بحق قاضية الحاجات ام البنين //ع



بيت الاحزان صار دليلي * بفگدالاحباب يوم رحيلي
ميتــه مــن ذاك العذاب * بـس جسد فوگ التـراب

-------------------------------------------

كلشي مدفون بحياتي ومظلم بعيني الوجـــود
ادعي يوميه: بصلاتي روحي تطلع مـــا تعود
ودعت عمري وبنيني والصبر جازي الحدود
باچر يردون اكولن عايشه بهاي الـــوعـــود

بذاك الفراگ چان مماتي * خلصت هناك ذيچ حياتي

مو عمر هذا سراب

-----------------------------------------------

انحسب عدله عليمن المثلي متوسده القبـور
اقره قرءان بثوابي بالغــــرب واشعل بخــور
الميت تـــزوره الحبــايب انتظر واحد يـــــزور
انــي منسيه بجروحــي وعيني للراحـو تدور

اليرتحل عاد ناس تشيله * تهمل دموع عين خليله

واني وحدي بهالمصاب

--------------------------------------------

الحافره بخده المدامع ودافن امال الحيـــات
الوادم يحسبونه عايش وهو يشعر بالممات
اليحسب أيـام وليالـي وبالحزن غافــي يبات
يندفن يوميــه دفنــه مـــن يعيد الذكريــــات

انتظر طيف بي يجوني * سلوة الروح نور عيوني

الحلم هم عني غاب

-----------------------------------

والده وغابوا بنينــــي وانتظر يمتــه يجـــون
بس يدفنوني ردتهم ونعشي ولدي أيشيعــون
وزينب التلطم عليه بصرخه وبصوت الحنون
للگبر انــزل بديهــــم وهمـــه الي يترحمــون

نعشي ينشال ريت بديهم * ها يرجواي عود عليهم

التدعي ام اربع شباب

-------------------------------------------

ساهره بسلوه المدامع يخلص الليل بحنيـــن
ثكله ضليت بغربتي وضيعت اربـــع بنيـــــن
مأتمي دايم نصبته وكلبي مجروح وحزيـــن
ذكرى تاخذني لبنيني وذكرى ترجع للحسين

اذكر حسين حيل احيرن * جوه التراب كون اصيرن

الموتي گمت احسب حسّاب

-------------------------------------

المثلي شيّبهــه زمنهــه باللحد افضل تصيــر
راحوا اولادي الغوالي وادري مجهول المصير
عيني مجروحه بدموعي وروحي چواهه السعير
صبـــــري محدود الأملكه والجــرح كلش چبيـــر

احسب ايام طال بُعدهم * ربي دعواي هاي تردهم

عندي ضل اخر جواب

-----------------------

✍ خـــادم الـحـسـيـن ع
الشاعر رعد الچريخي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جرحي مو مثل الجروح امشي كمت ابلايه روح
عيوني يمته بالجفن تتغطه وتنام
كمت احن للذكريات وذيج الايام
************
سافرو عني الحبايب والمصايب كبرتني
اشلون نعش العاشرتني راح اشيلنه اعله متني

من كبرج لحد الباب اموت وتعدل الذكره
كلشي ينسي يا ناس بس ما تنسي العشره

جنه بس احنه الثنين هيه دمعه وانه عين
مدري شبسرعه اختفت عن عيني الاحلام
كمت احن للذكريات وذيج الايام
**************
راحت الزهره امن اديه وراحت اوياها المحنه
ومن يدك الباب سائل نركض اعله الباب جنه

من كد ما نحب الخير نتسابك عله المسكين
اليتيم الجان رايد ثوب بثوبه اتصدقاله حسين

جنه نكعد عالحصير وناكل الخبز الشعير
بجفنه نطحن بالرحه ونطعم بالايتام
كمت احن للذكريات وذيج الايام
***********



احفر بكبر الزجيه ويرتفع كل ساع نوحي
مدري اقره الفاتحه الها مدري اقراها اعله روحي

دخيل الله العمر متعوب عكب الزهره ماريده
اول مره بالتربان علي يدفن علي بيده

كمت اشمن بالتراب ودنيتي صارت عذاب
عفيه روح اشكد صحت تتحمل آلام
كمت احن للذكريات وذيج الايام
************
كلبي ملجوم بهجرها وياهو الي حس بلجمته
تره الماتت مو الزهره هاي روحي اليمها ميته

جنت لمن ارد للبيت الهله اتخضر شجر بيها
وبس الزهره تستاهل يناس الزهره اسميها

الزهره من حبها الي الجنه سمتها علي
صحت الينوح الحبيبه ليش ينلام
كمت احن للذكريات وذيج الايام
**************

زينب ايهد حيلي كلش كل سؤال امن اسألتها
علي بويه بداعت امي كلي وين امي خذتها

عافتنه وبعدنه ازغار بويه وظلمه حجرتها
وبالدار الحسن وحسين يبجون اعله فركتها

اثر بكلبي الحجي ازغيره زينب عالبجي
الها ما تدري الزمن من نايبه اشظام
كمت احن للذكريات وذيج الايام
*********
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الصدّيقة الشهيدة فاطمة الزهراء ع
**********************
أقِمها.. أدِمها..مجالس فاطمة
فمنها..و عنها..تزولُ الحاطِمة
فمنها تخمَدُ النارا
أمامٌ يأخذُ الثارا
***********************
ايّها السالِك نهجاً فيهِ نور
أبك للزهراء دمعاً من حضور
و اكتبِ الأشعارَ حزناً في سطور
فاليومَ بابٌ من لظى ثمّ النحور
بِشكوى..و نَجوى..معانٍ من بُكاء
تعاني..أماني..و صوتٌ من عزاء
عزاءٌ بالنّوى احتارا....١
**************************
هذهِ الزهراء ماتت هل تُريد
تنظرُ الأحزان فيها بَل مَزيد
تحتوي جُرحَ الأسى كيما تُعيد
بين باب الضلعِ مأساةُ الوريد
تقولُ..البتولُ..دموعٌ و ارتعاب
رمادٌ..مِهادٌ..و نارٌ أو تُراب
و نهرُ النورِ اذ غارا...٢
****************************
تشتكي الزهراءُ صبراً لا يُطاق
حيثُ أطفالٌ لها ترجوا العِناق
زينب حيرى تُنادي باشتياق
فهُنا بابٌ و نهرٌ في العراق
مَداها..صداها..حيارى نادِبات
تراها..سواها..بصمتٍ أو شَتات
و نَوحٌ نالَ مِسمارا....٣
****************************
بُكاءُ الضلعِ صمتٌ أو أنين
ترتوي من دمعِها عطشى السنين
حيث تبكي من رحيل الراحلين
او منايا قد حَوَت رأسَ الحُسين
منايا..حَنايا..تراها مُقبِلة
ضحايا..بقايا..رسومُ القافلة
و قيدُ الأسرِ أسوارا...٤
*************************
كسروا باباً لها وحيٌ أتاه
كانَ جبريلٌ لها يَدوي نِداه
حيثُ جمرٌ و ارتدى منه لظاه
زينبٌ تبكي لها و الصوتُ آه
خيامي..أَمامي..يتامى بالطفوف
مرامي.. إِمامي..و نهرٌ أو كفوف
زمانُ الغدرِ قد جارا.....٥
&&&&&&&&&&&&&&&&&&&&&&
سيد حيدر العوادي
بابل الشوملي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

جــوه أتــراب أمي ودمها يــــبات يــمي
نام وجــــرحه طاب هــــنــــــياله التراب
بالــــزهره هـــنياله
-----------------------------------------
1= يالماخـــذه وياج الـنفس - يبست أيامــــي واليبس - مكطــــوع مايه
يالشبكــتج فـــزعـت نهر - زينب عـــــداج بلا مطر - لهفــت ضــمايه
مدري شيدور بصفـــنتي - محــــــد يسامر وحشتي - بس الـــــرزايه
من طحتي طاحت دمعتي - للـــــــباب أنه وأخـوتي - صرنه ضـــحايه
-----------------------------------------------------------------
جــن ليــل المــقــابر هـــيج البيــــــت صايـر
شموع وبالضــباب هـــــــــــــــنياله التراب
بالزهــره هــــنياله
***********************************************
2= كل شمعه لا بد تـنطفي - لــمن ضواهــا يخــــتـــفي - بعــدج طـفـينه
بيبانه ماتــلـــزم هوه - يابيتــــنه الــــمابي ضوه – ضلمه صفــينه
يمه العـزيز أمعـــــــزته - تكــــــبر بساعــة فركته - بس شـــــبدينه
شيـنام الفـــراشه حزن - لو شايـفه حســـين وحسن - كلمــــن ونينه
------------------------------------------------------------------
ماتــــو مــــن بجــيهم وأمهـــم ماتجــــــيهم
خلالي العــــــــــــذاب هنـــــــــــــياله التراب
بالزهـــره هـــــنياله
3= يوميــن فاتـن جن سنه - أثــــكال وأخوتي أمحـــنه - صارو يتامه
بعيوني مدري شيحترك - ما أدري دمعه لـو عـشك - ماكو علامه
حال الجـنازه الودعـت - وعيت روحي وماوعـت - جانت حـمامه
بجفوفج وعـشها أحترك - يالرحتي وجفــونج زرك - أه يالضـلامه
-----------------------------------------------------------------
أبــونه نكسر ضهره ودمعة عــــينه حمره
مثل الشمــــــعه ذاب هـــــــــــنياله التراب
بالزهره هـــــــــنياله
************************************************
4= شخـــبار طولك باللحد - يافاطــــمه شجاسج بـرد - بـــردانه يمه
ماميـــته لاكـــني متت - والله أعلــــمـودج دنــكت - مابـيها زحمه
دمعاتي عالخد هوست - حسيت روحي أتفرهــدت - وبلـيله ضلمه
حزنج طلابه وماتفض - بالطف وراها شكد ركض - وعيون تــــعمه
-------------------------------------------------------------------
طــفي أشــتم حسرته متـــوجـــــره جمرته
بي مــــوت الشباب هـــــــــــنياله التراب
بالزهره هــــنياله




5= شيصبر الزلمه الشهم - من تـنسطر مرته أفــتهم - معــناها موته
ميت أبونه لــــو عـدل - نار بمصابـــج مشــتعل - مبحـوح صوته
ياكـبر جرح العـــشكته - يبجي ونشــمها حسرته - فايــــــته فوته
بجروحه لمن يختـلي - حسبالـــنه ميت عـــلي - بالعــــته حوته
-------------------------------------------------------------------
علي ونسمع نحيبه عايــــش للمــصيــــبه
بعيونه عـــــــــتاب هـــــــــــــنياله التراب
بالزهره هـــــــــنياله
*****************************

الخادم عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ضلع واحد ماكدر حيدر يشوف
حين ماتت فاطمة وحل الحتوف
بيوم غسل فاطمه ظلمت بعينة السمه
اشلون حالة لون شاف أضلوع الحسين.
****************
ضلع واحد ياعلي وهيج احزنت
بيوم ماتت فاطمة انت أو غسلت
ماحملت الموقف أنت أتألمت
اشلون لو بعيونك حسينك شفت
ضال جثة امدده وداسته خيول العده
وأهل بيته وصحبته كلهم مطاعين
*****************
ياعلي صح هزك مصاب البتول
وماكو أعز بالكون من بنت الرسول
حسين ياكرار داسته الخيول
ضلوعة جن ميدان والعسكر يجول
صيف وبحر الشمس وهو مكطوع النفس
وحدة لا ناصر ألة ولاضل ألة معين
********************
ياعلي بيدك دفنت أم الحسن
ايعينه الله البيدة احبابة دفن
لجن ياحيدر حسين بلا جفن
وما ألة نغار تدري ابهالوطن
وحدة محد غسله كتلو أنصاره وهله
وراسة فوك الرمح بيدين الملاعين
**********************
ياعلي امصابك بفاطم موسهل
أو ندري بفراك العزيز أشكد يذل
حسين يابو حسين ضل بلا أهل
أو حاوطته الكوم بسهام أو نبل
والجرح فوك الجرج كلبة مصيوب برمح
وجبدة بمثلث يويلي انجسم نصين
***********************
ياعلي معذور من تذرف دمع
انت داحي البوب بابك يندفع
لجن ريتك حاضر بذاك الوضع
لو تشوف حسين كلبك ينصدع
شلون نايم عالترب وأبد ماضاك العذب
وعيلته راحو سبايا أوية المجرمين
************************
ياعلي أو راحن بناتك للسبي
من بعد عباس وحسين الأبي
والله هظمة ايصير حادي الأجنبي
ريت يا كرار عينك تسطبي
اشلون جروهة الحريم ويضرب بسوطة اللئيم
الكلفة نسوانك يطبن للدواوين
****************
كلمات الشاعر والرادود عدي البصراوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا ام البنين


دگ باب العطاء ينطيك المـــراد
هـــاي ام البنين مـتـرجـع العباد

كــــريـــمـــه وبالحوائج هيه معروفه
اليمدهن مــــا يرجعن تترس اچفوفه

*--------------------*-------------------*

دگ بــاب التسولف كلهه بفضاله
بــــاب الما يــــرجــــع من تعناله
اذا صعبه الحوائج تسهل ابجاله
ابد ميرد بــشـــر ودموعه هماله

بس تطلب يصير مــــاعنده اعتذار
بـاب اشكد سريع لاغـي الانــتــظار

ترعاه العفيفه جـــرّبــــه وشـــوفــــه

*-------------------*------------------*

على اعتابه الثكيله المعضله ايحلهه
عـلــى اليقصد فقط حاجاته يسألهه
بفـــضل جوده الكريم الباري فضلهه
ام عــــبــاس والباب اليعود الـــهـــه

مــد چــفــك تعال واطلبهه اشـتريـد
ادري ام البــنــيــن متعوفك وحــيــد

اليجيهه ابدمعته حــــزنـــان متعوفه

*-------------------*------------------*

خــيـر الله وعطائه والكرم عدهه
اليمد ايده الكرمهه بحاجته اترده
مــلاذ بكل عسر وبنايبه اگصدهه
اه يحسين يـــمــهه الكلمه رددهه

يمهه اجري الدموع للغالي الحــــسيــن
اخــذ أشــمـــا تريد مــا تــرجــع حزين

وحــــقـــك مـــا تـــرد بدمعه مذروفه

*-------------------*------------------*

كرامـه و منزله رب العُلى انطاهه
بس انخاهه مره وشوف نخواهه
اذا عندك طلب جــــرب عطاياهه
گبل لتگول يمهه الحاجــه تلگاهه

روح بـــكـــل يقين لتــــصـــدك تخيب
وگلهه شكد بجيت لحــسيـــن الحبيب

معروفه بكرمهه الفايض اجـــروفــــه

*-------------------*------------------*

عنوان الـــوفـــه كــلـــه انجمع بيهه
اصيله وبت اصول الحاجه تگضيهه
بــــس أقــره الحمد للطيبه وهديهه
اشتريد ايصير نيتك مــــن تصفيهه

خـــل ظنّك وثيق بالطيبه وتـــعـــال
من عدهه اشتريد تــــــــدلـــــل دلال

اليذكرهه العقيله الطــــبــــت الكوفه

*-------------------*------------------*

حلفهه بخدر زينب وابــــو الغــيره
وحشاهه ام البنين اترجعك بحيره
بــــاب الله الــــوسيع وشلّك بغيره
تعال إلهه ابيقينك والوجــه ديـــره

لا تبعـد بــعــيــد وتعوف الرجـــاء
باب الحاجه هاذ مفتاحه الدعـــاء

والخايف تــأمــــنــــه وتعرف بخوفه

*-------------------*------------------*

✍ بقلم خادم الحسين ع
الشاعر رعد الجريخي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بربع كواكب ضحيت // واشعر ابد ما وفيت
يا فاطمه يا فاطمه
***********
خدامه جنت ابمنزلج لا مو شريجه ومرت ابو
وانجان انه قصرت اطلب يمولاتي العفو
لحسين والله بكربله ربيت اخو بس من اخو
ضل اسمه كل ما ينذكر بت حيدر اتصيح وكفو

فدوه الضياغم ناديت // واشعر ابد ما وفيت
يا فاطمه يا فاطمه
******************
انه الوفيه الصابره واعله الشيم متعلمه
وحته اسمي بدله يا علي كَتله احترام الفاطمه
جم نورس بروحي انذبح وجم نجمه حزنت بالسمه
ويا نسمة حسين البقت مخنوكَه بشفاف الضمه

اعله اوليدج اشكَد ونيت // واشعر ابد ما وفيت
يا فاطمه يا فاطمه
********************
اتمنيتهم موش اربعه عشره بكثرهم خلفت
الما كاشخ براسه الرمح مو ابني من عدكم صحت
كلمن فطمته بيا علي وبحسين اغطيهم جنت
ويوفوني راح بكربله ولدي النشامه اتوقعت

اعلوكَ بزندهم شديت // واشعر ابد ما وفيت
يا فاطمه يا فاطمه
***************


عباس لو ما بي نهر ما سلمه حسين العلم
ايغيم هله ويمطر وفه ويخضر الزينب خيم
اويالموت فوكَ المشرعه حته بمواعيده التزم
عباس من كَد ما كلف ضل يشبكَ بعينه السهم

بوليدي حيل اتباهيت // واشعر ابد ما وفيت
يا فاطمه يا فاطمه
*****************
انه الحلف بيه الوفه وكلها اتعرفني معتبره
ويا فاطمه انه امعدله وما وصلت الضفري مره
ام البنين وطيبتي ما فاركَت ضلي تره
ويم بيتي من كَد الشرف ضل البخت يلزم سره

اشكَد للغريب اشتاكَيت // واشعر ابد ما وفيت
يا فاطمه يا فاطمه
****************
بشر ابن حذلم من رجع ينعه الحبايب من بعد
ناداني يم الاربعه ولدج بعد لا ما ترد
كتله الولد مو مشكله وحسين اعز امن الولد
ناداني راح الي كَبل يدفه برموشه البرد

وانه ودمعتي اتبديت // واشعر ابد ما وفيت
يا فاطمه يا فاطمه
*******************
تمت
تحسين الخفاجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

.
السلام على فاطمه

عمرها اثمنطعش ورده… وكصر
وغصنها مو عطر نده…. انكسر
الورد كلش ترف خده… انسطر
واويلاه يافاطمه… واويلاه
///

مو بستان يم الباب.. ومو ريحة ورد عطاب
والنار اعله بابج
الورد يتحجب بعطره.. وانتو بخدج السطره…
ودخان بحجابج
توه اثمنطعش عمرج… وطلع منتظره شو كبرج…
ويعجل غيابج
الكبر يختار بس الزين… واجته اليوم ام حسين
وتعطر ترابج
الكبر طم الورد وسفه…وحرم…
حيل سنينها الترفه… ابالم
ونامت عينها وتغفه… وهدم

واويلاه يافاطمه… واويلاه
//////////

ابين الباب والبسمار… انعصرت بضعة المختار..
وماراعوا وضعها
صحابه الهجموا اعليها ..ابوصيه انجتف واليها…
جا منهو الدفعها
بابج من جسر يدفع… حيدر يرضه مانقنع…
لو ينظر دمعها
وصاه طه ومجتف… بوصيه وعلي هو اعرف..
من كسروا ضلعها
بقه يون حيدر وينعه… وصبر
ونينه العالم يسمعه… وجهر
وابد لامانشف دمعه… انهمر…

واويلاه يافاطمه… واويلاه…
///////

النفس عد النبي انتي… اوام الوالدج صرتي…
يا ام الابيها
حنينه ام الحسن ترفه.... انكسر منها الضلع وسفه..
من هجموا عليها
نار الباب جوتها… تون وبلوعه خلتها…
ومن صاحت وليها…
الحك ياعلي صاحت… ريحة نار مو فاحت…
ياحيدر تجيها
عله بابي انجمع حيدر… حطب
وبضلعي الجمر يسعر… لهب
يمي الموت جن يحظر… كرب

واويلاه يافاطمه… واويلاه
////////////

اليوم البيت صار اظلم… وبيه هم وحزن ملتم…
يل ماكو اغله منها
بعد مو وكت هل غيبه… منين المثلج انجيبه.
ويعوضنه عنها
ندور الكون مانلكه… يم الهله والملكه..
وانتي الرحمه جنها
انحرمنه من حنان امنه… وسابع جار يسمعنه
ويون اعله ونها
بيتج سولف ويحجي… وطلب
وعليهم يندعي ويشجي.. بعتب
ودعائه بعبرته ويبجي… ونحب
واويلاه يافاطمه… .واويلاه
///////////
بقه بس طيف يالزهره… تارس بيتنه عطره…
هم تارس خيالي
التسولف زينب وياها… تون تبقه اعله ملكاها…
بعدج هذا حالي
اليفارك عايش بحركه… وعليه تصعب الفركه…
وهموم الليالي
يطول الليل بالحسره… وبفراشه يحس جمره
الي يودع غوالي
يضل بالنوح والحسره… وحزن
ويكضي بالدمع عمره ..ويون
الضلع مرسوم وبكسره.. بجفن
واويلاه يافاطمه… واويلاه
////////////


نسالكم الدعاء
احمد الطيب الحلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#جديد_ميمر
#لأم_البنين_عليها_السلام

لم الوفه هِل ادموع بصحن الگمر مولانه
*******************************
بثوب الحزن روح أعتني عزيله
بوسط الصحن أنصب عزه ونعيله
شمعة حياته ماتت بهالليله

كل الفلك لُمه ينوح حتى السمه حزنانه
******************************
لمن تجي مصيبتها للمظلومه
نبجي دمه الها لئن مهظومه
نقيم المآتم عالگظت محرومه

لآخر نفس ما ننساج نضحي الج بدمانه


*****************************
أبجي دمه اعليهه نعم تستاهل
ام البواسل هاذي وام الكافل
ضحت لجل دين النبي يا سائل

ضحت زلم لجل حسين راعي الوفه واخوانه
***************************
أم البنين أربع زلم ربتهم
كلهم فده لسبط النبي نذرتهم
في كربله كلهم نعم قدمتهم

ما قصرت ويه حسين كله وتحس خجلانه

****************************
باب الحوائج للملا مسميها
كل حاجه لو منها ردت تكظيها
للحاجه تنطي الي طلب بيديها

بنت الكرم لا والله مترد أبد يمنانه
**************************
عدنه أهم حاجه تره البارينه
ندعي الفرج للمنتظر مهدينه
ملينه من هذا الوضع يدرينه

حلفه بحبيبة لحسين حاشه يرد دعوانه

تمت بعون الله
كلمات خادمكم الصغير يوسف هاني الأسدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ميمر
ام البنين الحره بالشده بس انخاها
************
ام البنين امجربه بالحاجه
ياناس وين الوادم المحتاجه
خادمها بالعزه تلبس تاجه
والله وكفو امن ام عباس ماخاب التعناها
**********
ام البنين الحاجه ذبها اعليها
وبالايد ادري ام الوفه تنطيها
الوادم كرامتها تسولف بيها
والفاتحه لم عباس تسهيل امر قراها
***********
يا ناس عد الله فضلها اشكبره
وكلمن ندبها بضيح هيه اتحضره
تكضي الشدايد والدليل اتسره
تمسح دمع كل مهموم وانه افرح بطرواها
*****



قصة ولدها بالدليل انكتبت
ولجل الوفه بربع كواكب ضحت
وكفتها بالطف للحسين انحسبت
اشلون اربعه اشلون احيود سبحت صحت بدماها
************
ام البنين امهيله جلمتها
والناس كلها تحلف بوكفتها
اول مره اتشافي العلل سفرتها
هيه الاميره اعله الكون وطبق الاصل معناها
*******
ام البخت هيه البخت والغايه
وبجفوف ابنها علكتها الرايه
اعليه صحت سابك فظهلها اهوايه
صارت ضوه الهاي العين وروحي تريد وياها
********
تمت
تحسين الخفاجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ليلة وفاة ام البنين ع

يالوفيه الليله گرت عينج
راح هسه تلتگين احسينچ
وين تردين اللقاء .. بالسمه لو كربلاء
يام البنين .. يام البنين
،،،،،،،،،،،،،،،،،،،،،،،،،،،،،،،،،،،،،،،،،،،
كافي بطليه النحيب.. خلصت ايام المغيب.. ويوسفچ بالانتظار
موتتچ من گربت.. يعني ألغيبه انتهت.. جمع شملچ هسه صار
بعد ما كو انتظار ولا غياب
ولا اكو وگفه بعد بعتاب باب
انطوت صفحت رحيله الحسين
يعني ما كو من بعد هسه عتاب

هاي هيه كفي بعد اعتابچ
بعد لحظه وتلتگين احبابچ
حسين ينصبلچ عزاء .. بالسمه لو كربلاء
يام البنين .. يام ابنين

،،،،،،،،،،،،،،،،،،،،،،،،،،،،،،،،،،،،،،،،،،،،،،،
ختاري يا ام البنين.. تلتقين ابنچ حسين.. من بعد هذا الغياب
بالسمه لوكربله.. تلتقين البلفله.. عاري ضل اعله التراب

اختاري هاي الساعه يا أم البنين
يم عرش الله بحبيبچ تلتقين ..?
لو گلب عندچ تشوفين الحبيب
بكربله عطشان مذبوح الحسين

بكيفچ انتي يالوفيه اختاري
الغاضريه لو جنان الباري
هناك يم اهل الكساء.. بالسمه لو كربلاء
يام البنين .. يام البنين

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حضري روحچ للرحيل.. وكون عندچ انتي حيل.. وتلتقين ويالغريب
الچان حلمچ بالحياة.. ضلوعه كلها مكسرات.. وعاري عالغبره وسليب

بالسيوف اموذرينه وبالرماح
والدمايه اتسيل من كل الجراح
حسين جسمه عالتراب ابلايه راس
بالسبي وي الغريبه راسه راح

ها يحره شنهي بالله احساسچ
ويه راسه راس اخو عباسچ
راس شيال اللواء .. بالسمه لو كربلاء
يام البنين .. يام البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين سلبوه الثياب.. وحرگوا الزينب حجاب.. وفرع اخيال الدلال
وسحگت حسين الخيول.. وشافوا البت علي طول.. وجروا الحره بحبال

يامصاب التنگطع منه النياط
شلون علويات ينربطن رباط
شلون علويات وبوليت غريب
متونهن صارت زرگ من السياط

الفواطم وليه اتولاهن
وحيل بالسوط الشمر طگاهن
متونهن سالت دماء.. بالسمه لو كربلاء
يام البنين .. يام البنين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
گطعن الدرب البعيد .. وتامر عليها العبيد .. وسفه من عگب الكفيل
شلون حال الحره حال .. راح كل ذاك الدلال .. هسه ركبت عالهزيل

ناگه عرجه عليها شوصار الركوب
ومستحه گامت عله الناگه تلوب
بلايه هودچ زحمه تركب بت علي
توسلت بلكت يجي يلمها الغروب

لطمت الراس العفيفه وصاحت
اه ياهيبة علي اللي راحت
وخدر سيدة النساء .. بالسمه لوكربلاء
يام البنين .. يام البنين

#الشاعر عقيل الحسناوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بعدلي شجم نفس ردتج تحضرين وأشم بحجاب راسج عطر الحسين
أرد أموت أبين أديج أســتعــــجلي الله عليج
*******************************
1= يمه اليحس موته كرب يطلب أعـز حبابه
عـينه تضل أمعـلكه يخت الحســـين أبابه
وأنه أمج الماهودت ولاكلبي عاف مصابه
صرت أنه والماكو سوه بغـــيابكم نتشابه
-----------------------------------------------------------
علي فاتت سنــــين وجرحي ماطاب أشيضل بالفارك ويـــنطرله غياب
والله مابــــيه أجيج أستعجلي الله علــيج
***************************************************
2= بالدنـــيه ماشفت الهنه بالموت أريد أتهنه
مـــاضايكه طعم الفرح وشـويه أريدن منه
مـــارايده شمـوع وضحك يازينب ولا حـنه
بس أرد أشوفـج وأرتحل ياقطعه من الجنه
---------------------------------------------------------------
أسولفلج سوالف عن زمن فات حــــرامات وحرامات وحرامات
شنهي أليه وشنهي ليج أستعجلي الله علــــــيج



3= لـفـيني بالشيله جرح بس شــيلتج تضميده
وكبالي كعـدي وسولفي والماضي خل نعـيده
أحجيلي عن ذاك السبي عن سفرتج البعــيده
كليلي ياهو العذبج وعله الــشرف شال أيده
-------------------------------------------------------------
تره أيام السبي صارنلي تابوت موتني السبي موهسه أجه الموت
بالدمع يمه أندعيج أستعجلي الله علـــيج
**************************************************
4= سويلـــي يازينـــب فـضل أي بس تعاي الليله
جم لحضه ضلن ونتــضر تابوتي غربه تشيله
ليش أنه مو أم الكمر وماكـــو حبيب أحجيله
متوسد بكتري جرح ودمـــــه عله كلبي يسيله
--------------------------------------------------------------------
أريد بموتــــــتي يازيـــنب أرتاح تره الضيعته ماضن من بشر راح
فدوه بعيوني أفتديج أستعجلي الله علـــيج



5= كـليلي يـــــمه شألـــمج كلـــيلي يم كفالي
لزميلي راسي بيمنــتج يايمه كعـدي كبالي
خليني أشمج شم هوه يالبــيج عطر الغـالي
وأقري عليـه الفاتحه بصوت الحزن يحلالي
----------------------------------------------------------------
أشــم جــفج لأن لازمها عــباس أكيد الهسه بيها جود وأحساس
مشتهه الماي أشتهيج أستعجلي الله عليج
*******************************
خادم العتره عبد الجليل المالكي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مانگصد الناس ننخاهه
أمك يعباس ننخاهه
-----------------1-------------
بالشدد معروفة - شكثر جربناهه
وياهه صفي النية – بدمعك اتعناهه
حاجتك تگضيهه – جرب وانخاهه
من تطيح بحيره . بالشدد تلكاهه

اتضل رفعت الراس ننخاهه
أمك يعباس ننخاهه
---------------------2---------------
الفاتحة تقراهه – الهه يسهل امرك
لوردت ترضيهه – حيل الطم صدرك
اعله الحسين وابچي – هي راح تحظرك
من تضيك ايامك .. هيه راح تنصرك

للدنيا نبراس ننخاهه
أمك يعباس ننخاهه
------------------------3-----------------
من مثلهه احچولي – يامره تعرفوهه
كل ولدهه اطتهم – للسبط شفتوهه
الفاطمة من وفت – لازم توفوهه
نركض الخدمتهه .. الطاهرة يسموهه

بالغيرة تنقاس – ننخاهه
أمك يعباس ننخاهه
------------------------4------------------
من تريد اتسافر – الفاتحة الهه اقراهه
كل امرنه اتسهله – هوايه جربناهه
النه اكبر نعمة – ربك الوداهه
يا أمان الخايف .. ربك العلاهه

قرآن الاحساس - ننخاهه
أمك يعباس - ننخاهه
----------------------5------------------
منهه اطلب وامن - حاجتك مگضية
نعتقد تگضيهه – والله الف بالمية
بالحسين اسئلهه – هي حسينية
بيدك اخذ مرادك .. من تصفي النية

تسكن بلانفاس ننخاهه
أمك يعباس ننخاهه
-------------------6---------------------
هايه ام الغيرة - وامنه واحچي بعزمي
العلجمل لو هي - ياهي أمنه انسمي
علوصي من خرجت – زحمة اگولن امي
المايبايع حيدر .. هذا مو من أهلي

غصبن علرجاس - ننخاهه
أمك يعباس ننخاهه
---------------------الحمدلله-------------
حيدرموسى الرميثي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لمولاتي ام العطاء مولاتنا ام البنين


ماماتت الخلفت زلم بالحومه
صولاتهم عد العرب معلومه
...
ماماتت الخلفت زلم واحدهم
ينعد بالف غير الله ابد ماعدهم
العباس اخوهم بالحرب قادهم
بس للحرايب هل الزلم مفطومه
...
سوالف الحگ تختلف عن الباطل
عدها زلم رداده كلمن عايل
ام البنين اشگد حجت لم فاضل
علميه وليدچ ويه لبس هدومه
...
ماماتت ولاظن تموت العلمت
اولاده بخدمت حسين اتهدلت
اموزره وظربت مثل للخدمت
مشكوره دنيه واخره ومخدومه
...
شيموت الورده وعطره الفواح
لساعه ظال بكثر مابيها جراح
من سمعت بذاك الخبر والبي صاح
طاح الگمر واليل عاف انجومه
...
گالتله خيطيح الگمر بشرني
يلفدوه ليه انروح انه وابني
حسين گلي شلونه لتعذبني
انخمش گلبي وروحي بي ملچومه
....
ام البنين ومن تعدهه النسوان
عباس ابنه وموش ياهوه الجان
من عده طالع چم صدر للديوان
ياهيه تنطي اربعة وما مندومه
....
ياريت عشرة مخلفه رادت هيه
وبلچن يظل حسين للعصريه
والفضل مگيود ويباري رقيه
والطگه حاشاها وتسيل ادمومه
....
اتمنت بگيد وفوگ تصعد ع النوگ
واتصير اولهن اذا طبو سوگ
اتصد الحجار بچف اديها المحروگ
من نار خيمت زينب المظلومه



................::::.................


الاقل شرفاً
كرار اللامي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا ابو فاظل نندب ابلهفه وحنين
يا ابو فاظل گوم شيع أم البنين
يا ابو فاظل يا ابو فاظل
------------------------------------------------
گوم شيعها يبن حامي الحميه
هايه امك ونته ليث الغاضريه
اتمنتك لوتحظر ابوكت المنيه
اتنادي يمه يالگمر ألحگ عليه
يا ابو فاظل ونته لايسره ويمين
يا ابو فاظل گوم شيع أم البنين
يا ابو فاظل. يا ابو فاظل
--------------؛-؛----------_-----------؛----------
ياابو فاظل شرد اگلك شحچي عنها
ماتت ابلوعه وفلا خلص حزنها
ادموعها ابكثر البچي حفرن جفنها
الوالده تتمنه لو يحضرها ابنها
يا ابو فاظل. ونته خير العارفين
يا ابو فاظل گوم شيع أم البنين
يا ابو فاظل. يا ابو فاظل
----------؛--------؛----------؛--------------------
اتمنت اتحضرونها كون اربعتكم
اتنادي يا عباس ياجعفر نختكم
عون ياعبد الله امكم فزعتكم
مادريتو اشصار بيها من بعدكم
يا ابو فاظل اتمنت اتشوف الحُسين
يا ابو فاظل گوم شيع أم البنين
يا ابو فاظل. يا ابو فاظل

يا ابو فاظل ريتك اتشاهد وضعها
لجل ابو اليمه اشكر. يذرف دمعها
مثل ضلع الطاهره محني ضلعها
وينكسر گلبه الذي تبچي وسمعها
يا ابو فاظل مابطل منها الونين
يا ابو فاظل گوم شيع أم البنين
يا ابو فاظل يا ابو فاظل
-------------------------------------------------
هايه أم وحگها لو تعتب عليكم
اتمنت اتشيلون مٔحملها ابئديكم
ورايده يم الگبر تسمع بچيكم
ومئتم اتنصبولها وادم تجيكم
يا ابو فاظل وانته ابو گلب الحنين
يا ابو فاظل گوم شيع أم البنين
يا ابو فاظل. يا ابو فاظل
---------_--------_----------------------------
خدام اهل البيت حسين هوير الاسدي ونسالكم الدعاء



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصائد_منبريه
#مجلس_وفاة_ام_البنين_ع


كل حياتي أعثر بشم الهوه
وامنياتي أبجي لحسين الضوه
ويبقه أظلم ناظري
حته أجبر خاطري
كل حياتي كل حياتي
........................................................
كل ضوه ابعيني ابوجوده هذا لحسين انتمائه
مو أليه ولا أملكه للسبط معلن ولائه
آنه أُم فكَدت نظرهه حين ما سالت دمائه
قبل ما توصل وفاتي روحي فاضت وي ضيائه
واعتقادي ابجيته ينعاد النظر
راح انادي ياحسين ابلا صور
أبجي والمدمع جِري
حته أجبر خاطري
كل حياتي كل حياتي
........................................................
أني اغبط كل بنيني اندفنو ابصف كَبره بالطف
جن سور آيات ربنه وصارو ابكربله مصحف
ترف يا كربله اترابج من الترافه حته أترف
ريت يمهم كَبري يصبح وبالحشر وياهم اصطَف
يم حياتي حسين كل معنى الحياة
لو مماتي يمه يامحله الممات
حزنه باقي جوهري
حته أجبر خاطري
كل حياتي كل حياتي
........................................................
كَبل ما تدنه منيتي وينكَظي عمر البواجي
ماردت بس وِلدي ،يحظر حسين ابو حلوه المحاجي
الهذا ناشدته ابعزيزت كَلبه مسلوبه التراجي
يحظر انفاسي الاخيره أرد اشمن عطره زاجي
واعتناني وي بنيني الاربعه
من اجاني جاب سبع المشرعه
عطره بانفاسي طري
حته أجبر خاطري
كل حياتي كل حياتي
........................................................
عمري جن نسمة اعذيبي ابعاصفة حزن المصايب
ما كَدر صافي ابوجوده خلص وي لون الترايب
شيبت من وكت وادري الشيب يلفي الكَلبه شايب
ايصح زغير ابعمره لكن يكبر الفاكَدله غايب
واليروحون ياخذون اترف عُمُر
من يبعدون تبعد اخيام الصبر
الهم يكَلي هاجري
حته أجبر خاطري
كل حياتي كل حياتي
........................................................
احلى شي جان ابمماتي من بعد موتي لقائي
بالحسين وأهله وامه فاطمه أغلى اصدقائي
هاي جمعتنه الردتهه ابدنيه جا شنهو بقائي
خلصت ايامي وسفرتي الشوفته كل اعتنائي
من وداعي وروحي صعدت للسمه
وي شراعي والبدايه الخاتمه
حزنه وي دمي سِري
حته أجبر خاطري
كل حياتي كل حياتي


ياسر العارضي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الدنيه غربه ومن رحت صارت سجن
الدنيه غربه وكَلبي كل لحضه يحن
اليضل بلا اهل يكثر عذابه
وانه يالهادي الجرح شيسدلي بابه
******************
لم حسرتك يا كَلب وبجي اعله حالي
الغالي يكبر جرحه لو فاركَله غالي
اشكَد صور مسحتها من بالي الليالي
وانته ضلت صورتك دوم اعله بالي

ذكرياتك ورد جوري من تمر
ذكرياتك سهرت عيني اشكثر
والهوه طاري العزيز الروحي جابه
وانه يالهادي الجرح شيسدلي بابه
**************
تدري اليسافر حبيبه يكره النوم
وانه جم يعكَوب بيه امتاني الهدوم
هلبت الهدهد يجيني وجايب علوم
انه ميت من كبل ما ميت اليوم

وين اشوفك غبشه وتبده نده
وين اشوفك عايش بروحي الصده
ليش محبوبي صحت طول غيابه
وانه يالهادي الجرح شيسدلي بابه
****************




مدري ليش امطر مشاعر لمن اشتاكَ
اتريد تذبح عاشكَ احجيله اعله الفراكَ
ياهو مثلك هيجي كَلبه اعله الكَبر طاكَ
مرني خل اشتم عبيرك صدري احس ضاكَ

يا حبيبي كَامت ادموعي تصب
يا حبيبي كون ادفنك بالكَلب
اشعجب مرسالي الك طول جوابه
وانه يالهادي الجرح شيسدلي بابه
*****************
كَمت اسولف بالدمع وتبده صفنات
وانتهينه وجانت بعيده المسافات
عادت الفاكَد غلاه يكَضيها حسرات
ومدري ذاك انته المتت مدري الهوه مات

هذا نعشك كَلي لو ذيج السمه
هذا نعشك اليمه تنحب فاطمه
والنجوم اتكدرت حيل المصابه
وانه يالهادي الجرح شيسدلي بابه
************









انته وجه العافيه بوجه المساكين
واليطلبك ما تعرف اتكَله بعدين
حته مرات اشتبه يا سلوة العين
مدري اكَلك يا بوفاضل مدري يحسين

ياهو مثلك جان خيمه لليفز
يا هو مثلك امشبع الفقره خبز
ويجرح المسكين بغيابك عتابه
وانه يالهادي الجرح شيسدلي بابه
****************
يا عمر هذا وكَضيته بحسره ونياح
والفكَدله اعزاز بس بموته يرتاح
شالو اتمنيت راسك فوكَ الرماح
ومثل صدر حسين صدرك بالسحكَ راح

كون عطشان ونايم بذيج الشمس
كون عطشان ومثل جدك تنرفس
ويه زينب ردت تكَعد بالخرابه
وانه يالهادي الجرح شيسدلي بابه
*******************
تمت
تحسين الخفاجي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اعلن المهدي حداد          ورتده ثوب السواد

تلملمن  يالنايبات

علي الهادي الليله مات

&&&&&&&&&&&&&&&&&

المهدي ناصب جادر بفاتحته واكف

نزلت تعزي الملائك والمصاحف

وكام جبرائيل ينعه ابن الكلايف

علئ الهادي سولفو ذيج السوالف

صاح راح ابدي العزاء       وينهم اهل السماء

عالنبي صاح الصلات

علي الهادي الليله مات

&&&&&&&&&&&&&&&&&

استقبل المهدي بدمع امه الزجيه

وبحياتك  حاجته  يبني  البقيه

يمه يالمهدي  تكله  الزم اديه

من المصايب حيل مامش ظال بيه

بولدي يوميه انفجع       من اهد كسر الظلع

وحزني من اربع جهات

علي الهادي الليله مات

&&&&&&&&&&&&&&&&&

المهدي يقره المقتل وغارك بالهموم

بياذنب هاليله كال الهادي مسموم

دافن اعزاز شكثر وكليبي ملجوم

ليش من شمت عطرهم انه محروم

ياكبر اكعد ازور       مي ورد بيدي وبخور

عالكبر خلوني ابات

علي الهادي الليله مات

&&&&&&&&&&&&&&&&&

ياعلي الهادي ندب ون اعله كيفه

والله متحلف تره بااهل السقيفه

علي رغم اخشومكم اول خليفه

باجر انه الجايكم بيميني سيفه

باجر الدنيه تميل        والهوه عندي دخيل

انه ابن قاظي القضات

علي الهادي الليله مات

&&&&&&&&&&&&&&&&&

جاب اهل الطف ابو اليمه وصحابه

اجه يواسي الحجه وينوح المصابه

شبك عالعباس وخوانه النجابه

ومطرت عيونه دمع مثل السحابه

كله جاوين الجفوف       انه ماناسي الطفوف

اله اذل بيدي الفرات

علي الهادي الليله مات

&&&&&&&&&&&&&&&&&

درع ابو فاظل اجه فيت عله كدي

جايكم يهل الظلم لوعتو جبدي

انه وي ليل المصايب هذا حدي

علي الهادي المات هذا يصير جدي

انه ابن شبل الحسن        الليله محبوبي اندفن

دم بجيت بهالوفات

علي الهادي الليله مات

&&&&&&&&&&&&&&&&&

تمت

علاء الزيدي

 

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للهادي للهادي
_______________________

احزان روحي چلچن . واهموم بيّه حوّلن . والنفس مهمومه
للهادي وامصابه الكلف . رايات احزاني ترف . والهظم حل يومه
العود من عنده ذبل . لدواه ما مش كل أمل . مهجته مسمومه
املاك ونّت بالسمه . تبچي ومدامعها دمه . للهادي .. للهادي
_______________________

ابن الجواد ابن الرضه . مالوم گلبه من گضه . ذابلات الوانه
شيخ الاعاجم والعرب . كاس المنيه من شرب . اضلمت دنيانه
الدين مصيوب ابجرح . والشيعه ماشافت صبح . كل وكت حزنانه
مهمومه ضلت كل وكت . وماي المدمع دم يكت . للهادي . للهادي

_______________________

اعيونك المِن غمّضن . احزان ربعك ماگظن. ماعرفنه الراحه
عاشور يوميه يمر . وانفاسنه بيهن جمر . او لانفس مرتاحه
كل يوم طعنه بالگلب . من يوم عصرو الغرب . للنبي تفاحه
بالسيف مره ننذبح . ومرات بالسم ننجرح . للهادي . للهادي
_______________________

يالهادي لاكن ما نِمل . هالمدمع ايضل ايهمِل . كل صباح اعليكم
النوح ويّاكم حله . يا أحله حب انرتله . نعشگه الطاريكم
أوياكم انجدد عهد . أنموت او عشنه بعد . أحنه منكم ليكم
انتم بالعيون الضوه . كل عمري هذا او ما حوه . للهادي .. للهادي
_______________________

يالهادي بينه هالطبع . نعلگ الروح الك شمع من تمر ذكراكم
اگلوب بينه تحترگ . تطلع مواكبنه تدگ . تگصد المثواكم
تابوت رمزي نحمله اورادودنه ايرد أله بالنفس نفداكم
هاذي المواكب گاصده . اتواسي البتول الفاجده . للهادي للهادي
_______________________


هاذي المواكب والنعش . وياكم ابلايه دغش .من تجي بقرايه
زنجيل لو دگ الصدر . ماهو طمع لو للأجر . لا وحگ الرايه
من الله هيچ الكم نِحب . واعليكم انضل ننتحب . او ننحسب وفايه
دلالي بيكم منصدع . احزاني بيكم تنجمع . للهادي للهادي
_______________________

انواسي گلب أم الحسن . ولدموعنا انهِد الرسن نبتدي بالونّه
يالزهره الله ايصبرچ . بالهادي يجبر خاطرچ . وتهده بيچ الحَنّه
يوميه مفجوعه ابولد . لو بالسهم لو بالكبد . لو نحر يتحنه
الله ينطيچ الصبر . وبحزانچ ايعظم الاجر . للهادي . للهادي
_______________________


ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الحمد لله والشكر _ يالمجلسك من العمر
يالهادي اقره بالفرج _ للحجه كل صبح وعصر
//////////////////////
امل عندي بمجلسك وانه اعله بابه
يعني من ادعي دعوتي مستجابه
ياعلي المهدي تره طول غيابه
يبجي وحده والدمع ظيع شبابه

كل مغرب ادعي اله _ عايش غريب بلا هله
بسامره يكظيهه الصبح _ وبالليل يبجي بكربله
/////////////////////
اليوم نترجاك كل احنه عبيدك
بالفرج وي رفعت ادينه ترفع ايدك
حتى يظهر ياخذ بثارك حفيدك
توكفلنه الليله يالهادي نريدك

يومك مصيبه وفاجعه _ كل شيعي هلك مدمعه
ولي حزن لمصيبتك _ للمهدي من كلبه دعه
/////////////////////
حالنه يشابه جرح ذيج العليله
التانت املاكه ابوهه ليله ليله
مابقاله أن شاء الله ايام وقليله
احنه غير المهدي ماعدنه وسيله

خاطرنه بعده منكسر _ بينه جزه حد الصبر
بجاهك العند الله بعد _ ننتظره احر من الجمر
/////////////////////
دمه اعيونه يصبن امخلص الدمعات
تعمه كون اعيونه وعيونه سلامات
ضاك بينه الصبر بس نحسب علامات
والهوه نشتمه ضلينه ابمعانات

وين الوكت بيه استقر _ ذبلان من كد السهر
ومن غربته كامن دمه _ يصبن اعيون المنتظر
/////////////////////

شي اكيد الكبرك المهدي يمر بيك
سيدي بروح امك الزهره اوصيك
كله واحد سأل عنك ويسلم اعليك
بالدقايق والثواني كاعد امتانيك

ماشفته ولهسه بعد _ حظي ولا مره كعد
يالمهدي اكله كل يوم _ ماعوف خدمتكم ابد

علاء الزيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747