قصيدة-القاسم ابن الحسن ع
محرم_1441
(جســام هـوه البالريه)

طفيته شمعك يالولد وانه انطفت روحي
جـا يمـته أشوفنـك ترد يمزود أجروحي
جســام …… يتعب سنيـني
جســام …… نـضر لبعـيني
جســام …… هـوه البـالـــريـه
ــــــــــــــــــــــ ❁ ❁ ❁ ــــــــــــــــــــــ
ادعي ياربي تجيـني وكلبي صاير بيه جنـون
ياحلـم كلبي وحياتي يـبنـي ياضـي العـيـون
انه كل ضني من موتن انته حاضر يمي كون
خابت اضنوني يجاسم وغيرت كـل الضـنون

يـمـه اضنــوني
يـمـه اضنــوني
ترجع عليــه ياكمر انته ضـوه اسنيني
ضـلم أشو هسـه العمر وانته التضويني
جســــام …… ضــوه ويضويني
جســــام …… نـضـر لبـــعيــني
جســــام …… هـــوه البالــــريـــه
ــــــــــــــــــــــ ❁ ❁ ❁ ــــــــــــــــــــــ
جانت امنيتي بحياتي يمه اشوفك بالعرس
منية ابوك الحسن هايه جـان يتمنه الامس
يشوفك بثوبك مهندم يا وجه هاي الشمس
انته كلبي وانته دكته وتهمس بكلبي همس

يـــمــه كلـــبي
يــمـــه كلـــبي
لا مايدك كلبي بعد وانـــته ابعدت عنــي
ياوسـفه يا عمـر الـورد ذابـل رحت مـني
جســـام …… ردت تحميــني
جســام …… نـضـر لبـعيـني
جســام …… هــوه البـالــريـه
ــــــــــــــــــــــ ❁ ❁ ❁ ــــــــــــــــــــــ
يـمه كون اندار فـدوه وروحي فدوه لشوفتك
مـن شموع او ياس صارت للدمـوع مصيبتك
الحنه بالدم عـله جـفك وسـفه صـارت حنتك
غيــرتك غـيــرة هـواشـم ونـعـم مـن غـيـرتك

يـمــه شـــموعك
يــمه شمــــوعك
طفيـنه شمعات العـرس وضل الدمـع جاري
البخيامي وجت بالكلب مشتعله احس ناري
جســـام …... البعد ياذيني
جســام ...... نضر لبــعيني
جســام …… هــــوه البــالـريـه
ــــــــــــــــــــــ ❁ ❁ ❁ ــــــــــــــــــــــ
طـول عمرك يبني عايش وانه احسبلك عمر
والـسـهر ليـــليه ذاك اعيــوني من عده حمر
تالي ما تالي يجـيني وياخـذك مـنـي الشـمر
راح اتانـي العــمـر كـله بالـكي واعـليـــه تمر

يـــمــه روحي
يــمــه روحي
روحي تهيد واتستجن بس رايده تشوفك
انتـظرك بليـــلي اليمر وترجــه بطـــيوفك
جســـام …… فقط حاجيني
جســـام …… نضـر لبــعيـني
جســام …… هــوه البالـــريــه
ــــــــــــــــــــــ ❁ ❁ ❁ ــــــــــــــــــــــ
يـمـه صـح حـزنـانه لجـلك لـجـن فـدوه للبـتول
حسينها عالترب طايح رضرضت صدره الخيول
صح وحيدي بـس لزومـاً تضحي لعـمك تصــول
وصـيت ابوك الحسن بيـــه جاسـم العمه يكـول

يـــمه وحيـــدي
يـــمه وحيـــدي
ياوليــدي امك وافتخــر ومضحــيه بوليـدي
لم الحسن يـمـه نـذر وبيــك افخـر اوحـيـدي
جســام ...... فده لحســـيني
جســام ...... نضــر لبعـــيني
جســام ...... هـــوه البالريـــه
ــــــــــــــــــــــ ❁ ❁ ❁ ــــــــــــــــــــــ
الخادم الحسيني
(محمد رحيم المشعلاوي)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا حسين      مقصر    وكلي   ذنوب
يا حسين      على بابك جيت اتوب

الله   يغفر  للتحبه
بنار باجر ما يعذبه     يا حسين
...........................................................

بالذنب  يحسين  اجيتك  لا   تردني  مروتك
جنت ما اندل طريقي وهسه روحي  عرفتك
الحمد لله من  وعيت وصرت  انه  بخدمتك
الحمد لله  من   جبتني   ودخلتني بخيمتك

احمد الله      اتلاحكت روحي واجيت
احمد الله      بمجلسك  دمعه   بجيت

بمجسلك دمعه اليصبه
بنار  باجر   ما   يعذبه     يا حسين
...............................................................

الدنيه  غرتني  بشكلهه  واعمى  بيهه من مشيت
لا  صلاة  ولا   صيام   ولا   على مصابك  بجيت
وعاصي ابوي وعاصي امي ومدري بيمن التهيت
نادم   وجيتك   يغالي   نعمه   لو   عني  رضيت

الله يرضه    كون ترضى بتوبتي
الله يرضه    احجي يمك حاجتي

والتحبه    يحبه    ربه
بنار   باجر   ما   يعذبه       يا حسين
................................................................

جنت  ما  عايش  حياتي  ما عرف مثلك حنين
حسين ماكو الي يشبهك   انته مثلك ماكو وين
من عرفتك كمت انادي حسين بس هل كلمتين
ليلي  ونهاري  اصيحن   يا  حبيبي  يا  حسين

كمت اصيح     حسين غيرك ما الي
كمت اصيح     فدوه الك انه وهلي

الشال حب حسين كلبه
بنار   باجر   ما   يعذبه      يا حسين
................................................................

شلون  ما  ادري  عشتهن  ذيج الاسنين بجفاك
وما   اهمن   من  افوت   واسمع   الناعي نعاك
هسه  كلبي  شكد  يحبك  ذاب  يحسين بهواك
ولو يصير الموت دربك والله اضل امشي وراك

كمت الطم      فوك راسي والصدر
كمت الطم      يل ذبح راسك شمر

اليمشي وي حسين دربه
بنار   باجر   ما    يعذبه     يا حسين
...............................................................

منذبح  انته  عله  مودي  واني  ليك  شقدمت
بالحرب   انته   وتصلي    وبالفجر   انه  نمت
على اعدائك انت تبجي واني لاهلي خاصمت
عل مضه من عمري  ذاكه  يا  حسين اتندمت


شقدميت     وانه  كل  عمري ذنب
شقدميت      وانت محروم العذب

اليعترف واليحجي ذنبه
بنار    باجر    ما   يعذبه     يا حسين
.........................................................

(حسين خليني عله بابك) من كلب ولسان اكول
( غير  بابك  ما  ادكن  )  يا  ابن  فحل  الفحول
(حسين كلي اذنوب اجيتك) واكف بابك خجول
اغفر   ذنوبي    احلفك    بامك   الزهره   البتول

يا شهيد     نظره بس منك ردت
يا شهيد     بجودك اعليه انعمت

سهله عندك موش صعبه
بنار   باجر    ما   يعذبه        يا حسين


خادمكم حسين ابو عباس الكعبي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كل ما يمر وكت الضهر
كدامي احس يصهل مهر
... وينادي يا عالم هضيمه...هضيمه..

جد خيميتي صاح المهر كلي يزينب كومي
مدنك الراس وحافره فوك الارض ضل يومي
كلي يزينب كربي راح اشتكيج اعلومي
فوك الثره الحسين الولي وكله عليه اتحومي
كلي شجرة يا هلمهر يلغيريت ارسومي
..
وين الولي خليته.... حمره اشو ناصيته...
.
كلي بعد ما ضل صبر... كلي بعد ما ضل صبر
###############################
كلي يزينب الطمي ونعي الحسين اهوايه
على الارض ضل مجفي الوجه وطايح بلمسنايه
ضامي وترى حر الشمس كاسر عليه افيايه
منعو عليه حتى النهر مالازم ايشم مايه
لملمي اطفالج بلعجل باجر وراج اسبايه

.. بسرعه الخيم خلوه... هجمو ترى ايحركوه

وباجر ترى بضعن اليسر... باجر ترى بضعن اليسر
###################################
يا مهر لا تصهل بعد دليني وين امچانه
بيا كتر طايح مهجتي وبين الغرب خلانه
دليني اريد اوصل اله بلجن يرد ويانه
ارد اشتكي منشمر بسوطه الرجس طكانه
مدلله بجالك يلولي بعده الشمر ذلانه

.... وسوطه يمزك بلعبي... ويكلي لاخذجن سبي

ياريته خلصان العمر.. ياريته خلصان العمر..
##################################
صكي الوجه يم الخدر وسوي اعيونج حمره
عاري الحسين اعله الترب ومجدل اعله الغبره
مكلوب شفته اعله الوجه وبن الرجس حز نحره
مفروش جسمه اعله الأرض داست الخيل بصدره.
مو جرح واحد ينجبر بكل كتر خلو طبره....

... فوك الثره اموذرينه... احسينج اذا تشوفينه..
.
ولابد تدوسي اعله الجمر.. لابد تدوسي اعله الجمر
####################################
الشاعر مرتضى المذخوري.. 2019 /8/8



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله
عن لسان حال العقيله زينب عليها السلام
وهي تخاطب اللعين أبن اللعين يزيد عليه لعائن الله
.........................
كيد كيدك يا يزيد
سوي أشعندك تريد
أنه بت وخت الشهيد
ما أقر قر العبيد
......................
أنه زينب بت علي أو بت فاطمه
وانه أخت المات جبده أمسممه
وخت أبو السجاد أبن حامي الحمه
والكمر عباس راعي الغانمه

حقدك الأعمى الشديد
مايهز عكلي الرشيد
أنه بت وخت الشهيد
ما أقر قر العبيد
....................
أنته أصلك كلي من ياهو أنحدر
ياهو أبوك أنجان طالع من ظهر
أنه زينب بت علي فارس مضر
هاشميه أو جدي سيد عالبشر

أستمع بيت القصيد
جدي مرسول الحميد
أنه بت وخت الشهيد
ما أقر قر العبيد
....................
نعمه من رب السمه عندي أهل
الكعبه ألهم بيت من عمر الأزل
عمره ما عابد مناة أو لا هبل
واحد أمنهلي الوحيهم من نزل

ذبح أخوي أمنالوريد
يبقه للعالم نشيد
أنه بت وخت الشهيد
ما أقر قر العبيد
.....................
أنه زينب بت نبي أبهيبة نبي
عشت عملة كربله أو درب السبي
ما رخى أحجابي ولا هدلت عبي
خاف ماتدري أبعفافي الطالبي

أمي الزهره أكيد
علمتني العفه عيد
أنه بت وخت الشهيد
ما أقر قر العبيد
........................
انه شفت أبعيني عبد الله أبسهم
نحره مذبوح أو شفت نار أبخيم
أو فوك صدر حسين شمرك من جثم
أو عالنهر مجتول شيال العلم

صبري أصبحلي عضيد
عززت هذا الرصيد
أنه بت وخت الشهيد
ما أقر قر العبيد
.......................
أنته تسكت وانه الحجي أبهل المقام
الشام أخليها عله راسك حطام
أشما تباهي أبمنصبك يبن اللئام
أبخطبتي العصماء أذلك بالكلام

عالمه وانه وليد
بحري قرئاني المجيد
أنه بت وخت الشهيد
ما أقر قر العبيد
.......................
خادم أهل البيت
الشاعر : أسماعيل الجوراني
الأثنين : 12/8/2019


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

المشكله عيون النحبهم غافيه
عمه راح وداعت الله العافيه

راح كلشي بفركته
طاح دمعي بجربته

عمه راح وداعت الله العافيه
****

راح مني وما اظنه عمه يرجعلي واشوف
عيني طاحت من شفتها طاحت كبالي الجفوف
بكثر خلكه الجرح دامي ولجرح ماعرف اروف


والعيون .... والعيون

تنزف دمه بفركاه وتعته حيلي
وبسده انام الليل شيخلصه ليلي

ما ينسى بالي ....... جه عندي غالي

من سمعت بطيحته
طاح دمعي بجربته

عمه راح وداعت الله العافيه

****

ذاكه راح الجنت اندبه بالطفوف امرايتي
يكول عني شكد عزيزه اعز حت من غايتي
يا بو فاضل فرهدوها من عفتني احجايتي

والتراجي ... والتراجي

ياخويه جرهن حيل ورقيه طاحت
وين الكه ابوي حسين وبشوغه صاحت

فوك البواجي ..... جر التراجي

لمن شبك رايته
طاح دمعي بجربته

عمه راح وداعت الله العافيه

****

عمه خل يرجع ذخرنه حيل صعبه الفركه هاي
العمها كافل عل مخيم عمه شتسوي بالماي
ارجع ارجع يابو فاضل يا هواي انت وهواي

والصياح ...... والصياح

تارس دمعتي هموم وكليبي هايم
صعبه اقنع العباس علرمله نايم

ما دامه يبطي ...... نمشي ونغطي

اذكر اني بحظنته
طاح دمعي بجربته


عمه راح وداعت الله العافيه

*******

حسين ظل يكسر الخاطر شفته من عنده رجع
وكع مو كثرت جروحه شاف اخو كلبه وكع
عينه ظلت بس تلالي محد يسْكت الوجع

والخيام ....... والخيام

ظلت ابلايه ازلام وابلايه والي
والرمش يعثر كام بعدك يغالي

يعثر واسنده ....... جفك يسده

كبالي نشف دمعته
وطاح دمعي بجربته

عمه راح وداعت الله العافيه

****

هسه خلينه نتوادع راح يسبينه العدو
غربه بالطف هلبقينه بلا نصير ولا اخو
حسين ماكو اليفزعلنه وماكو عباس الكفو

والعبايه ....... والعبايه

لزميها حيل وياي خيمتنه هايه
من شارب العباس صارت عبايه

وحسيني غايب ...... فوك الترايب

عباس مخظب جربته
طاح دمعي بجربته

*******

سيد احمد الميالي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زينب اعله الهامه اديها:
اتصيح وتحشم وليها:
ياابو فاظل...........ياابو فاظل:
...................
گاصده صوب الشريعه وانتخيك:
ريت ابــروحي ياكفــال افتديك:
يــاعباس الهــظم جابـاني عليك:
طاحت الخيمه ياخويه وي اديك:
اتحاشمت كلها علينه:
وانته كفال الضعينه:
ياابو فاظل...........ياابو فاظل:
........1........
ادري خويه العتب ياذيهه الجروح:
بــعد چاشلي بحياتي مـن تروح:
ياهو اليسكت نحيبي مـن انوح:
وسفه رايت الشمر عكبك تلوح:
وسفه نايم عل شريعه
ياابو جفوف الكطيعه:
ياابو فاظل...........ياابو فاظل:
.......2.......
حيره عگبك انــتخي بيمن احير:
ادري حداي العدو عــكبك يــصير:
ويــن زيــنب تنسبي وليــا مـصير:
غــير عباس الشهم ماعــدهــا غير:
كوم لختك ياوليها:
شمتت العدوان بيها:
ياابو فاظل...........ياابو فاظل:
.......3.......
خويه يالجبت الظعينه ردنـي ليها:
ترضى شمر وحرمله الحــادي بيها:
وترضى غيرك يــالولي يزمخ عليها:
ندمـه زينـب تنيسر وانــته وليها:
امشي عل هزل هظيمه:
وانه اخت راعي الشيمه:
ياابو فاظل...........ياابو فاظل:
.......4.......
كلـي يــاجرح اليلچمك حته اشده:
انته وصفلي ابوفاظل وانه اسنده:
خويه اظنها روحتك مــا منها رده:
خــويه ادري بخـوتك مــاي وتبده:
وين اخو مثلك ياوالي:
وين ياعزي ودلالي:
ياابو فاظل...........ياابو فاظل:
.......5.......
الشاعر مجيد گيطان الصالحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فتحة عزاء الليله الثالثه
فاطمه العليله


يابوصالح .. ايعينك الله سيدي ابهاي المسيّه
يابوصالح .. هاذي ثالث ليله منّ الغاضريه
_________________________________

هليله عنوان الحزن . طفله وعليله بس تون .
لعيون ابوها اشگد تحن .. دم اودمع تبچيله

سافر ابوها ومارجع . ودلالها ابحيره انصدع .
چم مره نادت ماسمع .. يمته وترد ياليله

بفراگكم حيلي گظه . والنوم جفني يرفضه . تچويني احس جمرة غضه . ياويل گلبي اويله

يابوصالح . نوحها ايبچي الصخر للماله جيه
يابوصالح .. هاذي ثالث ليله منّ الغاضريه
_________________________________

والدها الحنيّن رحل . وكتاب منه ماوصل .
محتاره ماعدها آمل . بس للدمع والونه

ضاع العمر وي ضيعته . لاعدله لاهي ميته
يوميه تقرا هل اتى . واتگول لا ماضنه

تتذكره لمن مشه . واتطيح واعليها ايغشه .
تركض لثوبه وتفرشه . وتتذكر المحنّه

يابوصالح . فوگ علتها الهجر كله اذيه
يابوصالح .. هاذي ثالث ليله منّ الغاضريه

_________________________________

بدروبهم طرة الفجر . يوميه تگعد تنتظر .
بلكن طوارشهم تمر . ويمر عزيز اعليها

ماعدها سلوه من بقت . لاضل اخو يمها اوخت . باعرابي مر بيها انتخت . اتگله هلي اتمر بيها

لحسين ابن حامي الحمه. هاذي الرساله سلمه .
گله بنتكم فاطمه . سيل الدمع گاضيها

يابوصالح . اشلون مكتوب اكتبت لبن الزچيه
يابوصالح.. هاذي ثالث ليله منّ الغاضريه

_________________________________

وبالشده وابوكت الحرب. لن ذاك الاعرابي يطب . جايب رساله امن الگلب . لحسين بيده انطاها

بسم الله واعيونه جرت . يقره العليله اشسطرت .
ابروحه نار اتوجرت . لمن قره فحواها

اتگله يابعد العمر . سولفلي چا يمته تمر .
مشتاگه الك تدري اشكثر .. روحي الاجل وازاها

يابوصالح . من قره المكتوب طاح اعله الوطيه
يابوصالح.. هاذي ثالث ليله منّ الغاضريه
_________________________________

اشلونك انت ابكربله . واشلون كل العايله .
وعمي تره مشتاگه اله . ماعندي من اخباره

واشلون عمتي ويه السفر. ومن الطفل شنهو الخبر . خو مانشف ماي النهر . وصرتو ابعطش حياره

وگل الرقيه اختچ تره . من غيبتچ متوجره .
أي وحگ سبع الگنطره. دمعي غده يتجاره

يابوصالح . اتگله يمته اتعود ياروحي إليه
يابوصالح . هاذي ثالث ليله منّ الغاضريه

_________________________________

ابو فاطمة الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يشيبات باجر بالدمه أتحنن يشيبات
زينب صاحت بحركه عل المات
بحركه عالوجن نزلن يدمعات
&&&
عمري الكظه عالمشرعه من شفت رايه بايده
بصوتي صحت ياابو الفضل خويه بقيت اوحيده
هذا الضعن وحده بقه منهو اللذي ايعيده
سكينه بدمعها تنتحب وتكول عمي انريده
يالجفون ظلن بالدمع هملن يالجفون
عليهم بالدمه خلهن يهملون
يم اعداي للحاله يشوفون
&&&
ياخويه ياكافل خدر اخته ونطه حياته
عباس راعي المرجله والغيره من صفاته
التمت علينه اهل الرده وحركو خيم خواته
واختك وحيده بالخيم ظلت تسب طغاته
يهجمون كلساع الشمر ربعه يهجمون
بس ادموع واطفال اليونون
بسياط الغدر همه يرجعون
&&&
أبين خيل اهل الكفر صرنه يخي حريمه
حاطونه بالنار وضرب وفوك الضرب شتيمه
بالكون كله ماجرى ابشع فعل جريمه
اطفال نسوان وحرم طحنه يخي هظيمه
يشجعان ردت اليوم فزعتكم يشجعان
بينه الصار تضربنه الغلمان
بس اطفال من تصرخ النسوان
&&&
التمت علينه الجايره هاي الكفر علينه
بسياطه ايلوح المتن ونشكف ضرب بدينه
وين الكمر يفزع الي خويه العده انولينه
ودعتك الله ياشهم يوم الرحت انسبينه
الاعلام ظلت عالمتن خويه الاعلام
سكنه من الالم ماتقبل تنام
وبغل وحقد حركوها الخيام
&&&
وصلت تره حد الصبر وحد الصبر مماتي
عني ارحلت يبن الفحل جا شلي ابحياتي
وحدي اصبحت بين الغرب همه اصبحو حداتي
علمتك وصعبه الجفه وانته الي كلها الي بصفاتي
الارجاس منعوشوفتك مني الارجاس
ادري بغيرتك خويه يعباس
تظل تاج واليه عالراس
&&&
خادم اهل البيت
الحاج ابو علي السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قبّاض الارواح .. وصل يم النهر
واحد بواحد .. بالشرده عثر

بس جرّد السيف .. واخوه بس ودّعه
صدر النهر ضاگ .. داس المشرعه
بكل ضربه عباس .. ذبح زلم اربعه
شبّع جهنم .. شبّعهه سَقَر
.......
جوده ابّلا عين .. يخزر بالجرف
محد يلاگيه .. يدرونه كلف
شاربهم اليوم .. يرجف .. مو يرف
چم گطرة چانوا .. وأبو فاضل بحر
......
ما عنده چفين .. لا .. شرق وغرب
اسهل من الماي .. بس كلش صعب
بنص صدره (الحسين) .. ما شايل گلب
وزينب تسميه يحزام الظهر
.......
من لعّب السيف .. والرايه سوه
هب ريح (صَرْصَر) .. والعالي هوه
حط بيهم اجروح .. ما إلهن دوه
اي وأم البْنِين أنه الموت الحَمَر
........
اي والله مثله .. فلا جابت مره
جيش الشمر گام .. يهجم ليوره
ما تدري هايه .. الدنيا .. الآخره ؟
هذا الحشر صار .. يا ويله الكُفَر
......
لهسّاعه عباس .. يحسب چم سنه
والگابله اليوم .. حظه وهدنه
الميسره ابهاي .. ابهاي الميمنه
هو انتو واحد وآنه (اثنا عشر)
........
من خلف الخيام .. زينب حيّته
شد حيله عباس .. رعدت غيرته
من بعد حيدر .. هو اللا فتى
لا فتى إلّا .. ابن فارس مضر
.........
خادم الحسين
احمد هادي الشمري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قريت الفاتحه وسهلت عليه // ابشرج عالنهر كطعت اديه
زينب نامت بغار السلامه // اخواني العش صفو وانه الحمامه
****************
انه الكفيل العل وفه والغيره فاطمته
ومحد وحك رب السمه بكثري يحب اخته
زينب محمد بالخيم والغار ساكنته
وحسين باوعلي وضحك وكلي الحمامه انته

انه العباس ودلالي ابدويه // واحب دوم القيافه العسكريه
احط مثل الفراشه اعله اليتامه // اخواني العش صفو وانه الحمامه
*****************
جانو خوالي اذكر كبل بزينب يبخروني
ولو ضيعو زينب تره يلكوها بعيوني
يم البنين ابنج صرت اشكد انه خيعوني
من زغري وذكر جربتي شايلها بمتوني

انه معدل وشمرت خوالي // وشنهو الماي احطنه اعله بالي
والعباس تربيت عمامه // اخواني العش صفو وانه الحمامه
*****************
الخوه مو بالكثره ابد للحاسب اخوانه
يوسف تره اخوانه اهدعش وحسين بس انه
انه وخوتي انطب ركض لو شفنه صاحانه
ومثل العبيد بخيمته امدنكين يلكانه

انتي بشيلتج كمطتي عباس // ويايمه حليبج يعدل الراس
اشيكول حسين كمت اسمع كلامه // اخواني العش صفو وانه الحمامه
*************************
اذكر علي بغزوت احد امن اتخيل الشكره
كلهم محمد بس علي يطلع علي بضهره
وانه ييمه من صرت اشكد فرحت الكمره
وجهج ابيضنه ردت يم فاطمه الزهره

زينب من رحت رشتلي مو ماي // زينب من رحت رشت علي وياي
واختي امدلله بزود النشامه // اخواني العش صفو وانه الحمامه
******************
بسم الله سميت وعلي وشديت الكحيله
طبعي طبع بدوي تره وما اغفه عالعيله
الصاحالي اين ابن اختنا اشحسبالج امشيله
وبطنج انه اذكر كبل عاكدلج الشيله

يايمه الشمر ضل يدعي خالي // وانه بالشمر كل شغله مالي
وخليته يعض اصبع ندامه // اخواني العش صفو وانه الحمامه
*********************
انه امن اكوم انفض هله واحساس تدريني
ومن ضاكت عيوني السهم كتله اكعد بعيني
الخوه من طلبت اخو ذبيت جفيني
وكل حيره ما همتني ابد بس حيرت حسيني

توادعنه ودمعنه اعله الجفن سال // وبقينه اخيال بالطف شابك اخيال
واخوي حسين وين الكه بمقامه // اخواني العش صفو وانه الحمامه
**********************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة-وينه عباس-
السيده زينب تخاطب ابو الفضل العباس ع
وهي متوجها الئ النهر بعد مقتله
محرم_1441

ــــــــــــــــــــــــــــــــــــــــــــــــــــــ
ويــنه عبــاس …… شيـــب الراس
بالجثث اعثر وصيحن … جفيـلي
اه يازيـــــــــنب اه يازيـــــــــنب
ــــــــــــــــــــــ ❁ ❁ ❁ ــــــــــــــــــــــ
اتــعنيت الـك ياعـــباس
واتـــعثـر ابيـن الـنـــاس
وبجيـــي اعله حــــــــالي

بيــن الغرب صحتك وين
لا انــــته اولا لحـســـــين
ماعــــنـــــدي والــــــــــي

اتـعثر ابيـــن الخــــــــيـل
 ياخويــه مو جــاني اليل
محــــد اجــــــــــــــــــالي

وما مرها ابد عيني النوم
 حتـه الصخر ضل اليوم
يـــنعئ وبـــجــــــــــــالي

خيــــل والنـــــار ………  بيــــن الاشـــرار
ســــكته شـو ماضـن يـدك … دلــــــــــيلي
اه يازيــــــــــــــنب اه يازيـــــــــــــــنب
 ــــــــــــــــــــــ ❁ ❁ ❁ ــــــــــــــــــــــ
ياخويه ماريد الماي
 احتاجك اليوم اوياي
ردتك تجيـــــــــــــــــني

تدريني غيــرك ماريد
والعـمر بعدك شيفيـد
انته سنيــــــــــــــــــــني

ياخويــه ياتاج الراس
 انــته النظـر ياعـباس
مــــوك البعيــــــــــــــني

ماترظـه ابد انه  انشاف
 مـن الهـوه عليه تخـاف
ها ياحنيــــــــــــــــــــني

وينــه وعدي ……… هســه وحدي
والغـرب شـاخت علـــيه … ياويـلي
اه يازيـــــــــــــنب اه يازيــــــــــــــــنب
ــــــــــــــــــــــ ❁ ❁ ❁ ــــــــــــــــــــــ
اشعطلك شو ماجيت
معقــوله ابد ما حنيت
معــقوله ناســــــــــــــي

تانيـتك واكلـبي ينــوح
 انته الجنت بيه الروح
وانتـه انفـاســـــــــــــــي

انـه الجنـت يمـك دوم
 ما دنكـت راسي بيوم
رافعته راســـــــــــــــــي

عكبك خفت خويه شلون
 يـم ناس ابـد ميرحـمون
ماهــمه ناســـــــــــــــــي

تبجي العيـــــون ……… وخايـــفه شلون
اضـلـــم وغايــــــيب كمــــــرنه… ياليـلي
اه يازيــــــــــــنب اه يازيــــــــــــــــنب
 ــــــــــــــــــــــ ❁ ❁ ❁ ــــــــــــــــــــــ
وانه امشي ابـين الخــوف
صوب النهر شفت اجفوف
جني أعرفتـــــــــــــــــــهن

شعشع ضواها من ابعيد
جـن اعـرفت هــاي الايد
مـن أوصـلتــــــــــــــــــهن

بــيهن دفو وكلـه احساس
جفــوفك هــذن يانبـراس
جفـوفك شفتــــــــــــــهن

خــافن يشــربنـك مــاي
 اتــــكطــعن يالـــــوفاي
جفـوفك عفتــــــــــــــهن

الخدر ضـــــاع ……… وجفـك اشــراع
مــن طحت خويــه هدمـته… ياحيــلي
اه يازيــــــــــنب اه يازيـــــــــــنب
ــــــــــــــــــــــ ❁ ❁ ❁ ــــــــــــــــــــــ
يم جثتك اشمرت الروح
ياوسفه متروس جروح
يم الشــــــــــــــــــــريـعه

يم جثتك احجي وبلوم
عايـفـني ابــيـن الـكــوم
انه الوديــــــــــــــــــــعه

ارجـع وانـه بهاذ الحـال
ينـشدون ويـــن الكفـال
العيله امضيـــــــــــــــعه

متانيـنك اوضـمـئانيــن
مامرنه جا عمنه ويــــن
مامنه رجـــــــــــــــــــعه

ارجــــــع اوياي……... ماردت ماي
كلنه منتضـــــرينك ارجع… خليـــلي
اه يازيـــــــنب  اه يازيــــــــــنب
ــــــــــــــــــــــ ❁ ❁ ❁ ــــــــــــــــــــــ
الخادم الحسيني
محمد رحيم المشعلاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله
فاطمه ابكل العزاء. تحضر وتنطي الجزاء
فاطمه يا فاطمه

الزهره تحظر بلمئاتم تبچي والمدمع دمه
تسجل ادموع الموالي . دمعه دمعه فاطمه
الدمعه ابيوم القيامه. اطفي نار. الحاطمه
فاطمه نضره العزانه وهل قليل. انقدمه
نظره ياخير النساء تحضر وتنطي الجزاء
فاطمه يا فاطمه

فاطمه نضره العزانه وحفظي عندچ هلدمع
أنتي امولاتي الشفيعه وشفعي الهذا الجمع
والبچه دمعه علزينب بلگبر تصبح شمع
سجلي اسمانه يزهره نحلفچ ابكسر الظلع
فاطمه باب العطاء تحضر وتنطي الجزاء
فاطمه يا فاطمه
ابجاه حيدر .يالوديعه والنبي سيد البشر
حفظي اصحاب العزيه الساعي منهم والحضر
وسئلي المولى القدير يعجل امر المنتضر
وا لله يلزهره الزچيه. صار مذهبنه بخطر
يمته ايرف الواء تحضر وتنطي الجزاء
فاطمه يا فاطمه

الحضرتچ يأم الأئمه نشكي من جور الزمن
واحنه كل يوم اليمرنه تكثر اعلينه المحن
دخيلچ ادخيلچ ننادي. فاطمه من هل فتن
رفعي أيدچ يلوديعه. و ادعي الشبل الحسن
بجاه سيد الأنبياء تحضر وتنطي الجزاء
فاطمه يا فاطمه

ادعي للمهدي ابضهوره نحلفچ ابهذ المصاب
يلوديعه وداعت الله طول اعلينه الغياب
اناس چانت بألمئاتم هسه نامت بالتراب
راحو وضلت صورهم والله ندمه عللشباب
القدمو اجمل وفاء. تحضر وتنطي الجزاء
فاطمه يا فاطمه

خادم اهل البيت حسين هوير الاسدي
ونسألكم الدعاء

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياعلي احضر علي شوفه اشعمل
مثل حمــــلاتك عليهم من حمل
*****************************************************************************************
ياعلي احضر علي برض الطفوف
شوفه جنه الموت ظل بيهم يطوف
وده كل ارواحهم وادي الحتوف
والجثـــث مثل التلال اعله الرمل
******************************************* *******************
هذا ابنـــكم بالوغى ماينكحم
كال هــــــــــيهات المذله والظلم
احنه اولا امن ال اميه بالحـكم
وزلزل الحـــومه عليهم من نزل
***************************************************************************************************
ترجف الاكــوان كلها من يطب
يكلب اشبــــاه الزلم فوك الترب
شمرتك ياحيدره لو طب حرب
وسادة الـــــوادم هله نعم الاصل
***************************************************************************************************

صاحوا الكرار اجه الـطف كربله
ينصر ابنه اليـــوم هل الفازع اله
ولن يسمعون انا الاكبر بالـفلا
سيفي فوك اركابـــكم يركع يظل
***************************************************************************************************
غيم اعله الكوم ظل يرعد رعد
وهدت العـــــباس عمه من يهد
يلزم الفرسان يمـــردهم مرد
وبالمعاره يدوســــــهم هذا البطل
مايـــهاب الموت بي لامايهم
جندل الفرســــــان ثــغره مبتسم
يطشر ابكوم الاجت ليه ويلم
ذوله احــــــــفاد الذي عبدوا هبل
***************************************************************************************************
خادم اهل البيت / ابومحمد العاشور


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كومي ذكريني بعلي ومن اهوس هلهلي
انه مسلم والحرب توكف استعداد الي
*****************
انه صكار الحرايب وانه راعي الموزمه
انه من ارفع اديه ايدي توصل للسمه
اليوم اخليها العساجر تسبح بفيض الدمه
انه والكافل درسنه بمدرسة حامي الحمه

جان اليسمي سبع عمي يهديله درع
وانه كلي امروتك هله هله بالربع
**************
حالف براس الصميده اليوم اركضهم حفات
اخسف الكوفه بأهلها وسحك بدربي المشات
بيدي رفت رايه الله ورايح اقره العاديات
بصارمي كاتب عباره بسيفي معدومه الحيات

اتجمعو عده وعدد وانه واكف كالاسد
ومن صعدت اعله المهر مني زلمتهم شرد
******************
راح اعيد ايام حيدر واكلب الدنيه كلب
انه مثل الماي عندي اشرب العركه شرب
انه من شديت درعي وقررت ليهم اطب
غنت انجوم الثريه وهلهلت سوح الحرب

براسي صعدت غيرتي وكلها تدري بصولتي
الحومه تتراجف تضل من اعلك رايتي
****************
طير ابابيل انه سيفي وكام يرميهم جحيم
علي والكابلني مكبل هذا صحت اشكد غشيم
بصولتي الكوفه افلقتها وحسبو انه الكليم
صاحت الحومه اطنه عطوه وانه صحت الله كريم

يمي ما واحد عبر وبيهم انترست صقر
الدنيه ردت بهمتي اكلبها بس الله ستر
***********
راح اشيل السيف بيدي وقره لوحه امن الشعر
رايح انه اكبر يطوعه ويزغر اهواي القصر
راح اخلي الخيل تصهل واعصر الدنيه عصر
انه من احمل عليهم كلها من عندي تفر

راح احل المشكله وكت المزامط حله
وحته صاحتلي الحرب يا هله وميت هله
*****************
انه حيد وما تهمني جيوش ذاك السامري
كلها صاحتلي دخيلك من لبست العسكري
صعدت براسي الشهامه وانه دمي حيدري
صول بيهم كبوفاضل كام يهتف منحري

بسيفي طيرت الركب وهاي ساعات الغضب
هذا يوم الملحمه وموعد الموت اقترب
***********
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليلة الاولى
.
.
.

هـوه عاشـوراء عــندي .. يمته خلص حتى يبدي
بعـينـي دافنـلي نهـــر
ولـسه ما متـروس خـدي
ــــــــــــــــــــــــــــــــــــــ
الطـبگ ليليه عـندي وابـچـي وانعه
و المــقتــل قبــل ما انــام اســـمعه
احس ابصوت عـبد الزهـره بالراس
يــون عالـصار جسمـه قطعه قطعه

بجسمه ترست خيل اميه .. كـل بـراري الغـــاظريه
الهالســبب دمـعي انهمر
ولسه ما مـــتروس خدي

ـــــــــــــــــــــــــــــــــ

شگــد ما أبــچـي تـبــقى النــار بـيــــه 
علــى أصــغر جــرح بـالغـــاضــريـــــة
واحسنــــه رمــح نــابـت بــالضــلــوع
الشــوكـــه الــداســت علـــيهـا رقــــيه

و الشمر يركض وراها .. و بالضرب زورك گفاها
بچي شيــكفي الشــهر
ولسه ما مـــتروس خدي

ــــــــــــــــــــــــــــــــــــــ

مــصيــبه كــربـــلـه والله مـصـــيـــبه
وأبــو السـجاد ضــل جــثه سليــبــــه
وزيــنــب تــنــظـــر الســلاب اخـوهـا
تگله امنــيــن أبــو فـــاضــل اجـــيـبه

الخيمه حدر اضلوعي تلهب .. حسين جسمه چيه اتسلب
صـــارلي ابجــي دهـــر
ولسه ما متــروس خدي

ـــــــــــــــــــــــــــــــــــــ

تــراني مخــتـنك و بـصــدري عـــــبره 
عـــلى المــخـنوك يـم الشــاطي صدره
انحنى و جـنه الشمس عالـگاع طاحت
عـلــى العـبــاس اثــاري انــكسـر ظهره

زينب حسين اشيگلها .. و عالنــهر طاح الكفلها
على مكسور الظهر
لسه ما متروس خدي

ـــــــــــــــــــــــــــــــــــــــــــ

عـاشــــوراء عـــنـــدي كــل الأيــام
اوچــن ليـلة الوحــشه وذيــچ الألام
عـلى الي محـــد الها شـايف اخــيال 
و طــبت بــالحبل مــجـتوفه للـشام

و الشماته اتصد عليها .. و بالحبل مشدودة اديها
عالذي شافت قهر
ولسه ما متروس خدي

_____

مــحرم مــو شــهـر ولا مــال شهرين
مـــحرم لـو عـمـــر ميــكفي هالـــعين 
ادمــوع شـوية و الـطـف كلش هواي
اشـما ابــجي اظـل مطـلوب لـحسين

ما اوفي اشما اتعذب .. لوعى من لوعات زينب 
و حتى لو اعمي النظر
لسه ما مـــتروس خـدي
----------------------------
حيدر تركي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فگدناك
يحارس خيمة اختك
نخيناك
عِله الراس وعذرتك

...


يظِل ظلي ووجه خدري واماني
يضي عيني الفگد عينه وعِماني
يبسملة الحُسين ونحره قران
شرحت بنحرك السبع المثاني

الايات
تبّدت وي جِربتك
نخيناك
عِله الراس وعذرتك

....


شفت صدر الخيم بي ضاگت انفاس
ومن خوفي قريت الفلق والناس
يخويه الساتر الله اتأخرت ليش !
يا حيل الحسين .. إلحگ يعباس

شنو الماي
العِطش كله لكلمتك
نخيناك
عِله الراس وعذرتك


....


بخدري وبالخيم وبگلبي نيران
و ضماي من الچفوف الهوت خجلان
رساله لجربتك كتبتهه الدموع
هنيئآ شَيّعَتهه اچفوف عطشان

السهم ذاك
رماهه وفارگتك
نخيناك
عِله الراس وعذرتك

....


نخيتك وانته ابو الطف والمهابه
والـ امربيه علي اعرف جوابه
من گتلك حسينك .. گتلي بالعين
السهم صوب اعيونك خاف صابه

النظر غاب
الدمه تارس نظرتك
نخيناك
عِله الراس وعذرتك

....


بچيت .. ومو على الخيمه جرت عين
شسوي بخيمتي وامسلب حسين
شفت سيف الشمر مرفوع ليفوگ
وعرفتك يعباس بلايه چفين

صحت آآه
القصد بالآآه صحتك
نخيناك
عِله الراس وعذرتك

....


اعله طول الغاضريه شلون اجَمعك
يلموذر .. واريد بحرگه اشيعك
اشم الطف شبر يتبع شبر كوُن
من اريد اطلع يبو فاضل واودعك

بالدموع
يخي عن بُعد زرتك
نخيناك
عِله الراس وعذرتك

....


✍سعد هادي الشمري ✍



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حان الوداع هالليلة اخر ليلة
باجر وراج رحله سبي طويله
ما بيها رايه ولا كفيل بس اليتامه والعليل
يا زينب يا زينب
ـــــــــــــــــــــــــــــــــ
يا غيرة الله بكربله دمعج وحي وبيه نازله
آيات الاوداع
هاي الثواني امن العمر لا تسبك اسهام الفجر
يا زينب ابساع
لو كشف الثامه الصبح نور الله ضامي ينذبح
ا مترب على الكاع
من ينغزل خيط الضوة يصبغها ظلمه ايامج
لاخيمه باجر لا علم بس الجثث كدامج
باجر ظلام ماكو بعد علويه
مذبوح اخوج متجتفه ومسبيه
درب السبي باجر طويل بس اليتامه والعليل
يا زينب يا زينب
ـــــــــــــــــــــــــــــــــ
شبعي وداع امن الولي ومن نور الاحسين وعلي
شبعيها الاعيون
واشتمي حيل امن النحر كحليها عينج بالكمر باجر يغيبون
هالليلة بس هالليلة الج يا بت علي باجر هلج كلهم يموتون
من هدم اخوج اخذي علك شديهن اعلى امتونج
خافن تضل تنزف دمه لو كامو يطكونج
وين السياط يا زينب انتي اوينج
وسفه بحبال يا بت علي امشبكينج
موقف مصابج مو قليل بس اليتامه والعليل
يا زينب يا زينب
ـــــــــــــــــــــــــــــــــ
بعباس اخوج امأمنه محد على خيامج دنه ما دامه موجود
لكن اذا باجر وكع متحير وجفه انكطع واتزرف الجود
تركضين صوب المشرعه تلكين اديه امكطعه وابراسه عامود
رديتي ما عندج كلب من شفتي حال اجفوفه
معذور كلتيله وبعد راح انسبي للكوفه
يعلم اخوج يا زينب اتعذرينه
ما عنده ادين وامطبر اتشوفينه
رديتي ضل جسمج نحيل بس اليتامه والعليل
يا زينب يا زينب
ـــــــــــــــــــــــــــــــــ
كومي يا زينب ودعي صلي بدمعتج واندعي لا يخلص الليل
ادعي الله لا تطلع شمس لا صدر اخيج ينرفس واترضرضه الخيل
ينزف جبدته امصوبه نايم وجثته امتربه ما بيه بعد حيل
نايم يضل اعلى الرمل والدم جمد بعيونه
من العطش كلبه يبس وما قبلوا يشربونه
ما عنده حيل ضل يزحف اعلى اركبه
وسفه الحسين ياهو اليكوم ايضربه
من حلكه ضل الدم يسيل بس اليتامه والعليل
يا زينب يا زينب
ـــــــــــــــــــــــــــــــــ
باجر اذا صار الضهر يضحك عليج ايضل شمر والكلب محروك
لازم بديه السلسلة وايدك عليجن حرمله وامحضر النوك
علويه تركب عالهزل يالمهدي موقف مو سهل من تدخل السوك
والشام جن عدهم عرس ياهو الكبل سابيجن
من فوك الاسطوح بحجر هالوادم اتراميجن
اتدك بالدفوف هالوادم وفرحان
عيد وفرح تتراكص وسكرانه
ما شفنه مثلج مستحيل بس اليتامه والعليل
يا زينب يا زينب
ـــــــ نعيم ابو باقر الساعدي ــــــــــ



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ودعت أبوي الغــــــــالي .. رحمينـــــــــي يا اللـــــيالي
بعد الســـــفر .. جنحي أنكســــر
رحمينـــــــــي يا اللـــــيالي
***
مـدري شجـــــاني وقنعت .. مـا أدري شنـهي أجــــــاني
ودعت زينب عمتـــــــــي .. وخواتــــــــــي وخوانــــــــي
موقف رقيـــــــــة بالضعن .. أخ شــــــكثر بجــــــــــــاني
مجلبه بأبوي وتنشــــــــده .. وياهم أروحــــــــــــــــن أني
مسحوا دموع عيوني .. وما قبلوا يركبــــــــــــوني
بهاي الصــــور .. جنحي أنكســــر
رحمينـــــــــي يا اللـــــيالي
***
من والدي حسين ارتحل .. وياه خـــــــــذاهه البسـمة
حســــــــيت بأيام الزمن .. وي حـــــــــالي ماكو رحمـة
شهكات نفسي وبـــهجتي .. لو مرنـــــــــي أجمل نسـمة
مــن فضــــل الله ورحمته .. الحســـــــــــين أكبر نعـمة
حبه ملك وجــــــداني .. ما عندي غير أخــــواني
نفسي أنعصــــــر .. جنحي أنكســــر
رحمينـــــــــي يا اللـــــيالي
***

من جنت أفز من الصبح .. مثل الحمـامة الطـــــــــــايره
أشبكَ على صـــدره وأشم .. وأيدي علنـحـــــــــره دايره
الأيام مـــــــــــرت وبعجل .. مثل الخيــــــــــول الغايــره
عزم على درب الســــــفر .. وخلانـــــــــــي بالهم حايره
خلاني وي حســـــراتي .. مدوهـــــــنه بحسباتي
كَلبي أنفطــــــــر .. جنحي أنكســــر
رحمينـــــــــي يا اللـــــيالي
***

لـمسات جفـه بـــــــهامتي .. لحد هسه أثــــرهه براسي
عطره الفريــــــــد بداخلي .. متغلغل بـأنفاســــــــــــــــي
هوه الأمل والبــــيه أضــل .. وبيه يطـمأن أحســـــــاسي
من دونه ما أشوفن بشر .. ميتــــــــــه أحس كل ناسي
هوه الوجـــــــود بعيني .. من نشــأتي وتكوينـــــــي
بدونه بخطـــــــر .. جنحي أنكســــر
رحمينـــــــــي يا اللـــــيالي
***



بروحي المصايب جودرت .. تصبـحني وتـمـــســـــــــيني
جنها النــــــــــــهاية للعمـر .. وأخــر سنة من ســـــنيني
والله الألم شل الجســــــد .. ســـهم الزمـــــــن رامــيني
مثل الغريبـــــــة بـلا آهل .. دور عليـــــــــــــــهم عيني
كلش حزين عليـــــــهم .. بيوم الرحل حاديــــــهم
أجــرع قــــــهر .. جنحي أنكســــر
رحمينـــــــــي يا اللـــــيالي
***
ضليت وحدي ويالمرض .. بأيــدي أســـــــند ضلوعي
دمعــي ترك بالخد أثـــــر .. محــــــد ينشـــــف دموعي
الدار محتاجــــــه ضـــــوه .. هافت ضياء شــــــمــوعي
هم مثلـــــي مليانه حـــزن .. يا منـــــــــــــهلي وينبوعي
بالماي أغص لو أشرب.. عمري كَضيته أتعذب
دمعي مطــــــــر .. جنحي أنكســــر
رحمينـــــــــي يا اللـــــيالي
***
شاعر أهل البيت
الشيخ عبد الحسين المنصوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لمولاي علي الاكبر ...ع..


آيالاكبر..آيالاكبر
شبه حيدر بالكلافه علومه
جنه عباس ونزل للحومه
ايالاكبر.. ايالاكبر



هلهلتله الموزمه وحياها...ابن الابطال
يرعد بصمصامه لمن جاها..وبالجمع صال
صوت صاحو هذا يشبه طه..بكل الاحوال
فزعته اليوم نعرف معناها...تگرب آجال

والشرد منه ابد مالومه
جنه عباس ونزل للحومه
آيالاكبر



توزر بهيبة علي وطب الحرب..يحصد ارواح
الحومه ضاكت والعثر نص الدرب..ريته ماطاح
زلزل الكاع ودمع عينه اليصب..بالجفن لاح
آنه ابن حيدر صرخ آيالحرب..ذكره ماراح

ياضربته لهسه مامفهومه
جنه عباس ونزل للحومه
ايالاكبر



ساتر الله شلون لو رف شاربه..تسولف الناس
هذا ابن ا لحسين الله مأدبه..غيره واحساس
ناس تركض منه ناس محدبه..ماكو مقياس
سيفه لو بالزود راد يجربه...يگطع الراس

كبال جده العاص ذب هدومه
جنه عباس ونزل للحومه
ايالاكبر



ضهضب وكلها تعرف صولاته..ابن الحسين
هذا مو طف صار من حملاته...هايه صفين
جيش كله ماكو واحد فاته..اليشرد منين
ليله سمعت بالحرب هوساته..گرة العين

الاكبر ابني هلهلت ونعومه
جنه عباس ونزل للحومه
ايالاكبر


سيفه يقره -والحشر- بالموزمه ..ويگطع نحور
يرعد بصمصامه وتظل السمه..تمطر گبور
صار قطب الكون كله بصارمه ..دنيه وادور
هذا الاكبر يعني ثوره وقائمه..سوه عاشور

يومه برزخ ياهو ينكر يومه
جنه عباس ونزل للحومه
ايالاكبر


علي طعمه البطاط



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

رمله ام القاسم ع تخاطب القاسم ع.....


عل ترب كالولي نايم
امك وجيتك يجاسم
يبني شفتك   ما عرفتك    المعركه مغيره الرسوم
......................................................................

يبني يا جسام  اجيتك  والكلب  كله الم
والعلم  وياي  جبته  جيت  اغطيك بعلم
وارد اخبرنك ييمه كلشي بالطف ما سلم
امك بلا خيمه ضلت يبني حركوه الخيم

ادري تسمع يبني ونتي
النار   للخيمه  اجتني
عاتبيتك    من اجيتك    على جسمك كمت احوم
......................................................................

بحضني  يا يمه  اريدك تغفه موش اعله الترب
وكون تشرب ماي شفتك مو دمه شفتك تصب
ابقه  نايم  يبني   جاسم  لا   ترافكني   بدرب
من  الشمر ماريد  يبني بصوط متنك ينضرب


يمه   يل   كلك  ترافه
تنام عل غبره حسافه
عل ترايب      وي الحبايب      ابقه نايم لا تكوم
.....................................................................

نور  وجهك  يا  حبيبي  منطفي من الدمه
والاشوفه يمه اساله ليش ضلمه هل سمه
كون ما شايفته وجهك كون صايبني العمه
منظرك كسر ضلوعي وصرت جني فاطمه

فاطمه  مكسوره بالباب
وانه كاسرني فكد شاب
كمت انادي    يا فؤادي         ليش ليه ما تدوم
......................................................................

عندي  يا  جاسم   علامه   واعرفك  بيهه  ردت
صحت عمك وحده باقي ومن سمعت اتحركت
ولو جبت  طاريهه  زينب  والله ادري جا كمت
جنك  العباس  يبني  من  العساكر   ما   خفت

والعلامه   بيك  غيره
دكوم لو زينب بحيره
ادري تفزع       والهه ترجع        لو شفت توليهه گوم
.......................................................................

اكعد  بصفك  ييمه  خايفه  من  السبي
عمتك  يم  الكفلهه  وانت  يبني كافلي
ما رجع عباس الهه وانت ما رديت الي
جتفو يمه ادينه واحنه اهل بيت النبي

ابقه  نايم   يا  وحيدي
ولا تشوف الحبل بيدي
شوف اديه     اصار بيه         من رحت ما مرني نوم
........................................................................

مودع  بالله   يجاسم  راح  امشي   لليسر
وراح  اعوفك  عل وطيه يبني منك اعتذر
للدواوين  امك  اطب  بعدك  اطب  للقصر
والعدو يمشي بضعنه وما رحم بينه الشمر

علينه يا يمه تصد ناس
واحنه ما  ويانه عباس
لا ابو فاظل   وماكو كافل        وبالنفس ضليت الوم


خادمكم حسين ابو عباس الكعبي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747