و؟قالت لي انا سامعه منذر بتكلم مع حسام فهمت انو الموضوع بخصك حسام دخل غرفتو وقفلها عليهو م قدرته انتظر جيت اتصلته عليك بس م كنت عارفه انو ماهر ماهر ي شهد وقامت زغردت،احكي لي الحصل شنو بالظبط واتقدم ليك كيف احكي احكي،قلته ليها جاب عمو وجا اتقدم من غير م يتكلم معي او يرجع لي حتى ،قالت لي وااااااااي حبيتو حبيتو شديييد حركه جنتل منو انو يصل البيت اول بعداك يشوف الحاصل شنووو😍قلته ليها جنتل؟انتي جادة؟اسي حُسام عمل معاك كدة؟قالت لي انا وحسام امورنا م كانت معقدة زيكم كدة لكن المهم اها وبعدين الحصل شنو احكي لي ادق التفاصيل،قلته ليها طلب يلاقيني بعد م طلعو و....الخ
قالت لي شهد اطلع ليك بالتلفون دة اكفتك؟اعمل فيك شنو انا ي صُحبه السجم ؟يعني اسي طفش؟
قلته ليها م عارفه بس اكيد.حيفهم نزولي من العربيه من سكات دة رفض،قالت لي احيييييييي انا منك ي شهد احييبيبيي اعمل فيك شنو اطلع ليك بالتلفون دة اكفتك؟اكفتك ي شهد؟انتي حيوانهه؟لا انتي كلبوبهه من الكلبوبات القتلهم بدون رحمه حلال ي بت انتي ليييييهه كدة ؟لو جدك فرعون م حتعملي في ود الناس دة كدة؟
قلته ليها عملته فيهو شنو انا ي مناسك لييييهه انا غلط وهو صح؟

قالت لي علشان هو لقى حلول للغلط الانتو فيهو دة وبحاول يحلو وانتي لا ي شهد،ي بتي دة حتى الرسول قال"لم يرى للمتحابين الا النكاح"مش دة ماهر الجنيتي بيهو وقومتي الدنيا وم قعدتيها لما عرس؟هو ولا م هو؟بتكلم معاك انا ردي،

قلته ليها" ‏القصهه قصه لهفة ي مناسك
‏واللهفة اول م تنطفي ألف ياريت ما بتنفع"...💔قالت لي دة م وقت فلسفتك الفارغهه حبيباااااهه م تخليني اردح ليك ،فجاة قالت"اي ي حسام،حاضر جايه جايهه،قالت لي برجع ليك ي سجم الرماد💔فصلته منها المكالمه،شويهه كدة مؤيد جاني في الغرفه،قال لي شهد،قلته ليهو نعم؟!قال لي عازمك طلعه جهزي نفسك منتظرك،
بقيت اعاين ليييه،قال لي فرصهه يوم ولا كل يوم🌚
انا اصلاً عارفاه عازمني لشنو وحيقول شنو بالظبط،
جهزته وطلعته، مشينا شارع النيل ،قلته ليهو لما تعزمني تجيبني شارع النيل؟قال لي هو انتي لاقيه زول يعزمك م تطولي لسانك ساي😂💔قعدنا هو نفسو م كان قادر يفتح معي الموضوع كان بعلق لي على الغاشي والماشي ،بعد رغي كتير واكل بشار وقهوة وشاي لبن بزلابيه حتى قال لي طبعاً اليوم ماهر وعمو و....الخ
طبعاً نحن ك اسرة م حنرفضو م عشان هو معرفه وكدة ولا عشان هو صحبي او غيرو لكن هو زول ممتاز شديد والف اسرة تتمناهو لي بتها بس دة مقياس برضو مالم يكون مبني على موافقتك،وطبعاً ماف زول حيجغصبك عليهو ابداً لمجرد معرفتنا وعلاقتنا معاهو حاجه ودي حاجه تانيه خالص العرس مسؤليه م اي كلام وخلاص خصوصاً انو نحن عارفين البيهو والعليهو ف دي حاجه حتخلينا نفكر الف مرة قبل م نوافق ،اف انا م جايبك هنا عشان اخد موافقتك او لا بس عشان يكون عندك خلفيهه عن الموضوع وتفكري على اقل من مهلتك وفي كل الأحوال ماف زول حيعترض على قرارك ابداً❤

نِعم الدنيا كُلها كوم وانو يكون عندك اخوان مُتفهمين دي كوم تاني خالص كل مره بخلوني اقول"الف الحمدلله عليهم وي بختي بيهم"...❤

رجعته البيت لقيت مكالمات كميه من لجين وطيف،رجعته لي لجين قالت لي بتسفهيني ي شهد؟بتتقلي علي علشان ود الزيني اتقدم ليك؟امال لما تقعدي معاه في بيت واحد حتعظلي شنوووووو؟
قلته ليها انتي ي حيوانه م ناسيااك كويس انك اتصلتي انتي الكلمتي ماهر وقلتي ليهو شهد بتحبك صح؟
قالت لي بري ي بت اناااا؟ماهر لقيتو وين انا ي زوله انتي مجنونه؟
قلته ليها يعني انتي م متواصله معاه؟قالت لي ي بت يطرشني ماهر دة انا بشوفو في الشركه وبناخد وبندي في الكلام بس سيرتك دي ولا بالغلط هو قال ليك لجين قالت لي؟
قلته ليها لا💔
قالت لي طيب بتتحيوني مالك؟ايوااااااا تعالي هنا ي وسخهه بتدسي مني انا؟انا ي شهد الا اسمع من مناسك؟انا ي شهد اخر من يعلم؟
قلته ليها م كلمتك عشان م حصل شي غير انو اتقدم بس،
قالت لي م هو انا ضاربه عشان اقول ليك بكرة م تنتظريني جايه اموتك ونرتاح منك ونشوف لي ود الزيني بت هديهه ورضيهه ونريحو من نفسنتك وقرفك،
قلته ليها لجين،
قالت لي مااااا لجين ي شهد انتي غبيه؟انتي الولد دة شويه وكنتي تلقطي ورق بسببو واسي بتتحيوني؟
قلته ليها بس دي م حيونه ي لجين،انتي المفروض اكتر انسانه بتفهمني ،قالت لي م هو علشان انا اكتر واحدة بتفهمك ي شهد شايفه انو دة الصح بالنسبه لحجات كتيرة ي شهد دة ماهر يعني انتو اكتر اتنين محتاجين بعض وبتكملو بعض بطلي مكابرة الله يرضى عليك ي شهد، ‏زي الفي حاجة م عارفه امشيها لي ماهر حتى لو عايزة كدة، شعور م قادره اتجاهله ،، عتاب كاتماهو و صعب والتعبير عنه إهانه ، حاجات كتير م بالبساطة اللي شايفنها بيها من بعيد وم حيفهموني لو شرحتها ليهم ابداً💔

....

المفروض اني ارجع اتصل على شهد كنت بنازع نفسي م بين اتصل وم اتصل بس في نفس الوقت كنت عايز اديها مساحتها وم اضغط عليها ابداً خصوصاً انها شايفه اني ختيتها امام الامر الواقع

بس معي اليوم دة كان بكفيني عن وجود كل الكانو موجودين 😭💔💔💔ألموت م بهمل ابداً علشان كدة اشبعو من ابهاتكم واتمسكو بيهم شديد م تفوتو عليكم لحظه حلوة معاهم ،حس وجود الأب في الحياة بيكفي من الف شعور والله العظيم😭😭😭💔
....

اليوم التاني من التخريج اثناء م انا في غرفتي فجاة حسام.اخوي جا داخل علي كنت لسسسه م طلعته من حالتي الكنت فيها ديك💔قعد ياخد ويدي معي في مواضيع كدة بعدين قال لي لييييهه م كلمتيني انو الجامعه عامله ليكم رحله بعد التخريج؟
بقيت اعاين ليهو
قال لي على فكرة انا م مجتبى ابداً فهمتي؟يعني لو كلمتيني تتوقعي اني ممكن ارفض ليك تمشي؟
قلته ليهو م كدة بس انا اساساً م نفسي فهمته؟
قال لي الدفعه معظمها ماشه وانتي واحدة من الدفعه لو م كانت عاملاها الجامعه كان ممكن ارفض
قلته ليهو حُسام انا بالجد م نفسي،قال لي شهد انا م بس اخوك الكبير انا بعد ابوي الله يرحمه بقيت انا الوصي عليك وانا واثق تماماً انو ابوي لو اليوم كان عايش م كان رفض ليك انو تمشي مش لو كانت ماليزيا حتى لو كانت اخر الدنيا واسي انتي حتمشي الرحله دي مع دفعتك انا م كنت عارف بس اتصلت علي لجين وكلمتني بيها وهي نفسها اكدت لي انو اذا شهد ماشه هي حتمشي معاك والموضوع متوقف عليك وانا م عندي مانع في مشيتك ابداً❤
قلته ليهو عارفه كدة بس برضو انا م.نفسي ي حُسام💔
بعد م طلع مني اتصلته على لجين قلته ليها منو القال ليك انو انا ممكن امشي الرحله دي؟قالت لي سهد انا م مشيت رحلتنا عشانك وم مصدقه انو امي وافقت وهي زاتها وافقت علشان قلته ليها انو شهد معي م تبقي انانيهه كدة💔
لجين =انانيهه=ماهر
يمكن هي قالتها بي عفويهه بس انا بالنسبه لي م عاديه ابداً معقوله كل الناس شايفاني كدة؟هل انا كدة فعلاً؟
الحاجه دي خلت اثر في نفسي وبقيت في حاله اوڤرثينكينج لدرجه اني بقيت اشيل ورقه وقلم واكتب فيها عيوبي ولصقتها على الباب علشان كل مرة اشوفها واعالجها ،بناء على اصرار لجين وتحانيسها وافقته على رحله الجامعه،سافرنا ماليزيا قضينا فيها اسبوع وزيادة،م بقدر انكر انو السفرة كانت مريحه شدييييد بالنسبه لي على الاقل اتعرفته على ناس دفعتي الكنت م بطيقهم واكتشفته انهم ناس ظريفين شديد وانا الثقيله اضافه لي انو عكست لي قدر شنو اخواني مهتمين لي امري ومستعدين يعملو كل البطلع بيدهم زي م بابا كان بعمل وعززت ثقتي في نفسي،لما رجعته يوم بالصدفه فتحته دولابي ف لقيت فيهو كييس كبير م انتبهتهه ليهو ابداً مما جيت ،نزلته الكيس فتحتو لقيت فيهو رسمه في اطار صورتي انا وبابا مرسومه،ومعاها علبه شوكلاته ومعاها بوكيه ورد شكلو كان طبيعي وانتهى وورقه مكتوب عليها" ‏أجملهن هي أنتِ أيتها الشهد ؛ ‏ليس وجهك الجامح ، سيّد الخيال ، ولا شعركِ الذي يُثري قامتكِ بالبهاء ، ولا أصابعكِ التي تحرّك الموسيقى ، ليس ساعداك الممتدتان من قعر الحنان ليهشّا قلق العالم ، ولا بريق قلبكِ ، ولا هديل الحمام في صوتك أنتِ امرأة ،امرأة جداً ،امرأة حقاً ،بدون هذا وبدون ذاك،
انتِ تعنينني حتى وإن لم ولن نلتقي يوماً كوني بخير...❤

طبعاً بقيت مستغربه يعني دة منو الجايب لي هديه وبستظرف معي كدة؟طلعته بقيت انده على ماما،قالت لي نعم ،قلته ليها الهديه الفي الدولاب دي الجابها منووو؟قالت لي انا م وريتك؟نسيت ياخي فجأة جاني تلفون قال لي عندي توصيله لي واحدة اسمها شهد عبدالله ومدني رقمك دة عشان اوصلها ليها و...المهم جابها لي ودخلتها ليك الدولاب مع الجوطه بتاعه اخوانك ديك نسيتها عديل،قلته ليها اهااا طيب ،بقيت افكر دة منو الممكن يجيب لي هديهه دة وكمان صورة بابا وصورتي يعني زول بعرفني!؟؟م كلفته نفسي في التفكير كتير شلته الشوكلاته دخلتها التلاجه

....

م كنت مركزة مع موضوع اني اقضي الخدمه كتير رغم انو مجتبى اصر علي اقضيها على طول علشان هو لاقي لي فرصه شغل عندهم هناك في الإمارات بس انا فكرة انو اخلي ماما مُرعبه بالنسبه لي لانو ماما م عندها غيري اخواني كل واحد فيهم في بلد،جدو وحبوبه بعد عرس حُسام شبه استقرو معانا بس بشكل مؤقت حيجي يوم وحيرجعو لي بناتهم اكيد م بقدر اضمنهم❤بس رغم دة كلو كلو كنت مُصرة على موضوع الايلتس يمكن لزمن امتحن ويشيلوني يحلها الف حلال💔الايام مشت على كدة ماف اي جديد يزكر في حياة اي زول فينا ، بعد فترة كم شهر يوم جمعه بعد الغداء منذر وجدو وحبوبه وماما قاعدين في التلفزيون وبشربو في الشاي،وانا في المطبخ بنضف،وبغسل في العدة،جرس الباب دق،شويه كدة سمعته اصوات ناس بتسلم وكانت اصوات رجال كلها،ماما جاتني في المطبخ قالت لي جهزي صينيه مويه،قلته ليها الجا منووو؟قالت لي الزيني وماهر ،
مع كلمه ماهر دي قلبي رفف بقيت اعاين ليها،قالت لي اتحركي ي بت
يعني انا عندي كم شهر حكايه بتاعه 7 شهور او اكتر م شوفتو حتى في خيالي ومتجاوزاه تماماً الجابو شنوو اسي؟
نزلته الصينيه والكباي وجهزته ليها المويع،قالت لي جهزي العصير برضو،جهزتو ليهم ،ماما قالت لي اللبسي توبك اطلعي سلمي على ا

د وي ريت قدرتهه افهم كدة ابدر بسسس دة الحاصل وبس ي شهد م حأقدر اقول اكتر من كدة ابداً...💔

بعد كلامو دة م فتحته خشمي بحرف معاه فضلت اكتر من ربع ساعهه ببكي حتى هو م قال حرف تاني،قلته ليهو عايزة امشي البيت،
سكتت مسافهه حتى قال لي طيب ماشي،عايزة انزل قال لي اعملي حسابك للشارع❤مشيت بيتنا وم اتفاهمته مع زول من ناس البيت وعلى طول دخلتهه غرفتي وقفلتها علي،المفروض الفرحه تكون م سايعاني اخيراً اخيراً الحاجه المتسببه في معاناتي كل السنوات دي بقت بين يدي بدون اي اجتهاد او غيرو،طيب انا ليييهه م مبسوطه؟او ليييه مترددة وخايفه؟ماهر انسان غامض شديد خايفه انو قرارو دة يكون انفعالي زيو زي قرار عرسو لي لجين وبعدين يتكرر نفس الموال وانا حِمل الحاجه دي ابداً💔😭
.....

م مستغرب من عدم تجاوب شهد معي ابداً وكنت متوقع الحاجه دي خوفها مُبرر شديد عندي والمفروض انو كان اخليها تطمئن ك تمهيد ورغم معرفتي بالحاجه دي خطيت الخطوة دي وانا واثق انها تقريباً اكتر خطوة صح خطيتها بعد كميه كبيرة من القرارات الغلط،انو انا وشهد نبعد من بعض حصلت اكتر من مرة بس الاخيرة دي بالذات كانت اصعب الفترات يمكن عشان انا حسيت بالذنب شديد تجاها او بمعنى ادق حسيت بفراغها رغم اجتهادي في انو تركيزي كلو يكون في حل مشاكل الشركه وموضوع علاجي وغيرو بس انا عمري م اقتنعته بمقوله انو البعيد من العين بعيد من القلب دي بالعكس القريب من القلب دة حيفضل قريب حتى ولو كان ابعد من الخيال والعكس ،حتى ولو حاولته اتجاوزها شوفتي لي منذر اخوها بشكل يومي ودايم كل لحظه كانت بتخليني اسأل نفسي واخمن اسي حالتها شنوو؟ أو بتعمل في شنو م عشان شي بس عشان أطمئن،م كنت بقدر اسال منذر عن شهد على وجه التحديد بس جمله"ناس البيت كيفهم"م كانت بتتخطى لساني ابداً💔لو عندو الحاسه السادسه كان حيعرف انو الجمله دي م قاصد بيها غير "شهد"

رجعته اتواصلته مع تولين ايوة بس م للدرجه اللي تخليني ارجعها رغم انها كانت بتوحي لي انها م عندها اعتراض في فكرة انو نحن نرجع بس هل انا كنت عايز كدة؟لأ لانو دي مسؤليه كبيرة خصوصاً انو تولين اتظلمت معي اتظلمت شديد للدرجه المخلياني حاسي بالذنب تجاها كنت مجبر اتعامل معاها على انها فرض وواجب بس م اكتر وهي م بقدر انصفها مهما اتكلمت كانت متمسكه بي وباقيه علي شديد ومتقبلاني رغم المزاجيه الكنت بعاملها بيها رغم البرود رغم كل شي ،احساس انها راسمه في مخيلتها معي حياة واتصدمت بالواقع ودة ناتج قراري المستعجل في الزواج او بمعنى ادق في الاختيار يعني المشكله م في الزواج نفسو على قدر م هي في الاختيار"ودي اغلب اسباب المشاكل الزوجيه"،يمكن الوضع كان ممكن يختلف لو كانت واحدة تانيه مكانها يمكن م كنت حأكون بالبرود دة،جمله "واحدة تانيه " هي سبب اني اراجع مرة واتنين وعشرة،كل مواقفي مع شهد كانت طبيعيه لغايه م حصل الحصل قبل العرس بيوم ورغم محاولتي في اني اتخطاه الا انو بقى لي هوس ملازمني بي استفهاماتو عمري م حسيت انو شهد او تصرفاتها بتوحي بي شي غير انو نحن اصحاب وخلاص او يمكن انا م كنت بركز اضافه لي انو انا واحد من الناس م كان لي في الحب والكلام دة لأني واثق انو انا انسان متقلب المزاج وم حمل اني اتحمل علاقه كامله بكل جوانبها ابداً يمكن دي واحدة من الاسباب الحجبت وصول مشاعر شهد لي ، رغم قناعتي بالحاجه دي م عارف كيف خطيت خطوة الزواج من غير ادنى تفكير ودي كانت اكبر مشكله عدت علي في حياتي وم عرفت اتعامل معاها ولا قدرت احلها يمكن تولين اتحملتني لمجرد انها كانت بتفكر انو الانا فيهو دة فترة وهتعدي بس انا لقيت انو الموضوع بقى مُرهق بالنسبه ليها هي في حد زاتها وخصم علينا نحن الاتنين والموضوع كان ماشي متطور ولأسوا بدا بي انو انا اتعاطى واتفاقم شهر ورا شهر بقى شبه ادمان م تولين بس العانت معاي المعاناة دي زياد كان ماخد نصيبو برضو بس م زي تولين تولين دي كانها اتخدعت في ماهر بس كانت بتكابر وبتتنافق مع نفسها كانت بتعاتب وبتجوط وبتشاكل وبتبكي بس بعدين بترحع تعتذر كل مرة كانت بتبين لي انها متمسكه اكتر احساس انك ظالم بني ادم معاك دة ماف اسوأ منو و افضل الخيارات كانت الطلاق...

....

اتصلته علي مناسك مكالمه ڤيديو،كانت بتاخد وبتدي معي في الكلام عادي وانا م جبته ليها سيرة الموضوع نهائي،قالت لي اها الحاصل معاك شنووو؟
قلته ليها ماف شي اهو عايشهه بس،قالت لي يعني ماف اي جديد يذكر؟قلته ليها لا،قالت لي ولا حتى كدة ولا كدة؟سكتت مسافه حتى قلته ليها م فهمت؟
قالت لي شهد انتي بتستهبلي عليييي؟قلته ليها ليييهه مالي؟
قالت ماف شي طيب م حنك م حنك ي خبر بفلوس بكرة يجي ببلاش😊قلته ليها طيب طيب حاقول ليك ماهر جا البيت واتقدم لي😭💔
قالت لي قولي اوووووووووقسم؟كذااااااااااابهه والله؟
قلته ليها والله العظيم😭😭😭😭😭قالت لي وااااااااااااي م جادة طبعاً شهههههد ماهر اتقدم ليك؟ماهر بذات نفسووووو؟احلفي ي شهد؟قلته ليها وانتي كنتي بتسألي من شنوو

وفارض عليها الحاجه دي 💔

...
اليوم التاني ماما وجدو وحبوبه اتكلمو معي في الموضوع ماما قالت لي انا والله لو عندي بت تانيه واتقدم وانتي رفضتيهو بديهو التانيه يشهد الله الولد دة مربي نفسو قبل م اسرتو تربيهو واريتو حظ اهل البنيات كلهن،حبوبه قالت ليها ي بتي هم اهلو زاتهم سمعتهم طيبه وابوهو زول صالح ربنا يرحمو اها دة بكون حال الولد كدة ،اتصل علي حسام واتكلم معي في الموضوع ومؤيد ومجتبى،مجتبى الوحيد الكان م موافق شديد كدة قال لي انتي قلتي عايزة تمتحني الايلتس وعايزة تاخدي المنحه م تخلي كلام الناس ديل يأثر عليك شوفي انتي عايزة شنو م هم عايزين شنو لو حاسه بنفسك م جاهزة للحاجه دي م توافقي ابداً والعرس ملحوق ي اختي❤جات لجين وتمت الناقصه في الرغي والكلام لا م اكتفت بكدة كمان اثناء م محن قاعدين نتناقش قالت لي الموضوع دة منتهي ي زوله م عايز نقاش انتي فاكرة نفسك حتعرسيهو براك؟ي بت ماهر دة كُلنا حنعرسو ف م براك الحتقرري دقيقة شالت تلفونها ووقفت على حيلها،شويه كدة قالت الوو وفتحت الاسبيكر،قال ليها وعليكم السلام"كان صوت ماهر"صوتو كان مبحوح ومنتهي"،قالت ليهو الزيني نسيبي كُر علي مالك ي ساتر،سكتت مسافهه وضحك قال ليها إلتهاب بس والله،قالت ليهو سلامات ياخ دة علشان بتخطب اختي من وراي ي زيني م شينه منك؟
بقيت اعاين ليها وانا مقلعه عيوني💔
ضحك قال ليها تقولي شنو والله جات كدة💔
قالت ليهو نووو ماف حاجه اسمها جات كدة انتو كدة غنجتو ودي حركه حزينه منكم💔
ضحك مسافه "وضحكتو كانت ترد الروح مع صوتو المبحوح"
قال ليها لسسسه ماف شي واضح شديد لو في شي واضح كنتي حتكوني اول العارفين،
قالت ليهو كيف يعني ماف شي واضح ؟صحبتي عامله تقيله عليك؟
رجع يضحك قال ليها حقها بس م تحرشيها وتعملي امور الصحبات الانا بعرفها ديك وتزيدي الطين بله انا زول اخوك اتوسطي لي😂😂😂😂😂😂😂💔
قالت ليهو ايواااااااا طيب ارشيني واغريني علشان اتوسط ليك م شنو ماف شي ساي كمان😂💔زاد في الضحكك وقال ليها ابشري ماف شي يغلى عليك،قالت ليهو امممممعممم ماف شي بغلى علي ولا كلو يهون عشان شههههههههد اعترف🌚رجع يضحكك،قالت ليهو اممممممممممممم عموماً نحن ك صحبات شهد موافقين وبما انو نحن والاسرة الكريمه موافقين شهد رايها م مهم دي شافعه م بتعرف مصلحتها نحن ادرى المهم استعجل لينا في تحديد مواعيد العرس بالله😍❤قال ليها لا ياخي م تسمعك حتخرب الدنيا على راسك اعملي حسابك😂😂😂😂😂💔عاينت لي ورفعت حاجبه وقالت ليهو ع فكرة هي زاتها دي امور بنات منها بس صدقني هي بينها وبين نفسها موافقهه😎قال ليها نتمنى ذلك❤قالت ليهو المهم مبديياً عايزين العرس في اسرع وقت ممكن منفسنين والله عايزين نتموضع😭💔قال ليها ليك علي لو م وافقت زاتو نخلق ليك الموضوع العايزاه😂💔عاينت لي وقالت ليهو لو م وافقت بيكك الفي شنو والماف شنو نشوف ليك امززة مززة في المزاميز على طول ،قال ليها هههه لا والله ابداً م عايز💔سكتت مسااافه وقالت ليهو امممممم معنى كلامك على قول مصطفانا"ي انتي يا اقع البحر"اممممممممم خلص الكلام وصلت ي باشا طيب😎ضحك قال ليها مجنونه ي لجين،قالت ليهو طيب باي برجع ليك لما نحل الموضوع دة وان شاءالله م يحصل الا كُل خير❤قفلت منو وعاينت لي قالت لي سامعه؟شايفه؟حاسه؟الولد م عايز غيرم وانتي؟وانتي بتتحيوني شهد انتي لازم تموتي😊💔

بالليل م كنت قادرة انوم وبفكر فيهو بفكر فيهو شنو انا اصلاً م شايلاهو من فكري لحظه💔كنت بتزكر مكالمتو مع لجين وصوتو المبحوح والكحه الكان بكحها صوتي منتهي رسمي بجد كان،بعيداً عن كل شي انا كنت قلقانه عليهو بجد لانو زول مُهمل في نفسو،كنت ماسكه التلفون م بين عايزة اتصل عليهو وم اتصل كل مرة ابعد التلفون من يدي وارجع اشيلو كنت بس عايزة اتطمن على حالتو بس م اكتر ولا اقل،قويت قلبي واتصلته عليهو،م رد ختيت التلفون على جنب قلت الحمدلله انو م رد تاني رجعته مسكتو ورسلته ليه مسج محتواها"على العموم اتصلت علشان اقول ليك اذا الالتهاب لسسسه مُتعبك اغلي مويه وصفي فيها ليمونه واشربها حتكون حتفيدك وحتخفف عليك كتير" ،م تميت 5دقايق رجع اتصل بقيت اعاين للتلفون مسافه حتى فتحته الخط قال لي شهد عبدالله،قلته ليهو كيفك؟
قال لي الحمدلله وانتي؟
قلته ليهو الحمدلله بس حبيت اتصل عليك اشوفك بقيت كيف علشان لجين قالت لي متأزم شديد من الألتهاب،
سكتت مسافهه حتى قال لي فعلاً متعبني شويه بس اقول ليك حاجه؟حباب الإلتهاب الممكن يخليني اسمع صوتك ❤
م عرفت اقول ليهو قلته ليهو على العموم زي م قولته ليك في الرساله انا اتصلته علشان اقول ليك الكلام الوصلك داك بس واجر وعافيه ان شاءالله❤
قال لي بصوت ملهوف طيب ممكن م تقفلي ي شهد؟
قلته ليهو نعم؟
قال لي طالما اتصلتي خليك شويهه ممكن؟حاقوم اعمل القلتي عليهو بس انتي خليك معي في التلفون❤سكتت مسافه قال لي الووو؟
قلته ليهو ايوة معاك❤
فضلته ساكته وهو ساكت مسافه حتى شويه كدة قال لي شلنا المويه وختيناها في النار ،الليمونه

#ذات_عناق_27

قاطعني وقال لي المرة دي انا الجبتهه عمي واتقدمتهه ي شهد،
بقيت اعاين ليهو مخلوعه وهو م عاين في وشي وهو بقول كدة نهائي،
وانا انا م عارفه احساسي اللحظهه ديك كان كيف بقيت متلخبطه هل السمعتو دة حقيقهه!؟هل ماهر قال "انا الجبته عمي وجيت اتقدمته؟"احساس انك تتخت في موقف زي دة وم تكون مجهز شعورك ليهو نهائي احساسك بكون صادم شديد وبتبقى معاق،
كمل كلامو ب"ماف حل غير كدة ي شهد حنفضل نلف وندور ونكابر ونبقى ملطشه لمشاعرنا كدة لمتين؟؟؟او بمعنى اصح انتي حتفضلي تلفي وتدوري وتعاندي كدة لمتين؟
جمله انتي حتفضلي تلفي وتدوري كدة لمتين دي خلتني ارفع راسي اعاين ليه،هو قاصد شنووو!؟يعني عرف انو انا بحبو؟
طيب عرف من وين!؟كان بتكلم بي ثقهه يعني احساس زول كاشفك وكدة واكيد كلامو دة م ساي جاي بخلفيه عن الموضوع لدرجه انو جاب عمو واتقدم عديل قبل م يجيني وماف غير الحيوانهه لُجين غبيهه غبيهه غبيهه،
قلتهه ليهو بصوت مبحوح انت لجين حكت ليك؟؟
قال لي لجين؟ حكت لي بشنوو م فهمت؟
سكتت مسافهه حتى قلته ليهو عاين لجين دي مجنونه بس م اكتر ف انت لو جاي تتقدم لي على هوى كلامها ف الافضل تراجع نفسك وقرارك وبعدين انت مش قلت بذات نفسك انو نحن اصحاب والمفروض نلتزم بالحدود دي؟اسي كيف جاي تتقدم لي
قال لي يعني كلام لُجين صح وانتي بس بتحاولي تكابري وتنفيهو بس م اكتر!
قلته ليهو لا م صح ابداً وماف سبب يخليني اكابر ولا اكذب ،
قال لي هو شنو الما صح؟

سكتت مسافهه وانا مشربكه صوابعي في بعض قلته ليهو حيكون شنو يعني؟كلام لُجين اكيد
قال لي ولجين هي قالت شنووو اساساً؟
اخدتهه نفس عميق وغمضتهه عيوني وقلته ليهو عاين م تتغابى انا عارفه انو لجين جات قالت ليك انو شهد بتحبك والكلام الماسخ دة اصلاٌ عارفه حركاتها المتخلفهه دي بس انا م كدة ابداً 💔
ضحك وقال لي والله ي شهد ماف غباء غير البتعملي فيهو دة ودة كلام لجين انك غبيهه م جابت لي سيرة بخصوص الموضوع دة لكن واضح انو حقيقة طالما انتي بتحاولي تنفيهو كدة😂💔
انا هنا اتلخبطتهه يااااااخي واااااي من الاستعجال واااااي😭💔
قلته ليهو شنو هو الحقيقة م فهمت؟؟
بقى يعاين لي وهو ساكت م رفع عينو مني لحظهه،
وانا خلاص اموري جاطت بي نظراتو دي برفع عيني بعاين ليهو وبنزلها تاني💔
اخد نفس عميق وقال لي تعبتيني ي شهد ولسسسهه حتتعبيني اكتر واضح كدة 💔
فضلت ساكتهه وانا بعاين لييييهه،سرح بالقزاز حق العربيهه مسافهه و
قال لي عارفهه ي شهد انا م رامي اللوم عليك ابداً بالعكس راميهو على نفسي لأني في يوم قلت ليك"شهد اوعاااك تحبيني"وواثق تماماً انو على هوى الجملهه دي نحن عشنا كل العشناهو دة لغااايه م وصلنا لي هنا رغم انو لولاها كنا اختصرنا على نفسنا حجات كتيرة م كان مفروض نعيشها ابداً💔
قلته ليهو بنفاذ وتنهيدة ماهر
قاطعني وقال لي"انتي بتحبيني ي شهد"وانا عارف كدة او عرفتهه كدة حتى لحظه قبل العرس بيوم ديك حاولت اعتبرها لحظه عابرة واتخطى الموضوع واتصرف عادي بس اي انسان طبيعي م كان حيقدر يتخطاها ابداً داك كان استغباء مني بس م اكتر 💔
دموعي جات جاريهه،
قال لي بي صوت مبحوح كابرنا واتنافقنا مع نفسنا ومع بعض بما فيهه الكفايه ي شهد اخر محاوله لي كانت انو ابعد واكسب نفسي بس نفسي زاتها عاندتني واختارتك من الأخر كدهه ،
كل م يفتح خشمو بحرف بزيد في البكى لمن بتنهد،
سكتت مسافهه قال لي بتبكي مالك اسي انتي؟ اتهبلتهه وبقيت ببكي زيادة،رفع راسي ومسح لي دموعي وقال لي اسي الببكيك شنوو؟ممكن تبطلي بكى؟
قلته ليهو الببكي انو انا م مزاجك ي ماهر ولا كُل شي بمشي على كيفك زي م انت عايز،انت نفسك قلته لي الكلام دة واسي بتناقض نفسك وبعدين الأنانيه القلته انا بتعامل بيها اسي انت نفس الشي م حسبتهه لي حساب لما قررته تبعد واسي جاي بكل بساطه بتقول لي انا جبته عمي وجيت اتقدم ليك انت م رجعته عشاني انا لا علشان نفسك ودي اكتر حاجه بتوجع فهمته ليه انا بقول ليك انو انا م مزاجك؟انت برضو اناني ي ماهر م فرقته مني في شي على الأقل انا انانيه علشان كنت بختار قُربك اما انت لا بتتعامل معي كاني م بفرق معاك 😭💔 قال لي دي معناها موافقه بس عايزة اتقل شويهه ؟
قلته ليهو انا جادة على فكرة م تتعامل معي كأنك فارض علي الحاجه دي زي م بتعمل كل مرة في اي شي💔
قال لي بس انا م.كدة💔
قلته ليهو لا كدة ي ماهر كدة واكبر دليل على كدة انك جايب عمك وجاي بكل بساطه من غير م تاخد رأي او ترجع لي حتى دة معناه شنو؟انا عايز اختك امام الامر الواقع وخلاص ،
قال لي انتي شايفه كدة؟ليييهه شايفه الموضوع من الجانب دة بس؟
قلتهه ليهو طيب عايزني اشوفو من اي جانب؟
سكتت مسافه حتى قال لي من جانب انو انا بحبك مثلاً، تعبان وحيلي مهدود من كل شي وعايز اكمل معاك عشان كفايهه علينا مُعاناة لغااايههه هنا،محتاج وجودك جمبي م بس ك صحبه زي م نحن واهمين بعض لا انا حوجتي ليك اكبر ،جايط شديد ومشتت وعارف انو وجودك جمبي حيرتبني عارف انو انا فهمته الحاجه دي متأخر شدي

لناس،قلته ليها م طالعه،قالت لي ي بت،قلته ليها مااااا طالعه ي امي م شايفه شكلي كيف؟هاك هاك،
اصواتهم كانت واصله عندي المطبخ بس م واضح كانو بقولو في شنو،فضلو قاعدين ياخدو ويدو في الكلام اكتر من ساعتين ،دة كلو وانا محبوسه في المطبخ علشان غرفتي لو عايزة اصلها الا امشي بالهول💔ماما جات شايله الكبابي وبتعاين لي ،قلته ليها مشو؟قالت لي اي،قلته ليها عليهم جنس ثقاله معقوله ساعتين؟عوارض ياخ💔قالت لي ي بت من متين بتقولي عنهم كدة؟احترمي نفسك وبطلي قله ادب،قلته ليها م صحي كلامي طلعته من المطبخ ومشيت وانا ماشه على غرفتي سمعته جدو بقول"والله نحن الكبار ديل م عندنا مشكله ودة نسب م بتفوت خصوصاً انهم ناس مننا وفينا وجمعتنا بيهم عُشرة عمر لكن القول والرأي راي البت ولا شنو ي ولدي؟
لما شافوني سكتو،دخلته غرفتي وانا بحاول استوعب هم كانو بقولو في شنو وبتكلمو عن منو الموال دة مألوف عندي وم غريب علي ابداً،م تميت ربع ساعه في الغرفه تلفوني ضرب،رفعتو إتخلعته بشوفه الرقم ماهر ؟ماهر مُتصل علي بعد كل الفترة دي؟وقفته مسافه وانا بحاول اربط الكلام السمعتو برة دة بي إتصال ،المكالمه فصلت ظهر عندي عدد مكالمات كميه منو قريب ال15مكالمه تقريباً تاني رجع اتصل فتحته الخط الووو؟
قال لي شهد عبدالله
قلته ليهو اهلين
قال لي كيفك؟قلته ليهو الحمدلله تمام،
قال لي في البيت؟
سكتت مسااافه حتى قلته ليهو ايوة،قال لي طيب انا جمب بيتكم ممكن تطلعي علي ؟
سكتت وبقيت افكر عايزني لشنووو اسي هو مش كان في بيتنا مع عمو؟يعني هو وعمو منتظرني تحت؟معناها اكيد عمو جا اتقدم لي زي م طلب من بابا قبل كدة واكيد م كلم ماهر جابو بس وختاهو امام الأمر الواقع وماهر عايزني ارفضو قدامو زي م حصل المرة الفاتت💔قلته ليهو اممممم طيب تمام بجي عليك،
يعني هو عايز مني شنو اكتر من كدة؟تخيلي بس تتختي في موقف زي دة مع الزول البتحبيهو؟احساس انو الزول الانت عايزو رافضك وعايزك ترفضو دة ماف اسوأ منو بتحس نفسك كيس جوافه معفن 😭💔لبسته توبي وشلته تلفوني قلته ليهم انا طالعه احول رصيد،منذر قال لي عايزة رصيد زين؟تعالي انا معاي،قلته ليهو م عايزة رصيد بس عايزة كذا حاجه حأنزل اجيبهم واجي،نزلته وانا اعصابي تالفه وقلبي حيطير من محلو،كنت مسرحه كعكتين وخاته هيد بان في راسي،لما وصلته الشارع اتصلته عليهو وين انت انا نزلته قال لي بإتجاه الزلط الرئيسي واقف ،استغربت بس اتأكدته من الموال الفي راسي،معناها حيسوقني وحيقعدني مع عمو علشان يحسم الموضوع دة،بالجد هو انسانه تافه شديد انا زاتي م عارفه حبيتو كيف وبأي زاويه؟ لا احساس لا ضمير لا غيرو بس كويس انو حيعمل كدة انا اصلاً بطني طامه منو وعلى كدة لو في ذرة احساس جواي تجاهو حتموت ودة الانا عايزاه اصلاً،وصلته الظلط اتصلته عليه قلته ليهو وين انت؟قال لي اقطعي الزلط بالإتجاه التاني،كماااان؟هو شكلو خايف من حكايه انو منذر يطلع و يشوفني معاه او كذااا،قطعته الزلط فجاة اشوف زول نازل من العربيه لابس على الله مخططهه،لمن رجولي بقت تضارب من شوفتي ليهو انتو فاهمين؟احساس شوفتو في حد زاتو بلخبط م بالكم لمن اقيف قدامو عادي ممكن المشاعر الميت تخلق نفسها بنفسها وتجوط اموري قدامو،شكلياً كان قدامي ماهر الزمان العرفتو من البدايه ،كان بعاين لي لغااايه م وصلتو قال لي شهد عبدالله،قلته ليهو الزيني اهلين كيفك؟
قال لي الحمدلله تمام وانتي؟
قلته ليهو الحمدلله في نعمه،طبعاً مترقبه نزول عمو من العربيه بس هو على طول مشى فتح لي باب العربيه،قلته خلاص معناها عمو في العربيه ركبت اول حاجه عملته عاينته وراي لقيت ماف شي العربيه فاااضيه،ولما جا راكب ضربات قلبي زادت وبقيت اقول لنفسي ي رب تثبتني ي رب م عايزة ارجع كم خطوة ورا خلاص انا شبه اتجاوزتو الولد دة ،قال لي الاخبار شنو؟
قلته ليهو الحمدلله ماشي الحال،
احساس الزول العندو انفصام في الشخصيه بس ياهو ماهر يعني اخر مرة كنا فيها مع بعض م كان طايقني من كل النواحي حتى من خلال كلامو كان كانو بقول لي وشكك دة م عايز اشوفو واسي بسالني كيف عامله يعني هو اهبل ولا حاجهه؟

اثناء م انا بتكلم مع نفسي قال لي"عشان م أأخرك وناس البيت يقلقو عليك ادخل ليك في الموضوع على طول ،قلته ليهو طيب يكون احسن،
قال لي قبل شويه انا عمي كنا معاكم في البيت و...
قاطعتو وقلته ليهو "وعمك الزيني انقدم لي قدام اهلي وانت م كنت عارف انو حيعمل كدة زي المرة الفاتت لما طلبني من بابا ،وانت م موافق وهو ختاك امام الأمر الواقع بس م اكتر وانت عايزني انا ارفض دة المختصر بتاع السيناريو اللي انت جايبني عشانو صح؟طيب اوكيييهه انا م عندي مشكله اصلاً انا لسسسه عند راي زي المرة الفاتت ابشششر وم تخاف ابداً و...
قاطعني وقال لي المرة دي انا الجبتهه عمي واتقدمتهه ي شهد...❤

#إقتباسهه:

انا ولتعلم جيدآ انني لا احاول التخلص منك؛ بل انا احاول التخلص من الذي لا اعرف ان كان ذلك الشعور او مرض او اي كان داخلي يحبك احاول التخلص منه،فكلما اردت ان ار

اصفيها في المويه على طول ولااا...قاطعتو قلته ليهو لا بعد تغلي المويه ختها في كبايه وصفي فيها ليمونه ،قال لي كامله؟
قلته ليهو يب
قال لي وبعدين؟
قلته ليهو بعدين تشربها ي ماهر ممكن تديها شويه سكر،
قال لي طيب اوكييييهه
شويه كدة قال لي جهزت سكتت مسافه حتى قال لي ياااخي انتي متأكدة شويه سككر بس؟
قلته ليهو اصلاً طعمو بايخ بس مريح كل الفكرة انو حيفيد حلقك شديد وحيخفف عنك❤
قال لي طيب سمعاً وطاعه ي ستي نشرب البتاع دة وعسى ولعل يفيد عشان وصلته الحد جدجد💔
قلته ليهو ان شاءالله ،
قال لي م حتقغلي صح؟
سكتت
قال لي شههد؟
قلته ليهو ايوة،قال لي انتي عارفه انو انا بس عايز اتكلم معاك وخلاص؟
سكتت،
قال لي احكي لي ي شهد عايز اسمعك انا❤
م رديت عليه
قال لي شههههد😊
قلته ليهو احم اقول ليك شنوو م فهمت؟
قال لي اي شي ماخداه مني خاطرك عايزة تقوليهو،قلته ليهو ماف شي،قال لي لا في ي شهد متأكد انو في انتي شهد وانا بعرفك 💔
م فتحته خشمي،قال لي م حأضغط عليك بس انا عايز اسمعك حتى لو م وافقتي على موضوع العرس ي شهد م شرط ابداً بس برضو عايز اسمع وانا واثق انو انتي ماخدة مني في خاطرك وشديد م حأقدر اقول ليك حقك ابداً بس من حقي اسمع عشان لو في شي ابررو ،
قلته ليهو حتفهم الحأقولو؟
قال لي من متين انا بتستصعب علي حاجه بتخصك؟
سكتت مسافهه حتى قلتهه ليهو امممممم طيب كل الحكايهه انو انا " ‏م بحب أكون بديل أو إختيار تاني لأي زول قُريب مني ،، م بحب زول يعمل لي حاجه كمُجاملة أو عشان يرضيني وهو م عايز يعملها ، م بحب أكون تقيله علي زول ، م.بحب إني أكون شخص عادي أو م مؤثر في الحواليَّ ،انا اتعودتهه على انو وجودي يبقي ليهو لازمة فـ أي مكان ولو حسيت إن م ليهو لازمة بنسحب من المكان من غير معافرة،سكتت مسافهه وبقيت ابكي وكملته ب "وانا بالنسبه ليك كل الشخصيات دي وانت صنفتني على انو انا انانيه وشفت انو دي سذاجه وطفوله مني ي ماهر انت اقرب زول لي قلته علي كدة ومن يومها
بقيت مرتبطة بأقصى درجات العادى ف حياتي، زول قريب يبعد او يقرر يمشي عادى ، زول يفضل معي برضو عادى ، زول يهملني عادي ، تحصل لي مشاكل عادى ، زول يتنفسن علي عادى ، اتهان بعديها عادي ،، عادى عادى عادى لمن بقيت حاسه انو قلبي دة مات"كل الانا عايزة اوصلو ليك انو
في كسرة خاطر مهما حاولت تشرحها بالشكل اللي انت حاسي بيهو م هتعرف...💔

قال لي وانا محتاج ليك ي شهد رغم احتياجي ليك دة اوعدك اني هعوضك على كل تقصيري في حقكك دة بإذن الله❤
فضلت ساكته وببكي ليه في الخط...

....

كل مكالماتي معاه الزمان ديك كانت كوم ودي احساسها كان كوم تاني خالص،بقدر اقول انو دي المرة الوحيدة الهو عرف فيها يحتويني بكلامه...❤

صحيت اليوم التاني وانا داخله وطالعه في البيت كلو ماف زول جاب لي سيرة الموضوع داك نهايي رغم انو ناس بيتنا شغلتهم يلوكو المواضيع اما دة ماف زول فتح سيرتو في البيت تاني،عدت كم يوم وبرضو ماف زول فاتحني في الموضوع ايوة هم عايزين يخلوني على راحتي بس م للدرجه دي على الاقل يرجعو لي يشوفوني قررته شنو،وماهر برضو نفس الشي م رجع اتصل وسألني مرة تانيه ابداً،يعني واضح انو انا اقتنعت وعايزة زول يسمعني وم بقدر امشي لزول واقول ليهو انا موافقه ف لازم زول يعبرني😐وانا على الحال دة اتصلت علي مناسك الف الحمدلله على اتصالها،اتكلمت معي كتير بعدها قالت لي بالمناسبه لسسسه انتي متحيونه في موضوع ماهر؟
سكتت،قالت لي شهد التقله دي حتغطس حجرك وحتطفشو والله😐قلته ليها ي مناسك انا م تقيله بس ماف زول تاني جا فتح معي الموضوع لا ناس البيت ولا ماهر😶💔قالت لي والمعنى؟
قلته ليها كيف يعني المعنى؟
قالت لي م فهمت معنى كلامك انتي منتظراهم يجو يسألوك؟
قلته ليها اممممم اكيد م همشي افاتحهم في الموضوع براي صح؟
قالت لي يعني انتي موافقهه؟وافقتي ي شههد؟
فضلته ساكته
قامت تزغرد وتنادي ي حُسام ،حسام تعال بسرعه شهد قالت موافقه موافقه على ماهر ي حسام
قفلته منها الخط قبل م حسام يجي

.....
وانا في الشركه جاتني مكالمه كان حسام اخو شهد م اتفائلته نهائي وافتكرت انو شهد رفضت وهو متصل يعتذر لاني كنت مع منذر وم جاب لي سيرة عن الموضوع،الصدمه كانت انو قال لي"معليش اتأخرنا عليك في الرد ي اخوي نسبه لي انو كنا مدين البت مساحتها لكن الحمدلله انها طلعت موافقه ف ربنا يقدم الفيهو الخير ان شاءالله وزي م قلته ليك قبل لو الموضوع متوقف علينا نحن م حنلقى احسن منك ابداً ولينا الشرف انك تكون نسيبنا❤م اقدر اوصف ليكم احساسي كان كيف اللحظه ديك كان معي زياد في المكتب اللحظه ديك اول م فصل بقيت اقول ليهو وانا مخلوع زياد زياد ياخي دة حسام اخو شهد ي زياد ،زياد قال لي بسم الله مالو خير ان شاءالله؟قلته ليهو اتصل عشان يقول لي انو شهد موافقه ،وافقت ي زياد،اتصلته عليها وقلته ليها عايزة اشوفك اسي،قالت لي شنووو؟قلته ليها عااايز اشوفك اسي ضروري ،كنت لازم اشوفها م حأصدق او م حأستوعب موافقتها دي لو م قالتها لي قدام

وشي❤

....
ماهر اتصل علي وقال لي انا جاي عليك في البيت انزلي لي تحت او انا هطلع ليكم في البيت،الموضوع قدام اهلي كان حيكون محرج شويه م شويه شديد والله كفايه علي تشغيله ماما وهي بتقول لي لا النبي كان تتقلي شويهه😹🙈💔نزلته ليهو تحت وانتظرتو لغايه م جا عن احساس اللهفه الهو كان جاي بيها ونزل قبل م يسلم علي قال لي بجد انتي وافقتي زي م قال حسام؟
فضلته ساكته وبتبسم
قال لي لا بجد ي شهد؟
قلته ليهو طيب اركب العربيه علشان كفايه علي تشغيله ناس البيت لو شافوني معاك تاني حيقولو خفيفهه😹🙈💔قال لي ياخي خليهم يسموها خفهه احلى خفهه في الدنيا 😂💔ركبته العربيه قال لي اقسم بالله م مصدق،بتكلم معي وانا منزله راسي تحت ومغطيه وشي بي يدي،قال لي ولييييهه اتأخرتي كدة يعني م فهمت؟هييييي بتكلم معاك انا نزل لي يدي من وشي،
قلته ليهو ماهر ياخ بطل🙈
مجنون اقسم بالله اول مرة اشوفو مجنون كدة😂😂😂😂😹💔

بعد م رجعته البيت المساء جا منذر اول حاجه قالها لي لما شاااافني اوووووووو العرووووس يااااااا،بقيت اعاين وم عارفه اودي وشي وين،قال لي ماما ماهر دة قال الجمعه حيجي مع اهلو يتم الخطوبه وبعد شهر العرس،ماما قالت ليهو اجي ي ولدي ؟كيفن يعني دة شنو الاستعجال دة؟
مانا بقت تعاين لي قالت لي انتي عارفه؟
هزيت ليها راسي بمعنى "لا"انا زاتي زي زيها،
ماما قالت ليهو كل مرة تضايقونا كدة م كفايه علينا عرس حسام والضيق الدخلنا فيهو؟
جدو قال ليها خير البر عاجله ماف سبب يمنع تأجيل العرس خليهم يتمو عرسهم والله يقدم الفيهو الخير❤منذر قال ليها التأجيل لشنو ي امي طالما الناس جاهزين؟انا زاتي لاحقهم بس خليهم هم يتخارجو 💔حبوبه قالت ليهو اجي ي اخواني ماسورة العرس الاتفتحت في البيت دة عساها م تنقغل عقبال مجتبى ومؤيد كمان😍❤منذر قال ليها والله ي حبوبه العرس حبابو قاعدين لشنو 😍❤ماما قالت ليهو انت ي يمه اسكت متين بقيت مسؤل لمن تفكر في العرس تلفونك لو اتعصر بصفي بنات😒💣قعد يضحك قال ليها لالا انا دربي مرق خلاص ي حجه اصبري بس بفاجأكم زي م عمل حسام😹💣💔

رجعته الغرفه اتصلته على ماهر،اول م فتح الخط قال لي شهد عبدالله

لسسيه بقول لي شهد عبدالله تخيلو بس😐😒

قلته ليهو كيفك؟
قال لي الف الحمدلله بيك❤
احساس اللخبطه اللحظه دي🙈💔
قلته ليهو امممممم منذر قال انو انت قلت الجمعه خطوبه وبعد شهر...
قاطعني وقال لي العرس❤
سكتت مسااافه وقلته ليهو احم ماهر يعني زي الكأنو في استعجال حاصل💔
قال لي م عارف اشرحها ليك كيف بس انا لو علي يكون اليوم قبل بكرة شهر دي ابعد مدة بالنسبه لي ،

فضلت ساكته قال لي بقينا على بعد بكرة؟
قلته ليهو بعد بكرة شنووو؟
قال لي نتم العرس وكدة
ضحكتهه قلته ليهو مستحيل طبعاً ي مجنون😹😹😹💔قال لي طيب نبقى على فترة الشهر دي وقفلنا على كدة😂❤

قلته ليهو انت عارف انو التجهيزات ممكن تاخد زمن؟
قال م عايزين تجهيزات ي ستي انا عايز اجي استلم مرتي وخلاص😁❤

سكتت مسااافهه وقلته ليهو اممممممممم يعني قصدك انو عايز تعقد بس وخلاص؟
قال لي مين قال كدة؟لا ي ستي طبعاً حنعمل العرس بكل تفاصيلو م حنفوت فيهو حاجه ممكن تتعمل ابداً❤
قلته ليهو اممممم ماهر ممكن سؤال؟
قال لي على طول
قلته ليهو اهلك عارفين انو انا م...
قبل م اتم كلامي قال لي ممكن م نتناقش في الموضوع دة؟انا الحأتزوجك م اهلي وانا مسؤل من نفسي وقراراتي البتخذها وحتى لو استشرته زول بحترم رأيو بس م معناها اني حأمشي عليه انا بمشي مع البناسبني❤
قلته ليهو طيب يعني انت استشرتهم في موضوع العرس دة؟
اخد نفس عميق وقال لي شهد انا م محتاج استشير فيك ابداً انتي خياري الوحيد الصح حتى لو م صح بالنسبه لي صح م مهم راي زول انا ابداٌ م بحتار فيكك❤

بالفعل باس بيتنا بدو تجهيزات الخطوبه وكذاا لجين وطيف كانو مشغلنها لي في الطالعه والنازله والا م يشوفوني بتكلم مع ماهر يقعدو يكوركو ويقولو ليه بطل الشفقه الانت فيها دي😂💔
وجا يوم الجمعه م عارفه اوصف احساسي كيف بس فعلياً انا م نمت ابداٌ،في عرسي من حسام م عشته الاحساس دة ابداً واخر شي اتوقعت. انو اعيش الاحساس دة زي زي اي بت💔يوم الجمعه دة فضلته داخله ومارقه لغااايه م الناس صلت بعدها بديت اجهز طبعاً كنت حالبس توب عادي بتسريحه شعر واحدة ومكياج على خفيف🙈❤
ماهر وهم طلعو جاين اتصل علي قال لي نحن جاين عليكم❤قلته ليهو طيب،قال لي اسمعيني جدك دة م ممكن يبقى متعصب ويقول لي حرم تعقدو وتسوقوها اسي؟😂😂💔
قفلته في وشو الحيوان😂🙈💔
كنت قاعدة على اعصابي ولما لجين جات قالت لي جو كنت خايفه بس بعدين هبطتهه عديل😂💔 طيف تمشي وتجي تقول لي يا لطييييييف من القاعدين برة ي لطييييييف بس جعلني ساعه في يد الزيني 🙈😂عاينته ليها قالت لي خلاص صحبو م مشكله المهم جعلني اي حاجه في حياتهم😂🙈💔لجين جات داخله قالت لي مرت الزيني باشا تعالي علشان تقدمي العصير والضيافه ،طيف ضحكت قالت ليها مرت الزيني م قادرة تتنفس😂💔قلته ليهم ياخ اسكتو م تزيدوها علي،ماما جا

ت قالت لي شهد الضيافه اتاخرت اطلعي ي بت،قلته ليها طيب حاضر ي ماما وقفته قدام التسريحه بصلح في شعري قلته ليهم التوب ظابط؟
لجين قالت لي السؤال الجغلميه ارح وجرتني من يدي،وصلنا الهول وقفته بقيت اعاين للناس القاعدة والمشكله انهم كانو بتونسو فجاة سكتو،مرتو عمو الزيني اول م شافتني زغردت وقالت "عروستنا السمحه وقامت على حيلها،جيت عليها حضنتني وقالت ليهو ي زين م اخترته ي ماهر الله يغطي عليك ويتم ليكم على خير في مرة سلمت علي سمحه شديد قالت لي عمتك نجوى خاله ماهر❤قالت لي الف مبروك حبيبتي ربنا يهنيكم ان شاءالله،م بتزكر عدد الناس الكانو جاين وسلمته عليهم لانو زيادة على التوتر الكنت فيهو ماهر زادو علي وهو م رافع عينو مني كل م اعاين ليهو اللقاهو فاتح خشمو وبعاين لا والظريفه زياد يعاين ليهو ويضحك وترني قدام الناس🙈💔جبته ليهم الضيافه بعدين قعدته وبقو ياخدو ويدو في الكلام لغايه م عمو الزيني فتح الموضوع وقال ليهم والله العظيم ي جماعه العرسه دي مفروض تتم قبل 4سنه من حياة عبدالله اخوي رحمه الله عليه بس شوفو المكتوب ليك دة مكتوب ليك ❤دخلنا في حاله من الحزن كدة وعمو الزيني بتكلم دموعي جات جاريه فجاة اتزكرته بابا ودموعي بقت م قادرة تقيف💔منذر اتكلم معي وماما ومرت عمو الزيني بقت تهدي ،زياد قال ليهم الدموع دي بتوقفها الدبله ي جماعه 😂💔عمو الزيني قال ليهو خلاص يلا ي ماهر شوف شغلتك و وقفها لينا بالله،مرت عمو الزيني قامت قالت ليهو هاك ي ماهر انجز بالله،كلهم بقو يضحكو😂💔مسك يدي ولبسني الدبله ومحبسها فتح لي علبه مدة لي الدبله وصباعو ،شلتها عايزة اللبسها لييه كل م اقربها لي صباعو يجر صباعو تاني اقربها عليهو تاني يبعد صباحو والناس كلها مراقبه وهو يضحك ضحكه خفيفه تاني يرجع صباعو كررها كذا مرة حتى قدرته اللبسها ليهو❤😂🙈قامو يزغردو ويباركو لبعض وانا دموعي م وقفت نهائي م قدرته اقعد قمت دخلته غرفتي،جات لجين لاحقاني قالت لي اوكيييه عارفنك م مصدقه بس م تنفعلي كدة اتقلي لمن الناس تتخارج😂💔جات طيف تتراقص وتقول"خطيبه الزيني ي خطيبه الزيني اخيييراً وزغرررررطي ي إنشراااااااح😍❤💃💃💃💃وانا لسه بزيد في البكى شويه كدة باب الغرفه دق فجأة لجين قالت ليهو اووووو ابو النسب ،قال احم احم ،قالت ليهو اتفضل اتفضل صراحه انت اتسيكت لانو دي القال عليها تامر حسني"ملكة العالم في النكد"سمعتو بضحك،طيف قالت ليهو نحن نستأذن كدة سيطر لينا على شلال الدموع دة بالله ،شويه كدة بقيت م حاسه بحركتهم،وحاسه بي يدين ماهر بتنزل يدي من وشي قال لي شهد عبدالله ،م رفعته راسي قومني على حيلي قال لي دي بالحاله قلنا خطوبه بس في العقد حتعملي فيني شنووو؟عندك علم انو انا م بعرف احنس نهائي؟😂💔سكتت بدل م يهديني بكاني زيادة الغياظ،مسح لي دموعي وهو بقول لي خلاص كفى كفى م تبكي،الله يرضى عليك مسك وشي بي يديه وهو بعاين لي في وشي وانا بتنهد في اللحظه دي على طول ضماني عليييييهه وبقى يقول لي ي حبيبي كفى الله يرضى عليك كفى فضل يهدي فيني كدة حكايه دقيقتين بعدها رفع راسي وقال لي م عايز اشوفك تبكي ابداً باسني في راسي مسااااافهه حتى قال لي م خليتي لينا وش نقشر بيهو في الصورة نهائي اسي الواحد بعدين يقول للناس ي جماعه مرتي عيونها صغار في الصورة علشان كانت بتبكي؟😂💔ضحكتهه،قال لي انا المفروض اطلع صح؟
هزيت ليهو راسي وقلته ليهو طيب
قال لي اسمعي هو جدك دة م ينفع يدق صدرو و ينجز لينا ويقول لينا حرم م بتطلعو بدون عقد؟
ضحكتهه قلته مااااهر يلااا اطلع،
طبعاً كان لابس على الله سادة وعليها ساعه بنفس لون الجزمه واسورة كدة مع الساعه والعطر يخوانا العطر لحظه م حضني حسيتو هَد فيني🙈❤المشكله بقت في انو اطلع كيف الغرفه قدام الناس كدة تاني؟لانو حتستمر التشغيله علشان الدموع وقفت وكذاااا😂🙈💔

اثناء م نحن قاعدين ماهر جاتو مكالمه اخد تلفونو وطلع فجأة جا راجع ونده علي،طلعته ليهو قال لي هاك،عاينته ليهو كاني بسالو منو؟قال لي الوالدة،شلته التلفون قلت الوو؟قالت لي الوو ي بتي كيفك ان شاءالله بخير؟قلته ليها اهلين ي خالتو تمام الحمدلله انتي كيفك؟قالت لي والله تمام الحمدلله الف مبروك ي بتي ربنا يتم ليكم على خير ان شاءالله ي رب ويهنيكم ببعض ويهدي سركم والله ي بتي كان نفسي ومنى عيني اجي احضر لكن ...بقت تبكي بقيت اعاين لي ماهر،كملت ب"لكن الظروف م ساعدتني اكون مع ولدي في يوم زي دة لكن ان شاءالله العرس يلقانا حضور "قلته ليها ي خالتو ان شاءالله ي رب وانتي بي كلامك دة كأنك جيتي م تبكي الله يخليك❤قالت لي تمام وعليك الله م اوصيك عليهو عصبي وعنيد وكل شي لكن خلي بالك منو ي بتي❤قلته ليها حاضر م تخافي عليهو ي خالتو❤قفلت بقيت اعاين لي ماهر،قال لي النسوان والدراما الما بتخلص،قلته ليهو بالله؟"بنفس الطريقه البقولها بيها"سكتت وبقى يضحك وقرب مني وقال لي برضو انا لسسه عندي امل انو جدك دة يقوم يقول لينا حرم نعقد يخخخخ😂💔قلته ليهو امل ماتت يلا😂🙈💔
الحمدلله

لي قبل كدة قلتي لي ححضر لحظه عقدك لايف وانت بذات نفسك حتتصل علي وحتخليني احضرو فضول مني ساي ف حكمه ربنا قالت انو يجي اليوم دة ويحصل القلتي عليهو بس م في عقدي في عقدنا ي شهد عقدنا "ف هنيئاً لي بك مقدماً" وخلى الخط فاتتح والعقد بدأ وانا في اللحظه دي عايزة اطير لحظه م ماهر قال قبلت زواج موكلتك و...دموعي م وقفت وانا بعد مساااااااااافهه سمعته صوت الزغاريد وفجأة جوني طالعين من الغرفه وهم بصرخو شههههد،شههههد عقدو ي شههههد عقدو لما وصلوني بقيت اقول ليهم بصوت عالي وانا م بين ببكي وبضحك وبصرخ "بقيت مرتو ي جماعهه مرتو انا بقيت مرتو والله العظيم مرتو، مرت ماهر اناااااااااااا....😭💔



#كسرهه

على قول حبوبهه صبراً ببل الابري مافي😁 ي جماعه هي اصلاً مواعيدها المساء والله ف يوم نزلتها بدري بكون لسبب انو الكهرباء قطعت عندنا الصباح ف بستفيد من البطاريه في اني انجزها لأنو بطاريتي تافهه💔💔💔 +ماف اقتباسه لانو تلفوني تقيل شديد ومعلق وم قادرة اصل لي شيراز المهم لي باكر😶💅❤
#متابعه_للحساب_علشان_لما_اعدل_تظهر_ليك

اليوم عدة على كدة رغم التشغيلات والتنمر الحصل لي منهم لغااايه م مشو😂💔ماهر نزل صورتنا مع بعض استوري وكتب عليها"

“لا سلطة لنا على قلوبنا فهي تنبض فقط لمن أرادت ومتى أرادت و كيفما أرادت .. البعض ينبض القلب له و البعض ينبض القلب به و البعض هو نبض القلب كذلك هي...❤
رسلته ليهو هيييييييي م قادرة اقول شي انا🙈❤قال لي م تقولي شي انتي كفايه علي انك دواي ❤💅

عوض ربنا سمح ي جماعه عوض ربنا احلى حاجه ممكن تحصل معاك في الدنيا تأكدتهه تماما انو مهما اتوجعت واستعصت عليك الحياة ربنا حيجبرك وجبرو حيكون عظيم ومهما اتمنيت حاجه بنيه قلب صافيه ربنا حينولك مرادك وانا م اتمنيت شي اكتر من ماهر ابداً والله😭❤

وبدت حبسهه العرس والتشغيله حقت التجهيزات والشيله والريحه و...الخ😂💔ماهر كل مرة يتكلم معي يقول لي فهميني تفاصيل الحبسه بعملو ليك شنو يعني؟ولييييهه م بخلوني اشوفك يعني؟اسمعي انا عايز تويكس اليمين تكون نفس تويكس الشمال،قلته ليهو المعنى؟قال لي المعنى ي ستي انو انا عايز شهد عبدالله قبل الحبسه تكون نفس شهد عبدالله بعد العقد امور 😂😂😂😂😂😂💔قلته ليهو م تدخل😂💔قال لي لا مش مرتي؟مرتي يعني كيفي وكيفي كان في اختياري قبل الحبسه بتاعتكم دي😂💔قلته ليهو عارف علشان قله ادبك دي م حتكلم معاك تاني ابقى شوف ليك شهد عبدالله تتكلم معاك تاني😂💔 عدت الايام وكل م ايام العرس تقرب بتوتر زيادة والخوف بتملكني وماهر وتشغيلاتو عايز اشوفك عايز اشوفك اشتقته ليك ...الخ كنت بطلع ليهو بالدس بالليل مع لجين نظام طالعين قريب وراجعين واصلاً بيتنا ملان ماف زول بركز،قبل اسبوع من العرس لاقيناهو فيها لجين قالت ليهو ي ماهر جبته لي الرطوبه ي ماهر اسمع تاني م عايزة اسمعك تقول ليها عايز اشوفك بالله،قال ليها خلينا نتفاوض م تزليني بمرتي ي زوله😂💔قالت ليهو لا ي حبيب حازلك اها التفاوض شنوووو؟ضحك قال ليها نتفاهم بعدين😂💔بعد م خلى لجين انشغلت قال لي اسمعي نحن نعمل قام بالضلام ونختفي الايام دي م دايرة تمشي ياااااااااخ اها رايك شنو🌚😂💔قلته ليهو ماهر انا بالجد تاني م حاشوفك الا يوم العرس 😂💔بقى يعاين لي مساااافه حتى قال لي الله يعدي الايام دي بسرعهه بجد يخخخخخ روحي اشحتفت ليك بجد❤

بوم ورا يوم الاسبوع عدة انا على قدر م انا متجرسه وشايفه الايام بتعدي بسرعه تلى قدر م.ماهر كان ميتعجل ومتجرس من بطء الايام،لغايه م جا يوم حنتي كانت في صاله كانت خرافيه ماهر قدر م اتحايل علي علشان يشوفني بعد الحنه رفضتهه علشان هو انا قلته ليهو حأجي حنتك احضرها م وراني الصاله المعموله فيهو حفلتو السجم م عرفته الا في الساعات الاخيرة😂💔 الحمدلله جا يوم الخميس والجمعه كان العرس،ماهر بتكلم معي في التلفون بالليل قال لي متخيله معي ي شهد انو كان ممكن تعدي علينا ليله زي دي؟ساعات بس وحتبقي مرتي بالقانون والشرع عارفه نفسي تكون في الة تحكم في الزمن في يدي كان جريت الزمن وصبحتها ياخي😂💔قلته ليهو ماهر م تبقى اوڤر كلها سويعات،اخد نفس عميق قال لي هي سويعات بس والله ي شهد الثانيه الممكن تفصلني منك انا بشوفها سنه ضوئيهه كفايه علينا البُعد والسرقتو مننا سنين البُعد،قال لي تتزكري ي شهد قبل كم فترة مرة علي زي اليوم دة وزي الساعات دي طلبتي تشوفيني من هناك ابتدت الحكايه كُلها ،قلته ليهو كفى ي ماهر خلاص انسى يخخخخخخخخ م عايزة اتزكر اليوم داك ابداً😭💔،فضلنا نرغي طول الليل وجا صباح الجمعه ،م كنت مصدقهه م كنت مصدقهه ابداً انو ممكن يعدي علي صباح زي دة صحيت على ذكرى بابا في يوم زي دة ،كنت في بيت ناس لجين نسبه لي انو البيت م ينفع اكون فيهو،معاي يارا وطيف وجاتنا مناسك وفاطمه وبنات خالاتي نورسين وغيم ورزان،م كنت همشي اي كوافير طبعاً عندي مناسك بحالها هي بروفيشنال في الميك اب اضافه لي اجتهاداتي الفرديه،والفستان خالاتي مصصمنو لي في الإمارات من هناك بس الحنه وحتى الحنانه جابوها لي في البيت،❤

اثناء م هم جايطين اتصلته على ماهر اشوفو واذا زياد وصل ليهو جلابيه العقد مرتبه زي م هي ولا لأ؟ اول م فتح الخط سمعتو بقول "دقيقة ياخ دقيقة مرتي اشتاقت لي شكلها❤😂قلته ليهو بتقول كدة قدام منو انت؟😶قال لي مالك ي زوله ؟قلته ليهو اتصلته علشان اعرف زياد وصل ليك الجلابيه والحجات؟
قال لي برضو م قلتي لي م اشتقتي لي؟
قلته ليهو المهم وصلها؟
قال لي هل واضح عندك انو انا مشتاق ليك واقل من ساعه حنقد؟
قلته ليهو اوكيهه شكلها وصلت وقفلته الخط في وشو😂💔

فضلته قاعدة وبحسب في الدقايق وخلاص م قادرة م قادرة م توترة شديد احساس انك حتتزوجي الزول البتحبيهو مثلاً ماف اعظم منو وبقابلو احساس فقدك لي ابوك في يوم زي دة مثلاً ماف اسوأ منو ابداً😭💔عدت الدقايق سرعه وديل تشغيلاتهم م خلصت،سويه كدة جات تصرخ قالت لينا بدو بدو،طيف قالت ليها منو؟قالت ليها العقد منذر عاملو لي ڤيديو تعالو،انا هنا طلعته على طول من الغرفه ماهر اتصل علي فتحته الخط قال لي حبيبي،م فتحته خشمي بحرف قال

#ذات_عناق_28

بقيت مرتو ي جماعهه مرتو انا بقيت مرتو والله العظيم مرتو،مرت ماهر اناااااااااااا...

......
كنت ببكي لدرجه انو بعد العقد م قدرته اتكلم معاه في التلفون وهو كان بحاول يهديني وبقول لي"حتخليني اتهور واكسر حنك بقيهه العرس واجي عليك واسوقك اصلاً كدة كدة خلاص نحن في عداد المتزوجين 😂 وانا بزيد في البكى مع كلامو وهو يضحكك مبسوط الغياظ ،في الاخير لجين شالت مني التلفون وقالت ليهو الزيني باشا اوكيهه فهمنا انها بقت مرتك باي لأنو طول م انت بتتكلم معاها كدة م حتسكت😶💣💔

....
مع الجوطه حقتنا ديك اشتغلو زغاريد وغنى ودلاليك وهيصه، بدو يجهزو فيني قلته ليهم انا جعانهه،قالو لي الغداء جاهز بس خلينا نشتغل شغلنا،قعدتهه ليهم في نص السرير وقلته ليهم هئهه انا جعانهه لو م اكلته م حعمل شي،
لجين قالت لي شهد حبيبي الله يرضى عليك الزمن ضايق😶💣💔قلته ليها حتودوني من غير اكل؟قالت لي اممممم علشان الزيني حيأكلك،قلته ليها نوووووو عايزة اكل هنا،قالت لي العروسات في يوم زي دة م بكون عندهم نفس للاكل لهفتهم كلها بتكون لي رحالهم ومتين اليوم يعدي انتي جايبنك من وين؟
قلته ليها راجلي لو مهتم كان اتصل علي وسالني اكلته ولا لأ انتو عايزين تموتوني ي جماعه بطني اهم من العرس نفسو؟طيف قالت لي يعني بطنك اهم من الزيني؟بقيت اعاين ليها وانا بضحك،لجين قالت لي اي جاوبي اهم من الزيني؟قلته ليهم يلا ي كلبوبات من وشي جيبو لي اكل 😭 انا عروس ي جماعه م داخله عمليه لمن تجوعوني كدة جعااااناااااااااااااااو😭😭😭💔جات نورسين شايله صينيه الأكل قالت لي خلاص فضحتينا وشلتي حالنا عروسه السجم هاك اكلي م شافعه مرقه نهائي😂💔 ساعهه ورا ساعه اليوم عدة والمغرب دخل والخوف والتوتر ماشي في زيادة والتشغيلات كترت من السجم المعي والتخويف والتهويل وحركات البنات الما بتخلص،لغاايه م في لحظه ماهر اتصل علي قال لي نحن في الطريق انتو جاهزين؟
قلته ليهو بخلعه طريق وين؟
ضحك قال لي شهد في شنو مالك حبيبي؟😂💔
قلته ليهو يخخخ ماف شي ،
قال لي جاين عليكم نحن طيب
قلته ليهو ماشي فصلته منو قلته ليهم ماهر قال جاين علينا ،قالو لي كذابه والله؟
كلهم بقو يتجارو داخلين ومارقين الا انا واقفه وبعاين لي روحي ومستغربه او بحاول استوعب هل الحاصل معي دة حقيقة؟يعني ي سبحان الله الحياة دي على قدر م بتوريك انها م عادله نهائي على قدر م بيجي وقت وبتنصفك،بعدين اتزكرته بابا يعني بس لو كان عايش ومعي في يوم زي دة والهو كان عايزو لفه ورجع حصل زي م هو عايز بس الفرق الوحيد انو حصل كدة وهو تحت التراب💔دخلتهوفي كومه حزن للحظه وبقيت سرحانه وبتزكر في تفاصيل كل حاجه سيية حصلت معي لغايه م في لحظه سمعنا اصوات بوري بتاع عربات كميه،لمياء اخت لجين قالت ليهم وصلو ي جماعه وصلو،هنا الجوطه والمكابسه ي دوبها بدت كويس اي واحدة فيهم بقت جاريه بإتجاه وبقو يتشاكلو قدام المرايهه😂💔وانا خلاص صراحه ي جماعه اتصلبته حاسه بي انو الدم م بجري في جسمي نهائي،واصوات العربات برة والجوطه تجيب الرايح،بعد حكايه بتاعه ربع ساعه كدة لجين قالت لمياء الدلوكه ي لمياء سرعه جمب المكيف برة،نورسين قالت ليها سخنتيها؟قالت ليها ودة كلامك 😍قلته ليهم دلوكه شنو ي مجانين؟
طيف قالت لي اكيد م حنخليهو يسوقك ساي كدة ي بت انتي هبله لازم نسيرو😂💔فاطمه قالت ليهم انا بدق ليكم وبغني بس انتن شيلن وراي حركات الحنكشه والخجل دي اوعى تعملنها معي😂💔
خلوني قاعدة وطلعو برة يدقو في الدلوكه ويزغردو بعد شويهه كدة كان اسمع ليك يقولو "اااابشر ي عريس ااااابشر والزغاريد ملت البيت وفاطمه بقت تغني غنيهه" عريسنا يا مطر الرشاش العرس يااا كدهه يااا بلااش💃
العمااات ديييل... كدهه ياا بلاااش💃
الخالات دييل.... كدههه يااا بلاش
النساااابه..... كدهه يااا بلااش💃
العذاابه...... كدهه يااا بلاااش💃
ود العمهه.... كدهه يااا بلااش💃
ود الخاله... كدههه يااا بلااش💃
ود العز دهه.... كدهه يااا بلااش💃
ايوووويويوويوييييو😍كنت في الغرفه وقلبي حيطير من محلو كل م الاصوات تقرب علي😂😭💔لغااايه م في لحظه حسيتهم جمب الباب غطيت وشي بي يدي وانا بضحكك وهم يجوطو، "لغااايه م في لحظه كدة حسيت بزول بقرب مني لغايه م وصلني وقف قصادي ومسك يدي نزلهم من وشي،بقيت اعاين ليه كدة بي هبل اصلاً هي لحظه لخبطه م بتعرف لحظتها تتصرف كيف

كان لابس بدلهه لونها م بين رمادي ورصاصي مخططهه بالأسود خطوط رفيعهه م واضحهه والساعهه سوداء والإسورة طقم الساعه والجزمه سوداء وكذالك الكرفته والهيبه والطول وملامح الوش يخوانا وهو بعاين لي من فوق كدة ومبتسم انا لحظتها الفي راسي كلو طار بقيت واقفه وبعاين ليه وم بين ملامحي مبتسمه وملامح جادة بعد مسااافهه عمل حركتو الغياظه ديك ومسكني من مناخري باطراف صوابتو،ضربتو في يدو ضحك ،هو م كان قادر يتصرف اي تصرف لأنو حضرة سيادة كاميرات المُراقبه كلها واقفه ومنتظرة منو اي حركه علشان يصور،هو لما نكون مع بعض بكون مجنون بس

لما يكونو حوالينا ناس بتغير180درجه ببقى العاقل الرزين داك😂💔الحاجه الوحيدة العملها انو باسني في راسي مساااأفهه وبعدها قال لي" ﺑﺴﻢ ﺍﻟﻠﻪ ﺍﻟﺬﻱ ﻻ ﻳﻀﺮ ﻣﻊ ﺍﺳﻤﻪ ﺷﻲﺀ ﻓﻲ ﺍﻷﺭﺽ ﻭﻻ ﻓﻲ ﺍﻟﺴﻤﺎﺀ ﻭﻫﻮ ﺍﻟﺴﻤﻴﻊ ﺍﻟﻌﻠﻴﻢ...❤
عن جمال بحهه صوتو وهو بقول كدهه وملامحهه وهو بعاين لي في عيوني وم عايز يشيلها مني ثانيه الا بعد م لجين قالت "احم احم شباب الحفله والعشاء حيفوتونا والله م ممكن كدة لكن انتو قايلين نحن متوسطين ليكم و معرسين ليكم لشنوو عشان العشاء والحفلهه طبعاً ف شنو ارح ارح ارح😍😂💔قعدو يضحكو ،خجل وضحك وبقى م عارف يتلفت على وين،مسكني من يدي وضغط عليها شديد وهو ساكت وطلعنا بي سيرة ودلوكه وجوطه،م كان جاي براو طبعاً جاي معاهو اصحابو بعرباتهم عايزين يعملو شغب في الشارع طبعاً وفعلاً دة الحصل كانو بتسابقو في الشوارع عديل لما وصلنا شارع النيل وبقو يفحطو انا خلاص قلته اكيد واحدة من العربات دي حتتقلب بقيت اقول ليهو ماهر خليهم يبطلو البعملو فيهو دة،لا الظريفه انا فاكرة نفسي بكلم عاقل هو كان بصفر وببشر ليهم السجم😭😂💔م صدقته اننا وصلنا الصاله والله،استقبلنا حُسام اخوي اللي كان لابس جلابيه ولافي العمه طبعاً حسام اخوي دة نسخه مصغرة من بابا احساس بابا جمبي اللحظه ديك كان طاغي بوجود حسام بالشكل دة،كل واحد فيهم كان ماسكني بإتجاه والهدؤ كان مخيم على الصاله م كان في زول حايم غيى المصور وماهر الواقف في نص الصاله وبعاين بإتجاهنا وبتبسم والغنيه المشغلنها وماشين خطوة خطوة لغاااايه م وصلوني ليه وحسام قبل م يسلمني ليه قرب منو واتكلم معاه في اضانو مسافه ماهر ضحك ومسكو من كتفو وضغط عليهو مسافه حتى مجتى مسك يد ماهر وخته يدي فيها وقال ليهو امانه في رقبتك ي حبيب ،ماهر قال ليهو ابشر امانتكم في الحفظ والصون،بعدها الأنوار طفت كلها بقى ماف شي الدنيا كلها ضلام فجأة بقت في اضاءة دائريه بس مكان م نحن واقفين وبعدين اشتغلت غنيه سلو ماهر ماهر مسكني وبقينا نرقص عليها كنت خجلانه شديد من موضوع الرقيص قدام اخواني والناس وكدة البركه في الضلمه غايتو،شويه كدة مع الضلمه والرقصه ديك بقت في اضاءة بتاعه فلاشات تقريباً الصاله كلها شغلت فلاشاتها بإتجاهنا وفي اصوات صفافير،قلته ليهو اممم السيناريو دة كأنو مكرر صح؟قال لي بس المرة دي هو اعظم ❤قلته ليهو بجد؟قال لي اعترف ليك بحاجه؟قلته ليهو اها !؟قال لي في الف ابتسامه بتطلع من الواحد لمجرد انو انتي مريتي بمخيلتو❤وقربني عليه اكتر فجأة الغنيه وقفت وبدت غنيه سيرة😂💔🙈ضحكتهه فييهو ضحك اللحظه دي😂💔ياخي الناس دي هججت ورقصت رقيص التقول عندهم خشلميه سنه م حضرو حفله الصاله كلها كانت واقفه برجل واحدة، ،والعجب لحظه الجرتق ولما عيني وقعت على ماهر وهو لابس طقم الجرتق وشايل السعفه وببشر وبرقص مع اصحابو وعمو انا نسيت نفسي ونسيت انو في ناس حوالي ونسيت انو في تصوير وبقيت متنحه فيهو بس🙈❤ إيييييييك ياخ اليوم دة كان م بتوصف ابداً تقريباً ماف زول م رقص ماف زول م غنو ليهو الغنيه البحبها ماف زول م حينوم بوجع جسم😂💔 بعد كل التعب العشناهو اليوم او الساعات البسيطه دي اثلجت صدورنا بكميه الفرحه الدخلتها فينا ❤بعد م الجرتق انا على بالي انو حنرجع البيت بس ااااا وييييين يااااا قالو من الصاله ومع ماهر على طول وهنا جات لحظه الوداع والبكى😭😭😭😭💔على قدر م انبسطنا على قدر م في لحظه الصاله كلها اتحولت لي بكى وحززن،ماما،اخواني حسام مؤيد مجتبى منذر،منذر طبعاً كان عامل فيها صنديد وم عايز يبكي معي بتكلم معي قال لي ي بت انتي عبله ماف شي يخليك تبكي ودموعو جات جاريه بعداك💔ماما دي من البكى الا مسكوها خالاتي،بعداك جدو هرشهم قال ليهم م اشوف زول يبكي يلا ادو المرة راجلها وكملو بكاكم بعدين براكم، ماهر قرب مني قال لي "صمت دهراً ونطق كُفراً اخيراً جدك قال الانا عايزو😍😂 لما طلعنا برة حسام كان ماسكني،عمو الزيني جا مسكني من يدي وقال لي ماهر بتي وبت اخوي قبل م تكون مرتك م داير اوصيك عليها ابداً ولا داير اسمع منها عنك الا كل خير❤ماهر قال ليهو ابشر ي عمي ❤ماما مسكتني وبقت تبكي لجين مسكتها وقالت ليها ي خالتو كفى حلفتك بالله كفى،منذر قال ليهو ي حبيبنا خلاص استلم مرتك واتخارج عشان نحن كمان عايزين نتخارج ولا شنو😂ضربتو في كتفو ،لجين قالت لي انا م بحب الفتنه بس ي شهد منذر مستعجل شديد علشان يخارجك والله يقدرني على فعل الخير😂🙈ركبته العربيه ماهر جا ركب وبقى يضرب ليهم في البوري مسافهه وبرة الصفافير م تديك الدرب واتحرك،بعد م مشى مسااافهه قال لي شهد عبدالله،
لما قال كدة اتجمدت قالها بنبرتو الجادة والمعروفه ديك
لما شافني ساكته ضحكك ضحكهه غياظه كدة ومستفزة،قلته ليهو مالك؟
قال لي مالي؟
قلته ليهو بتضحكك😶
قال لي مبسوط في زول مبسوط م بضحكك؟
سكتت وم فتحته خشمي معاه بحرف تاني،كل م نجي مارين بي استوب يضرب البوري كتير يقعدو يبشرو ليهو 😂💔انا م عارفه هو معي ببقى مجنون وقدام الناس ببقى عاقل كدة كيف😂💔

وصلنا مكان كدة وقف العربيه وبركنها ونزل جا فتح لي الباب قال لي يلا ي ستي ومدة لي يدو،مسكته فيهو ونزلته قلته ليهو اممممممممممم وين نحن؟قال لي تعالي،دخلنا في عمارة كدة وركبنا الاصانصير نزلنا في طابق كدة وقف قدام باب كدة طلع مفتاح فتح الباب ومسكني من يدي قال لي تعالي،دخلنا ،ولع الأنوار وهو ماسكني قال لي اسف م اتوفقته اظبط موضوع السفرة لي شهر العسل ي شهد لكن ان شاءالله بعد اسبوعين بالكتير حتتظبط وحنسافر و...قبل م يتم كلامو اترميت في حضنو وقلته ليهو ماهر انا بقيت مرتك ودة شي بكفيني والله العظيم سفرة شنو وشهر عسل شنو كفايه علي وجودي جمبك وكفى انا بحبك شديد،بحبك شديد ي ماهر😭😭😭😭😭💔 فضلته ساكته وببكي وهو ضاميني عليه وهو زاتو شبه بقى يبكي معي ،بعد مسافه رفع راسي وبقى يمسح لي دموعي وقال لي بصوت مبحوح كفى شهد بطلي هبل،خلاص قلنا هاااا،خته يديهو في خدودي وبقى يعاين لي بعدها قال لي "لييييهه م اختصرتي علينا كل المشوار دة ي شهد وجيتي قلتي الكلام دة من زمان؟ليييييييهه عشتي كل العشتيهو دة ي شهد بس علشان تكابري؟لييييهه حملتي نفسك فوق طاقتها كدة ي شهد؟لييييهه ي شهد ليييهه بس؟قلته ليهو انت قلت لي بذات نفسك اوعااااك يجي يوم وتحبيني و...قاطعني وقال لي ياخي قولي انا قلته ليك كدة من متين انتي كتتي بتسمعي كلامي؟كان بتكلم ودموعو جاريه،قلتهه ليهو ياخ خلاص اسي انت جاي تحاسبني على حاجه انت منعتني منها وانا سمعته كلامك فيها؟😭💔قال لي لو سماع كلامي حيجوط حياتنا كدة تاني م تسمعي كلامي ابداً انا اصلاً بحب عنادك وبحبك وانتي راسك ناشف وم بتعملي الا العكس ❤في نص البكى داك ضحكتهه😂😭💔 قلته ليهو ع فكرة نحن م جبنا معانا شي لا شنط لا غيرو؟مسك يدك قال لي تعالي،قلته ليهو وين؟
قال لي هم م بعملو كدة صح؟
قلته ليهو شنوو م فهمت؟
قال لي م بمسكو اليد ،بقيت اعايليهوهو شالني بدون مقدمات😂🙈💔لما وصلنا غرفه كدة قال لي تقريباً هم بعملو كدة لكن عارفه الحمدلله انو وزنك خفيف يعني لانو لو م كنتي كدة م كنت ححاول حتى😂😂💔ضربتو قلته ليهو غياظ اول م نزلني التوب اتفك وبقى يتعاور واصلاً فستان الجرتق قصير،وانا بقيت احاول الم الموضوع يعني م ممكن كدة،وهو يعاين لي سااااي وساكت فجأة مسكني وشال التوب رماهو على جنب وقال لي م محتاج كل البتعملي فيهو من قبيل دة😂💔فضلته ساكته وماف مكان اتلفت عليهو💔وهو يعاين لي من فوق لي تحت و يضحك الغياظ السجم قال لي تعالي عموماً عشان شويه كدة حاسي بيك حتقعي بطولك دي الشنط وصلت قبل م نحن نصل😁😂💔قلته ليهو شوكران بالنون🌚قال لي عفوان بالنون،مشيت على شنطتي بسرعه فتحتها شلته لي لبسه قمته على حيلي لقيتو واقف ومربع يديهو و بعاين لي ومبتسم،حيوان بجد😂💔قبل م ابدي اي تفاعل اشر لي على اتجاه باب كدة نظام داك باب الحمام ،انا متلخبطه ورجولي بتضرب في بعض وماشه قدامو كدة لما وصلته جمب الباب قال لي استعجلي بالله،لما وصلتع الباب اتلفته عليه وانا ساكته،قال لي قصدي علشان نعسانين وعايزين ننوم😎😂💔ياخي حيوان وبعرف يلعب بالأعصاب بشكل😭😂💔عديت اكتر من نص ساعه في الحمام حتى طلعتهه

لما جيت طالعه كنت لابسه بجامه ماها طويله وماها قصيرة هو كان ماافي في الغرفه ،وقفوه قدام المرايه اسرح شعري جا داخل شايل صينيه في يدو فيها عصير ومويه واكل وكدة اول بقى يعاين لي من فوق لتحت تاني بخباثه كدة،😭💔نزل الصينيه وم نزل عينو مني،قال لي انا حأدخل الحمام،قلته ليهو طيب ،فتح الشنطه شال ليهو ملابس ودخل الحمام،لما طالع لابس شورت قصيرة وفنيله لقاني لفيت شعراتي كعكتين مرفوعات لفوق حك راسو مسافه وهو مبتسم وبعاين لي،قلته ليهو مالك؟قال لي قال لي محتار في الشافعه الحاربيها دي لكن والله شكلها هي الحتربيني😭😂💔قلته ليهو انا شافعهه؟قال لي والله ي شهد لو تميتي 100سنه حتفضلي شافعه وم حتعقلي ابداً😭😂💔كشرته ليهو وشي وقفته قدام المرايه ورجعته لفيت شعري كويس جا مسكني وقال لي حلوات وحلوات شديد كمان وظابطات لمن غلط خليك منهم انا جعان تعالي ناكل،قلته ليهو طيب ،قعدنا اتعشينا كنا جعانين بجد ف اكلناأااااا غايتو تقريباً هو اليوم كلو م اكل شي ،بعد م خلصنا اكل قلته ليهو اليوم كان مرهق شديد ياخ ،مسكني من يدي واتجه بي على السرير قال لي الساعه ماشه ل2صباحاً على فكرة،قلته ليهو وانا اقول مالي نعسته كدة الزمن اتأخر💔قال لي طيب حاولي نومي،قلته ليهو وانت؟قال لي حأنوم طبعاً بس طالع برةدقايق وراجع،قلته ليهو بصوت هزيل لشنووو؟قال لي دقايق وراجع،قلته ليهو حتمشي تشرب سيجارة صح؟
ضحك قال لي سيجارة زي الزمن دة؟😂💔
قلته ليهو انت قلته لي انو لما نكون في بيتنا حتخليني اشرب معاك واحدة اسي عايز تمشي تشربها من غيري؟
ضحك قال لي شهد سجاير في عينك م غلطان لما بقول ليك ي شافعه تصدقي اي كلام يتقال ليك وخلاص😂😂😂😂قلته ليهو بصوت طفولي يعني كذبته علي وم حتخليني اجربها؟😭💔قال لي لا طبعاً من غير نقاش و عموماً الطلعه لي برة زات

عل دة ❤وبرجع وبقول الخرشه الهدف منها مسك الزمن بس م اكتر في الفراغ النحن فيهو دة وهي م روايه ولا منسوبه للروايات ولا انا بنسب نفسي للفئة دي من الناس بكتفي بالخربشه والمشاركه في القروب دة بس والنتيجه في كل الاحوال واحدة اننا نمسك زمن وننبسط بس م اكتر❤ابقو عافيه وربنا يرفع عننا الوباء ان شاءالله❤
😍❤

ها خليتها سواء كانت عشان سيجارة او غيرها رقد جمبي في وجراني في حضنو ولفه يديهو حوالي،

فاهمين الاحساس دة اقصد واصلكم احساسي دة في اللحظه دي؟زي احساس الانتصار في حصولك على حاجه ارهقتك وهدت حيلك وانت وراها وهي كانها كانت سراب وبعدين اتحولت ل حقيقة،احساس الانجاز م لمجرد انو انا عرسته وخلاص الانجاز في انو انا عرسته منو؟لانو العرس دة شي طبيعي والطبيعي انو لو طال الزمن او قصر هعرس بس عرس لعرس بفرق عرس فرحتو كامله م زي عرس مكتمل من جانب وناقص من جانب تاني وهكذ...💔
وسكتت مسااافهه وقال لي اخخخخ ي شهد تصدقي وتأمني بالله؟
عدلته رقدتي في حضنو ولفيت يدي فيهو بعدها قلته ليهو"ونعمة بالله"

قال لي انا واحد من الناس بخاف من نفسي ومن قراراتي جداً ،بعرف اتخلى عن اي زول مهما كان قريب مني بشكل بيرعبني ي شهد ،اول م بحس اني م مرتاح او بستنزفني ببعد فوراً بس انتي الشعور دة معاك كان مختلف جداً عارفه ليه؟لاني عمري م كان عندي غالي يعني ببعد وم بفرق معي زول ابداً ،انتي لا كنتي بتفرقي معي جداً وبحس انو متضايق والدنيا مطربقهه في راسي ...💔
م حصل اتعلقتهه بزول زي م اتعلقتهه بيك من قبل ابداً حتى اقرب الاقربين لي، احساس انو عقلي خلى كل الدنيا وحصر نفسو في حياتك انتي بس ،ما عارف كيف لكن كنتي بتفرقي معي شديد والاحساس دة عمرو م حسيتو مع زول قبل وبشتاق ليك وروحي بتتشحتف رغم انو انا في الطبيعي بتاعي ماف زول بفرق معي، ما تساليني ليييهه وكيف انا نفسي م كنت عارف بس كل م كنت احاول انساك او اتخطاك بغمضه عين واحدة بلقى نفسي مبتسم لاني اتذكرتك، مرت فترة طويله من احساسي بالحجات دي تجاهك بس لما اقعد مع نفسي لغايه اللحظه بتخيل اني عايش الشعور المتناقض داك اسي ،عارف انو م حصل بينا شي غير الصحبه لكن عقلي هو الخلاك تكوني شخص مهم شديد في حياتي من كترة التفكير فيك وقلبي اتعلق بيك تلقائياً عرفتي لييييهه كنت بقول ليك عايز العرس يتم اليوم قبل بكرة؟لأني تعبت من التفكير فيك بمخيلتي بس كنت عايزك تكوني معي كدة زي م نحن اسي مع بعض ودة شي بكفيني،م بين صاحيه ونايمه بصوت طفولي قلته ليهو وفعلاً دة الحصل،قربني مني وباسني وقال لي ودة الكان لازم ومفروض يحصل علشان دة الصح،سكت مساافه اظنو كان بعاين لي بعدين قال لي انتي نمتي؟قلته ليهو اااي،ضحك وباسني في خدي ورجع ضماني عليه وقال لي طيب تصبحي على خير😂😭💔❤

......
صباح اليوم التاني صحيت لقيتو مافي جمبي في السرير م هو ي اما هو صاحي بدري ي اما انا صاحيه متأخرة نزلته دخلته الحمام استحميت وغيرته ملابسي وطلعته من الغرفه بقيت اتلفت في الشقه بس م شايفاه،فجاة سمعته صوت مشيت بإتجاهو بقيت شامه ريحه اكل فايحه هو كان في المطبخ دخلته لقيتو عامل سِفرة في منتهى الرهابه مستحيل ياكلوها 2بس، لا وظريفه جايب بوكيه ورد احمر بي ابيض كمان قبل كل شي اول حاجه عملتها شلته البوكيه قلته ليهو الله دة بتاعي😍😍😍😍😍😍😍😍😍😍❤احلف بس😍❤اتلفت مخلوع وهو ماسك سكين في يدو قال لي بصبحو كدة؟قلته ليهو حبيتو حبيتو شديييد ياخي صباح الخير،جا علي بسكينتو وكان ماسك طماطمه في يدو التانيه قرب مني وباسني مسااافه وقال لي صباح الخير باللليل الساعه ماشه لي 4مساء ي شافعه م قلته ليك انتي الحتربيني😂😁💔 قلته ليهو كذاااااب والله؟الساعه4 جد؟يعني العصر اذن انا كنت نايمه دة كلووو؟بقى يعاين لي وهو ساكت ومبتسم وبعاين لي بي خباثه كدة بعدين انتبهته لجلبابي القصير ولي انو هو عمل شنو ختيت يدي في خشمي،ضحك ورجع مكانو وكمل تقطيع،
كان خاتي مكعبات شوكلاته في صحن اخدتها منها قلته ليهو ي سلام بحبها❤قال لي في حجات كتيرة بتحبيها هنا حاولي افتحي كل حاجه مغطيه ،فتحته سرويس كدة لقيتو ملان اقاشي بي اسلاكو وريحتو وشكلو مبالغه قلته ليهو ي سلاااااااااااااااااااااام العششششق😍❤تاني في كرتونه كدة شبه حقه الباسطه والبيتزا فتحتها قلته ليهو فطاير الشاورما التي اُحب،قول لي في بيبسي؟قال لي يوم متين انا بنسى حاجه بتحبيها انتي؟قلته ليهو اسمع انت حقيقي؟🙈 ضحك وبقى يعاين لي،قلته ليهو طيب صباح العنبر ممكن النمبر؟🙈😂زاد في الضحك وقال لي لا معليش مرتبط وبحب مرتي شديد،قلته ليهو طيب وكدة وكدة،اتلفت علي وعاين لي بي خباثهه وقال لي وكدة وكدة كيف ؟قلته ليهو انت فهمته شنووو؟ ياخي انت ليه مخك بمشي شمال كدة ي سجم😂😂😂💔قال لي تعالي قربي كدة ،قلته ليهو نووووو،قال لي تعالي ياخي هزيت ليهو راسي جا مسكني وقفني قداومو وحاوطني بي يديه وقعد يقطع قال لي شايفه التلفون دة؟قلته ليهو اي قال لي افتحيهو،فتحتو قال لي ادخلي واتسب وافتحي الشات بتاع لجين،فتحتو ،قال لي شغلي الڤيديو دة،شغلتو وهنا كانت الصدمهه😭لجين السجم مصوراني وانا داقه جرس في موضوع الغداء قبل م يجهزوني واهم مقطع"هو راجلي لو مهتم كان عرفني اكلته ولا لأ"لما جا المقطع دة ماهر رجع عادو لي كم مرة،اتلفته عليه واديتو وشي وقعدتهه اضحك قلته ليهو قصدك شنو يعني هااا ?

?😂😂😂💔🙈قال لي انا المفروض اسال السؤال دة على فكرة لانو دة شيل حال 😂💔قعدتهه اضحك قلته ليهو الجوع كافر يخخخخ وبعدين بالجد انت لو مهتم كان سألتهه😶قال لي اهاااااا اهااااااا خلاص الدراما كوين الجواك صحت؟😂💔قلته ليهو انت ليييه دايماً شايفني دراما كوين؟خلاص افصلها يلا عايزة اتحرك من جمبو جراني ورجعني لحضنو وقال لي دراما كوين قلبي واحلى ملكات الدراما كمان هاااااا كيف ليك❤قلته ليهو م تتكلم معي،قال لي طيب ممكن اعترف بحاجه،قلته ليهو م عايزة اسمع ،قال لي طيب غطي عيونك علشان م تشوفي الحأقولو😂💔قعدتهه اضحك ياخ غياظ وحلو الاتنين مع بعض😭😂💔لفه يديهو حوالين خصري وقال لي
في الفترة الاخيرة كنت دايماً بسال نفسي السؤال دهه"

ماذا فعلتِ بـ قلبي، لأتمناك إلي هذا الحد؟بعدين لقيت انو رغبتي فيك كانت حقيقيه جداً ،وعشان كل الكان حاصل بينا داك اوقات كتيرة كنت بفكر انو الطريق ليك كان مسدود وصعب شديد،فاهمه احساس متناقض كدة وبعد معافرة ومكابرة وصراع مع نفسي وتدخلات من زياد اللي هو كان ليهو الفضل في انو افهم حقيقه مشاعري تجاهك اخترت إنو م امشى على اي أي طريق تاني ممكن م يوصلني ليك ، والطريق ده لو م نهايتو الحاجه اللي انا ساعي علشانها اللي هي"انتي" م كان حيبقي فيني حيل امشي ف طريق تاني ابداً والله"
،حتى لو كنت رفضتيني كنت حأكتفي بك حلما لعمري المتبقي،بس الحمدلله انو هرمون العناد وكُبر الراس م اشتغل عندك الفترة دي...😁❤

ابتسمته ابتسامه خفيفه وقلته ليه في مقوله بتقول" غالبا ً، الإعتراف بحبك لشخص ما ، يعد نوعاً من أنواع الانتحار ، لن تستوعب ما أعنيه الآن ، الذين جربوا الأمر ، جثثهم مقتنعة بذلك جيداً 💔..!

كنت مقتنعه بيها شديد فكرة اني اجي واصارحك دي كانت مستحيله ومن سابع المستحيلات كمان وحتى لو الموضوع دة كلفني اني اجي على نفسي شديد م كنت هجي واعترف ليك ي ماهر بسسس كنت مقتنعهه اني أنا حبيّتك وحبيت بجد مرّة وحدة ، و المرّة دي كانَت كفيلة إنها تخليني استناك عُمر بحالو...🙈❤
،قرب مني وباسني وقال لي وانا ي ستي في صُحبتك عرفته انو الصُحاب لا بالكترة ولا بالعدد ولما حبيتك حسيت بالاكتفاء اديتيني درس واحد في شعوريت قلته ليهو امممممم كنت الطف اختياراتي الخاطئة واشدهم قسوهه💔قال لي بس انا م كدهه ابداً،قلته ليهو كنت بس اسي لا🙈❤
قال لي تعليقاً على كلامك الاخير دة "ادعي دايماً انو م يتضارب شعورين متناقضين جواك في وقت واحد"علشان مافي اسوا من كدة ابداً💔
بقيت اعاين ليهو وانا ساكته ،بعدها رجع يقطع بقيه السلطه،قلته ليهو امممم ماهر ممكن سؤال؟
قال لي عيوني❤
قلته ليهو امممممممممم انت الموضوع بدأ عندك من متين؟
قال لي م فهمت؟
قلته ليهو احساس التضارب واللخبطه دي وانك بتحبني وكذاااا يعني...

سكتتت مسافهه وهو مركز في تقطيع السلطه
قلته ليهو امممممممم لو م عايز تحكي اوكيهه
قال لي قبل العرس بيوم لما جيت اخد البدلهه يمكن لو م حصل الموقف داك م كُنا حنكون هنا اليوم ف الف الحمدلله على الموقف،قلته ليهو قصدك على الشيطان الكان تالتنا مش استغفر الله العظيم ي رب😂💔 قعد يضحك قال لي سبحان الله شوفي حكمه ربنا ابتدت بي "شهد اوعاك تحبيني"مروراً بموقفك داك وانتهت بينا هنا"قربته منو وطلعته بأطراف صوابعي في رجولو ولفيت يدي حولين رقبتو وقلته ليهو شفت ربنا لما يحب يسبب الاسباب ❤

قال لي وفي مقولهه اخرى" لا يُفرق اللّه بين اثنين لهما نفس النية ،
القُلوب على نواياها تلتقي ...❤

#إقتباسهه

حان الوقت الذي ستكون اكبر مسافه تبعدنا هي حدود نظري، سنتشارك الزمن بساعاته و دقائقه وكل
الحياة،ساشاركك اغراضك المفضله ،سأعبث في تفاصيلها،سأكون معك في اول دقائق استيغاظك من غفوتك سأحفظ تفاصيل وجهك الذي طالما كنت اسرق لحظات عدم انتباهك لأنظر اليه واحفظ تفاصيله، سأيغظك كل يوم بطريقه اقرب الي الجنون سأشاركك
ملابسك سأرتب لك اشيائك علي زوقي ستعتاد عصبيتي وعنادي وتقلبات مزاجي ستعتاد طفوليتي ،ستكون بقربي دائما اغار عليك من الوقت لن انتظر حتى يأتي دوري فيك بل سأجعل الوقت هو الذي ينتظر دوره فيك، ستكون اول من اقدم له فنجان قهوه مخلوط بأغنيتي المفضله سألحق بك كل يوم حتي الباب، ستكون امامي في كل صلاه

"منك ابتدا الحياة وبك تنتهي وبك ومنك كان اكتمالها ابديآ "
Shiraz Osman
شيراز عثمان
💭💜

#نهايهه_الجزء_الاول
.....
حيكون فيها بقيه حلقات ي بنات لأنو لسه فيها احداث وفيها ثغرات وحجات م اتوضحت ولا خلصت بس صعبه تتكتب بعد كدة والله الا بعد رمضان ولو الجامعه فتحت ححاول اكتبها اذا ربنا حيانا من الموت بس اسي صعبه زي م عارفين داخل علينا رمضان انا زاتي في نفسي تعبته شديد من الكتابه وإرهاقها م عندي ااااي طريقه ليها والله ف عموماً "#للخربشهه_بقيهه"
ابقو عافيه واعفو لي اذا بدر مني اي غلط م مقصود او غيرو+ ورمضان كريم اعادة الله علينا وعليكم بالخير واليمن والبركات وم تنسونا من صالح الدعوات+الله يسعدكم ي رب على التفا

#يوميات_زولة_صايمة_1🌚✋
#بقلم_نانا😘

التحيه لي الاخت Nana Slama لو معانا هنا يالاه نبدا 😂😃😂
#قبل_رمضان_بي_يوم🌚
وعلما پإني ساكنة داخليه وكدة ، بسم الله الرحمن الرحيم
نسيت البسملة 🐸
السلام عليكم ورحمة الله تعالى وبركاته
نسيت السلسمة🌚✋، يلا كدة انا كسبت 10 حسنات انتو ردو بأحسن منها عشان الله يديكم برضو🌚
ندخل ف المهم ، طبعا انا والأكل م بنتفارق لأي سبب من الأسباب ، لا مرض بفرقنا ، لا نوم بفرقنا ، حتى ف الحلم اذا م غشيت مطعم وشلت منو أكل م بحلم 🌚بصحى طوالي😂ومن كتاباتي ف الأكل ، الأكل جميل ك الأشجار الظليلة🎶 وانا أحبه ك حب الجداد للبليلة🌚 بووووم🔫
صحيت يوم 30 شعبان الساعة 11 ، نوم شديد بعيد عنكم 😂غزيت فرشتي ف شعري وبفتش للمعجون ،
_ي بنات المعجون وين ، ي بنات ، ي بنات .....
مافي وحدة ردت🌚
فتحت الدرج لقيت معجون فاضي عاينت ليهوو كدااااااا (هل تفكرون بما أفكر فيه🐸)
شرطو من رقبتو ودخلت فرشتي (أنكت وأنكت وانكت مرقت لي حبة معجون لا بأس بها)😂💔✋
اتسوكت تماام ولبست توبي ومشيت لي(والي ) سيد الدكان ، قلت ليه اها الجديد شنو وانا ضابة مطبقتي ف أباطي زي المرة العجوز😂 قال لي والله طلتك بس 🌚
زحو لي منو بس زحو لي🔫 قلت ليهو يا ولد هوي وريني نزلت حاجه جديدة بلا طلتك بلا ورل😒🔫 قال لي ورل ولا تمساح هاااااا هاااااا هااااااا 🌚💔فكوني بس فكوني😂😂✋
بسم الله أول حاجه فتحت التلاجة شلت مازتين 🌚 خلاص اتنين مازا 😂 وتلاتة شيبس واتنين اندومي وكيك شوكولاته وتسالي🌚وحلاوة وزبادي و(.......) قولو ما شاءالله كملتهن المغرب وطلعت تاني أجيب باقي المونه😂💔 لأنو ديك كانت مزمزة سااي😂😂💔
اتصلت ل أمي :-
يمة رسلي قروش انا ماشة أجيب عشاء 🌚 قالت لي سمح
بعد رسلتهن أول حاجة مشيت الفرم ، ياخ الناس ديل مرصوصين صف طويل طول زي السبحة وما شاءالله الشفع المرافقين كتار كترة ضبان بس ،مافي نفس قلت لا يمكن انا اقيف هنا ، طوالي استعدلت ودايرة أرجع وقفت قدامي عربية طويلة عريضة م شفت زيها زاتو قبل كدة والنزل منها شدة م حلو كان إعلقو بدل هلال رمضان يثبتو بيهو الرؤية😂😂💔والله صحي ناس م بتفهم ، يا ربي امو اتوحمت ع آرچون ولا ساماي😂💔✋
طوالي رجعت وضعيتي الأولى وقلت لي نفسي هوي يا نانا إلى الأمام سر😂👢 طوالي مشيت سويت لي نفسي صف نسوان براي لأنو مافي نسوان اصلا😂 انا النسوانة الوحيدة ف الفرم🐸 يدي لي بتاع الفرم وعيني ف هلال رمضان ،
وهو نهاااية الصف ،والله دا المفروض يودو ليهو العيش ف بيتو لكن الدولة أصلها م بتتطور 🌚💔سودانيين م بفهمو 😒 لمن فاض بيهو جا قال لي لو سمحتي ي أخت قلت ليهو معاي أنا اهلين طبعا (طبعا دي لزومة شنو انا م عارفه😂)
قال لي والله مستعجل ولسة ماشي أكب بنزين ممكن تجيبي لي عيش عشان انتي قدام ، قلت ف سري م تقيف ف صف البنزين هسي انا بحفر ليك الأرض دي ب يديني بطلع ليك بترول ، كان م طلع بدفر ليك العربية لمن تقضي مشاويرك كلها😂😂احم احم قلت ليهو م عندك مشكلة شلت منو القروش ما شاءالله 50 جدييبدة لنج تجرح😂 ضبيطا ف شنطتي ك ذكرى وكدي يعني🌚ومديت للراجل خمسيني المقرومة من بطنا ومخيتة بي خيت رمادي😂💔شلت عيشي وعيشو (شوفو الكلمة دي سمحة كيف عيشي وعيشو ياخ مبالغة عديل😂) اديتو ليهو ، قال لي شكرا ليك كتير ورمضان كريم قلت ليهو (الله أكبر) هي بسم الله( الله أكرم)😂😂قام ضحك وقال لي مع السلامة ومشى ، ياخ كان أحلى فرم ف حياتي😂🎶
مشيت البقالة جبت كفتة وصلصة وشوية حاجات
وانا ف الطريق كان فاضل لزمن الداخلية 3 دقايق ويقفلو الباب ، انا ماشة سريع سريع سفنجتي أكبر مني وعاملة كتاحه شديدة ب رجليني😂لمن لقيت الزمن فات شديد خشيت بالحلة وبرطعت 😂 جريت جري😂💔 الحمدللة وصلت بعد دقيقة من الزمن لقيت الباب مفتوح وسامعة ليك روراي وكواريك يجيب الرايح (بس اتدبيت جنب الباب حبة لمن الأوضاع هدت مديت راسي بالراحة زي اب قنفود🌚👀 لقيت المشرفة ف وشي ، قلت ليها (ههه)🌚
قالت لي خييير قلت ليها الحمدلله مع السلامة🌚✋الله يسلمك الله يبارك فيك وانا ماااااشه ع غرفتي😂 م اديتا اي فرصه كوركت بأعلى صوت عارفاني بكون قطعت بلد😂 قالت لي آخر مرة سامعه ولا لأ 😡👇🏻 وانا زمااان خشيت غرفتي وقفلتها ، سوينا العشاء واتعشينا وأي شي ، وكل دقيقه أتذكر فيها بكرة رمضان بشيل لقمة وبشرب كباية موية😂 ساهرت شوية ونمت 😴
صحينا الساعه 3 و10 دقايق طلعت المازا والشوكولاتات القبيل🌚 فرمطتها كلهاااا وزدت عليها🐸✋
وتاني رجعت انخمدت😁

م يفوتكم حصل شنو أول يوم🙊😂
تابعوني😘

#يوميات_زولة_صايمة_2😁
#بقلم_نانا🌚

الشمس حارة حرورية وتعبانة وعطشانة ولساني طووول دا🐸✋ وحلقي نااااشف زي المقشاشه وعيوني واقعات ، والحمدلله ، الأذان م داير يأذن🌚 مرقت جبت بصل ولحمة مفرومة دايرة اعمل تقليه🐸 عندنا دقيق ف الداخليه للعصيدة ، عم ادريس بتاع الجذارة قال لي إنخرتي كدي مالك ي بتي ، دا كلو الصيام😂 أكلتها ف حناني بس المحل كان مليان ملي ، شلت حاجاتي ومرقت ، قلت لي ال بت المعاي قومي سوي الأكل😒 انا هسي مشيت ف الحر الحارة دي مالي انا لمن ترسلوني وأطبخ ليكم و..... قبل م اتم كلامي فكتني بالكوز قالت لي هسي انا قلت لا قطمي مني😂😂💔 طوالي قطمت😂🔫 الملاح طلع وانا بقيت ناااشفه من العطش😂 نزلت الملاح ختيت العصيدة وباقي للأذان عشرة دقايق (طبعا شاداها ف حلة كهرباء) اها ماسكة مفراكتي وقاعدة ف الأرض منتظرة الحلة تفور وبطني شغاله جق جق جق😂😂💔أحيييي انا بس فاضل للأذان 3 دقايق والموية م دايرة تسخن كوركت بأعلى صوووت واااعععي انا بموووت بعد دا 😫جاتني صحبتي بي ورا خنقتي غيييييييييق قالت لي الحلة م موصله في الكوبس ي مطرطشة ي مطرطشة يطرطشك البلاء 🔫🔫🔫 انا اتدردقت من الضحك
جريت فتحت الدرج لقيت عيش بايت كان أسمع ليك الأذان (الله أكبر الله أكبر) جيت جاارية جري ماوكلي بس😂💔ختفت الكبابه مليتا كركدي كربعتا كلها ، بعد كدة عطنتها ف جردل القنقليز شربت نصها م قدرت أواصل ما خلااااص الكريشة تمبلت😂💔 عاينت للأكل كداا م قدرت أشيل ولا لقمة زعلت زعلة مشيت انبطحت ف سريري منتظرة الموية تنزل🌚💔
اها الوقت عدا وأكلت وأي شي ، قعدنا حضرنا لينا كم برنامج ، نطت وحدة قالت لي قومي جيبي لينا عيش عشان بعدين م بتلقي🐸 قلت ليه والله الفرم كان جاني هنا دا م بمشي ليهو ، بس كان تننننننننن اتذكرت الوليد الأمس🙊 قلت ليهم القروش وين😁😁 كل وحدة عاينت للتانيه ، طوالي سلوى شنقت عبايتا وجدعت فيني توبا المقروم من ركبتو🌚و قالت لي أرح انا ماشة معاكي 😁 قلت ليها والله م تمشي ولزيتا ف السرير وجريت قامت ع حيلا وجات طايرة فيني زي الصاروخ اتدردقنا ف السرير ، فرصتني في ضراعي لمن يدي اتشلت😂😂وشالت القروش قالت لي يلا أنا ماشه كان ماشه أرح😂💔 مسكتني حاجة مرة ف حلقي وعصرت سنوني شديد قلت ليها ارحكي 😒🔫

يلاااا مشينا😁😁😁

لقينا زحمة مبالغ فيها الناس ديل لامين ف العيش زي ال لامين ف الكعبه😂😂 المصيبة م هنا المصيبه انو فاضل تلاته طاولات بس والنفر الواحد بشيل ب تلتين وعشرين😁🌚😂💔 انا خلاص قلت دي النهاية بقيت رافعة عشرتي وبنط وشغاله للراجل هييي ياا ها🌚هاك ها ، هيي ياها 😁هاك ها ويلا عجبتني الحركة اجعر بأعلى صوت😂😂😂👠
هييي ياا ها🌚هاك ها ، هيي ياها😂😂 وانا مع نطيتي شفت ليك الولد الأمس أول واحد ف الصف😍كورك و قال لي دايرة بي كم انا م عارفه لساني مشى وين بقيت مبتسمة😀😀😀😀😀😀😀😀😀😀😀😀😀😀😀😀😀😀😀😀😀😀😀م قدرت اقول أي شي سلوى قرصتني حتى انتبهت😂😂كرفست العشرة وفنيتا بيهو بعد مرق من الزحمة جا أدانا العيش و وقف معانا شوية قال لينا ساكنين وين أوصلكم ف طريقي قلنا ليهو قريب بي جاي م بحتاج ساكنين ف الداخليه الجنب بسط الأمن دي قال لينا انا زاتي جاركم خلاص دا رقمي(.......0965) كل يوم بعدي عليكم وروني عايزين شنو وأجيب ليكم معاي ، انا مهند😊 سلوى قالت ليهو و أنا فاتن🌚💔 كرتها بي أضفري في ضهرا 😂 لكزتني بي كوعا نظام اسكتي😂💔 قلت ليهو انا نانا
قال لينا تشرفت ب معرفتكم يلا مع السلامة
انا فرحت فرح 😂💔 ي جماعة الولد شوكولاته ، مكرونة ب البشمل 😂💔 أنسو بس
لكن الحاجة الغايظاني سلوى ال كتبت الرقم🌚🔫
لكن وحات الله م أخليهو ليها😂😂💔اعمل متابعة يوجد قروب واتس لبنات#يوميات_زولة_صايمة_2😁
#بقلم_نانا🌚

الشمس حارة حرورية وتعبانة وعطشانة ولساني طووول دا🐸✋ وحلقي نااااشف زي المقشاشه وعيوني واقعات ، والحمدلله ، الأذان م داير يأذن🌚 مرقت جبت بصل ولحمة مفرومة دايرة اعمل تقليه🐸 عندنا دقيق ف الداخليه للعصيدة ، عم ادريس بتاع الجذارة قال لي إنخرتي كدي مالك ي بتي ، دا كلو الصيام😂 أكلتها ف حناني بس المحل كان مليان ملي ، شلت حاجاتي ومرقت ، قلت لي ال بت المعاي قومي سوي الأكل😒 انا هسي مشيت ف الحر الحارة دي مالي انا لمن ترسلوني وأطبخ ليكم و..... قبل م اتم كلامي فكتني بالكوز قالت لي هسي انا قلت لا قطمي مني😂😂💔 طوالي قطمت😂🔫 الملاح طلع وانا بقيت ناااشفه من العطش😂 نزلت الملاح ختيت العصيدة وباقي للأذان عشرة دقايق (طبعا شاداها ف حلة كهرباء) اها ماسكة مفراكتي وقاعدة ف الأرض منتظرة الحلة تفور وبطني شغاله جق جق جق😂😂💔أحيييي انا بس فاضل للأذان 3 دقايق والموية م دايرة تسخن كوركت بأعلى صوووت واااعععي انا بموووت بعد دا 😫جاتني صحبتي بي ورا خنقتي غيييييييييق قالت لي الحلة م موصله في الكوبس ي مطرطشة ي مطرطشة يطرطشك البلاء 🔫🔫🔫 انا اتدردقت من الضحك
جريت فتحت الدرج لقيت عيش بايت كان أسمع ليك ال

أذان (الله أكبر الله أكبر) جيت جاارية جري ماوكلي بس😂💔ختفت الكبابه مليتا كركدي كربعتا كلها ، بعد كدة عطنتها ف جردل القنقليز شربت نصها م قدرت أواصل ما خلااااص الكريشة تمبلت😂💔 عاينت للأكل كداا م قدرت أشيل ولا لقمة زعلت زعلة مشيت انبطحت ف سريري منتظرة الموية تنزل🌚💔
اها الوقت عدا وأكلت وأي شي ، قعدنا حضرنا لينا كم برنامج ، نطت وحدة قالت لي قومي جيبي لينا عيش عشان بعدين م بتلقي🐸 قلت ليه والله الفرم كان جاني هنا دا م بمشي ليهو ، بس كان تننننننننن اتذكرت الوليد الأمس🙊 قلت ليهم القروش وين😁😁 كل وحدة عاينت للتانيه ، طوالي سلوى شنقت عبايتا وجدعت فيني توبا المقروم من ركبتو🌚و قالت لي أرح انا ماشة معاكي 😁 قلت ليها والله م تمشي ولزيتا ف السرير وجريت قامت ع حيلا وجات طايرة فيني زي الصاروخ اتدردقنا ف السرير ، فرصتني في ضراعي لمن يدي اتشلت😂😂وشالت القروش قالت لي يلا أنا ماشه كان ماشه أرح😂💔 مسكتني حاجة مرة ف حلقي وعصرت سنوني شديد قلت ليها ارحكي 😒🔫

يلاااا مشينا😁😁😁

لقينا زحمة مبالغ فيها الناس ديل لامين ف العيش زي ال لامين ف الكعبه😂😂 المصيبة م هنا المصيبه انو فاضل تلاته طاولات بس والنفر الواحد بشيل ب تلتين وعشرين😁🌚😂💔 انا خلاص قلت دي النهاية بقيت رافعة عشرتي وبنط وشغاله للراجل هييي ياا ها🌚هاك ها ، هيي ياها 😁هاك ها ويلا عجبتني الحركة اجعر بأعلى صوت😂😂😂👠
هييي ياا ها🌚هاك ها ، هيي ياها😂😂 وانا مع نطيتي شفت ليك الولد الأمس أول واحد ف الصف😍كورك و قال لي دايرة بي كم انا م عارفه لساني مشى وين بقيت مبتسمة😀😀😀😀😀😀😀😀😀😀😀😀😀😀😀😀😀😀😀😀😀😀😀م قدرت اقول أي شي سلوى قرصتني حتى انتبهت😂😂كرفست العشرة وفنيتا بيهو بعد مرق من الزحمة جا أدانا العيش و وقف معانا شوية قال لينا ساكنين وين أوصلكم ف طريقي قلنا ليهو قريب بي جاي م بحتاج ساكنين ف الداخليه الجنب بسط الأمن دي قال لينا انا زاتي جاركم خلاص دا رقمي(.......0965) كل يوم بعدي عليكم وروني عايزين شنو وأجيب ليكم معاي ، انا مهند😊 سلوى قالت ليهو و أنا فاتن🌚💔 كرتها بي أضفري في ضهرا 😂 لكزتني بي كوعا نظام اسكتي😂💔 قلت ليهو انا نانا
قال لينا تشرفت ب معرفتكم يلا مع السلامة
انا فرحت فرح 😂💔 ي جماعة الولد شوكولاته ، مكرونة ب البشمل 😂💔 أنسو بس
لكن الحاجة الغايظاني سلوى ال كتبت الرقم🌚🔫
لكن وحات الله م أخليهو ليها😂😂💔اعمل متابعة يوجد قروب واتس لبنات