#استشهاد_الزهراء
#الأيام_الفاطمية
#قصيدة ( أخذ بثار الحزينة )


--------
يبو صالح قوم أنهض و أخذ ابثار الحزينه
يمتى يمتى يمتى تظهر طالت الغيبه علينا
--------
(1)

أنهض يا شبل الزچيه .. ضاقت اعلينا الوسيعه
العدو منّا تمكن .. ننذبح بأسم الشريعه
طوّل اعلينا غايبك .. نطلب ابثار الوديعه
كل گلب منا تفطر .. نقسم ابحق الشفيعه

يبو صالح قوم أنهض ابني اگبور المدينه
يمتى يمتى يمتى تظهر طالت الغيبه علينا

------
(2)

وين يا صاحب الرآيه .. طول اعلينا الغياب
أمك الحرّه المصونه .. تنتظر يمتى الخطاب
تأخذ ابثارات أهلها .. تدري اشعظم المصاب
شحچي يا باقي البقية .. بس إلك يحلا العتاب

يبو صالح قوم أنهض نفدي احسين وبنينه
يمتى يمتى يمتى تظهر طالت الغيبه علينا

------
(3)

عجل يا سيف العداله .. ننتظر يمتى الظهور
أمة الهادي حيارى .. بالجرى بذيك البدور
خانوا البيعة الشريفة .. بالغدر أهل الفجور
ظلموا الزهره الزچيه .. انكروا ضلعن كسور

يبو صالح قوم أنهض الگلب ذايب حنينه
يمتى يمتى يمتى تظهر طالت الغيبه علينا

(4)
------
اشلون يا فخر الشريعه .. ترضى بالصار او جرى
بالجزل هجمو الاعادي .. و عالصدر دمها جرى
عالهضم تبقى العزيزه .. وهي بت خير الورى
شمّر ابسفيك يمهدي .. مثل جدك حيدره

يبو صالح قوم أنهض العمر تلهب سنينه
يمتى يمتى يمتى تظهر طالت الغيبه علينا

عبد محمد وآل محمد / #مفضل_حبيب

--------

تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد نعي ابو ذيات خاصه بمحرم اضغط هنا 👇👇👇👇👇
@abastmymy
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747

#استشهاد_الزهراء
#رواية_الأربعين
#نعي
#يا_نبينا_بأربعينك

---------

*بأربعينك يا محمد ما حصل ذبح و سبي*
*بس صبح باب الرسالة محترق مثل العبي*

----
(١)
بين زينب والزچيه ابتدت قصة ألــــــــــــــم
بين سوط ابن الدعية و بين شتم ابن الحكم
هاذي مسمار بصدرها وذيك خدها ما سلم
*بانت السطره إعلى خدهم لغلى من أمي وأبي*

-----
(٢)
من غبت عنهم يـ طه وعالثرى طاح الحسين
اليديروا الكون صاروا بالحبال امــــقيدين
أيد حيدر قيدوها ومثله زين العــــــــابدين
*آه يالدنيا الدنيـــــه بالحـــبل صــار الأبي*

----
(٤)
الجـرى بأرض المدينه مثله صــار ابكربله
اهناك حرگوا للمـخيم وهنا بيتك تشــــعله
ترضى يالهادي العساكر قوه بيتك تدخله
*والأمــس لملاك چانت تطلب اذنك يالنبي*

----
(٤)
والله فاطــم ويا زينب عانوا الســب والــضــــرِب
وحـده من فگــــدت أبوها طلــــوعها بالـغصــــب
او حده وي ضعن السبايا مجلس الطاغي تطب
*و لو يشوفوا منها دمعه ايزيد ضرب الناصبي*

----
(٥)

ما رعوا حرمه يـ طه و انتهك كل شي انغصب
مو فدك ويا العوالي بس اهــــــــــيّه التُــنتهب
حتى خاتم خنصر ابنك من بعد ذبحه انـسلب
*ما سلم منكم يـ طه لا شــــــباب او لا صبي*

------
(٦)
مدري شوصف يا نبينا مدري من ويــن ابتدي
خوفي يجرحك الاقوله يا ملاذي ومقـــــــصدي
اتهون يالهادي المصايب في مصـــــيبة سيدي
*الگالت الجيش إعلى صدره يا خيول الله اركبي*

-------
(٧)
يالنبي تمضي الليالي و تجري وياه الـسنين
و يمتى نمشي بأربعينك نحيي يوم الاربعين
كل محب رايد يواسي فاطمه ابقلبه الـــحزين
*و يكون يمها بالمصيبه حتى لو يحــــبي حبي*

الوزن الهجري

🖋 عبد مُحمد وآل مٌحمد / #مفضل_حبيب

-------
تريد قصائد حسينيه مكتوبه لمجموعة من الشعراء اضغط هنا وشوف 👇👇👇👇
https://telegram.me/aabas78


تريد قصائد مع الالحان الكاملة اضغط هنا وشوف 👇👇👇👇👇

https://telegram.me/joinchat/BnKZ3EDmhrwoeBT9kLSvSQ

تريد نعي ابو ذيات خاصه بمحرم اضغط هنا 👇👇👇👇👇
@abastmymy
تريد كروب للقصائد الحسينيه وألحان منبريه مختلط اضغط هنا 👇👇👇
https://tttttt.me/joinchat/AAAAAD7f0FNmkN2JjlNIBw
__
للاستفسار على المعرف 👇👇👇👇👇
@Abas747