#يوميات_زولة_صايمة_12
#بقلم Nana Slama
اهل العريس طلعو ب جااي دقيقة م تموها القى شفع الحلة كلهم لامين في باقي العصير مرصرصين في السراير زي السكسك، انا الحلة دي الا ارحل منهاا😭😭 قبلت كدا لقيت امي في وشي شايلة ليها علبة ومادة لي يدها قالت لي مرقي لي حلقي وادي عمتك عواطف دي باندتها، هي الليلة يحليل ود امي دا حال شنو دا😪
شلت تلفوني وانجحرت جووا عاد ما خلاس بقيت مختوبة 😂 انمشي على سيد الريد دا اشوف ابو عيالي دا وصل ولا لا 🌚 اها مالكم بورة وانفكت وعقبالكم😂
خشيت اوضتي قعدت ورا المراتب وضربت ليهو وقبل م يرد قحيت تلطاشر قحة ورقدت حواجبيني استعداد وكدا الساعه الرد وقال الوو قلبي بقى يسوي (بدبد بدبد) 😂قال لي مرتي♥️(وااااااااااااي انا من مرتي الله يضوقكم) قلت ليهو ي عيون كيف وصلت طمني، قال لي الحمدلله بس مشتاااق ليك ياخي دايرة ارد كدا جاني دقاش ود نفيسة قال لي خالتي خديجة قالت ليكي تعالي دقي اللوبة دا بعد كدا بياكلَو السوس، مسكت التلفون غمدتو بي طرحتي وقعدت فيهو قريت سدا مرتين م يكون سمع وقلت ليهو السوس الياكلك بركة من صلى وقال يا الله ي كريه ي ابو سنان تعال غير اقوالك دي وقول لي قال ليكي تعالي اعملي السمبوسة لانك بتظبطيها ولا والله ارفسك كدا اقول الرفسني دا مرفعين خلاني رفعت التلفون بس قال لي الليله ببزغ فيييكي بقش فيكي المخااااتة، ولا كضبت ظط قفلت الخط ولفختو ب السفنجة في رقبتو خليتو يتلوي ومرقت مشيت حوش الفحم ما معاي زول الا تيس الكرامة حق سماية خالتي عاينت ليهو كدا لقيتو نايم، قمت اتصلت قال لي والله انا مشتاق ليك ي حب ح اتصل ليك فيديو قلت ليهووو لااااااااا. قال لي ليه ف شنو قلت ليهو إضاءة النجف خافته م حتشوفني كويس وهو كان شايف كمية البعر الانا قاعدة فيهو يقفل فيني الخط تلاتين مرة😂😂
المهم بعد تعب حتى اقتنع، قلت ليهو انا راجعة الداخلية بكرة ان شاء الله قال لي احلى كلااام طيب اجي اخدك قلت ليهو لااا ناس البيت 😪قال لي انا خطيبك ي هبلة
(تننننن اتذكرت 😂) قلت ليهو خلاص تمام ي زول اتفقنا قال لي يلا علشان الحق امشي اصلح تكييف العربية بكلمك بعدين قلت ليهو تمام.
من عرفت انو هو الحيوديني بكرة جريت غسلت شنطتي وغسلت هدومي وكويتهن واتمسحت زيييين ولفيت شعري وقعدت في نص السرير منتظرة الصباح يجي...
#تابع
(الحلقة قصيرة والله حاسة ب عطش م طبيعي بس بالليل ح اقطع ليكم فيها شوط كبيير ان شاء الله)
#بقلم Nana Slama
اهل العريس طلعو ب جااي دقيقة م تموها القى شفع الحلة كلهم لامين في باقي العصير مرصرصين في السراير زي السكسك، انا الحلة دي الا ارحل منهاا😭😭 قبلت كدا لقيت امي في وشي شايلة ليها علبة ومادة لي يدها قالت لي مرقي لي حلقي وادي عمتك عواطف دي باندتها، هي الليلة يحليل ود امي دا حال شنو دا😪
شلت تلفوني وانجحرت جووا عاد ما خلاس بقيت مختوبة 😂 انمشي على سيد الريد دا اشوف ابو عيالي دا وصل ولا لا 🌚 اها مالكم بورة وانفكت وعقبالكم😂
خشيت اوضتي قعدت ورا المراتب وضربت ليهو وقبل م يرد قحيت تلطاشر قحة ورقدت حواجبيني استعداد وكدا الساعه الرد وقال الوو قلبي بقى يسوي (بدبد بدبد) 😂قال لي مرتي♥️(وااااااااااااي انا من مرتي الله يضوقكم) قلت ليهو ي عيون كيف وصلت طمني، قال لي الحمدلله بس مشتاااق ليك ياخي دايرة ارد كدا جاني دقاش ود نفيسة قال لي خالتي خديجة قالت ليكي تعالي دقي اللوبة دا بعد كدا بياكلَو السوس، مسكت التلفون غمدتو بي طرحتي وقعدت فيهو قريت سدا مرتين م يكون سمع وقلت ليهو السوس الياكلك بركة من صلى وقال يا الله ي كريه ي ابو سنان تعال غير اقوالك دي وقول لي قال ليكي تعالي اعملي السمبوسة لانك بتظبطيها ولا والله ارفسك كدا اقول الرفسني دا مرفعين خلاني رفعت التلفون بس قال لي الليله ببزغ فيييكي بقش فيكي المخااااتة، ولا كضبت ظط قفلت الخط ولفختو ب السفنجة في رقبتو خليتو يتلوي ومرقت مشيت حوش الفحم ما معاي زول الا تيس الكرامة حق سماية خالتي عاينت ليهو كدا لقيتو نايم، قمت اتصلت قال لي والله انا مشتاق ليك ي حب ح اتصل ليك فيديو قلت ليهووو لااااااااا. قال لي ليه ف شنو قلت ليهو إضاءة النجف خافته م حتشوفني كويس وهو كان شايف كمية البعر الانا قاعدة فيهو يقفل فيني الخط تلاتين مرة😂😂
المهم بعد تعب حتى اقتنع، قلت ليهو انا راجعة الداخلية بكرة ان شاء الله قال لي احلى كلااام طيب اجي اخدك قلت ليهو لااا ناس البيت 😪قال لي انا خطيبك ي هبلة
(تننننن اتذكرت 😂) قلت ليهو خلاص تمام ي زول اتفقنا قال لي يلا علشان الحق امشي اصلح تكييف العربية بكلمك بعدين قلت ليهو تمام.
من عرفت انو هو الحيوديني بكرة جريت غسلت شنطتي وغسلت هدومي وكويتهن واتمسحت زيييين ولفيت شعري وقعدت في نص السرير منتظرة الصباح يجي...
#تابع
(الحلقة قصيرة والله حاسة ب عطش م طبيعي بس بالليل ح اقطع ليكم فيها شوط كبيير ان شاء الله)