أعكيلي
لذكرى أستشهاد الأمام جعفر الصادق عليه السلام
.......................
عا لصادق هلن دمعاتي
.....................
مجلس هاي الليله أبذكره
هنياله البي وسم صدره
يلطم باليمنه أو باليسره
سجلها الحبك لطماتي
...................
يابو الكاظم حبك بيه
من درة أمي الشيعيه
صار أبدمي أو صرت أبضيه
أتنور بيه أبظلماتي
..................
أصل الدين أو كل أفروعه
ساري السم أبين أضلوعه
حكي أشعر هاليله أبالوعه
وندب يا فاطم مولاتي
.....................
يا لصادق يا شيخ المذهب
شيعي أو بخلاقك أتأدب
و بمصابك لازم أتعذب
وتضيك الوسعه أبنظراتي
.....................
سادس نور أتغيب أنواره
والنار أتشب أبنص داره
يا ويله اليجهل مقداره
باجر لو كامت ثاراتي
..................
نفسه السمك عاد أبجرمه
ضدك نفذ حقده أو ظلمه
قبرك مهدوم أبيا تهمه
أسئل وتجوه أبحسراتي
.....................
يا ويله أو ويله أو يا ويله
كلمن جند ضدك حيله
جف الحشد الشيعي أيشيله
ترجيه أبأذنه أحجاياتي
.....................
باجر رايه أبصف الرايه
أو حفاي أتروح المشايه
تندب يالصادق مولايه
بالمحشر أحضر شداتي
......................
خادم أهل البيت
الشاعر : أسماعيل الجوراني
الخميس : 27/6/2019

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بسمه تعالى

*يجري الدمع هاليوم* عالباقر المظلوم *عالباقر المسموم - على الباقر دمعــتي اليوم ابديهــــا - والچمـــها الجروح او دم ابچيهـــا
*يجــري الدمــع هالـــيوم
-------------------------------------------------
على العــاش المصــايب مــن صغـــر سنــه
او حـضر طــف الحزن واهـواي اخــذ منــه
أريـــد أعـــصر دمـــعــتي ابفاجعــــة حزنــه
. عسى الزهره ابحزنها اليوم أواسيهــا
*يجــري الدمــع هاليـــــوم
------------------------------------------------
على باقــــر علـــوم المصطفــــى الهــــادي
أحــس غــيم الحـــزن خـــيم على ابــــلادي
او من كـــل بيت أسمـــع رافــضي اينـــادي
. امشـــونه للبقيــع اﮔـــبوره نبنيهــــا
*يجــــري الدمـــع هالــــيوم
--------------------------------------
تجــدد يا حـــزن يـــوم الطبـﮓ بينــه
شيعــــه او للبقيــع الدمعــــه تحدينــه
على الشاف العــذاب ابـ أول اسنينــــه
- ذكــراه وجـبت ابهالليلـــه نحـييهــــا
*يجــري الدمـــع هالـــــيوم
---------------------------------
چــان اربــع ســنين ابكـربـــلا عمـــره
او يذكـر من تكنطــر جـــده عالغـــــبره
او سمع صوت الظليمه من رجع مهـره
. على اخـيام الـبقت مامـش زلــم بيهـــا
*يجــري الدمـــع هالـــيوم
---------------------------------------------------
عاصر حــزن ابـــوه او فاجعـــة جـــــده
او شاهــدها السهــام الصــوبت چــــبده
او شـاف اعلـه الخيم كـل حــاقد اتعــــده
. كــل هــاي المواقــف هــوه يرويهـــا
*يجـــري الدمــع هالــــيوم
------------------------------------------------------
أخــذ مـن كربـــلاء اشـــﮔد عــبر و ادروس
او شاف اعلـه الرماح اتعلـت اشــرف روس
او على اجساد اهله شاهد خيل أميه اتـدوس
. او سمعهــا ابفاطمــه اتشـتم اعاديهـــا
*يجــري الدمـــع هالــــيوم
---------------------------------------------------------
حــافظ صــوت زيــنب من تســكت ايتــــام
او شاطــرها الحـزن يــوم المـشت للشــام
تحــــز ابنفــسه حــيل احـچــايــة الظــــلام
. الســبيه أهل الحـقد زينب تسميهـــا
*يجـــري الدمـــع هالـــــيوم


امـــام او للأســـف ما نصفـــته الأمـــــه
أصل مجمـــل علــوم الدنيــا من علمـــه
تصـــداله هــــشام الطاغــــيه او سمـــه
. هـاي اخــلاق أميـه او هـذا ماضيهــا
*يجـــري الدمـــع هالـــيوم
-----------------------------------------------
عـاش اصعـب ظـروف المرحـله الخــطره
ابوكــت چــان التطــرف ينتــشــر فكــــره
او بـدى الألحــاد يغـــزي العــالم ابكفـــره
. ناظــــرهــا الكــفر واتغـــلـب اعـليهــا
*يجـــري الدمــــع هالــــــيوم
-----------------------------------------------
اشكثر واجه ظلــم من طاغــية عــصره
او تحدى الشائعات ابحكمــته او صــبره
نهض كــنز العلـم .. للـــعالم ايصــــدره
. عـقــول اتحجرت وبعـلمــه يشــفيهــا
*يجــري الدمـــع هالـــــيوم
-----------------------------------------------------------
لكـون الشـيعــه باچـــر كلـــها مــجـتمعــــه
او نعــش تشـييـــع رمزي الباقــر اتشــيعــه
او نعــزيها ابمصــابه الخمســه والتســعــــه
. واعــــلام الحــزن باچــــر نعـلـيهـــا
* ييجــري الدمـــع هالــــيوم

خادم اهل البيت عليهم السلام
الشاعر ابو حيدر المجراوي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نوحيه
...............
لذكرى حرق دار
الأمام جعفر الصادق عليه السلام
.....................
من نار الشبت بالدار
أبحال العلويات أشصار
ياويلي أبنيات الزهره
يتوارن من حجره الحجره
أبحال العلويات أشصار
.....................
على صوت العلاوي جعفر أستنفر
يطفي النار بيده أو كلبه يتفطر
أو تذكر بس شنو ألي أذكره جعفر
تذكر من بنات حسين تتعثر

مسكينات أشكد أزغار
مغدورات أمن الأشرار
هاي الطاحت من السطره
أوهاي الطاحت من العثره
أبحال العلويات أشصار
....................
أو بعد شنهو يشيعه ألي تهياله
على الغبره الحسين أو حالته حاله
بعد ذبحه أبد ما رحمو أعياله
جحافل راجله هجمت أو خياله

تاكل بالخيمات النار
والجيش أبكل أستهتار
يظربهن  والفرحه أبصدره
الطاغي الشام أيزف البشره
أبحال العلويات أشصار
......................
أبالهيب النار شاف أجفوفه ملسوعه
كعد مهدوم حيله أويسجب أدموعه
أعله جده المنذبح ومهشمه أضلوعه
أو جثته  أمن الدفن أيام ممنوعه

أبفصل الصيف أوظهره الحار
ظلت أيام أبلا ذار
الواليهن من ذبحو نحره
مسلوبه أو متوسده الغبره
أبحال العلويات أشصار
......................
بناته أو حرم بيته أبنار ماترحم
لجن هالنار وين أو نار المخيم
أبصدر زينب هذيج النار جن علكم
تشوف أيتام أخوها أبجمر تتخضم

وحدها أو مامن أنصار
تندب والدها الكرار
يابو الأيتام أويه الفقره
زينب بنتك تشكي أبحسره
أبحال العلويات أشصار
. ..................
مصايب كربله أعظم على الخاطر
عطش ذبح أو سبي بمصيبة العاشر
12 طبره أبجسد فوكاها أثر حافر
سبايا أو عالنهر طف ثاني متواتر

جف أيمين أو جف أيسار
صارن معقل للزوار
للخوه أيوفن بالنصره
بصمن لجل حسين أبعشره
أبحال العلويات أشصار
.....................
خادم أهل البيت
الشاعر :أسماعيل الجوراني
السبت 29/6/2019

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا وسفه وحرامات
وياك الفرح مات
• مثلك نلكه هيهات
يا بويه يا بويه
• *****************
• اي يا دنيا اتشمتي اشسويتي بينه طاحت الخيمه الكبل سترت علينه
• واليتــــيم ايفزز المــــوته ابونينه يا صدر يا وسفه تنباك امن ادينه

• خل تفرح الشمات والحاربونه صبحنه كوم ايتام من راح ابونه
• ما بسك يادفان تتخير بالاحنان
• جرحك ماله خوان
يا بويه يا بويه
• ****************
• والله يابويه انكسر ضهري بمصابك عمر الاسود ياصدر ريته بغيابك
• نسمه من طيبة علي ولينه الله جابك كون بيه ولا نجس يابويه صابك

• شلي ابحياتي وصار علكم طعمها وادموعي من فركاك بيا عين اضمها
• تدري الكلبه مفجوع
ما تشفيه الادموع
• يصرخ صوته مسموع
يا بويه يا بويه
• ****************
• تدري بفراك الابو محد يحمله واليودع له صدر مو جلمه سهله
• حالي جن حال اليتيم ودافن اهله اشكـــــد تمنيت الكبر يدفني قبله

• كون العمر يندار فدوه اعلى عمرك واتمنى روحي اتصير شجره اعلى كبرك
• راح دنيتي اوياك
يابو الفقره محلاك
• ما عاش الي ينساك
يا بويه يا بويه
• **************
• بويه بعدك عايش بها الدنيه كوه من اروح الشيبتك سبعين فدوه
• كلي بعدك يا صدر دنيانه تسوه وياك بالبراني جانت كعده حلوه

• مثلك يابو الايتام محد حملنه مثل الحمام وبيك يلتم شملنه
• يا محلاه الايام
ما خلاها صدام
• كوم وشوف الايتام
يا بويه يا بويه
• ****************
• من مصــــابك بالكـــلب بين مشيبي يا حبــــيبي اتيتمت جلمة حبيبي
• بعدك ادموع الحزن صارن نصيبي كبرت اجروحي وبعد ايس طبيبي

• يوم السبت يا يوم اعظم رزيه واتمنى كون اوايه رحت ابمنيه
• كون ابدالك انصاب
ولا اشوفك بالاتراب
• بعدك جرحي ما طاب
يا بويه يا بويه
• ****************
• نعيم ابو باقر الساعدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وحشه امغنتبه صبحت دنيانه
شايل ياصدر والناس حزنانه
… ..
ياطلقه الكلت دلالك ابهمها
هستوك بديت الوادم اتلمها
هليله چبيره وطلعت دمها
عليك اتنوح مكسوره الحنانه
شايل ياصدر والناس حزنانه
……
ياذيچ الجهامه وحلوه مشيتها
هليله النجف علنت مصيبتها
ياهو النشف ابهالليله دمعتها
طشار الدهر بالطيحه سوانه
شايل ياصدر والناس حزنانه
… ...
معگوده المصيبه ابروحتك منه
بغيابك يسيد ياهو يتهنه
هليله اشحلاها الدمعه والونه
طايح والشماته هواي فرحانه
شايل ياصدر والناس حزنانه
…… ..
يامحلا البواچي ابروح متعوبه
وعليك الچوادر كلها منصوبه
ياوسفه الك مابينت حوبه
من جوه عباتك صفوا خوانه
شايل ياصدر والناس حزنانه
……
شايل واليتامه الليله مهمومه
والوادم تصيح اليوم مو يومه
صارت كعبتك ياوسفه مهدومه
يااخر نفس وبروح لهفانه
شايل ياصدر والناس حزنانه
…… .
ماتحله يسيد نومت الغبره
يالمسوي مظيف وفاتح ابصدره
ياطلقه التطگك نامت ابحسره
والسدد ابد ماخطه نيشانه
شايل ياصدر والناس حزنانه
…… .
شايل يامظيف العبره والدمعه
سوينه العمر لمصيبتك شمعه
يحفار الگبر ماتگدر اتوسعه
خل انهيل فوگ الروس تربانه
شايل ياصدر والناس حزنانه
…… .
منك ماگطعنه الشوگ والهمه
ياهو الوگع من الراس هالعمه
لبستلك سواد الليله هالامه
ياسيد عليك اگلوب عطشانه
شايل ياصدر والناس حزنانه
…… .
علي الحاج الصبيحاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

محرم الحرام لعام 2019
نزله
..............
لذكرى أستشهاد سفير الحسين الأمام مسلم أبن عقيل عليه السلام
......................
من درو محد نظيره
حفرو المسلم حفيره
...................
بيده مرسوم الأمامه
ها لكتب منكم علامه
صارت الكوفه القيامه
حسين يتباها أبسفيره
.................
مسلم الحر المناضل
حد مماته ظل يقاتل
جندل أبسيفه الجحافل
طالبي وبراسه غيره
...................
طوعه شدي أحزام صبري
أدري موتي اليوم أدري
فدوه لجل حسين عمري
أو هاي عند الله جبيره
.......................
حامي ملتك حامي دينك
عفيه لا عابت يمينك
مسلم الجنه أبجبينك
نادته طوعه البشيره
...................
أو وداعت أبنيتي حميده
اليوم هذا الجيش أبيده
جرد البتار بيده
أو صال صولاته الشهيره
....................
نشمي وبهيبه أو أراده
خطله خطه أومنها ناده
يا هو البكلبه جلاده
سيفي بالخطه سعيره
....................
عمت الكوفه النوايح
هذا صايح غاد صايح
الزلم صارت ذبايح
بيها شردت بيها أسيره
.....................
أخبار وصلت للمدينه
صاحب الذات الحنينه
أبروحه ضحه الشان دينه
أخلص النيه ال أميره
....................
فاطمه أنطيني مرادي
جاهدت والتقوى زادي
جسد الدور الجهادي
أو صار نوماس العشيره
...................
تاجر أويه الله تجاره
ما نكث عهد السفاره
من على قصر الأماره
أنشمر ذيج الظهيره
.................
خادم أهل البيت
الشاعر : أسماعيل الجوراني
الخميس : 4/7/2019

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيده لستقبال شهر محرم الحرام
**عن لسان السيده زيـــنب ع تخاطب شهر محرم *

يــشـهر احـزانـي…… هــلالـك جـاني
تــوج نيــراني………لــون مــــراني
ــــــــــــــــــــــ ❁ ❁ ❁ ــــــــــــــــــــــ
ياشـهـر رد ولا تـجـي زيـدت بـيــه جـروحـي
كل ما تهل ليـنه وتجي تنـقبض يـمـك روحي
ومن يمر طاري اسمك تره يزداد همي ونوحي
يحزاني وابهاذه الشهر بريحت حزنهم فوحي

جـــروحي العندي……… ويــه جيــــتك تبدي
بــــدمـع بجـــــاني……… لـــون مــــرانـــي
ــــــــــــــــــــــ ❁ ❁ ❁ ــــــــــــــــــــــ
رد وبـعــد لا لا تــهـل يالـبيـك تــبـدي الامـي
يالبيك ذبحوه الطفل وابحضن ابوه الضامي
والحرم بيك اطشرت وخـلوهـن ابـلا حامي
وضـــل الحسين بغربته محد فـزعلـه يحامي

ياليـــل العاشـــــــر……… وي ضيــم الحافـــر
الـسحـك اذانــــي……… لـــون مـــــرانـــي
ــــــــــــــــــــــ ❁ ❁ ❁ ــــــــــــــــــــــ
حركت أخيـامي بهالشـهر كل ساعـه تـتراوالي
وركضت رقيه اعله الجمر وتصيح وينه الوالي
وســوونـه ضـلام وكـفـر هاذه المردلي احوالي
وفـريـنه بالـبر والـضـهـر واحسين ماهو اكبالي

صبـــــح جــدامي……… يحــــــرك اخيـــــامي
الــدهــــر راوانـــي…….... لـــــون مــــــرانــــي
ــــــــــــــــــــــ ❁ ❁ ❁ ــــــــــــــــــــــ
بسـاعتها محد مـر الي وحشـمت ابـوي الـغالي
لـن بسـواده مـن النجف حـيـــدر عـلـي مـرالي
مكفـــوله جنت مخدره منهو اليـشـوف اخيالي
مـن بـعـد اخوتي بكربله يابويــه شاهـــد حالي

يحـالــي بحـــــيره……… صــعــب تـفســـيره
الـقــهـر ســـلانـــي……… لـــــــون مــرانــــي
ــــــــــــــــــــــ ❁ ❁ ❁ ــــــــــــــــــــــ
شـهر الحـزن يابو الحزن زودت حـيل امصـابي
مــن الطـفــوله ياشــهر فـاركـت اغـله احبـابي
وهسه الطفــوف بكربله شوفتــني جم ضبـابي
ريـح المصـايب والمحن ماحـركـن حـجــــــابي

انـــــه المــــعروفــه………بجـــــبل موصــــوفه
الصـــبر عــانانــي………… لــــون مــــرانـــــي
ــــــــــــــــــــــ ❁ ❁ ❁ ــــــــــــــــــــــ
الخادم الحسيني
(محمد رحيم المشعلاوي)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الكوفه ليش اتطالب ابنسوانهه
وزينب اتنشف الدمع بردانهه
ــــــــــــــــــــــــــــــــــــــ
كل عشيره البالضعن عدهم مره
فزعو الهه ورجعوهه إمخدره
وبقت تتلفت عقيلة حيدره

مثل ورده وضيعت سندانهه
ــــــــــــــــــــــــــــــــــــــ
نزلوهن حرمه حرمه إمن الهزل
وفوگ كل هذا خذو منهم فصل
وخلو العلويه تنجر بالحبل

امده الدنيه وخرس بلسانهه
ــــــــــــــــــــــــــــــــــــــ
عود شالتهم حميتهم لان
مارضو نسوان منهم ينسبن
بس رضو زينب يبجيهه الزمن

بت رسول الله وزعيم اكوانهه
ــــــــــــــــــــــــــــــــــــــ
ليش عافوهه وحيده ابنص زلم
يازمن معقوله زينب تنشتم
وهوه من الله نزل هذا الاسم

شجره طيبه وماتموت اغصانهه
ــــــــــــــــــــــــــــــــــــــ
تنتظر واحد يگللهه الگوه
بالرمش دمعتهه وإيطگهه الهوه
عدله لاكن هيه والميت سوه

إمن الشمر لاذت بروس اخوانهه
ــــــــــــــــــــــــــــــــــــــ
وهيه زينب تبقه شيالة ثگل
بت ابوهه البالكلايف ينگل
مرأه بس تسوه المضايف والعگل

وماگدر واحد يزغر شانهه
ــــــــــــــــــــــــــــــــــــــ
أخ يا أم الحزن يالسلبوچ
للأسف ماطالبو بيچ وخذوچ
فضلو نسوانهم مافضلوچ

اتحرشو بالله إو غضب سبحانه



#العبدالحسيني_محمدالجماسي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مشـــت زينب وگصدت كفالها:
شنهـي كـالـت للــخو وشكالها:
صوب حادي الضعون
اجت نخايه ام عون:
كوم شــد عـل مهــره ياخــيالها:
:::::::::::::::::::::::::
شـد على المــهــره وتگــظ اعــنانه:
اسمــع اجيــوش انتخــت بعــوانه:
خــاف تــوصــل للــخيم فــرســانه:
خــاف زينــب تنســبي ونــسوانه:
فزعت اعلينه الكوم:
الزم السيف وكوم:
كــوم شــد عـل مــهــره ياخــيالها:
............1.............
مبتسم لا كــاهــا سبــع الــكنــطره:
مفــرع الهــامه وديــه مــخوصره:
وسفه زينــب انتــي هيـچ مــحيره:
الأ يــم الخــيمه احــطــن مــگبره:
اي وحك اعيونچ:
فنهم يگربونچ:
كــوم شــد عـل مــهــره ياخــيالها:
.........2..........
ونــعــم يـالكـافــل اخـتك وانــعــم:
ادري مثــلك مـــا مــره جــابت زلــم:
بيــه خــوف ويــمــك يــزيـد الــعزم:
وادري كــل الــجــيش مــنـك ينــهزم:
اكشخ ابزودك ياخوي
ونعم تربات ابوي:
كــوم شــد عـل مــهــره ياخــيالها:
..........3.........
سمعي مــني الراي وستمعي شكول:
اي وحــك عصــابت امــچ الـبتــول:
فــارس ابـفارس اشــده اعله الخيول:
والأ انــوخ جــيشهم نـــوخ الـذلول:
ابسيفي اذل الحومه:
حلوه اخوچ اعلومه:
كــوم شــد عـل مــهــره ياخــيالها:
...........4..........
خويه درب المشرعه عــوفه ارتويت:
يــالفخر كلــك فخــر بــيك اكتــفيت:
وينـها لـمثـلي اخـوهه عــده صـيت:
ويــن يحـصل بعــد مثلك لــو مشيت:
يالعضيد انته وفخر:
شوفتك شربت نهــر:
كــوم شــد عـل مــهــره ياخــيالها:
...........5...........
ابهــوسه اطـبن للشريعــه واعــتني:
وانــزل ابــربــاطــه وافــنيـه فــني:
بيــدي اطــويهه السيــوف وتنثني:
المــاي وجــروفــه لخيتــي يـنحني:
ينحني غصبن عليه:
الماي بيدي مو بيديه:
كــوم شــد عـل مــهــره ياخــيالها:
::::::::::::6:::::::::::::::
مجيد گيطان الصالحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لفاطمه العليله عليها السلام

ماجانت عله البال.يعوفوني عله هالحال
كبرت بيه الهموم.الضعن من حمل وشال.
//////////////////////
ترجيتهم بس ماكو رد.عدكم مجال اخذوني
اتحمل امشي انه مشي.لو مايصح حاجوني
هانت عليكم عشرتي.تمشون وتخلوني
صعدن خواتي وكملن.بس انه ماصعدوني
حاولت بس ماصح بدي.راحو هلي عافوني

تسعر بالكلب نار.من ودعت الزغار
بس خلولي كاروك.من عبد الله تذكار
////////////////////
عباس حاجه عمتي.حتى بقضيتي تسعي
تكصد لبوي بحاجتي.تسولفله حالي وضعي
كاللها موهينه علي.تعرفين زينب طبعي
مابيها حيل عله الدرب.يم عون يختي سمعي
كليلها خل تنتضر.احجي معها وصبري

شكك عندي انه يم عون.هلي ماضن يردون
رفت عيني موخوش.هيج تكول الضنون
///////////////////////
كل البنات تحضرن.بس انه سدو بابي
كلمن غراضه وجنطته. لتمو عليه احبابي
يحجون عن طاري السفر.وحاجوني عن اسبابي
الي تمنعج علتج.كالولي زاد مصابي
للباري سلمت الامر.ويه المرض صار اعتابي

والله الفارك احباب.يبقه بعلته ماطاب
انحب والدمع سال.تشهد عتبت الباب
///////////////////////
ناداني ابوي بدمعته.مخنوك من حاجاني
لو علي لو عمج يرد.هيج ابأمل خلاني
الحضنه ضماني وبجه.ابحركه من ضماني
راح اصبروانطر يجي.بجيته من كتله اني
اقسم عليك بفاطمه.يالغالي لاتنساني


ميت من احاجيج.يبنيتي اهم بيج
كلمن عذره وياه.خافن انه ماجيج
/////////////////////
كل همي يزداد العصر.اذكر سوالفهم دوم
من غرفه انه الغرفه اطب.ونصب عزيه بكل يوم
ازغيره وبيض الشعر.الشيبني مطبوعه ارسوم
الكم ابالي ياهلي.هم مثلي جافيتو النوم
يزورني مرات بحلم.سكنه ورقيه وجلثوم

الخاطر اهلي لو نام.اشوفنهم بالاحلام
اضل هيج انه جندوب.بس احسب بالايام
///////////////////////

علي الصرايفي الشملاوي
2019

الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

ليل الافراك ماهم اخوتي
الهم اشتاگ ماتدنه يموتي
حرمه واطفالي سبايا والحزن يركض ورايه
****
طلعت الحره وتدور بالضعينه
طفل ماهو عالهزيله مضيعينه
وين ابوفاظل اريده خل يجينه
شنگدر نسوي الحبل ماكل ادينه
وينه عباس بس اشوفه
شيب الراس طاحن جفوفه
عالنهر طاحتله رايه والحزن يركض ورايه
****
وين ابو فاظل يجي ويفزع اليه
والشمر من الضرب موت رقيه
يابوفاظل زحمه من اطلع سبيه
عظام من شد الحبل ظلت اديه
دمعي همال بالخرايب
شيب الحال وانت غايب
بالخرابه تبات ايه والحزن يركض ورايه
****
شحالي عگبك ياكفيلي حالتي شلون
اختلط دم المتن وي دم العيون
وال اميه انذال تدري ومايرحمون
بالصحاري وعالرمل بينه يسحبون
بمتني نيشان يابوفاظل
مصحف احزان بيه نازل
بمقتلك اروي رويه والحزن يركض ورايه
****
ويني اوين السبي اوين الدواوين
حرت ماادري يخويه اتجه وين
شنهي عمري يالاخو من دون الحسين
تموت حتماً كل اخت واخوتها ميتين
روحي سكتت حزني بركان
الك عطشت وانت عطشان
واني بلا حمايه والحزن يركض ورايه
****
عله وجهي اشكد طحت وانت بعيد
ياللي تضرب بالمتن مني شتريد
حزني جمره وتشتعل لامايهيد
لا وحق اللي وگع ضامي وشهيد
دم المتون ها يعباس
شيب إجفون جرح الاحساس
بعيده واخواني ضحايا والحزن يركض ورايه
****
تمت ولله الحمد / المقصرمع الحسين
الشاعر علي النائلي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يالخذت كل امنياتي دعوتي وهيبة صلاتي
بعت عمري واشتريت
ريحتك لمن مشيت
بويه يحسين
.........................................
يالخذت وياك كلشي وانتضر منك جواب
وزعت دمعات عيني الجيتك بويه ثواب
آنه طفله وهم عليله وييني اوين العذاب
فدوه أرجع بويه ليه والله ذابحني الغياب
ذكره ذكره اتصفحتها صورتك لاما شفتها
آنه واجروحي نعيت
ريحتك لمن مشيت
بويه يحسين
.................................................
ويه ريح الهاب اودي جلمه وحده ماترد
خايفه ومحتاجه حضنك بويه كاتلني البرد
من يمر الليل طيفك يوصل البابي ويرد
كمت اسولف ويه روحي واقره ياروحي الحمد
ميته وشوكك حياني اليا وكت ابقى اتاني
آه لو تدري شبجيت
ريحتك لمن مشيت
بويه يحسين
.............................................
اباب بيتي رايحه اكعد وانتضر نورك يشع
الطفله من تبجي اعله ابوها تبتسم وتصب دمع
خضر بخدي حنانك خايفه لا ينكطع
لحضه لو ترجعلي بويه لشعل العشره شمع
يا حسافه ويا هضيمه بويه احس روحي يتيمه
الموت اجاني وما اجيت
ريحتك لمن مشيت
بويه يحسن
...............................................
يوسف امن اغيابه طول ودى للوالد خبر
القميص وخله عطره حتى يرجعله النضر
فدوه وديلي حنانك مو ترى كلبي انكسر
عايشه والحمد لله امشي محنية ضهر
حايره والحيره حيره لا اهل عندي وعشيره
بويه من بعدك عميت
ريحتك لمن مشيت
بويه يحسين
..................................................
اتفكدت حيطان بيتي غرفه غرفه اتفكدت
جنت مرعوبه وشعوري من على طولي طحت
استنشقت نفحة عبيرك انتعش كلبي وكمت
عاينت خالي مكانك هسه بويه أيست
خايفه والبيت وحشه ويه نعشك شال نعشه
روحي ذبلت وانتهيت
ريحتك لمن مشيت
بويه يحسين
...............................................
خادم خدمة الحسين
الشاعر
محمد الموالي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة نزلة الى حامل اللواء ع
//////////////////////////////
(سكته ضلت لا نفس)
سكته ضلت لا نفس // خوف والجيش انِخلس
شنهو يا رب المصير// هذا بو فاضل خـــطير
سكتة ضلت لا نفس
////////////////////////////////
سكتة ضلت هالزلم // صارعدهم كالحلم
عالنهريجسم جســم // كـــام يردمهم ردم
اذكروا عالكنطــرة // شلون هو اوحيدرة
اخذو ابثار الغديـــر // هذا بو فاضل خطير
سكتة ضلت لانفس
///////////////////////////////
بلوة صاحو عالفرات // اليوم طب انة الممات
دورو درب النـجـــاة // مالكو بس الشـــــتات
خلي نركض بالعجل // ذولة ماعدهم خــــجل
هذا ابنك يالامـــــيـر // هذا بو فاضل خطــير
سكتة ضلت لانفس
///////////////////////////////
ياهو اليواجه اســد // سيــــف متربي بمـهد
عمر ساجد للصمد // بكربلا موقـــت الوعد
باجر الزينب كفيل // راجي من ربي الجليل
خادم البت الوزيـر // هذا بو فاضل خطــيـر
سكتة ضلت لانفس
///////////////////////////////
عافو ابخوف النهر // والشمر يسحن قهر
منين اجانة هالخطر// عالنهر يرسم صور
هذا شبلك ياعلــــي // الجيش منة منجلــي
صار والسكنة سفير// هذا بو فاضل خطير
سكتة ضلت لانفس
///////////////////////////////
قررايعوف الجفوف//خضرن برض الطفوف
خضرن زلم وسيوف//الشيعة وبعينك تشوف
تنتظر مهدي الأمـــل // ربي جيبة انة ابعجل
الشيعة خدامة تصــير // هذا بو فاضل خطـير
سكتة ضلت لانفس
///////////////////////////////
ياهو يتــقدم ألـــــة // كومو حلو المشكلــــة
هو وحدة ابكربــلا // جيش كامل زلزلـــة
العدد سبعين الــف // رفضـو ايجونة حلف
همة يدرون شيصير// هذا بو فاضل خطير
سكتة ضلت لانفس
///////////////////////////////
الخادم ابو علاء العزاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اليوم أبجّي الكون وأنصبلج عزاء ..
انطيتي اولادج لبو اليمه فداء ..
....................................
اليوم يا أم البنين الطاهره..
غصبن علينه الدمع عالخد جره ..
لمن الرادوود بالمجلس قره..
الج لطميه وبجت عين السماء..
..................................
اليوم نقره الفاتحه على أم الكرم..
حسين راد الناصر وكالت نعم..
بالغيارى ضحّت وقسمت قسم ..
ماتعوف حسين وحده بكربلاء..
...................................
اربعه الشبان ماواحد رجع..
وصت أمهم بالحسين الكل سمع..
وأبو فاضل عالنهر لمن وكع..
وطاحن زنوده ولاطاح اللواء ..
.............................
أبد ماقصرت وبأرض الطفوف..
لوحه رسمت للوفه والكل تشوف..
وأبو فاضل عالنهر وبلا جفوف ..
وصاحت اولادي لبو اليمه فداء ..
................................
ياعزيزة فاطمه الكلج وفه..
انتي يم عباس أم وعاطفه..
يالصفاتج صفه اعظم من صفه ..
وصرتي مقياس البطوله والوفاء..
................................
والنعم ربيتي يانعم الربه..
ولدّج الماقصّرو بالنايبه ..
بتضحياتج نلتي أشرف مرتبه..
بصبر واجهتي المصايب والبلاء..
.................................
اليوم ننصبلج عزاء بكل كلب..
وعالوجن دمع المصيبه خل يصب..
شكد صعب يم البنين شكد صعب..
كبال عينج شفتي اربع شهداء..
..............................
انتي مدرسة الشجاعه والفخر..
يالنذرتي نجوم ليلج والكمر..
فدوه للدمه على السيف انتصر..
وتضحياتج أبد ماراحن هباء..
...................................
انتي باب الله الوسيعه ورحمته..
أبد ماخاب الدعاج بحاجته ..
بيده ياخذ كل مراده وطلبته..
وتنكضي الحاجات يمج بالدعاء..
.....................................
حيدر مطر العبادي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كاعده يم مرقده لو واكفه
يم الحسين وجروحج نازفه
والضلع منج يحن......جم كسر واشجم متن
بلله يالزهره دكولي اشايفه
*******************************



من تونين لو تحنين
جم جرح منه يون
كثره الجروح ويعتلي النوح
واحد لواحد يحن
بصف الحسين وانتي تبجين
ياجفن يسبك جفن
شلون ينشال امكطع اوصال
بكل كتر دمعه وحزن


امكطعه اوصاله الولد تبجينه
بلايه راس اوليدج امكطعينه
والجروح تناشدن .....جم كسر واشجم متن
بلله يالزهره دكولي اشايفه
*******************************

منحر اهناه وخنصر اهناك
اهناك قطره من دماه
حافر اخيول يجول ويصول
جم إثر سحكه بكفاه
جاله مهتم بجفه خاتم
كص اصبعه من خذاه
رحمه مابيه من اجى ليه
حتى ثوبه سلباه

جم جرح يالزهره بين ضلوعج
بكل جسد مطبوعه نلكه دموعج
لحدمن ضلوعج تئن...... جم كسر واشجم متن
بلله يالزهره دكولي اشايفه
******************************
من نظرتيه شلون شفتيه
امكطع وجسمه وذر
قلبه اشبيه هم سالتيه
من المثلث بيه اثر
حسين يمه شنهي ماذيك
من سمع مد النظر
عينه للتل لسه مامل
زينب تعيش بخطر

يمه زينب دمعه تنظر لينه
ظلت بنص الخطر وامشينه
خذت منا يا زمن.....جم كسر واشجم متن
بلله يالزهره دكولي اشايفه
******************************

طفله ذبحوه بسهم صابوه
والرضيع بلاذنب
عينج تشوف حيره والخوف
زغار مابين الغرب
عيال الحسين احتارت منين
تدور وماكو درب
صرعى اجساد خير العباد
مكطعات على الترب

حيره حيره وخوف حاط عياله
والمنيه بكل كثر تبراله
دارت اعليه المحن جم كسر واشجم متن
بلله يالزهره دكولي اشايفه
******************************
عينج تشوف زينب تصيح
خويه يحسين انوليت
رد للخيام يبن الاكرام
خويه والله تحيريت
تجمع اعيال تحمي الاطفال
بهيمه ماظل عدها بيت
من الدهر نار يطلب بثار
بفاطمه اشكد وجريت


نار كبره وخيل بالطف زاحفه
وزينب لحدمن تظل اتشاكفه
وصدر الحسين انطحن....جم كسر واشجم متن بلله يالزهره دكولي اشايفه
****************************
زينب شلون ويه الظعون
بت علي بلايا ولي
تمشي ياحيف بقوة السيف
وهيه بت حيدر علي
غدر الازمان خان شجعان
والاذل بيه يعتلي
سادة الكون نوو يرحون
يا سماء اتزلزلي

هايه بنتك يامحمد خايفه
وظلت اطفالك رهينه وراجفه
بامتك دارت فتن.....جم كسر واشجم متن
بلله يالزهره دكولي اشايفه
****************************

الشاعر محمد دعبل النوري


الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://telegram.me/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

جديد …✍… جديد محرم

الرباب والرضيع
****

انا الرباب الفاگده .. الموت بوليدي حده
سهم المنية حال بيني وبينك
فدوة اروح لنحرك و چــفينك

@@@@@@@@@@@@@@

عبدالله سباح الگلب شمعة بحياتي
أفرش ييمه بمهجتي تغطه بعباتي
تباريني لو خذني الكبر هاي امنياتي
ردتك يعبدالله ذخر تحظر مماتي
ء…………………………… .
عبدالله شمعه بدنيتي• مالي عليه غربتي
يا سـلوتـي وانـت عزيز حـسينـك
فـدوة أروح الـنـحـرك و چـفـيـنـك
ء@@@@@@@@@@@@

نسمة صبا بكيض الهجر محله عطرها
وسنينك الراحت تجي انا انتظرها
لمحت علامات الاجل واضح خطرها
بحجر المناية ترتمي اسمع خبرها
ء……………………………… .
محروم من شم الهوه • بعدك ظلام بلاضوه
بدلالي اغفه يمه غمض عينك
فدوة اروح النحرك و چـفـيـنـك

ء@@@@@@@@@@@@@

عبدالله عطشان وشرب كاس المنية
ما صـدكـت يـمـه الـولـد تـبـعد عليه
محروم ما ضاك العذب ضاك الاذية
حضني فرغ منك ردت تغفه اعله اديه
ء……………………… .. .........
الموت ما يعرف عمر • بغيابك يفوح الصبر
سهمك عماني وما اشوفن وينك
فـدوة اروح لنـحرك و چـفـيـنـك  
ء@@@@@@@@@@@@

للخيمة ارجع شاهدت مهد ابني خــالــي
وردة حــيـاتــي ودنيتي وروحي يالغالي
انـعـاك اظـل طـول الـزمـن مـا يـهده بالي
مـرسـوم بـعـيـوني رسـم تـارس خـيـالـي
ء...................................
محسوم يا يمه الأجل •••• مخطوف مني بالعجل
وين أرحلت يبني بعدها سنينك
فـدوة أروح لـنحرك و چـفـينك
ء@@@@@@@@@@@@@

لحظات يا يمه الولد عشت بحنينك
يا يمه ادري عله الخيم مشبوحه عينك
مشدوهه وصوابك كلف يا يمه وينك
سهم الگطع حبل الوصل كاطع وتينك
ء...................................................
عبدالله نايم عالثره• وخدوده وسفه معفره
بعمر الورد يا يمه ومسلبينك
فدوة اروح النحرك و چفينك
&&&&&&&&&&&&&&&&&&&&&

…✍… الخادم غازي الساعدي.

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة ليلة العباس س
.
مو غريبات .. اچفوف من عالگاع ذني .. موغريبات
موغريبات .. چـنهـن اچـفوف الكـفلني .. موغريبات
صحت يابالفضل
اذا بـعــدك عـدل
حاچيـني يعباس
________

الشــمس مــنـي امــراد اخــذت حالــها حـال البقيه
ســـَلمـت بـس ســـلمـتـني جـــثه بــــيد المـــغــربيه
اويه الظلام الشوگ اخذني وچان يسحب حيـل بيه
صحــت وينــك يبــو فاضــل ساكــت ومـــارد عـليه

زينب ايصيح..ردت بس احچايه منه.. زينب ايصيح
زينب ايصيح..ويـسمــع الــون الأونه.. زينب ايصيح
شفت گتله الحبل
اذا بـعـــدك عـدل
حاچيني يعـباس

________

اچفوف وانه امشي شفـتهن گلت ذني للضحايه
امــن اعبـرتهـن هايـزينب لنــهن ايـصيحن ورايه
اليمــنه لا مامــيزتـها يابسـه اعـــليــها الـــدمايه
دقــقت باليــسره زيــن وشفــت بيهـا اثـار رايه

دمعتي اتگول..يللـه زينـب قبليهن.. دمعتي اتگول
دمعتي اتگول..ريحة العباس بيهن.. دمعتي اتگول
شگول امن انسئل
اذا بـعـــدك عــدل
حاچــيني يعـباس

________

گاعده اويه اچفوفه اسولف بلكي يرجعلي اتاني
اشــكثر مانــاديـت بســمه لارجعلــي اولا اجـاني
بلــكي يـگـعد خلـي اگـلـه الشـمر ياخـويه سباني
ماحــچه كلشـي يوسـفــه كافــلي بــس لانـساني

هايعباس .. ارد اگله وخاف يشهگ .. هايعباس
هايعباس .. متني من السوط ازرگ .. هايعباس
اعله حالي تنذهل
اذا بـعـــدك عــدل
حاچيـني يعـباس

________

واگفـه بالحـومه وحـدي حايره ومشغول فكري
اچفوف ابو فاضل كفيلي حاطتهن على صدري
شيبــتني الوگــفه هــاي وصار يمكن ميه عمري
عــدل لوميــت دگلــي يامــن اتكفــلت خـــدري

يسكت اشلون .. كلـشي سولف اله انته .. يسكت اشلون
يسكت اشلون .. خويه والمسلوبه اخته .. يسكت اشلون
تره اثگيل الحمل
اذا بـعــدك عـدل
حاچيني يعـباس

________

مـن رحت للمــاي گـتله الجيش يــم خيمـتي عـسكر
شـــويه والدخــان اشــوف يابــو فاضــل يمــي گــَبر
اعليه كلشي ستقوه خويه امن الشمر ضل يمي يفتر
گــال لــي العــباس اخــوچ اعـله النهــر هـسه تگنطر

گلي موجود..حتى اگلهم عندي كافل.. گلي موجود
گلي موجود..خويه فدوه يبـوفاضل.. كلي موجود
الشماته اشتنحمل
اذا بــعــــدك عـدل
حاچيـني يعــباس

________

انــه يابو الغـيره اگله انچانك بالحچي تقبل
تــره هــسه شــاهــدتهم للسبي حـظرو هزل
يرضه گلبك ياكفيلي باچر اويه الشمر ارحل
گــوم يامـن دللتنـي تــره عگــبك راح انــذل

مايصيحون .. عگب عينك هاشميه .. مايصيحون
مايصيحون .. غيـر بـس هايالسبيه .. مايصيحون
يخـويه مـوسهل
اذا بـعــدك عـدل
حاچيـني يعباس
________
تمت والحمد لله
حيدر تركي الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

السيده زينب ع تخاطب رأس اباالفظل ع
في مسيره السبي وهوعلى الرمح
اه يازينب
〰〰〰〰

بـكــل مـحـطــات الـيـســر شـفــتـه
عــبــاس دايــر بـالــنــضــر لـخـــتـه
راســــك يــبـــاريـنــي
خـويـه يـاضـي عـيني

🔹🔹🔹🔹 🔹🔹🔹🔹
1
خويه الزمن وجـه سهـامه اعله اخـتك
عــبــاس لــتــقـــدم عـــذر عـــاذرتــك
اني اعـتـذر عـالـغـبـره عـاري وعـفـتـك
غــصــبـن عـلـيـه يـالـگــمـر ودعـــتــك

وضــربـت خـويـه مـحــمـلـي بـراســـي
يـالـجــنـت ســاكـن كـافــلــي انـفـاسـي
نـسـلـب خـدر سـنـيـنـي
خـويـه يـاضـي عـيـنـي

🔹🔹🔹🔹 🔹🔹🔹🔹
2
جـيـت بـمــهـــابـه والـگــمـر يـبـرالــي
هــوه واخـوتـه مـحـجـبـيـن اخـيـالـي
خـدرج يـخـيـتـي يـگــلـي جـداغـالـي
گــبـل حـجـيـي يـعــرف الـلـي ابـالــي

يـطــوفـون حـولـه مـحـمـلـي بـرايـــه
يــنـادون زيـنـب بـت عــلــي الأيــــه
بـأرواحـهــم فـــاديـنـي
خـويـه يـاضـي عـيـنـي

🔹🔹🔹🔹 🔹🔹🔹🔹
3
لـمـن وصـلــت لـكـربـلـه بـهـيـبـتـهـم
والله ونــعــم مــن الـلــذي ربـتـهـــم
ادري نـبـع هـاي الـمـحـنـه مـن امـهـم
انـي سـمـعـت اشـگـــالـت اوصـتـهــم

عــبــاس ذمـــــه بــرگـــبــتـك زيــنــب
عــالـجـــربـه يـبـنـي ورايـتـك تـكــتـب
خــادم انـي حـســيـنـي
خـويـه يـاضـي عـيـنـي

🔹🔹🔹🔹 🔹🔹🔹🔹
4
اربـع زلـم صـفـو حـرس لـخـيمـي
عـبـاس گـال ابـذمـتـي اولـتـهـمي
لخـدرج يـزينب افـدي اني ابدمي
ذمـه عـلـيـه هـاضـعـن انـه احـمي

شـــلــت راســي بـأخـــوتـي عـــالـي
يطـوفـون حـولـه خـيـمـتي گـبـالـي
بـأرواحـهــم حـامـيـنـي
خـويـه يـاضـي عـيـنـي

🔹🔹🔹🔹 🔹🔹🔹🔹
5
تالي مـشـيت وراسـك بـعـالي رمـاح
يباريلي وجفوف وعلم عالشط طاح
ياگـمـر وبضـلـمـه مشـه عـنـي وراح
وخلاني وي دمع الهجر علخـد ساح

شـلـون مـــــن بـعــد الـكــفــل خـــدري
مـجـتـوفه والـدمــع يـهــمـــل يـجـــري
خــــلافـكــم سـابـيـنـي
خـويـه ياضـي عـيـنـي

🔹🔹🔹🔹 🔹🔹🔹🔹
6
مسـبيه وايدي امچـتفه بخشـنه احبال
ويـمـشـي نـهـاره ولـيلـه بيـنه الجـمـال
من الهـظـم ظـهري انحنه ودمعـي سال
جـيـت ابـفـخـر وامــدلله ويـه الـكـفـال

صـعـبـه عـلـيـه ويـه الـشــمـر امـــشــي
وكـفـالـي ضــل اعـلـه الـنـهــر مــرمـــي

والـشــمـر يـحــديـنــي
خـويـه ياضـي عـيـنـي

🔹🔹🔹🔹🔹🔹🔹🔹🔹🔹
تمت بعون الله تعالى
كلمات الشاعر والرادود الحسيني
عقيل حسين الگرعاوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

طوعه صاحت وندبت خطارها:
گــوم يـل عمــك عـلي صگارها:
انتهظ يابن عقيل...گامت الكوفه تعيل:
هـلـهلتلـه وهــوس ابـنص دارها:
.....................
كــوم شدلهــا الــعزم وسحگه زين:
وخل يــعرفونك سفير منل حسين:
نــاس لا بيهه رحــم لا عدهــا دين:
تطــلب ابثــارت بـــدرن واحــنين:
اعلن اعليهم رحيل:
وصيح انه ابناعقيل:
هلــهلتلـه وهـــوس ابـنــص دارها:
.........1...........
احفــاد ابــو سفيــان ذولــه والمراد:
اعــلن اعلــيهم حــرب وعلــن جهاد:
زلــم وي نســوان اجـبرهم الــحداد:
وخل يلبــسون السواد اعله السواد:
لبس الكوفه حزن:
خلهه يامسلم تون:
هلــهلتلـه وهـــوس ابـنــص دارها:
............2............
يبو طــاهر شــد على اشــباه الــزلم:
ارتــجــز وحــلـوگــه ابــلمــهه بــلم:
الفــرس بــل خيــال وثــلمــهه ثــلم:
وكلهـم انـه مــنل عـلم واهـل العلم:
وصيح بيهم ابصوت:
احنه عل كلفه انفوت:
هلــهلتلـه وهـــوس ابـنــص دارها:
..........3...........
صيح بيهم خل زلمهــم تبـچي خوف:
الكــوفه اگــلبها عـليهم بــل خسوف:
بسيفك اشـطرهه شطـر طر الصفوف:
واطرب اعله الگـؤم وملاكه السيوف:
بيك من عمك اوصاف:
الــموت مامــنه تخاف:
هلــهلتلـه وهـــوس ابـنــص دارها:
..........4...........
طــوعه ابشري الكــوفه اگــبله گــلب:
ابهــوسه ازلــزيهه حدرهم نــار اشب:
عــمي الــكرار وارهـب مــن اطــب:
احــنه الهــا واحــنه صگــارت حرب:
نبتسم وكــت النزال:
مــا نفر مــنها محال:
هلــهلتلـه وهـــوس ابـنــص دارها:
::::::::::::::5:::::::::::::::::::
مجيد گيطان الصالحي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياهلا إبهالشيبه المباركه
ملك چنه من الـملائكه
واحد وتسعين عمره
عوزه بس أعوام عشره
ايصير تسبحة الزهره
شيخ الأنصار
ــــــــــــــــــــــــــــــــــــــ
طلع الشيخ علينا من ثنيـــات النجف
راكب الناگه الچبيره وفوگه محمل من سعف
وصل يم خيمة رقيّه وشمر خاچيته وزحف
واحد أمن الفتيه چنه النامو ابوسط الكهف

مولده ابعاشوراء اومقتلهة
والهوه البنفاسه من كربله
والحسين ايشوفه حاير
گله يا ابن مظاهر
راح القبك يوم عاشر
شيخ الانصار
ــــــــــــــــــــــــــــــــــــــ
أبنيه لو زهراء عنده چان سميته نبي
طوله يم عبد الله يزغـر چنه تلّ الزينبي
بالصلاة يوميه يدعي ربي احلفك بالعبي
ربي سويني عليل وحتى اروحن للسبي

قل هوَ الماضاحك صار اشكثر
يبچي عالمظلومه وذاك الكسر
بيت الأحزان ابضميره
اجروحه هم مثله چبيره
استقبلو شيخ العشيره
شيخ الأنصار
ــــــــــــــــــــــــــــــــــــــ
مثـل ماسوّه محمد من رجع من الـمغيب
احسين يالانصار گلهم (إنّما النَصرُ قَريب)
وين ماتبرك الناگه ابنو صيوان الحبيب
هذا عمّي اللي أحبه هذا جرحي والطبيب

غالي شابگ غالي ابرقه وحنين
اويمكن الهالساعه متشابگين
مو نبي وشايل رساله
بس رجل كلّه عداله
من حواري النبي وآله
شيخ الأنصار
ــــــــــــــــــــــــــــــــــــــ
ابخيمة العباس ترّب لحيته وباس العلم
عرگت اچفوفه ودمعته..چلّبت مثل السهم
گلّه ياعباس يلّـلي تـارس الدنيه خيم
انته أكبر من محرم طاخ راسك بالقمم

كربلاء ازغيره وطولك جبـل
ياحلاته ابعينك هذا الزعل
انطيني چفك خل اشمه
البـــي عطر كل الائمه
طيب وبالطف تسّمه
شيخ الأنصار
ــــــــــــــــــــــــــــــــــــــ
راح يتبــرك ابزينب والعقيله اتلگته
ياهله أبريحة اهلنه وهـــله ابشيبة لحيتّه
گلهه يامولاتي عبدچ بس اقبلي طاعته
النار من توصل الخيمه اعليهه اذب فصل الشته

بركاتـچ زينب ماتنحصي
عالمه وعلويه وبنت الوصي
ومن عباتچ خيط واحد
الله سوه اشگد مراقد
وبأسمچ اول مَن يجاهد
شيخ الأنصار
ــــــــــــــــــــــــــــــــــــــ
ابكربلاء صلّو جماعه اوياهم الحُر التحق
انصعقو أبنور الامامه مثل موسى أمن انصعق
من أجه عزريل صاحو (إنَ وعدَ اللهِ حق)
وچم يزيد وشمر منهم يرجف وعاش ابقلق

من نختهم زينب شوف اشحِدث
گامو أمن الحومه بس الجثث
من جديد انولد عابس
ابيض ومثل النوارس
وينذكر ظل بالمجالس
شيخ الأنصار

محمد الجماسي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747