لسان حال صاحب الزمان عج

عثرة مره بليل. بين المچاتيل
المهدي شيشوف
يم حافر الخيل

،،،،،،،،،،،
اشوف حسين ذاك حسين اللفو جسمة بالباري
وعايلة جرح ينزف بين الخيل والذاري
الك انزع قميصي حسين و اضلن بالشمس عاري
ونصب خيمه عالتله وگابلها بدمع جاري

واذكر صواوين ، وطلعن نساوين
عكب الستر ذاك ،، صعدن مهازيل

،،،،،،،،،،،،،،
على حد الخيم مريت بدى وي الحزن قصتي
وشوفن كاتب العباس هذا الحد ستر اختي
وعاين ركضت النسوان عمتي وذيج بت عمتي
الما بين الزلم عثرة زينب ها صدگ انتي

عيني ترى تشوف ،، مشدودة لچفوف
يطرن بعد سوگ ،، ذيچ المداليل

،،،،،،،،،،،،.
اسكن كربله والشام وعوفن مسجد السهلة
اجمع كل خيم لحسين ونصب داير التله
چبيرة بگد خدر زينب حسرة بكلبي عالهزلة
العندة ستر مسلوب يكون الموت اهونله

وسمع بچي ايتام ،، يا نار الاخيام
وكت الصبح صار ،، يازينب نشيل

،،،،،،،،،،،،،،،،،،،
العمره يطول ع الشوغات يتعبنا الجروح هواي
الف ومية و ثمانين عمري وما كعدت فياي
اغصن بالرمح كل يوم شما اشرب لذيذ الماي
من عاشر محرم ذاك جرح عبد الله عاش وياي

دم تبجي لعيون ، خافن يكولون
هذا ابن الحسين ، شو بعده بي حيل

،،،،،،،،،،،،،
المضيعله عمه بشام مره ولنوبة علوية
اذا گلولي طبت سوگ شگلهم هيه مِو هيه
حارة ابحارة باب وباب ادور ضايعة ابنية
ازغيرة تصير گد السوط بأذنها ماكو ترچية

يم سوط المتون ،، اكسر ضلع كون
من اسمع الروس ،، بيد الحماميل

،،،،،،،،،،،
الشاعر كريم الدراجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مانعوفك يحسين لو كطعونة
____
كلمة زلم كلمتنة لو حجينة
تبصملك ابدم النحر ادينة
احنة الطريقك نفخر انتمينة
يلي خدمتك تشبهة السفينة

ياغريب اليهواك يعلن جنونة
_
قصة عشكنة وية النحر عجيبة
واحنة العشكنة جثة بس سليبة
لبيك صحنة وسمعت الغريبة
ننطي النحر لمحبتك ضريبة

عالمشانق ونصيح ماغيرونة
____
انت البخت ياهيبة العشيرة
واللي يحبك هذا صاحب غيرة
ياهوة مثلك من نفكر حيرة ؟
لخدامة ينطي منزلة جبيرة

ياامير الخدام شفناك ابونة
____
ياغالي لجلك ينرخص كل غالي
لو ردت دمنة وداعتك منبالي
استفهام طفك مالة حل للتالي
شما يعلة غيرك ينصة وتضل عالي

كربلائك تاريخ والكل قرونة
____
لاخر نفس نبقة نردد اسمك
ماردنة كلشي وردنة بس نخدمك
احنة الخضار اللي سكيتة بدمك
يألمنة كلشي بكربلاء مألمك

بالدمع والاحزان نصرخ لكونة
_
اشمحلة اعلة حبك لحضة المنية
غيرك رفضنة وصرنة رافضية
عدنة محرم ينحسب قضية
بوسط الكلب عفنة الك عزية

من ترف الرايات نرهب عدونة

_
سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليله الاولى
.
.
.


عمري خلص .. والــسوالف لســه ماخلصــت بيه
عمري خلص .. وخاف ابو السجاد ماراضي عليه
عن صلاتي وعن صـيامي
خـوفي مــاراضـي أمامي
وعمري خلص

……………

الراح من عمري الهواي وبقه من عمري الوشاله
والمدللــني ابخدمــته شـلــون اجازيه عن دلاله
باچر امن عيوني تغمض بالحشر وواگف اگباله
على اذنوبي لوسألنـي شـرد اجــاوب عن سؤاله

من يعاتب..شي طبيعي اگباله راسي يصير ناصي
من يعاتب..شرد اكــله وانـــه ترســتني المـعاصي
شلون اوضـحله كلامي
خوفي ماراضي أمامي
وعمري خلص

…………

تره الوادم حاسدتني بخدمتي لبن الزچيه
وانه لا ماحامـد الله عــلى هالنعــمه البديه
باچر امتانيني مـوت ويمكن اگريـبه المنيه
مـن اموت وما اصلـي منــي تـتبره السبيه

زينب تريد .. الصار خادم وشتغل هاي الوظيفه
زينب تريد .. كــون مثل الـقاسم اعيونه نظيفه
وانه عــن هذا التزامي
خوفي ماراضي أمامي
وعمري خلص

…………

باجر ايعــد بالاسماء حســـين والخــدام تدني
وخوفي باچر بالقيامه اويه الخدم لا مايعدني
انه مو حمـزة الزغـير حتى اگول اعليه يودني
فشــلتي والله چبـيــره مــن اروحــله اويردني

صعبه ياناس..وادري يـغضب الله عــالزعــل أمـامه
صعبه ياناس..وانه وين انطي والوجه يوم القيامه
ومن يعد هوى الاسامي
خـوفي ماراضي أمامي
وعمري خلص

………

امـن الصــبح للــ ليل الطـم عالــذي جــثته سليــبه
ودمـعتي مافــارگتنــي الزيــنب الــضلـــت غــريبه
لازم ارضـيهم گبــل ما اني ابچــي الهـــل مصـــيبه
واول الخطوات اصفي الساني من شي اسمه غيبه

…………

الخادم الزين..يشيل راس حسين يوم الاخره هناك
الخادم الزين..بــيه ابو الســجاد يتــفاخر عـالاملاك
مـدر ي وشيطـلع مقامي
وخوفي ماراضي أمامي
وعمري خلص

………

حسين رحمة الله وادري المثلي ياناس اشيـقيمه
اذنــوبي ليل ولــيل حـالك وبسمــايه هوه نجــمه
مختنك والهوى شح وصدري حيل احتاجه نسمه
اشـكثر مشــتاك انه اشوفه بكثـر مابگـليبه رحمه

وجه الحسين..لابصحوه ولاحــلم شـفــته بحـــياتي
وجه الحسين..بلكي اكحل اعيوني بي ساعة مماتي
شكثر انه الوجهه ضامي
وخوفي ماراضي أمامي
وعمري خلص
………
حيدر تركي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ليلة الوحشه العقيله اشحالهه
حايره ابين الجثث وعيالهه

حايره ابين الحرم وأخوانها
وبعد كافلها احترگ صيوانها
صاحت ألحگ ياگمر عدنانها
وحايره بيمن تألم اطفالهه

راحت الحوراء صوب المشرعه
وشافت الكافل چَٔفوفه مگطعه
اتمنت اتموت العقيله ابمصرعه
ولاتظل عدله وشمر يبرالهه

بالمعاره وتلتفت يسره ويمين
طفله ظاعت منها ماتندلها ويُن
خويه مايمك رقيه ياحُسين
اتصيح عمه وانفطر. دلالهه

يارقيه فدوه ياعمه تعاي
لليتامه نرجع وامشي وراي
يارقيه ونتٔج كسرت كفاي
وشافت الماچانت اتمر بالهه

ابليل أول مره زينب طالِعه
طلعت أتلم الأيتامه الضايعِه
مخدره وحس اجنبي ماسامِعه
وگبل ماواحد يشوف اخيالهه

خادم اهل البيت حسين هوير الاسدي ونسألكم الدعاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزلة لأم البنين عليها السلام

لا تعوفونه لا تعوفونه
للغريب حسين ضحّوا لا تعوفونه
..........

يابنيني الاربعه هاي الوصيّه 
لا تعوفون السبط شبل الزچيّه
حسين ما يترك نهج حامي الحميه
مستحيل ايبايع اتباع آل اميّه

من تنصرونه من تنصرونه
يرضه عن أمكم مُحمّد من تنصرونه
.............

راية حسين انت الهه يبني عباس
خل ترف بيدك ييُمّه ورفع الراس
لا تعوف حسين وحده تغدر الناس
هذا يوسف فاطمة وصيروله حرّاس

من تخدمونه من تخدمونه
أرضه عنكم يابنيني من تخدمونه
.........

جعفر وعثمان عبدالله النشامه
كبّرتكم بيدي عالعز والكرامه
ما أريده الماوگف ينصر أمامه 
ارد اواسي فاطمة بيوم القيامه

من توافونه من توافونه
يكبر ويعله مقامي من توافونه
...........

گدها يا عباس اعرفك بالكفاله
وياك طلعت زينب بهيبه وجلاله
أكفل اختك زينب وأدّي الرساله
تهابك العدوان يالكلّك بساله

خل يشوفونه خل يشوفونه
عزمك وبئسك عليهم خل يشوفونه
............

المايوافي حسين منكم يا بنيني
ما أريـــده يصير ابني ولايجيني
حسين ابوالسجاد روحي ونور عيني
ديَن للزهره عليّة اوفي ديني

بالحرب دونه بالحرب دونه
فدوه خل يسيل دمكم بالحرب دونه
............

صاح ابوالغيره ابشري لا تهمّين
يمّه وعيونچ اعيد هناك صفين
ويله ياويله اليمس خاچيّة حسين
إلّا اگص ايده وشطره بسيفي نصين

فدوه لعيونه فدوه لعيونه
روحي وچفوفي ييُمّه فدوه لعيونه

سيد زيد الفحام
____________________________

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله لمولاي قمر العشيره ع /٢


صاح والرايه بيمينه تعتلي
والنعم منه ابن حيدر علي
ابو فاضل... ابو فاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

اليوم ازلزل كربلا.....آنه ابن خير الملا.......تعرفوني
طولي تفصال الخدر..........خادم لأم الصبر..تدروني
خلها تشهد نينوى..شايل بچفي اللوى.......تشوفوني
سيفي بالهامه ويدگ..حالف اسحگهم سحگ..خلوني

الله گل للگاع حدره ازلزلي
والنعم منه بن حيدر علي
ابو فاضل...ابو فاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

كافل اخته تلوگ اله..كل طواري المرجله..وهنياله
كل صفاته مرتبه......الكون كله بشاربه......ويبراله
ياحلاته وهيبته......الله راسم صورته .....شخلاله
مو سهل كلش صعب..حيدر وطب للحرب ..بافعاله

يگول ملك الموت بس مخلوق الي
والنعم منه بن حيدر علي
ابو فاضل... ابو فاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

هذا من الله الوعد.....مايهاب الموت ابد...ياصيته
شلون لو ثار وفزع.....الله يستر لو نزع ......چفيته
حسين بيده امدلله..حسين بيده امعدله..وتربيته
لف خواته بصايته.....ياحنانه ورقته .......وحنيته

لو برز يلّه يزينب هلهلي
والنعم منه ابن حيدر علي
ابو فاضل... ابو فاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

سيفه مابي مغفره.......من الحرب للمگبره.......ياستار
ياهو يوصله انخرس..عالترب جدم الفرس....يجدح نار
كلشي بجفوفه انطوى..حتى بالكون الهوى..ظل محتار
ياهو يتنفس بعد......وراسه بالسيف انحصد... ..بالبتار

هذا كافل زينب وابن الولي
والنعم منه ابن حيدر علي
ابو فاضل... ابو فاضل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

زمجر بسوح الوغى..عالذبح لزموا سرى ..عدوانه
بالجثث سد الدرب..چنها صارت هالحرب..ديوانه
شابع الوادم رشگ..فارس ويوم الطبگ......عنوانه
قسوّر وكلش شرس..راسم بخد الشمس....نيشانه

يصد لأخيته وصاح خويه ادللي
والنعم منه ابن حيدر علي
ابو فاضل... ابو فاضل


علي طعمه البطاط


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عالهوادج شمعه بيدي وبالجفن دمع المصاب
انعى و اقرالك قصيدة من تمر زفة شباب
***************
يالطفوا شمعة شبابك شمعة هالليلة اشعلت
صاعده بنوك السبايه وبيدي لطمية شلت
يبني يالقاسم اصيح اشلون عن امك غبت
تدري بفراكَك هظمني وحك عينك شيبت

وياي حتى الناكه ناحت يالعفتني للعذاب
كلبي يتذكر مصابك من تمر زفة شباب
***************
شلون مجلس عالهزيلة ويانه ظل يبجي الحجر
من بديت اقره القصيده نزلت ادموعي مطر
بجت زينب و الحراير وصار مأتم بالسفر
بجه راس احسين شفته وراس عباس الكمر

يلطمن ابكل حركَه ظلن ويمه ذكريني الجواب
يالكلت ذكري مصابي من تمر زفة شباب
***************
شلون اخلصها القصيدة البجي ماخلاني ارد
شما اخلص بيت منها زينب تكلي اعد
ذابت الشمعه اعله ايدي وانته ما ترضى ترد
عادة الرادود يبجي لو ذكر طاري البُعد

ما تنام الليل عينه الفاكد من عيونه شاب
وانه اكظي الليل اقره من تمر زفة شباب
***************
اعذرني يمه اعله الهزيلة مجلس امصابك قريت
مجان غيره ماكو عندي تدري يوليدي انسبيت
اعذرني يايمه تركتك غصب عن جسمك مشيت
بكربلا المفروض اظلن حسره ضلت ما بقيت

عتاب عندي العفتني ادري ما تحمل عتاب
ادري تعشك هالقصيده من تمر زفت شباب
***************
رايده احجيلك ييمه عن معاناة الحزن
ويه كل دمعه الاهلها ينضرب سوط المتن
صوتي مبحوح وقريته كضيت هالمجلس اون
بكثر ما ابجي شفتها حمره دمعات الجفن

اشلون ما ابجي يغالي وانته نايم عالتراب
وراسك ينادي اذكريني من تمر زفة شباب
***************
حكَي اعتب يالعفتني وحكه دمعي من يهل
اقره باطوار الونين واحن حنات الابل
الشفته يبني سهل كله بس غيابك مو سهل
تدري دهري خلاف عينك ركباني اعله الهزل

صرت محنيه بغيابك والرمش من عندي شاب
راح اظل للموت اردد من تمر زفة شباب
***************
حسن بشير السوداني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جم مره كَتلك من تهل تجرحني
لا موتي جاي ومنك امـــريحني
تراويني عثرات الهزل \\ يوميه بجروحي تهل
\\\\\\\\\\\\\\\\\\\\\\\\\\\\\\\
كلما اشوفنك تهل اطشر وشيلمني
تندل مكانات الاالم تتقصد وتلجمني
كل ذكرياتي امجتفه عالنوح لتعلمني
ازغر جرح جرحك تره غير الخدر شيهمني
بالعافيه عليك الشهر بالعافيه
يل ذكرتني شلون اركض حافيه
اعله امتوني زيدت الحمل \\ يوميه بجروحي تهل
\\\\\\\\\\\\\\\\\\\\\\\\\\\\\\\
بوجهك ملامح فاجعه تختلف عن ايامي
تذكــــــر الطولك وصل دخان من اخيامي
تذكر حسين اشحجه ورجفت وكتهه اجدامي
اتخوصرت من حيرتي من كضلي زينب ظامي
بالكَوه احجي وكَلي شو تعبانه
بس لا يزينب انتي هم عطشانه
شيصير بيه امن انسال \\ يوميه بجروحي تهل
\\\\\\\\\\\\\\\\\\\\\\\\\\\\\\\
مترهي شفتك بالسمه ولاهمك البيه الصار
بليلة العاشر ماشفت بجفوفي طفيت النار
مستاحشه لجيت اخو ويدك علي باب الدار
بجيتك ولا نكَطت رحم شفتك صحت ياستار
متعلي اشوفك بالسمه تعذبني
وشلون اموت ابحسرتي تراقبني
طولك مثل ذاك الحبل \\ يوميه بجروحي تهل
\\\\\\\\\\\\\\\\\\\\\\\\\\\\\\\
مكَابلني يهلاال شبعد شتاخذ بعد ياغالي
يوميه الغروب اختنكَ هوست سبايه ابالي
يهلاال اطلبنك عتب موكافي ارحم حالي
عكَب الظوه وذاك الكَمر هسه انته باقي اكَبالي
زحمه كَمر من تكبر يسمونك
مومثل اخيي لوغبت ينسونك
عباس ماميت عدل \\ يوميه بجروحي تهل
\\\\\\\\\\\\\\\\\\\\\\\\\\\\\\\
هليت يهلاال الكدر تمنيت لا كَلولي
ليهسه ماعندك علم ام الرظيع تلولي
من الخرابه تظايكَت طاريهه لتجيبولي
هاليله حيل استهظمت وطاحت دمعتي بطولي
ماتدري انته ابعلتي وشبيه
ترظاهه انه ام الخدر مسبيه
حجايه ابد ماتنقبل \\ يوميه بجروحي تهل
\\\\\\\\\\\\\\\\\\\\\\\\\\\\\\\
تمنيت ماشوفك بعد من ايامك السوده اخلص
يوميه من عمري سنه مــــن جيتك ظل ينقص
جرح السبي بكَلبي كبر عالاقل عاد اترخص
حز الحبل بيدي انطبع عظم ايدي حسيته انكَص
تطلبني بيش وهيجت احزاني
العام اليجي كون كون بكَبر تلكَاني
لو ماتجي تسوي فضل \\ يوميه بجروحي تهل
\\\\\\\\\\\\\\\\\\\\\\\\\\\\\\\
تمت علاء الزيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مراسيم تبــديــل الــرايــه

رايـــة الأحـــزان لمـــن تـــرتفــــع
يعنـي شهـر النـوح أجـانـه والـدمـع
يــالله يـالله يــا خَــــدَم
أبتــده شَهــــر الألـــم
حَـيَّ حـيَّ أعلـه العــزاء
ــــــــــــــــــــــــــ
يـالـرِدت تحيــي الشعـايــر والعقـايـــد
بـالمـواكـب أحضـر أخـدم والمساجــد
يـوم عـالساتـر تقــاتـل وأنـت صـامــد
يـوم بـالخــدمــه ومجـالسـهـا تجـاهـــد
رَف على الـﮕُبه العَلَـم
أبتــده شَهــــر الألـــم
يـا شَهــر سَفـك الـدمـاء * حَـيَّ حـيَّ أعلـه العــزاء
ــــــــــــــــــــــــــ
اليـوم تبـدي أحـزانـه وتبــدي المجـالـس
بخـدمـة حسـين وهلــه أيصيـر التنـافـس
هـذا جـون أيصيـر ذاك يصيـر عـابـس
ذاك مـن داعـش وﮔـف للشيعـه حـارس
أكتـب أكتـب يـا قَلَـــم
أبتــده شَهــــر الألـــم
هـذا صـوت أمنـالسمــاء * حَـيَّ حـيَّ أعلـه العــزاء
ــــــــــــــــــــــــــ
رِحلــة الهَــم تبتـدي وكسـر الخــواطــر
والبـواتــر بــاﭽـــر أتــلاﮔــي البــواتــر
تنتهــي أبسبـيِّ النسـه وﮔَطـع المناحــر
وعـالخيـام التحتــرﮒ تبـﭽـي المحاجــر
أه يـــا حَــرﮒ الخيَّـــم
أبتــده شَهــــر الألــــم
البَـﭽـه كـل الأنبيـــــاء * حَـيَّ حـيَّ أعلـه العــزاء
ــــــــــــــــــــــــــ
هـذا شَهــر أحــزان والهَــم والـمـآسـي
عنــه أبعــد لا تمــر بــي يـالسـيـاســي
تستغـل فطـرتنـه وتــدور الكــراســـي
أنتخبنـــه أحسينَّــه الكـرسـي الرآســي
ذو المبــــادئ والقيَّـــم
أبتــده شَهــــر الألـــم
عـالنَهَــر طـاح اللــواء * حَـيَّ حـيَّ أعلـه العــزاء
ــــــــــــــــــــــــــ
هـالشهــر عَلمنـه عـالحـق مـا نجـامـل
وعـالسواتـر نـوﮔـف أبغيـره ونقــاتــل
خَـرَج أجَــم قـائــد ألنــه أجَــم مقـاتــل
ولخــدر لعـــراق أصبــح هــوَّ كـافــل
داعـش أﮔبالـه أنهــزَم
أبتــده شَهــــر الألـــم
عـالـي ويـرف اللــواء * حَـيَّ حـيَّ أعلـه العــزاء
ــــــــــــــــــــــــــ
عَلِمـانــه أعلـه الصبــر شهــر الـمـآتــم
ومـا نحابـي الحاكـم الكـل وكتـه ظالــم
مـا بـﮕـه للطلعـه شـي مهـدينــه قـــادم
قـائـم أيضل هـذالعَـزه الطلعـت الـقـائـم
أتحضروا يَهل الشيَّــم
أبتــده شَهــــر الألـــم
واسوا سَيِّدتْ النساء * حَـيَّ حـيَّ. أعلـه العــزاء
كريم الحاج فليح
27 / 9 / 2016
الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇

https://telegram.me/aabas78

تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

بداية شهر محرم

لو بِده شهر المصيبه
نذكر الشيبه الخضيبه
ونذكر الجثة السليبه
واحسيناه .. واحسيناه
"""""""
لو بِده عاشور يذكر كل موالي
صاحب الشيبه الخضيبه بهالليالي
ويندب الضامي ويگله ودمعه هالي
( ليتنا كنا معك ) والله يغالي
نوحوا عالضامي يشيعه
الما شرب من الشريعه
منذبح هو ورضيعه
واحسيناه .. واحسيناه
"""""""""
بهالشهر ننصب عزة ونهتف سويه
السلام اعله ذبيح الغاضريه
صعبة يا شيعة علي والله الرزيه
ظل ثلث تيام عاري اعله الوطيه
تلث ليالي ليله ليله
لا اخو اليحضر يشيله
حايرين اخته وعليله
واحسيناه .. واحسيناه
""""""""
دامي نذكر جسمه من كثرة سهامه
بي الف طعنة وتسعميت علامه
فوگ ذبحه وفوگ ما هشموا عظامه
سلبوا اثيابه وخذوا حته العمامه
عالترب مگطوع نحره
داست الخيل اعله صدره
تساوت ضلوعه اويه ظهره
واحسيناه .. واحسيناه
"""""""
نبچي من دم لو ذكرنه حسين اكيده
اخته زينب بالسبي عنه بعيده
گطعوا اطرافه وبعد حزوا وريده
ما سِلَم من عنده حته خنصر ايده
بچفه بس اربع اصابع
خنصره يا وسفه ضايع
اه يا طف المواجع
واحسيناه .. واحسيناه
""""""""
نذكر الضامي اللي عالغبرة توسد
والشمر حز نحره لحظة ما تردد
شيبته البالدم تخضبت كلهه تشهد
هاذي شيبت حيدر وشيبت محمد
بكربله محزوز نحره
بجسمه چم طبره اويه طبره
وبالدمه شيباته حمره
واحسيناه .. واحسيناه
""""""""
بهالليالي نذكر اخته اللي سبوهه
شلون زينب بالحبل من چتفوهه
صعبة والله عالهزل من صعدوهه
وشتّموا امهه وابوهه وشتّموهه
ابچوا دم يالجعفريه
بهالشهر زينب سبيه
ميسرة بيد آل اميه
واحسيناه .. واحسيناه
"""""""""
واللي يؤمن قسمته حسين ونصيبه
هذا طاهر مرضعه وطاهر حليبه
وبالمجالس من يجي يواسي حبيبه
قطعاً الغيرة الحسينية تجيبه
نحيي ذكره انظل للآخر
والله تربات المنابر
ما نعوف احنه الشعائر
واحسيناه .. واحسيناه

الشاعر انيس الخفاجي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

{ محرم _ تقصير الخادم }

اذا ما ابچي والطم مشكله
احس بعمالي ما توصل اله
ليش صار هواي ما سامع هله
من الحسين من الحسين

١-
سبحان الله من يا طينه سواك
احسن تقصير حاصل مني وياك
صار هواي ما ضايك طعم ملكاك
عبدك يعترف يحسين اذاك

كمت ارد خجلان من عقد الوله
ليش صار هواي ما سامع هله
من الحسين من الحسين
________________
٢-
جنت ترويني بيدك وانته عطشان
واسمع من ازورك يا هله فلان
انه منك حسين هوايه خجلان
المى يمشي عدل وياك خسران

مكسور ارد يا ابن علي من كربله
ليش صار هواي ما سامع هله
من الحسين من الحسين
____________________
٣-
اذا تطردني وين انطي الوجه وين
انه المى عندي دنيا ودنيتي حسين
لا تحرمني منك يا ضوه العين
تره خلافك اشوف الدنيا شبرين

بعيني غيرك ثق يغالي ما حله
ليش صار هواي ما سامع هله
من الحسين من الحسين
_________________
٤-
انه الشلتك جرح من زغري بالروح
مو نحرك تره دلالي مذبوح
اذا تطردني صدك والله ما اروح
لئن شفتك بشر بي كلشي مملوح

كون اشوفن ابن ظاهر وسأله
ليش صار هواي ما سامع هله
من الحسين من الحسين
___________________
٥-
تراب اتمنه ارجع وملك احساس
وشوف الطف وشوف شسوه عباس
بلكت هيج والله ابجدمك انداس
تسامحني وردلك رافع الراس

كون الله رازقني بحرك في كربله
ليش صار هواي ما سامع هله
من الحسين من الحسين
________________

الخادم
حسين عبد الجليل المالكي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أخو الحره .. ركب مهره .. ومن اعداه طلع صوت
منو ايگابل .. أبو فاضل  .. موت وشايل الموت
وﻻ واحد طلع منهم
ابحر الصيف رجّفهم

••••••••••

مع احسينه .. حچه ابعينه ..
ارخصني يموﻻي
خلص صبري .. شنو عذري ..
سكينه رادت الماي
بعد مگدر .. یبو الأکبر  ..
نار وتلهب احشاي
أريد ابرز .. وأريد أرجز  ..
إني أنا السقّاي

گله أتوكل بأمرك
ومن عمري على عمرك

••••••••••

المشیّم .. ولا یهتم  ..
لو طلعوله فرسان
یطب بیهم .. ویخلّیهم ..
موتی وابخبر کان
الوصل چفه .. طلب حتفه ..
وما رجّعه زعلان
فنه العسکر .. واذا زمجر ..
طگ بالحومه بركان

اذا كافر وصل يمه
خل تلبس سواد امه

••••••••••

طلع فارس .. إجه اينافس ..
ومن صد على العباس
رجف كله .. وشرد ظله ..
وصار براسه وهواس
المچـنّه .. وﻻ چنـه  ..
عافه وعالنهر داس
يفر سيفه .. وعلى كيفه ..
يتبختر عاﻷرجاس

بثغر السيف حاچاهم
حطب للنار وداهم

••••••••••

شمر جوده .. وره ازنوده  ..
واتوجّه للخيام
یحط گلبه .. عله الجربه ..
لو یرموهه باسهام
اجو راحوا .. خزر طاحوا  ..
ما شالتهم اجدام
وترف عينه .. عله اسكينه ..
اللحظه صارت ابعام

الغيره اتگله يالكافل
يلا أسرع يبو فاضل

••••••••••

العده اجتمعوا .. وعليه فزعوا  ..
يتبسّم وﻻ خاف
اخو اليمه .. وﻻ همّه  ..
واتحضّر للآﻻف
تلگاهم .. بمناياهم  ..
بَرْق وگوه ينشاف
ولا ثنّه .. اله يمنه  ..
تتمناهه الاسياف

لدين المصطفى وحيدر
صارت سدة اسكندر

••••••••••

الكفر حاروا .. بوجل صاروا  ..
حيره واشيسوون
أجت فكره .. وره الشجره  ..
بالكافل يغدرون
الف وسفه .. اگطعوا چفه  ..
وطفّوا نور العيون
انفضخ هامه .. وعلى ايمامه  ..
ناده بگلب مطعون

امودع بالله يالغالي
سلملي على اعيالي

••••••••••

✍️ بقلم الشاعر
أحمــد هادي الشمري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ام البنين
-----------------------

مات شوكي ومحد الدك بابي
انشتلت عيوني ابدرب احبابي
---------
المغرب يفزز صفنتي وتنذبح امالي
بيتي ماضنيت اشوفة من ضواهم خالي
بالي ماضل اعلة ولدي حسين ضل ابالي
الدمع غالي بس نرخصة من نفارك غالي

دمعي من ينزل يخط عتابي
انشتلت عيوني ابدرب احبابي
__

الجفن جناز شفتة من تموت الدمعة
وشيب المفارك يسولف عن ونينة وضعة
اربعة راحوا واتاني بلكن الهم رجعة
الهوة بعيني منية عشت مثل الشمعة

بعد ولدي شكبرة جرح مصابي
انشتلت عيوني ابدرب احبابي
__
العين لو عطشت ملامح بيمن نسليها
الفركة تبدي من المدامع ولأجل ينهيها
بية حيرة من هجرهم اللة يعلم بيها
نار المعزب احسها بكلبي شيطفيها

بيهم افرح جان هذا حسابي
انشتلت عيوني ابدرب احبابي
__

ايست ماضن يجوني بعيني ضلمة الديرة
مبين المشتاك نلكة بوجهة صفنة وحيرة
السبحة تبجي لمن انوي الهم أخذ خيرة
خوفي لايم الشريعة ايطيح جف الغيرة

بالسلامة ربي رد غيابي
انشتلت عيوني ابدرب احبابي
__


الباب تانت جف اديهم وانة شوكي يتاني
بلحضة العافوني وحدي ماعفت احزاني
حسين ودعني وداعة ابلا وعي خلاني
خل يرد لية ثواني وانتضر يلكاني


بس اشوفة وانسة كل صوابي
انشتلت عيوني ابدرب احبابي
__
روحي يبست من هجرهم بس كلت معذورة
ابالي ليل الفركة خلة للحزن جم صورة
للسمة باالليل اعاين والكمر شع نورة
وكمر هاشم يمي أضنة وابدي اون مجبورة

جان يضوي بكل فجر محرابي
انشتلت عيوني ابدرب احبابي
__

سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بهذا الحبل لا تنفصل
ببن الوصي دوم اتصل
خل ايدك بأيد حسين بالك تهد جفينه
*************

هالدنيا لو رخت حبلها اتخدعك
من تمشي وياهه بعد شيرجعك
بس الحُسين ابن الزچيه اينفعك

ببن الولي ماتنولي
ما تنهزم دوم وعلي

يوگفلك بوكت الضيج والوادم امجربينه
******
الدنيه خلصانه تره وتعرف زين
ربك نِطه ألنه عُمُر مو عُمرين
شمحلاهه من تگضيهه خادم لحسين

كلمن نِذَر روحه إنتصر
ويه السبط لا ماخِسَر
بيوم الحشر ما ينساه يوگف اله ويعينه

**
لحسين ظل خادم أبد ما تخسر
وأقسم إله بداعة علي ألأكبر
أخدم سِبط أبن النبي للمحشر

بس فزعته وي نظرته
يوم الحشر وبصايته

إندب دخيلك يحسين ماغيره ألينجينه
********

بيوم الشدد يوگف الك بس انخاه
يگضيهن ابلمح البصر ثق بالله
إبن الوصي كِلمن خدم ينطي جاه
ينطي اله فد منزله
الوادم تجي وإتقبله

والخادم يضل للموت ثوب الشرف منطينه
*****
يالخادم السبط النبي وآل البيت
هاك أستمع مني النصيحه وياريت
لا تعلى عالوادم اذا یوم اعليت


وهذا الزمن وكت الفِتن
يلتنتسب لاُم الحسن

لاتستغيب الخدام وإتهَدم البانينه
********
أقسم عليكم بالنبي والأنزع
ياشيعه بس هاي الخدامه التشفع
بيوم الذي بيه الولد ماينفع

خل نستعد خل نبتعد
یم حیدره کلهه ترد

زحمه لَوَن حامي الجار يبدي العتاب إعلينه
**********
تمت بعون الله
كلمات خادمكم الصغير
يوسف هاني الاسدي
وأسألكم الدعاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اغيــــــــم محنه اعله ريحت اهلنه
صريحه باأمنياتي \\ اشوفن كل خواتي
\\\\\\\\\\\\\\\\\\\\\\
صارلي هواي اغص بالماي
صارلي فوك الشهر مااجه منكم خبر
شنهي الاسباب يهلي غياب
كَاعده جن بسجن طفله محتاجه الحظن
كَلت لليل بجرحي لتعيل
جيتك لجرحي ملح سافر ويهلي الصبح
عليله اوحيـــده المسافه بعيـــده
كَمت ادعي بصلاتي \\ اشوفن كل خواتي
\\\\\\\\\\\\\\\\\\\\\\
ليش كل يوم تزيد الاهموم
شدتي يمته تفض وتنطوي ليه الارض
ووصل هناك واكَعد وياك
وابدي اعاتب كل سهم الخله بكَليبك الم
تعطش شلون وبيدك الكون
عجبتني رحـــــــــمتك والله يسمع كلمتك
تلبي اليطلبك السهم هم يحبك
واخذ منك غلاتي \\ اشوفن كل خواتي
\\\\\\\\\\\\\\\\\\\\\\
شدتي تهون منذكر ام عون
الماشيه بدرب السبي قيمه سوت للعبي
تبجي بحساس وينه عباس
واليحب طاري السهر يعني فاكَدله كَمر
بكَلبي موظوع تشرحه الدموع
كون اشاركهه بحبل واصعد النوك الهزل
عكَب كل اهلهه تغير شكلهه
ردت سوط ابعباتي \\ اشوفن كل خواتي
\\\\\\\\\\\\\\\\\\\\\\
احن واشتاكَ مر الفراكَ
التشبه الزهره صدك موجديده اعله الحرك
حسرتي تزود بعمر الورود
عيوني مدري شكَد بجن عالتراجي اتسلبن
تاهت ابليل وشافت الخيل
صدر الحسين انسحكَ وصدر البنيه اختنكَ
عزيزة ابوهه تناشغ لكَوهه
وانه حانت وفاتي \\ اشوفن كل خواتي
\\\\\\\\\\\\\\\\\\\\\\
وين ودوك يابو كاروك
بالسمه لوجهك صور من عمت عين النهر
بعدك ازغير تشبه الطير
فرفحت من العطش والسهم خشبت نعش
اختك اتكَول يادليلول
يامه هزيت المهد وتالي حظي ماكعد
اطيب امنشوفك واقبل جفوفك
ظحكتك كل حياتي \\ اشوفن كل خواتي
\\\\\\\\\\\\\\\\\\\\\\
تمت علاء الزيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ماداعي لهلاال دوم انته عالبال
اقسملك ابدم ركَبتك \\ ماجوز ابد عن خدمتك
\\\\\\\\\\\\\\\\\\\\\\\\\\\\\\\\\\\\\
انساك وتذكر شنو ماعندي غيرك غالي
يالعافيه وماي الوجه ياتاج راسي وبالي
وشدخل اهلاال الشهر ابيناتنه من تالي
هوه انته غير ويالنفس وبسمك يدك دلاالي
هسه انه همزين عبدك يالحسين
وطيني من فاظل طينتك \\ ماجوز ابد عن خدمتك
\\\\\\\\\\\\\\\\\\\\\\\\\\\\\\\\\\\\\
يوميه اعيش مصيبتك وي صورتك بالدمعه
وتخيلك مـــــــن تنذبح وتنزل دمعتي بسرعه
وابالي معركت العطش مثل الهوه ويالشمعه
يراد بس الخـــــنصرك مقتل الناس اتسمعـــه
شيكفي عاشور للكلبه مكسور
يوميه انعه مصيبتك \\ ماجوز ابد عن خدمتك
\\\\\\\\\\\\\\\\\\\\\\\\\\\\\\\\\\\\\
مولاي عود اصبر سنه لمحرمك والعاشـــــــــر
لــــــو بيدي ايام السنه ابدي ابمحرم باجـــــــــر
نيمني يم ازغر جرح يفهمني بيك اشصايــــــر

يل لطمت ايدي اعله الصدر شساوي يم الحافر
وصايرلك اهواي ماضايكَ الماي
بصدرك حوافر سحكَتك \\ ماجوز ابد عن خدمتك
\\\\\\\\\\\\\\\\\\\\\\\\\\\\\\\\\\\\\
الناس تحسب للشهر وشكَد بعــــــد لهلااله
وانه احسب احسين اشوكت يسمعني من اقراله
تقل هيبته المايخدمك الما يخـــدم اشيسواله
والترظه انته ابخدمته تنقبل كل اعـــــــــماله
صدكَني محسود جي انه رادود
خادم صرت عد حظرتك \\ ماجوز ابد عن خدمتك
\\\\\\\\\\\\\\\\\\\\\\\\\\\\\\\\\\\\\
الدنيه مالت من طحت بس رحمتك لزمتهه
شفت الحياة ابرايتك تستــــــمر وي رفتهه
وخدامك ابوكت العزه ماكو احله من لمتهه
بهدومنه ريحت لطم الله ياريــــــــــــحتهه
لو دمعي الك طاح تلكَاني مرتاح
بدموعي اشتم ريحتك \\ ماجوز ابد عن خدمتك
\\\\\\\\\\\\\\\\\\\\\\\\\\\\\\\\\\\\\
محتاجك انه ابكل وكت يالتعلم انته ابنيتي
من كثر ما اشتاكَ الك ترسن صورك بيتي
يحسين تستاهل تعب تعـــــبك ربح تاليتي
منكَبل ضريحك سيدي اركظـــــلك ابحنيتي
منلزم الشباك بدي احجي وياك
مستعد دوم النصرتك \\ ماجوز ابد عن خدمتك
\\\\\\\\\\\\\\\\\\\\\\\\\\\\\\\\\\\\\
تمت علاء الزيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

القصيدة ( ١)
الى فاطمة العليله


وين رايح بالضعن تانيني
بويه تدريني الهجر ياذيني
بنيتك وتبقى عليله بالثنيه
ابقى بهمومي اعالج بالمنيه

****************************

بويه يحسين بهالظعن وين
رايح وعايف عليله بطرك الاهات
أفتح الشوف ماكو بس خوف
خاف لو طر الفجر الكالي حسرات
من تشيلون توكع اعيون
تتبع اجدام المشو دمعات دمعات
وانه ياحال بلايه آمال
وانتظر مجهول مايحمل مسرات
***************
بويه فكدك لو رحت جتالي
وابقى عنواني يتيمة غالي
يصير عنواني يتيمه فاطميه
ابقى بهمومي اعالج بالمنيه
****************************

العدها مفكود تنطر ايعود
وانه انطر والدي الراح المنيته
وياها خلان وعدها خوان
وانه اخذهم كلهم وضل خالي بيته
منين مادير روحي اتحير
بلكي اشمن عطر ابوي الدوريته
صارت احلام عطره مادام
حتى عطره وياه خذاه ومالكيته
****************
خوفي خوفي تروح حتى طيوفه
وينكطع نفسي وبعد ماشوفه
وابقى بفراكه بالم وافرك بديه
ابقى بهمومي اعالج بالمنيه
*****************************
وحدي ضليت بوحشة البيت
والتفت ماضلي احد بس الاشباح
راحو بعيد حزني شفيد
ماترد دمعات من دم والدي الراح
بلله يالبين التفت وين
حتى اشوفن طيف منه وتهده الجراح
كلي تبقين ماتكدرين
وهوه مأخذ كلبي بيده وكل الارواح
*********************
بين لوعات القهر خلاني
اخذ كلشي وانه شو عافاني
خوفي محد من هلي يرجع اليه
ابقي بهمومي اعالج بالمنيه
******************************
امحمل اظعون وكلت ترحون
وانه اعاين مني راح يروح بيتي
كلت ارجاك بويه وانخاك
بلكي وياكم يبويه اعرف نويتي
بلايا احباب لا حله وطاب
عيشي لاطاب وحلى وحانت منيتي
من يروحون تبقى الظنون
بفركة الاحباب تتهدم بنيتي
************
كلبي راح يموت ويشيعونه
لو مشو اهلي تكتله اظنونه
وادري ماواحد يجي ويرد عليه
ابقى بهمومي اعالج بالمنيه
*****************************
كتلي انعود لاجلج اردود
وناخذج يبنيتي مابين الضعينه
خوفي من هاي وعدك وياي
انتظر والوعد مايحصل بدينه
يتعب الحال وماكو مرسال
خاف الأكبر مايجي وحالي حزينه
كلبي ممرود وصعبه الوعود
بويه خوفي لو رحت لا ماتجينه
*************
دمغه دمعه ويه الليالي ابجيلك
يالرحت مني يغالي ادعيلك
وانه تنطر عالدرب عيني جريه
أبقى بهمومي اعالج بالمنيه
*****************************

محمد دعبل النوري



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

{ محرم - للطفل الرضيع }


مات الورد ** مات الورد

١-
عن يا ذنب مات الورد شمسوي خاطر ينذبح
كد ما ترف ابني تره يتمثل بنور الصبح
لا ما كمل طول الولد عبد الله ونصاب برمح
وذباحه ما يملك رحم فوك الجرح ينثر ملح

لامك ترد لو ما ترد
مات الورد مات الورد
٢-
ماعنده ركبه ولا نحر شفته انذبح فوك الترب
چا وين اروح بكربله وانه مره بديرة غرب
داخل خيمنهً العائله ونار الشمر كامت تشب
شكد حاولت انقذ طفل بس صعبه ما اكدر اطب
والراح ما يرجع بعد
مات الورد مات الورد

٣-
من صاب عبد الله السهم بهالحضه احس كلبي انزوف
اصفر كلب لون الولد فوك الارض كد ما نزف
كد ما شفت دمم وذبح ما فرزنت حتى العرف
شحجي وشكول بكربله ضيم الولد ما ينوصف

عبد الله مو مالت لحد
مات الورد مات الورد

٤-
ضلمه السمه وطاح الكمر ونصاب عرش الله بسهم
وتخيل الموقف صعب حرمه انه ابين الزلم
كلشي صدك بالطف تره كله حقيقه بلى حلم
يعني الحضر ذاك الوكت تسهل عليه حرك الخيم

لا مو سهل فكد الولد
مات الورد مات الورد

٥-
ما ينسي فكد الولد شلون انسه ذيج الحضه
شلون الكلب ينبض بعد فكد الولد شل نبضه
من مات عبد الله الحضن ياهو بعد اليعوضه
ماله ذنب ليش انذبح حته الله لا ما يرضه

كل ضني يكبر ونسعد
مات الورد مات الورد


الخادم
حسين عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياشهر عاشور يالكلك الم
حتى طفل حسين منهم ماسلم
&&&
ياشهر عاشور مثلك ماجره
ومثل زينب ماكو حرمه مخدره
راحت وي العده تمشي ميسره
شالت وياها العقيد وي القيم
&&&
ياشهر عاشور مايغمض جفن
عل المشت للشام مهمومه وتون
رافاكها النوح والدمعه وحزن
من تشوف بعينها رايه وعلم
&&&
ياشهر عاشور ياشهر المصاب
بيك رمله اتيتمت وي الرباب
يوم فكدو ياشهر منهم شباب
والولد بيها من امه انحرم
&&&
ياشهر عاشور تحزن جلمته
بيها لن عباس كطو يمنته
وطاحت وي اجفوفه يمه رايته
عالنهر من طاح وبعينه السهم
&&&
ياشهر عاشور بيك اترملت
جم مره بدموع هيه تكحلت
وجم طفل لحسين طفله يتيمت
وجم جبد بعياله ساعتها انهظم
&&&
ياشهر عاشور غيرت الوضع
بسرعه مدري شلون فركت الجمع
وبالكلب الالام خليت الطبع
جمعت بالروح نيران وحمم
&&&
ياشهر عاشور ضحكته يزيد
وبيها خليته يصرح بالوعيد
تالي ندري ينتصر دم الشهيد
ويبقى خالد رايته فوك القمم
&&&
ياشهر عاشور فركت اليحب
ودمعه خليته عالوجنه يصب
مفارك الخلان اهوايه صعب
راح راعي المرجله وراعي الشيم
&&&
ياشهر عاشور خليت الضعن
يمشي وي الروس شوفه الشجن
حتى من النسه اهواي انعمن
بالبجي والنوح نيران الخيم
&&&
خادم اهل البيت
الحاج ابو علي السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اليوم عزرائيل نازل
لابس اهدوم ابو فاضل
****************
هذا عزرائيل لابس ثوب سبع الكنطره من علي مختوم سيفه وسوه بالطف مجزره
ناس ملك الموت كالو ناس كالو حيدره والشجاع الجان بيهم صار كدامه مره
يكتب بسيفه المنايه صاروا كباله نثايه
************
من نزل نادي المنادي اليوم يوم الواقعه صاح كل الجيش اشردو الموت طب للمشرعه
طالع ايوزع منايه امن الحسين اموقعه امنين ما يندار سيفه ايشوف روس امكطعه
جنه ملك الموت اجاهم
سيفه ضل يطرد وراهم
*************
من نزل عباس بالطف كام ينباع الهوى صارت الدنيا ظلام وبس ابو فاضل ضوه
والتخزره اطراف عينه هوه والميت سوى
للرگب عطشان سيفه اليوم من دمهم روه
ناس من الخوف ماتت
ناس بالرجلين راحت
***************
قارعه العباس نازل شيل ابجفه العلم صار جن يوم القيامه ابيوم ابو فاضل هجم
عين تربي اعلى الشريعه وعين تربي اعلى الخيم
صاح تحت انعال زينب اله اسويكم خدم
صاح يا زينب عضيدج
اله اخليهم عبيدج
***************
صفره كدامه الوجوه وسيفه جن منجل حصد
والشمر من شاف وجه حاير بروحه بعد
من يهد عباس بيهم صاح يا زينب مدد والبطل كدام سيفه خايف ابروحه شرد
سمعو العدوان صوته
طاحو اعلى الكاع موته
****************
من وصل نهر الفرات وجان عطشان اشكثر
دنيه صيف اهناك جانت والكلب صاير جمر
ما شرب تدرون ليش ابهاي لازم نعتبر اضن لو عباس شارب جان ما ضل منتصر
ثبت امن الجود نصره. صار وسط الماي كبره
*******************
ابو باقر الساعدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747