"علــي" للنــاس رحمـه عـــدل وأنصـاف حكمــه
لا ﭼـن ما رضت عنّه المظلين من حرب الحرب گضّاهه أبو حسين
مــا نصفتـــه الأُمّـــــه
*******************************

"علي" أمن أسم العلي أشتق أسمه معناه
أو قـدرّه إعلـه المصــاعب ربّــك إنطـاه
نبــي الـــرحمـه إبــ أمــر نصبّه أو وّلاه
مــــن بعـــده الخليفـــه أو بسمـــه سمّـاه
عــرف تنـــدار الأيـــــــام أو"علي"اليحتاجـــه ألإسلام
ويْ حيدر صفوا حفنة موالين سكت لاكن سكوته الصالح الدين
بس جيب اليفهمــــه

*******************************

تلميــذ الــــرســــول أو هـــــوّه ربـّــــاه
أبــد مـــا خــالفـــه أو بـــالـــروح واساه
رســول الله إبــ"أُحُــدْ"ﭼــم مـــرّه ينخاه
مــن فـــــرْ عسكــــــره والجــيش وازاه
يــداحــــي البـــاب وينـك فــــــــلا شُلّـــت يمينـــــــــــك
غضب ليث الوغى أو تتجادح العين قريش أتحيرت تنطي الوجه وين
غده الميدان ظلمه

*******************************

"علي"إبسيفه أو ثبـاتــه أعتــرفت إعـداه
علــى أرگــاب الكفــر مفطـومـــه يمنــاه
بــرز للعــامــــري البــاغــــي أو تحـدّاه
أو نبض عـــرگ الهــــواشم مــن تــدناه
تــدگ أگلـــوب الأصحــاب أو بگت مشــــدوده الأعصـــاب
كبّر حيدره وأهتزت الگاع شهاب أمن السمه مو ضربة إذراع
الجبل يمكن تهشمه
********************************
"علــي"إبكـــل واقعـــه ربعــــه إتمنّـــاه
يطلــع والمنـــايـــا إيطلعـــن إويــــــــاه
إو ملك المــوت خطوه إبخطوه مــاشــاه
يشــاهـــد حملتـــه أو يحسب ضحــايــاه
يـــــا رتــــــــل إيتقـــــــدم "علـــي" إيحشـــــره الجهّنــم
فرسان العرب لو كرْ عليها مـــن شــدة رعبهـا إتمـوت إديها
تفرْ من تسمع *******************************
هــمْ ســـامـــع خليفـــه أو جيشــه بحماه
أو مــن تحمــى الحــرب بــوّلهـــا تلگاه
لا ركْ لا وهــــنْ لا ضعف حــــاشــــاه
بس يضعف"علـــي"ألــدمعـــة يتــامـاه
"علي"أو كل هـــالمراجل وذا شــــــــــاف الأرامــــــــــل
تبـﭼـي إمن الفقر ينهار وضعه إو ينزل عالوجن شلال دمعه
إو تجي العالمَ تذمه
خادم اهل البيت عليهم السلام
الشاعر ابو حيدر المجراوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بالقيام اندب علي
– وبالجلوس اندب علي
- دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,1
الكلمة هاي الله اليحبهه – علي الله القدسه
ياعلي اكول بقيامي – من جنت بالمدرسة
من الهوه اطيب احسه – بذكره اضل صبح ومسه
انسه مرات اني اسمي – وعلي ابد ماينسه



من انام اذكر علي –
ومن افز اذكر علي -
دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,2
الناس من الكبر ترجف – واني ما اخاف الكبر
حيدر متانيني يمه – وبلكي الاكيه انتظر
بزودي ظامن روحي فايز – وانجه من هول الحشر
انطق اسمه اعله الصراط – راح يتحول جسر


عالصراط اصرخ علي–
وبالقيامة اصرخ علي-
دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,3
ربنه لولا الوصي صدك – كل فلك لا ما خلق
لجل داحي الباب ربنه – احيه الاكوان ورزق
بالمهد عيسى تكلم – ياعلي اول مانطق
وهدهد سليمان يصرخ – ياعلي كال وصدق


بالاذان اذكر علي –
وبالاقامة اذكر علي -
دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,4
على كبر الوصي اتسلم - ليش يومية الشمس
تقره يم كبره الزيارة – الشيعته تدعي وتحس
اثر طبعت جفه بيهه – بيده رداه هامس
المغرب بصحنه تصلي – من تغيب وتنحبس


بالدعاء اذكر علي –
وبالصلا اذكر علي -
دوم اصيحن ياعلي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,5
هذا بطران اليكلي - لاتبايع حيدره
المايبايع علي خاسر – ادري دنيه واخره
واليعادي علي كافر- حتى لوصله وقره
علي امير الجنه يصبح – ملك باجر ننظره


من اطيح اصرخ علي –
ومن احير – اندب علي -
دوم اصيحن ياعلي
,,,,,,,,,,,,,,,,,,,,,,,,,,,,,,,,


حيدرموسى الرميثي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لاستشهاد الامام علي عليه السلام :


نِزل سيف القدر صاب الهوه العذري
وسورة هل أتى دمها الفجر يجري
حيدر ندائه لربّه
فُزْتُ وربِّ الكعبة

@@@@@@@

إنّهَا الليلة گلتها البيها واعد طه
والصبح مذبوح فجره يا علي اتلگاها
اشتمت الفُرگه اليتامة وصعد صوت ابچاها
بعد عينك يا هو الها يظل ولي ويرعاها

يفيّ اعله اليتامة وشامة الگمره
علي لا ترحل وتتيتم الفقره

يا ليسّرت كل صعبة
فزت ورب الكعبة

@@@@@@@@@

ابليلة القدرِ الشريفة تِقره كهْف اِحساسك
شفت هاي الليلة موعد سيف يطبر راسك
حاوِلَت رادت تمنعك هالإوز حرّاسك
لچن ليلة قَدِر چانت قَدَر صار وجاسك

ينام ابليس وسط الجامع اشعنده
ابن ملجم لعين وسيفه ما ردّه

وصوتك عله وي الضربه
فزت وربّ الكعبة

@@@@@@@@@

والذينَ يُؤْثِرُون اِعله النفس يا حيدر
انتَ مصداق الها تِعلم وانتَ صِرت المصدر
بچَفَّك الأيمن عَطائك خِفيه عَنْ الأَيسر
علي يالذكرك عبادة اليذْكُرَك يتْبَشَّر

بِعت روحك لربك وابد مو خاسر
يمن بيدك الكوثر بالحشر باجر
كل شيعي إنتَ تشربه
فزت ورب الكعبة

@@@@@@@@@@@@

إنتَ يا قرآن ناطق فگدك يأذينة
والسِوَر كِلها ابمصابك تِبچي يا والينه
هذا محرابك يتيم وعَاش نَبضك بِينه
نِعْمه ونْدَوِر حياة وحبَّك ايدلينة

مُصَابَك يا عَظَمْته ليارُكن هدّه
يماي الله بليال القدر يتبده

يالفرض واجب حبّه
فزتَ ورب الكعبة

@@@@@@@@@@@

زينبك تدعي ابّواچي والألم ماذيها
أمّن ايجيب اللي يِدعِي جِيب حَيدر ليها
رادتك تلفي ابسلامة مو تجي تواسيها
صُبري عالمكتوب بوية شلون من تحجيها

صَحِيح الصَبُر ثوب امخدرة حيدر
ولكنْ بَعْدَك ابطاري اليتم تعثر

منّ اليتم مرتعبة
فزت ورب الكعبة

@@@@@@@

فاجعه يومك يحيدر واشدّ كل امصيبة
حَادثة هالطَبرة حَالة وعيّشَتْنَه ابرِيبة
اشلون مِن نَزْف الإمامة تِنخُضُبْ هالشيبة
طابر الشرك ابفقاره هاللعين يصيبه؟!!

العُمر لاولادك ابفگدك يوالينه
يعظّم أجر زينب وَحي بارينه
زينب دمعها تصبّه
فزت ورب الكعبة
@@@@@@@@@

#الشاعر منتظر المهدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزلة للامام علي عليه السلام

مولاي مولاي ياحيدرعلي
مولاي مولاي ياحيدرعلي
.............................................
كلي من ياهي ابدي وانت سهّلت الصعاب
هم سمعت بيوم شات وتركض تلاكي لذياب
من النواصب والسقيفه علي شافاه العذاب
تبرز لكل عدو طاغي و همه يحنون الركاب
معروف معروف تربات النبي
.................................... ..
لوبرزحيدر وناده اتصيح كلهه ادخيلك
جبل شامخ بالمعارك ياهوه اللي يميلك
اتزيل روس العده ابسيفك والعده متزيلك
صبح اسمك تاج النه وعله الهامه انشيلك
عالراس عالراس تاج اسمك الي
................................................
مدرسه اسمك ياعلينه خلّد ادروس وعبر
درس للعدوان خله الكنطره وياهوالعبر
انته هم شايف جبال وتنجرابخيط الوبر
وكال كل العده اذلهه وخل يسمعون الخبر
ويصيح ويصيح انه الهاشمي
..................................
موصحيح اشمانوصف وصفك يفوق العقول
العده ماينسون سيفك بيهم يصول ويجول
طبرت الفقارحيدروالله خلاهم ذلول
بكل حرب منتصر حيدر هيج تاريخه يكول
كل يوم كل يوم اسمك يعتلي
.....................................
انه اريد اسأل سؤال شلون فرو من علي
وين خيبر ما حماهم وين ذاك العامري
ياولي الله حيدر ياهواليلاكي الولي
هوه حامي الحمه اسمه وكلهه بسمه تحتمي
ونشوف ونشوف كل هم ينجلي
.............................................
اتباع اصحاب السقيفه جددو احقادهم
الحقدوالضلم عدهم همه مثل اجدادهم
راحواصحاب السقيفه وردوا النه احفادهم
خل يسوون البديهم والله ابد منهابهم
والروح والروح فده انه وهلي
.
للشاعر سلام البهادلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

آنه زينب ياخلگ ابچي دمه
بعد فاطم راح حماي الحمه
باعظم شهر...راسه انطبر
آ يبويه......... آ يبويه
ــــــــ ــــــــ ــــــــ ــــــــ
شحلات السفره چانت نفطر اوياه
بقــى خالي مچانه صعبه ننســاه
يفطرنه الدمــع مــن نــذكر ارباه
علــي صـوت الاذان ابحسره ينعاه

حتــه عيد الله اليجي هم ينفجع
من يشوف احباب مهظومه ودمع
حزن وقهر..........راسه انطبر
ــــــــ ــــــــ ــــــــ ــــــــ
رحيله والله عني ايعــذب الـحال
مشــه كــل الــدلال اوراحة البال
بعــــد عينه اون اودمعــي همال
انه شلون اقتــنع هل جبل ينشال

بويه شلت الدنيه وجرعت الصبر
كلفه ياحيدر علــي ايضمك گبر
جرحي كبر....... راسه انطبر
ــــــــ ــــــــ ــــــــ ــــــــ
تون هــاي اليتامــه اوما يهيدون
مثل نوح الحــمام اشگد ينوحون
علــه باب الــولي بحسره ينادون
اذا ميــــت نگلهــم مــايصدگون

حيرة العباس وحسين وحسن
اويــاهم ايونون وتزيد المحن
سمعو خبر.......راسه انطبر
ــــــــ ــــــــ ــــــــ ــــــــ
اصــد للــدار وحشه وبيه حــيره
خلــيه ابــلا امــــير ولا امــيره
صحــت عبــاس وينــك يبو الغيره
يكافــل محنــتي كلــش چبــيره

كلشـي اتخيل صرت نار وخيم
شفت شاطي يمه چفين اوعلم
وجثة گمر.......راسه انطبر
ــــــــ ــــــــ ــــــــ ــــــــ
اجــه عبــاس يمــــــي اوصبرانــي
يــزينب مــا اعوفـــــچ اي ترانــي
يخــويه ابخدمتــچ اگضــي زماني
گلتــله يا خويه احس دهري رماني

چني وحدي ابكربلا واصرخ علي
چفوفي معگوده بحبل وبلا ولي
خوف وحذر........راسه انطبر
ــــــــ ــــــــ ــــــــ ــــــــ
يخــويه غمضــتهه عيــوني باللــيل
اجــت رؤيــه عجيــبه اتهــدم الحيل
شفت عاري الحسين اوسحگه الخيل
وضــح كلــشي بعــد ماحاجه تأويل

ويه حــيدر چانت ايام العفاف
والسنين الجــايه منهن اخاف
هم وسهر..... راسه انطبر
ــــــــ ــــــــ ــــــــ ــــــــ
ابوياسر المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله
رحمه ونعمه ياحيدر نشوفك
رحمه ونعمه ياحيدر نشوفك
ــــــــــــــــــــــــــــــ
شما تجور الدنيه خلهه شيعتك وفايه
اي يبو الحسنين حبك يبقه هوه الغايه
نفــترق مرات يمكــن اي نقر ابهايه
لاچن ايوحدنه حبك من نشيل الرايه

احنه... صحنه ...نموت ومانعوفك
رحمه... ونعمه... ياحيدر نشوفك
ــــــــــــــــــــــــــــــ
والله ماننساك لحظه انت عايش بينه
نــدري بس حبك يوالي هوه لينجينه
احنه بچيــنه السواتر فنه ليلاگــينه
يالقلعت الباب واحنه العدو نقلع عينه

خافوّ... شافو ّ... كلحنه سيوفك
رحمه... ونعمه... ياحيدر نشوفك
ــــــــــــــــــــــــــــــ
صح فجعنه اصواب راسك بالغدر مولانه
ولفــراگ اشگــد عظيم ابكل وكت اذانه
ياعلــي شيعه اونكابــر ما نفرح اعدانه
عهــد نبقى وما نمـــل ابمجلسك تلگانه

شيعه ...وبيعه...نعلنهه ونطوفك
رحمه... ونعمه... ياحيدر نشوفك
ــــــــــــــــــــــــــــــ
عظم الله اجر العقيله نحضر انواسيهه
عيون ما تبچيلك انته المــن انخــليهه
والله لوبخــلت دمعها ياعــلي نعميهه
مودمع ارواح ننــطي الزينب اونهديهه

زينب...تنحب... تستقبل ضيوفك
رحمه... ونعمه...ياحيدر نشوفك
ــــــــــــــــــــــــــــــ
چانت ابعهدك اميره امدلــلا ومحشــومه
من اجتهه الغاضــريه صارت المظلــومه
اتنادي ياعباس الحگ اخــتك المهضومه
حسين حزوّ راسه عاري وسلبوله هدومه

دامي... ضامي...گطعوهن چفوفك
رحمه ... ونعمه... ياحــيدر نشوفك
ــــــــــــــــــــــــــــــ
باچر المهدي يجينه ماتضل كل حسره
اينادي يا ثار ألأيمه وياله ثار الطبره
غير خدامه ونريده وكل محب ينتضره
عجل اللهم ندعي المهدي عجل امره

انگله... سله... الفقار الطفوفك
رحمه... ونعمه... ياحيدر نشوفك
ــــــــــــــــــــــــــــــ
ابوياسر المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الكون يلطم وينوح... صار نصين اجروح:
روح تفــداك ابروح.....يــاعلــي يــاعلــي:
...................
كون بينه الجرالك ...نصير هامه ابدالك:
ولا يگرب ابـن ملجم يـابو زينب خيالك:
ريت طر بينه هامه....ولا ذيــچ العمامه:
تره خلافك علي صرنه بعـد وادم يتامه:

ابن ملجم فجعنه...لسان سيفه وجعنه:
الك ينزل دمعنــه.....يـاعلـي ياعلـي:
........1..........
الشطر هامك شطرنه....وابــد ماخف المنه:
يضل حبك يوالينه نبض يسري ويه دمنه:
وعد خذنه علــينه.....وعــهد خـطي بدينه:
لغير نهجك يابو محـسن نهــج مابايعينه:

وحق الله وعباده....يضل نهجك سياده:
وتظل انته القياده .....يــاعلي ياعلي:
.......2.......
الــدين ثبته بيـدك... .الـروح هيه التريدك:
كون تحسبني خادم سيدي واخدم عبيدك:
ريت اخدمه خدامك...واضل اشتم مقامك:
چي شفيعي بالقيامه انه انجن في غرامك:
الكلب اسمك ينبظه...استعزبيه من الفظه:
يظل ذخر واحفظه.......ياعــلي ياعــلي:
.......3.........
علي يكتل مصابك..ايتام تبچي اعله بابك:
الحزن والون كتلهه وكلها حيرانه ابغيابك:
اتصيح لفنــه بعباتك.... يابو لثام شغلاتك:
وين نلـگه بعد مثـلك ابــو يحمل صفاتك:

لـزم كلمن انائه....... يصيح بلكي شفائه:
ويرد لينه ابردائه.....ياعـلي ياعــي:
......4.......
ياباب الله وجنانه......الگلب يــمك حنانه:
يضل دوم المحب بسمك تره يلهج لسانه:
تضل انته ابظميره...... فقط العنده غيره:
ياوليد الكعبه من غـيرك ترحبله وتديره:

الشمس بيدك درتهه..حصن خيبر شلتهه:
اصنامهم هدمتهه .........ياعلي ياعلي:
........5........
................
مجيد گيطان الصالحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دعاء اليوم التاسع عشر من شهر رمضان

" أللّهُمَّ وَفِّر فيهِ حَظّي مِن بَرَكاتِهِ ، وَ سَهِّلْ سَبيلي إلى خيْراتِهِ ، وَ لا تَحْرِمْني قَبُولَ حَسَناتِهِ ، يا هادِياً إلى الحَقِّ المُبينِ " .
#عباس_التميمي
من يقراء يضغط 👍

دمعة العـــــــــين عليه سجابه
انصاب حماي الحمه بمحرابه
****************************
انصاب حماي الحمه اعالهامه
وناحـــــت اعليه المله وايتامه
ما اظن يكدر يكــــــمل صيامه
بعد يومـــــــين وتخلص ايامه
والكلــــوب اعالوصي مرتابه
****************************
هامته بسيف الغدر طروهه
وكل الاكوان وخلكـ فجعوهه
وتبجي دم عالوصي خلوهه
وكعبة الله بضربته دموهه
وتلطم اعالصدر كل احبابه
******************************
بالليالي الاخره بـــــشهر الصيام
صابوا الكرار اخـــــو سيد الانام
اصوابه بالدلال اشد من السهام
تصب ايام المــــحب بعده ظلام
وبالــــــــــكلب ناره تظل لهابه
*********************************
اليوم بالاســـــــلام حلت فاجعه
خلت عيون المحب عليه دامعه
والد الحســـــــنين خل انودعه
مصيبة الكرار كلـــش موجعه
وحلت انـــــواع الفتن بغيابه
*****************************
بالفجر حيدر علي يفطروه ابدمه
وعيلته ظلت علــــــــــــيه متألمه
وبالسواد نشوف متوحشه السمه
مابره مصلب الـــــنبي ولا فاطمه
وهسه جرح المرتضى وصوابه
************************************
ساعد الله حسين والمسموم اخوه
شحـــــــالهم للحفره لمن نزلوه
اعالثره سيد البشر من وسدوه
اهتزت اركان العرش من ودعوه
وناح روح الله الوحي لمصابه
*******************************
خادم اهل البيت / ابومحمد العاشور



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يـا أميـر المـؤمنيـن

كريم الحاج فليح
و نسألكم الدُعاء

يـــا أميــــر المـــؤمنيــن ..
يـــا أمـــام الــعــالميـــن

أويالفجـر نـادى المنـادي أمنالسمــه
بگبــرچ ولطمـي الـوجـه يـا فـاطمـه
أنطبــر بـالـهـامـــه حمـــاي الحمـــه
وصـار محـرابـه نجيـع أمنـالــدمـــه

الطبــره وصلـت للجبيـن
يـــا أميــــر المـــؤمنيــن

عمـامتـه غــرگــت دمـــه يعمـامتــه
هــامتــه نصيــن صــارت هــامتـــه
بـالـدمـه تخضبــت يفـاطـم شيبتــه
هـدمـت اركـان الهُـدى يــا طبــرتــه

فــاطمــه أجــري الانيــن
يـــا أميــــر المـــؤمنيــن

فــاطمــه هـاليـــوم يــوم الــنــايبــه
الجنيــن امصـــاب حيـــدر شيبـــــه
أمغــربـــه روح العـــزيـــز أمغــربـــه
أتيتمــــــوا أولاده و الله و زينبــــــه

راح ابــو الگلـب الحنيـن
يـــا أميــــر المـــؤمنيــن

اليــوم يَـــم الحَسَــن دارچ مظلمــه
والأمــــلاك تنـوح كلـهـا و لاطمـــــه
واليتـامـــه أبهـالمصيبـــه هــايمـــــه
مسممــه هــامــت المـولـى أمسممــه

صَـوَّبـه الـبـاغـي اللعيـن
يـــا أميــــر المـــؤمنيــن

فـاطمـه نفظـي الگبـر و أتعنـي ألـــه
روحـي شوفي ابيـا مصيبـه العايلـه
حَـل علـى بيتــچ يمظلـومـه الـبـلــه
گـومـي عَصبـي هامتـه عقـد الـولـه

و فَـزِّعي الـهـادي الأمين
يـــا أميــــر المـــؤمنيــن

گـومـي مـن گبـرچ يحـره الطـاهـره
و ضَمِّـــدي هــامــة علـــي لمطبــره
ذاكَ محـــرابـــه ينــــوح و منبــــره
يـالله نــوحـي وَيَّ ســبع الگنطـــره

و نــــادي وَيَّ اُم البنيــن
يـــا أميــــر المـــؤمنيــن

14/5/2020
الشاعر كريم الحاج فليح



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

عفيه الكون اوصبر…… ...ماتخلخل ونفطر:
بيه قرأن انطبر.. ابو الحسنين ابوالحسنين:
………………… .
عفيـه الكـون وثــبـت مـا صار نصين:
طاحة اركان الهدى من طاح ابوحسين:
ياكتــاب الله وعــترتهه ومنهج الـدين:
يــا ابـو لـكل اليـــتامــه والــمـساكـين:
علي دين الله العظيم:
ياسعادة كل يتيم:
الحبه مايدخل جحيم:
ابو الحسنين ابو الحسنين:
………………1…………… ..
الطـبر هامـك يـاعلـي طـر هـامـه بينه:
الدنيه الك يابو الحسن ضلمه وحزينه:
وكل يـحبك سـيدي دم تجري عــينه:
يـاولـــي مــثلك علــي مــا حـصلينه:
وماكو ابسابع سمه:
علي حماي الحمه:
حـك عليـه نبچـي دمه:
ابو الحسنين ابو الحسنين:
……………2…………
اه ابـن ملجـم تـره بسـيفه فـجعنه:
ومن وجـع راسـك يبـو زينـب وجعنه:
لليلة مصـابـك حـزن ويـصب دمعنه:
يـاشفـيـع لـغيـر ديــنك مـــا تــبعنه:
ياطريق الجنه بابك:
ابد ماتخسر اصحابك:
علي ويفجعها مصابك:
ابو الحسنين ابو الحسنين:
…………3……………
المـايحبك يـا علي شـنهي حـياته:
ذلـه تگـظي وبـالحشر تيـبس لهاته:
واليـحبك غـيــره وديـن ابـصفاته:
وانته تحظر سيـدي حـته ابمماته:
بيك لاذت امتك:
علي صاحت غيرتك:
بل حساب ونادتك:
ابو الحسنين ابو الحسنين:
…………4………………
يـاهـو مثلك ياعلــي بـالكعبه مـولود:
وياهو مثلك ياعلــي ابـاذأن معدود:
وياهـو مثلك ياعلـي بـذريته موعود:
وياهو مثلك ياعلي بكل شده موجود:
تحظر ابكل الشدد:
كرمك الله الاحد:
ماكو مثلك لا ابد:
ابو الحسنين ابو الحسنين:
……………5……………
………………………
الشاعر مجيد گيطان الصالحي.



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

وداعاً يا حبيبي يا علي...وداعاً يا حبيبي يا علي
 
آنا زينب يا بو زينب أغله من كل ناسك...أشعر بغربة يحيدر ما حضني إحساسك
الليلة ريحت موت أشمن من عطر أنفاسك...من عسنها براسي طاحت بوية طبرة راسك
يبوية صوتي يمك يعتلي...وداعاً يا حبيبي يا علي
 
آنا منك و انت مني و انت جرح امصابي...يا علي و من نور وجهك الله سوه احجابي
ساهرة بدمعة عذابك بللتها اثيابي...حسبت كلشي و غيابك ما إجه بحسابي
يقلبي ياللي بالهم مبتلي...وداعاً يا حبيبي يا علي
 
أدري قلبك بوية يرفض تمشي و اتخليني...عيني ما تغمض وحقك لو غبت عن عيني
اخذ عمري ولا تقلي لازم اتودعيني...ضايعة الضيعة أبوها افراقك يأذيني
يحيدر يا بعد ناسي و هلي...وداعاً يا حبيبي يا علي
 
مثل زينب ألف طفلة و طفل دم يبجولك...الشمس بيدك رجعتها الموت عجبة ينولك
و اليتامه بالسلامة يا علي يدعوا لك...قوم و اتوضه الصلاتك قوم و امشي بطولك
يغالي و الحزن ما ينجلي...وداعاً يا حبيبي يا علي
 
عمت عيني اشلون وجهك غيروا ألوانه...بالدمع خليني أروي اشفافك الذبلانة
يا رحيم ارحم ببنتك زينب الحيرانة...حيلي وي عرش الجلالة اتهدمت أركانه
أخيراً راح أظل ابلا ولي...وداعاً يا حبيبي يا علي
 
الليلة أحلام البراءة بغيبتك مذبوحة...لابسة ثوب اليتيمه دمعتي المسفوحة
الله يلعن ابن ملجم الله ياخذ روحه...استقبلت عيد الله أذرف دمعتي المجروحة
أويلاه ما يقه واحد إلي...وداعاً يا حبيبي يا علي





علاء عبد الحسين الكربلائي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابو علي السعيدي:
الوداع الوداع..ياعلي وياعلي
&&&
امودع الله ياعلي حامي الحميه
شيعتك تنعاك كل صبح ومسيه
اتواسي زينب والحسين اخيه
فركتك صعبه يحيدر ياشفيه
بلحزن بلحزن..ياعلي كلبي جلي
&&&
التمت الشيعيه تنادي بكل المها
حيل مهمومه عل فكدك ياحزنها
واليتامه تنوح لن شايل وطنها
تلطم عالراس وبلوعه وشجنها
تندبك تندبك..ياعلي انت الولي
&&&
شحال زينب من مشو ماودعوها
ظلت بهالدار وحشه من جفوها
تنوح هيه وي اليتامه وكابلوها
تصيح يابويه يتيمه بموت ابوها
من تغيب من تغيب..ياعلي منهو الي
&&&
والحسن وحسين وادموع اليتامه
ظلت عالوجن تنزل عل الامامه
صارت بخدهم تنور جالعلامه
صاحو بفد صوت بويه بالسلامه
من تروح من تروح..ياعلي صحنه بلي
&&&
كرب العيد ولبسنه احنه السواد
من رحت عنه يحيدر بس حداد
صاحت بصوت وتناديك العباد
الكلب حزنان ماينفع ضماد
بلجروح بلجروج..ياعلي كلبي امتلي
&&&
لوذكرنه احنه مصابك عل المله
ياعلي توديني عيني لكربله
نذكر امصاب المشت والعايله
تحدي بيها اجناب هيه القافله
من مشيت من مشيت..ياعلي تنادي العلي
&&&
نعزي هاليوم بمصابك الزجيه
ونرفع احنه هالتعازي للبقيه
شيعتك فد صوت نادت عالرزيه
تلعن الظلام وابناء الدعيه
بالسواد بالسواد..ياعلي انه وهلي
&&&
خادم اهل البيت
الحاج ابو علي السعيدي

الوداع الوداع..ياعلي وياعلي
&&&
امودع الله ياعلي حامي الحميه
شيعتك تنعاك كل صبح ومسيه
اتواسي زينب والحسن وحسين اخيه
فركتك صعبه يحيدر ياشفيه
بلحزن بلحزن..ياعلي كلبي جلي
&&&
التمت الشيعيه تنادي بكل المها
حيل مهمومه عل فكدك ياحزنها
واليتامه تنوح لن شايل وطنها
تلطم عالراس وبلوعه وشجنها
تندبك تندبك..ياعلي انت الولي
&&&
شحال زينب من مشو ماودعوها
ظلت بهالدار وحشه من جفوها
تنوح هيه وي اليتامه وكابلوها
تصيح يابويه يتيمه بموت ابوها
من تغيب من تغيب..ياعلي منهو الي
&&&
والحسن وحسين وادموع اليتامه
ظلت عالوجن تنزل عل الامامه
صارت بخدهم تنور جالعلامه
صاحو بفد صوت بويه بالسلامه
من تروح من تروح..ياعلي صحنه بلي
&&&
كرب العيد ولبسنه احنه السواد
من رحت عنه يحيدر بس حداد
صاحت بصوت وتناديك العباد
الكلب حزنان ماينفع ضماد
بلجروح بلجروج..ياعلي كلبي امتلي
&&&
لوذكرنه احنه مصابك عل المله
ياعلي توديني عيني لكربله
نذكر امصاب المشت والعايله
تحدي بيها اجناب هيه القافله
من مشيت من مشيت..ياعلي ظل محملي
&&&
وبمصابك احنه انعزي الزجيه
ونرفع احنه هالتعازي للبقيه
شيعتك فد صوت نادت عالرزيه
تلعن الظلام وابناء الدعيه
بالسواد بالسواد..ياعلي انه وهلي
&&&
نعلن الظلام احنه بكل عصر
من ابن مرجانه ويزيد وشمر
ياعلي نحي مصابك بالعمر
واحنه من حسين اخذناه الصبر
من نصيح..من نصيح..ياعلي انته العلي
&&&
خادم اهل البيت
الحاج ابو علي السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يامصاب اليوم مثل امصابه.. تدري لام السيف حتى اكرابه
&&&
اليوم ابونه مطبر ودمه يسيل
والحسين اينوح وينوح الكفيل
اهتزت اركان السمه وصار العويل
وانكشف نور الشمس بصحابه
&&&
اليوم حزنانه السمه لفكد الولي
الشيعه كله بصوت تندب ياعلي
ريت النه الموت مولاي وهلي
ولانشوف الدم ترس محرابه
&&&
اليوم ابن ملجم عامل عملته
لحيدر الكرار طابر هامته
هذا يوم الكدر صار بشيعته
وانهدم سور المدينه وبابه
&&&
انهدم سور المدينه بغيبتك
ياعلي للموت احنه بصايتك
ننجمع وياك تحت اولايتك
واليضدكم نحسب احنه احسابه
&&&
اليضدك ياعلي ماله نجاة
من محمد انته يالبيك الصفاة
حاربيت الكفر واركان الطغاة
ورجس اميه وشعوذه وانصابه
&&&
أه منج كربله وارض النجف
غدرت اهل الكوفه بيكم يااسف
يوم لوعتو ولينه وانجتف
للكسر ظلع الزجيه اطلابه
&&&
انكسر ظلع الزجيه ياعلي
مانلوذ بغير كم نلكه ولي
الحياة اتهون كله والحلي
وريت انه انحسب من احبابه
&&&
اليوم جبرائيل ولنعشك حمل
يبجي اسرافيل والمدمع همل
من سمع صوت انكتل خير العمل
يوم ابن ملجم علن بارهابه
&&&
اليوم ابن ملجم طبر فحل الفحول
انهدم باب المدينه من الرسول
شنهو رايك يالموالي وشتكول
بين شرع الله وشرع هالغابه
&&&
ندري شرع الله اليوم المرسلين
همه داحي الباب والسبط الحسين
وندري اشرار الارض يزيد اللعين
يلعن الله والده وانسابه
&&&

خادم اهل البيت
الحاج ابو علي السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا علي ،،،،، ياعلي يكرار
يا علي ،،،،، انت سر الإسرار



اكبر وثيقه يا علي چانت بالاسلام
مايوم نزلت هامتك سجدت للاصنام
كتبت عليك اهل الشرك بسموم الاقلام
ما لگوا نقطه بسيرتك بس عزه واقدام

يا علي ،،،،، حيريت الافكار
يا علي ،،،،،، انت سر الأسرار



شگد حاربوك اعلى المنابر ما نفعهم
ما گدرت تغطي الشمس كثرة بدعهم
عدوانك الشك والشرك ضدك جمعهم
سيفك يقتال العرب حق وصرعهم

يا علي ،،،،، صولتك يفقار
يا علي ،،،،،، انت سر الأسرار


ما لك شبيه بهالبشر ما صح مثالك
يردوني اترك ملتك واترك جلالك
دورت ماكو بهالخلق يشبه خصالك
يردوني اترك جنتك واترك جمالك

يا علي ،،،،، ياعميد الاطهار
يا علي ،،،،،، انت سر الأسرار


حربك تظل حربي رغم انف النواصب
وابقى على دربك ياعلي للموت احارب
يردوني اترك هالدرب وامشي اعلى جانب
لو ما علي كل معضله منهو اليجاوب

يا علي ،،،،، باب علم الأنوار
يا علي ،،،،، انت سر الأسرار



انت الوصي انت الولي يا نور العيون
ماكو نبي بعد النبي بس انت هارون
قائدنا تبقى يا علي رغم اليضدون
لو ردنا مثلك يا علي وين اليشبهون

يا علي ،،،،،، انت نفس المختار
يا علي ،،،،،، انت سر الأسرار


يالحيرتهم بالمواقف والبطولات
ربك علي وانت علي يا كل الايات
مكتوبه بفراش النبي بس حيدر يبات
غيرت والله بموقفك كل الحسابات

يا علي ،،،،،، يارعب للكفار
يا علي ،،،،،، انت سر الأسرار



محمد دعبل النوري






الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بويه مو وكت الرحيل
دمعي بفراكك يسيل

العيد جاي اعلينه
تمشي وتخلينه
........................

العيد مصباحه حزن لمن يجيني
بويه انته العيد ساكن وسط عيني
مايهمني الفرح ياشمعت اسنيني
فرحتي انته وإلك زايد حنيني

بويه موحلوه الحياة
بعيني بعدك كلشي مات

بعد متحاجينه
تمشي وتخلينه
......................

من يمرني العيد عالخد تبقه ايدي
لذكرياتك احجي وي ادموعي زيدي
روحي اذتني وكلهه بالله هيدي
ماتفرحين بحياتج راح عيدي

راح ويطول الغياب
عيدي غطاه التراب

مااضن ناسينه
تمشي وتخلينه
...................

بويه اولادك بقو والدمعه تجري
الحسن بويه ايصيح موتك كسر ظهري
وريته لاطال الحسين ايكول عمري
وانه زينب ابد مايرحمني دهري

بويه مشتاكه الئديك
يالمعلمني عليك

ياهو احب جفينه
تمشي وتخلينه
......................

بويه شحمل من زماني يا اذيه
فركتك يابويه راوتني المنيه
وياك اعيشن وبفرد دار وسويه
ولون عن عينك غبت تسأل عليه

بكلبك الكله حنان
وياي تمشي بكل مكان

تحمل اتجافينه
تمشي وتخلينه
...................

على فراكك بويه ابد ماعودتني
انه زينب بويه ماصدك عفتني
مصيبة امي بكلبي والليله افجعتني
يالتسميني الحبيبه يتمتني

بويه محتاره اشاكول
علي راح ويه البتول

فركتك تاذينه
تمشي وتخلينه
....................

بويه محرابك اجي يمه واكله
راح ذاك الجان يسهر ليله كله
بذكر الله وبالدعا صوته شيمله
ومن صلاتة بعيني كل الدنيه تحله

وصارت الدنيه ضياع
بويه من حان الوداع

وبالغرب ضلينه
تمشي وتخلينه


الشاعر محمد هادي العقابي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يبو زينب رحت عني بده حزني وعله وني
دمع من دم اسيله. انا الحره العقيله
****
لمن رحت ياابالحسن. ظهري انكسر من روحتك
ظليت اعاين عالدرب. مامش خبر من رجعتك
يضهد غيابك ياعلي. اذتني بويه طبرتك
يالعايف اخلافك وطن. زينب يبوها رادتك
تجي ريتك ولاتسافر. تره غيابك كسر خاطر
رجعتك مستحيله. انا الحره العقيله
**
ظلمه بغيابك دنيتي. والدنيا مابيها ضوه
مختنگه يابويه علي. يخنكني ياروحي الهوه
من حرگتي ياابالحسن. والله احس گلبي انجوه
عايفني ياذخري شعجب من غيبتك حيلي الوه
وكع حيلي ايا حيلي. النظر يبقئ بسهر ليلي
بعد منهو اشتكيله انا الحره العقيله
**
نعشك يبو الحمله طلع وياه احس روحي إطلعت
مغمي عليه من الحزن. بس روحي وياك اشحجت
عيني تسولفلك فكد. مدمعها من دم وبجت
ياوالدي الفركه جمر. زينب زغيره وشيبت
تره غيابك حنئ احساسي. صبح ابيض تره راسي
حزن ماكو مثيله. انا الحره العقيله
**
ياقالع الباب ابفخر. وابجفك اترجع الشمس
ماريده باجر لايجي. رجعني يابويه لأمس
جرحك غميج ومااضن. بالكوه بويه يلمس
صوتي انجرح ياسلوتي. صارت سوالفنه همس
اثر جرحك ضهد زينب. علي بويه الگلب يلهب
الدمع ماكف مسيله. انا الحره العقيله
**
وي طيحتك كلشي اختلف. وضع السموات السبع
والدنيا ظلمه بلا ضوه. من دنيتي طفوا شمع
واحزاني بويه تكررت. والطبره شو نفس الظلع
ياديرتي بغربه عشت. صوت البواجي ينسمع
بجي وغربه وفكد غالي. اضن باجر دمع هالي
الضعن قرر رحيله. انا الحره العقيله
**
تمت ولله الحمد/ المقصر مع الحسين
. الشاعر علي النائلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

واعلياً واعلي
.......
صاح صوت من السمه
بي ملائك لا طمه
والاركان مهدمه
فاز حيدر بالدمه

واعلياً واعلي
.....
نزل جبريل الامين
من السمه بصوت اليقين
ناده يا يا مسلمين
قد هوى الركن الامين

واعلياً واعلي
....
واليتام بكل درب
نادة بصوت المحب
تدري بفراگك صعب
نار يابويه تشب

واعلياً واعلي
....
حتى محراب الصلاه
ينصب عليك العزاء
ومن مناراته البكاء
كل اذان وكل نداء

واعليناً واعلي
...
نادة الكعبه بحزن
ابنها الدامي تأن
هامه مطبور وتحن
والدمه غطه الچفن

واعليناً واعلي
...
والفجر لونه انكسر
اظلم محير النضر
والطيور عله الشجر
تدمع بصوت القدر

واعليناً واعلي
.....
بعدك وبعد الحسن
زينبك وي المحن
تبتدي تعيش الزمن
كربله سهامه رمن

واعليناً واعلي
.....
واليتيم بضربتك
اسمه عاله بغيبتك
الي جان بدولتك
ملك تاجه ضحكتك

واعلياً واعلي
.....
حيدر عيسى البديري




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

دعاء اليوم السّادس والعشرين من رمضان

اَللّهُمَّ اجْعَلْ سَعْيي فيهِ مَشْكُوراً، وَذَنْبي فيهِ مَغْفُوراً وَعَمَلي فيهِ مَقْبُولاً، وَعَيْبي فيهِ مَسْتُوراً، يا اَسْمَعَ السّامِعينَ.
من يقراء يضغط 👍

#عباس_التميمي

للشريعه جيتك اركض حافيه
والحرس حسباله زينب غافيه
للمشرعه امشي بلاشوف
يتراجف جدكي من الخوف
ويااخوتي فارگتني العافيه
******************************
بليل إجيتك خأيفه ونور السمه مابيها
زينب بنص وادم غرب تسألمن يدليها
ماأبچي يسمعني لحرس بسكته لدموع اجريا
إم الخدر بين الجثث هيچ اصبحت تاليها
من الحزن عباس دلالي نفطر
خأيفه يشوفوني اذا يطلع فجر
أعثر واطيح اعله سيوف
يتراجف جدمي من الخوف
وين طايح يبو حجايه الدافيه
******************************
بين الزلم تركض ركض التستحي من النسوان
الجانت گبل ماطالعه ويا الغرب بلميدان
إمتوني وخدودي زركَ من الضرب بيهن نيشان
ماتعرفوني يخوتي وجهي انصبغ بالدخان
ماتعرفوني هسه لوشفتوني
زركَ الخدود من السطر ومتوني
چفي وياجدمي مچتوف
يتراجف جدمي من الخوف
جروح متني من أمس ماشافيه
******************************
گبالي توگفلي ستر خاف الهوه يأذيني
شلون هسه لو شفت الشمر يسطر عيني
من امشي ماترضه گبل هسه اركض تخليني
أعثروأطيح اعله الوجه ماأشگف بچفيني
النلجم لواحطن إيديه اعله التراب
چفي وانه اطفي الخيم ياخوي ذاب
ذبيت عالنار چفوف
يتراجف جدمي من الخوف
******************************
عثرت جدامي بالدرب من دوريت السگاي
عالجربه صارت طيحتي شميت عطر الوفاي
مستحيه مني جربتك آنه ابچي وتبچي وياي
چنها تگلي المعذره ضربوني وطاح الماي
حاولينه شكثر نوصل للخيم
بيه وبعين الكفل طب السهم
جدامنه الجيش اصفوف
يتراجف جدمي من الخوف
******************************
إحتارت الروح بكربله باليقضه انه لو حلم
مطشر اعله المشرعه بطرف العبايه بيك الم
طيحتهن بنفس الوقت جودك وجفك والعلم
داست الخيل اعله الصدر چم ضلع منك منثلم
بدوس الخيول اعله الصدك شنشلع
والحوافر كاسرات جم ضلع
من جسمك شگد محذوف
يتراجف جدمي من الخوف
******************************
عينك براسك ماشفت وياالسهم ذبوها
ونور اليشع من گصتك بضرب الحجر طفوها
وجه لوجه بالمعركه رايتك ماصابوها
تلوي الشوارب يمنتك شردو ومالاگوها
غدروك گطعويمنتك ياعباس
رکضو علينه وخدر زينب ينداس
طب خيمتي الشمر يحوف
يتراجف جدمي من الخوف
******************************
الشاعر حيدر الشغانبي




الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747