شوط كربلائي



ابو السجاد انـصاره .. بالـطف ســــوو المــاصار
تره من حقه يتفاخر .. يعمي العنده هيچ انصار


ترى العنده بخت ياناس .. يحچي احچاية العدله
وبالــسان المــعـتـبر دوم .. هــيه الـسالـفه تحــــله
عن انصار ابــو الســجاد .. لحـــد يحــچي بالسهله
نعم صاروله تچــايه
زلــم للــموت شـرايه
امبينه هيه الحجايه
الله اخــتارهــم لحسين .. وشوف شلون الله اختار

_

يالي اتريدلك صاحب .. كون اتدقق ابوضعه
ومن تختاره هم تلگاه .. عنــك يخــلف طـبعه
حقه احسين ابو اليمه .. مــن يتــفاخر ابربعه
ذول الصارو اخـياله
اوبــدو دمهـم اگباله
الراحوا فدوه لعـياله
مايتعذرون ابيوم .. عنده انصاره ماكو اعذار

____

شدوا للكلافه احزام .. اجو والغيره ترستهم
عـفو عن كــربله همه .. چيه زينب التمستهم
حي الله رجال حسين .. البلكــلفات ونستهم
امــلاگاهم ســوالف عــيد
امصافحهم اسيوف ابأيد
هوه احسين هيــچ ايـريد
والگلبه حطب خليه .. لا يــدنه يـــم الـــنار

____

الرايد ينتــقيلـه ارجـــال .. كون ايدقق ارجاله
مـــن راس البحــر يخــتار .. مايخــتار الوشاله
وابو السجاد عنده احيود .. اخذوا كربله كباله
لمـــــن طــبو الســعين
رادت كـــربلاء امعــين
من النزف صارت طين
لمن غركت امن الدم .. صاح الجيش ياستار
___

الطف امن الجثث غصت .. ولنها اتصيح المروه
المايخــضع الطـــوع امره .. للــمذبح يــجي كوه
كلها ابكربله خرسان .. اليحجي السيف بس هوه
زلـــم شردت زلـــم ركـعت
وبعضهه الروسـها الوكعت
بالانصــار مــــــن ســمعت
ذاك الجيش المرتب .. شو لنه صبح طشار



رفــت رايــه والـــرايه .. حبيب وبيده ساريها
والخيمة اخت عباس .. وصل هالرايه طاريها
العنده صحبه لو هيچي .. لو ليــجيب طاريها
اليــقدملك تـره رگــبه
مو بالهيــن اتشــــطبه
هاي التنحسب صحبه
صاحب موش ياهو الچان .. قلد احسين من تختار

__

وفو والنعم مــنهم .. وخوش انطونه هالعبره
أي معناها يبن ادم ..كــون اتصـــير كالشجره
اتفيي عالذي مكسور .. ولازم خاطره اتجبره
من انصار ابو الـــيمه
اتعلم انــته هالحكمه
انطي وعيش بالنعمه
اليقدم روحه للطيبين .. للوادم يضل تذكار
____
الشاعر حيدر تركي الكربلائي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فارس برز كدها وكلف حي الله جسام
ايعادل تره سبعين الف حي الله جسام
**************
بسيفه طب عليها وحالف ايصفيها صاح إله اكظيها
هذا هوه القاسم
ضهضب عله العسكر الشافه ظل يتعثر هذا صاحو حيدر
هذا هوه القاسم
الحومه رادت تنخسف حي الله جسام
ايعادل تره سبعين الف حي الله جسام
*********
شهم من أفعاله وركض الخياله تورط اليدناله
هذا هوه القاسم
الحومه بيه اتفاخر طبها فارس شاطر الزلم منه تحاذر
هذا هوه القاسم
خله الزلم تزحف زحف حي الله جسام
ايعادل تره سبعين الف حي الله جسام
*******
من تقدم ليهم الكاع ماجت بيهم المفر ضاع عليهم
هذا هوه القاسم
الشرد ضن بروحه لو يطير ايلوحه ما تهمه اجروحه
هذا هوه القاسم
منه العساكر ترتجف حي الله جسام
ايعادل تره سبعين الف حي الله جسام
********
السبع شو ضم راسه وخمد حتى أنفاسه الشرد كالو داسه
هذا هوه القاسم
سره واحد واحد ويله صاح ال لابد وعلي اجيبه الشارد
هذا هوه القاسم
ياهو الشرد خل يعترف حي الله جسام
ايعادل تره سبعين الف حي الله جسام
*********
الزلم شو مخطوفه وترجف من اتشوفه بيها صارت خوفه
هذا هوه القاسم
شورطاهم ذوله غشمه وتعنوله بالسره اصطفوله
هذا هوه القاسم
فارس شهم كدها وترف حي الله جسام
ايعادل تره سبعين الف حي الله جسام
*********
الموت ضيف القاسم وبيه يعزب الوادم وسيفه يكرم لازم
هذا هوه القاسم
الزلم مصدومه كَرب الكل يومه صفكَتله الحومه
هذا هوه القاسم
الموت بالطف يختلف حي الله جسام
ايعادل تره سبعين الف حي الله جسام
*********
تمت
الشاعر ميثم العمري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

*لسان حال مولاي مسلم ابن عقيل ع من فوق قصر الاماره وهو يودع الحسين ع



عاشك يسولف لاميره
قصة وداعه الاخيره
ياحبيبي ياحبيبي وداعاً**
____&&___________
عيني دارت للضعن.. ونظرتي تسولف محن
مسلم انه بكل حسرتي.. اروي يمك كل غربتي
يالغريب انت الوطن***
باخر انفاس العمر.. عاند وياي الصبر
الشامت من يشوف دمعي.. بنتظارك هذا وضعي
الموت يمك منتظر

والله صعبه..
مسلم من يطيح ماكو حسين كربه
والله صعبه
تحتم علينه المسافه بديره غربه

كون اخر صوره عينك
وتشهك انفاسي حنينك
_______________
ردت اواسيك بجرح.. وكلت ميكفي الذبح
الينطي كل عمره ووريده.. كون اواسيه ه بحميده
وردتي بلون الصبح**
تعيش كون ويه اليتم.. وقبل بنتك تنلجم
فدوه لعيونج رقيه.. بنتي وياكم سبيه
عليها ابدن ما ا هم**

هيه ورده
تاخذ جروح الفواطم وحده وحده
هيه ورده
عطشت وحته المخيم منها نده


ع الرمح مرفوع راسي
وبحميده ردت اواسي
________________----____________
ثنين عندي من الولد.. جانو بعمر الورد
عطر بثوابك تشمه.. للفواطم فدوه نسمه
الخنكه باجر من تهد**
محمد وطاهر فده.. لجلك انطيهم نده
نسمه من ذخر الهواشم.. تهب عطرها عله الفواطم
والمخيم تسعده****

كلشي فدوه
الينطي كل ذخره لحبيبه تعبه يسوه
كلشي فدوه
ولدي وسنيني بسنينك بيهن اهوه

اليفدي كل ذخره لحبيبه
يهوّّن بكلبه المصيبه
ياحبيبي ياحبيبي
_____
وانه من فوك القصر.. باخر انفاسي انتظر
ردت اوديلك علامه.. جلمه بجناح الحمامه
ارجع افديك العمر
وادم مضيعه العرف.. صعبه كلش تنوصف
تكّفر النجمه بضواها.. وتحبس النسمه بهواها
تعطّش الكلبه ترف

والله حيره
طفت الوادم شمسها وماكو غيره
والله حيره
ضيعت الوادم عرفها شلون ديره

هايه وادم موش اهلها
تعطش ورودك لاجلها

____&&&_________
اخر حجايه السلام.. وشايل وداعي الحمام
امنيه الضلت اخيره.. كون واموت وكلي حيره
وتارك بضهري الخيام،
ارد احس بلوعتك.. وارد اعيشن حسرتك
خلتدوس الخيل بيه.. وحافر يسابكَ عليه
مثل خيل الداستك

هاي هيه
راح اروح وبنتي وي ضعنك سبيه
هاي هيه
راح اموت وماكو خيل اتدوس بيه

فدوه لجلك كل حياتي
وكون اواسيك بمماتي
ياحبيبي ياحبيبي.. وداعا
___----________--________
الشاعر (حسن هاني السهيل )

،، الفاتحه لارواح خدام الحسين ع


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الحومه تفصال على طوله .. الكمر عباس ..
مدرسة غيره ورجوله .. الكمر عباس ..
بكل درايه ومعرفه .. يعلم دروس الوفه
مدرسة غيره ورجوله .. الكمر عباس ..
.............................
أبو فاضل يا شجاعه وحكمه وأيثار ..
بالشدايد كلبه شايل صبر وأصرار ..
هذا أبن حيدر قسيم الجنه والنار ..
أسد نازل بالطفوف وبيده فقار ..
من برز بالغاضريه .. الكمر عباس ..
أبد ماهاب المنيه .. الكمر عباس ..
نزل مثل العاصفه.. يعلم دروس الوفه
مدرسة غيره ورجوله .. الكمر عباس ..
..................................
خله بالطف العساكر تشتهي الموت ..
وسوه أرض الغاضريه الهه تابوت ..
زلزله ونزلت عليهم يرعب الصوت ..
ماكو واحد للمخيم يكدر يفوت ..
زهد تسبيح وعباده .. الكمر عباس ..
أتلوك لجفوفه القياده .. الكمر عباس ..
بيده رايه مرفرفه.. يعلم دروس الوفه
مدرسة غيره ورجوله .. الكمرعباس ..
......................................
مثل حيدر بالحرب ما يعرف الخوف ..
واللي ماشايف شجاعه خل يجي يشوف ..
هذا ضرغام الحرايب وأسمه معروف ..
كمر كفال العقيله بأرض الطفوف ..
بيه غيره حيدريه .. الكمر عباس ..
كافل الحره الأبيه .. الكمر عباس ..
الوصه بيهه المصطفه .. يعلم دروس الوفه ..
مدرسة غيره ورجوله .. الكمر عباس ..
....................................
أمه وصت للاطايب ينطي جفين ..
حاضر وممنون كلهه ياضوه العين ..
أنتي رفعة راس بالطف يم اللبنين ..
صاح آنه وكل أخوتي فدوه لحسين ..
صاح عد عينج ييمه .. الكمر عباس ..
راح أسوي الدنيه ظلمه .. الكمر عباس ..
سطع نوره وماخفه .. يعلم دروس الوفه
مدرسة غيره ورجوله .. الكمر عباس ..
.................................
كمر ويشع بالطفوف ورافع الهام ..
كال اجيب الماي بيدي لنص الخيام ..
اروي زينب والهواشم واروي الايتام ..
وما أخليهن سبايه بخربة الشام ..
ابد ماخله العقيله .. الكمر عباس ..
تصعد الناكه الهزيله .. الكمر عباس ..
بيده باشط مرهفه .. يعلم دروس الوفه
مدرسة غيره ورجوله .. الكمر عباس ..
.....................................
جبل هز الغاضريه ويرفس الكاع ..
حسين للجنه سفينه وهوه الشراع ..
منه ماطاحت الرايه وطاح الذراع ..
وعالنهر كرّب يزينب وكت الوداع ..
أبد ماخان الوصيه .. الكمر عباس ..
يشهد الله للمنيه .. الكمر عباس ..
صفه أعظم من صفه.. يعلم دروس الوفه
مدرسة غيره ورجوله .. الكمر عباس ..
.................................
الشاعر حيدر مطر العبادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

والله حيرة اوداعك اويه اوداعي تمدلي چفك وانه ماكو اذراعي
شوفي راح ومالي ادين ...............شلون اشبگك يا حُسين
....................................................................
اتوچه بيمن من طحت ولا انگلّب بصفاحي
وانه الصگر بالموزمه كسرو يخويه جناحي
متوسد اضفاف النهر من طر علي مصباحي
لاميت ولاني عدل گمت انتظر ذباحي
حيلي راح وما بقيت بحيلي ......... عيني خيّم بيها بعدك ليلي
وين اشوفك گلي وين ..... شلون اشبگك يا حُسين
..............................................................
ما ظل الي بس السمع واسمع جدم يدنالي
عَدّ الثواني اتمهّلك لحظات اودع غالي
للغررة هاذه النفس هي حالتي واحوالي
بالدنيه ما عندي امل بس الحبيب ابالي
گلي اخوك الگاعد العد راسك .........خويه اگعد لا تغيب انفاسك
گتلة خويه وبالانين ............... شلون اشبگك يا حُسين
..................................................................
حارمني منك چم جرح مابيه اگول اشلونك
وعيوني من نظرت الك عميه وتصد لعيونك
لا شوفك ولا اشبگك تدريني اموتن دونك
ولا چف الي اليمسح دمع أمغيمه احس چفونك
شلون امسح دمعك الهليته هاذه همي وبالگلب خليته
حيرة ما بين الثنين ................. شلون اشبگك يا حُسين
..........................................................................
يا حيرتي وحظني انحرم من الحنان الدافي
جرحي علة لساني وصل وتلجمني حته اشفافي
كون اگدر اشلع هالسهم وبعيني اشوفك كافي
ولو اگدر اوگف چا ركض اركض اجيلك حافي
والله فشلة وكل دمعتي اوشالة.... والذبحني موقفي بهلحاله
انه كاتلني الحنين ..................... شلون اشبگك يا حُسين
..................................................................



آخر وداع وما يصح شوفة حبيب ايامي
يا حيرتي نايم اظل واجبل علية الضامي
واتبده مايي اعله الجرف زيد ونين آلامي
آخر حلم عالمشرعة ما شفته بين احلامي
ما يهمني جروحي خويه هوايه كل عذابي وكل حسرتي بهايه
واصله الكطع الوتين ............... شلون اشبگك يا حُسين

...................................................................


نسالكم الدعاء
علي صادق المجراوي
19|6|2020

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا عباس يا عباس
************
من كطعو يمينك صابو خويه عينك متخضب جبينك يا عباس
نايم عالشريعه وجفوفك كطيعه هاي انه الوديعه يا عباس
يا عباس يا عباس
***********
ياخويه اعتنيتك عالشاطي لكيتك تنهض حشميتك يا عباس
كوم احمل علمنه ذبحوها زلمنه وحركوها خيمنه يا عباس
يا عباس يا عباس
*************
اهنا يالودعتني بهجرك عذبتني جا عدمن عفتني يا عباس
يا حادي الضعينه يا خويه انولينه وينك ما تجينه يا عباس
يا عباس يا عباس
**************

يا راعي الشهامه كوم اروي اليتامه كتلتها الملامه يا عباس
بجودك يمته ترجع دلالي تكطع جم طفل التلوع يا عباس
يا عباس يا عباس
***********
يا حلو الشمايل وينك يابو فاضل شدينه المحامل يا عباس
هاي انه العقيله ويا حمل الاشيله والرحله طويله يا عباس
يا عباس يا عباس
************
تسعر بيه ناري مليت انتظاري بحالي انته داري يا عباس
عكبك يسروني وعالناكه ارجبوني واشكد شتموني يا عباس
يا عباس يا عباس
***************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابلا مجـلسك يابو علي
صدگني چن ماتو هلي
كئــيــب
يالحبيب
,,,,,,,,,,,,,,,,,,,,,,,,,,,,,,,,

جابـتني امـــي المجلسك .. مــن چـان عمر شويه
وگالــتلـــي هـــذا مــنزلك .. لازم تجــيه يــوميه
المنــبر احســبه والــدك .. وامــك هالحــسينيه
عليك أرضه يوليدي صدك .. من تبجي عالمسبيه

يالعــمري كــله اتنـــفسك
زحمة انحرم من مجلسك
غــريــب
يالحبيب
,,,,,,,,,,,,,,,,,,,,,,,,,,,,,,,,

ياسيدي امن انطو حجر..نحجرت بصدري انفاسي
وهواس اخذني والسبب..عـن مجلــسك وهواسي
معقوله اضــل ابلا لـطم..ومــا ينــطـــبرلك راسي
عمـــري نسيـــته سيدي..وعاشـــور ابــــد ماناسي

ابقه حترگ وبقه حترگ
الحد مايجي يوم الطبگ
عجيب
يالحبيب
,,,,,,,,,,,,,,,,,,,,,,,,,,,

اذبــل اذا مـــا دگ الـك .. صدري واكسر ظلوعي
موضوعي بس بمجلسك .. والباقي مو موضوعي
گالـولي مـشروعك شــنو .. گلت البچي مشروعي
امنيتي لحــد اخر نفــس .. تــنزل عليك ادموعي

معقوله ماون ونجرح
يالراسك براس الرمح
سليب
يالحبيب
,,,,,,,,,,,,,,,,,,,,,,,,,

العالم بلا نوح وبچــي .. ماصــخ بلايه ملوحه
والمنحرم من مجلسك .. بيمن يداوي اجروحه
الماطب حسينيه شــهر .. صدگــني تطلع روحه
بعيني دمـعتي لو بـقت .. مثلك احس مذبوحه

ارد اختصرلك هالحچي
جوعني بس اشبع بچي
قريب
يالحبيب
,,,,,,,,,,,,,,,,,,,,,,,,,

سامحني يالگلبك سمح .. يامـن تنكط رحمه
بالنــعمه ماحســيت ابـد .. الــه بزوال الــنعمه
ارد انه حلفك سيدي .. بعبد الله فدوه الاسمه
من عندي يالكلك كرم .. لا تسلب انته الخدمه

ابلا هالوجــوه النيره
تصبح حياتي مكبره
مجيب
يالحبيب
,,,,,,,,,,,,,,,,,,,,,,,,,

ياكل كياني وقيمتي .. ويا كشختي ويا صيتي
يالكبرتني بمجلــسك .. يالكــونــت شخــصيتي
من تالي منك انـحرم .. مــعـــقوله يا عافيــــتي
استغني عنـك موحچي .. اله انحـــرم من ريتي

ابدونك فلا شم الهوه
والحــالي ماينفع دوه
وطبيب
يالحبيب
,,,,,,,,,,,,,,,,,,,,,,,,,,,,,,,,,
تمت 1442
حيدر تركي الكربلائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دليني صوب المشرعه وانه اعتنيلك
وسوالف بگلبي اشكثر خويه اشتكيلك

دليني ياكافل
وينك يبو فاضل
اتلم. حيلك وتگصد الي لو انه اجيلك
-------------------------------------------------
اشرلي من صوب النهر حتى انه اندل دربه
تيهت صوبك ياگمر وختك ولوهه الغربه
ارد اشتكيلك من شمر وثار صوطه وضربه
صوطه يطبعه اعله المتن والفرح تارس گلبه

اوصلك الصوب النهر وتشوف المتون
جيف اختك ايطگني ابحقد خويه ويضحكون

محد علي سائل
وينك يبو فاضل
اتلم. حيلك وتگصد الي لو انه اجيلك
------------------------------------------------------------
من المخيم للنهر خويه المسافه ابعيده
والدرب بي صوط وحبل وشلون اطره اوحيده
كل خطوه اخطيهه اب علي ولشمر اشر بيده
ايصيح هاي اخت الگمر بجفوفي خله الگيده


ارد اعتنيلك ولشمر گاطع طريجي
نضراته خوفتني اشكثر نشفلي ريجي

مودمعي دم سايل
وينك يبو فاضل
اتلم. حيلك وتگصد الي لو انه اجيلك
-------------------------------------------------------------
يلنايم وتنزف ضوه والسهم شابگ عينك
انزف نواضر علدرب ملتني جلمت وينك
بكل صوط عيني اعله النهر بلكت ترد جفينك
عباس شبعوني هضم عطشانه خويه الزينك

خويه حرگ گلبي الشمر من گلي وينه
كفالج اعله المشرعه مطفيه عينه

يتشمت العاذل
وينك يبو فاضل
اتلم. حيلك وتگصد الي لو انه اجيلك
---------------------------------------------------
يلتمسح اثاري جنت وتخاف حيل اعليه
عگدوو اجفوفي بالحبل ولحره شو مسببه
لو بيك باقي جم نفس عباس لحگ ليه
لا قدروو حرمت مره لا قدروو علويه


حرمه وحيده ابنص زلم وتخيل الحال
بذيالي ايتام ونسه وينك يكفال

يل علنهر نازل
وينك يبو فاضل
اتلم. حيلك وتگصد الي لو انه اجيلك
-------------------
ياكافل اهل الله صحت نسوان بالبر طشت
بالنار هجموو علخيم زينب بقت تتلفت
نار ويتامه امجلبه خويه بعباتي ولهبت
احمي اليتامه امن الحرگ لو طفي روحي الشبت


نار ويتامه والحرگ ولهبت عباتي
محتاره اشاگف بالضرب لو لم بناتي

گلبي قهر شايل
وينك يبو فاضل
اتلم. حيلك وتگصد الي لو انه اجيلك
---------------------------
علي سليم الحسناوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الى ام البنين عليها السلام



ام الاربعه ام الاربعه
ام الاربعه ام الاربعه

**********************
في كل الزمان أحرار ترفع للشرف رايه
موقف توكف اتكتبه رفض الظالم ورايه
حره ام البنين اهناك زرعت ولد وفايه

قائدهم كمر هاشم لواء المرجله
موقف كربلا يشهد كفيل القافله

خطت موقعه ام الاربعه
ام الاربعه ام الاربعه

*********************
ربيت اربعه لجلك يبني واشعر مقصره
لو عندي الف نشمي لجل السبط وتنصره
لو تقبل أخذ روحي ياريحانة الزهره

ودعتك وانه روحى تريد لكربلا
لو ضحيلك بنفسي ولا هذا البلا


تلهج بالدعا ام الاربعه
ام الاربعه ام الاربعه

**********************
هيه الولدت العباس طينه من الشرف هيه
واسم ام البنين يلوك لام الوفى النشميه
وفت منها والنعمين للطاهره الانسيه

وكفت موقف الشجعان يوم النازله
وزفت للحرب عباس مثل الزلزله

جيش باجمعه ام الاربعه
ام الاربعه ام الاربعه
*********************
كل احنا فدا لجلك بس كونك تظل سالم
نذرتله العمر فدوه وتشوفه يرد غانم
هاي ام البنين وهاي تفديلك كمر هاشم

عباس واخوته وياه ضحتهم اله
لبن الزهره بالغالي وكفت باذله

حره وطائعه ام الاربعه
ام الاربعه ام الاربعه
********************
ابطال أربعه توصي حامو نبعة الهادي
ودروع لخدر زينب ترد الأجنبي العادي
عند الزهره شرفوني وارفع راسي بولادي

عند الله كرامه الها بارفع منزله
اقرا الفاتحه واطلب تنال المسئله

بحق الشافعه ام الاربعه
ام الاربعه ام الاربعه

********************


محمد دعبل النوري

الإثنين ١٤ ذو الحجة ١٤٤١
٣ اب ٢٠٢٠


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابشر يمهجة فاطمه
كل عشره نرفعلك سمه
السبعه عالسبعين صار حسابها
والصوارم تلتكي بركابها
@@@@
وحك من خالق السبعه بست ليالي
الغالي غالي ومايصير اوياه غالي
نخبط السبعين الف اول بتالي
سيوفنا بركابهم باجر تلالي
من ندخل الحومه صدك
سبعه اعله سبعه تنطبك
واختك بشاربنا يبقى حجابها
والصورام تلتكي بكرابها
@@@@
انت بس للحرب كوم انكث عباتك
ابشر واحنه الها يحسين وحياتك
قسم بالكعبة المثل خيمة خواتك
ما تسير افلاك الله الا برضاتك
بس انت أشر وانتجي
وخيصير للسيف الحجي
واحنه من دمهم نلون اترابها
والصوارم تلتكي بركابها
@@@@@
خل تصير الحرب واحنه اهل الملاحم
وانت تسمع بعد بس طك الجماجم
تره بس لجفوفنه اتلوك الصوارم
وعد كلنه نموت وانت تبقى سالم
وهاي الحرب لمن تشب
جن نوح طوفانه يهب
والسفينه احنه نظل ركابها
والصوارم تلتكي بركابها
@@@@@
يا حسين الدنيا جن سفره وتمرنا
ولون مو وياك ما يحله عمرنا
نموت كدامك وتتقبل عذرنا
بالحشر تفتخر يحسين بذكرنا
لو متنا الف موته ونرد
بالعمر ننثرلك ورد
وبعد لا تحجي الرسل بأصحابها
والصورام تلتكي بركابها
@@@@@
بس طلب واحد بعد منك نريده
السؤال السألته اختك لا تعيده
كلها واحدهم علي يمشي بوريده
وعلي ما تعرف غدر ترباة ايده
لو نهتف احنه ياعلي
بالخوف خصمك ينملي
بينا غيرة علي داحي بابها
والصوارم تلتكي بركابها


الشاعر سيد موفق الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الانصار. عابس

بيده شگ هدومه.....من نزل للحومه
..عابس ومالومه. مجنون الحسين

حقه مــــالومه بجنونه لو تسودن عـابس
نظره من وجه الحسين اسوي اكبر واهس
عابس أتربا اعله فكر الحيدري وبي دارس
شمر درعه وي قميصه ونزل بيده يفارس

والله مايگدرونه. كلهم يهابونه.
فنهم يلاگونه. مجنون الحسين

خافت الفرسان منه وهوت من عنده السيوف
وشاع صيت الموت بيها وگام عالوادم يطوف
الحومه مشاها اعله كيفه وجندل گباله الالوف
وصاحوا اعداه القيامه تحولت بأرض الطفوف

حتى ضل أخياله. خافته الخياله.
هزهم ابأفعاله. مجنون الحسين

صاح عباس أله حيهم عاش زودك يالبطل
وشبت الغيره وتسودن من سمع صوت الكفل
ردله و عيونك حبيبي اليوم اگطعهم وصل
وحالف الحومه اذلها وداعتك يابو الفضل


هوس الراعي العلم خانگ انفاس الزلم
يطبر ويثلم ثلم. مجنون الحسين

بصدره رد خيل الأعادي وشردت من زوده
وفرح گلب احسين بيه وبارك ابمجهوده
شاف گاع الله الوسيعه بالزلم ممدوده
وگله ياعابس وفيت وصولتك محموده

فرح فاضت عينه. من سمع احسينه
يگول وفه بدينه مجنون الحسين

من فرحته ركض عابس حضن اسيوف العده
وگال اريد اگبال عينه جسمي كون اتمدده
حسين فضله اشگد جبير علييه اوخيره سده
ورد أفيض اگباله دمي بلگي دينه ايسدده


ولو ظهرت اجنوني. خلهم يلوموني
وكلهم يعرفوني. مجنون الحسين



خادم الزهراء ع ابو احمد الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لحسين أنصار لحسين أنصار لحسين أنصار


يوم الطفوف بكربله الدهر صال وجال
دارت على حسين الزلم وتسجلت اجال
أنصار وكفت للشرف ورجال نعم ارجال

خط القلم أعلى الهمم وتعنو المنايه
قسمو قسم أهل الشيم وانكتبت الروايه

أهل الأبصار لحسين أنصار لحسين أنصار
********************

طلعت زلم مثل الشمس بيهم تشد الحيل
جن نور ساطع بالسما بدد ظلام الليل
أنصار الحسين ونعم شدو سروج الخيل

حل البلا في كربلا وانتصرت الكرامه
واستبسلو من هللو واغتاضت النشامه

نهضو ثوار لحسين انصار لحسين انصار
*******************
من ينصر لدين النبي نادى الحسين وصاح
دين الله محتاج النصر لابد نبيع أرواح
صاحو انصاره بكربلا حي على الإصلاح

كالو نعم أهل الشيم انصارك وجنودك
ننطي الدما والخاتمه خليها يم حدودك

علنو انذار لحسين انصار لحسين انصار

********************
أهل الشرف طول الدهر كل ظالم تنكره
والحق رجاله حاضره يوم الوفى تنصره
دين الله من راد النصر انطو دما حمره

صارت فخر طول الدهر وتغنت الضماير
أنصار ابو اليمه شرف تتعلى بالمفاخر

رفضو للعار لحسين أنصار لحسين أنصار
********************
مخطوطه أسماء الزلم بالدم مواقفهم
وارض المعالي والشرف بالغيره تعرفهم
عابس وجون من العشك خلدت سوالفهم

واتحزمو من هاجمو جيش العدى بصدرهم
الدنيا كلها اتعجبت واحتارت يأمرهم

عشق الأحرار لحسين أنصار لحسين أنصار
**********************



محمد دعبل النوري
١٦ ذو الحجة ١٤٤١
٥ اب ٢٠٢٠




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اشلون اصبر روحي وانته ماخذ روحي
مدري اداوي اجروحك مدري اداوي اجروحي
لا تغمض عيونك تدري اموت بدونك
علي بويه
****************
هاي اول مره اوكف واتحير
ردت اشيلك بيدي بس شفت ما اكدر
بويه اشوفن جسمك بكل مكان امطبر
كمت انادي بهمي راح مني الاكبر

بدمك امسح شيبي وتجري بويه ادموعي
بكثر كسر ضلوعك كسرولي اضلوعي

بيدي من كلبتك ضني يصبي عيني
بيك بلكت باقي نفس وتحاجيني
ارويحتي ايعرفونك تدري اموت بدونك
***************


اشلون اريح بالي وانته راحة بالي
اتريد تلجم غالي بس اجرحه بغالي
وحك ذيج العشره اتموت ما حسبالي
كام دمع عيوني الفاتحه يقرالي

يالخذيت احلامي عمري ابد ماريده
وبعد شله ابروحه الراح منه اوليده


امنين اجيبن حيلي وانته ماخذ حيلي
بيش اخلص ليلي وانته شمعة ليلي
ليش ميرحمونك تدري اموت بدونك
************
اتروح كل عافيتي من اشوفك رايح
يالجنت كل عمرك تنجرح وتسامح
بفيض دمك يبني شو اشوفك سابح
وانه كلبي الكيته فوك كلبك طايح

امن المهر جم مره طحت ونهض كوه
هذا اصيح اوليدي هوه لو مو هوه

بالنحر شميتك وانته عينك غافيه
يالخذت عافيتي امنين اجيب العافيه
بيمن ايطلبونك تدري اموت بدونك
****************
راح ارد للخيمه وليلى تتلكاني
مدري انته الميت مدري ميت اني
راح اكلها اوليدج ايكول ابد لتاني
وهيه راح اتكلي اوليدي ما ينساني

فدوه كلشي كلي ومات لتكلي ابني
شيباني افراكه والسهر تعبني

راح ارد بس ميت واعثر بلجماتك
ومن اطيح الخيمه يصرخن عماتك
كلهم اينوحونك تدري اموت بدونك
******
صحت زينب خويه امروتج عينيني
سندي متني وعالكاع لو طحت شيليني
الجان بالخيمه اهلال ليش فارك عيني
عكبك الاكبر ضليت بس اون تدريني

علي بويه ادخيلك كبراني افراكك
بالخيم كل ساعه كلبي ضل يشتاكك

زينب اتصبرني وتبجي كل العليله
والبقيه اتكلي في حياتك ليله
لا تسد جفونك تدري اموت بدونك
************

جم تعال بعيني انكتبت بدمعاتي
اصورك وضحكاتك انعرضت بصفناتي
طيحتك يالاكبر فرحة شماتي
وبس المعاشرني يفتهم لوعاتي

اشلون اطلع اسهامك النومتها بصدرك
خاف اجرهن بيدي ويجي وياهن ضهرك

جنت واكف يبني ودمعتك محبوسه
ومن طحت يوليدي اعليك صارو هوسه
اكبالي ويذبحونك تدري اموت بدونك
***************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ليلة عبدالله الرضيع عليه السلام


قطره من دمك روت ارض وسمه
يمه ياعبد الله يالميت ضمه
..................

غمضت عينك يسباح الكلب
واني عميه عيوني ماشوف الدرب
دمعتي يايمه عالوجنه تصب
على مناغاتك ترانه امعلمه
..............

وردة اسنيني ويأ جمل كل ورد
بعدك ازغيّر ييمه اعله البعد
لاتضن كلبي برحيلك ينسعد
اهمومي فوك الراس كلهه مخيّمه
..............

اتزيد الهموم من اصدن للمهد
ومااشوفن طولك وحيلي ركد
انه ام وفاكده ضحكت ولد
ابيش اخّمد نار روحي المضرمه
................

طير جنه وانحرم من شوفتك
ياهو بعد امك ينشف دمعتك
ماتروح ابالي ضلت صورتك
شنسه منك وانه بسمك هايمه
...............

يمه يالب الكلب شنهي الحصل
الماي لشفاف البرائه ماوصل
من الضمه حيلك ودلالك ذبل
شلون بعدك انه اضل متنّعّمه
..............

در حليب امك تعال بهل حضن
انته مو مالت كبر لاتندفن
حاره الرمله واخاف اعله الوجن
جسمك احرورت الكاع اتهّدّمه
...............

ما اضلن يمه بغيابك تره
مايفيد الصبر روحي امرمره
يمه ياعبد الله ابقه محّيره
شذنبك وتتروه من نحرك دمه

محمد هادي العقابي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزلة الليله السادسه ... الانصار


صولاتهم صولة اسد .... وفو للحسين العهد
حي الله الانصار ........ حي الله الانصار
_____________________________

أليوث المسنايه
رفّت الهم رايه
صافيه امصفّايه ... بيها ريحة عنبر

بالحرب راحتهم
والدرع كشختهم
يا هلا ابهيبتهم .... بيها ريحة عنبر

چلماتهم مثل الشهد ... وفو للحسين العهد
حي الله الانصار ....... حي الله الانصار
_____________________________

بالحروب القاده
للشدد ردّاده
صارو امن الساده ...... ما مثلهم واحد

أعقولهم مفتونه
بالعشگ مجنونه
كلش ايحبونه ...... ما مثلهم واحد

ايعشگونه حيل امن المهد ... وفو للحسين العهد
حي الله الانصار .... حي الله الانصار
_____________________________

جلّ من سواهم
بس عشگ تلگاهم
للابد ذكراهم ......... مدرسة كل عاشگ

القارعه ابصولتهم
الزلزله ابفزعتهم
الواقعه ابيمنتهم .... مدرسة كل عاشگ

واسيوفهم نِعم السند ... وفو للحسين العهد
حي الله الانصار ..... حي الله الانصار
_____________________________

للوغى عُشّاگه
تنتظر لملاگه
اسيوفهم براگه .... تنتظر هالساعه

العاشر ومصباحه
نزلو اعله الساحه
بالحرب مرتاحه .... .. تنتظر هالساعه

والشافهم خاف او شرد ... وفو للحسين العهد
حي الله الانصار ....... حي الله الانصار
_____________________________

چن صگور او لاحو
للعساكر راحو
ياعلي من صاحو ......... بچو اچم شارب

سيل چنهم هدّو
بالمناحر حصدو
للرسن من شدّو ......... بچو اچم شارب

ألآف واحدهم حصد ..... وفو للحسين العهد
حي الله الانصار ...... حي الله الانصار
_____________________________

عابس اوبن ضاهر
طاهر ابسد طاهر
بالمعاره اتفاخر ........ كلمن ايگول آني

آنه بيدي الصارم
بالمعارك فاهم
وين هاي الوادم ......... كلمن ايگول آني

والي سمعهم رد گعد ... وفو للحسين العهد
حي الله الانصار .....حي الله الانصار
_____________________________

ع المنايه اتغالب
للشهاده اتطالب
واليموت الغالب .... للاجل تتسابق

سبعين چنهم آيه
والحسين الغايه
وفازو الوفايه ..... للاجل تتسابق

ابكربلا چانو مدد ....... وفو للحسين العهد
حي الله الانصار ...... حي الله الانصار
_____________________________


ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حيّد مُسلم والزلم يگضيها.
الكوفة ماينطيها
زلزل الحومه وزمط راعيها.
الكوفة ماينطيها
🕸🕸🕸🕸🕸🕸🕸🕸🕸🕸🕸🕸🕸🕸

سولفيلي عمة طوعة عن أبوي الغالي
مهجتي ودلالي...من شُمر خاجيتة

الحومه خلاهه اعله كيفه من توسط بيهه
من الارض يمحيها...وأنتي المحييته

بشريني ابزوده طوعة وهجمته والراية
وادري بيه اكفاية.... ولنعم من صيته


غيرة الله بوالدي مخَليها
الكوفه ماينطيها
زلزل الحومه وزمط راعيها.
الكوفة ماينطيها

🕸🕸🕸🕸🕸🕸🕸🕸🕸🕸🕸🕸🕸🕸

والدي واعرف أطباعه الغيره ترست راسه
والحرب نوماسه....عمة شنهو اخباره

وعنه خبريني يطوعة والدمع ماريده
بالحرايب عيده ....يسولف اببتاره

مثل حيدر چف أبوي بضربته المعروفه
يزلزل أرض الكوفه....وغارة تتبع غارة

گلب أولها ولحگ تاليها.
الكوفة ما ينطيها
زلزل الحومه وزمط راعيها.
الكوفة ماينطيها

🕸🕸🕸🕸🕸🕸🕸🕸🕸🕸🕸🕸🕸🕸

أنه اخبرچ ياحميدة شَمر اعله زنوده.
ابصولته المشهودة.. وهالخلگ بچاهه

وشاهدت منه مواقف هالبطل سواها
.الخيل من لاگاها. ... ترتجف خلاهه

ولنعم من زوده ابوچ اجيوشهم ذلاها
وبلدمه حناها.....وصولته اشمحلاهه

ليث غالب من تعله اعليها
الكوفه ما ينطيها
زلزل الحومه وزمط راعيها.
الكوفة ماينطيها
🕸🕸🕸🕸🕸🕸🕸🕸🕸🕸🕸🕸🕸
يمي خلالچ وصيه وگال تحضر باجر
وبيّه خل تتفاخر.... خبريها اعلومي

گلهه وحده شد عليهه وماتگوه ابناصر
جفي دوم يكابر ... وهايه شَمرة گومي

بالحرب دگيت ثاية وخلهه بيها تناضر
تلگه جبرت خاطر... حضرتهه ابيومي

والقصر يشهد عله امسويها
الكوفه ما ينطيها
زلزل الحومه وزمط راعيها.
الكوفة ماينطيها

🕸🕸🕸🕸🕸🕸🕸🕸🕸🕸🕸🕸🕸


منهو يتگرب عليّه وآنه سيفي القاهر
لوما حفرت باطل.... بالغدر حفروها

اجمعوا كلهم عليه وايدي ماگدروها
وأيسوا يثنوها ..بالمكر صابوها

ماحنيت الراس والله للزمان الغادر
وابقى انه الظافر... وجثتي يهابوها

گبره شاهد يبقى دوم اعليها
الكوفة ماينطيها
زلزل الحومه وزمط راعيها.
الكوفة ماينطيها

🕸🕸🕸🕸🕸🕸🕸🕸🕸🕸🕸🕸

خادم الزهراء ع ابو احمد الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله مسلم ع

كلها صاحت هالنزال انعوفه
الساتر الله اليوم يهل الكوفه
قبل لامسلم يطب خل نفر من الحرب
الساتر الله اليوم يهل الكوفه
@@@@@@
امبين الحر لو نوه اعله الصيده
الموت يركض ولمنايه بئيده
ضاكت وصارت زغييره البيده
وينه درب الشرده كلنه انريده
ردم يردمهه عليكم لو أجه
وانتو من الصوت واحدكم بچه
دخن اوبان الغضب خل نفر من الحرب
الساتر الله اليوم يهل الكوفه
@@@@@@
نزل وعيونه لهب تشمرجمر
عنده سبع أحضوض المنه يفر
بيده نار الحاطمه وسيفه سقر
اخو اخيته الخلص ابروحه وطفر

يله فروا ولايضل منكم احد
أسد ياهو اليگدر ايلاوي الاسد
راح يگلبهم گلب خل نفر من الحرب
الساتر الله اليوم يهل الكوفه
@@@@@@
هوت من ايد الرجال ارماحها
وهيج تسمع لو تصد لصياحها
هــذا خطاف الزلم وارواحـها
تأيس من الهوه روس اللاحها

ريح صرصر من يهب مايلزم
جبن الفرساننه من شد العزم
وحيل هدنه التعب خل نفر من الحرب
الساتر الله اليوم يهل الكوفه
@@@@@@
اليوم ماناوي نشوفه اعله الصلح
ونار كبـره اشتعل من جفه الـرمح
يجـمـع ابفـرسـانها ويطـرح طـرح
وظَـلم الـدنيه علـيـنه من الـصبح

اليوم مسلم طبعه مو عالعاده
يدور ابسيفه اعله روس القاده
لغيض من وجها يصب خل نفر من الحرب
الساتر الله اليوم يهل الكوفه
@@@@@@
مثـل عمه من يزم الثامه
يصير ملك الموت من خدامه
ترگض ارگاب الزلم گدامه
وتنسحگ هاماتكم بجدامه

ادعوا الله اليوم عنكم ينشغل
لايجر ارواحكم جـــرت الحبل
وندري بيه ماينغلب خل نفر من الحرب
الساتر الله اليوم يهل الكوفه
@@@@@@
خادم الزهراءع ابو احمد الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

[ الليله الأولى ]

ها يزينب رد محرّم و انجمعنـه
ـــــــــــــــــــ
رجع شهرچ .. وانتـي كيفـچ .. يا أميـره
وحزن عندي .. بكُبر بختچ .. ياچبيره
يزعــل الله .. وجهي عنــچ .. لو أديره

وهـاي أول ليـله بسـوالف دمعنـه
ها يزينب رد محرّم و انجمعنـه
ـــــــــــــــــــ
موش وحدچ .. وياچ كلنه .. بهالمصيبه
گلوب تنبــض .. يا غريبه .. يا غريبه
هلال شهرچ .. چنت ادعي .. ربي جيبه

چبير ربنه الحمدلله من سمـعنه
ها يزينب رد محرّم و انجمعنـه
ـــــــــــــــــــ
هواي هنّه .. منين نبدي .. لو قرينه
دموع حمره .. هدوم سوده .. حضّرينه
و إلـچ رايه .. بنص گلبنه .. ياحزينه

وعالمنـازل رايـه ردّينه ورفعنـه
ها يزينب رد محرّم و انجمعنـه
ـــــــــــــــــــ

الشاعر مهدي التقي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله للقاسم ع


هاشمي وبالحومه مثل حيدر يومه

شوف راسك شوف جسمك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

طبها والسيف بيمينه ونشر بالناس الرعب
والارض كلها أمتلكها وصار سلطان الحرب
جندل الـفرسان بيده ومـاشـعر جفه بتعب
هذا تربات الـهواشم غيرة ينضح لو غضب

شدعلى الملثومه
وسابگاته اعلومه

شوف وجهك شوف ظهرك شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه

ـــــــــــــــــــــــــــــــــــــــــــــــــــــــــــــــ
هذا جـسام اعله أبوه و اخـذ شمـرت حـيدرة
وكلها خافت من يمينه الموت وي سيفه جـرة
فصل الحومه اعله كيفه تگول سبع الـگنـطـرة
ورخص الفرسان بـيده وصارت ابـسعـر الـثـرة

الجيش والخياله
ماتساوي انعاله

شوف نبضك شوف دمك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

نزل ومذهبه بيده يصيح وين أهل السبي
ويـنهه الگالت تجيها وتسبي اعـيال الـنبي
والله ياغلمان آميه الـيوم الـــبسكم عبي
وهيجي اطباع الهواشم عـالمخاطر تعتني
غاره تتبع غارة
وهزهم ابتاره
شوف دربك شوف ربعك شوف أديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ
كوم الناس اعله ناس وصعد فوگ الگـومه
وگلب يمنتها اعله يسره والـتفر ملزومه
الريح مهرة وشدعليها وكسر ظهر الـحومه
وحارت الـچيمان بيه وفرت من اعـلومـه

هزهم ابصولاته
وحيدريه أرباته

شوف صدرك شوف رجلك. شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه

ـــــــــــــــــــــــــــــــــــــــــــــــــــــــــــــــ
وگله الحسين اعله هونك لاتخـلص الوادم
ويبني اتريض عليها وبلـكي بـيهم نـادم
فدوه اروحلك يعمي هالـخـنگ مـو لازم
خلي بس صيتك يروحي يذبح و يالصارم

يخنگ ابنفاسهم
منه شيب راسهم

شوف روحك شوف نفسك شوف اديك
لو وصلها ابن الحسن ضاعت عليك
هاشمي وبالحومه مثل حيدر يومه
ـــــــــــــــــــــــــــــــــــــــــــــــــــــــــــــــ

خادم الزهراء //ع //ابو احمد الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

[ الليله الثانية ]

ها يزينب رد محرّم و انجمعنـه
ـــــــــــــــــــ
وفّقينه .. و حزّمينه .. بهالليـالي
اربطت گلبي .. بهالخدامه .. عالتوالي
السنه الخدمه .. انقدم الكم .. شي مثالي

وهـاي ثاني ليـله بسـوالف دمعنه
ها يزينب رد محرّم و انجمعنـه
ـــــــــــــــــــ
ممشه نوگچ .. يمشي بينه .. ما وگفنه
بعيد طفچ .. والمجالس هيّه .. طفنــه
سامحينه .. إقصور بينـه .. واعترفنـه

تأدبينه هواي زينب من إنمنعــنه
ها يزينب رد محرّم و انجمعنـه
ـــــــــــــــــــ
ويّه أمچ .. حِضْري شــوفي .. هالنـوايا
وحگ نحره .. وياچ نبدي .. من البدايه
إنظاف صرنه .. ونيّه بيضه .. وماكو غايه

ضگنه طفكم زين هسه وإنصفعنه
ها يزينب رد محرّم و انجمعنـه
ـــــــــــــــــــ

الشاعر مهدي التقي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747