^

"ليلةٍ من طولها كنْ ثوانيها ليال
‏ما تمر.. لو ساعتي غيَّرت توقيتها

‏من يعيش شعورها يحسب انِّه فالخيال
‏خل عاد اللي لا سولفت له طريتها

‏اعتق شْعوري و أذِّن وارِحنا يا بلال
‏الفجر كنِّي من العام ما صليتها "

^

بري حالي ليت مثله بغاليه استشار
‏ولا تركني كل مره بعده ، أذوقها

‏انقطع وحبال الأخبار من دونه قصار
‏والله مدري هو تحت الارض ولا فوقها

^

تتابعت خلف الشهور !.. الأسابيع
‏والشوق واقف .. و الحنين متركّي

‏خل السكوت يسود كل المواضيع
‏أنا أكبر من اللوم .. ومن ، التشكّي

‏من أبسط حقوق الكلام إنّه يْضيع
‏الواقع أصدق !.. من يقيني وشكّي

‏لا تنتظر منّي !.. ( عبارات ) توديع
‏ما عندي ألّا الضحكة .. اللي تبكّي

^

سيّد الليل وأنفاس الفجر والمغيب
‏من شرا شوف عينك ماشكى غشّها

‏لو عصافير حيّك ماتشوفك حبيب ؟
‏ما بنت في نوافذ غرفتك عشّها :)