون البكاء
يمبجي عيون السماء       حزمني وبجيني
كالو زليخه تسودنت     بيوسفها حيل تعلكت
تعبت عليه ودورت       واني ادور حسيني
اليحب محبوبه بشغف   موهين ينول الشرف
عباس ادري اطاله جف  وكل للسهم شك عيني

مقصر اني . ذنوبي ادري اذتك
تدري بيه . جننتني محبتك

***

علي محسن الفرالفرطوسي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

{ محرم }

امسي بخيمه وصبح شابع ونين
انه شعندي يعالم غير الحسين

١-
الكاع ابسمه صارت عالترب من طاح
وانه ابكاعه يعالم اشتغل فلاح
تعوفوني بشغلتي هواي احس مرتاح

فلاليح شكثر بالخدمه ماشين
انه شعندي يعالم غير الحسين

******
٢-
صرت مجنونه مو عن غايه وهداف
انه العاشك رغم محبوبي ما ينشاف
هوه العنده مثل حسيني هم ينعاف

تره شغلت كلب مو شغلت العين
انه شعندي يعالم غير الحسين

******
٣-
اذا اعوف المجالس واللطم شسوه
محرم نعمه ويامه شكثر حلوه
قفل كلبي عليك وما بعد يهوه

نذر ناذر حياتي وهاي السنين
انه شعندي يعالم غير الحسين

*****
٤-
احسن كلشي الاملكه من المجالس هاي
وحس ماعندي دنيا حسيني دنياي
ولا مره طلبته وردني احس مولاي

تره اخلافه اضيع مثل المضيعين
انه شعندي يعالم غير الحسين

******
٥-
خيري وخير ابوي وكلشي من عنده
ولا واحد كصدله وخايب يرده
الخادم يبقى خيره لحد ولد ولده

شكبرها انه انحسب ويه المعزين
انه شعندي يعالم غير الحسين

*****
٦-
بصحاب الكساء الباري من وصه
مضمون الكتاب اتفهمه من نصه
وعلي هاي المجالس واللطم فرصه

تجي مره الفرص ماكو فرصتين
انه شعندي يعالم غير الحسين

*****

الخادم
حسين عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بالكوفه بالخرابه كلهم اجو طلابه
نسوانهم يردوها بالاسر ويطلعوها
شو بس بنات الزهره محد اجاهن


**************************
ضلينا مابين العرب ننظر بالعيون
كلمن اجى يدور هله والهم يشفعون
ولكل قبيله جم مره الهم يريدون
بس احنه اهلنا ما اجو عنه يسئلون

بالغربه شو صفينا محد سئل علينا
زينب ولا اجوها بالاسر ويطلعوها
شو بس بنات الزهره محد اجاهن
**************************

شده يزينب شدتج شو كلها عدوان
لاغيره عدها هالعرب لاعدها وجدان
كلمن كفل اهله ومشى ماخله نسوان
بس زينب بقيد الاسر ماجوها وليان

بيد الظلم ضلينا نتنطر اليجينا
زينب ولاحضروها بالاسر ويطلعوها
شو بس بنات الزهره محد اجاهن
**************************
نسمع يكولون العرب شيمتها شيمه
ونسمعها مايرضون للحرمه بظليمه
العرب شو كلمن اخذ اهله و حريمه
وضلن بنات الزهره شو شبعن هظيمه

أهل الفواطم عالكاع مدميه حيف السباع
والحره ماكفلوها بالاسر ويطلعوها
شو بس بنات الزهره محد اجاهن
**************************
صديت صوبك ياعلي وانه برزيه
بعيالي وانه لوحدي ومحد اليه
ترضون يهل المرجله زينب سبيه
والناس مابيها رحم لا من حميه

زينب صفت اسيره بالناس ماكو غيره
بلا أهل ويدركوها بالاسر ويطلعوها
شو بس بنات الزهره محد اجاهن
**************************
جانت بجالك ياعلي زينب اميره
ياعلي والله تحيرت بحسين حيره
طاح أعلى رمضة كربلا شيخ العشيره
متكفله باطفال وحرم والنوب اسيره

والطاغيه بعصاته المها بالشماته
واخوان مالحكوها بالاسر ويطلعوها
شو بس بنات الزهره محد اجاهن
**************************

الشاعر محمد دعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للسبي
.


هاي زينب .. هاي زينب ..
صــاح حـادي الـنوگ ويـأشـر علــيه
هاي زينب .. هاي زينب ..
هــاي اخــت عــباس جـبناها سبـيه
وصرت سالوفة الناس
يبــو فاضــل يعــباس
يــاوســافــه
_________

گال الهم .. وحچـــايتـــه ماتنــــحمل
گال الهم .. مــن ســامع ابــزينب قبل
گال الهم .. ذيــچ النخــت يابالفــضل
گال الهم .. جبــناهـا مگــيوده بحــبل

اتدنه يمي .. اتدنه يمي ..
وگال هاي الچانت ايسموها اميره
اتدنه يمي .. اتدنه يمي ..
ابــلا اخــوها اليوم جـبناها اسيره
حچاها وشيب الراس
يبــو فاضــل يعــباس
ياوسافه
_________

متشمت .. وبالــناگه چــتالــك يــجر
متشمت .. وعـالنــاس متعــمـد يــمر
متشمت .. بالسـوگ ويصــيح الـشمر
متشمت .. مسبـيه جــبنـه ام الـخدر

وشاهدوني..وشاهدوني ..
وانه فوگ الناگه يابو الغيـره انحب
وشاهدوني..وشاهدوني ..
وكلها صاحت هاي زينب هاي زينب
سبـيه ابـلايه حراس
يبــو فاضــل يعــباس
يــاوســافــه

_________

اتمنيتك .. يالشـايل اشگـد عاطـفه
اتمنيتك .. نـورك يخـويه مــاطــفه
اتمنيتك .. مـوجـود ياراعــي الوفه
اتمنيتك .. وتشـوف اديـه امچتـفه

يابوفاضل .. يابوفاضل..
گمت كل ماگول اسمك خويه اشهگ
يابوفاضل .. يابوفاضل..
اي وحـق مـتن اخـتك الي صار ازرگ
اعـرف بيـــك حساس
يبــو فاضــل يعــباس
يــاوســافــه

_________

مذبوحه .. وراسي بعــمودك منهشم
مذبوحه .. ويــاك عمــري مـــنخــتم
مذبوحه .. الـوادم تـصدلي وتبـتسم
مذبوحه .. الـذبحـتني نظـرات الزلم

والمصيبه .. والمصيبه ..
ويــنه كــفال الخــدر مــن ناشـدوني
والمصيبه .. والمصيبه ..
الله يشهد مدري چم ذبحه اذبحوني
انخطفت مني الانفاس
يــبــو فاضــل يعــباس
يــاوســافــه
_________

أذوني .. سائـــل لـمــن عـــني ســئل
أذوني .. گــالولــه هــذي ابــلا اهـــل
اذوني .. وبكــربـــلــه ضلـــو وصـــل
أذوني .. وظربوني مـن دمـعي نــزل

مايردون .. مايردون ..
انزعج حادي النوگ مني يالاخو وصاح
مايردون .. مايردون ..
أيسي هـذي روس اخوتچ فوگ الرماح
وعَيش اختك ابياس
يبــو فاضــل يعــباس
يــاوســافــه
_________
حيدر تركي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الكوفه ليش اتطالب ابنسوانهه
وزينب اتنشف الدمع بردانهه
ــــــــــــــــــــــــــــــــــــــ
كل عشيره البالضعن عدهم مره
فزعو الهه ورجعوهه إمخدره
وبقت تتلفت عقيلة حيدره

مثل ورده وضيعت سندانهه
ــــــــــــــــــــــــــــــــــــــ
نزلوهن حرمه حرمه إمن الهزل
وفوگ كل هذا خذو منهم فصل
وخلو العلويه تنجر بالحبل

امده الدنيه وخرس بلسانهه
ــــــــــــــــــــــــــــــــــــــ
عود شالتهم حميتهم لان
مارضو نسوان منهم ينسبن
بس رضو زينب يبجيهه الزمن

بت رسول الله وزعيم اكوانهه
ــــــــــــــــــــــــــــــــــــــ
ليش عافوهه وحيده ابنص زلم
يازمن معقوله زينب تنشتم
وهوه من الله نزل هذا الاسم

شجره طيبه وماتموت اغصانهه
ــــــــــــــــــــــــــــــــــــــ
تنتظر واحد يگللهه الگوه
بالرمش دمعتهه وإيطگهه الهوه
عدله لاكن هيه والميت سوه

إمن الشمر لاذت بروس اخوانهه
ــــــــــــــــــــــــــــــــــــــ
وهيه زينب تبقه شيالة ثگل
بت ابوهه البالكلايف ينگل
مرأه بس تسوه المضايف والعگل

وماگدر واحد يزغر شانهه
ــــــــــــــــــــــــــــــــــــــ
أخ يا أم الحزن يالسلبوچ
للأسف ماطالبو بيچ وخذوچ
فضلو نسوانهم مافضلوچ

اتحرشو بالله إو غضب سبحانه



#العبدالحسيني_محمدالجماسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يالبنيت ابموقفك اعظم حضارة
حضرتك لهل المجد صارت سفارة
تسقط اعروش آل اميّه… ياسفير الغاضرية
--------------------
غصباً اعله اهل الظلم واهل العداء
حضرتك صارت سفارة الكربلاء
واليريد يوالي ابو اليمّه ابنقاء
لازم ابأيدك توقّعله الولاء

للحوائج خصّصك رب الجلاله
تنقضي الحاجه ابضريحك لا محاله
والعطايا هاشمية… ياسفير الغاضرية
--------------------
چنت تعلم سيدي ابغدر الطغاة
والرسايل بالسيوف اموقّعات
ما رجف گلبك ولا خفت الممات
رحت تسحگ عالمنايه ابكل ثبات

گابلت عدوانك ابهمّه و ارادة
انته اول من فتح باب الشهادة
منك تخاف المنية… ياسفير الغاضرية
--------------------
علّمتهم بالحرب معنى الصمود
والرگب چانت على افعالك شهود
اشما تزود اعدادهم عزمك يزود
ما تحسّب للعدد طبع الأسود

توأم الفقّار سيفك لو رفعته
ماكو فارس يرجع وعنده رگبته
كل صفاتك حيدرية… ياسفير الغاضرية
--------------------
اتوهّموا ويّاك ما حسبوا صحيح
انته مثل حسين تعله من تطيح
چان ظنهم من يدفنونك ذبيح
تندثر بس خضّرت گبّه وضريح

وجهك ابسابع سمه مشرق نشوفه
واسمك الاجيال تتناقل حروفه
كرّمك رب البريه… ياسفير الغاضرية
--------------------
حارت العدوان بمرك يالسفير
امس بالكوفه چنت عدهم اسير
هدّمت قصر الامارة ابلا نصير
وغصباً اعليهم صرت انته الامير

كل ملوك الظلم غطّتها المنايه
وانته خالد والفخر فصّلته رايه
كلها تاخذلك تحية… ياسفير الغاضرية
--------------------
وليد العگيلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

& (24) دنيه دنيه ▪︎▪︎ ▪︎ أبغير أخوتي ما اظلن بيها
دنيه دنيه ▪︎▪︎▪︎اوخيمتي ارماد اوجمر تاليها
وحدي بالغربه أبات -- بين دمعه اوذكريات
دنيه دنيه
-----------------------------------------


1) الدنيه ماسمعت حسرتي اولا ونيني
اوتدري ماضلي اخو عايش يجيني
تدري مثل النوك بالغربه حنيني
أوباجر اتشوف الشماته أمجتفيني

& هذا حالي ▪︎▪︎▪︎ اوبعد اخوتي بالغرب شتموني
هذا حالي ▪︎▪︎▪︎ اوبالسياط اعله المتن ضربوني
وانه بين العاديات --- بين دمعه اوذكريات
دنيه دنيه
--------------------------------------



2) عالجمر أركض وادور عن رقيه
أومن شرار الخيمه محتركه اديه
ذكريات ابالي من جنه سويه
أو مادريت اتسوي هيج الغاضريه

& أه يجرحي ▪︎▪︎▪︎ الجانو اوياي ابغرب خلوني
أه يجرحي ▪︎▪︎▪︎ ابدنيه بس هم اوقهر عافوني
والحرم متحيرات -- بين دمعه اوذكريات
دنيه دنيه
---------------------------------------


3) الدنيه متشوف الحرم يهمل دمعهن
اوماتشوف الشمر بجفوفه دفعهن
من بجن حتى الصخر بالطف سمعهن
أوجرحه مثل الغار من شاهد وضعهن

& امن البواجي ▪︎▪︎▪︎ شمعه صارن بالغرب تاليهن
امن البواجي ▪︎▪︎▪︎دمعة الفركه ابغرب تجويهن
اوبالطفوف أمعذبات -- بين دمعه اوذكريات
دنيه دنيه


---------------------------------------


4) روحي ترفه او أدري بالغربه الرماها
الفركه والدنيه سوه ركضن وراها
بعد اخوتي الهاجرو محد أجاها
فقط بس كلبي على الشاطي لكاها

& ابحركه اسولف ▪︎▪︎▪︎ عالكمر واحجي الجره ابأيتامه
أبحركه أسولف ▪︎▪︎▪︎ أو أرد أكله الليل وين اتنامه
اوكمت أتمنه الممات ---- بين دمعه اوذكريات
دنيه دنيه
----------------------------------------






5) يم ابو اليمه رحت انثر حسرتي
الغالي يستاهل اودعنه ابدمعتي
جمره بالروح اوصعب تطفه جمرتي
شلون أرد أبغيرهم وادري ابرجعتي

& وحشه وحشه ▪︎▪︎▪︎ اوليل صارت والحرم تبرالي
وحشه وحشه ▪︎▪︎▪︎ اوكلبي فارك بالغرب جم غالي
اوبعد ماتسوه الحياة --- بين دمعه اوذكريات
دنيه دنيه
-----------------------------------------


6) جلجل الليل او اصد عالفاركتهم
وأنه مجتوفه او أجيت او ودعتهم
روحي مثل الطيره فرت من شفتهم
وأنه مو بيدي اذا بالطف عفتهم

& راح أسافر ▪︎▪︎▪︎ سفر مسبيه ابرحيل اخواني
راح أسافر ▪︎▪︎▪︎ والايتام أمن السياط اتعاني
وانه مابين الطغات -- بين دمعه اوذكريات
دنيه دنيه

-----------------------------------------

لخادم أهل البيت ع/ أبو أحمد المجراوي

اسالكم الفاتحه والدعاء لوالدي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

587-الام السيدة في السبي...جديد ٢٠١٩
"""""""""""""""""""""""""""""""""""""""""""""""""""""""
شما اسولف عالقضيّة..لو قصائد واقعية
ماكو كلمة التنكتب..تشرح الصار برُقية
قصة اشواكَ و نحر
مو تراجي و لا نهر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا تكَول ارقية طفلة تريد تلعب..و لا كَلب ضامي و تريد الماي تشرب
تشرب الماي و عطاشه اتهدّم الحيل
تلعب شلون اعله صدرك لعبت الخيل
دمعي وي دمك يغالي السايل ايسيل
شوكَ الموادع تمنّي و يقره ترتيل
سالت الفكَدك دموعي..و انطفت يمّك شموعي
و ادري بفراكَك صعب..جمرة تتلاهب ضلوعي
و الجمر بيّه استعَر....1
*****************************
ما تنام اعيون بنتك سالت اشواكَ
لا طيوف اتعود منك شالت افراكَ
بيني ما بينك رقية اتسولف اهموم
و انه بعيوني المدامع تصبح ادموم
من شفت جسمك يغالي بعازة اهدوم
و المنايه اتسير سكتة بخاطري ارسوم
بلا مسافات و تواني..تطحن بروحي الثواني
ناري من فكَدك تشِب..و الجمر لاهب جواني
لاحت اعلوم الخطر.....2
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ما تهيد الروح و ادري بفكرك افكار
من تشب نار بخيامك بالنِفَس نار
ناري من فكَدك جمرهه اليسري بسكوت
يرسم بعين انتظارك خارطة موت
صرخة اموادع تجيني و تخنكَ الصوت
قافلة نوح بخيالي اعليهه تابوت
شالت اهموم بنعشهه..دمعة ايتامك ترِشهه
تنحب بطول الدرب..حوفة و المدمع فرشهه
كَطعت ادروب السفر....3
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛::
امساهرات اعيون زينب تبره الضعون
بلا طريق اضعون زينب رادت اعيون
اسكينه تسألني بغيابك وين الحسين
ارقية محتارة بصلاتك سبحِتك وين
ما تسولف عالتراجي و زاد الونين
فدوة لحسين التراجي و أذني و العين
فدوة لحسين التراجي..لاجله كل هاي البواجي
بويه يا نبض الكَلب..غالي يا حلو المحاجي
بعيني من رسمك صور...4
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
آني مو قصدي التراجي و روحي تفداك
آني احبهن جي هدية و بيهه ذكراك
روحي من هضمة وداعك تنحب اعليك
شوكَ المنازع تريدك سكتة تلفيك
راسي باحساس اليتامه امناطر ايديك
روحي من ليل الخرابة و عاوِدت ليك
يا حزن روحي ومراري..شكَد حزن مكنون اداري
حلمي بعدك ينسلِب..و الألم ماخذ قراري
مرحبه بموتي الحضَر...5
&&&&&&&&&&&&&&&&&&&&&&
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصائد السبي
(فزاعيه)

هايـم عــون ماضلولج اخوان
************************
بدروب الخطر تمشين هاليوم
وكلبج يالعقيله حيل مــــالوم
زركه متونج ومتغيره الرسوم
والعسكر يزينب يمــــج تحوم
ماعدهم وفـه ماعدهم احسان
********************
وحيده ولا اخو هاليوم عندج
والعباس وسفه مــــــاكو يمج
تبجين وعليه هالـــــــزاد ونج
وبنات حسين گامن هاليسالنج
يگولن وينـــــــه عــمنــه مابان
********************
اجــــــــرن بالنفس ياناس گوه
من اتذكر اخـوي وراعي المروه
خلصــت وانتهت ابمـوته الخوه
ماتسوه حياتي بـــدونه ماتسوه
بغياب الاخـــــو تلفيني الاحزان
********************
اون عليك ياعباس ياغــــــــالي
واصيح بصوت وينك هايكفالي
الناس بغيبتـك هالشافوا خيالي
بعـــــدك هالشمر ياوسفه يبرالي
الشمــــــر بعــدك يباري الاضعان
********************
ماترجع الي ياخـــــــويه ياحيــد
گلبي بغيبـــــتك عباس ميـــهـيد
ونتـي بغيــبتك كل لحظه تزيـــد
دخليت بغيـابك مجلــــس أيـزيد
وبموتك يخــــويه الطاغي فرحان
********************
الخادم عماد محمد الدراجي
الاثنين 2019/9/16

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جن الليل يازينب
ماضل حيل يازينب

ظلمه ورگض بالهيمه
وچفي احترگ بالخيمه
يازينب يازينب

يالليل فدوه اتوسلك وي زينب بهيده
باچر النوگ من الصبح ودروبي بعيده
حسين اغطيّ واجي عريان بالبيده
يطلبني شمه من النحر ياشمت وريده

ياشمت وريدك
ويتامك تريدك غربه وحياره

استعجلي بالگومه
ياشمعت الحومه خويه سهاره

بلوه الخيل يازينب
ماظل حيل يازينب
ظيم وهظم ويتيمه
وچفي احترگ بالخيمه
يازينب يازينب
*
يالليل عطشان انذبح حتى النحر ضامي
بس اصبر عليك الگمر بس تغفه ايتامي
بلچن ألوليله ويفز ويگعدلي ويحامي
والحرس يضحك لو طحت لو تعثر اجدامي

تذبحني ضحكاته
وتسبني چلماته يگلي الغريبه

ويتهدد عليه
ويدريني علويه وأركض عجيبه

متن الهيل يازينب
ماظل حيل يازينب
هجمت علي چم جيمه
وچفي احترگ بالخيمه
يازينب يازينب
****
ارد اگعد بصف الجسد وانزف دمع عيني
مشتاگه اسمع چلمته هلبت يحاچيني
من چنه بيام الصبه من چانت سنيني
من ينضر دموع الجفن يگعد يواسيني

امنيتي محروگه
وانفاسي مخنوگه وبعيوني ونه

هسه انته چا وينك
يالزايد ونينك يابعد أهلنه

خويه الويل يازينب
ماظل حيل يازينب
بنغمت عشگ ترنيمه
وچفي احترگ بالخيمه
يازينب يازينب
*
يالليل كونك ماتمل عاد امشي ويايه
عندي على جروف النهر چف وحچي ورايه
بس ارد اشوف العلگمي يجري نشف مايه...؟؟
لو هم نشف مثل الگمر من صاحو سبايه

عاد امشي ياليلي
تدري انهدم حيلي مابيه امشي

خاف اعثر بخنصر
گل للصبح ليطر ضايعلي كلشي

نوگ تميل يازينب
ماظل حيل يازينب
فراگ الأخو ياضيمه
وچفي احترگ بالخيمه
يازينب يازينب
***
يالليل انه امخدره صعبه الزلم يمي
مريه چبيره وبالعمر ونار بطرف هدمي
حتى رقيه من الحزن صارت بگد امي
يالليل سوده حچايتك كافي وخلص دمي

باچر مسافاتي
تفسرهه وناتي عالناگه انحب

انذبح كل مره
لو صاحو الحره مسبيه زينب

دموعي تسيل يازينب
ماظل حيل يازينب
هم الگلب جن غيمه
وچفي احترگ بالخيمه
يازينب يازينب



عبد زينب
محمد الإبراهيمي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

تجرحني كل يوم هاي الرزية
چم غالي مذبوح و إشچم سبية

آ يا زماني . آ يا زماني . آ يا زماني

؛؛؛؛؛؛؛؛؛؛؛؛؛؛؛؛؛؛؛؛؛؛؛؛

يا زمن من لوعتك هون عليه
آنا إبن الداسته خيول آل أميه
بالحبال مربطيها إثنين أديه
مرة أنظر عمتي مرة أنظر رقيه

وكل لحظة الأيتام تنده عليه
تجرحني كل يوم هاي الرزية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

من مشيت بحيرتي إبين السبايه
إشكثر قلبي شايل آهات و رزايه
طفلة مرعوبة و إجت تختل ورايه
تگول نار الخيمة حرگتلي العبايه

تنظرلي و تنوح و تجر بديه
تجرحني كل يوم هاي الرزيه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قلبي ما يبرد ولا يسكن نحيبه
عيني بالطف شاهدت أعظم مصيبه
حنة القاسم ترب بالدم خضيبه
شفت أخوي مكطع إبحاله عجيبه

و عبد الله مفطوم بسهم المنيه
تجرحني كل يوم هاي الرزيه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ماكو غير المدمع و صوت الفجيعة
ضلت السبعين بالحومة صريعة
ريت أموت و أندفن يم الشريعة
بيها طايح عمي و چفوفه گطيعة

ريت أوصل هناك و أنصب عزيه
تجرحني كل يوم هاي الرزية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

آنا ودعت الحسين و عفته ضامي
بس المفارگ أبو يفهم كلامي
عالترب محزوز راسه و جسمه دامي
وحده ضل بلا نصير و لا محامي

يا بويه مذبوح بالغاضريه
تجرحني كل يوم هاي الرزيه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أسمع الميمون و ينادي الظليمة
بالبراري هناك فرت چم يتيمة
شعري شاب من المصيبة إشگد عظيمة
جثث أنظر بس ولا جثة سليمة

سحگتها بالدووس خيل آل أمية
تجرحني كل يوم هاي الرزية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


الشاعر علي حسن الكناني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الى رقيه عزيزة الحسين عليه السلام




راس ابوي يمي جابوه بالطشت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع

توني شفته بالمنام يصيح ليه
بويه بويه اغفي أعلى صدري يارقيه
ياحنانه بغربتي ويمر عليه
بدونه عمري شلي بيه وبالدنيه

مرني طيف وانه لاجله فرفحت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
******************************

هذا يا عالم وبيه اطفال أسرى
طفل يهدوه راس ابوه منكطع نحره
طفل ماواعي أعلى دنيا زغير عمره
راس ابوه يشوفه ينزف دما حمره

بطيفي جان يحاجي بيه ويلتفت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
******************************

جان شعره بيني وبينه والاكيه
ياضواي اعليه كرب وانه احاجيه
مرحبا براسك يبويه وياهلا بيه
مو وهم صارت حقيقه المس ايديه

شو تعاي انه باحضانه رحت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
******************************

ياحنانك بويه صار بعيد عني
دنيا واللجمات بيها عذبني
تدري بالخيمات بجدامي جوني
انه طفله وعلى راسك راسي محني

ياهواي انه توني تنفست
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
*****************************

الرعب والخوف بويه حاصرني
والشمر بالسوط مرعوبه خذاني
طفله ليش الزمن هيجي مرمراني
بويه صدرك وينه خل احظن حناني

يالحنين ليش هيجي طولت
راس ابوي كطع انفاسي ومتت
راس ابوي اتصوره
طفله هزني منظره
يمي مكطوع
******************************

الشاعر محمد دعبل النوري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عمه ياجاسم تعال اويانه
بچي امك بالسبي اذانه
اتكول ماتغفالي عين ابهالرزيه
وانه من الحزن ماضل حيل بيه
انه زينب انه زينب
..................
بجدمي من الخيمه نار وفركت الشبان حسره
اخلافكم ضليت وحدي ياكسر گلبي شيجبره
گوم ياعريس لامك عمه گوم اترك الغبره
اليل عثراته ثجیله وما تصح بالليل گمره

عمه زينب انه حاجيني انتظر
امك اتريدك بعد ماضل صبر
منين اجيبنك يجاسم موبديه
وانه من الحزن ماضل حيل بيه
.......................
عمه نص اليل فزت والعده ايضربونها
تگلي ياقصه السدت مثل ابني خل يروونها
خيمة امه بيوم عرسه الوادم ايحرگونها
وياچفوف البالعرس وابدمها اليحنونها

عمه لامك رد ينور عيوني
صعبه ابچي والعده ايشوفوني
الدرب وحشه ومو بعيده الغاضريه
وانه من الحزن ماضل حيل بيه
................
عمه من ينزل دمعنه اعله الوجن ماينمسح
امکيدين اجفوفنه واحبالنه بنص الجرح
غرگت العين ابدمعها وليلنه ما بيه صبح
واعله هل حاله يعمه وبعد كلشي مايصح

انخلط دم جفوفنه اعله عيونه
ولو ذكرناكم تره ايضربونه
يلي رحتو وعفتو عيلتكم سبيه
وانه من الحزن ماضل حيل بيه
.....................
عمه مامتقصده الجملك جرح لوعاتبت
لاكن اعذرني يعمه ماشفت مثل الشفت
من يمر اليل حزني يزود يلمني غبت
عمه بلعباس من گد مانعت امك شبت

روح وكصد عمه درب المشرعه
تلگه جفين الگمر متگطعه
بس جفوفه تمسح الضيم العليه
وانه من الحزن ماضل حيل بيه
.........................
اخلافكم زاد الحزن والاكثر الاذاني
الموقف الهد حيلي عمه وبيه محد جاني
احنه مچتوفين كلنه اليوكع يجر ثاني
ونرجع ايصعدونه بالسوط وتزيد احزاني

بياوكت بت حيدر تحاجي الزلم
چان ابوفاضل ابوكته ما اهم
ريت بخلافه تمر ليه المنيه
وانه من الحزن ماضل حيل بيه

الشاعر حيدر الرويمي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة للعلوية المضلومة
خولة بنت الأمام الحسين(ع)
-------------------------------------

هذي خــــــولة واليسر هد حيلها
مثل ما تبجي لرقيـــــــة ابچیلها
====================
طفله من ابنات ابو اليمه انسبت
شصار بيها اخلاف ابوها اتعذبت
ويه زينـــــب و الحرم عنه مشت
نهارها تبجي اعله بـــــوها وليلها
====================
بعمر ثلث اسنين شافت كربـــــله
طفله شافت ذبح الحسيــن وهله
تالي راحت بالسبي وي العايلــــه
شالت اهموم الجبـــــل ميشيلهــا
====================
طبت الكوفه بلا والي و كفيـــــل
 مچتفه بحبال عالنوگ الهزيـــــل
و الحـــــــرم وياها بنياح و عويل
والشمــــــر ناده اللي تبچي ويلها
====================
شصار بيهامن السبي ومن الضرب
طفلـــــــة هيه والسبي الها صعب
الشــــــام يشهد عن حزنها بالغرب
حشمـــت عبــاس  حتى يجيلهـــا
=====================
من العطش و الجوع وآلام الحزن
خولــــــة ليل انهار عالناگه تــــون
لحظة وحدة ماغمض منها الجفن
الناگــــــه ملت من شدید عویلهــا
====================
من بعد ما شافت انواع العـــــــلل
ماتت الطفلـــــــة الغريبة ابلا اهل
بارض لـبــنـــــان اعتنه ليها الأجل
و صار بدمــــــوع الحزن تغسيلها
====================
اندفنت بأرض الغرب بنت الذبيح
شاء رب الكون و اتشيد ضريــــح
تعتني الـــــزوار للمرقــــــد تصيح
تــربـتــچ نـتــشــرف بـتـقـبـيـلـهـا
=====================
يالتروح اتزورهـــــــا بلوعة و أنين
تشوف شجرة خالدة بطول السنين
والغرسها اهناك زيــن الـعـابـــديــن
راح ينظـــــــرها الذي يمشيلهـــــــا
=====================
خادم اهل البيت (عليهم السلام)
     حسن بشير السوداني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747