كومي ذكريني بعلي ومن اهوس هلهلي
انه مسلم والحرب توكف استعداد الي
*****************
انه صكار الحرايب وانه راعي الموزمه
انه من ارفع اديه ايدي توصل للسمه
اليوم اخليها العساجر تسبح بفيض الدمه
انه والكافل درسنه بمدرسة حامي الحمه

جان اليسمي سبع عمي يهديله درع
وانه كلي امروتك هله هله بالربع
**************
حالف براس الصميده اليوم اركضهم حفات
اخسف الكوفه بأهلها وسحك بدربي المشات
بيدي رفت رايه الله ورايح اقره العاديات
بصارمي كاتب عباره بسيفي معدومه الحيات

اتجمعو عده وعدد وانه واكف كالاسد
ومن صعدت اعله المهر مني زلمتهم شرد
******************
راح اعيد ايام حيدر واكلب الدنيه كلب
انه مثل الماي عندي اشرب العركه شرب
انه من شديت درعي وقررت ليهم اطب
غنت انجوم الثريه وهلهلت سوح الحرب

براسي صعدت غيرتي وكلها تدري بصولتي
الحومه تتراجف تضل من اعلك رايتي
****************
طير ابابيل انه سيفي وكام يرميهم جحيم
علي والكابلني مكبل هذا صحت اشكد غشيم
بصولتي الكوفه افلقتها وحسبو انه الكليم
صاحت الحومه اطنه عطوه وانه صحت الله كريم

يمي ما واحد عبر وبيهم انترست صقر
الدنيه ردت بهمتي اكلبها بس الله ستر
***********
راح اشيل السيف بيدي وقره لوحه امن الشعر
رايح انه اكبر يطوعه ويزغر اهواي القصر
راح اخلي الخيل تصهل واعصر الدنيه عصر
انه من احمل عليهم كلها من عندي تفر

راح احل المشكله وكت المزامط حله
وحته صاحتلي الحرب يا هله وميت هله
*****************
انه حيد وما تهمني جيوش ذاك السامري
كلها صاحتلي دخيلك من لبست العسكري
صعدت براسي الشهامه وانه دمي حيدري
صول بيهم كبوفاضل كام يهتف منحري

بسيفي طيرت الركب وهاي ساعات الغضب
هذا يوم الملحمه وموعد الموت اقترب
***********
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

الليلة الاولى
.
.
.

هـوه عاشـوراء عــندي .. يمته خلص حتى يبدي
بعـينـي دافنـلي نهـــر
ولـسه ما متـروس خـدي
ــــــــــــــــــــــــــــــــــــــ
الطـبگ ليليه عـندي وابـچـي وانعه
و المــقتــل قبــل ما انــام اســـمعه
احس ابصوت عـبد الزهـره بالراس
يــون عالـصار جسمـه قطعه قطعه

بجسمه ترست خيل اميه .. كـل بـراري الغـــاظريه
الهالســبب دمـعي انهمر
ولسه ما مـــتروس خدي

ـــــــــــــــــــــــــــــــــ

شگــد ما أبــچـي تـبــقى النــار بـيــــه 
علــى أصــغر جــرح بـالغـــاضــريـــــة
واحسنــــه رمــح نــابـت بــالضــلــوع
الشــوكـــه الــداســت علـــيهـا رقــــيه

و الشمر يركض وراها .. و بالضرب زورك گفاها
بچي شيــكفي الشــهر
ولسه ما مـــتروس خدي

ــــــــــــــــــــــــــــــــــــــ

مــصيــبه كــربـــلـه والله مـصـــيـــبه
وأبــو السـجاد ضــل جــثه سليــبــــه
وزيــنــب تــنــظـــر الســلاب اخـوهـا
تگله امنــيــن أبــو فـــاضــل اجـــيـبه

الخيمه حدر اضلوعي تلهب .. حسين جسمه چيه اتسلب
صـــارلي ابجــي دهـــر
ولسه ما متــروس خدي

ـــــــــــــــــــــــــــــــــــــ

تــراني مخــتـنك و بـصــدري عـــــبره 
عـــلى المــخـنوك يـم الشــاطي صدره
انحنى و جـنه الشمس عالـگاع طاحت
عـلــى العـبــاس اثــاري انــكسـر ظهره

زينب حسين اشيگلها .. و عالنــهر طاح الكفلها
على مكسور الظهر
لسه ما متروس خدي

ـــــــــــــــــــــــــــــــــــــــــــ

عـاشــــوراء عـــنـــدي كــل الأيــام
اوچــن ليـلة الوحــشه وذيــچ الألام
عـلى الي محـــد الها شـايف اخــيال 
و طــبت بــالحبل مــجـتوفه للـشام

و الشماته اتصد عليها .. و بالحبل مشدودة اديها
عالذي شافت قهر
ولسه ما متروس خدي

_____

مــحرم مــو شــهـر ولا مــال شهرين
مـــحرم لـو عـمـــر ميــكفي هالـــعين 
ادمــوع شـوية و الـطـف كلش هواي
اشـما ابــجي اظـل مطـلوب لـحسين

ما اوفي اشما اتعذب .. لوعى من لوعات زينب 
و حتى لو اعمي النظر
لسه ما مـــتروس خـدي
----------------------------
حيدر تركي الكربلائي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فگدناك
يحارس خيمة اختك
نخيناك
عِله الراس وعذرتك

...


يظِل ظلي ووجه خدري واماني
يضي عيني الفگد عينه وعِماني
يبسملة الحُسين ونحره قران
شرحت بنحرك السبع المثاني

الايات
تبّدت وي جِربتك
نخيناك
عِله الراس وعذرتك

....


شفت صدر الخيم بي ضاگت انفاس
ومن خوفي قريت الفلق والناس
يخويه الساتر الله اتأخرت ليش !
يا حيل الحسين .. إلحگ يعباس

شنو الماي
العِطش كله لكلمتك
نخيناك
عِله الراس وعذرتك


....


بخدري وبالخيم وبگلبي نيران
و ضماي من الچفوف الهوت خجلان
رساله لجربتك كتبتهه الدموع
هنيئآ شَيّعَتهه اچفوف عطشان

السهم ذاك
رماهه وفارگتك
نخيناك
عِله الراس وعذرتك

....


نخيتك وانته ابو الطف والمهابه
والـ امربيه علي اعرف جوابه
من گتلك حسينك .. گتلي بالعين
السهم صوب اعيونك خاف صابه

النظر غاب
الدمه تارس نظرتك
نخيناك
عِله الراس وعذرتك

....


بچيت .. ومو على الخيمه جرت عين
شسوي بخيمتي وامسلب حسين
شفت سيف الشمر مرفوع ليفوگ
وعرفتك يعباس بلايه چفين

صحت آآه
القصد بالآآه صحتك
نخيناك
عِله الراس وعذرتك

....


اعله طول الغاضريه شلون اجَمعك
يلموذر .. واريد بحرگه اشيعك
اشم الطف شبر يتبع شبر كوُن
من اريد اطلع يبو فاضل واودعك

بالدموع
يخي عن بُعد زرتك
نخيناك
عِله الراس وعذرتك

....


✍سعد هادي الشمري ✍



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

حان الوداع هالليلة اخر ليلة
باجر وراج رحله سبي طويله
ما بيها رايه ولا كفيل بس اليتامه والعليل
يا زينب يا زينب
ـــــــــــــــــــــــــــــــــ
يا غيرة الله بكربله دمعج وحي وبيه نازله
آيات الاوداع
هاي الثواني امن العمر لا تسبك اسهام الفجر
يا زينب ابساع
لو كشف الثامه الصبح نور الله ضامي ينذبح
ا مترب على الكاع
من ينغزل خيط الضوة يصبغها ظلمه ايامج
لاخيمه باجر لا علم بس الجثث كدامج
باجر ظلام ماكو بعد علويه
مذبوح اخوج متجتفه ومسبيه
درب السبي باجر طويل بس اليتامه والعليل
يا زينب يا زينب
ـــــــــــــــــــــــــــــــــ
شبعي وداع امن الولي ومن نور الاحسين وعلي
شبعيها الاعيون
واشتمي حيل امن النحر كحليها عينج بالكمر باجر يغيبون
هالليلة بس هالليلة الج يا بت علي باجر هلج كلهم يموتون
من هدم اخوج اخذي علك شديهن اعلى امتونج
خافن تضل تنزف دمه لو كامو يطكونج
وين السياط يا زينب انتي اوينج
وسفه بحبال يا بت علي امشبكينج
موقف مصابج مو قليل بس اليتامه والعليل
يا زينب يا زينب
ـــــــــــــــــــــــــــــــــ
بعباس اخوج امأمنه محد على خيامج دنه ما دامه موجود
لكن اذا باجر وكع متحير وجفه انكطع واتزرف الجود
تركضين صوب المشرعه تلكين اديه امكطعه وابراسه عامود
رديتي ما عندج كلب من شفتي حال اجفوفه
معذور كلتيله وبعد راح انسبي للكوفه
يعلم اخوج يا زينب اتعذرينه
ما عنده ادين وامطبر اتشوفينه
رديتي ضل جسمج نحيل بس اليتامه والعليل
يا زينب يا زينب
ـــــــــــــــــــــــــــــــــ
كومي يا زينب ودعي صلي بدمعتج واندعي لا يخلص الليل
ادعي الله لا تطلع شمس لا صدر اخيج ينرفس واترضرضه الخيل
ينزف جبدته امصوبه نايم وجثته امتربه ما بيه بعد حيل
نايم يضل اعلى الرمل والدم جمد بعيونه
من العطش كلبه يبس وما قبلوا يشربونه
ما عنده حيل ضل يزحف اعلى اركبه
وسفه الحسين ياهو اليكوم ايضربه
من حلكه ضل الدم يسيل بس اليتامه والعليل
يا زينب يا زينب
ـــــــــــــــــــــــــــــــــ
باجر اذا صار الضهر يضحك عليج ايضل شمر والكلب محروك
لازم بديه السلسلة وايدك عليجن حرمله وامحضر النوك
علويه تركب عالهزل يالمهدي موقف مو سهل من تدخل السوك
والشام جن عدهم عرس ياهو الكبل سابيجن
من فوك الاسطوح بحجر هالوادم اتراميجن
اتدك بالدفوف هالوادم وفرحان
عيد وفرح تتراكص وسكرانه
ما شفنه مثلج مستحيل بس اليتامه والعليل
يا زينب يا زينب
ـــــــ نعيم ابو باقر الساعدي ــــــــــ



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ودعت أبوي الغــــــــالي .. رحمينـــــــــي يا اللـــــيالي
بعد الســـــفر .. جنحي أنكســــر
رحمينـــــــــي يا اللـــــيالي
***
مـدري شجـــــاني وقنعت .. مـا أدري شنـهي أجــــــاني
ودعت زينب عمتـــــــــي .. وخواتــــــــــي وخوانــــــــي
موقف رقيـــــــــة بالضعن .. أخ شــــــكثر بجــــــــــــاني
مجلبه بأبوي وتنشــــــــده .. وياهم أروحــــــــــــــــن أني
مسحوا دموع عيوني .. وما قبلوا يركبــــــــــــوني
بهاي الصــــور .. جنحي أنكســــر
رحمينـــــــــي يا اللـــــيالي
***
من والدي حسين ارتحل .. وياه خـــــــــذاهه البسـمة
حســــــــيت بأيام الزمن .. وي حـــــــــالي ماكو رحمـة
شهكات نفسي وبـــهجتي .. لو مرنـــــــــي أجمل نسـمة
مــن فضــــل الله ورحمته .. الحســـــــــــين أكبر نعـمة
حبه ملك وجــــــداني .. ما عندي غير أخــــواني
نفسي أنعصــــــر .. جنحي أنكســــر
رحمينـــــــــي يا اللـــــيالي
***

من جنت أفز من الصبح .. مثل الحمـامة الطـــــــــــايره
أشبكَ على صـــدره وأشم .. وأيدي علنـحـــــــــره دايره
الأيام مـــــــــــرت وبعجل .. مثل الخيــــــــــول الغايــره
عزم على درب الســــــفر .. وخلانـــــــــــي بالهم حايره
خلاني وي حســـــراتي .. مدوهـــــــنه بحسباتي
كَلبي أنفطــــــــر .. جنحي أنكســــر
رحمينـــــــــي يا اللـــــيالي
***

لـمسات جفـه بـــــــهامتي .. لحد هسه أثــــرهه براسي
عطره الفريــــــــد بداخلي .. متغلغل بـأنفاســــــــــــــــي
هوه الأمل والبــــيه أضــل .. وبيه يطـمأن أحســـــــاسي
من دونه ما أشوفن بشر .. ميتــــــــــه أحس كل ناسي
هوه الوجـــــــود بعيني .. من نشــأتي وتكوينـــــــي
بدونه بخطـــــــر .. جنحي أنكســــر
رحمينـــــــــي يا اللـــــيالي
***



بروحي المصايب جودرت .. تصبـحني وتـمـــســـــــــيني
جنها النــــــــــــهاية للعمـر .. وأخــر سنة من ســـــنيني
والله الألم شل الجســــــد .. ســـهم الزمـــــــن رامــيني
مثل الغريبـــــــة بـلا آهل .. دور عليـــــــــــــــهم عيني
كلش حزين عليـــــــهم .. بيوم الرحل حاديــــــهم
أجــرع قــــــهر .. جنحي أنكســــر
رحمينـــــــــي يا اللـــــيالي
***
ضليت وحدي ويالمرض .. بأيــدي أســـــــند ضلوعي
دمعــي ترك بالخد أثـــــر .. محــــــد ينشـــــف دموعي
الدار محتاجــــــه ضـــــوه .. هافت ضياء شــــــمــوعي
هم مثلـــــي مليانه حـــزن .. يا منـــــــــــــهلي وينبوعي
بالماي أغص لو أشرب.. عمري كَضيته أتعذب
دمعي مطــــــــر .. جنحي أنكســــر
رحمينـــــــــي يا اللـــــيالي
***
شاعر أهل البيت
الشيخ عبد الحسين المنصوري


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

لمولاي علي الاكبر ...ع..


آيالاكبر..آيالاكبر
شبه حيدر بالكلافه علومه
جنه عباس ونزل للحومه
ايالاكبر.. ايالاكبر



هلهلتله الموزمه وحياها...ابن الابطال
يرعد بصمصامه لمن جاها..وبالجمع صال
صوت صاحو هذا يشبه طه..بكل الاحوال
فزعته اليوم نعرف معناها...تگرب آجال

والشرد منه ابد مالومه
جنه عباس ونزل للحومه
آيالاكبر



توزر بهيبة علي وطب الحرب..يحصد ارواح
الحومه ضاكت والعثر نص الدرب..ريته ماطاح
زلزل الكاع ودمع عينه اليصب..بالجفن لاح
آنه ابن حيدر صرخ آيالحرب..ذكره ماراح

ياضربته لهسه مامفهومه
جنه عباس ونزل للحومه
ايالاكبر



ساتر الله شلون لو رف شاربه..تسولف الناس
هذا ابن ا لحسين الله مأدبه..غيره واحساس
ناس تركض منه ناس محدبه..ماكو مقياس
سيفه لو بالزود راد يجربه...يگطع الراس

كبال جده العاص ذب هدومه
جنه عباس ونزل للحومه
ايالاكبر



ضهضب وكلها تعرف صولاته..ابن الحسين
هذا مو طف صار من حملاته...هايه صفين
جيش كله ماكو واحد فاته..اليشرد منين
ليله سمعت بالحرب هوساته..گرة العين

الاكبر ابني هلهلت ونعومه
جنه عباس ونزل للحومه
ايالاكبر


سيفه يقره -والحشر- بالموزمه ..ويگطع نحور
يرعد بصمصامه وتظل السمه..تمطر گبور
صار قطب الكون كله بصارمه ..دنيه وادور
هذا الاكبر يعني ثوره وقائمه..سوه عاشور

يومه برزخ ياهو ينكر يومه
جنه عباس ونزل للحومه
ايالاكبر


علي طعمه البطاط



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

رمله ام القاسم ع تخاطب القاسم ع.....


عل ترب كالولي نايم
امك وجيتك يجاسم
يبني شفتك   ما عرفتك    المعركه مغيره الرسوم
......................................................................

يبني يا جسام  اجيتك  والكلب  كله الم
والعلم  وياي  جبته  جيت  اغطيك بعلم
وارد اخبرنك ييمه كلشي بالطف ما سلم
امك بلا خيمه ضلت يبني حركوه الخيم

ادري تسمع يبني ونتي
النار   للخيمه  اجتني
عاتبيتك    من اجيتك    على جسمك كمت احوم
......................................................................

بحضني  يا يمه  اريدك تغفه موش اعله الترب
وكون تشرب ماي شفتك مو دمه شفتك تصب
ابقه  نايم  يبني   جاسم  لا   ترافكني   بدرب
من  الشمر ماريد  يبني بصوط متنك ينضرب


يمه   يل   كلك  ترافه
تنام عل غبره حسافه
عل ترايب      وي الحبايب      ابقه نايم لا تكوم
.....................................................................

نور  وجهك  يا  حبيبي  منطفي من الدمه
والاشوفه يمه اساله ليش ضلمه هل سمه
كون ما شايفته وجهك كون صايبني العمه
منظرك كسر ضلوعي وصرت جني فاطمه

فاطمه  مكسوره بالباب
وانه كاسرني فكد شاب
كمت انادي    يا فؤادي         ليش ليه ما تدوم
......................................................................

عندي  يا  جاسم   علامه   واعرفك  بيهه  ردت
صحت عمك وحده باقي ومن سمعت اتحركت
ولو جبت  طاريهه  زينب  والله ادري جا كمت
جنك  العباس  يبني  من  العساكر   ما   خفت

والعلامه   بيك  غيره
دكوم لو زينب بحيره
ادري تفزع       والهه ترجع        لو شفت توليهه گوم
.......................................................................

اكعد  بصفك  ييمه  خايفه  من  السبي
عمتك  يم  الكفلهه  وانت  يبني كافلي
ما رجع عباس الهه وانت ما رديت الي
جتفو يمه ادينه واحنه اهل بيت النبي

ابقه  نايم   يا  وحيدي
ولا تشوف الحبل بيدي
شوف اديه     اصار بيه         من رحت ما مرني نوم
........................................................................

مودع  بالله   يجاسم  راح  امشي   لليسر
وراح  اعوفك  عل وطيه يبني منك اعتذر
للدواوين  امك  اطب  بعدك  اطب  للقصر
والعدو يمشي بضعنه وما رحم بينه الشمر

علينه يا يمه تصد ناس
واحنه ما  ويانه عباس
لا ابو فاظل   وماكو كافل        وبالنفس ضليت الوم


خادمكم حسين ابو عباس الكعبي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ام البنين وهالاسم يكفيني
ولحسين فدوه اتروح كل ابنيني
ولدي بخدمتج يم عون // بعون الله باجر يوفون
*******************
انه ولدي اعله المواقف عالمتهم
والمثل هالساعه يايمه اذخرتهم
بالربه وسهره الليالي حلفتهم
وباجر ايبيضون وجهي اربعتهم

حيهم صحت وتراكضو جدامي
وحسين كلي يمه ذوله احزامي
كل ساع اخوتي ايفزعون // بعون الله باجر يوفون
*****************
ودعتهم والدمع عالخد يلالي
وكمت اشوف البيت عكب احبابي خالي
من جفاني حسين شيب حته بالي
غالي والغالي صعب يهجرله غالي

كل ساع اطلع اهدومه وشتم بيهن
واشكد تموت ام البنين اعليهن
امن الون عميت العيون // بعون الله باجر يوفون
**********************

يازمن ضليت اجر بالكوه الانفاس
وتجرح احساس الورد من تجرح الياس
يمه زينب ناكتج حارسها عباس
وادري ابو فاضل غيور ويرفع الراس

عباس حته بضهر ابوه حاجاني
كلالي يمته اكبر وذب ذرعاني
كتله ونعم يالمكنون // بعون الله باجر يوفون
***************
انه يمه الكربله جنت احسب اسنين
انه ما عندي ولد تغله اعله الحسين
ساروا كبال الضعن مثل القرائين
خذت خيره وخيرتي كالتلي ميتين

طاحت سبحتي والكلب ضل هايم
وبس كون صحت حسين يرجع سالم
واتحمل افراكه اشلون // بعون الله باجر يوفون
********************

سافرو ولياني وبعيده المسافات
وانه كمت بدمعي اخطنها العبارات
ليله اوداع الحبايب جنها لحضات
كمت طول الليل اونن واقره ايات

يحسين شيصبره الفكد محبوبه
يمته يطيب امن الجرح يعكوبه
جا ليش بيه اتكطعون // بعون الله باجر يوفون
**************
راح ابن حذلم يرد صوب المدينه
ايكلي راح حسين منج يالحزينه
ذبحوا عياله الاعادي وكل بنينه
وعالنهر خليته حماي الضعينه


ما راح اسألنه اعله ولدي الطيبين
بس راح اسأله بدمعي شخبار حسين
للغالي ولدي ايهونون // بعون الله باجر يوفون
*************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

يا محرم .. ابچي كل ايامي
يا محرم .. بحسرتي والامي
يا محرم .. عالحسين الدامي
...
هاي اول دمعة وي هلت محرم
چنها جمره اطشرت من المخيم
تبقه لاخر يوم بعيوني اتوسم
بيها احساس العقيله التبچي من دم
يا محرم .. راح اهلها دموعي
يا محرم ... وجمرتي البضلوعي
يا محرم ... عالحسين الضامي
......
شنسه منك وانتظرتك ليله ليله
رايد ابچي دموع وي عين العليله
كل خليل الينتظر جيت خليله
واني غير حسين ما عندي وسيله
يا محرم ... اهلالك اللي يلالي
يا محرم ... ذكراني بغالي
يا محرم .. صورته گدامي
...
سلمت روحي الك مو ملكي هيه
ما اوفي اشما بچيت اعله السبيه
وما تضل لي عيون من اذكر رقيه
بابا بابا تصيح ما ترجع اليه
يا محرم .. تعلم باحزاني
يا محرم ...هيجت اشجاني
يا محرم ...من ارف باعلامي
....
هذا دمي وقررت لحسين ابيعه
انفجع كل يوم وتمرني الفجيعه
من اشوف اعلام اذكرها الشريعه
يا محرم واذكر الجفه گطيعه
يا محرم .. هالصور بعيوني
يا محرم. .. عايشه اعله جفوني
يا محرم .. حته ويه احلامي
.......
حمرة ليش سماي بعيوني اصدها
ثاري دم حسين مرسوم اعله خدها
بالسمه لولت رباب تهز مهدها
واسمع الونات للتفگد ولدها
يا محرم ...قصتك احجيها
يا محرم .. ودمعتك اجريها
يا محرم .. والدمع إلزامي
...
عيوني ذبلانه وحرت ياليل اباته
ضامي يبقه حسين حد ساعة وفاته
كون اهل عيون واصبحله فراته
حته اروي حسين بدموعي وخواته
يا محرم ...عمري كله ابچيهم
يا محرم .. يادمع يرويهم
يا محرم ..دمعتي والهامي
...
نسالكم الدعاء
علي صادق المجراوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

اطفالك العطشانه تصيح شو ما جانه
يابو فاضل وينك
**********************
اتاخرت ليش يالرحت للماي ترجع بالسلامه
اتاخرت ليش وما كلت بالخيمه تنتظرك يتامه
تاخرت ليش انه اعرفنك وفي وصاحب شهامه
اتاخرت ليش خويه عكبك ليلي ما اكدر انامه

كلها تنطر جودك خويه وين اوعودك
يابو فاضل وينك
**********************
عذبتني كوم فك عينك يخويه وسولف وياي
عذبتني خويه اريدك بطلت ماريدن الماي
عذبتني يابو فاضل طيحتك كسرتلي مكفاي
عذبتني وانته مو من عادتك تتأخر اهواي

بالدمع ناشدتك ارحم بحال اختك
يابو فاضل وينك
***************
خويه عباس وجلمت الخويه اشكثر مملوحه تدري
خويه عباس لا تخلي دمعتي اعله خدودي تجري
خويه عباس تدري بفراكك كسر جم مره ضهري
خويه عباس خويه والله عليك ابد ما يغله عمري

اهنا يراعي الرايه اوياك عندي حجايه
يابو فاضل وينك
**********************
يابو فاضل بيا وكت زينب يصير ازرك متنها
يابو فاضل انشكت ايدي امن الحبل عباس اضنها
يابوفاضل زينب اختك ما طبك عكبك جفنها
يابو فاضل رايح ايغربها من بعدك زمنها

يالحديت ضعوني كوم شوف امتوني
يابو فاضل وينك
*****************
يا جفيلي خويه ترجع للخيم لو هاي هيه
يا جفيلي ابدال ايدك تنكطع ياريت اديه
يا جفيلي ليش خويه فركتك طالت عليه
يا جفيلي جيت اودعك كبل لا امشي سبيه

عيلتك سلبوها والخيم حركوها
يابو فاضل وينك
******************
يالجبتني اوياك جنت امدلله وياخويه اميره
يالجبتني رايح اصبح خويه من بعدك اسيره
يالجبتني اكبال راسك انضرب خويه جبيره
يالجبتني عندي ضلت لا كرابه ولا عشيره

مره اصيحن خويه ومره اصيحن بويه
يابو فاضل وينك
******************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

للانصار لحن👇 فدوه اروحن زوار لترابكم
محرم ١٤٤١


بالخيم يهتف صوت لنصاركم
گالو اليـوم انطيــح جدامــكم
ـــــــــــــــــ ❁ ❁ ❁ ــــــــــــــــــ

حسين ياشيخ العشيره .. انصارك البطف جثيره
وكسبو اعظم منزله
الف واحــــدهم يساوي .. الجفه ما واحـد يلاوي
وكله غيـره ومرجله
اليعشگ ايضحي الخليله .. وقسمو ابستر العقيله
انوافي ابن عقد الوله

سيدي ابهل انصار هنيالكم
گالو اليـوم انطيح جدامكم
ـــــــــــــــــ ❁ ❁ ❁ ــــــــــــــــــ

ابد ما نتــخله عنـــكم .. ناذرين ارواحنه الكم
مـن نطب الكربله
خل تأمــن بت محــمد .. للخـــيم مايدنه احد
احنه سور العايله
ندخل الحومه ونشبهه .. وزينـب نفرح گلبهه
وتبقه دوم امدللـه

بينه ابد لا متخيـب آمالكم
گالو اليوم انطيح جدامكم
ـــــــــــــــــ ❁ ❁ ❁ ــــــــــــــــــ

شيخ النصار ابن ظاهر .. سيف بين اجفوفه شاهر
فرت اگباله الجـــيم
كلهم ايهابون ســـــيفه .. وزود ظرباته المخــــيفه
كسب من حيدر همم
واعــد الحــره الابــــيه .. اليوم نحصد روس اميه
وهوس اباب الخــيم

احنه يازينب صاح خدامكم
گالو اليوم انطيــح جدامكم
ـــــــــــــــــ ❁ ❁ ❁ ــــــــــــــــــ

شـــدو احـــزام المنايه .. وعلگو بالحـــومه رايه
وسيـــفهم بالدم روه
حســين مانتخله عنه .. لجله للمـــــوت انتــعنه
ابصوتهم صاحو سوه
ارواح ضحو للعقــيده .. وكتبو ابدمهم قصيده
احنه فتيت نينوه

يخسه اي واحد راد يدنالكم
گالو اليوم انطيــح جدامكم
ـــــــــــــــــ ❁ ❁ ❁ ــــــــــــــــــ

صحبتك يحسين ذوله .. ابزودهم صـنعو بطوله
والله واحدهم شرس
ثورتك همه البــــدوهه .. وللوفه الرايه اعگدوهه
خرسو العكسر خرس
الجيش سبعين الف فارس.. لچن ماألهــم منافس
روســــهم ما تنتكس

ونعـم صارو سور لخيامكم
گالو اليوم انطيح جدامكم
ـــــــــــــــــ ❁ ❁ ❁ ــــــــــــــــــ

الخادم
كامل السعيدي
محرم ٢٠١٩ م ـــ ١٤٤١ هـ


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

نزله للعباس عليه السلام

طبها عباس الكفيل والزلم صاحت دخيل
يبو فاظل. يبو فاظل

سيفه يحصد بلكتايب حيو سبع الگنطره
صاحت اجيوش ال ميه شردو جاكم حيدره
أرتجز وأأعلن نشيده وأليجيه يابن مره
يشمر ابروس الأعادي الميمنه اعله الميسره
وخٔله قائدهم ذَليل والزلم صاحت دخيل
يبو. فاظل. يبو فاظل

صال صوله حيدريه وحمره صارت كربله
غاصت الخيل بدماهم سيفه چنه. زلزله
ويسمع الحره تنادي هله يلكافل هله
وِصعدت براسه الحميه ابو الغيره ومرجله
وكربله رادت تميل والزلم صاحت دخيل
يبو فاظل. يبو فاظل

وبٔوجه زينب تبسم گلها. هازينب بعد
كافلچ وبقه ابخدمتچ يالكفلتچ با لمهد
انتي من حيدر امانه وانه باقي اعللعهد
خويه لو اهجم عليهم نادي ياحيدر مدد
وأرد اسوي المستحيل والزلم صاحت دخيل
يبو فاظل. يبو فاظل





زينب اتحاچي الّكفلها خويه ياضنوة علي
عندي من حيدر امانه سيف الك ياكافلي
هذا سيفك هذا درعك ذخر من خيرت هلي
زاد عزمه من سمعها وگلها خويه ادللي
شرد اقدملچ قليل والزلم صاحت دخيل
يبو فاظل. يبو فاظل

وذٔكرته اشوصت أمه الطاهره أم البنين
يا سلام الله عليها فاطمه ام گلب الحنين
صبت ادموعه لجلها وگلها ولدچ حاضرين
انه وأخواني اربعتهم فدوه التراب الحُسين
اعللعهد لاما نميل والزلم صاحت دخيل
يبو فاظل. يبو فاظل
خادم اهل البيت حسين هوير الاسدي
ونسألكم الدعاء



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

باجر يخونونك كلهم يغدرونك
ضرف الرسايل شككه ولا تعتنيهم
يا مسلم ارجع طوعه ابد ما تلكه بيهم
*****************
يالغيرتك معروفه بعينك حقدهم شوفه
واثنين ابد من طوعه ما تلكه بيها الكوفه

والجانو اينطرونك ما رايح ايضيفونك
ومن القصر تدريهم يا مسلم ايذبونك

لا تتعب وياهم بانت نواياهم
باعو ذممهم والزمن شاهد عليهم
يا مسلم ارجع طوعه ابد ما تلكه بيهم
********************
لا تاخذ بكلمتهم بيعت غدر بيعتهم
كض الكتب وحركها ولا تدخل الديرتهم

واحد يوصي الثاني لازم نعوفه ايعاني
ارجع صحت لديارك بالكوفه ضل بس هاني

وسفه الزلم هايه مو كد الحجايه
اهل المصالح والخدع باطل حجيهم
يا مسلم ارجع طوعه ابد ما تلكه بيهم
**************



هالناس الك مجموعه وسيوفهم مرفوعه
سامحني كل الكوفه فدوه تروح الطوعه

يا مسلم انته القائد وماكو بغلاتك واحد
دمك كتب عنوانك انته السفير الخالد

روحك فدائيه والغيره ثوريه
يردونك اتذل وتجي اتصافح اديهم
يا مسلم ارجع طوعه ابد ما تلكه بيهم
*********************
يالرحمة الله بجفك آلاف صلو خلفك
ومن التفت اعليهم محد لكيته بصفك

كلمن نكر وجدانه لا تامن الخوانه
عافوك وحدك كلهم وهاني ثبت ايمانه

لو كلها تجمعها بس طوعه طلعها
اشكد كتبو اقدم سيدي ورادو تجيهم
يا مسلم ارجع طوعه ابد ما تلكه بيهم
*************************

اتحير المواقف يمك وطوعه تنخت بسمك
بالحومه ابد ما ترجف ماخذ مراجل عمك

غاص بركبهم سيفك والموت صار بكيفك
متحزم وعزرائيل يا مسلم اصبح ضيفك

كوم احمل اعليهم والموت راويهم
بكل همه خوض المعركه وتعنه ليهم
يا مسلم ارجع طوعه ابد ما تلكه بيهم
***********************
باجر تحيي اضيوفك وقصر الاماره ايطوفك
واكبر مناره بالكون رايح تخضر اجفوفك

من عزمك وايمانك بيهم هتف وجدانك
منصور وبعون الله باجر تذل الخانك

بكل فخر نادينه ذاك القصر وينه
كل العروش اتحطمت واليفتديهم
يا مسلم ارجع طوعه ابد ما تلكه بيهم
****************
تمت
تحسين الخفاجي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

https://youtu.be/UberKHyO_YM
توجد مكتوبه
المراسلة على المعرف 👈 @Abas747
اضغط إعجاب للفيديو ليصلك كل ماهو جديد وحصريا

ماعندي عَين وشوفي بالمنحر
امن الطف اجيتك امشي واتعثر
عيشني جرحك طيحة الاكبر
_
عادة امن الطفوف ابتدت عندي
كبل الموت احضر موت ولدي
اجيتك والنحر سويتة خدي
وجبت بيدي شمع ماجيت وحدي

صينية القاسم مشيتلها
وشمعة خذت يم جسمك اشعلها
كلبي لمصابك نارة تتوجر
_
نضرتك شاب ازغر من مماتة
وذكرت ابني علي وحيرة خواتة
الهجر والدمعة والهم والشماتة
مشة وكل ذني ضلن ذكرياتة

لجرحك وجرحة تجري دمعاتي
جانت عيونة بكد معاناتي
حكي اعلة ولدي ابقة اتحسر
_
يتاسع كوكب امن اقدس عشيرة
جبيرة جروحي والفركة جبيرة
اليشوف وليدة ميت يبجي حيرة
ترة جرح الولد ماكو نضيرة

ياموت كافي ارحم بحالي
مو تدري صعبة فركة الغالي
تاسع جرح هذا وبعد اكثر
_
خريف الفركة ذبل لون غصني
متت عطشان مثلي ادري يبني
جرحك جزء من اجزاء حزني
ابطور الطف عليك اليوم وني

خليني اكلك والدمع يجري
حيلتي قلت وانكسر ضهري
ماطاب ضهري يبني وتكسر
_
كرب عاشور وانتة تريد ترحل
عليك بهاالسنة العزيات تسأل
جنت وكت اللطم الكاك اول
يومية لمصابي تقرة مقتل

جنت المحرم تنطي روحية
تبجي اعلة عمتك لأن مسبية
يسأل عليك بهاالسنة المنبر
_
سيد معتز الحسيني



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

قصيدة الليله العاشره
الحسين يودع زينب


صلاة اوداع صلّه .. اويگلّي اوداعة الله
ذبح .. جرح .... سلب ... نهب .. باچر تشوفينه
دمه .. ضمه ... سهر ... قهر .. بالطف تلاگينه
ابعيالي هالله هالله .. وايگلي اوداعة الله
________________________________

زينب اوياچ ارد اسولف گلّي اسمعي
خويه واتّعذر إذا قاطعني دمعي
مو بديّه من اودعچ ابچي طبعي
خلّي اشبع شوف منچ وانتي اشبعي

واحسبي احساب فرگه ... بعدها ماكو ملگه
هجر ..قسر ... يتم .. شتم .. باچر كلف باچر
حرگ .. سحگ ..هظم .. عظم .. يتكسّر ابحافر
ابعيالي هالله هالله .. وايگلي اوداعة الله
______________________________

ايگلّي اوصّيچ اعله روحچ يالغريبه
شدّي حيلچ للنوايب والمصيبه
اگبال عينچ جثّتي باچر سليبه
وخيل اميه اتدوس صدري يالحبيبه

باچر نحري دامي ... اوخيل اترض عظامي
كسر .. طبر .. الم ...سقم. وانصاري مذبوحه
نزف .. كلف .. تعب ... لهب .. وايتامي مجروحه
ابعيالي هالله هالله .... وايگلي اوداعة الله
______________________________

البعيده اتصير باچر مو بعيده
باچر اتصيرين يازينب وحيده
احزام ظهري اوكافلج مگطوعه ايده
ايطيح والجربه تگع يمّه شهيده

باچر ماكو چاره ...واعيونچ حياره
حچي ... بچي ... غرب ...ضرب.. اومتنج يضربونه
جمر ... صبر .. هظم ... لطم ...گلبچ يحرگونه
ابعيالي هالله هالله ... اويگلي اوداعة الله
______________________________

باچر العز والدلال ايروح باچر
احسينچ اوعباس واخوانچ سافر
هذا راسه اعله الرمح ذاك ابحوافر
وعينچ اعليهم تضل ابهم تساهر

اويطيحون الهواشم ...الاكبر ويه جاسم
دمع ... فجع ...كرب ... غصب .. والخيمه محروگه
أسر ... عسر ... حبل .... هزل ... والعبره مخنوکه
ابعيالي هالله هالله ... وايگلي اوداعة الله
______________________________


ليل وحشه ليل باچر شدّي حيلچ
من اخوتچ أيسي ماواحد يجيلچ
أطول امن اسنين نوح ايصير ليلچ
اتلاثه واثمانين لوعه تعتني لچ

اليتامه محد الها .... بس انتي املها
امن ... حصن .. درع ... شرع .. يازينب انتي الهم
فدا ... ندا ... حمه .... سمه ... وجهچ يأمنهم
ابعيالي هالله هالله ... وايگلي اوداعة الله
______________________________

گتله خويه يابو سكنه اشهالرزيه
هالله هالله بالمصيبه اشلون بيّه
اتعوفني الوحدي وتسافر للمنيه
اشلون تقبل وآنه اضل عگبك سبيه

صحت وابعالي صوتي ... أريد اوياك موتي
احنّ ...لمن ... شجن .... وطن... غيرك فلاعندي
اهل ... أمل .... سكن ... ركن .. اشلون اضل وحدي
ابعيالي هالله هالله .... وايگلي اوداعة الله
______________________________

ابو فاطمة الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

بيهم صعدت الغيرة... شافو زينب بحيرة
انصارة ومغاويره ... من نزلت تقاتل
.....
سمعو صرخة الحوراء بالخيمه وبواچيها
فزعو فزعت الخوان شنهي الصار ياذيها
لو عايل وصل لحدود نگلبها اعله عاليها
ببرودة گلب خليچ عدنه زماط تاليها
كلمن لابس اكفانه ... يوم الاذن آذانه
عابس ويه خوانه ...... بكل هاي الفصائل
......
شدوها السروج بليل واتاني الفجر يمته
طرت والصباح انفاس بالنبضات حاسبته
باعت واشترت بحسين ليه دموم بايعته
خطين الفصايل دار عالخيمات ناشرته
يابوق الحرب تاني ... كلها تصيح هاذ اني
واحد گال للثاني ...... خل گبلك انازل
.......
دخلو والمنايا تريد وين الحيد يدناها
ساگ اتسابگ اويه الساگ وتسابگ مناياها
دگات الگلب لحسين ثبتت وي نواياها
رفت راية العباس من رفت رواياها
بالطف دگو الثايه .... لهاذه الموت شرايه
عالي ترفرف الرايه .... بچفوف الكوافل
.....
بن ظاهر لزمها شمال ظل عابس عله يمينه
جون بساعة الشدات غيرة الينگط جبينه
والحر وزهير يريد راسك يالشمر وينه
اوياهم فازع العباس يگلبها بميادينه
ياجيش اليلاگيهم ... غيرت كربله بيهم
وحسين اليسميهم .. انصارة الأوائل
......
هنياله اليموت هناك يمسح كل ذنب عندة
رابح ما يضل خسران كلمن واگف بشدة
نلخص وگفت السبعين شدو للگمر زندة
فاضت كربله إيثار. . .بيوم الجود يتبدة
من نذكر اساميهم نصلي نسلم اعليهم
بالمجلس نحييهم ... وبكل المحافل
...

نسالكم الدعاء
علي صادق المجراوي
19 ذو الحجه 1440

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

فتحة عزاء الليله السادسه
مسلم بن عقيل عليه السلام


يابو صالح .. ايعينك الله سيدي ابهاي المسيه
يابو صالح .. هاذي سادس ليله من الغاضريه
____________________________________

يبن إلحسن يالمنتظر ..للكوفه يندار النظر ..
يجري الدمع مثل المطر ..عن مسلم ولوعاته

عاشور ثاني قصته .. اتبچي السماء امصيبته .. الكوفه وسفه خانته ..تحچي الهظم نظراته

ايدير عينه ابكل درب ..يوحيله كلشي بالغرب .. سبحانه المگلّب الگلب .هيج الدهر غدراته

يابو صالح ..انگلبت اعليه ابغدرها ابلا حميه
يابو صالح .. هاذي سادس ليله من الغاضريه
________________________________

مرسول الحسين اعتنه ..للموت گلبه امّوطنه .. وسط المعاره من دنه .. چن حيدر ابصولاته

ماهمته اسيوف الكفر .. وزلاتها الما تنغفر ..
الجيش گدامه يفر .. تشفي الگلب حملاته


لاكن دليله منجرح .. طارش يريد ومايصح .. بالخطوه يسرعله ويلح ..يرسل معا چلماته

يابو صالح .. راد يرجع هالسبط واهله سويه
يابو صالح .. هاذي سادس ليله من الغاضريه
________________________________

ويلي عليه ابغربته .. بس طوعه هيه العانته ..
رادت تشاهد رايته .. بسم السبط مرفوعه

اتهلهله والمدمع يهل .. عن نصرته لا ماتمل ..
وياه رادت تنچتل .. ولا تبقه بي مفجوعه

يتبسم اعليها ويصد .. اعليهم ايگلها امن اهد ..
لا سيد ايضل لاعبد ..كلمن تهل ادموعه

يابو صالح .. مسلم وبيهم يزلزلها الوطيه
يابو صالح .. هاذي سادس ليله من الغاضريه
________________________________

والقل هو الله احد .. مسلم فلا مثله انوجد .. يتبختر وچنه الاسد ..موت ونزل بالحومه

ابكل دار خله نايحه .. جمله الجنايز رايحه ..
الكوفه بالدم سابحه ..من الأمن محرومه

ياحسره تاليها انغدر ..وضهر الرسالات انكسر ..
امن ابعيد لحسين اعتذر ..ايگله اصبحت محتومه

يابو صالح ..ويلي صابتّه ابغدرها الناصبيه
يابو صالح ..هاذي سادس ليله من الغاضريه
________________________________


اتسولف عن اجروحه الدمه .. رغم المسافه اتكلمه .. سامحنه يبن فاطمه .. حل الاجل بايامي

فوگ السطح لمن صعد .. الموت عنده كلشهد .. يحسين وفيت العهد ؟ مثلك اموتن ضامي

يرسل سلام الحظرته ..ولبنيته شوگه ولوعته .. ياويلي فاضت مهجته ..وابحبل ينجر دامي

يابو صالح ..عظم الله اجرك ابهاي المسيه
يابو صالح .. هاذي سادس ليله من الغاضريه
________________________________


ابو فاطمة الطائي


الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

ادخيل يابو اسكينه. الگوم وصلت لينه
ماتفزعون ..ماتفزعون
……
هوسوا بخيامي. وانته طايح ضامي. ياضوه العين
ياهو ضل ايحامي. للحرم ويتامي
خويه يحسين
منذبح گدامي.حيريت ايامي
بيه نارين

ياهو ضل يحمينه. الگوم وصلت لينه
ماتفزعون.. ماتفزعون
…… ..
طبوا الصيواني. يا بعد خواني
وگليبي محتار
اتحزمت عدواني. تحرگ ابصيواني
وشبت النار
املاهبه نيراني. خويه شنهي امتاني
تدري بالصار

ياهو اليطفينه. الگوم وصلت لينه
ماتفزعون .. ماتفزعون
…… .
يابعد دنيانه. ريتك انته ويانه
تعاين الحال
هايه زينب انه. اركض وفحطانه
اجمع اطفال
ماشفت بلوانه. من اجونه اعدانه
وجابوا احبال
مجتفات ايدينه. الگوم وصلت لينه
ماتفزعون .. ماتفزعون
…… .
خويه مدري شمالنه. مطشرين اعيالنه
بسوط الارجاس
مادريت ابحالنه. يالوگعت اگبالنه
وگطعوا الراس
ما رجع كفالنه. خل يفك احبالنه
وينه عباس

خويه اخيك وينه. الگوم وصلت لينه
ماتفزعون .ماتفزعون
……
الخيل لعبت جوله. تسحگ المدلوله
بين الاجدام
مدري احمي بذوله. لو اطفي بذوله
وسط الخيام
ياحچي الماگوله. ابگلبي ومعلوله
الحال الايتام

گلبي هذا اونينه. الگوم وصلت لينه
ماتفزعون .. ماتفزعون
… ..
گلبي المتانيكم. صاح يندب بيكم
عدكم ادخيل
مايلوگ اعليكم. عالترب تاليكم
طايح الحيل
يالگبل ماظيكم. يرهب ابطاريكم
الزلم والخيل

صدلي شمر بعينه. الگوم وصلت لينه
ماتفزعون .. ماتفزعون
……
علي الحاج الصبيحاوي



الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747

تسكت كلها.. وتحچي الليله دموع العين
كل العالم .... هاي الساعه يصيح حسين
والدمع اللي سال .. نازل چنه هلال
يصيح حسين .. يصيح حسين
...............
السمه شاشه ومباشر عالفضاءيات
بمراسيم الهلال اتوقفت ساعات
ممنوع الكلام الليله منعا بات
فقط يسمح كلام الحسرة والدمعات
كلمن حبك .. كلمن رادك يبچي دموع
ويه هلالك ... يعلگ عالخدين شموع
عالوجنه المرسال .. نازل چنه هلال
يصيح حسين
.....
دقيقه من الصمت وانخمدت الا نفاس
وانطشت مدامع چن عطرها الياس
ابتدة اول محرم وابتدة الاحساس
وكل هامة انحنت لحسين والعباس
الكل يترقب .. يمته هلال يهل عاشور
عميه الدنيه .. ومن حسين تريد النور
صاير واقع حال .. نازل جنه هلال
يصيح حسين
.......
الف ليله الدمع مو ليله بس لحسين
جروحه بكربله تطلبنه ظلت دين
سلاما للحسين اشما نهل العين
وسلاما للكمر والرايه والچفين
يا حب اول .. كل العالم ما ينساك
بكل احساسه .. وكل انفاسه تضل وياك
بالحل وترحاب .. نازل چنه هلال
يصيح حسين
.....
سبع قارات بسمك ترفع الاعلام
بدموع وشغف تتنطرك كل عام
مسيحي و صابئي هندوسي والاسلام
وكل حر الأخذ من عندك الالهام
حب عالفطرة .. مو حب مذهب لو عن دين
كلها تحبك ... تلهج بسمك اه يحسين
كل مدمع من طال .. نازل چنه هلال
يصيح حسين
.....
حي بعدة الحسين ولا ابد مامات
لئن باقي شعارة يصيح لا هيهات
علة اجراس الكنائس والحسينيات
بضماءرنه الحسين تردد الاصوات
گلب العاشگ.. لحسين ايفتح بيبان
خالد ذكرة... واسمه اليبقه بكل لسان
ياخير الاعمال .. نازل چنه هلال
يصيح حسين
.......
تضل قدوة وطريقك تسلكة الاحرار
وثورة بكل وطن خليت الك تذكار
المشه بدربك ابد ما يمشي درب العار
وعله هذا الدرب (غندي ) يشد اوزار
حرر شعبه .. من الضلم ومن الجور
واصبح نهجه .. عاشوراء تضل دستور
يا فكر الاجيال .. نازل چنه هلال
يصيح حسين
...
نسالكم الدعاء
علي صادق المجراوي
12ذو الحجه 1440

الناشر عباس التميمي
https://telegram.me/aabas78
قصائد لكل ايام محرم اشترك بالقناة👆👆👆

كروب قصائد والحان منبريه اشترك👇👇👇
https://tttttt.me/joinchat/AAAAAD7f0FNmkN2JjlNIBw

للتواصل مع الناشر 👈 @Abas747