اليوم أبجّي الكون وأنصبلج عزاء ..
انطيتي اولادج لبو اليمه فداء ..
....................................
اليوم يا أم البنين الطاهره..
غصبن علينه الدمع عالخد جره ..
لمن الرادوود بالمجلس قره..
الج لطميه وبجت عين السماء..
..................................
اليوم نقره الفاتحه على أم الكرم..
حسين راد الناصر وكالت نعم..
بالغيارى ضحّت وقسمت قسم ..
ماتعوف حسين وحده بكربلاء..
...................................
اربعه الشبان ماواحد رجع..
وصت أمهم بالحسين الكل سمع..
وأبو فاضل عالنهر لمن وكع..
وطاحن زنوده ولاطاح اللواء ..
.............................
أبد ماقصرت وبأرض الطفوف..
لوحه رسمت للوفه والكل تشوف..
وأبو فاضل عالنهر وبلا جفوف ..
وصاحت اولادي لبو اليمه فداء ..
................................
ياعزيزة فاطمه الكلج وفه..
انتي يم عباس أم وعاطفه..
يالصفاتج صفه اعظم من صفه ..
وصرتي مقياس البطوله والوفاء..
................................
والنعم ربيتي يانعم الربه..
ولدّج الماقصّرو بالنايبه ..
بتضحياتج نلتي أشرف مرتبه..
بصبر واجهتي المصايب والبلاء..
.................................
اليوم ننصبلج عزاء بكل كلب..
وعالوجن دمع المصيبه خل يصب..
شكد صعب يم البنين شكد صعب..
كبال عينج شفتي اربع شهداء..
..............................
انتي مدرسة الشجاعه والفخر..
يالنذرتي نجوم ليلج والكمر..
فدوه للدمه على السيف انتصر..
وتضحياتج أبد ماراحن هباء..
...................................
انتي باب الله الوسيعه ورحمته..
أبد ماخاب الدعاج بحاجته ..
بيده ياخذ كل مراده وطلبته..
وتنكضي الحاجات يمج بالدعاء..
.....................................
حيدر مطر العبادي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كاعده يم مرقده لو واكفه
يم الحسين وجروحج نازفه
والضلع منج يحن......جم كسر واشجم متن
بلله يالزهره دكولي اشايفه
*******************************



من تونين لو تحنين
جم جرح منه يون
كثره الجروح ويعتلي النوح
واحد لواحد يحن
بصف الحسين وانتي تبجين
ياجفن يسبك جفن
شلون ينشال امكطع اوصال
بكل كتر دمعه وحزن


امكطعه اوصاله الولد تبجينه
بلايه راس اوليدج امكطعينه
والجروح تناشدن .....جم كسر واشجم متن
بلله يالزهره دكولي اشايفه
*******************************

منحر اهناه وخنصر اهناك
اهناك قطره من دماه
حافر اخيول يجول ويصول
جم إثر سحكه بكفاه
جاله مهتم بجفه خاتم
كص اصبعه من خذاه
رحمه مابيه من اجى ليه
حتى ثوبه سلباه

جم جرح يالزهره بين ضلوعج
بكل جسد مطبوعه نلكه دموعج
لحدمن ضلوعج تئن...... جم كسر واشجم متن
بلله يالزهره دكولي اشايفه
******************************
من نظرتيه شلون شفتيه
امكطع وجسمه وذر
قلبه اشبيه هم سالتيه
من المثلث بيه اثر
حسين يمه شنهي ماذيك
من سمع مد النظر
عينه للتل لسه مامل
زينب تعيش بخطر

يمه زينب دمعه تنظر لينه
ظلت بنص الخطر وامشينه
خذت منا يا زمن.....جم كسر واشجم متن
بلله يالزهره دكولي اشايفه
******************************

طفله ذبحوه بسهم صابوه
والرضيع بلاذنب
عينج تشوف حيره والخوف
زغار مابين الغرب
عيال الحسين احتارت منين
تدور وماكو درب
صرعى اجساد خير العباد
مكطعات على الترب

حيره حيره وخوف حاط عياله
والمنيه بكل كثر تبراله
دارت اعليه المحن جم كسر واشجم متن
بلله يالزهره دكولي اشايفه
******************************
عينج تشوف زينب تصيح
خويه يحسين انوليت
رد للخيام يبن الاكرام
خويه والله تحيريت
تجمع اعيال تحمي الاطفال
بهيمه ماظل عدها بيت
من الدهر نار يطلب بثار
بفاطمه اشكد وجريت


نار كبره وخيل بالطف زاحفه
وزينب لحدمن تظل اتشاكفه
وصدر الحسين انطحن....جم كسر واشجم متن بلله يالزهره دكولي اشايفه
****************************
زينب شلون ويه الظعون
بت علي بلايا ولي
تمشي ياحيف بقوة السيف
وهيه بت حيدر علي
غدر الازمان خان شجعان
والاذل بيه يعتلي
سادة الكون نوو يرحون
يا سماء اتزلزلي

هايه بنتك يامحمد خايفه
وظلت اطفالك رهينه وراجفه
بامتك دارت فتن.....جم كسر واشجم متن
بلله يالزهره دكولي اشايفه
****************************

الشاعر محمد دعبل النوري


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

جديد …✍… جديد محرم

الرباب والرضيع
****

انا الرباب الفاگده .. الموت بوليدي حده
سهم المنية حال بيني وبينك
فدوة اروح لنحرك و چــفينك

@@@@@@@@@@@@@@

عبدالله سباح الگلب شمعة بحياتي
أفرش ييمه بمهجتي تغطه بعباتي
تباريني لو خذني الكبر هاي امنياتي
ردتك يعبدالله ذخر تحظر مماتي
ء…………………………… .
عبدالله شمعه بدنيتي• مالي عليه غربتي
يا سـلوتـي وانـت عزيز حـسينـك
فـدوة أروح الـنـحـرك و چـفـيـنـك
ء@@@@@@@@@@@@

نسمة صبا بكيض الهجر محله عطرها
وسنينك الراحت تجي انا انتظرها
لمحت علامات الاجل واضح خطرها
بحجر المناية ترتمي اسمع خبرها
ء……………………………… .
محروم من شم الهوه • بعدك ظلام بلاضوه
بدلالي اغفه يمه غمض عينك
فدوة اروح النحرك و چـفـيـنـك

ء@@@@@@@@@@@@@

عبدالله عطشان وشرب كاس المنية
ما صـدكـت يـمـه الـولـد تـبـعد عليه
محروم ما ضاك العذب ضاك الاذية
حضني فرغ منك ردت تغفه اعله اديه
ء……………………… .. .........
الموت ما يعرف عمر • بغيابك يفوح الصبر
سهمك عماني وما اشوفن وينك
فـدوة اروح لنـحرك و چـفـيـنـك  
ء@@@@@@@@@@@@

للخيمة ارجع شاهدت مهد ابني خــالــي
وردة حــيـاتــي ودنيتي وروحي يالغالي
انـعـاك اظـل طـول الـزمـن مـا يـهده بالي
مـرسـوم بـعـيـوني رسـم تـارس خـيـالـي
ء...................................
محسوم يا يمه الأجل •••• مخطوف مني بالعجل
وين أرحلت يبني بعدها سنينك
فـدوة أروح لـنحرك و چـفـينك
ء@@@@@@@@@@@@@

لحظات يا يمه الولد عشت بحنينك
يا يمه ادري عله الخيم مشبوحه عينك
مشدوهه وصوابك كلف يا يمه وينك
سهم الگطع حبل الوصل كاطع وتينك
ء...................................................
عبدالله نايم عالثره• وخدوده وسفه معفره
بعمر الورد يا يمه ومسلبينك
فدوة اروح النحرك و چفينك
&&&&&&&&&&&&&&&&&&&&&

…✍… الخادم غازي الساعدي.

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة ليلة العباس س
.
مو غريبات .. اچفوف من عالگاع ذني .. موغريبات
موغريبات .. چـنهـن اچـفوف الكـفلني .. موغريبات
صحت يابالفضل
اذا بـعــدك عـدل
حاچيـني يعباس
________

الشــمس مــنـي امــراد اخــذت حالــها حـال البقيه
ســـَلمـت بـس ســـلمـتـني جـــثه بــــيد المـــغــربيه
اويه الظلام الشوگ اخذني وچان يسحب حيـل بيه
صحــت وينــك يبــو فاضــل ساكــت ومـــارد عـليه

زينب ايصيح..ردت بس احچايه منه.. زينب ايصيح
زينب ايصيح..ويـسمــع الــون الأونه.. زينب ايصيح
شفت گتله الحبل
اذا بـعـــدك عـدل
حاچيني يعـباس

________

اچفوف وانه امشي شفـتهن گلت ذني للضحايه
امــن اعبـرتهـن هايـزينب لنــهن ايـصيحن ورايه
اليمــنه لا مامــيزتـها يابسـه اعـــليــها الـــدمايه
دقــقت باليــسره زيــن وشفــت بيهـا اثـار رايه

دمعتي اتگول..يللـه زينـب قبليهن.. دمعتي اتگول
دمعتي اتگول..ريحة العباس بيهن.. دمعتي اتگول
شگول امن انسئل
اذا بـعـــدك عــدل
حاچــيني يعـباس

________

گاعده اويه اچفوفه اسولف بلكي يرجعلي اتاني
اشــكثر مانــاديـت بســمه لارجعلــي اولا اجـاني
بلــكي يـگـعد خلـي اگـلـه الشـمر ياخـويه سباني
ماحــچه كلشـي يوسـفــه كافــلي بــس لانـساني

هايعباس .. ارد اگله وخاف يشهگ .. هايعباس
هايعباس .. متني من السوط ازرگ .. هايعباس
اعله حالي تنذهل
اذا بـعـــدك عــدل
حاچيـني يعـباس

________

واگفـه بالحـومه وحـدي حايره ومشغول فكري
اچفوف ابو فاضل كفيلي حاطتهن على صدري
شيبــتني الوگــفه هــاي وصار يمكن ميه عمري
عــدل لوميــت دگلــي يامــن اتكفــلت خـــدري

يسكت اشلون .. كلـشي سولف اله انته .. يسكت اشلون
يسكت اشلون .. خويه والمسلوبه اخته .. يسكت اشلون
تره اثگيل الحمل
اذا بـعــدك عـدل
حاچيني يعـباس

________

مـن رحت للمــاي گـتله الجيش يــم خيمـتي عـسكر
شـــويه والدخــان اشــوف يابــو فاضــل يمــي گــَبر
اعليه كلشي ستقوه خويه امن الشمر ضل يمي يفتر
گــال لــي العــباس اخــوچ اعـله النهــر هـسه تگنطر

گلي موجود..حتى اگلهم عندي كافل.. گلي موجود
گلي موجود..خويه فدوه يبـوفاضل.. كلي موجود
الشماته اشتنحمل
اذا بــعــــدك عـدل
حاچيـني يعــباس

________

انــه يابو الغـيره اگله انچانك بالحچي تقبل
تــره هــسه شــاهــدتهم للسبي حـظرو هزل
يرضه گلبك ياكفيلي باچر اويه الشمر ارحل
گــوم يامـن دللتنـي تــره عگــبك راح انــذل

مايصيحون .. عگب عينك هاشميه .. مايصيحون
مايصيحون .. غيـر بـس هايالسبيه .. مايصيحون
يخـويه مـوسهل
اذا بـعــدك عـدل
حاچيـني يعباس
________
تمت والحمد لله
حيدر تركي الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

السيده زينب ع تخاطب رأس اباالفظل ع
في مسيره السبي وهوعلى الرمح
اه يازينب
〰〰〰〰

بـكــل مـحـطــات الـيـســر شـفــتـه
عــبــاس دايــر بـالــنــضــر لـخـــتـه
راســــك يــبـــاريـنــي
خـويـه يـاضـي عـيني

🔹🔹🔹🔹 🔹🔹🔹🔹
1
خويه الزمن وجـه سهـامه اعله اخـتك
عــبــاس لــتــقـــدم عـــذر عـــاذرتــك
اني اعـتـذر عـالـغـبـره عـاري وعـفـتـك
غــصــبـن عـلـيـه يـالـگــمـر ودعـــتــك

وضــربـت خـويـه مـحــمـلـي بـراســـي
يـالـجــنـت ســاكـن كـافــلــي انـفـاسـي
نـسـلـب خـدر سـنـيـنـي
خـويـه يـاضـي عـيـنـي

🔹🔹🔹🔹 🔹🔹🔹🔹
2
جـيـت بـمــهـــابـه والـگــمـر يـبـرالــي
هــوه واخـوتـه مـحـجـبـيـن اخـيـالـي
خـدرج يـخـيـتـي يـگــلـي جـداغـالـي
گــبـل حـجـيـي يـعــرف الـلـي ابـالــي

يـطــوفـون حـولـه مـحـمـلـي بـرايـــه
يــنـادون زيـنـب بـت عــلــي الأيــــه
بـأرواحـهــم فـــاديـنـي
خـويـه يـاضـي عـيـنـي

🔹🔹🔹🔹 🔹🔹🔹🔹
3
لـمـن وصـلــت لـكـربـلـه بـهـيـبـتـهـم
والله ونــعــم مــن الـلــذي ربـتـهـــم
ادري نـبـع هـاي الـمـحـنـه مـن امـهـم
انـي سـمـعـت اشـگـــالـت اوصـتـهــم

عــبــاس ذمـــــه بــرگـــبــتـك زيــنــب
عــالـجـــربـه يـبـنـي ورايـتـك تـكــتـب
خــادم انـي حـســيـنـي
خـويـه يـاضـي عـيـنـي

🔹🔹🔹🔹 🔹🔹🔹🔹
4
اربـع زلـم صـفـو حـرس لـخـيمـي
عـبـاس گـال ابـذمـتـي اولـتـهـمي
لخـدرج يـزينب افـدي اني ابدمي
ذمـه عـلـيـه هـاضـعـن انـه احـمي

شـــلــت راســي بـأخـــوتـي عـــالـي
يطـوفـون حـولـه خـيـمـتي گـبـالـي
بـأرواحـهــم حـامـيـنـي
خـويـه يـاضـي عـيـنـي

🔹🔹🔹🔹 🔹🔹🔹🔹
5
تالي مـشـيت وراسـك بـعـالي رمـاح
يباريلي وجفوف وعلم عالشط طاح
ياگـمـر وبضـلـمـه مشـه عـنـي وراح
وخلاني وي دمع الهجر علخـد ساح

شـلـون مـــــن بـعــد الـكــفــل خـــدري
مـجـتـوفه والـدمــع يـهــمـــل يـجـــري
خــــلافـكــم سـابـيـنـي
خـويـه ياضـي عـيـنـي

🔹🔹🔹🔹 🔹🔹🔹🔹
6
مسـبيه وايدي امچـتفه بخشـنه احبال
ويـمـشـي نـهـاره ولـيلـه بيـنه الجـمـال
من الهـظـم ظـهري انحنه ودمعـي سال
جـيـت ابـفـخـر وامــدلله ويـه الـكـفـال

صـعـبـه عـلـيـه ويـه الـشــمـر امـــشــي
وكـفـالـي ضــل اعـلـه الـنـهــر مــرمـــي

والـشــمـر يـحــديـنــي
خـويـه ياضـي عـيـنـي

🔹🔹🔹🔹🔹🔹🔹🔹🔹🔹
تمت بعون الله تعالى
كلمات الشاعر والرادود الحسيني
عقيل حسين الگرعاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

طوعه صاحت وندبت خطارها:
گــوم يـل عمــك عـلي صگارها:
انتهظ يابن عقيل...گامت الكوفه تعيل:
هـلـهلتلـه وهــوس ابـنص دارها:
.....................
كــوم شدلهــا الــعزم وسحگه زين:
وخل يــعرفونك سفير منل حسين:
نــاس لا بيهه رحــم لا عدهــا دين:
تطــلب ابثــارت بـــدرن واحــنين:
اعلن اعليهم رحيل:
وصيح انه ابناعقيل:
هلــهلتلـه وهـــوس ابـنــص دارها:
.........1...........
احفــاد ابــو سفيــان ذولــه والمراد:
اعــلن اعلــيهم حــرب وعلــن جهاد:
زلــم وي نســوان اجـبرهم الــحداد:
وخل يلبــسون السواد اعله السواد:
لبس الكوفه حزن:
خلهه يامسلم تون:
هلــهلتلـه وهـــوس ابـنــص دارها:
............2............
يبو طــاهر شــد على اشــباه الــزلم:
ارتــجــز وحــلـوگــه ابــلمــهه بــلم:
الفــرس بــل خيــال وثــلمــهه ثــلم:
وكلهـم انـه مــنل عـلم واهـل العلم:
وصيح بيهم ابصوت:
احنه عل كلفه انفوت:
هلــهلتلـه وهـــوس ابـنــص دارها:
..........3...........
صيح بيهم خل زلمهــم تبـچي خوف:
الكــوفه اگــلبها عـليهم بــل خسوف:
بسيفك اشـطرهه شطـر طر الصفوف:
واطرب اعله الگـؤم وملاكه السيوف:
بيك من عمك اوصاف:
الــموت مامــنه تخاف:
هلــهلتلـه وهـــوس ابـنــص دارها:
..........4...........
طــوعه ابشري الكــوفه اگــبله گــلب:
ابهــوسه ازلــزيهه حدرهم نــار اشب:
عــمي الــكرار وارهـب مــن اطــب:
احــنه الهــا واحــنه صگــارت حرب:
نبتسم وكــت النزال:
مــا نفر مــنها محال:
هلــهلتلـه وهـــوس ابـنــص دارها:
::::::::::::::5:::::::::::::::::::
مجيد گيطان الصالحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياهلا إبهالشيبه المباركه
ملك چنه من الـملائكه
واحد وتسعين عمره
عوزه بس أعوام عشره
ايصير تسبحة الزهره
شيخ الأنصار
ــــــــــــــــــــــــــــــــــــــ
طلع الشيخ علينا من ثنيـــات النجف
راكب الناگه الچبيره وفوگه محمل من سعف
وصل يم خيمة رقيّه وشمر خاچيته وزحف
واحد أمن الفتيه چنه النامو ابوسط الكهف

مولده ابعاشوراء اومقتلهة
والهوه البنفاسه من كربله
والحسين ايشوفه حاير
گله يا ابن مظاهر
راح القبك يوم عاشر
شيخ الانصار
ــــــــــــــــــــــــــــــــــــــ
أبنيه لو زهراء عنده چان سميته نبي
طوله يم عبد الله يزغـر چنه تلّ الزينبي
بالصلاة يوميه يدعي ربي احلفك بالعبي
ربي سويني عليل وحتى اروحن للسبي

قل هوَ الماضاحك صار اشكثر
يبچي عالمظلومه وذاك الكسر
بيت الأحزان ابضميره
اجروحه هم مثله چبيره
استقبلو شيخ العشيره
شيخ الأنصار
ــــــــــــــــــــــــــــــــــــــ
مثـل ماسوّه محمد من رجع من الـمغيب
احسين يالانصار گلهم (إنّما النَصرُ قَريب)
وين ماتبرك الناگه ابنو صيوان الحبيب
هذا عمّي اللي أحبه هذا جرحي والطبيب

غالي شابگ غالي ابرقه وحنين
اويمكن الهالساعه متشابگين
مو نبي وشايل رساله
بس رجل كلّه عداله
من حواري النبي وآله
شيخ الأنصار
ــــــــــــــــــــــــــــــــــــــ
ابخيمة العباس ترّب لحيته وباس العلم
عرگت اچفوفه ودمعته..چلّبت مثل السهم
گلّه ياعباس يلّـلي تـارس الدنيه خيم
انته أكبر من محرم طاخ راسك بالقمم

كربلاء ازغيره وطولك جبـل
ياحلاته ابعينك هذا الزعل
انطيني چفك خل اشمه
البـــي عطر كل الائمه
طيب وبالطف تسّمه
شيخ الأنصار
ــــــــــــــــــــــــــــــــــــــ
راح يتبــرك ابزينب والعقيله اتلگته
ياهله أبريحة اهلنه وهـــله ابشيبة لحيتّه
گلهه يامولاتي عبدچ بس اقبلي طاعته
النار من توصل الخيمه اعليهه اذب فصل الشته

بركاتـچ زينب ماتنحصي
عالمه وعلويه وبنت الوصي
ومن عباتچ خيط واحد
الله سوه اشگد مراقد
وبأسمچ اول مَن يجاهد
شيخ الأنصار
ــــــــــــــــــــــــــــــــــــــ
ابكربلاء صلّو جماعه اوياهم الحُر التحق
انصعقو أبنور الامامه مثل موسى أمن انصعق
من أجه عزريل صاحو (إنَ وعدَ اللهِ حق)
وچم يزيد وشمر منهم يرجف وعاش ابقلق

من نختهم زينب شوف اشحِدث
گامو أمن الحومه بس الجثث
من جديد انولد عابس
ابيض ومثل النوارس
وينذكر ظل بالمجالس
شيخ الأنصار

محمد الجماسي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

من اشرد بخطواتي اعثر
بحافر فرس من جدمي اكبر
اطيح .. وادمع العين
واصيح .. بويه يحسين
من اشرد بخطواتي اعثر
——————
بويه الحوافر ما تخليلي درب اشرد
ونيران الخيام بكفاي شما ردت ابعد
بويه وبعد سوطه عله متني واسمعه يعدد
وكلما عبر عشره عله متني بالعد يجدد

هم عشره فوگ متوني عده
ما بيه اشيلن متني هده

رحت .. عني لا وين
واصيح .. بويه يحسين

من اشرد بخطواتي اعثر
..........
كل حافر يعثرني اطيحاً وانظر لدربك
مو عادتك اندب باسمك وانتظر ردك
كل مره بويه من اهمس بانفاسي ما فرقك
تخلط انفاسك وي روحي واذبل بحبك

وي دم وريدي وعندي اگرب
مو عاده تخليني انحب

دموع .. فوگ خدين
واصيح .. بويه يحسين
من اشرد بخطواتي اعثر
..........
بويه سلب ترجيتي واذني دموم تسيل
چاوين جفك تجمع دمومي يبويه تشيل
لو تاخذ بجفي من اطيحاً انهض بيا حيل
نحلت اجدامي وعيني شافت جم مصيبه وويل

خيام وعطش ورماح وفراگ
خدر مشن تحملهن انياگ

مشيت .. گلبي صوبين
واصيح .. بويه يحسين
من اشرد بخطواتي اعثر
——-
بويه من اهيمن لو شردت اليا درب وجهي
راح اكعد عله الكاع اتاني تصيحلي باسمي
شو طولت گلبي اللچم يالغالي ارحمني
مضيع طريقك مثلي ما تندل تجي يمي

اگعد وادورك بين الدروب
گلب اليحب يندل المحبوب

الغرام .. جمع كلبين
واصيح .. بويه يحسين

من اشرد بخطواتي اعثر
..........
وصيتني وصيه بزغر كتلي يعافيتي
باجر يمر بينه وكت ينحز نفس ريتي
يبنيتي عينج ع الرمح لا تنسي وصيتي
دربج بدربي لا تتيهي لو نج مشيتي

بالغربه ما تتأمن الناس
بيها الخله من گلبه الاحساس

بعيد .. من تشردين
واصيح .. بويه يحسين
من اشرد بخطواتي اعثر
..........
حيدر عيسى البديري

7/7/2019


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يـــزينب لاتوصين بعدني بخير سالم
بس الماي ترديـــن انه العباس خــادم خادم
لجيب العلكمي ومايه
سهلـــه طلبــتج هايـه
انه العباس خادم
............................................
انه العباس والعباس يا زينب عليه
حدر جدمج لخلي الماي ياخذلج تحيه
عندي وياه عشرة موت عشناها سويه
حان الان موعد جان عنوانه المنيه
يزينب من الاكيه اجيبه وراسه محني
واكبالج لخليـــــــه يصيح ادخيل هدني
كفيلج كد الحجايه
سهله طلبتج هايه
انه العباس خادم
....................................................
يا زينب انه العباس واليمنعني مجنون
حتى الموت وكت الموت يسجد ليه مجنون
انه الحاء وانه السين وانه الياء والنون
انه العين وانه اللام وانه الياء يدرون
يزينب لا والحسين الزمه وما ارجمه
واعيد الكره كرتين واخلي الموت زحمه
ملك واتحكم برايه
ســهله طلبتج هايه
انه العباس خادم
....................................................
شد عزمه وتعنه الموت والغيره بوريده
كلبها وهوس العباس حي اعله الصميده
وصل للماي شال الماي رجفت ايده بيده
يسمع زينب امن بعيد خويه الماي اريده
شد الرايه والجـود وكصد للخيمه حازم
شحده اليوصل احدود دخيله كمر هاشم
دك اعله النهر ثايه
ســـهله طلبتج هايه
انه العباس خادم
....................................................
ارتعد من شاف الجنود من كل صوب زحفت
هز ايده وخزرها وصاح حتى الكاع رجفت
صاح بصوت انه الموت واهيه الدنيا وكفت
يتبختر اجه العباس يمشي وجوده صلت
وكف واعيونه للماي ترسم دمع فركه
يكله انته بحمـــــــاي وحلك الموت اشكه
شاهدنه المسنايه
سهله طلبتج هايه
انه العباس خادم
..............................................
وارث حيدر العباس شخصيته وقراره
دك الراس فوك الراس من هلهل فقاره
كطعوا يمنته وماهاب رد قدم يساره
بمحراب الاجل عباس ويقدم اعتذاره
سهم الصوب العين من شوكه عماها
الزينب ضحى جفين لجل يطلب رضاها
عشك وابلا نهايه
سهله طلبتج هايه
انه العباس خادم
....................................................
خادم خدمة الحسين
الشاعر
محمد الموالي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هاي الخدامه ... أكبر بحر
ليخدم إمامه .... لا ما خسر

خلي نذكرهم ... خدام الحسين
************************
اول شخص بي ابتدي//حمزة الزغير سمعه
لمن نسمعه بكل وكت//لازم نشاهد دمعه
بشهر الحزن الها صدى//لو ملا بيهه ينعه
كل البشر تبجي وتون//لهاي القصيدة الروعه

يا محلى الوداع بهالمسيه وعلوم المنيه
بين الفاطمي والفاطميه

يبقى فخرنه ... بطول الدهر
لو اسمه مرنه ... نذكره بفخر

واجب انجلهم ..... خدام الحسين
******************
نذكر وطن أحنه بفخر //هذا العلم عالمنبر
مثله ابد ما ينوجد//شخصيته ما تتكرر
كل الصفات الطيبه//تلكاها عد هل جوهر
من نستمع والله اله//نعيش الطفوف او أكثر

رحــنــه ابــضـعـيـنـه هــالــيــوم اجــيـنـه
من كربله رحنه ايتام لـلـكـوفـه و الـكـتر الشام
ومن يدري بينه هــالــيــوم إجــيـنـه

هاي المراثي ..... صارت مجد
صارت تراثي ..... مثل الحمد

الله يرحمهم ....... خدام الحسين

***********************
عبد الرضا من نسمعه//يبجي الصخر من يقره
كل البشر تبجي دمه//لمن يون عالعتره
عنده قصيدة خالده// وخلدت حياته وعمره
مطلعها اريدك تسمعه//أويايه ون عالحره

زينب يا غريبه الله شمصيبه
وجهج يازينب وين//مذبوح اخوج حسين
والجثه سليبه الله شمصيبه

باقي صداهه ... عند البشر
والكل قراهه ... بعز او فخر

الباري كرمهم .... خدام الحسين
*************************
خادم وفي لآل النبي//نتذكرة احنه كل حين
بذاك الوكت رغم المنع//فادي مُهجته لحسين
هذا الشخص تارك أثر//بگلوب كل الطيبين
هذا الجبل ما ينسي//اسمه الرميثي ياسين

يحسين بضمايرنه وصحنه بيك آمنه
لاصرخةعواطف هاي
لا دعوة ومجرد راي
هاذي من مبادئنه وصحنه بيك آمنه

بهاي القصيده ... أشمهما نعيد
لهل العقيده ... صارت نشيد

لا مانملهم .... خدام الحسين

************************
هذا النويني بكل فخر // جاسم جبير ابعيني
أنطه العمر لآل النبي//من أسمعه إيبچيني
من عنده أتعلم. واظل//خادم وفي لحسيني
عنده قصائد خالده // اذكرها الك خليني

ﺟﺴﺎﻡ ﻳﺎ ﺿﻨﻮﺗﻲ ﺭﺍﻳﺢ ﻣﻦ ﻋﻴﻮﻧﻲ
ﻣﺎ ﺭﺣﻤﻨﻲ ﺍﻟﺪﻫﺮ
ﻭ ﺍﻧﺖ ﻧﻮﺭ ﺍﻟﺒﺼﺮ
رايح
ﺭﺍﻳﺢ ﻣﻦ ﻋﻴﻮﻧﻲ


للعتره خادم ... مشهوده اله
ملانا جاسم ... من الله عله

الله فضلهم .... خدام الحسين

****************
************************
آخر شخص بي اختتم//هاذي القصيدة الليله
باسم أسد فارس يضل//بطول العمُر ندعيله
صاحب خلق صاحب أدب//ماعنده ابد كل ميله
هالليله من أجمل شعر// طبع النسر نقريله

مثل طبع النسر طبعي أطير بهيبة الجنحين
واحس يتكسر اجناحي من أذكر مصاب حسين

النيه السليمه .... في خدمته
الزهره العظيمه .... من رفعته

ربي يحفظهم .... خدام الحسين

*********************
تمت بعون الله تعالى
الشاعر يوسف هاني الأسدي


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

الغالي راح اومايرد ويهجم ابيوت البعد
اعزاز گلبي راحلين عمري خلصتة ونين
ويهجم ابيوت البعد
***
صحت بسمك ودمعي احسنة همل
وچنت اشوف ابعينك اسوالف امل
وگمت احسن بلهجر حيلي ذبل
شعنده ويانة اواجة بلهفة الاجل
اخذ محبوبي اوجفه وكلشي بلدنية طفه
ودمعت اعيوني تهد
**
عفت اثارك بواجي واليالي امحيره
گلبي بغيابك شگله علبعد شيصبره
روحي ادور ابروحك تانتك ومناطره
ردت بعيوني احطك مااريدك بلثره
بروحتك كلشي انتهى العالم ابعيني فهى
ويامكانك بيش اسد
***
نار بگليبي عفتهه وتحرك ابدلالي
رايح وعايفني وحدي ولعيون تلالي
فرگته تچوي وصيحن فارگيت الغالي
الچنت اشوفنه بعيوني هسه يتراوالي
صوته اسمع والصده وابچي بگد النده
كل دقيقة بسنة نعد
***
چم تعال الصيحتهه والعيون اشتاگت
فرحتي مدري شجاهه دورتهه انباگت
زغرت ابعيني الوسيعة حيل بيه ظاگت
انة الدموع بخدودي من بعدكم لاگت
بعيني اشوفنك سراب والبعد صاير عذاب
گلبي لجلك ينمرد
****
ابو حيدر الصبيحاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

(9) نزلة .... للعليلة عليهم السلام ( ميمر )


آنه العليله وأهلي راحوا عني
ظليت أون گلبي انفطر من وني
كل ضني يرجع والدي كل ضني
عالدرب انطر ظليت روحي المرض اذّاها
.................

طفله وعليله بلا اهل عافوني
مالومه وعله الدرب تربي عيوني
منتظره اهلي السافروا يلفوني
لجيّتهم احسب ايام وتصوّر ابملگـــــاها
..................

وحشه المدينه بدون ابويه الغالي
غير الألــم بغيـــابه مايبـــرالي
ذاب وتفطـّر بالمــرض دلالــي
وعيوني دمع الأحزان يا والدي اعمـــاها
................

عالدرب ظليت انتظر جيّتهم
والدي حسين وكل هلي ولمّتهم
طوّلوا غيبتهم ولاچن بتهم
آلامي وجروح البين ماواحــد الـداواها
................

طفله وبقيت بدارهم بس وحدي
غير الألم والنوح ماضل عندي
شعتب شسولف والعتب مايجدِي
صورة ابويه بعيناي كل وكت ماانســـاها
...................

جرح انتظارك سلني يابويه حسين
وين انطي وجهي والدي بعدك وين
شتنتظر بويه ولا سنة ولا سنتين
مثل الحلم صارت ليش شوفتك اتمنّـــاها

خادم فاطمة العليله عليها السلام
سيد زيد الفحام
____________________________

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كل لحظه يوم العاشر أيمر بينه
.
( لـلأنصـــار )

كريم الحاج فليح
ونسألكم الدُعاء
.
.
.
هــذا الخلـود الكـل غيـــور الـــدينـــه
و ويـــن اليعـادي حسـين و يعـادينـه
.
.
.
سجـل يتـاريـخ الطفـوف أبـأنصــاف
ويـن المبــادئ و السِنَــن و الأعــراف
جيـش آل اُميــه أتجمعــوا بــل آلاف
وحسـين بهلــه و أخوتـه و سبعينـه
.
.
.
جيـش الحُسين المُخلصين السبعيـن
وسبعين ألف ذباح أجـه لذبح حسين
يا مذهب أيقرها ويا شرع و يـا ديـن
بس مذهب يزيد الخـرج من دينـه
.
.
.
ديـن الطغـاة اليشتري الجـيش أبمـال
السبعين ألـف بـالمعركه شـباه أرجـال
لجــل الطُمــع عــاشـوا حيــاة الأذلال
أبكل ذِل يـزيـد اعليهـم أمنصبينـه
.
.
.
نَصَب أبـو اليمه أعلـه جيشه العبـاس
فـارس شجاع و حيدري مـن الساس
أبكل بيت خلـه النايحه بـو النوماس
سـاقـي عُطـاشـى كـربلـه أبچفينـه
.
.
.
چفينـه نضحن بالكـرَم بـس و الجـود
وأبـأمـرتـه أعليهــم تِبـــاهــوا لجنــود
أحـراره ذولــه بـالحـرب گَــد و گـدود
واحدهـم أمخلــي الحُسـين أبعينـه
.
.
.
واحدهـم أمنيهــد يهــز چَــن الكـون
لجـل العقيـده بنــاره تجــدح لعيـون
من عابس أجنون العشگ أخذه وجون
بيهــم أبــو السجـــاد گَــرَّة عينــه
.
.
.
گـَر عيـن أبو السجاد شــيخ الأنصـار
جندي الحُسين الما لبس ثوب الـعـار
أيـراوي العـده ساعـة جهنـم لـو غـار
و الغيـره كلـهـا تنضــح أمنجبينـه
.
.
.
بجبينـه مـرسـوم الـريـاحـي الأِقـدام
أنكــر يـزيــد ومــا حِلَــم بـالاوهـــام
حـر و يضـل حـر للأبـد عالـي الـهـام
قَــدَّم حيـاتــه للسـبط و سنينــه
.
.
.
قَــدَّم زهيــر أدمـومـه بـرض الأمجـاد
بعــد الهجـوم الساحـق أعلـه الأوغـاد
قـربـانــك آنـه صــاح يـابــو السجــاد
يـالـبـالحَشــر بـس أنــت لتنجينــه
.
.
.
تنجينـه يبـن المرتضى داحـي الـبـاب
أبداعت بُـريـر و كـل صُحُبتَك لنجاب
لطّـــامتــك سجلنـــه وَيَّ الأصحـــاب
وخدام ألـك سجلنـه يـا بـو سكينـه
.
.
.
سجلنـــه يحسـين أبسجـــل الخــدام
أبخـدمتنـه و بـدمـك تثبــت لســـلام
كـل لحظه ننصبلك عَـزه مو كـل عام
كـل لحظـه يـوم العاشـر أيمـر بينـه

.
.الشاعر كريم الحاج فليح

23/7/2019

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الرايـــــــــــــــــة وين وجــودك .. يعباس
وين الســـــــــــــيف وزنــودك .. يعباس
العســـــــــكر وصل لحـــدودك .. يعباس
********
كَوم يبن الـمــجد وأنـهض رجـع الخـياله
هجمت علحسين خـويه ودمعـتي همــــاله
والله محتارة شيلمها هل الحرم وأطفاله
تدري العــــــــدة وصـــــــلونه .. يعباس
بالنيــران حركَــــــــــــــــــــونه .. يعباس
خويه بخطــــــــــــــــــر خلونه .. يعباس
يعباس .. يعباس
********
حركوا خيامي عليه وأنـه تدري مخـــدرة
وينهم فرسان هاشم وين ضنوة حيدرة
كوم ياليث المعـــارة وعيد يوم الكَنطرة
خلي العســــــــــــــــاكر تذكره .. يعباس
يومك يســــــــــــــبع الكَنطرة .. يعباس
ضليت خويه محـــــــــــــــــيرة .. يعباس
يعباس .. يعباس
********

هجمت علينه العساكر راحوا يسلبونه
روحي ضلت ياكفيلي بكــربله محزونه
شلون ترضون لحرمكم بالفــــله يخـلونه
لاخيــــــــــــــمة ضلت لاستر .. يعباس
لاوين نكَصــــــــــــــد من نفر .. يعباس
بالسوط يضربنه الشــــــــــمر .. يعباس
يعباس .. يعباس
********

حالتي لمن تصدهه تحرك الدنيه حـركَ
يبوفاضل من طرفهه صدعباتي تحترك
آه لوشايف أطفالك بالحوافر تنسحكَ
بالخيل سحكَوهــــــه العــــــدة .. يعباس
أطفالنا الـمشـــــــــــــــــــــردة .. يعباس
ضل العليل بوحـــــــــــــــــدة .. يعباس
يعباس .. يعباس
********



منكسر كَلبي وحزينـــة بكربله خـلوني
موسدين على الوطــية والدمع بعـيوني
صحت ياراعي الحمـــيه ياشهم لحكَـوني
حشمت يا راعي العــــــــــــلم .. يعباس
مرعوبه خلوهــــــــــــــــا الحرم .. يعباس
جيش العـــــــــــدة علينه هجم .. يعباس
يعباس .. يعباس
********
نـار مستعرة بدليلي منهو يطفي ناري
مورثة بنار الضغينة ياوسف أستاري
ونتي محد سمعها وأخفي دمعي الجاري
ســـــــــكته دمعتي من تصب .. يعباس
كل ما أونن أنضــــــــــــــــرب .. يعباس
يحدون بضعونـــــــــــي الغرب .. يعباس
يعباس .. يعباس
********
شاعر أهل البيت
الشيخ عبد الحسين المنصوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لعلي الاكبر ع
///////////////////
تعال اتنفسك وانــدار // شبيه انت النبي المختار

علي يبني // علي يبني

درد لينة يبن حـيــدر // يــمن جيتك ضوة للدار

علي يبني // علي يبني

/////////////////////////////////////////

حزن صار الحزن موعد // خفت يبني علّي تبعــــد

ولا اشوفك يبعد اهلـــك // علي يبني الخيم تنشــد

يمن وجهك ضوة البيتـي // يمن وجهك فرح يسـعد

صرت بعدك حزن كلي // الكلب بعدك فلا يركـــد

دمر بينة هوة اللــــــيلي // انة افراكك هدم حيلـــي

لون تبعد تشـــبني الـنار // يمن جيتك ضوة للـــدار

علي يبني // علي يبني

/////////////////////////////////////////

رمح شجني بخرز ظهري // انة خلافك حرت بامري

صرت بين الدمــع والعين// منو الغيرك هوا الصدري

فلا اعوفك كـــلــــت والله // لجن طيبك قبل عــــذري

مشيت ابسيفـك وي الكوم // صحت بوية انتهى عمري

انة الماشي ابهوى المشتاك // لجن بوية ابحزن وفراك

عليك امك تضل تحتــــــار // يمن جيتك ضوة للـــدار

علي يبني // علي يبني

/////////////////////////////////////////

غفة ابعيني رسم طولـــك// صدك يبني يهزني الــنوح

وصيحن ياعلي الاكبــــر// انة بموتك طحت مـجروح

شفت جبريل بقـى محتار// من شاف الجســد مطـروح

وكف يمك حزن عمـــك // نضر لية ابكلب مذبـــــوح

انهدم حيلة بكلافة وكـام // رجع لختة يصيح اوهـــــام

يطيح ابن الولي الكــرار// يمن جيتك ضوة للـــــــــدار

علي يبني // علي يبني

/////////////////////////////////////////

صرت هايم علـــى البيدة // شفت جسمك دمة اموذر

ردت منك عظـــم سالـــم // ولم لحمك مع المنـــــحر

لجن يبني العــــدة ظالــــم // واخذ مني الهوا معطــــر

صرت مجبور أهد دمعي // واجي كبالك وانــا امكدر

يمن صبرك صبر أيـوب // كلت بوية حزن مكتــوب

ألي الجنة فلا تحــــــــتار // يمن جيتك ضوة للــــــدار

علي يبني // علي يبني

/////////////////////////////////////////

ردت منك ترد حيلــــي // تــجي لمك ضوة الليلـــي

يشمس بليل جنت عدنة // يروحي اليوم حزن شيلـي

على فراكك سمة مغيمة // يعيني بحيل دمع سيلـــــي

غصب دارالوكت محزن// بغفل صرخة صحت ويلي

انة العارف شني المكتوب// لجن روحي عليك اذوب

دريت انت جنت خطـــار// يمن جيتك ضوة للــــــدار

علي يبني // علي يبني

/////////////////////////////////////////

الحلم ضاع وسرت ناري // انة ابختك يــضي داري

تعوف امك يبعد امـــــــك // الصبر انت وانة القـاري

جرح كتلك جرح وجروح // بقى بعيني الدمع ساري

الصبر عندك يهـدم جبـال // يمن صبحك هوة الباري

علم انــت ابشرف مذبوح // يمن جيتك توكف النـوح

فديت انت ابدمـــــة أنوار // يمن جيتك ضوة للـــــدار

علي يبني // علي يبني

/////////////////////////////////////////
الخادم ابو علاء العزاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عافوني وراحوا
وچم باچر اباچر مشت يمته يردون
وين الگبر گالوا
أعزازي وعليه من الهوى والله يخافون
مثل الدمع سالوا
لو سال عالخد الدمع ميرد للعيون

....................

يجروحي ماتطيبي .. الا التقي بحبيبي
وردة ولگت ماي
حالف اذا اجالي .. حافي الاگي الغالي
بجروحي الهواي

بس الصدى ايردلچ عليهم من تصيحين
ياروحي عدله ألمن بعد چا ماتموتين
دنياه ماتسوه المشوا عنه العزيزين

حنيني .. و ونيني .. البُعدهم

شالوا اهل روحك
حدر الترايب ياعلي وخلوك محزون
مثل الدمع سالوا
لو سال عالخد الدمع ميرد للعيون

....................

تلگه الخليله عافه .. يابس حچي عله شافه
للملگه ضماه
يرسم عله الترايب .. صورة حبيبه الغايب
ويتعاتب اوياه

بدمعي اكتب ابأسمك گمت واشتم بالحروف
من گد صفنتي خدودي گامت تاكل اچفوف
وحلفت العيون اتعمي بس طيفك تشوف

هيامي .. وغرامي .. بهواكم

شمحلاها لو عادوا
ويندگ علي بابي وافك بابي ويطبون
مثل الدمع سالوا
ولو سال عالخد الدمع ميرد للعيون

....................

شالفايدة ابچينه .. الراح مايجينه
ومترده الدموع
ماينگطع عويلة .. دافن بديه خليلة
ايظل گلبه مشلوع

يمشي وتظل برويحتك چلماته الحنان
وتطلع صوره اتظل عليك منين ماچان
مرات واحد دنيته يلگاها بأنسان

خيالي .. اعله حالي .. بچالي

لحبابي الغابوا
حالف اطش روحي نذر لمن يرجعون
مثل الدمع سالوا
ولو سال عالخد الدمع ميرد للعيون

....................

تلطم تگطع ادينك .. واتدگ سنة عله عينك
ومايرجع الراح
هيهات ماترده .. مي عالرمل تبده
شيلمه لو طاح

يمسي المسه والبيتي ارد چن طير مصيوب
مفارگ واصيحن لا هله بجيتك يالغروب
وامطشر اعيوني انتظار بكل الدروب

حسرتي .. جمرتي .. چوتني

نشتاگ واشتاگوا
بس يوگف اتراب الگبر بين اليحبون
مثل الدمع سالوا
ولو سال عالخد الدمع ميرد للعيون

....................

ابچي وشنو الجنيته .. الضيعته مالگيته
ظل جرحه ماطاب
شال النظر من عيني .. من عالبتول اديني
هالت بالتراب

شما حزنت اعليچ الخلگ يم حزني متصير
من الطم اعليچ اختلف لطمي ابسامير
والآم الضلوع ادعي كون بضلعي اتدير

يروحي .. وجروحي .. الحِنينة

يافاطمة امنيتي
كون انه مو انتي الذي بطولچ يدفنون
مثل الدمع سالوا
ولو سال عالخد الدمع ميرد للعيون

.....................

الشاعر علي عويز الشويلي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وصيتي لو دنالي الموت أدفـــــــنوني بحســــينيه
وكتــــبوهه عله التابوت أه يحســــــــــين لطميه
-----------------------------------------------
خلـــولي قـصـــــيده وياي فــوك ضلوعي ثــبـــتوهه
شاعـــرهه يحب حســين زيـــــــن بكــفـــني لفوهه
قـــــــــبل كلشي أطالبكم بالمــــنـــــبر تــــمسحوهه
ما أريـــد أتـــرك الخدمه
أحسهه بركبــــــــتي ذمه
عـــــندي أجمل أسم أسمه
أه يحســين أه يحســين أردد بــــــــــــــــيهه يوميه
**************************************
عـلــتـني الخـــدامه هـــواي قـــــيمه حســــــين ســوالي
مــتفـــضل علــــي مولاي خـــــلاني أشكــــــثر غـالي
جملني بخدمــــــــته حسين أصـــــــــيح بأسمه هنيالي
حروفـه تــشرف أشــفافـي
أسمه شطـــــــيب شدافـي
ركضت الخدمــــــته حافي
عمري بخدمة عـــــمريش بحـــــــــــــــبه أسنيني مسبيه





خـــادم مالبســـــت أللـــوان سواد الــمجلــــس شــزينه
مدام أتـــنــــــفسك يحسين الكلب فـــــاتــــــح روازينه
فلس ماأسوه من غـــــــيرك اليعــــــوفك جن ترك دينه
دنــــيه وأخــــــره أبخــــــتك
علــــــيك بزيــــــــنبك أختك
تراهي أرويحتي بذمـــــــتك
لا تنساني يـــــــــــوم الدين أريدن عـــــــــــــــينك أعليه
----------------------------------------------------------
النهر ماله فضل عالماي للـــــــماي الفــــــضل كــــــله
وأحنه بغـيرك أمتيهــين دربـــــــنه وكـــــــــوه نـندله
يالمخـــــــتار بين أثنين بــــــــــين السله والـــــــذله
للموت أختـــــيارك جان
ونحرك ثبت القــــرأن
نعم يامنقـــــــذ الأنسان
وأحنه بمنهجك ماشـــين وعرفــــــــــنه الدنيه مكضيه
-------------------------------------------------------
اليخدم بالخـــلك يـــــنهـان أيــتـلعـــثم بالحجي أللسانه
واليخدمك يــــــبو السجاد أمن الله يرتــــــــــفع شانه
الخدامك بديـــــــع الكون فـــــــــــتحهه الباري بيبانه
الدمـــــعه بمجلسك شمعه
اليذرفـــــــــهه تره تنفعه
بخدمتك يا أبو الـــــــتسعه
ودلــيل الصاحبك يحســـين نضيف أو صافــــــــــي ألنيه

أ سماعـيل العـــمر يحسين فــــــداك أذبـــــــح أسماعيلك
حلالك لا تخـــــاف أعليه كلــــــــــــشي أتريده يهديلك
ياوادي الزرع والــــماي أزرعـــــــــــــني أبوسط ليلك
وحق خنصرك وعـــــيونك
يتيم وضايـــــــــع بدونك
يل معلي اليخــــــدمونك
نبضات الكلـــــــــب مولاي من تـــــــــنـــــــــبض حسينيه
--------------------------------------------------------
بالمــجلس أشم عــــطرك يالعـــطرك هـــــــــــــوه الجنه
من ألطم يــــــبو السجاد صدري بجـــــــــــــــفي يتحنه
أكسر ضلوعي ومقـــصر يـــــــمن تســــــــــــتاهل ألونه
الله الــــــيفرض أحكامه
ألك خالقـــــــــنه لطامه
ألك طــــــــــبرنه بالقامه
خدامك نضل خـــــــــدام وبالخـــــــــــــــــــدمه فـــــدائيه
******************************************
خادم العتره الطاهره عبد الجليل المالكي
***************************
والله أمنيـــــتي أمــــوت بمجلسك
يبو الــيمه وي النبض أتحسسك
فدوه أروح الــخنصرك والمحبسك
هــــــــــوه ما رايد أريد أتنفسك
*******************
عبد خلاني حبيبي أمن العبـــــيد
بعد من حسيني ياعالــــــم شريد
أنه شمقــــــدم للمقــــدم وريد
هنه كم ضربة صدر لو لطمة أيد

الشاعر عبد الجليل المالكي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بيش اعاتبكم يخوتي // واني احس اقترب موتي
مـدري اطـلـع ياسهم // مدري احامي عالـخـيــم
بيش اعاتبكم يخوتي
//////////////////////////////////////////
اليوم عفتوني بوضع مـرمـر حـياتي
شرد اسولف عالجرى الكرب مماتي
مــرة اباوع عالنهر مــرة الـخـواتـي
مرة امسح بالـنحـر دمـة ابـعـبـاتـــي
وانة مهضومة بغدر // جبدي مطبوخ بجمر
مدري ادور عالعلم // مدري احامي عالـخـيــم
بيش اعاتبكم يخوتي
//////////////////////////////////////////
خوية طبيت بوضع اذكر دلالي
كمت ما اعرف يميني من شمالي
صحت عباس الشهم مدري اشجرالي
هاي ماجانت ابد توصل خيالي
اوكف اكبال الشمر // وانة ماعندي عذر
مدري اصدن هالجيّم // مدري احامي عالـخـيــم
بيش اعاتبكم يخوتي
//////////////////////////////////////////
جمرة احزاني سلتني ابهل قضية
كمت الوعن ياعلي كبل الـمـنـيـة
اطفال تصرخ يالحسن هاي المسية
بيش اودعكم يـخـوتي ابيا رزية
منين اجيبك ياصبر // حسين مذبوح الظهر
بيتي هاليوم انهجم // مدري احامي عالـخـيــم
بيش اعاتبكم يخوتي
//////////////////////////////////////////
ثمرة ادمومك يخوية المهدي يجنيها
باجر ايطلع الرضيع القصة يرويها
ايصيح ياعالم تعالوا اشلون اداويها
جروح عباس الشفية شلون اجازيها
والسهم نابت بعد // جفن عينة ونمرد
حتة راسة ماسلم // مدري احامي عالـخـيــم
بيش اعاتبكم يخوتي
//////////////////////////////////////////
سامحوني اليوم خوية دموعي تجري
عـكب عزكم والدلال وضاع صبري
مدري الم اطفال تاهت مدري خدري
مدري اصيحن ياحسين وشنهو عذري
لو نشد باجر علي // وين خليتي الولي
خلافة ضلينة ابعدم // مدري احامي عالـخـيــم
بيش اعاتبكم يخوتي
//////////////////////////////////////////
من دمع سجاد معروفة الحقيقة
باجرالمهدي يجي ويعلن طريقة
يخلي دمعاتج رقية ابكل شهيقة
وراية العباس تبقى انة عريقة
راية شايلها ابأمل // سيدي انريد العجل
يمتة ويخط القلم // مدري احامي عالـخـيــم
بيش اعاتبكم يخوتي
//////////////////////////////////////////
الخادم ابو علاء العزاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حكهــــه زينب تفخــــر ابعبـاسهه
هــاذه ابـو النوماس رفعت راسهه
*

حكهـه تتبــــاهـه العقيلـه ابخــــوته
غيـــــــرت الكــــرار حيــدر غيــرته
دوم عـالحـــــره تـرفـــــرف رايتــه
ولتمس زينب يكَطــــع انفــــــاسهه


عــاشت ابعــز اوفخــر بوجــــــوده
لحـد ماطاحـــــــن لجلهه ازنــــوده
قصب جابلهه الفـــــرات ابجـــــوده
بطل وخشـــــوم النواصـــب داسهه


ابـزود عبـاس الكفيـل امخـــــــدره
ذاك اليسمـــــونه سبــــع الكَنطــره
عـاشت الحـــره عفيفـه اوصـــابره
وبشجـــــاعتهه صعـــب مقيــاسهه
*

حكََهه ترفــــع راس مـابين النسـاء
حكَهه لمن تفخـــــر ابراعـي الـواء
هاذه حادي اضعونهه اوسبع الفلاء
حكَهـــــه يصبــح بلكَمـر نـوماسهه


ضحه الخته ابهـــــــامته وزنــوده
شهـــم ماواحـــد وصل الحــدوده
غيـــرت الكــــرار بـي مـوجــــوده
هـــــدم اصفوف الكفر من ساسهه


جاب الخته الماي وفه ابموعده
عل نهر خله الـرجــــال امـــدده
ياهــو يكَربله اوسيفه ابســاعده
كربلـه تشهــــــد عليه اوناســهه
*

الخادم
كامل السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لحن يخيمات

يعباس......كلهه ركضت عليه
يعباس......ورجلي بجمر مجويه
يعباس... واني حيل ما بيه
يعباس....يعباس...
ــــــــــــــــــــــــــــــــــــــ
ترضه يخوي هاي الزلم ... تركض وره سكينه
فلهه لاحبال من الخيم .... بيهه الشمر يطكنه
يحرك بخيمتنه النذل ..... وعليهه هم دفعنه
واحنه بصحاري بنص غرب ....من الركض تعبنه

والعيون.....كلهه تباوع اعلينه
العيون......يفرح من يبجينه
والعيون....تكسر كلب البنيه
يعباس....يعباس ...
ــــــــــــــــــــــــــــــــــــــ
كد ماصحت الحك علي ....يبست تره لهاتي
تضحك تره عليه الزلم ....... من اعثر بعباتي
وحسين صاح من الرمح .....لحكي انولت بناتي
رحت اركضت شفت الشمر ..... يركض وره خواتي

ولاطفال.....كلهه تصيح يا عمه
لاطفال....وانتم يمي ما همه
لاطفال.....ميته تريد لاميه
ــــــــــــــــــــــــــــــــــــــ
لسبعين الف هدو علي..... الحك تره ولونه
نسوان احنه يا خلك..... وبلحبل ايكيدونه
فوكاه كدام الرمح ..... يشتمون ابونه
هلهلت كلهه وهوست ......هايه لمن سبونه


ولازلام....تدري جفوفهم خشنه
ولازلام ....بسوك وباجر تطكنه
ولازلام ....زينب ترضه مسبيه
يعباس...
ــــــــــــــــــــــــــــــــــــــ
فرهدو كدامي الخيم ..... هدت علي سلابه
وباكو تراجي من لاذن .....ورقيه صاحت بابا
الحك رقيه اتسلبت ...... مو جنهه هاي طلابه
حفاي نركض ع جمر ..... وشمس ضهر لهابه


يسلبون....كلشي ذكرى من غالي
يسلبون....حته الصور من بالي
يسلبون ....باكو حته ترجيه
ــــــــــــــــــــــــــــــــــــــ
خويه تره بحرك الخيم ......حر الجمر جواني
واحد اجه ودك الصدر ...... يمي دواهه اني
شال الرماد من الخفت .....طشهه علي عماني
افرك بعيني من الخفت ..... واحد اجه طكاني


يطكون....حته المتن صار ازرك
يطكون....واني الموت كمت اشهك
يطكون ....واشكف كمت بيديه
يعباس...


كرار فاهم الخفاجی


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747