🇺🇸🇻🇪 АҚШнинг Венесуэладаги қисқа муддатли мақсади Хитой, Россия, Эрон ва Куба каби рақибларига нефт етказиб беришни тўхтатиш — CNN

Режалардан хабардор бўлган икки манба CNN'га Трамп маъмурияти Венесуэладаги нефт ва энергетика объектларини ҳимоялаш учун АҚШ қўшинларини юбориш ўрнига хусусий ҳарбий пудратчиларни жалб этишга тайёргарлик кўраётгани, бу эса минтақада тажрибага эга ва маъмурият билан алоқалари бўлган хавфсизлик компаниялари учун катта молиявий имкониятлар яратиши мумкинлигини маълум қилган.

Ушбу объектларни қандай ҳимоялаш масаласи бўйича муҳокамалар ҳали дастлабки босқичда. Шунга қарамай, вазиятдан хабардор шахснинг билдиришича, бир қатор хусусий хавфсизлик компаниялари аллақачон Венесуэладаги АҚШ иштироки режасига қўшилиш учун рақобатни бошлаб юборган. 

CNN'нинг хабар беришича, Венесуэладаги қисқа муддатли мақсад бироз бошқача кўринмоқда. Трамп омма олдида АҚШ Венесуэладаги нефтга “эгалик қилишини” айтган бўлса-да, бир нечта манбалар асл ният Россия, Хитой, Эрон ва Куба каби АҚШ рақибларига нефт оқимини тўсиш эканини билдирган.

Манбаларга кўра, режанинг бир қисми ҳозирда Венесуэлада сақланаётган нефтнинг мамлакат ҳудудида қолишини таъминлашни назарда тутади. Агар сиёсий ўтиш даври шароитида америкалик компаниялар Венесуэлага қайтаса, айнан шу вазифа хусусий пудратчилар зиммасига юкланадиган хавфсизлик миссиясининг бир қисми бўлиши мумкин.

Strategic Focus: LIVE

🇹🇷🇮🇷 Биз Эронга қарши ҳарбий аралашувни ёқламаймиз — Туркия Ташқи ишлар вазири

"Эрон ўз ички муаммоларини мустақил ҳал қилиши керак. Шу билан бирга мамлакат минтақа давлатлари билан бўлган келишмовчиликларга ҳам барҳам бериши лозим", — деди Туркия ташқи ишлар вазири Ҳоқон Фидан ўз баёнотида.

Шунингдек у, мамлакат аҳолисининг иқтисодий ва бошқа қийинчиликлардан юзага келган норозилиги режимга қарши идеологик қўзғолон сифатида талқин қилинаётганини, агар диққат билан қаралса, аслида бу ерда Эронга душман бўлган баъзи хорижий давлатларнинг “иштаҳасини қўзғатадиган вазият” мавжуд эмаслигини таъкидлади.

Strategic Focus: LIVE

🇺🇸🇮🇷 АҚШ хавфсизлик нуқтайи назаридан Форс кўрфази минтақасидан авиация воситаларининг бир қисмини олиб чиқмоқда — Financial Times

Нашрнинг ёзишича, Вашингтон кескинлик кучайган тақдирда Эрон томонидан берилиши мумкин бўлган жавоб зарбалари етиб борадиган ҳудудда техника қолиб кетишининг олдини олишга интилмоқда.

Strategic Focus: LIVE

🇫🇷🇩🇰🇬🇱🇺🇸🇮🇷 Макрон Гренландия ва Эрон билан боғлиқ вазиятларни муҳокама қилиш учун Франция Миллий хавфсизлик ва мудофаа кенгаши йиғилишини чақирди — Reuters

Йиғилиш АҚШ президенти Доналд Трампнинг Гренландияни қўлга киритиш зарурлиги ҳақидаги баёнотлари ҳамда Эронда бўлиб ўтаётган норозилик намойишларининг куч билан бостирилиши фонида ўтказилмоқда, дея ёзмоқда нашр.

Макрон Х ижтимоий тармоғида эълон қилган хабарида француз ҳарбийларининг дастлабки гуруҳи Дания ва Гренландия томонидан ташкил этилган қўшма машғулотларда иштирок этиш учун Гренландияга йўл олганини билдирди. Унинг сўзларига кўра, кейинги бўлинмалар ҳам оролга юборилади.

Германия, Норвегия ва Швеция ҳам Копенгаген ва Нуукни қўллаб-қувватлаш мақсадида Гренландияга ҳарбий кучлар жойлаштира бошлаган. Бу ҳаракат АҚШ, Дания ва Гренландия расмийлари ўртасида ўтказилган музокаралардан сўнг амалга оширилди.

Франция расмийларига кўра, Гренландияга юборилган ҳарбийлар тоғ шароитида ҳаракатланиш бўйича мутахассислар бўлиб, улар Operation Arctic Endurance Оператион Арcтиc Эндуранcе машғулотларини тайёрлашда иштирок этган.

Strategic Focus: LIVE

🇸🇦🇶🇦🇴🇲🇺🇸🇮🇷 Саудия Арабистони, Қатар ва Уммон АҚШ президенти Доналд Трампни Эронга ҳужум қилишдан воз кечишга кўндирди — АFP

Агентликка бу ҳақда юқори мартабали саудиялик амалдор маълум қилди.

"Форс кўрфазидаги уч давлат сўнгги дақиқаларда узоқ ва кескин дипломатик саъй-ҳаракатлар олиб бориб, президент Трампни Эронга ўз яхши ниятларини намойиш этиш учун имкон беришга ишонтирди", — деди расмий.

Унинг сўзларига кўра, бу давлатлар АҚШ билан музокараларни давом эттириб, "қўлга киритилган ишончни мустаҳкамлаш ва ҳозирги ижобий муҳитни сақлаб қолиш"га интилмоқда.

Эроннинг Покистондаги элчиси Реза Амири Моғадамнинг таъкидлашича, Доналд Трамп аллақачон Теҳронни мамлакатга ҳужум қилмаслиги ҳақида хабардор қилган ва бунга жавобан вазминлик кўрсатишни, минтақадаги АҚШ объектларига зарба бермасликни сўраган.

Аввалроқ Саудия Арабистони бошчилигидаги араб давлатлари АҚШ ҳукуматидан Теҳронга зарба беришдан тийилишни сўраган эди. Улар Эрон режимини ағдаришга уриниш нефт бозорларида кескин беқарорликка олиб келиши ва охир-оқибат АҚШ иқтисодиётига зарар етказишини билдирган.

Strategic Focus: LIVE

🇪🇺🇫🇷🇩🇰🇬🇱🇺🇸 Гренландия Европа ҳудуди ва NATO ҳимояси остида — Франция ташқи ишлар вазири

"NATO'нинг европалик иттифоқчилари ўз ҳудудини ҳар қандай таҳдиддан тўлиқ ҳимоя қила олади", — деди Жан-Ноэл Барро Гренландия масаласига изоҳ берар экан.

Strategic Focus: LIVE

🇺🇸🇮🇷 Вашингтон Эроннинг 11 нафар фуқаросига, жумладан Хавфсизлик кенгаши котиби Али Ларижонийга нисбатан санкциялар жорий этди — АҚШ Молия вазирлиги

Шунингдек, турли мамлакатлардан бўлган 13 та ташкилот ҳам чекловлар рўйхатига киритилди, дейилади вазирлик баёнотида.

Strategic Focus: LIVE

🇫🇷 Биз Европадаги энг самарали армияга эгамиз — Франция президенти

Эммануэл Макроннинг бошқа баёнотлари:

◾️ Франция Европада энг кучли ядровий тийиб туриш салоҳиятига эга давлат, бу замонавий дунёда ноёб куч ҳисобланади;

◾️ Биз, французлар, глобал воқеаларнинг томошабинлари ёки шунчаки шарҳловчилари эмасмиз;

◾️ Янги авлод SAMP/Т тизимлари Франция ва Европа тизим бўлиб, дунёдаги энг яхшисидир. У Patriot тизимига қараганда самаралироқ;

◾️ Биз ташаббусни ўз қўлига олувчи, ўзини ҳимоя қилувчи, зарур бўлган қуролларни ишлаб чиқарувчи, янги имкониятларни жорий этувчи, таҳдид остида қолган пайтда иттифоқчиларига ёрдам берувчи ва уларни ҳимояловчи, ҳамда барқарорлик ва тинчликни таъминловчи кучмиз.

Strategic Focus: LIVE