اليوم سامره اعتنينه زائرين

* * *
كل موالي قلبه متفطّر جريح

لبومحمد جاي عالعاده ويصيح

ولجله الأرواح قصدت للضريح

تنوح تبچي اعليه يابن الطاهرين

* * *
آه لمصاب الإمام العسكري

من بني العباس لمّن تجتري

كل ظلمها وجورها وكل مفتري

من أصلهم آل أميّه وارثين

* * *
ورثت التشريد وانواع الغدر

وبتدت بيزيد وي أهل الكفر

چتل أبو السجاد واصحابه الطهر

واللّي بسمومه قضى وهذا سجين


بالوشايه والحقد ضد الإمام

كثرت بتوصيه من ذيچ الّلئام

لنهم بهذا الفعل عدهم مرام

ولادة المهدي لاتظهر لاتبين

* * *
بيه بشّر للأمم سَيْد الرسل

الملوك اسمه تهابه من يحل

هذا يملأ للأرض قسط وعدل

بعد ظلم وجور كلّ الظالمين

* * *
بعد هذا الظلم كابد للمحن

آمر المعتز الأعدا بالسجن

نور سامراء مولانه الحسن

وياه عدّة طالبين ايظل رهين

* * *
شيعه نوحو للمصاب اشقد صعب

المهتدي الملعون ناصب للحرب

للإمام العسكري وصار بغرب

عن وطن جدّه وسف يامسلمين

* * *
زاد بغيه عالزكي وجرمه يزيد

أصله من شجره ملعونه وشتريد

من بني مروان أفعاله ويزيد

واعتقاله خلّه فاطم في أنين

* * *
ونّت الشيعه بعد واتألّمت

خبر سمعت للوجه بيد الطمت

المعتمد سمّه وچبده تقطّعت

واصبحت لجله بفجيعه نادبين

* * *
تندب المنتظر تنعه وتخبره

بالأبو المسموم ومصابه الجره

نار فقده بالمهج متوجّره

عظم الله أجرك سليل الطاهرين

* * *
يابوصالح لوكثر منّه العِتاب

وحقّك اعلينه تره طال الغياب

ابثار فاطم انهظ وحرقة الباب

وجدّك المظلوم مقطوع الوتين

* * *

تمت بحمد الله ومنّه في 7/3/1440هـ
نظم خادم السيدة الزهراء عليها السلام
الشاعر ياسين جواد العبد الرضاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فدوه العمر يايمه.. ماابخل بيه
بس الوطن يسلم ..بروحي انه افديه
وتنرفع راية موطني.. ندري الوطن ماينحني
الوطن احنه نعليه
&&&
بيدي علم لمن رحت..شبان طلعت وفرحت
للوطن يمه من طحت..بصوت عالي من صحت
بالرايه يمه معتني.. ندري الوطن ماينحني
الوطن احنه نعليه
&&&
بصوت عندي ويا علم..مرفوع وتعرفه الامم
انريد اصقاط الصنم.. والفاسد وياهم حكم
ظلام لابد تنفني.. ندري الوطن ماينحني
الوطن احنه نعليه
&&&
من شفت يمه الثوار..تفدني داير مندار
اعرف ساعتها احرار..بالساحه طاحو انصار
همتهم الما تنثني.. ندري الوطن ماينحني
الوطن احنه نعليه
&&&
عل الجبل يايمه الوعد..خوان جوه والصعد
قسمو يمن وعل العهد..الجبل صارنه مهد
تمنيته شامخ ينبني.. ندري الوطن ماينحني
الوطن احنه نعليه
&&&
خذنه الصمود من حسين..والشرع كالنه ودين
اسكتنه يايمه اسنين..وصلت بعد حد الطين
لابد ييمه نغتني.. ندري الوطن ماينحني
الوطن احنه نعليه
&&&
ثوره طلعنه عالظلم..اشبعنه ذله والهظم
سطعش عام من الحكم..وصلت ييمه للعظم
انريد حاكم مدني.. ندري الوطن ماينحني
الوطن احنه نعليه
&&&
نطرد ييمه الاحزاب..بسم الله وداحي الباب
ونزيح يمه الجلباب..الطفل شايب والشاب
وننشد نشيدك موطني.. ندري الوطن ماينحني
الوطن احنه نعليه
&&&
محلاه ياربي الوطن..اشكثر مهموم وحزن
اتحمل اهواي الفتن..الموت والذل وشجن
لغيره صدك ماانتمي.. ندري الوطن ماينحني
الوطن احنه نعليه
&&&
خادم اهل البيت
الحاج ابو علي السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

راحت من أيدي الغاليه
والدنيا ظلت خاليه
راحت من ايدي

وين القدر وداهه
أخذت عيوني وياهه
راحت من ايدي
..............................
عجيب الموت ياخذ ياهو غالي
يبّچي اعيوننه بطول الليالي
مكان الام يظل ياناس خالي
بس الفاگد امه ايعرفه حالي

والامه ما موجوده
انشوف الدمع بخدوده
يبجي بهضيمه
ايصيح امي مانساههه
أخذت عيوني وياهه
راحت من ايدي
.............................

(جنة امي) ويشم طيب الدناهه
المحنه اتلوذ وتصلي وراهه
السمه تخجل إذا تسمع دعاهه
حتى الله اقترن عفوه برضاها

كسر الضلع ماذيها
تبجي وانوح اعليها
نوح اليتيمه
محنيه واتلگاها
أخذت عيوني وياها
راحت من ايدي
...................................

ياراحه انتظر... ما عندي راحه
افرگ بالحزن راحه اعله راحه
الفگد والدته ميعوف المناحه
وبس أمه دوة ومرهم جراحه

وجه أمي فرحة روحي
ضحكتها تشفي جروحي
كلش عظيمه
محد عرف معناهه
أخذت عيوني وياهه
راحت من ايدي
.................................
ييمه اذكر ونينج من تونين
ومن كد الوجع ليلج تسهرين
يوجه العافيه الماعافني سنين
شلون اليوم من ايدي تروحين

يمه البعد ياذيني
وياج اريد اخذيني
فكدج حريمه
يازمن واتمناهه
أخذت عيوني وياهه
راحت من ايدي
..........................

يشمعة بيتنا وياطيب الايام
وسف جوه التراب اعيونج تنام
بقينة انه واخوتي ابدنية الام
ونشوفج يالحزينه بس بالاحلام

وبالحلم لو مريتي
طيب و فرح طشيتي
ايدج كريمه
چفچ إثر شفناهه
أخذت عيوني وياهه
راحت من ايدي
......................................
واثق العيساوي

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أبتلائي بكــل عصر انه زجية
أبتلائي عيني دوم أظل جريه
أبتلائي أدفـن اولادي بـديـة
أبتلائي


گوه اتوجه عله روحي.... عفت گبري ومدفني
وجيت احسين انه اجيت... لأبو محمد وأعتني
گمت الطمله عله خدي... وعله ضلعي المنحني
ويمًه لو ذريت روحي...مـــــاتكـــفيني وعلي

عذباني لون وجهه ومنظرة
عذباني أمــثر اعـليه الجرة
عذباني ادفن أولادي بدايه....... أبتلائي

گمت أسئله وحيراني.... وذوب بشفتي الكلام
كلما اگله شبيك يمه .... يگلي نار من الخيام
اطيته ماي وگتله اشرب... هذا مو وكت الصيام
ليش عالگاع انت نايم... ليش علتربه تنام


وعرفتهه ابــــني عايش كربله
وعرفته ايشارك احسين البله
وعرفته ادفن أولادي بديه....... أبتلائي



انه الزهره يشيعه... بكل عصر ادفن أمام
بين مسموم وقتيل..وبي نعش شايل سـهام
بلحد ودموعي تجري..حرماً اعيوني المنام
ومن كثر ما ون دليلي... علمت كل الحمام

يادموعي عــــاونن بنت النبي
يادموعي اليوم شال العسكري
يادموعي ادفن أولادي بديه....... أبتلائي

والله لو يعكوب يدري.... بكلبي الشايل جراح
چا حمد الله اعله قدره.....عينه ماشافت رماح
بروس ولده شاهره....ولا سمع صوت النياح
ولا عله الهزل بناته....تهزهن اسـياط وصياح


يدري يعگوب الحزن بعيونه شافه
يدري يعگوب شــكثر بل ونه كلافه
يدري يعگوب ادفن أولادي بديه...... أبتلائي



الدنيه حيل وياي ظلمة... و بخلت بموضع گبر
وباقيه بضلوعي جمره..... بكل رزيه انه تستعر
ابد ما يصفه زماني.... بكل عصر يولد شمر
شلون وانه ادفن أولادي...بيا لحد انه ستقر

يازماني ضــيعت حتى الگبر
يازماني اجم مصيبه انه نتظر
يازماني ادفن أولادي بديه...... أبتلائي

خادم الزهراء //ع// ابواحمدالطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليالي الفاطمية 1441
علي موجنه علي. والي بس ابلا ولي
صبت عيونه دمه. شاف مقتل فاطمه
****
دمعه بلل شاربه. شاب حته حاجبه. ياهضيمه
الجان بالشده جبل. علي بمصابي ذبل شكد اليمه
يمشي مكسور الظهر. شيب بكد القهر من الجريمه
شاف بابه يندفع. شاف مكسور الظلع. من اليتيمه
صفگ إيده وظل يون سوالفه جانت حزن
نوح يسمع بالسمه شاف مقتل فاطمه
****
علي بانت كسرته. منه راحت زهرته. هالمسيه
يكسر الخاطر تره. اباله ديره مكبره وجم منيه
گباله نيران وحرك گباله نسمه تختنگ وبلايا ريه
ابليس هاجم عالظلع شاف موذاكه الوضع اشجم رزيه
مصاب ومصاب انجمع. صوتي بس اخ انسمع
ابابه نار الحاطمه شاف مقتل فاطمه
****
گلبه المفارگ يحن. علي من فكدي يون ودعاني
حاله عايشها علي. يصيح ماتوا كل هلي مانساني
يطيح ويكوم ويطيح يشيع ابكلبه الجريح. من خذاني
علي عاش بلا حياة بس جسد واكف ثبات وشيعاني
بليل والليل الصعب. علي يمشي بلا گلب
مصابي حيل مألمه. شاف مقتل فاطمه
****
خلص مراسيم الدفن من الدمع طاح الجفن تجري العيون
عيونه ظلت عالگبر يلتفت وبيا صبر. حالته شلون
مفارگه عيونه محب. خِلّه غطاه الترب مايرجعون
وداعة الله شكد حجه. الليل وي حسه بجه ليل الضنون
يعينه ماواحد لگه النفس كوه يشهگه
شلون روحه سالمه. شاف مقتل فاطمه
****
شال حيله ومارجع. بليل حيدر ماهجع تكول مذبوح
ينازع الظلمه غده. مايدك گلبه بده وتطلع الروح
منهو عن هضمه سئل كلشي صار ومحتمل ينگط اجروح
شيبت اهدابه هضم الالم واصل للعظم ميكفي هالنوح
منين حيدر يصطبر شاف نجمات الظهر
هاي جانت خاتمه. شاف مقتل فاطمه
****
تمت ولله الحمد/ المقصر مع الحسين
علي النائلي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قديسة النساء بل قديسة السماء
فمن لها كفضلها من سائر النساء
بها ابتدا المعبود
آدم لها يعود قديسة السماء

مو ماي لاطين البشر منه براها
الله اقتبس من عزته نور ل بهاها
و بيده كون فاطمه وزين صفاها
وخلق كل املاكه من فاضل ضواها


أوجب فرض حبها وجوبت الصلاة
ناراً لمن ابغضها في حبها النجاة
من فيضها الوجود
آدم لها يعود قديسة السماء


كل العلم عد فاطمه من ألفه للياء
مخزن اسرار المقتدر بالزهره خلاه
بيهه بسط هاي الارض والسقف علاه
وكلمة يكن ثـم يكن عند الله زهراء



أقرن في مرضاتها الخلد والرضوان
ومن عصى لأمرها مسكنهـُ النيران
في حبها الخلود
آدم لـها يعود قديسة السماء


كل مذنب لهه يعتني تكشف بلوته
آدم نبي ولــــمن ذنب صارت رجوته
اتقدم لربه ودعى وناده ابصرخته
ابجاه الزجيه يرتجي ورجعت رتبته

يعلمُ أدم قدرها الوسيلة الكبرى
والذنب فيها ينغفر زهراء يازهراء
لقربها المعهود
آدم لـها يعود قديسة السماء


رحمه الله الهل بشر وام الأباها
جا ليش نسأل يادهر ظالم ولأها
من بعد ما طه رحل بناره اجاها
ولاذت ورى الباب احتمت وما حماها

في بيتها الزهراء قد هاجمها الأعداء
فأرتحلت شهيدة ويلاه وا ويلاه

ياأمة الجحود
أدم لـها يعود قديسة السماء

عاشور ثاني من يهل شهر الزجيه
وصرخات تسمع للخدم بلفاطميه
ونون عليهه بكل حزن ونت السبيه
ونت المشت امجتفه من الغاضريه

اتينا للعزاء نبكي على الزهراء
قلوبنا حراء والدمعُ من دماء

يندبها الوجود
أدم لـها يعود قديسة السماء

خادم الزهراء// ع //ابو احمد الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة بحق الزهراء ((ع))
الامام علي ع يكلم الزهراء((ع))



چنتي يمي البارحه يم سوالف مالحهــــه
كلمه وحده اتكلمي گلبي لحساسچ ضمي
.............................................
خاطري الليله انكسر ياهو اليجبـــــره
ميت بعيني الضوه وبگلبــــي عبــره
عمري يالزهــره بغيابچ كله ذكـــــره
الينسى معشوقه وحبيبه ينسى عمره

كلمه راح احچيهه وآنه ذايب بيهه
مري بيّه وسلمي
---------------------------------------
كون اليفارك محب تگصـــر حياتــــه
حتـــى ألحگچ والعشگ بعده بحلاتـــه
فاطمة ماتت علــي ويـــاچ امنياتــــه
ليلي اخلصه بماضي حبنه وذكرياته

المثلي يدفن روحه حگه يبقى بنوحه
بعيني مظلم عالمي
-----------------------------------------
بُعدچ يْجرح الجفن ما بيه حيلــــــه
يعاشر عيونه البچي اليفگد خليلـــه
ذكرى ذكرى وبالمناحه يگضي ليله
الغالي توجع غيبته ويصعب رحيله

طيفچ آنه مناطره حامد الله وشاكره
حزني حرّم مبسمي
------------------------------------------
أحمل بمتني النعش يصعب عليّه
وجسمچ الطاهر أدفنه بذني اديه
عني ترحين وتضل عيني جريـه
اذكر ايام الگبل چنــــه سويــــــه

عمري ضلمه اسنينه وينه نورچ وينه
رحتي وآنه بمأتمي
-----------------------------------------
إنتي وردة دنيتي اليسحــر عطرهـــه
شلون اخليهـــه بلحد واترك گبرهـــه
وحشتچ يم الحسن بيـّـــه شكبرهـــه
بروحي حسره وخايف يخلص صبرهه

ليلي دمعي يزيده وانتي عني بعيده
نامي لا تتألمي
------------------------------------------
شله بالدنيا التصيــــر ايامـــه ظلمــه
يجرح احساسه الزمن واكثر يهضمـه
صعبه يالزهره بوداعچ حزني اكضمه
وانتي تدرين بدليلـــي قصـــه عُظمــه

گوه نعشچ شايله اچتافي احسهن مايله
بكلمه بيه اترحمي
===================

✍بقلم خادم الحسين ع
الشاعر رعد الجريخي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زينب ع تحكي للعباس ع ماجرى على امها زهراء ع

تبچي بقهر يـم الـــــگمر من تذكر امها
وعن الضلع يحجي الدمع ظالم كسرها


حرگوا يعباس الباب
والضلع ياخويه انصاب ظالم كسرها
💥💥💥💥💥💥💥💥💥💥💥💥💥💥

أول مـراسـيل الحـــقد نـكروا أمـرهه
وقـرروا لازم فــاطـمه انگصر عمرهه
جمعوا عالباب الحطب وظـالم شجرهه
وكسروا ضلع ام الحسن ومـحد نصرهه

نادت لي يمه اعتني ولزمت ضلعهه
باب الاجل بيده بعجل ظالم دفعهه

هدوا علينه الاحزاب
والضلع ياخويه انصاب ظالم كسرها
💥💥💥💥💥💥💥💥💥
من الدفع محسن وگع ابدمه يتعفر
واتـلگت الـگاع الـطفل الله وأكــــبر
هرش الورد ليش نگطع مو بعد اخضر
وكــــل العمر راح العمر مـاي وتطشر


بعمر الورد مات الولد وفاطم قهرها
ونتهه اله تهز الفله وفتت صخرها

بعده جرحها ماطاب
والضلع ياخويه انصاب ظالم كسرها
💥💥💥💥💥💥💥💥💥


شفت امي مابين الــزلم دارو عليهه
وسوط العبد ابقسوته تلوه اعله اديهه
اتحزمت امي بلصبر ونصرت وليهه
وحيطان المسجد بچت والله الحجيهه


نار وحطب منظر رعب للمن اجوها
خد انسطر ضلع نكسر و عذبوها
عذبه سوط الحطاب
والضلع ياخويه انصاب ظالم كسرها
💥💥💥💥💥💥💥💥💥



طه بــعرش ربه نــــضر لأرض المدينه
وطش الجنان ابحرگته ودمـعه نبينه
اصل الصبر كلبه نفطر البنته الحزينه
ويگــلهه صبراً فـــاطمه هسه تجينه

ايامج گضن عدي الزمن لوح قدرها
يافاطمه بنص السمه بنتي انتظرها
ينزل دمعهه سجاب
والضلع ياخويه انصاب ظالم كسرها

💥💥💥💥💥💥💥💥💥
علي ودعهه اب ألم ويتامه يبجون
وصب المزن صب الجفن بدمع العيون
الحسن مابطل نعي وبچه اليعزون
وتوسد احسين الكبر وگاموا يونون

وانا ضعت وتحطمت ومت ابجفاها
كل حلم الي مات وعلي وضاع بثراها
ماانسه غدر الاصحاب
والضلع ياخويه انصاب ظالم كسرها

💥💥💥💥💥💥💥💥💥

خادم الزهراء// ع //ابو احمد الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

هنياله كلمن يخدم الزهره
***************
من الزغركاطع عهد كل جمعه اسوي اقرايه
لو لحظه انسه فاطمه صدكوني عندي هوايه
حته دمعتي امسجله عد فاطمه ملايه
ياماي مجلسهه دوه مجلسها لذه ابمايه

ماتطفه بيه من العشك جمره
*********

الف الحمد لله وشكر جي فاطمه مولاتي
لخاطرهه ربي يستجب لخاطرهه كل دعواتي
تصعد وتنزل بالنفس وي حسرتي واهاتي
انه انخلقت الهه عبد وماابخل ابدمعاتي

الهه شمع ارد اعلك العشره
******
لو ردت ادور فاطمه بمجلس حسيني اللكاهه
عدهه ذبيح ابكربله دم ودمع بجاهه
يا ناس هنياله وعلي اليوم الحظر واساهه
انسه حياتي وكل هلي بس هيه ما انساهه

اليوم الحظر ماينحسب اجره
ارتاح من اللعن عمر ماعوف هاي العاده
جي همه ولدج فاطمه اهواي احب الساده
الما عنده ذريه وطلب تنطيه بيده امراده
والعنده حاجه تنكظي وتنطيه عشره زياده

عد فاطمه غالي الدمع سعره
*********
دكات كلبي توحدن دكاته كلهن فاطم
وانه اشكر الزهره لان خلتني عدهم خادم
واجب بعد صارت علي احيي الشعائر لازم
وبفضل خدمت فاطمه مهيوب بين الوادم

امنيتي احصل منهه لو نظره

ان شاء الله العام اليجي كبر الزجيه نزوره
وابيتي اعلك الكبتج عالحايط أكبر صوره
والمهدي هسه برايته من يجي ياخذ دوره
انريد نلطم عالصدر ظلعج بده عاشوره

ظلعج يطيب وينجبر كسره
******
تمت ____ علاء الزيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

أستسهاد السيدة الزهراء (عليها السلام)

راح اموت الموت اجاني
راح اموت مكسوره اني

واليموت عينه لحبيبه
راح اروح عنك غرييه

*****************
مو سهل عشرت عمرنه تنهي بكسر ودمع
كلشي ميفاركني عنك. لومه بابي مندفع
انته حيدر جوه ضلعي من انكسر هذه الضلع
رادو ايلجمون گلبي. بحبك الما ينصدع

موتي حان موبيدي اعوفك
الليله هاي خليني اشوفك

فراكي بيك اكبر مصيبه
راح اروح عنك غريبه

*****************

هيه هاي الدنيه رادت. تفارك العاشو عمر
اني صح مكسور ضلعي بس اشوفك منكسر
بيه شد حيلك يحيدر. وانته صاحب كل صبر
كون اخر مره اشوفك. محني انته اعله گبر

يوسع اريد الدنيه صدرك
من عدها كون ما تحني ظهرك

بس تريد دمعك عجيبه
راح اروح عنك غريبه

*****************

اني ما متعوده اعوفك عايش بروحي وطن
ادري مالك غيري انته وحدك تبقه ابمحن
حتى ذني عيوني حيدر. عله فراكك هالبجن
تبقه اخر نظره منك بعيني من ايغمضن


ما اريد تبجي اعله گبري
دمعك يطيح يلجملي صدري

مني حيل روحك قريبه
راح اروح عنك غريبه

*****************

عشنه احنه گلب واحد. طيب خاطر من يدك
لكن لكلشي نهاية. واحنه لازم نفترك
حاير تودعني انته ادري گلبك محترك
واني محتاره بوداعك صدري بالهم مختنك

مكسوره حيل كاسرني وضعك
ما بيه اكوم واشلون اودعك

جاي اشوف شيبة خضيبه
راح اروح عنك غريبه

*****************

من بعد موتي يحيدر يبدي بالدار اليتم
بعد ما نكعد سويه وما يلمنه كل حلم
ما تمر ضحكه اعله سنك وللفرح ما تبتسم
المهم تبقه انته سالم وكلشي بعدك مو مهم

صيرلهه ام زينب حمامه
وحسين اله حضنك منامه

بضحكه الحسن اكسر نحيبه
راح اروح عنك غريبه

*****************

اني اوصيك بوصيه بروحي ظلت جن جمر
الحسن قبله اعله فمه جبدة بالسم ينفطر
وظم الحسين اعله صدرك لان صدره ينكسر
وقبل لزينب اديها تمشي مكيوده بيسر

باجر تره زينب سبيه
بيده شمر يسلب رقيه

فوك الرمح مدميه شيبه
راح اروح عنك غريبه



نسألكم الدعاء / علي حسين المياحي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زهرآء يا فاطمه ...... زهرآء يا فاطمه
_______________________

يالزهره الحزن حان ... والدمعه والاشجان .. لمصابچ بدن
نتحزملچ احزام ... وانعيش ابهالايام .. آهآت اوشجن
مقتل نقره وانلوع ... ياويلي عالضلوع .. ويلي اتهشمن
واجب تهمل العين .. خاطر يكمل الدين ... يا أم الحسن

والعين تنزف دمه .... زهرآء يا فاطمه
_______________________

عاشور الضلع صار ..علّگنه اعله كل دار .. رايات الدمع
ابعاشورچ بچي اهواي . يشبه لوعة الماي .. لمّن ينمنع
بسمار اللي بالباب ... يطعن چنّه نشّاب . وايصوّب ضلع
طفّچ گبل الطفوف .. طمعن بيچ السيوف .ماتعرف شرع

والنار ك الحاطمه ... زهرآء يا فاطمه
_______________________

طفّچ كسّر اضلوع .. مايعرفله ممنوع ... ما يرعه الذمم
بمصابچ نهر چان . مو مي يجري نيران . بس مامش علم
وضربة طاغي ملعون .طفّت بيچ العيون. چن ضربة سهم
صح ماگطعو اچفوف. بس راوتهن اجلوف .كل معنه الالم

وإتبات متألمه ... زهرآء يا فاطمه
_______________________

في كلّ التفاصيل . تشبه سحگة الخيل . رفستهم تره
صدرچ منها مهشوم . وحيلچ امسه مهدوم . طحتي اعله الثره
منظر يجرح العين . من طحتي تونين من هذا الجره
لا ماعندچ انصار . بس اطفالچ ازغار . كلها امحيّره

مچتوف عنها الحمه... زهرآء يا فاطمه
_______________________

ومحسن مهجتچ طاح . رفرف بس بلا اجناح . هذا اوّل طفل
چنّه ايودي مرسال .عبدالله استعد گال . باچر تنكتل
كلما شفتي بالعين . مثله ابطف الحسين وابنفس الفعل
نار وشتمه واسياط . واطفال ال بلگماط . واضلوع وحبل

مرتين متيتمه .... زهرآء يا فاطمه
_______________________

ينعاد الحزن بيچ . مو حگي امن اناديچ . يا أول جرح
بينچ بين الحسين . ماتفرق موازين .. من حيث الرمح
مرّه ابچعبه ينصاب . متنچ يم الاطياب . ياوجه الصبح
ومرّه يحبس انفاس . بالطف من حمل راس. من بعد الذبح

حزنين ابلا خاتمه ... زهرآء يا فاطمه
_______________________

يا أم اطهر اولاد . حزني الليله ينعاد ..... من أوّل بده
لا لا ماهو بس يوم . وياچ الحزن الدوم . دوم انجدده
ما ننسه الضلع لا . وامصابچ مننساه . وانتي الشاهده
ذكرى ابنص العقول . عنها والله منزول ... نبقه انخلّده

والروح ما نادمه ... زهرآء يا فاطمه
_______________________



ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا فاطمه يا فاطمه يا فاطمه
شلون أبخل اعليج الدمع والباب كاسرلج ضلع
جذوع اعله ورده تندفع الله واكبر
منتجيه عالحايط نفس وحسيتي بالباب انرفس
البسمار من دمج ترس الحايط احمر
يا فاطمه يا فاطمه يا فاطمه
____________
روحيت اسمج تختلف ماظيعت مره العرف
قاهرني بس ذاك الصلف الهاجم عله البيت
لتوفيقي لامس فد أثر ارضيج من اللعن عمر
اترجه جيت المنتظر يالزهره ظليت
يا فاطمه يا فاطمه يا فاطمه
____________
دليني بالدرب الصدك وخلي الكلب بسمج يدك
امنيتي ويه بابج احترك ابعتبت الدار
مسويتلي انتي جم فضل ابجيلج اشما ظل عدل
لمصابج انجن ونفعل لو شفت بسمار
يا فاطمه يا فاطمه يا فاطمه
____________
يوميه اشب وانطفي تعرفين اكيد بموقفي
يكلولي شعرك طائفي لتمس الاصحاب
ويدرون ميتلج طفل وعينج آمن السطره تهمل
جي صافعج بيده النذل طحتي اعله التراب
يا فاطمه يا فاطمه يا فاطمه
____________
حرموج من ارثج غصب وبالسوط متنج ينضرب
لبيتج وسف قنفذ يطب ويسبج اشلون
عين العلي وعين انطفت شفتي اديه اجتفت
اكلوبهم جنهه اشتفت كامو يظحكون
يا فاطمه يا فاطمه يا فاطمه
____________
يصل الكسر وكت البرد يطيب الظلع مااعتقد
ينلجم حتى باللحد ظلعج المكسور
بظلوعي يندار الالم تحسبيني بلكي آمن الخدم
عندي قضيه ومتهم من ابجي معذور
يا فاطمه يا فاطمه يا فاطمه
____________
تمت __ علاء الزيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ياصاحب الثار إلك هالمسيه ننصب مآتم نقدم عزيه
,,
جينه ننادي بدموع النواضر ندري معانه تشارك وحاضر
دمعك من يسيل يجسد مناضر كل المآسي الجرت عالزݘه
,,
بكسرة ضلعهه تكسر ضلعنه بوداي النوايب يغايبنه ضعنه
وإنته تعاين تشاهد وضعنه ما حاجه مولاي نقدم شكيه
,,
نذكر ضلعهه ويه دمهه التجاره لسه بصدرنه يغايب حراره
وين الگبر وين نگصده بزياره ونحضر ليالي العزه الفاطميه
,,
ننصب عزاهه ونون الوضعهه وننشد وره الباب منو الي دفعهه
ونسأل المسمار الهشم ضلعهه شنهو بصدرهه شفت من بليه
,,
يصرخ شفت نار عله الهادي أبوهه ونار الوره الباب إجو وشعلوهه
ونار الصحابه الذي عذبوهه ونار بصدرهه أسمهه الغاضريه
,,
ابو ولي الفاطمي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

موشح للزهراء سلام الله عليها




آه يالزهره وعظيم امصابها
_____________________________

آه يالزهره نصيح ابكل زمن
باب منّ اجذوع لضلوعچ رجن
طحتي والاسلام لمصابچ حزن
ومحزنه اركان الشرع واكتابها
_____________________________

محزنه اركان الشرع تهمل دمه
اتنادي واغوثاه يارب السمه
ربي طاح الدين طاحت فاطمه
زهرتك مذبوحه فوگ اترابها
_____________________________

زهرتك ياربي مكسورة ضلع
ذايبه امن اصوابها چنها الشمع
ناحله ومابيها حيل اعله الدمع
اوصارت امن ادماها حمره اثيابها
_____________________________

من دمه اللچمات تنزف طايحه
ربي والملعون خدها جارحه
ليل وانهار اصبحت بالنايحه
وطعنة البسمار ياذي اصوابها
_____________________________

طعنة البسمار ما خلّت امل
منها ذبلت او گرب منها الاجل
اوصارت ابدمعاتها اتودع الاهل
والبچي والنوح صارن دابها
_____________________________

البچي والنوح بيها غزّرن
وراحت اتموت التي چانت وطن
زينب اويه حسين لاجو والحسن
اشلون بالله يحملون اغيابها
_____________________________

اشلون بالله يالحنينه ابها الامر
ازغار واتعوفينه يمه ابهالعمر
يم اظلم لا تروحيله الگبر
بچّو املاك السمه بعتابها
_____________________________

بچو املاك السمه ابهذا العتب
نار بيهم تستعر صارت لهب
آه يالزهره الدهر بيچ اشلعب
طحتي بين اجلاف بين اعرابها
_____________________________

طحتي بين اجلاف راووچ السگم
فوگ ما مكسور بيچ اچم عظم
بليل مدفونه يزهره اشها لهظم
هاي ما چانت گبل بحسابها
____________________________

ابو فاطمة الطائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لاستشهاد الزهراء ع


يزهراء. الوجع تارس روحي
يزهراء. صرتي كل جروحي
اليدفن كلب. كلش صعب. والمكبره. وحشة ودمع
المغرب يمر. مثل الشمس. اوكع واون. آ يالضلع

........

صرت آني. شخص ثاني
مو ذاكه علي الانتي تعرفيني
يعلويتي. ي أم بيتي
بس النفس باقي ودمعتي بعيني

لوجهچ اصد. شفته ذبل. موت وهجر حچالي
مو وكت الفراك الصعب.واتحير بسؤالي
تسمعيني باجر لوصحت. يم الحسن تعالي

يزهراء. والله بس ادعيلچ
يزهراء. الليله يرجع حيلچ

بس رغبتج لله السفر. ياذابله. مثل الشمع
المغرب يمر. مثل الشمس. اوكع واون. آ يالضلع

......

يعافيتي. وهوه بريتي
الباب انه من اشوفه ينهدم حيلي
يذكرني. يعذبني
من كدامي صحتي فضه لحكيلي

انه الغيور المانظر. عايلتي حتى جاري
تاليهه داسو عتبتي. وحركو عليه داري
وضربو كبالي حرمتي. وساكت يظل فقاري

يزهراء. بداعتي تعذريني
يزهراء. الوالد موصيني

مر الصبر. من ينذكر. كسر الضلع. وخد ينصفع
المغرب يمر. مثل الشمس. اوكع واون. آ يالضلع

......

حسن وحسين. بدموع العين
للمسجد اجوني بركضه وبدمعه
الدموع تكول. وحچيهه يطول
بويه الحك لبيتك ماتت البضعه

ركضه بجدم يعثر انه. لبيتي وصلت اعاتب
يابيت صرت بلاطعم من فرگة الحبايب
اسم الله اعله كلبچ فاطمه. المتحمل المصايب

يزهراء. الچ ابچي وانحب
يزهراء. لو اسكت زينب

مات الضوه. وشح الهوه. بكلبي حچي. ماينسمع
المغرب يمر. مثل الشمس. اوكع واون. آ يالضلع

.......


عله اطفالي. صعب حالي
كلهه تصيح يمه وانتي مو يمنه
شفت زينب. بدمع تنحب
احنه تكلي ام چا ليش ماعدنه

من اخذهم انه للكبر. اطفالچ اليتامه
زينب ترش ماي الورد. يل ما الچ علامه
تردين يايمه شوكت. صاحتلچ بسلامه

يزهراء. شمعتي الطفوهه
يزهراء. وردتي كطعوهه

رجعي الي. شظل لعلي. بس النفس. لو ينكطع
المغرب يمر. مثل الشمس. اوكع واون. آ يالضلع

.......

يغاليتي. ردت بيتي
بصف كبرچ وانام واكعد بكتره
واشم تراب. بلايه عتاب
لتالي الشيب ردتج والله يالزهره

ماظل ابد يازهرتي. من عمري بس حسافه
ياموت وينك ماتجي. شو طالت المسافه
عايش غريب بلا وطن. كلبي اشتهه الترافه

يزهراء. نلتقي اثنيناتنه
يزهراء. المحسن ابيناتنه

حسبة وكت. يكضي الالم. يم النبي. من ننجمع
المغرب يمر. مثل الشمس. اوكع واون. آ يالضلع

.......
نسألكم الدعاء
حسين العقابي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ورب السِمه يا فاطمه
شعبي تره ينزف دمه
عينج على شعب حسين ادعيله يم بارينه
********
يا فاطمه الهذا الشعب دعواتج
ماكو صبر عدنه ردت نظراتج
ظُمي الوطن مِن العِده بعَباتج

شعبي نزف يا للأسف
بس الجثث برض النجف

نحلفج يمولاتي انريد نزف الدمه توكفينه

*************
أرض النجف كلهه أمتلت بس شُبان
يوميه جم شاب النزِف للدفان
طعم الفرح مات بشعب كله أحزان

والأم تون لفكد الإبن
يمتى الفرج يَم الحِزِن

يمتى الفرج وبيا يوم يم الحسن خبرينه

***********
هذا الوطن طول الزمن ما مرتاح
يا حاكم اليحكمنه فاسد ذباح
هذا البلد گظه العمر وَن ونياح

بس القهر محصل البشر
من هالحكم عاش بخطر

باگونه اي بسم الدين ومنهم تره ملينه

********
يا فاطمه الهذا الشعب وگفيله
نريده مثل باقي الشعوب ابحيله
گظينه العمُر ليله أشد من ليله


ليش الوطن كله مِحن
گظه العمر ضيم وفتن

جاب العمر حرب وموت من هالوضع خلصينه
************
كله بسبب حبنه الج عادونه
رادونه عنكم نبتعد رادونه
هيهات ابد صحنه على العادونه

هذا العمر الكم نذر
وداعة علي النه النصر

كلمن يواليكم فاز فاز ابدنيته ودينه

************
يا فاطمه يمتى الإمام المهدي
يخلصنه من هذا الوضع ويعدي
هو الأمل ضل الوحيد العندي

يمتى انتظر مر الصبُر
كل جمعه انه ادعي الفجُر

ما ضل صَبُر يم احسين بس هو لينجينه

***********
تمت بعون الله
ميمر كربلائي
كلمات يوسف هاني الاسدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

مجلسچ خيمه وتلمنه...يازهراء
هيه ابونه وهيه أمنه...يازهراء

هاي جنه عالارض لامو عزيه
عطر بيهه امن النبي وحامي الحميه
من يسإلوني أگولن يالزچيه
أشعر الخدمه ابمثابة والديه
بيهه يتحقق حلمنه...يازهراء
هيه ابونه وهيه أمنه...يازهراء

يالمحبتچ واجبه يم الإمامه
واحنه ملتزمين بيهه للقيامه
المايحبچ بالحشر يشبع ندامه
هذا ماعنده ثقافه ولا كرامه
خدمتچ بيهه التزمنه...يازهراء
هيه ابونه وهيه أمنه...يازهراء

ياعشگنه المنه ضل ينبض گلبنه
نختنگ ونموت لوما هذا حبنه
الدنيه ضلمه وحبچ اينور دربنه
هالخدامه وهالمجالس ترضي ربنه
انموت لو منهه انحرمنه...يازهراء
هيه ابونه وهيه أمنه...يازهراء

رحمة الله الواسعه وبضعة نبينه
فاطمه وماينسي فضلچ علينه
والله يم حسين حبچ يسري بينه
وابسبب هاي المحبه اتوفقينه
وانعرف منهه إسمنه...يازهراء
هيه ابونه وهيه أمنه...يازهراء

إي وحگ رب الجلاله الخافي سرچ
صحنه مهدينه لون يتعنه گبرچ
ابهذا حبنه وبرسالتنه يخبرچ
والله من اعمارنه كون اعله عمرچ
للولايه انضحي دمنه...يازهراء
هيه ابونه وهيه أمنه...يازهراء

سيد علي الموسوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

إسْــتِـغَــاثَــاتْ آهَـــاتْ مَـحَّـدْ سِمَعْهَا
فَاطِمَه اِتْصِيحْ وِ اِتْطِيحْ هِيَّه اِوْ دَمِعْهَا
وَ انِيْ مَـجْـبُورْ مَكْسُورْ گلْبِيْ اِوْ ضِلِعْهَا
هَذَا صَايرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْمَعِتْهَا اِتْصِيحْ وَ انَه اِبْهَذَا وَضْعِيْ
يَـريتِ الصّيحَه مَـا مَـرَّتِ اِبْـسَمْعِيْ
اِوْ قَبِلْ دَمْعَتْهَا طَاحِ اِبْـخَدِّيْ دَمْعِيْ
مِـشـيـتِ اِوْ لَازِمِ اِبْـچَـفّـيـنِيْ ضِلْعِيْ

اِسْتِغَاثَات ارْبَعَه مِنْهَا بِدَتْ وِالموتْ لَاحِگهَا
بَحَّه اِبْـصـوتْهَا اِمْبَيْنَه لِأنْ دُخَّـانْ خَـانِـگـهَـا

صَعْبَه يَـانَـاسْ يِنْدَاسْ جِدَّامِيْ بيتِيْ
عِنْدِيْ مِنْ هَايْ بِهْوَايْ أسْهَلْ مِنِيتِيْ
مَا أسِلْ سيفْ تَكْليفْ چَانَتْ وِصِيتِيْ
كِلْشِيْ گادِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْتِغَاثَه الأولَى چَانَتْ " يَامُحَمَّدْ "
عَلَى بِنْتَكْ يَـبُويَه اِنْمَدَّتِ اليَدْ
وِ اِذَا رَايدْ عَلَامَه ، اِتْلَمَّسِ الخَدْ
تَرَه اِمْنِ السَّطْرَه صَايِرْ لونَه أسْوَدْ

اِسْتَغَاثَتْ لَاكِنِ الهَادِيْ يِگُومِ اِشْلونْ مِنْ گبْرَه
لوْ حَيْ بَعْدَه مِنْ يِگدَرْ يِمِدْ چَفَّه عَلَى الزَّهْرَه

اِبْفَاطِمَه اِشْصَارْ وِالنَّارْ تَـاكِـلْ بِديهَا
اِتْدَوِّر اِحْجَابْ وِالبَابْ طَاحَتْ عَليهَا
تِـتِّـجِـه ويـنْ وِ اِحْسينْ يِسْمَعْ بَچِيْهَا
گلْبَه حَايِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْتِغَاثَه الثَّانِيَه زَادَتْـلِيْ حِزْنِيْ
دَخِيلَكْ " يَاعَلِيْ " أسْمَعْهَا بِذْنِيْ
تَـرَه المِحْسِنْ يَـحيدَرْ طَاحْ مِنِّيْ
دِرِتْ وَجْهِيْ وَ اصِيح اِسْمَ الله يَبْنِيْ

مِنْطِيْ لِلنَّبِيْ اِحْچَايَه لَازِمْ چَفِّيْ مِنْ عِدْهَا
وَ إلَّا فَاطِمَه اِگبَالِيْ تِصِيحِ اِوْ مَا أسَاعِدْهَا

گُوَّه قَاسيتْ عَـدّيـتْ هَـايْ الـمُـهِـمَّـه
إبْنِيْ مَعْقُولْ مَـچْتُولْ وِ اِگـمَـاطَـه دَمَّه
عَالجَمُرْ طَاحْ بَسْ صَاحْ مِنْ عِصْرَوا اُمَّه
مَاكُوْ نَاصِرْ ؟ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْتِغَاثَه الثَّالِثَه الدَّمْعِيْ تِفُرْضَه
تِصِيحِ الزَّهْرَه لِحْگِينِيْ " يَفِضَّه "
اِعْلَه كيفِچْ فِضَّه آنَه اِبْضِلْعِيْ رَضَّه
وَ احِسْ بينِيْ اِوْ بينِ الموتْ لَحْظَه

گامَتْ فَاطِمَه اِوْ فِضَّه تِحَاذِرْ خَافْ تِلْچِمْهَا
لِأنْ كَسْرِ الضِلِعْ كِلْ مَا تِـتْـنَـفَّـسْ يِـألِّـمْـهَـا

دَمِّ الـضْـلُـوعْ مَطْبُوعْ ظَلِّ اِعْلَه بَابِيْ
عَـالحِيَاطِـيـنْ نَـاسِينْ صُـورَةْ عَـذَابِيْ
اِبْن آدَمِ اِيْخَافْ لوْ شَافْ شِيْ مِنْ مُصَابِيْ
مَـا يِكَابِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
اِسْتِغَاثَه الرَّابِعَه أسْمَعْهَا وَحْدِيْ
تِصِيحِ الزَّهْرَه أدْرِكْنِيْ " يَمَهْدِيْ "
أرِيـدَكْ يَبْنِيْ تِطْلُبْ ثَـارْ خَـدِّيْ
اِبْـسَـلَامَـه لَا تِخَلِّيْهَا تِـعَـدِّيْ

تِدْرِيْ الثَّارْ مَا يِنْرَدْ بَسِّ المَهْدِيْ اليْطُلْبَه
وِ الگاطِعْ أرَاكَتْهَا هَمْ فوگِ اِشْجَرَه اِيْصُلْبَه

بَاچِرِ اِيْعُودْ مَوْعُودْ مِنْ رَضْوَه قَادِمْ
يِطْلُبِ الثَّارْ لوْ غَارْ شِـبْـلِ الهَوَاشِمْ
نَصْرَه لوْ ذَاعْ عَالگاعْ مَا يُبْقَه ظَالِمْ
رَاح انَاطِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ
عُگُبْ هَاي اِسْتِغَاثَاتِ الزِّچِيَّه
عِشِتْ لَحْظَاتْ أقْسَه اِمْنِ المِنِيَّه
تِمَنّيتِ اِبْـسَـلَامَـه اِتْـرِد اِلِيَّه
اِوْ أنَه اِلِّيْ تِنْكِسِرْ ضِلْعينْ بِيَّه

زَهْرَةْ عُمْرِيْ جِدَّامِيْ ذِبْلَتْ وِالغُصِنْ مَحْنِيْ
تَرَاهِيْ الدِّنْيَه مِتْعَمْدَه اِبْفَگدِ الزَّهْرَه تِجْرَحْنِيْ

كِـلْ هَـالايَّـامْ آلَامْ بِيْهَا اِوْ مُصَايبْ
اِثْمُنْطَعَشْ عَامْ وِ اِتْنَامْ جَوَّه التِّرَايبْ
ضَاعَت احْلَامْ مَا دَامْ وَصْلِ الحَبَايبْ
جِفْنِيْ سَاهِرْ وَ انِيْ صَابِرْ
ــــــــــــــــــــــــــــــــــــــــــــــــــــــــــــــــــ


٢ / ١٢ / ٢٠١٩ الإثنين
كرَّار حيدر الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة لتشييع فاطمة الزهراء ع… .


اليوم شيعناهه
اليوم شيعناهه
اجنازتچ يم الحسن اليوم شيعناهه
@@@@@@

شلنه نعشج بالدمع
والدليـل المنفـــجع
آه يا كســــر الظـلع
والجنين المنصـرع

تألمينه اوياهه ،،،،، تألمينه اوياهه
اجنازتچ يم الحسن اليوم شيعناهه
@@@@@@

نزلت أمــلاك الســــماء
ألـچ يا فخــــر النســاء
عالأرض نصــــبو عـزاء
وضجت اصوات البكاء

ابكل وكت ننعاهه ،،،،، ابكل وكت ننعاهه
اجنازتچ يم الحسن اليوم شيعناهه
@@@@@

ابصوت نادت شيعتچ
دم نهل وي دمعــــتچ
ما نســينه امصيبــتچ
والضلـوع وعصـــرتچ

واللـه ماننساهه ،،،،، والله ماننساهه
اجنازتچ يم الحسن اليوم شيعناهه
@@@@@

انعزي طه وحـــيدره
ابطيحـتچ يالطاهـره
وين عنـــــــچ يا تره
اليوم سبع الگنـــطره

هاي نتمناهه ،،،،، هاي نتمناهه
اجنازتج يم الحسن اليوم شيعناهه
@@@@@@@

حيــل اورم صدري اريد
بالطــــــــم لم الشهــــيد
حالهه ايذوب الحــــديد
ابفعل ضـــــــــلام العبيد

ياثگل بلواهه ،،،، ياثگل بلواهه
جنازنچ يم الحسن اليوم شيعناهه
@@@@@

اوياچ وقعـــنه العــهد
نبقه نخـــــــدم للأبــد
حبچ احلى امن الشهد
واللـه منعــــوفه بعــد

الخدمه ماعفناهه ،،،، الخدمه ماعفناهه
اجنازتج يم الحسن اليوم شيعناهه
@@@@@

الخادم
كامل السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

استشهاد الزهراء ع
ملتقى مولاتي الزهراء مع الرسول ص

للحبيب اتسولف ادموع الحبيبه
للنبي تشرحله فاطمته المصيبه
عن سبب وگعت ابنها
والسواد الي بجفنها
+++++++++++++
ملتقى الغالي وحزنها فاطمه اتلاگن سويه
اهوايه متغيره يگلها ضاعت ارسومچ عليه
ادري اجرحچ لو سألتچ انتي مو انتي الزچيه

معقوله الاگي فاطمه
وبوجهي مامتبسمه
گلب ام حسن شمألمه
اشغيّرچ احچي القضيه

وشجرالچ يم حسن مو هذا لونچ
وحده بس شو فاتحتها من عيونچ
والعييون احچيلي عنها
والسواد الي بجفنها
++++++++++++
العبره خنگتها وابوها يفهم اسوالف دمعها
اتگله يابويه رواية بابـي ما تحمل سمِعـها
البي عطر چفك بنيتك بابها الكاسر ضلعها

حرمه وعَلَي باب اندفع
ويه الدمع حيلي وگع
من النفس بيه انگطع/
الآه من صحته سمعها

آه اصيح ويستلذ ضـل بعذابـي
ابحيله يدفع وانه كل همي بحجابي
اهنا وگع بنتك ابنها
والسواد ااي بجفنها
++++++++
يا رسول الله الهظيمه ابيتي انطگ فاطمه آني
وشوغت البسمار كلـفه وانزفت والدم خذانـي
اويه الطفل صارت وگعتي وقنفذ بسوطه ولاني

بين الجمر بين الضرب
دوّرته محسن بالترب
شحجيلك الموقف صعب/
من لگيت ابني ولگاني

شفته يحضني يريد وحرّك ايده
اتَّمتم اشفافه وعرفت ابني اليريده
زينب وشوگه الحضنها
والسواد الي بجفنها
+++++++++++++
همه كثره وانـي وحدي عالمتن نزلوا غضبهـم
والحسن وحسين اجوني وانت تدري شگد احبهم
امهم يحاموني رادو فـوگي من وگعوا ضربهـم

عن روحي لو عن الحسن
اشـگـف واديــه ورَمــن
واعيوني يابويه انعمن/
من سمعته صوت اختهم

شيله سوطك بسّك الزهـره اكتلتها
هذا متني اضربني عن امي اسمعتها
امن الزغر ضربو متنها
والسواد الي بجفنها
+++++++++++++
حسين مو بس الشريعه بكلربله اتسويله كسره
اگبال محسن هم تخوصر شفته حط ايده اعله ظهره
بزغره حس بالغربه اشوفه وصار وجها كله عبره

من شفته نسّاني الالم
وتصور بچـبده سهـم
عالعتبه چن حرگة خيم
وداست اجدامه اعله جمره

ابلحظه مر الطف عليه بذاك حالي
ما يفارگني وسبي الحره اعله بالي
ضلعي وضلوعه وطحنها
والسواد الي بجفنها
+++++++++++++
يا نبي الرحمه بمصابي اعتذر گلبك جرحته
هذا ونَي الي تسمعه اگبال حيدر ما ظهرته
ايگلي يالزهـره اشيألمج گتله لمأذيني انته

ماكافي اگله امن السهر
تفرگ اديك امن القهر
مثل الضلع گلبي انكسر/
من اشوفه ايهل دمعته

الدمعة اعيون الوصي جتني المنيه
امن القهر ميته واجيتك هالمسيه
الزهره والليل ودفنها
والسواد الي بجفنها

الشاعر ثائر الربيعي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747