Google Play Store’da ilova yuklab olish jarayoniga oid bildirishnomalar yangi formatda sinovdan o‘tkazilmoqda

Endilikda standart yuklanish chizig‘i o‘rniga, ko‘proq ma’lumot va vizual elementlarga ega bo‘lgan yangilangan oynacha paydo bo‘ladi: unda ilova ikonkasi, nomi, yuklanish foizi, fayl hajmi va ilovani bir zumda ishga tushurish imkoniyati bo‘ladi.

Yangi uslub bir vaqtning o‘zida uchtagacha ilovaning yuklanish jarayonini (shu jumladan, yaqinda tamomlanganlarini) ko‘rsatadi. “Ochilish” tugmasi va kengaytirilgan yuklab olish menejeriga o‘tish uchun “Yana” tugmasi ham mavjud bo‘ladi. Bu imkoniyat allaqachon Play Store’ning 46.1.37 test versiyasida mavjud.

Hozircha bu funksiya standart holatda yoqilmagan va barcha foydalanuvchilarga taqdim etilmagan. Google bu imkoniyatni bosqichma-bosqich testdan o‘tkazmoqda. Shuningdek, foydalanuvchi interfeysi hali to‘liq yakunlanmagan – barcha tugmalar barqaror ishlamaydi.

Ushbu o‘zgarishlar bahorda joriy qilingan yangi ichki yuklab olish menejeri ortidan amalga oshirilmoqda. Maqsad – ilova o‘rnatish jarayonini yanada qulay va tushunarli qilish.

Шавкат Мирзиёев: “Ҳар қандай тинчлик ва тараққиётнинг асоси, аввало, иқтисодий ҳамкорлик билан ўлчанади”

Ўзбекистон Президенти Озарбайжоннинг Хонкенди шаҳрида бўлиб ўтаётган Иқтисодий ҳамкорлик ташкилоти саммитида иштирок этиб, нутқ сўзлади.
Давлатимиз раҳбари ўз чиқишида мазкур тадбирда Афғонистон иштирокини алоҳида эътироф этиб, мазкур мамлакатнинг минтақадаги умумий ривожланиш ва тинчликда роли катта эканини билдирди. Шунингдек, сўнгги даврларда Жанубий Осиё ва Яқин Шарқда юзага келган нотинч вазият барча учун мураккаб вазият келтириб чиқарганига эътибор қаратди.
Президентимиз ҳар қандай тинчлик ва тараққиётнинг асоси, энг аввало, иқтисодий ҳамкорлик билан ўлчанишини, шу боис Иқтисодий ҳамкорлик ташкилоти доирасида шериклик, нафақат табиий, балки стратегик аҳамиятга эга эканини таъкидлади.
Шундан келиб чиқиб, бир қатор ташаббусларни илгари сурди.
Хусусан:
– ташкилотнинг ўрта ва узоқ даврда ривожланиш йўналишларини белгилаб олиш. Бу борада иқтисодий “Ҳамкорликнинг стратегик мақсадлари – 2035” концепциясинни қабул қилиш зарур;
– ўзаро савдо айланмасини ривожлантириш мақсадида жорий йилда Тошкентда савдо вазирлари учрашувини ўтказиш;
– қишлоқ хўжалиги маҳсулотлари савдоси борасида тезкор маълумот алмашиш ва тўсиқсиз етказиш бўйича “яшил йўлаклар” тизимини яратиш;
– “Экоинвест” узоқ муддатли дастуринни қабул қилиш орқали минтақадиги истиқболли лойиҳаларни қўллаб-қувватлаш;
– дунёдаги сўнгги геосиёсий воқеалар логистика занжирларига салбий таъсир кўрсатаётганини инобатга олган ҳолда, транспорт ва логистика соҳасини тизимли асосда йўлга қўйиш мақсадида “Рақамли транспорт ва божхона идораси”ни ташкил этиш;
– минтақада янги авиамаршрутлар очиш ва авиақатновлар борасида ҳамкорликни ривожлантириш мақсадида Самарқандда “Миллий авиакомпаниялар форумини” ўтказиш каби ташаббуслар билдирилди.
Шунингдек, ташкилот доирасида экологик хатарларга қарши биргаликда курашишга оид таклифлар ҳам илгари сурилди.

Apple dasturchilar uchun ochiq manbali neyrotarmoq chiqardi

Apple kompaniyasi dasturchilar uchun moʻljallangan va ochiq kodli yangi neyrotarmoq — DiffuCoder‑7B-cpGRPO modelini taqdim etdi. U ChatGPT yoki Microsoft Copilot’dan farqli oʻlaroq, kodni satrma-satr emas, butun faylni birdaniga yaratish tamoyili asosida ishlaydi. Bu jarayon tasvirlar yaratish uchun ishlatiladigan Stable Diffusion uslubi bilan oʻxshash.

DiffuCoder dastlab kodni toʻliq yaratadi, soʻngra diffuziya algoritmlari yordamida kerakli boʻlaklarni bosqichma-bosqich takomillashtiradi. Bu usul anʼanaviy, avtoregressiv modellar bilan solishtirganda kamroq qadamlarda tezroq va aniqroq natijalar beradi.

Model Alibaba’ning Qwen2.5‑7B asosida qurilgan, va uning butun manba kodi Apple’ning rasmiy repozitoriyasida ochiq joylashtirilgan. Biroq, ushbu neyrotarmoqni ishga tushirish uchun foydalanuvchi uni oʻz kompyuterida mustaqil sozlashi kerak boʻladi.

Hozircha DiffuCoder Gemini yoki GPT-4o kabi ilgʻor neyrotarmoqlarning unumdorligiga yetmagan boʻlsa-da, Apple’ning rejalari aniq: kompaniya o‘zining Apple Intelligence tizimini mustaqil kod yozishga o‘rgatmoqchi — bu esa uni raqobatchilarning pullik chat-botlaridan ham samaraliroq qiladi.