سيدي .. وعيونك
ما اعيش بدونك
تايه آنه وچفك ايدليني

........

گلبي انتَ .. وروحي انتَ
يا يقين ظنوني
شلون اعوفك .. وآنه اشوفك
اغله من اعيوني

منهو مثلك اِنطه كلشي لمثلي
آنه انزّل بيّه وانتَ اتعلّي
الطفل بيدك والسهم من صابه
صحت يا شيعتي .. مو يا طفلي

عاقل ومجنونك
ما اعيش بدونك

........

دللتني .. كبّرتني
من صرتلك خادم
والتحبه .. يحبه ربه
وهم تحبه الوادم

كون ما يتكبّر اعله الفقره
وكون ما يتصنّع اعله الفطره
ما تفرّق گلبه عن لسانه
الگلبه اسود ما تسجله الزهره

يحترم قانونك
ما اعيش بدونك

........

من سنيني .. مشتريني
يالدفعت اوصالك
أبقه يمك .. حتى اخدمك
حتى اعيش بجالك

آنه من زغري اعيش بخيرك
وصار تقديري بسبب تقديرك
لو عفتني الا اطيح عيوني
شنهو غيرك حتى اروح لغيرك

آكل بماعونك
ما اعيش بدونك

..........

عمري دمعه .. يجري وانعه
والطم اعله جروحك
كون يمك .. بيّه اضمّك
روحك فدوه لروحك

عشر خياله خذوا عافيتك
عيوني اذا ما تنعمي .. اشوفّيتك
لا تخاف عليه .. امشي بدربك
آنه ابن المنبر .. وتربيتك

ما أخيب ظنونك
ما اعيش بدونك

.........

سوو كلشي .. الا امشي
بموكب المشايه
شنهو عمري .. وآنه ادري
الزهره تمشي ويايه

گوه تمشي والضلع ماذيهه
المهدي عكّازتهه ويمشيهه
اتگله اشم ريحه وفه عالمشرعه
بابو فاضل رادت ايدليهه

بالاخو يواسونك
ما اعيش بدونك

........

احمد هادي الشمري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

#قصيدة_السيده_رقيه_تخاطب_ابيها_الحسين_عليهم_السلام


مشتاگه اشوفك يالجنت مثل الگمر تضويني
من الله لا ينطي الرمح الحارمني من اسنيني
انـه رقيــــه مدللــه…… اذوني بويــه بكربلـه
ــــــــــــــــــــــــ ❃ ❃ ❃ ــــــــــــــــــــــ
يابويه مشتـاگـه الك وارد اسئلك حاجـيني
ضليت انحـب وانتحب مـن التعب ماذيـنـي
رد ليه لـو لحظه بحـلم گمـت الجم تدريـني
معـقوله ماترجـع الـي ياكــل هلـي ناسيـنـي

ارجع يالمخضر اليبس مشتاگه اشوف اطيوفك
بعــدك بقَـيت ابــلا دفــو فدوه رحت لحــروفك
بُعدك اذيــــه ومعضله …… اذوني بويه بكربـله
ــــــــــــــــــــــــ ❃ ❃ ❃ ــــــــــــــــــــــ
تعـرفـنـي بيــويـه مدللـه و بكــربله سـلـبـوني
حاجيني من فدوه رحت يمك صحت هضموني
جابولي مــاي وماردت ليــك شـردت لاگـــوني
بسيـوفهم منهم خفت بويــه وشفــت رعبـوني

رديـت اركـظ عالجمـر خـوف ورعـب وبـواجـي
يابويه ســـلبو خنصــــرك وردو عـــله التـراجي
فرگـــاك لا مااحمــله…… اذوني بويــه بكربــله
ــــــــــــــــــــــــ ❃ ❃ ❃ ــــــــــــــــــــــ
ويــن الــكـه مثـلك يا ابــو صـايـر دفــو اليــــه
مشتاگه انام واشبكك وأقبلك بكدما تخاف عليه
ها يالجنت اغله حضـن جنت انه اضـن ســويـه
نبقه ابد طول العمر ماكو شمر يربطني من أديه

كــل العـمر مـنـي رحــل بـويـه واجـه عـذابـي
سنيني مشت هسه وبـدت بهاذ العمر مصـابـي
بياوكت انه مبهذله…… اذوني بويــه بكربــله
ــــــــــــــــــــــــ ❃ ❃ ❃ ــــــــــــــــــــــ
وشحجيلك شـباقي حـجي غير البجـي ودمعنه
واليل يابويه صعب يم الغرب عگبك منو اليلمنه
مانستراح اونستجن بس نون صعبه لون سمعنه
نسوان هاشـم بالسبي واجنبي الي حـده بضعنه

صعبه واشد من الصعب نمشي يبويه عله الهزل
الحدايه بضعـونك غـرب صعـبه وابـد ماتنـحمـل
زجر الغرب وشيحمله …… اذوني بويـه بكربـله
ــــــــــــــــــــــــ ❃ ❃ ❃ ــــــــــــــــــــــ
هانت عليه الايام بس بالشام كعدوني بالخرابه
اوسادتي حضنك جنت وتوسـدت هسه بتـرابه
اشتاكيت الك هسه وردت جابو طشـت يابـابه
وغفيت صارت نومتي او موتتي حلمي مصابه

لمن شبـكته انـه متـت يابـويه الك مشـتاگه
تلاكينه بويه ومـو حلـم لا منصـدك المـلاگه
هاذه الوجه مشتاكه اله……اذوني بويــه بكربله
ــــــــــــــــــــــــ ❃ ❃ ❃ ــــــــــــــــــــــ
الخادم الحسيني
(محمد رحيم المشعلاوي)


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

راية العباس مو يم النهـر
ماهوت عالگاع صعدت للگمـر

بالسمه سووها حمـره
بيها دم وبيها طبـره
وبيها شد حسين ظهـره

حيــو عبــاس

هالليـله هالليـله
حيــو عبــاس
_____________________

رايه وتشدها العشاير للأخوه والصلح
والحلف بالرايه كاذب تعمه عينه وينفضح
رايه واليلزمها كون امنگعه اچفوفه ابملح
من تحطها اگبال ميت عينه رأسن تنفتح

اقماشها العباس بيده امفصله
كتب فـوگاهه مدد ياكربله

ازغيره چانت واشتراها . على اچفوفه علماها
لكربله ويـا خذاها
حيو عباس
_____________________

انته تدري ابيا طريقه خيطتها أم البنين
خيط من احجاب زينب خيط من ثوب الحسين
زورتها اشگد مراقد شبعتها من الحنين
يوم كامل بيتتها ابصحن أمير المؤمنين

حته عباس من ايشيلها
ابكربله ايتعب زلمها وخيلها

بيها ريحة أبو طالب . تعلگت فوگ المواكب
بيها دمع المهدي كاتب
حيو عباس
_____________________

راح اسولفلك عليها وانته افهم مطلبي
الرايه عند الله تعادل نص إمام ونص نبي
الرايه علويه وتشور چنها تل الزينبي
گوم ياعباس صاحت خذوا زينب للسبي

وابوفاضل گام يرعد صوته
اترخص من الله ورجع من موته

والانصار ايهوسوله . ياهله بهاي الرجوله
ميت وگام اعله طوله
حيو عباس
_____________________

الرايه من هزاها بيده شخطت وجه السمه
الكسا هيه اليماني البي تغطت فاطمه
چنها بنتك يابوفاضـل بس عليك امعلمه
الرايه لويعگوب شمها ايروح من عينه العمه

من تطب ابيتنه ايطب الأمان
رايه بس تشبه مفاتيح الجنان

للمرض رأسن تعالج . تقضي انواع الحوائج
بالحرب ترسم مناهج
حيو عباس
_____________________

راية العباس كشخه وتنطي للخايف مدد
بيـها من تمسح وجها العاجر اتخلف ولد
الله للقـرآن صدگ آيه لو نزل بعد
قُل هوَ الله ثم نقره قُل أبو فاضل أسد

قوة الله وعلـي بچفوفه
شلع شط العلگمي من اجروفه

للعطاشه سحل جابه . شـربوا الماي ابثوابه
گامـوا ايحنون بابه
حيو عباس
_____________________

راية العباس هيه اتفرح اللطامه
اتصير للمهدي عبايه وهم تصير اعمامه
حسين شداها اعله ظهره يوم طاح احزامه
تكره العامود كلش لإن طر الهامه

راية تنطي الحيل للمشايه
ياحـلاة الشال هاي الرايه

بيها يتحزم الزاير . صارت ابعلو المناير
نصرت الفوگ السواتر
حيو عباس
_____________________

كلمات الشاعر | محمد الجماسي

_____________________
الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

من البحر حد النحر .. مشايه
يطوي الارض موج البشر .. مشايه
بالأربعين معلمّه .. راياتنه بعلو السمه
مشايه مشايه .. مشايه
.............................
ساعه بساعه أحسب والكلب متلهف يطوف ..
من عام المضه لهاي الزياره كلبي ملهوف ..
اليمشي بدرب ابو السجاد أبد مايعرف الخوف ..
يزور حسين يوم الاربعين ودمعه مذروف ..
منعوف دربك للأبد .. مشايه
يحسين أنت المعتقد .. مشايه
ونوقع العهد بدمه .. راياتنه بعلو السمه
مشايه مشايه .. مشايه
............................
متعّني أزور انه وهلي وبصافي نيه ..
وخطوات المشي كلهن وفه وغيره وحميه ..
عهد أبقه على دربك سيدي ليوم المنيه ..
ودمعات الحزن من ناظري تواسي الزجيه ..
مثل الصلاه صارت فرض ..مشايه
تغطي الارض طول وعرض .. مشايه
شما فجّر الباغي ورمه .. راياتنه بعلو السمه
مشايه مشايه .. مشايه
..............................
أطفال ونسه شيوخ وشباب أتعّنت اليوم ..
وبصوت الحزن تبجي وتوّن تصرخ يمظلوم ..
مشايه مثل روج البحر عالكاع مرسوم ..
ندعي الباري نعمة هالزياره كل سنه تدوم ..
هاي الجموع الزاحفه .. مشايه
خطواتهه تنكط وفه .. مشايه
وسطّرت أروع ملحمه .. راياتنه بعلو السمه
مشايه مشايه .. مشايه
..................................
تتشرف بخدمة زاير حسين المواكب ..
لهلال الزياره بكل سنه تبقه تراقب ..
على طول الطريق تهّون علينه المصاعب ..
كلمة ياهله من معزب تزيح المتاعب ..
زوار ماتعرف تعب .. مشايه
شفنه الاجانب والعرب .. مشايه
صبه ومسيح ومسلمه .. راياتنه بعلو السمه
مشايه مشايه .. مشايه
..................................
اوصل كربله بلهفة محب فارك حبيبه ..
جمرة نار تسعر بالكلب شوكي ولهيبه ..
تشعر بالأمان بكربله روحي الغريبه ..
بصحن حسين من عيني يهل دمع المصيبه ..
نوصل لحد صحنك زحف ..مشايه
يهون بضريحك كل كلف .. مشايه
ونريد حسن الخاتمه .. راياتنه بعلو السمه
مشايه مشايه .. مشايه
.............................
نطوف الصحن سبع أشواط حجه وعمره هايه ..
عنوان البدايه حسين وحسين النهايه ..
وعشرين بصفر نوصل ألك بيدينه رايه ..
مثل زينب مشي راحت غريبه ويه السبايه ..
لو باقي لحظه من العمر .. مشايه
بدربك نموت وننتظر .. مشايه
بس نظره منج فاطمه .. راياتنه بعلو السمه
مشايه مشايه .. مشايه
..................................
حيدر مطر العبادي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بجفاك ..هلت دمعتي..بجفاك..انه وعمتي
بجفاك ..عذبني الشمر
&&&
هيبت البنت باابوها من تشوفه
كعبه والدها عليها ومن تطوفه
تعاينه شمحتاج لو حلت ضيوفه
تفهمه بلايه كلام بكل ظروفه
نريد وياك العمر.. بجفاك ..عذبني الشمر
&&&
شمعه كل والد لبنته وهوه خيمه
لحظه من يكعد وياها وي حريمه
تناشده بروح الابوه والها قيمه
ولو رحل والدها عنها يا هظيمه
الكلب يصبح جمر.. بجفاك ..عذبني الشمر
&&&
شلون لو بنت وابوها وبيه محنه
يوم متفارك خياله وهيه جنه
تلهج بااسمه وحجيها كله عنه
شلون لو راح ورحل وافترك منه
بهاي يرحمني الصبر.. بجفاك ..عذبني الشمر
&&&
تعاين السجاده تنطر كل مسيه
يوم تفرشها بااديها الهاشميه
تعودت هالحال وانعرفت رقيه
تالي منه بسرعه فركتها المنيه

شافته ماكو العصر.. بجفاك ..عذبني الشمر
&&&
طلبت وطلبتها يسمعها الحضر
طفله وبعمر الورد بيهم تدك النظر
حست بغيبة ابوها وبيه خطر
صاحت بصوت وتنادي عل البشر
هسه اعرفت الامر.. بجفاك ..عذبني الشمر
&&&
شافته وكعدت تشمه براس ابوها
اشتكت هيه وتكله من العذبوها
سكتت عل الراس هيه وخاطبوها
سكته وبلايه حجي من كلبوها
ماتت بسرعه الطهر.. بجفاك ..عذبني الشمر
&&&
خادم اهل البيت
الحاج ابو علي السعيدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصائد المشايه
لحن ماجد الفياض فدوه اروحن زوار لجدامكم
*********************************
اليوم زوار حسين مشايه
تعنوا لكربله والله اعنايه
**********************************
ذوله زوار الحسين
لكربله هل كاصدين
طلعوا بزود وعزم

تحدوا اخطار المنيه
وعلى عناد الناصبيه
طلعت بزود الزلم

نمشي ونشيله علمنه
ومابرد والله عزمنه
دومه مرفوع العلم

نمشي ايام وليالي
وبالمشي لا مانبالي
نوصل حسين المهم

زواره احنه وللابد وفايه
*********************************

لكربله والله توجهينه
نزوره احنه هالااجينه
مشي نكصد كربله

نبجي ونهمل العين
لحضرتك هالمعتنين
قافله بصف قافله

وياك مانخلف عهد
مشايه نبقى للابد
هايبن سيد المله

نعم منهم والنعم
مشايه اجتك هالزلم
اهل غيره ومرجله

زوارك انته وهل نطوك حجايه
**********************************

من البصره والله وللعماره
كلها طلعت للزياره
توجهوا صوب الحسين

زغار وكبار الاجتك
والله هاليوم اعتنتلك
اليوم الك هالمعتنين

وبغداد وي الناصريه
توجهوا كلهم سويه
الك والله كاصدين

قسم قسمولك يغالي
نمشي ايام وليالي
وبدربك احنه سائرين

نريدك انته تحقق النه الغايه
**********************************

الخادم عماد محمد الدراجي
الاحد 2019/9/22


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

{ زيارة الاربعين }


يمشاي * جيب الماي * من تزور الغالي
من الحسين * طلع صوت * لا تموت اطفالي
_______________
١-
لمن تمشي لحسين جمع دمعة العين
عطشانه اليتامه
هذا مروي اليتام مطفي بدمعته اخيام
تسمع بالقيامه
زوره وانته تعبان امشي وانته عطشان
ليلك لا تنامه
تاخذ بيدك امراد باچر بالحشر غاد
تعبر بالسلامه

بالحساب * والكتاب * مو سجلك خالي
من الحسين * طلع صوت * لا تموت اطفالي

______________
٢-
عدك ذني خطوات بس مطفي خيمات
من تمشي وتزوره
تعرف لمن تزور بكبرك يشتعل نور
حسين يخلي نوره
امشي وانته مجروح اصبغ وچهك وروح
بصخام الجدوره
كلب كل الاوراق هاي الثوره اخلاق
انقل احلى صوره

يثوار * ينصار * اي وحق العالي
من الحسين * طلع صوت * لا تموت اطفالي

______________
٣-
اوكف وقت الاذان صلي وقرا قران
لعيون الزچيه
هوه وربه بعدين كلمن عكس الحسين
معروفه القضيه
هوه الرايح يزور الله يكله مأجور
مقبوله العزيه
المهدي بهمه ناداك تمشي ويمشي وياك
لارض الغاضريه

وويلاه * حسيناه * منفطر دلالي
من الحسين * طلع صوت * لا تموت اطفالي
_____________
٤-
صارت كربله حسين هيه ام الدواوين
فايض بيها خيره
صاحب اكبر مضيف ينام ويشبع الضيف
يم شيخ العشيره
تزحف كل الاملاك تدخل كربله هناك
بالحضره الچبيره
لمن تشرب الماي اذكر فدوه مولاي
وبنيته الزغيره

فده يروح * يمجروح * والله كل عيالي
من الحسين * طلع صوت * لا تموت اطفالي
______________
٥-
من توصل يمشاي جايك كله مولاي
وتشوف الكرامه
لمن تبچي دمعات تاخذ والله حاجات
من فيض المامه
رحمة الله بالكاع اليخدم حكه ما ضاع
باجر بالقيامه
الصفه النيه سلطان حسين اليطي عنوان
من عرش الخدامه

اناديك * يمولاي * انته ساكن بالي
من الحسين * طلع صوت * لا تموت اطفالي
______________


حسين عبد الجليل المالكي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة بحق السيدة #رقية ع


طفله مو مالت سبي * چنهه قدسية نبي

وردة چانت بالمخيم
بـيـهـه والـدهه متيم

*-----------------*-------------------*

عوداهه حسين من يطلع يشمهه
بكل صباح تعودت يهتف بسمهه
فجئة خلاهه بدمع وسهام ألمهه
تركض ونار الخيم چوت جدمهه

والمتن ما ظنه يسلم * بـيـهـه والـدهه متيم

*-----------------*-------------------*

اربـع سـنـيـن الـعـمـر اكـثر روايـه
يعني مو مالت سبي وتنظر سبايـه
ربي هالطفلة نسبت شنهي الجنايه
هايه مــا صارت كـبـل بـيـن البرايه

مدري واقع مدري تحلم * بـيـهـه والدهه متيم

*-----------------*-------------------*

يحبهه ابوهه حنينة و صغيرة بناته
بـهـالعلاقه لـزيـنـب تـرد ذكـريـاته
وچـانـت تـحـس بمحبته وسـر غلاته
تـحـضـر بـكـل يـوم سـجـادة صـلاتـه

خدهه ياسه ويحله بالشم * بـيـهـه والدهه متيم

*-----------------*-------------------*

فارگاهه و ما رجع و الحاله صعبـه
نحرمت بلحظه لحنانه وتتني دربـه
تـنـظـر الخياله يمهه و كلهه غـربه
خافت وينزف جفنهه و دمعه صبه

وبوضعهه الباري يعلم * بـيـهـه والدهه متيم

*-----------------*-------------------*

حـرگـوا الخيمه و تصد بالنار اجوهه
ركضت و تصرخ يـبـابـه و ما رعوهه
تصورت بعده ويجيهه يحامي ابوهه
والله صـعـبـه بـجـر اذنـهـه يـعذبوهه

تدري ما يرضى اتألم * بـيـهـه والدهه متيم

*-----------------*-------------------*

شـافـت الخـيـل الاعادي مــن اجنهه
مثل شذرة الدمعه نزلت عالوجنهـه
ويله ويله العــذبـاهـه وجــر اذنـهـه
تـذبـل الـورده و تـمـوت بـلا غصنهه

حبهه غالي وميتقيم *** بـيـهـه والدهه متيم

*-----------------*-------------------*

✍ بقلم خادم الحسين ع
الشاعر رعد الچريخي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

من بعد اخوتي وحـرك الخيام
صوت اسمعت نسـاني الايتام
اخـت الكمر طــبـــوهـا الشام
~~~~~~~~~~~~~~~
انه زيـنـب انه الحنــيــنـه الجبيره
عشت بين اخـوتي اميـره بعشيره
حرت من بعـدهم ولا مـنـها حيره
لكطع نحر الحسين خذاني اسيره

يخزرني وي كل جرت انفاس
يضربني كل ما حاجي عباس
كل خطوه امشيها بالف عام
اخـت الكمر طبــوهـا الشام
~~~~~~~~~~~~~~~
كطعت الصحاري على ناكه هزلـه
وصـراخ اليتــامـه اخــذ حيـلي كله
مشـيت بدرب بي شمــاته ومـذلـه
اليفاركها اخـــوهــا تـرافـكـها علـه

تمنـيـتـه جـف الكـافـل ويـاي
وتبــوشـه من الرايــح وجــاي
نضراتــهم اقسى من السـهام
اخـت الكمر اخـذوها الشـام
~~~~~~~~~~~~~~~
الهضمني والجمني وحنه ضهري ليه
شفـتــهـم يــأشـــرون بـأديـــهم عليه
يســألــون اضــن ذيجـــه زينب سبيه
ويجــــاوبـهم الحـــادي واصفك بديه

جبنـاهـا كلهم اخت الحـسـين
مجـتـوفه من بـين الصـواوين
وعليه تتمرجل هــل الاقـــزام
اخـت الكمر طــبــوهـا الشام
~~~~~~~~~~~~~~~
دخلنـه على الشــام والحـبــال بدينه
بوسط سوك مشينه ويضحكون عليه
اذا ردنــه نســرعــه يبـطـون مشــينه
خزونـه بكثر مـــا يصـيـحون عـلــينه

تخيلها بس نسوه بوسط سوك
والسـوك كلــها عيــون وحلوك
والكل تنــــادي بذيــج الايــــام
اخـت الكمر طــبــــوهـا الشام
~~~~~~~~~~~~~~~
دخلت القصر والرأس تـنزف ادماه
شفت موقف كبالي ما اكــدر انساه
تمنيت بالطفوف انـــه ميـتـه ويـاه
ولا شوفه عصه يزيد تضربه بثناياه

صـدلي يزيــد وكـلي تدرين
كل ما اشتمج يغمض العين
وبيقضه انــه مــدري بوهام
اخـت الكمر طبـوهـا الشام



حيدر نوري الاسدي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اقرالك دعاء كميل بكل مساء
بمفاتيح الجنان صور من كربلاء
---
ياللي وسعت رحمتك گلبي وعزائه
بوجهك الباقي بعد كلشي بفنائه
اليندعيلك يختلف ادري دعائه
ربي ارحم من رأس ماله بكائه
ايا رب الحسين إنه ام البنين
بحق دم الحسين احفظه امن البلاء
----
إنه اشتدت فاقتي وعفوك انطره
اعتذر ولدي اربعه اتمنيت عشره
اجعل السانه يرب ما ينسه ذكره
واجعل اعيوني يرب ما تنسه نحره
اعتنق حبه الضمير الامير ابن الامير
الهي يا قدير اعوذُ امن القضاء
---
ربي اجعل كلبي بحسينك متيم
حسين تربيتك تضيعه صعبه افهم
اتسلط نار باجر بالمخيم ؟
عله اوجوه الكبل تسجد حتى بالدم
هيهات واكول شيسكت الرسول
اذا طاح الحسين وتخضب بالدماء
---
سيدي كيف احتمالي غيبة حسين
وانه ادري بغيبته لا سنه وسنتين
كل فجر روحي تضج ضجت الميتين
كبكاء الفاقدين اتهل دمه العين
ولي المؤمنين حبيب الصادقين
اتراكّا تشوف عله الهزل نساء
---
والله لو ما كربلاء وصاير الصار
جان ما خالق يربي بالحشر نار
افمن كانَ مثل ولدي والانصار
كمن كانٓ بسوطه يضرب متن الازغار
يرب كلشي بديك ولا يخفى عليك
شيصير وما يصير تضل انته الرجاء
---
قوي يارب بدني حتى اوفي وعده
للحسين انصب مجالس ابقه بعده
من اراده بسوء يارب انته رده
واليريد الخير عنه لا تبعده
يصايغ كل جميل تقبّل هالقليل
عله اتراب الطفوف قرابين السماء
---

الشاعر حمزه السماوي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

من ردن سبايا الغاضريه➖بيهن ماشفت أختي رقيه
يمكن فارگوها أبغير ديره➖يمكن ماترد أختي الزغيره
✡✡✡✡✡✡✡✡✡✡✡✡
زينب گبلت أوياها نسوان أذاهن يسرهن
وصلن للمدينه جروح بجروح مسبيات جنهن
ياوسفه التراب أمغطي الهدوم ومغير رسمهن
حادي ضعونهن ماجنه عباس جاوينه الكفلهن
شوحادي الرجايب ماأعرفه➖موعباس هذا الزلمه وسفه
يمكن عمتي ردت أسيره
يمكن ماترد أختي الزغيره
✡✡✡✡✡✡✡✡✡✡✡
أنضر للنياگ وگلبي مكسور أبجي وتهل العين
ماشوف الهواشم تحدي بالنوگ
شو بس النساوين
وين حسين أبوي وعمي عباس جا باجي الزلم وين
زينب عمتي ليش أمدنكه الراس ليش أبهيده تبجين
لتسألين ياعمه عليه ➖ذبحت كل أخوتي الغاضريه
حيره أتحيرت ياعمه حيره
يمكن ماترد أختي الزغيره
✡✡✡✡✡✡✡✡✡✡✡✡
حسين أدري بقه ميت تگولين برض الغاضريه
وآنه أدري بعد يم جسم الحسين خليتي رقيه
بس أختي الزغيره أمن الهوه تخاف تستوحش خطيه
زين أوياها من عبدالله عفتيه بي تتسله هيه
تستانس إذا هزت أخوها-- ومن يبجي يذكرها أبأبوها
يافگد الأبو ماصح نضيره
يمكن ماترد أختي الزغيره
✡✡✡✡✡✡✡✡✡✡✡✡
عمه شلون بس لو جلجل الليل خافن مايگدرون
هيمه ولو بجو ما ينسمع صوت جاعدمن يدخلون
بلكت بالگبر لو مسهم الخوف ياعمه يلوذوون
وي عبدالله كون امشابگ أتنام بلكن ساعه يغفون
من تنام ترتاح اليتيمه➖تغفه أمن البجي وتنسه الهضيمه
ليل أووين نأضرها تديره
يمكن ماترد أختي الزغيره
✡✡✡✡✡✡✡✡✡✡✡✡
عبدالله يعمه يبجي كلساع خوفي أمن البجي عليه
أنكول اتهزه مره ولوبجه أنوب أتلوليله وتشاغيه
علمتيهه زين أتشد الگماط خافن يرخن إيديه
وصيتيهه خافن يفز عطشان شربت ماي تنطيه
خلينه يعمه نرجعلهه➖ترجع هيه وآنه أبقى أبمحلهه
واجب آنه أضل أنه الجبيره
يمكن ماترد أختي الزغيره
✡✡✡✡✡✡✡✡✡✡✡
هم عدهم غطه ياعمه وفراش لو بس الترابه
آنه أدري ابرقيه أبكل مسه أتصيح غطيني يبابا
زينب حنت وصاحت وويلاه يالشام وعذابه
عبدالله إنذبح وختج عله الراس ماتت بالخرابه
شبگت راس أبوها وماتت أعليه➖الصخرحال أختج إيهده ويبجيه
ماتت ما بعد جانت أسيره
يمكن ماترد أختي الزغيره
✡✡✡✡✡✡✡✡✡✡✡
الشاعر حسين باهض الحلفي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://m.youtube.com/channel/UCGd-VEzomHmEmcn4jnSjpeA
قناتنا على اليوتيوب ارجو الاشتراك
قصائد حصريا مكتوبه

باالاربعينية وعد تعتلي الراية
بالاربعينية تجي الشيعة مشاية
ابدربك نمشي زوار نسحك كل الاخطار

_
عهد ابد مانعوف المشي وتبقة انتة غايتنة
قسم همم بينة تزرع من ترفرف الك رايتنة
خَدم نعم الف مدري الفين كيلو طول سفرتنة
خبر صدر بربعينيتك يغالي نحجي كلمتة

بالاربعينية حجي ابابك نكولة
بالاربعينية مشة الرجلة مشلولة
الدنية حكها تحتار نسحك كل الاخطار


وطن حزن فتح بابة لكل موالي ابيوم الزيارة
دول اهل كمنة نحسبها وكلبنة دار خطارة
اجت مشت ناس بيها العزم واحد ثابت اصرارة
زحف الف نشوف كل شيعي تعنة تهمل انضارة

بالاربعينة دمع كلة حنية
بالاربعينة تجي الحرة مسبية
ترجع والكلب نار نسحك كل الاخطار



صعب كلب عن حبيبة لون يكدر لحضة يتخلة صفر صور تبقة تحجي عن روافض رفضت الذلة طفل كهل شفت ناسك كلها تصرخ زحف نوصلة هلة عِلة صوت موكب واليجينة اتفضل انكلة

بالاربعينية شرف خدمة الزاير
بالاربعينية عدد يجبر الخاطر
نمشي وننسة الاعمار نسحك كل الاخطار
ياحسين مدد

نحت شفت والدة وصورة بأديها رايحة ابهمة تحن تون استشهد وليدي اووصيتة المشي والخدمة
سنة وانة للمشي احسب وكلبي كال بس كلمة
فدة انهدة ابني يحسين لخدمتك وانوهب دمة

بالاربعينية ابو ضحة بوليدة
بالاربعينية اجة والعلم بيدة
ضحة يابو الاحرار نسحك كل الاخطار

_
امس درس الجان يمشي يموت نذكر لكن امشينة
سوة هَوة صار صحنك مثل رية واحنة طبينة
مدد خلد المشي هذا وصاح كلشي الحاربك وينة
هلك والك اي نعم تبقة السيادة وتبقة والينة

بالاربيعية وعد نوصل الحضرة
بالاربعينية حذر نشتعل ثورة
يفتح بابة كل دار نسحك كل الاخطار


سيد معتز الحسيني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للسيد رقيه عليها السلام
يعباس. نريد. اليوم نقرالك مصيبه
يعباس نذكر. حالة. الماتت. غريبه
يعباس يعباس
-----------------------------------------------------
رقيه باليسر شافت مصايب
مشدوده ابحبل. بنت الأطايب
تنام اشلون بتكم بالخرايب
تصيح احسين بويه گلبي ذايب
.رقيه حسافه اتموت بالغربه الحبيبه
يعباس نذكر حالة الماتت غريبه
يعباس يعباس
---------------------------------------------------------
ياعباس تدري ابهل قضيه
ماتت بالغرب بتكم رقيه
واثر بمتونها باقي خطيه
وتنادي يالكفيل ألحگ عليه
گلبها. لحد الموت ما بطل نحيبه
يعباس نذكر. حالة الماتت غريبه
يعباس يعباس
--------------------------------------------------------
يضربها. العدو . ويشتم وليها
ودم . اتسيل من الگيد ايديها
اتمنتك. يبو فاظل تجيها
تبچي وشامتك يسمع بچيها
هضيمه عگب عيناك يسموها السليبه
يعباس نذكر حالة الماتت غريبه
يعباس. يعباس
لعند يزيد. يوم الدخلوها
تمنتك تجي انته. وأبوها
وتشوف اشلون ابالسوط اضربوها
وجابو. راسك. وبيه. عيروها
تنادي عمي منين ابوفاظل اجيبه
يعباس نذكر حالة الماتت غريبه
يعباس يعباس
--------------------------------------------------------
من بعدك. تره شبعت بواچي
وخبرك سلبو. حتى التراچي
تنادي بويه ياحلو المحاجي
اشعجب هيچ اگطعت بيه يزاچي
يهل ناس قصته صدك قصه رهيبه
يعباس. نذكر. حالة الماتت غريبه
يعباس. يعباس
------------------------------------------------
خادم اهل البيت حسين هوير الاسدي
ونسالكم الدعاء


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

# ريحانة رسول الله المسموم. 1441


أباب الحسينية وكـفت أم الاحــزان
تصيح أدور عزة ولدي وين ما چان

تــلـطــم وجـنـهة * وتبچي اعلة أبنهة
ون وي ونهة * آه يالحسن آه

***********

الــــــكـــاع هـلـيـلـة بـــدمع فـــرشــــوهـة

الأضــــويـــة بــداعـت عـلـي طـــفــوهــة

بــــاب الـــحـســيــنــيــة لـــتـــنــضـروهـة

الــزهـرة يــــمـهـة وخـايـف تـشـــوفـوهـة

هـــاي أم الـسادة عـيـنـك لا تصــدهــة
أيـة الـتـطـهـيـر مكـتـوبـة على خدهه

الــحـمـدُ بـديـهـة * تـبـچـي عـلـيهة
تـنـوح البـنيهة * وتــنادي ويلاه

***********

خـيال شفــت الـــفـــاطــمـة واشـعر مـتـت

دخــلـــت الـــمــجـلس حـزينة وتــلــتـفـت

تدري بــيـد الـــزهــرة يـا شــيـعـي أشـفـت

چـبـد أبـنهـة جــابـتة مــغـطــه بـطـــشــت

يـبـچي يـانـاس وعـلي حـال الـزجية
چـبـد أبـنهة مغـطه بعـــباية رقــيـــة

مــن گـــد ألـمـهـة * حـافـي جـدمهة
ومتچوي دمـهة * أشلون تنساه

**********

بـلا عـلـي الـــزهـــرة أجـتـي أوحـــيـدهـــــا

عـمـامـة بــنــيــهــة الــحـسـن چن بـــيدهـا

ســـمــعـت أقـرايــتــنــة تــنـعــى أولـيـدهـا

الخـاطــر أبـني هـــالــقـصـيدة أنـــعــيـدهـا

من البداية أوياكم أرد ألطم على أبـنـي
مصاب أبو محمد حنى ضهري وفجعني

مـــن قـــوة الــســم * حـــيلـه تـــهـــدم
چــبــدة تـــألـــم * مگــــدر عـلى أدواه

**********

الـــفــاطمـة أكــراماً تــشـيــعـــون الـنـعـش

چبـد أبـــنـهـه بـالـطــشت كـلـه أنــــفـــرش

آه هـــلـــيلـه الـحسن حــــس بـــعــطـــــش

أكـبالــه شاف حـسـين وبــدمـعـة نـجـهـش

لا يــومً كــيـــومـك خــــويــــة بـــاچــــر
ضامي تـبـقـى وصـدرك أدوسـة الـحوافـر

وشــمـر الـيـذبـحـك * بـسـيـفـه يـعـذبـك
وغـيـره يـسـلـبـك * يا بو علي وياه


***********


لـيش يـــاجــعــده الحــســن مـات بـعـذاب

ليـش خـده الــيلـه يـصـبح عـلـى الـتـــراب

أمــة كـل مـــأتـــم تـجـي بــهـاذا الـمـصاب

عـلـيـنـة دمـــعــتـــة تـــوزعــــــه ثــــــواب

ســورة الـكـوثـر تـون وتـبـچــي أيــات
ياحـسافـه أوليـدهـا بـسم زوجتة مات

مـفــجـع مـصـابــة * آه يــا عــذابــة
الـيــوم عـلـى بــابــة * أيـتـامـة تـنعاه

***********

أويــاي شـــيـل أيــــدك وسـلــم بـنـحـنـاء

عــــظــــم الله لـكـي مــــولاتــــــي الـعــزاء

أنـريدهـة عــلى كـــبـــرونــه تــخـلــي رداء

وينـقـرة عـلـيـنــه حــديـث أهــل الـكـســاء

صيح يــم الحسن عنه لاتــقــصريـــن
بـداعـت دموع العقيله وخنصر حسين

بـالــوحـشـة حـضـري * نـوريـلـي كـبـري
وعـلـيـه أقــري * الـچـنـه نقراه


خادم أهل البيت (ع)
أمير السعيدي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

رقيه ع
وداعة الله عمه عنج رايحه
وعلكبرج راح اقره الفاتحه
وداعة الله يارقية * راح ارد للغاضريه
ــــــــــــــــــــــــــــــــــــ
نادت بصوت العقيله آه يا شام المصايب
جروحي بيهه جروح كثره وشفت بيك آنه العجايب
آنه ام الخدر وسفه اكعد بهاي الخرايب
وآه من دمعة رقيه الخلت الدلال ذايب
تكلي عمه شلون اضلن بالخرابه
شلون اوسد خدي عمه اعله الترابه
صحت وبونه شجيه * راح ارد للغاضريه
ــــــــــــــــــــــــــــــــــ
الطفله شافت راس ابوهه وشبكت الراس وشفتهه
تغسل الدم بدمعهه وتشم بالمنحر عفتهه
ومن عرفت الطفله ماتت كوه بجفوفي شلتهه
آه وبذيج المسيه ابذني اديه وسدتهه
شفت لسعة سوط مطبوعه علخدهه
ثيابهه بيدي لوبهه ارد اردهه
الفركه سوتهه المنيه * راح ارد للغاضريه
ــــــــــــــــــــــــــــ
وهسه انوه الضعن يرجع وبيّه كل جمره شكبرهه
راح اساهر ليلي وحدي وأرد اونن يم كبرهه
ارد اكلهه راح نمشي العيله خلصت من يسرهه
ريت ويانه رقيه ترد ما فكدت عمرهه
عمه كومي ويانه ردي يالحزينه
حسين لو شافج ينادي يالحنينه
وياي يل جيتي سبيه * راح ارد للغاضريه
ـــــــــــــــــــــــــــــ
عمه ردي ويانه فدوه هاي اخر مره يمج
تهمل عيوني وجمرتي تشب لو ناديت بسمج
شرد اكل لحسين اخيي عمه من ينشدني عنج
شرد اسولفله علخدج شرد اخبرنه علمتنج
شرد اكلله التراجي سلبوهه
لو اخبره جفوف ادينج ورموهه
يلي غسلتج بديه * راح ارد للغاضريه
ــــــــــــــــــــ
عمه كون بأيدي اطبن للكبر واكعد اكبالج
والله نساني مصابي يار قيه عظم حالج
لون متردين بلجن يرجع ويانه خيالج
محملج خالي واشوفن اثيابج اتصير ابدالج
ثياب كلهه مشككه ومصبوغه بالدم
عمه جم سوط اللي لاحج الله يعلم
يلي اذوج ا ل اميه * راح ارد للغاضريه
ـــــــــــــــ
الشاعر /// محمد حسن ضيغم ّ


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لشجاعة السيده زينب

بت الشرف انا وموش مسبيه
ماسلبونه انا انطيت ترجيه
ــــــــــــــــــــــــــــــــــــــ
انا الطاح اخوها وراسي ضل عالي
بت حيدر انا الماشافو خيالي
الشرف لمن تبده لاذ بذيالي
بت الزهره انا وموش عاديه
ــــــــــــــــــــــــــــــــــــــ
انا المن حجابي صارت الرايه
انا الماكلت مرتين الحجايه
جابولي النهر يتراجف بمايه
كالولي بخدمتج امري علويه
ــــــــــــــــــــــــــــــــــــــ
انا الفاتحه وعباس قرأني
فتر بيه الوكت بس حاشه ذلاني
انا المن مشيتي اتهاب عدواني
على متونه ابوي ايحطني خاجيه
ــــــــــــــــــــــــــــــــــــــ
ابوي الحاجه الله ورد شمس بيده
علي حبل الوصل بس انا تمديده
لجل عيني اخوتي شكو البيده
لبست اليل بس عباس كمريه
ــــــــــــــــــــــــــــــــــــــ
القصر لمن دخلته بهيبه مهيوبه
احس الكاع صاحت بت علي اتوبه
دعائي لو ارفعه الدنيا مكلوبه
بت الرحمه انا وموش مرجيه

 علي غسان


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

رقية ع


وية كل رمشة صحت بوية تعال
ماتت البسمة ابدرب مابي دلال
-----------
طير جنة بنيتك وجلمة حنان
اني اول رقة عذبها الزمان
من اخاف اذكر جنت تمطر امان
مااجيت وجتفوا ايدي بحبال
____
كل زغيرة مدللة الوادم تكول
بينها وبين الابو سوالف تطول
يارقية التركض ابين الخيول
وهية طفلة تخاف لوشافت خَيال
--------------
غربة ماكو والجرح ينعد قريب
راح اسولفلك حجي ينكط نحيب
سلبوا مني التراجي يالحبيب
وعالعباية دم اذاني بوية سال
------
كلها سهلة وشوفك ينسي العذاب
جرحي يلجمني واضمدة بالتراب
وداعتك يايبوية وخيوط الحجاب
كل مسية يغفة راسي اعلة الرمال
-------------
ماي ارجع خل اسولفلك زرع
وهوة كل مجروح سالفتة الدمع
عاد رمشة عين خلي ننجمع
ابلا جواب تموت احلام السؤال
--------
مايلوك لطفلتك هذا الونين
حكها تبجي الفاكدة والد حنين
من عفتني عمري جان تلث سنين
شيبت هسة يمن شوفك محال
--------
بالخرابة ينتهي كل الكلام
وهيبتة بجناحة يابوية الحمام
علة راسك عفت جلمات الختام
راح اموت وموت المفارك حلال
-----------
سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نـــوحي يالغريبـــة ليلــــة المصيبـــة
عمــه عمــه زينب مـــاتت الحبيبــــة


1
الليلــة ليلــة نايبــة وليلــــــــة أدمـــوع
والحرايـــر والنســــــه ونهــــا مسموع
قلبي وي قلبــج صبــــح عمــه مفجـوع
والخبـر مــــاتت رقيــــه وظلت أتلــوع

والله يـــاهضيمـــة راحـــت اليتيمــــة
وليلــــــة الأليمــة أصبحــت رهيبـــة


2
ذكريـات الطف حـزن وحسـرة ونيــن
وعالهوو فوق الثــــرى ساجبة العين
عفنه رايـة أعلـه النهـر عفنـــه جفين
وهسـه ودعنــه اليتيمــة بنت الحسين

مـــن تعالــه ونهـا غمضــت جفنهـــــا
والنحــــر حضنها وارتحــل مغيبـــــة


3
لطفلــة حسيــن اشكثـــر نهمـــل اعبـــــار
والقلــب حقــه القلـــــب بــي تشــــب نــار
بيهـــــــــا عملــت كــربلــــــه طبعــت اثـار
شافت أسيـــاط الشمــــــر وخيــل الأشـرار

مـن حـرق خيمهـا هـالـوضـع هضمهـا
ونـــاحــت اليتمها والشمــــــس كئيبة


4
تحملت درب السبـــي وفقــد الأحبـــــــاب
طفلة وبعمـــر الــورد شافـــت أمصــــاب
مــاتت أكبــــــال النحـــر والقلـــــــب ذاب
آه يـــــادمعــة رقيـــة وليــــل الغيــــــــاب

فــركــه الحبــايب نـايبــه ومصـــايب
وآنـه قلبــي ذايب ومـاطفى لهيبــــــة

5
من أجه بطشت الـذهـب حـــامــل الــرأس
قالــت بهــذا الطشت منهـــو يــــــــانــاس
أتصورت مو رأس أبوها اجفـوف عبــاس
كشفت الســدره وعليــه انخمــــدت أنفاس

شبكتــــه بدمعهـــا ونحنـــــه ضـلعــهـا
والابـــــو سمعهــا وارتفــع نحيبـــــــه


6
خاطــري وقلبـــي انكســر من الجـــراح
مــن شفت رأس الابـــو فـــوك الـــرماح
عمــة يــازينب عجـــب يمتــه نـــرتــاح
وأحنــا خلصنــه العمـــــر دمعــة ونيـاح

أشفنه من عمرنــه والحــزن هضمنــــه
عفنــه كـــل أهلنــه نــومــه عالتريبـــــه

بغداد
امـــجـــــد ألشطــــــــري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

زينب للحرم وصّت وصيه
عبيچن بالدرب شدّنهه بيه
اسمعن ياخواتي .. ترهبهم عباتي
عبيچن بالدرب شدنهه بيه
*********
باچر لو مشينه بحضرة الناس
غيمتچن اصيرن وامطر احساس
باچر لاتدنگن شيلن الراس
لو سار الضعن شوفني عباس
..................
شمّات الخلگ لتهملن العين
باچر بالدرب زينبچن حسين
من تشبههم صفاتي .. ترهبهم عباتي
عبيچن بالدرب شدنهه بيه
*********
لو جابو ضعنه على المچاتيل
لتخافن ابد لو شفتن الخيل
اذا همّه ابرهه وخيولهم فيل
ابابيل وصبرنه يصير سجّيل
...................
كعبه نصير وشحدهم يمرون
عبينه استارنه ويعميهه العيون
اراويهم ثباتي .. ترهبهم عباتي
عبيچن بالدرب شدنهه بيه
*********
حتماً عالفرات نمر عالبدور
لتسمعن اخوتي عتاب عاشور
من ظهر الهزل للكافل نزور
ماقصّرت ابد ونگله مشكور
.................
لو گادو ضعنه يم عضيدي
امشي بهيبتي والرايه بيدي
لاتهتم يغاتي .. ترهبهم عباتي
عبيچن بالدرب شدنهه بيه
*********
لو حمّل ضعنّه وسارت النوگ
عبينه بس شرف مابيهن شگوگ
ولو عمداً خذونه لزحمة السوگ
من نمشي بكرامه نسكت الحلوگ
..................
باچر ياخواتي هواي شمات
من تمشن سويه رتلن آيات
قسم بالذارياتِ .. ترهبهم عباتي
عبيچن بالدرب شدنهه بيه
*********
اصبرن لو تدور علينه الايام
رحلتنه طويله ونوصل الشام
لو صاحو علينه وين الازلام
گدام آل اميه رفعن الهام
.................
شيلن روسجن غصباً عالجراح
مثل شيلة الروس بعالي الرماح
من شافو صلاتي .. ترهبهم عباتي
عبيچن بالدرب شدنهه بيه
*********
باچر لو نطب قصر الملاعين
مجبوره صرت ادخل دواوين
احبسنهه خواتي دمعة العين
باچر كون انصر ثورة حسين
..................
كون يزيد اذله وما اهابه
من حيدر خذت فن الخطابه
ياقصة حياتي .. ترهبهم عباتي
عبيچن بالدرب شدنهه بيه
*********
سيد علي المدني


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆

كروب قصائد والحان منبريه اشترك👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747