قصائد حسينية مكتوبه

عيني اشتاگت العينك
دمعي اتبدة لســــنينك
وينك يا صـــــدر وينك
..............................
يالصـــورتك ما تنسّي الله الطبعها بعيــــني
شيبني بعدك من وكت وما ظل طعم بسنيني
اعمة ومشيت بغربتي محد اجه يدليــــــــني
بس طيفك البــاقي الي ايفززني ويبچيــــــني

صوتك من يمّر بيه
روحي ما تظل ليه
تدري اني مسكينك
............................
بالريـــة ثگلان الهوى واعجز اشيلن ثوبي
ضهري حنيته بغيبتك مدري الحنته ذنوبي
ما صدگ تموت واظل امشي بظلام دروبي
عالطلقة اعتب يا زمن الكسرت ضلع محبوبي

بعدك عايش ابالي
ودمك ينزف اگبالي
ينزف خضّب اجبينك
............................
فاگد عزيــــــز بدنيتي وهو الاعز من روحي
مو حگي لو كل العمر ابچي واطوّل نوحـــــي
لا دمعه نشفلي الزمن ولا طايبات جروحــــي
لو تنسه روحي محبتك صدگني اخاصم روحي

انته كلشي بالدنيه
بحبك عاقد النيه
اگعد يطلبك دينك
.............................

اتبره مـــــن گلبي اذا بأي لحظه فكر عافك
يا آية الله بكلمتـــــــك مرسومه فوك شفافك
محد فهم ســــرك ولا واحد وصل لضفافك
انه اعتقد شايف نبي كل عاشگ اللي شافك

روحي معلگة باسمك
وعيني ما نست رسمك
صورة وبيها نجلينك
..............................
مرة العشگ لا ثاني الة ما ينوصف بوصافي
صدري الهوى ما بدلّه واسمك يضل بشفافي
مجنونك الگطع النفس وگلبي اليحب شيوافي
بال(لاوعي) لساني نطق محبوبي انته وكافي

كافي والعشگ انته
دمعي ينزل بسكته
غالي وبالرگب دينك
............................
محتاجــــــــك بگد النفس ذاكة اليفارگ ريتــــــي
والدنيه ما بيها ربــــــــح بس انته ربحي وصيتي
لو يدنه من عندي الاجل راح اكتب اعله وصيتي
دفنوني يم باب الصــــدر من الله هاي امنيــــــــتي
صدري والهوى صدري
عمري بس الك عمري
مدلي مدلي چفينك

...............................

نسالكم الدعاء

علي صادق المجراوي

11|6|2020

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747