لمولاتي ام العطاء مولاتنا ام البنين


ماماتت الخلفت زلم بالحومه
صولاتهم عد العرب معلومه
...
ماماتت الخلفت زلم واحدهم
ينعد بالف غير الله ابد ماعدهم
العباس اخوهم بالحرب قادهم
بس للحرايب هل الزلم مفطومه
...
سوالف الحگ تختلف عن الباطل
عدها زلم رداده كلمن عايل
ام البنين اشگد حجت لم فاضل
علميه وليدچ ويه لبس هدومه
...
ماماتت ولاظن تموت العلمت
اولاده بخدمت حسين اتهدلت
اموزره وظربت مثل للخدمت
مشكوره دنيه واخره ومخدومه
...
شيموت الورده وعطره الفواح
لساعه ظال بكثر مابيها جراح
من سمعت بذاك الخبر والبي صاح
طاح الگمر واليل عاف انجومه
...
گالتله خيطيح الگمر بشرني
يلفدوه ليه انروح انه وابني
حسين گلي شلونه لتعذبني
انخمش گلبي وروحي بي ملچومه
....
ام البنين ومن تعدهه النسوان
عباس ابنه وموش ياهوه الجان
من عده طالع چم صدر للديوان
ياهيه تنطي اربعة وما مندومه
....
ياريت عشرة مخلفه رادت هيه
وبلچن يظل حسين للعصريه
والفضل مگيود ويباري رقيه
والطگه حاشاها وتسيل ادمومه
....
اتمنت بگيد وفوگ تصعد ع النوگ
واتصير اولهن اذا طبو سوگ
اتصد الحجار بچف اديها المحروگ
من نار خيمت زينب المظلومه



................::::.................


الاقل شرفاً
كرار اللامي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا ابو فاظل نندب ابلهفه وحنين
يا ابو فاظل گوم شيع أم البنين
يا ابو فاظل يا ابو فاظل
------------------------------------------------
گوم شيعها يبن حامي الحميه
هايه امك ونته ليث الغاضريه
اتمنتك لوتحظر ابوكت المنيه
اتنادي يمه يالگمر ألحگ عليه
يا ابو فاظل ونته لايسره ويمين
يا ابو فاظل گوم شيع أم البنين
يا ابو فاظل. يا ابو فاظل
--------------؛-؛----------_-----------؛----------
ياابو فاظل شرد اگلك شحچي عنها
ماتت ابلوعه وفلا خلص حزنها
ادموعها ابكثر البچي حفرن جفنها
الوالده تتمنه لو يحضرها ابنها
يا ابو فاظل. ونته خير العارفين
يا ابو فاظل گوم شيع أم البنين
يا ابو فاظل. يا ابو فاظل
----------؛--------؛----------؛--------------------
اتمنت اتحضرونها كون اربعتكم
اتنادي يا عباس ياجعفر نختكم
عون ياعبد الله امكم فزعتكم
مادريتو اشصار بيها من بعدكم
يا ابو فاظل اتمنت اتشوف الحُسين
يا ابو فاظل گوم شيع أم البنين
يا ابو فاظل. يا ابو فاظل

يا ابو فاظل ريتك اتشاهد وضعها
لجل ابو اليمه اشكر. يذرف دمعها
مثل ضلع الطاهره محني ضلعها
وينكسر گلبه الذي تبچي وسمعها
يا ابو فاظل مابطل منها الونين
يا ابو فاظل گوم شيع أم البنين
يا ابو فاظل يا ابو فاظل
-------------------------------------------------
هايه أم وحگها لو تعتب عليكم
اتمنت اتشيلون مٔحملها ابئديكم
ورايده يم الگبر تسمع بچيكم
ومئتم اتنصبولها وادم تجيكم
يا ابو فاظل وانته ابو گلب الحنين
يا ابو فاظل گوم شيع أم البنين
يا ابو فاظل. يا ابو فاظل
---------_--------_----------------------------
خدام اهل البيت حسين هوير الاسدي ونسالكم الدعاء



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصائد_منبريه
#مجلس_وفاة_ام_البنين_ع


كل حياتي أعثر بشم الهوه
وامنياتي أبجي لحسين الضوه
ويبقه أظلم ناظري
حته أجبر خاطري
كل حياتي كل حياتي
........................................................
كل ضوه ابعيني ابوجوده هذا لحسين انتمائه
مو أليه ولا أملكه للسبط معلن ولائه
آنه أُم فكَدت نظرهه حين ما سالت دمائه
قبل ما توصل وفاتي روحي فاضت وي ضيائه
واعتقادي ابجيته ينعاد النظر
راح انادي ياحسين ابلا صور
أبجي والمدمع جِري
حته أجبر خاطري
كل حياتي كل حياتي
........................................................
أني اغبط كل بنيني اندفنو ابصف كَبره بالطف
جن سور آيات ربنه وصارو ابكربله مصحف
ترف يا كربله اترابج من الترافه حته أترف
ريت يمهم كَبري يصبح وبالحشر وياهم اصطَف
يم حياتي حسين كل معنى الحياة
لو مماتي يمه يامحله الممات
حزنه باقي جوهري
حته أجبر خاطري
كل حياتي كل حياتي
........................................................
كَبل ما تدنه منيتي وينكَظي عمر البواجي
ماردت بس وِلدي ،يحظر حسين ابو حلوه المحاجي
الهذا ناشدته ابعزيزت كَلبه مسلوبه التراجي
يحظر انفاسي الاخيره أرد اشمن عطره زاجي
واعتناني وي بنيني الاربعه
من اجاني جاب سبع المشرعه
عطره بانفاسي طري
حته أجبر خاطري
كل حياتي كل حياتي
........................................................
عمري جن نسمة اعذيبي ابعاصفة حزن المصايب
ما كَدر صافي ابوجوده خلص وي لون الترايب
شيبت من وكت وادري الشيب يلفي الكَلبه شايب
ايصح زغير ابعمره لكن يكبر الفاكَدله غايب
واليروحون ياخذون اترف عُمُر
من يبعدون تبعد اخيام الصبر
الهم يكَلي هاجري
حته أجبر خاطري
كل حياتي كل حياتي
........................................................
احلى شي جان ابمماتي من بعد موتي لقائي
بالحسين وأهله وامه فاطمه أغلى اصدقائي
هاي جمعتنه الردتهه ابدنيه جا شنهو بقائي
خلصت ايامي وسفرتي الشوفته كل اعتنائي
من وداعي وروحي صعدت للسمه
وي شراعي والبدايه الخاتمه
حزنه وي دمي سِري
حته أجبر خاطري
كل حياتي كل حياتي


ياسر العارضي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الدنيه غربه ومن رحت صارت سجن
الدنيه غربه وكَلبي كل لحضه يحن
اليضل بلا اهل يكثر عذابه
وانه يالهادي الجرح شيسدلي بابه
******************
لم حسرتك يا كَلب وبجي اعله حالي
الغالي يكبر جرحه لو فاركَله غالي
اشكَد صور مسحتها من بالي الليالي
وانته ضلت صورتك دوم اعله بالي

ذكرياتك ورد جوري من تمر
ذكرياتك سهرت عيني اشكثر
والهوه طاري العزيز الروحي جابه
وانه يالهادي الجرح شيسدلي بابه
**************
تدري اليسافر حبيبه يكره النوم
وانه جم يعكَوب بيه امتاني الهدوم
هلبت الهدهد يجيني وجايب علوم
انه ميت من كبل ما ميت اليوم

وين اشوفك غبشه وتبده نده
وين اشوفك عايش بروحي الصده
ليش محبوبي صحت طول غيابه
وانه يالهادي الجرح شيسدلي بابه
****************




مدري ليش امطر مشاعر لمن اشتاكَ
اتريد تذبح عاشكَ احجيله اعله الفراكَ
ياهو مثلك هيجي كَلبه اعله الكَبر طاكَ
مرني خل اشتم عبيرك صدري احس ضاكَ

يا حبيبي كَامت ادموعي تصب
يا حبيبي كون ادفنك بالكَلب
اشعجب مرسالي الك طول جوابه
وانه يالهادي الجرح شيسدلي بابه
*****************
كَمت اسولف بالدمع وتبده صفنات
وانتهينه وجانت بعيده المسافات
عادت الفاكَد غلاه يكَضيها حسرات
ومدري ذاك انته المتت مدري الهوه مات

هذا نعشك كَلي لو ذيج السمه
هذا نعشك اليمه تنحب فاطمه
والنجوم اتكدرت حيل المصابه
وانه يالهادي الجرح شيسدلي بابه
************









انته وجه العافيه بوجه المساكين
واليطلبك ما تعرف اتكَله بعدين
حته مرات اشتبه يا سلوة العين
مدري اكَلك يا بوفاضل مدري يحسين

ياهو مثلك جان خيمه لليفز
يا هو مثلك امشبع الفقره خبز
ويجرح المسكين بغيابك عتابه
وانه يالهادي الجرح شيسدلي بابه
****************
يا عمر هذا وكَضيته بحسره ونياح
والفكَدله اعزاز بس بموته يرتاح
شالو اتمنيت راسك فوكَ الرماح
ومثل صدر حسين صدرك بالسحكَ راح

كون عطشان ونايم بذيج الشمس
كون عطشان ومثل جدك تنرفس
ويه زينب ردت تكَعد بالخرابه
وانه يالهادي الجرح شيسدلي بابه
*******************
تمت
تحسين الخفاجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اعلن المهدي حداد          ورتده ثوب السواد

تلملمن  يالنايبات

علي الهادي الليله مات

&&&&&&&&&&&&&&&&&

المهدي ناصب جادر بفاتحته واكف

نزلت تعزي الملائك والمصاحف

وكام جبرائيل ينعه ابن الكلايف

علئ الهادي سولفو ذيج السوالف

صاح راح ابدي العزاء       وينهم اهل السماء

عالنبي صاح الصلات

علي الهادي الليله مات

&&&&&&&&&&&&&&&&&

استقبل المهدي بدمع امه الزجيه

وبحياتك  حاجته  يبني  البقيه

يمه يالمهدي  تكله  الزم اديه

من المصايب حيل مامش ظال بيه

بولدي يوميه انفجع       من اهد كسر الظلع

وحزني من اربع جهات

علي الهادي الليله مات

&&&&&&&&&&&&&&&&&

المهدي يقره المقتل وغارك بالهموم

بياذنب هاليله كال الهادي مسموم

دافن اعزاز شكثر وكليبي ملجوم

ليش من شمت عطرهم انه محروم

ياكبر اكعد ازور       مي ورد بيدي وبخور

عالكبر خلوني ابات

علي الهادي الليله مات

&&&&&&&&&&&&&&&&&

ياعلي الهادي ندب ون اعله كيفه

والله متحلف تره بااهل السقيفه

علي رغم اخشومكم اول خليفه

باجر انه الجايكم بيميني سيفه

باجر الدنيه تميل        والهوه عندي دخيل

انه ابن قاظي القضات

علي الهادي الليله مات

&&&&&&&&&&&&&&&&&

جاب اهل الطف ابو اليمه وصحابه

اجه يواسي الحجه وينوح المصابه

شبك عالعباس وخوانه النجابه

ومطرت عيونه دمع مثل السحابه

كله جاوين الجفوف       انه ماناسي الطفوف

اله اذل بيدي الفرات

علي الهادي الليله مات

&&&&&&&&&&&&&&&&&

درع ابو فاظل اجه فيت عله كدي

جايكم يهل الظلم لوعتو جبدي

انه وي ليل المصايب هذا حدي

علي الهادي المات هذا يصير جدي

انه ابن شبل الحسن        الليله محبوبي اندفن

دم بجيت بهالوفات

علي الهادي الليله مات

&&&&&&&&&&&&&&&&&

تمت

علاء الزيدي

 

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للهادي للهادي
_______________________

احزان روحي چلچن . واهموم بيّه حوّلن . والنفس مهمومه
للهادي وامصابه الكلف . رايات احزاني ترف . والهظم حل يومه
العود من عنده ذبل . لدواه ما مش كل أمل . مهجته مسمومه
املاك ونّت بالسمه . تبچي ومدامعها دمه . للهادي .. للهادي
_______________________

ابن الجواد ابن الرضه . مالوم گلبه من گضه . ذابلات الوانه
شيخ الاعاجم والعرب . كاس المنيه من شرب . اضلمت دنيانه
الدين مصيوب ابجرح . والشيعه ماشافت صبح . كل وكت حزنانه
مهمومه ضلت كل وكت . وماي المدمع دم يكت . للهادي . للهادي

_______________________

اعيونك المِن غمّضن . احزان ربعك ماگظن. ماعرفنه الراحه
عاشور يوميه يمر . وانفاسنه بيهن جمر . او لانفس مرتاحه
كل يوم طعنه بالگلب . من يوم عصرو الغرب . للنبي تفاحه
بالسيف مره ننذبح . ومرات بالسم ننجرح . للهادي . للهادي
_______________________

يالهادي لاكن ما نِمل . هالمدمع ايضل ايهمِل . كل صباح اعليكم
النوح ويّاكم حله . يا أحله حب انرتله . نعشگه الطاريكم
أوياكم انجدد عهد . أنموت او عشنه بعد . أحنه منكم ليكم
انتم بالعيون الضوه . كل عمري هذا او ما حوه . للهادي .. للهادي
_______________________

يالهادي بينه هالطبع . نعلگ الروح الك شمع من تمر ذكراكم
اگلوب بينه تحترگ . تطلع مواكبنه تدگ . تگصد المثواكم
تابوت رمزي نحمله اورادودنه ايرد أله بالنفس نفداكم
هاذي المواكب گاصده . اتواسي البتول الفاجده . للهادي للهادي
_______________________


هاذي المواكب والنعش . وياكم ابلايه دغش .من تجي بقرايه
زنجيل لو دگ الصدر . ماهو طمع لو للأجر . لا وحگ الرايه
من الله هيچ الكم نِحب . واعليكم انضل ننتحب . او ننحسب وفايه
دلالي بيكم منصدع . احزاني بيكم تنجمع . للهادي للهادي
_______________________

انواسي گلب أم الحسن . ولدموعنا انهِد الرسن نبتدي بالونّه
يالزهره الله ايصبرچ . بالهادي يجبر خاطرچ . وتهده بيچ الحَنّه
يوميه مفجوعه ابولد . لو بالسهم لو بالكبد . لو نحر يتحنه
الله ينطيچ الصبر . وبحزانچ ايعظم الاجر . للهادي . للهادي
_______________________


ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الحمد لله والشكر _ يالمجلسك من العمر
يالهادي اقره بالفرج _ للحجه كل صبح وعصر
//////////////////////
امل عندي بمجلسك وانه اعله بابه
يعني من ادعي دعوتي مستجابه
ياعلي المهدي تره طول غيابه
يبجي وحده والدمع ظيع شبابه

كل مغرب ادعي اله _ عايش غريب بلا هله
بسامره يكظيهه الصبح _ وبالليل يبجي بكربله
/////////////////////
اليوم نترجاك كل احنه عبيدك
بالفرج وي رفعت ادينه ترفع ايدك
حتى يظهر ياخذ بثارك حفيدك
توكفلنه الليله يالهادي نريدك

يومك مصيبه وفاجعه _ كل شيعي هلك مدمعه
ولي حزن لمصيبتك _ للمهدي من كلبه دعه
/////////////////////
حالنه يشابه جرح ذيج العليله
التانت املاكه ابوهه ليله ليله
مابقاله أن شاء الله ايام وقليله
احنه غير المهدي ماعدنه وسيله

خاطرنه بعده منكسر _ بينه جزه حد الصبر
بجاهك العند الله بعد _ ننتظره احر من الجمر
/////////////////////
دمه اعيونه يصبن امخلص الدمعات
تعمه كون اعيونه وعيونه سلامات
ضاك بينه الصبر بس نحسب علامات
والهوه نشتمه ضلينه ابمعانات

وين الوكت بيه استقر _ ذبلان من كد السهر
ومن غربته كامن دمه _ يصبن اعيون المنتظر
/////////////////////

شي اكيد الكبرك المهدي يمر بيك
سيدي بروح امك الزهره اوصيك
كله واحد سأل عنك ويسلم اعليك
بالدقايق والثواني كاعد امتانيك

ماشفته ولهسه بعد _ حظي ولا مره كعد
يالمهدي اكله كل يوم _ ماعوف خدمتكم ابد

علاء الزيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يابو صالح. تدري زينب. بالغرب ماتت قهر.
يابو صالح. دوم تبچي. . گلبك عليهه انكسر
،،،،،،،،،،،،،،،،،،،،،،،١
على زينب دوم تبچي وتجري عينك.
عمتك ماتت غريبة وضل ونينك.
عن بچينه تختلف تبچي بحنينك
عالغريبة تنوح وحدك من يعينك.

من خيمهه. بيك جمره. بعينك اتعيش الصور
يابو صالح دوم تبچي. وگلبك اعليهه انكسر
،،،،،،،،،،،،،،،،،،،،،،٢
ابد ماتنساهه باتت بالخرابة.
الشام غربة تموت ماعدهه گرابة.
عمتك يالمهدي نامت عالترابة.
وزينب الاسلام واركانه وحجابة.

على ناگة. . صعبه تمشي . ترحل ابلاية گمر.
يابو صالح . دوم تبچي. وگلبك اعليهه انكسر.
،،،،،،،،،،،،،،،،،،،،٣
ظلع فاطم كسرته الباب ونوايب.
وظهر زينب كسرته تدري المصايب
ظلع زينب كسرته اصياط الاجانب.
بالشمس تمشي وگمرهه عنهه غايب.

ابلا ية كافل . ليش ضلت. حال ماعدهه استقر.
يابو صالح. دوم تبچي . وگلبك اعليهه انكسر.
،،،،،،،،،،،،،،،،،،،٤
صعدت اعله التل تصيح الله اكبر.
اذنت يحسين ليش بغير منحر.
جابت وياهه رقية ونار تسعر.
ماكو ضلت عدهه خيمة وجرح يكبر.

للشريعة. مشت تشكي. شافت چفوف ونظر.
يابو صالح. دوم تبچي. وكلبك اعليهه انكسر
،،،،،،،،،،،،،،،،،،،،،،،،،،٥
راية العباس شالتهه الابية.
اتحجبت بالعلم راية الحيدرية
الك ظمت راية العباس هية.
يمته يالمهدي تهل يبن الزچية.

ثار زينب. مانسته. ظل جرح طول الدهر.
يابو صالح. دوم تبچي. وگلبك. اعليهه انكسر.
..........



حيدر موسى الرميثي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

السلام على غريبة الشام
زينب..
☆☆☆☆☆☆
ااشبيها روحي الليله شو مامستقره
امتوني من توجعني درب الشام اذكره
اشبيها روحي
...
الليله مدري شبيهه روحي
امنين اجيبلها الحنان
وهايه اول مره احس
ابخوف
بس وين الامان
آنه زينب يعني تسمع
ليه صرخه بكل مكان
ابكل درب تلكالي عثره
ومارحم بيه الزمان

خله ابجفوفي الحبل مثل المعاضد
وهذا نيشان السياط ابمتني كاعد
وين اخوتي الجانو ايسموني حضره
امتوني من توجعني درب الشام اذكره
اشبيها روحي
☆☆☆☆☆☆
الليله روحي اتريد اهلهه
ملّت الناس الغرب
ارد اشوف احسين لاكن
مو صريع أعله الترب
وآنه والعباس نكعد
كون نكعد عن قرب
ذوله اخوتي العلكتهم
ويه دكات الكلب
الله لاينطي الشمر منهم حرمني
من بلد للثاني عالناكه اخذني
والعمره يادنيه خلص عثره عثره
امتوني من توجعني درب الشام اذكره
اشبيها روحي
☆☆☆☆☆☆☆
الشوك اخذني للحبايب
وهسه يم احسين راح
مدري اعتب عالحوافر
مدري اعاتب بالرماح
راح اموت امن البواجي
والله فص اعيوني طاح
تعبن كلبي الليالي
ارد اموت واستراح

احسين لا هو الزارني ولا اني ازوره
ارد اغمض عيني بس كون بحضوره
ارد اشم كل ضلع من اضلوع صدره
امتوني من توجعني درب الشام اذكره
اشبيها روحي
☆☆☆☆☆☆☆
لبوفاضل ضل حناني
ياكل ابكلبي ويلح
ارد اشوفنه أعله طوله
ومااشوفه أعله الرمح
ياخذ الزينين مني
الموت هذا اشكد وكح
الله ماقاسملي بالطف
وي الاعزاز انذبح

مااجاني الموت من فاركت اخوتي
هسه المن جاي وشتاخذ يموتي
وآنه بالليله اموتن الف مره
امتوني من توجعني درب الشام اذكره
اشبيهاروحي
☆☆☆☆☆☆☆
اشعدها زينب يللي تسأل
ضاله بشام العذاب
ضاله الخاطر رقيه
النامت بهذا التراب
لازم ايصيرلنه شان
وترتفع النه القباب
اثنينه ونقضي الحوائج
آنه باب وهيه باب


هايه بت احسين ياناس الحبيبه
لازم اوياهه اضل كلش قريبه
حتى بيهه احسين اشم كل يوم عطره
امتوني من توجعني درب الشام اذكره
اشبيها روحي
☆☆☆☆☆☆☆
اجفوفي مشتاكه تلولي
المهد عبد الله الطفل
ولو من كثر المصايب
خضر بجفي الحبل
بالمخيم ياهو يدعي
كل دعائه ينقبل
العله التل يجريله دمعه
ايطفي ناري التشتعل

البالمجالس صاح زينب ياوحيده
ابوفاضل بالمحنه يترس ايده
والامام المهدي بالمجلس يشكره
امتوني من توجعني درب الشام اذكره
اشبيها روحي
☆☆☆☆▪▪▪☆☆☆☆

الشاعر محمد الجماسي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله في رثاء ام المصائب زينب عليها السلام

لتخاف لتخاف زينب سمعتك.
حلفها بحسين وطلب حاجتك
.............

ام الكرامات هاي ام الخدر
انخاها بالضيج توگفلك ستر
وفايه ام عون. لا ما تعتذر
اذكر حزنها بدروب اليسر

مولاتي انخاچ صيح بدمعتك
لتخاف لتخاف زينب سمعتك
...............

وگفتها وگفات زينب بت علي
اخبرها بالحال همك ينجلي
تقضي الحوائج شرفها العلي
اندبها تحميك كلما تبتلي

ويّاها بدموع سولف قصّتك
لتخاف لتخاف زينب سمعتك
...................

لو عنك ابعيد مرقدها وخفت
ما توصل هناك وبحالك حرت
اگصد للحسين احسب عوّضت
تلگاها ويّاك تنطيك شردت

وبحضرة حسين تبرد لهفتك
لتخاف لتخاف زينب سمعتك
.................

مشتاگه لحسين تحضر كربله
زينب تره هواي. عنده مدلله
عنها بنيابه دمعك اهمله
بس عدها موجود حل المشكله

يالزاير وطوف وعقد نيّتك
لتخاف لتخاف زينب سمعتك
.................

وتعنّه عباس سبع الگنطره
وانتَ بضريحه انخه الطاهره
زينب تره هناك لاشك حاضره
عالكافل تنوح بضعة حيدره

يم صاحب الجود اطلب طلبتك
لتخاف لتخاف زينب سمعتك
.................

بهاي المجاس موجوده وتون
من گيد لچفوف وسياط المتن
نذكرها ونصيح يا امّ الحزن
يوم القيامه انطينه الأمِن

ياخادم حسين ضامن جنّتك
لتخاف لتخاف زينب سمعتك
.................

ام الخدر هاي بت عقد الوله
عند الله الهه جاه ومنزله
من تنخه زينب العن حرمله
تتكفّلك دوم نِعِم الكافله

ما تبقه مهموم ترفع محنتك
لتخاف لتخاف زينب سمعتك

سيد زيد الفحام
_________________________
الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

السيدة زينب ع..3
""""""""""""""""""""""""""""""""""""""""""""""""
واحفظ بقايه من الصور..بيهن دمايه من النحر
ويّه المصيبة النازِلة
نزلت علايم كربله
"""""""""""""""""""""""""""""""""""""""""""""""""
من اكُفّن دمعتي بليل العزاء
يبجي ليل امصيبتي و يطلب بُكاء
بلحظة الموت انفتح جرح الوفاء
كَمت انوح بلا دموع ال كربلاء
غارت اعيون الدمع
رسمت ايد بلا صبع
و كفّه خصمك شايِله...1
"""""""""""""""""""""""""""""""""""""""""""""""
آنه مَيتة منِ النّهر ما يِنطي ماي
موتي بي صوت المناحر شفته جاي
و انه اموت من الجمر يخنكَ بِجاي
انحب بليل النعي و صافن هواي
منبر نصَبته منِ العَتَب
و النّاعي غصّات و تَعَب
طيف الوداع اتمَثّله...2
^^^^^^^^^^^^^^^^^^^^^^^^^^^^
عيني شبحت للدرب بلكن تجون
و ازرع بدرب الأمل شوف العيون
شكَد أماني بلا نِفَس تهوي الظنون
بيهه رحلة نايبة بصمت الشجون
منظر مناحر ترتجف
بمحمل مناياكم تِحِف
غيمة رحيل امجلجلة..3
^^^^^^^^^^^^^^^^^^^^^^^^^^^^^^^
روحي ماتت من زمن شاطي الفرات
من شفت راس الضوه براس القناة
من شفت سوط الخَنَا ايلوح الخوات
من شفت جمر الحزن يجوي البنات
مصدر عذابي من الجره
جمرة غياب امسعّرة
دمعة مصايب و البلَه...4
^^^^^^^^^^^^^^^^^^^^^^^^^^^^^
طافت اعلوم الأجل تلفي و تروح
وانه مكسورة جنح ما عندي روح
غمْضت العين و رجع نزف الجروح
نزلت الظلمة بنواظر كلهه نوح
ظلت رسومك بالنظر
جفهن على اجروف النهر
و تتراوه ناكَة امهَزّلة..5
^^^^^^^^^^^^^^^^^^^^^^^^^^^
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كل سنه انقيم المجالس والعزيه
وماكو احله امن الليالي الزينبيه
**************
انه حبيت المجالس والعشك بيه كبر
اليوم بمصاب العقيله ارد اواسي المنتظر
شهر واحد ما يكفي ارد اون مية شهر
ومن محرم ابد الطم لحد ما يخلص صفر

انه شيعي وللطم ناذرها اديه
وماكو احله امن الليالي الزينبيه
*************
زينب امن الفظ اسمها يلبس احجاب الستر
عالمه وعفتها جانت مريم اتحبها اشكثر
شما كبر سني يعالم والله ينطيني العمر
ما ابطل امن المجالس لحد ما خسفه الصدر

ربي ارزقني الجزع هاي المسيه
وماكو احله امن الليالي الزينبيه
*************
كلمه الخادم جبيره والوصلها ينحسد
وانه ما واصل بعدني حته مرتبت العبد
الله خالقني معزي وبيه ما ابذل جهد
ايكلي كواك الله حيدر بالمجالس من اشد

هايم بحب الولايه الحيدريه
وماكو احله امن الليالي الزينبيه
**************
واكف العباس شفته ويخفك بجفه العلم
وبثواب اخته يوزع علك ومراد وخيم
لابس اسود واعله زينب شيب وضل يبجي دم
فشله عيني افتحها يمه وهوه بعيونه السهم

ومن اكن والكافل ايسلم عليه
وماكو احله امن الليالي الزينبيه
*************
هذا عاشور العقيله ولازم اتحزم انه
اسنين اريد الطم عليها ما تكفيني سنه
انه روحي بالمجالس من زمان امسودنه
ومثل يوم العاشر انه اهدومي كلها امطينه

ذكرتني بكربله وذيج الرزيه
وماكو احله امن الليالي الزينبيه
************
الليله حيدر والزجيه طبو المجلس سوه
وابو فاضل جاب جوده والحسن صب اكهوه
زينب وكلمن خدمها ايصير اعز امن الهوه
هندس الوادم حجيها وهيه من تحجي ضوه

وغيره العباس بيها الهاشميه
وماكو احله امن الليالي الزينبيه
****************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ابكثر ما ناحت حزن:
كون كل شيعي يون:

ابكثر ماناحت دمع زينب لهلها:
كون اعليه المحب يبچي مثلها:
هاي زينب…… هاي زينب:
………………………
هيه زينب ياخلگ شافت مصايب:
فاگده بكل ديره احباب وگرايب:
تحني اظلوع وظهر شافة طلايب:
من تمر ابطفل يلگه عمره شايب:
الهن يشيب الرضيع:
كربله وصوب البقيع:
شافت انواع المصايب والهظم:
وشاهدة مكسور چم ظلع وعظم:
هاي زينب……… هاي زينب:
………………1……… .......
ننعه زينب والدمع يحرگ العين:
چن فريظه هل مصاب وهوه دين:
اي يقيــنن تشـفعنه اي يــقين:
شلون مانبچي لعزاها اخت الحسين:
نطبر الهام وصدر:
ولها نفديه العمر:
ياصحافت كـربله ومنهـا الدروس:
ويا ذكرهه يصحي ويطيب النفوس:
هاي زينب………….. هاي زينب:
……………2……….… .
شافت امصــاب الـظلع بمهه الزچيه:
وشاهدت چبـد وطشت الـهاشميه:
ولمت اچفوف اعله شاطي الغاطريه:
وشافت اتـروك ابظـلع اخـيول امـيه:
عده اطفال وحرم:
وعده محروگه خيم:
يـابشر يحـمل هظمهه ويـاشهم:
حرمه هيه وظيعت حزمت زلم:
هاي زينب………… هاي زينب:
…………3…………
حگنه من نبچي دمه وتهل العيون:
هاي خت عباس هاي الخلفت عون:
والي كلفهه الحسين اترد ربالظعون:
شلون ما نحي ذكره احنه اشلون:
هيه الجدهاالرسول:
وامها الزهرا البتول:
وبعد يكفيها فخر حيدر ابـوها:
السبت الشـام هيـه مــا سبوها:
هاي زينب………….. هاي زينب:
…………4……….
عگب اخوها بل ظـعن هيه التسير:
لامامسبيه زينب المشه بيها اسير:
الكون ينظر وين مانظرت يدير:
حگه من يمشي بأمرها ومن يحير:
النوگ الها تلتفت:
وين ماانوت تزت:
غير هيه البل ظعن عگب الكفلها:
وذلت اعروش الزلم يخسه اليذلها:
هاي زينب…………. هاي زينب:
…………5……….
الشاعر مجيد الصالحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كل هذا الكبر من ضيم اليسر
غيرني السبي وصياط الشمر
نادو زينب يا غريبه
***************
مستعجل اشبي عالدفن يهل الرحم دفاني
وامنيتي جانت لو متت تحضر دفنتي اخواني
تانيت عباس اشكثر بس للاسف ما جاني
ما يدري بخته امكبله وجيت اخوها اتاني

وجهي اشكد ذبل والمدمع همل
اتشيل اجنازتي ما عندي اهل
نادو زينب يا غريبه
***************
حانت منيتي وانتظر واحد يغمض عيوني
ويا ناس ما بين اخوتي ارتاح لو دفنوني
بالشام ما ريد اندفن اشكد جانو ايكرهوني
اشكد شامروني بالحجر اشكد بالحجي جرحوني

عرجه ناكتي وحيره حيرتي
فركني الدهر عن ذيج اخوتي
نادو زينب يا غريبه
**************

جم لحضه ضلت والزمن ينصب حداد اعليه
والرحمة الله تنتقل بت حيدر المسبيه
ياموت ليش اتاخرت حاجيني مالك جيه
كل عمري خلصته بجي ورتاح اريد اشويه

اهواي اتعذبت ازغيره وشيبت
ومن هذا العمر كلشي ما شفت
نادو زينب يا غريبه
****************
ليش امن الزمنه المتن يوجعني وياذيني
اتمنيت ابو فاضل يجي وبرقته ايداويني
ذاك السبي وعمر الحبل جان اكبر امن اسنيني
وي راس اخوي العل رمح اشكد سولفيت بعيني

ونضرات الغرب تحرك بالكلب
مو هينه تره لسوك امن اطب
نادو زينب يا غريبه
******************

وحشه الجنازه ابلا اهل جم واحد الكالاها
وضلت غريبه اجنازتي وما واحد الشالاها
اشمحلاها ولدي امنكبه ويمشون اخوتي اوياها
وحسين يم كبري يجي والفاتحه يقراها

يا خال الولد جا يمته ترد
لفني برايتك وحفرلي اللحد
نادو زينب يا غريبه
************
يا دنيه من كثر الحزن. والله نفطر دلالي
عباس اريدنه يجي. وبعيونه ينضر حالي
دفاني كاعد ينتضر. ودموع عيني اتلالي
قران يم كبري ردت. بصوته الحسن يقرالي

ما ضل بيه حيل. طول اه يليل
بلكي بموتي اشوف. عباس الكفيل
نادو زينب يا غريبه
**********
تمت
تحسين الخفاجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

السلام على جبل الصبر ام المصائب زينب عليها السلام


صحت مهلاً يموتي اشم ريحة اخوتي
گبل لا غمض العيون. اجوني ومايقصرون
اشم ريحة اخوتي اشم ريحة اخوتي
..............

بضعيف الصوت صحت ياموت ردت منك ثواني
شفت بالعين. اجوني ثنين. هلا بكلمن اجاني
لچن واحدهم بلا راس اشوفه
وصد للثاني جاي بلا چفوفه
صحت راسك يخويه حسين وينه
ليش بكربله راسك تعوفه

سألته ورد عليه يگلي يم رقيه
عفت راسي واجيتج افارك طفلتي شلون
............

شفت عباس. جريح الراس. سألته ودمعي يجري
دريت الصار؟ علية ودار صدك عباس تدري ؟
دريت عله الهزل بعدك رحت وين؟
دريت الصار بيه وبالنسواين.؟
دريت الشمر يحدي بدالك النوگ؟
يخويه وطبّت اختك للدواوين؟

بچه وجاوب سؤالي يزينب هذا حالي
لون بزنودي لچفوف. لخيالچ ما يشوفون
............

صحت يحسين ينور العين. تعال اگرب اليه
الگلب محتام. فگدتك عام. ولا تسأل عليه
اجيت وياهلا بجيتك يغالي
ولا مرّه غبت دوم عله بالي
اجيت بلايه راس ونحر مگطوع
انفجعت بحالك وماهمني حالي

اجيت بهذا وضعك تودعني واودعك
تراويني النحر جيت. وراويلك ألامتون
.............

اخوتي وياي. رضيت بهاي اموت الليله يمهم
يشيّعوني ويدفنوني. ويضل بيه عطرهم
يشيلون النعش حضرو اخوتي
بعد ما اهتم وخل يدنه موتي
اموت براحه ما بين الاحبهم
واذا اندبهم يسمعون صوتي

اجوني وشيّعوني اختهم ما نسوني
وفو ميتين عدلين احشّمهم يسمعون

سيد زيد الفحام
_______________________

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بحر طويل

،يهل زينب وحك زينب ساعات الاجل قربت
حجاب الله وستر عباس الليله بالكبر طبت
--------------------------------------------------------
يخواني العمر خلص شيبه شيبه من طفكم
وعله اليوجعني هواي ردت اگعد وخبركم
وريد افرشهه العبايه وثر فزعات اراوي الكم

اثر فزعه على النيران
وثر فزعه طلب خوان
وثر عطشه الوجهه انسان

من غاروو على زينب العبايه امن الخجل نگعت
-------------------------------------------------------
الخيالي يحلم ايشوفه صطر بيده وجهه قرأن
والجده كشف عورات اعليه اتمرجل ابميدان
اودولاب الزمن غرب شسوي للوكت لو خان

جانون الگلب جمره
يطگوني ونه الحره
ابوجهي جم اثر صطره

ثگل همي ثگل عباس عل العدوان من يجفت
----------------------------------------------------------
عطشت اخواني بالحومه. من هجمت علي عدوان
حرت احمي الگفه امن الصوط لو احمي كهف نسوان
وطبول السبي دگت. اوشيعوو بالحرم آذان

نار ال بالخيم تلهب
اصياط اعله المتن تلعب
صاحو جتفو زينب
ومن كدما علي هوسه صياط ال بالمتن شبجت
--------------------------------------------------------------
وگفونه بضهر عاشور وصگعات الشمس تجوي
ومناشغ نسه واطفال. من طگهم غدت تدوي
ومنجل صوط احسنه من بطفالي ضل يحوي


شمر وابصوته ضل يعله
طشرو كل حلم طفله
وحرام اصوط بس رفله
وضل ايهوس اعله امتون لو مرهه الهوه انجرحت
-----------------------------------------------------------
هجمت وادم اعلينه وحرت انطي الوجهه لا وين
وكلهه صاحت اعليه وحرت المن اوزع العين
وكابر وي الم روحي. وشاگف عن عيال حسين

عجيبه امن الزمن لو دار
العبد يتسيد الاحرار
دنيا وحملتني اكدار
عشر من همي لو ضاگت السمه جا جورت اوگعت
-----------------------------------------------------------------
مو بس السمه توگع يوگع كلشي لو يحجي
گومي للسبي زينب واعله الهزله گومي ابجي
اوحيلي من بعد لخوان اشلون ابناگه انه ارجي

ممحسبه تجيني ايام
مجتوفه وطب لشام
وتصير العيون اسهام
مجتوفه واشوف الناس كلهه للقصر ركضت
------------------------------------------
علي سليم الحسناوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

العقيله بهالمسيه
دنت منها المنيه
ءءءءءءءءءءءء
وافتها المنيه زينب الحره
شگد شافت مصايب من صدگمره
واجب بالمجالس نلطم ونقره
لبو فاضل عزانه عظم الله اجره

يبن حامي الحميه
دنت منها المنيه
ءءءءءءءءءءءءء
خلص كل عمرها وما خلص ونها
واليوم المنيه هل دنت منها
بحزن عاشت وماتت بالحزن چنها
رادت بس گمر عدنان يدفنها

يسبع الغاضريه
دنت منها المنيه
ءءءءءءءءءءءء
خطيه ام عون محد اجه يودعها
وافتها المنيه وسال مدمعها
تون وچن ابو النوماس يسمعها
تگله ماتجي لختك تشيعها

العقيله الهاشميه
دنت منها المنيه
ءءءءءءءءءءءءء
اعله درب الطف تباوع يالگمر وينك
طويله ادري المسافه البيني وبينك
بس لختك تعال بداعت حسينك
واذا عنك عذر مگوعه چفينك

اخذ من عندي اديه
دنت منها المنيه
ءءءءءءءءءءءءءء
منهد يوم التركتك عالنهر مرمي
اگل لايام عمري بالمشي اهتمي
ودنت مني المنيه وانته مو يمي
مكتوبه اموت بلوعتي وهمي

لون بالغاضريه
دنت منها المنيه
ءءءءءءءءءءءءءءءء
اتمنه واصيح بروح ملهوفه
بالطف كون ميته الشام ماشوفه
يم عباس بين الرايه وچفوفه
لو يم والدي الكرار بالكوفه

لچن ماصح بديه
دنت منها المنيه
ءءءءءءءءءءءءءءءءء

الشاعر مصطفى محمد المياحي
الثلاثاء /10/3/2020/



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لسان حال مولاتي فاطمة الزهراء عليها السلام
مع الامام الكاظم عليه السلام
@@@@@@@@
بظلوعي احسنك تون. متعنيه اجيتك للسجن
ماتكدر تكوم يوليدي مسموم
برسومك شسوه الحزن
********
يرتفع نوحك. حسره بجروحك
ليل ونهار الدمع ماكف مسيله
ليل بعتابك. ينحي ابابك
تنحب بنوحك عله بنيتي العقيله
يمه موسى. حرگه متروسه
وضيم والام وقهر ماصح مثيله
@@@
دمعاتي صبت عالوجه. يوليدي لاوين اتجه
وهوايه الهموم. يوليدي مسموم
برسومك شسوه الحزن
********
ليل ونهار. فكري محتار
إلمن انحب يامصيبه ويا رزيه
اجبود ونحور. ابالي ادور
وحرمه ذبحتي لان راحت سبيه
افكد اولادي. حزني مو عادي
من المدينه والبقيع الشام ويه الغاضريه
@@@
والصعبه زينب يالابي أذتني جي راحت سبي
هم عندك علوم. يوليدي مسموم
. برسومك شسوه الحزن
********
بيدك اثار. وعندي تذكار
سلسله ورض العضم بيدينك الدم
بگلبك النار. ليل ونهار
مثل نيران اللي شبت بالمخيم
وسجنك البيّدَه صحره وبعيده
طفل يرسملي بحياته من تيتم
@@@
الطاموره تشبه بالهزل. والسلسله نفس الحبل
وتسيل الادموم. يوليدي مسموم
برسومك شسوه الحزن
********
الكاضميه. الغاضريه
جسدن معنئ الظلام ابلايا ضوه
خنكه الاثنين. انته وحسين
بحزنك اتشابه اوليدي بنينوه
تلطم الراس. بهذا الاحساس
موقف ابالي اجه وطاح اللوه
@@@
تشبه للحسين بحزن. عطشان ياييمه ويون
وبوليت الكوم. يوليدي مسموم
برسومك شسوه الحزن
********
والبقيه. اشجم رزيه
علينه مكتوب الحزن والقتل عاده
الموت واحد. وربك الشاهد
يخلد ابنادم اذا نال الشهاده
نسوه ورجال. كبار وطفال
احنه نلناهن سوه بافظل قياده
@@@
والحمد لله والشكر. والعاقبه حُسن العمر
هذا اللي مقسوم. يوليدي مسموم
برسومك شسوه الحزن
********
تمت ولله الحمد/ المقصر مع الحسين
. علي النائلي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ويه اليــزورون
وديت العيـــون
هاي السنه رجليــــــه ما شالني
ابني الوحيد استشهد وما خذني
ويا اليزورون

---------------------

خطوه اعلى خطوه ويا الولد درب العقيده
للكاظم اتعنى وصحت بس هذا اريــــــــده
هذا ابني طالبته بدمع من الصميـــــــــــده
عاجر جنت لكن علـــــــــــــــي مدالي ايده
ما ردني حماي الحمى
حلفته گتله بفــــــاطمه
بعد السنين الباري من عوضني
ابني الوحيد استشهد وما خذني
ويه اليزورون



لمن زلم راد الوطن بس هوه عنـــــــــــــدي
شلون ارضى ينمس مرقدك خل ابقى وحدي
زفيته بدموعي ومشى وگلالـــــــــــي ردي
يمه انا عباس الشهم سواني جنـــــــــــدي
اخذ تحيه بحضرته
انا الفدائي بخدمته
هو الكفيل القائد العلمــــــــــني
ابني الوحيد استشهد وما خذني
ويه اليزورون




راح ويرد لو منتصر لو دمه جـــــــاري
راح وصبح اظلم علي عمري ونهـــاري
نار المخيم بالگلب تشبها نــــــــــــــاري
شو چنه ما يرجع الي شو گلــــبي داري
رد وعلم فوگ النعش
مثل اليموتلها اثنعش
ترضاهه يمه تموت وتعذبــــني
ابني الوحيد استشهد وما خذني
ويه اليزورون




وصلت زيارت مرقدك محتاره انه شلـــون
يثگل علي هدمي وصعب متشيله المتــون
ما بيه حيل اعلى المشي ومتشوف العيون
بارض النجف حيلي اندفن ويا اليموتـــون
مكسوره بس راسي ارتفع
أبني التقدم مـــــــــــا رجع
فوگ النجوم بروحه من وصلني
ابني الوحيد استشهد وما خـــذني
ويه اليزورون




يتعنى من گبره ويجي بوكت الزيــــارة
ابني المواكب ربته وحاسبـــــــهه داره
ما فاته مجلس للطم ما تطفى نـــــــاره
خادم حسين وهالسبب هوه انتصــاره
حالف وحگ ذيچ العبي
ما يوصل الهن اجنـــبي
وفى بكلامه الزين من واعـدني
ابني الوحيد استشهد وما خذني
ويه اليزورون



هاي السنه وي صورتك راح امشي يمه
واخذ قميصك يلولد كلســــــــــــاع اشمه
متحني بالدم وشرط بالحضـــــــره اضمه
وابچي اعلى شباچ الولي رايــحلي زلمه

راح انحرم من الهوى
هسه الرمل منه ارتوه
وصاني ازورك خادمك حلفـــني
ابني الوحيد استشهد وما خذني
ويه اليزورون

كلمات/ رعــــد الفريجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

كثرت امراض الزمان وصحنه يالمهدي الامان
نظره من عندك دواء عنه تبعد كل وباء
*********
الدنيه ضاكت بينه يالمهدي الفرج
هالمرض ماخله عد ناسك مهج
العالم بهذا الوباء بأسره ضج
يمته نسمع منقذ العالم خرج

ندري مو غايب قريب الكل مرض انته الطبيب
ترفع ايدك للسماء عنه تبعد هالوباء
*****
خايفه الناس وتدور عالامان
يلي گلبك شايل النه شكد حنان
غيرك شعدنه وسيله بهل زمان
يا ابو صالح انته وين بيا مكان

فدوه دلينه عليك أنأمن انريد بأديك
بكربله كون اللقاء وعنه تبعد هالوباء
*،******
غير حيدر حاضر الشده نصيح
شلون نعقلها علي بشده يطيح
زحمه من عنده تعقمون الضريح
وعلي هو الدوه الكل داء وجريح

بحضرته عرش الله طاف شلون تدخلها وتخاف
صحنه متروس انبياء عنه تبعد هالوباء
****
خوفي من هاي المجالس ننحرم
ايصير اذا عفناها كلشي بلا طعم
شلون نتخيل حياة بلا لطم
احنه اذا ماكو مجالس ننهضم

ماكو عالمجلس سكوت بلا لطم صدري يموت
انموت اذا ماكو عزاء عنه تبعد هالوباء
*****
خايف ايسدون كل الاضرحه
حسين زوار التجيه اتفرحه
حضرته تظل خاليه جن تذبحه
وحيل گلب المهدي رايح تجرحه

حسين كلمن ما يجيه ايعاتبه ويزعل عليه
حسين للحاير غطاء عنه تبعد هالوباء
**
خايف تعزل المواكب هايه
وبعد محد يخدم المشايه
يجي زاير بيده شايل رايه
محد ايكله تعال ويايه

ماكو مشايه تسير الدرب وحشه يصير
ياهو يمشي الكربلاء عنه يبعد هالوباء
****
تمت
ميثم العمري



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747