عجباً للذكريات كيف لا تتلاشى
عند رحيل أصحابها؟
ولا تُفنى حتى عندما حل على غيابِ أصحابِها دهور!
تمرُ في كل الأزمان
وتنثر معها الأحزان .

آحنَ الىَ الايامَ التيَ كنا نقول فيهاَ اننا بخيرَ ونحنَ كذلك فعلاْ :( !

#مكملتي
بقلمي/Haboya
هي ليست تؤامي وحسب هي كل شي في حياتي فهي التي تهتم بي وترشدني وتصححني عندما اخطئ هي امي وحبيبتي هي بئر اسراري هي مكملتي🙇💙

ح احكي ليكم قصتي بتمني تعجبكم وهي من الخيال يعني م حقيقيه🌚💜وفي حاجات اصلا في السودان ماف لكن ح تكون في السودان الجديد😂💜

#مكملتي
بقلمي/ Haboya
1-
انا اسمي هبه محمد بدرس في اولي جامعه علم نفس عام عمري 17سنه لوني اسمر وعيوني عسليه وعندي غمازتين ما طويله شديد وجسمي متناسق🐸❤ و ابوي محمد عندو شركه استيراد وتصدير وامي فاطمه شغاله محاميه وانسانه حنينه شديد وبتعاملنا كانه صحبتنا ما امنا😻 وعندي تؤام بت اسمها نقاء اي اسمائنا مختلفه بس بنشبه بعض في كل شي وطبعا ما يحتاج اوصفها لانه بتشبهني شديد😹و بنحب بعض شديد ولو عايز تموت المس نووقتي دي🐼🖤المهم نقاء بتدرس طب اسنان في ابن سينا😻عندي اخوي الكبير اسمو ماهر زول صعب شديد شغال مع بابا في الشركه اسمراني وطويل عيونو بنيه وعندو عضلات احي انا بس لو ما اخوي كان عرستو🐸❤😂واخوي الاصغر منو مهند دا في ثالثه جامعه بحب اللعب والضحك والهظار بقرا في الرباط اداره اعمال🌚لونو فاتح وشعرو كتير ومنكوش😂كل مره متشكلين هو وماهر بسبب شعرو دا 😂ومكسر بنات الرباط كلهم🐸❤ واصغر مني في مزنه يلا دي دلوعه البيت اي شي تطلبو بكون عندها😑بتدرس في ثانيه ثانوي 😴واكتر وحده بتشبه ماما لونها افتح مننا بشويه وعندها غمازه بجهه وحده وجسمها متناسق يعني البشوفها بقول قدرنا 😂❤المهم بعد اتعرفنا علي العائله الكريمه 🐸💜 كان التسجيل حق الجامعه فتح قام ماهر ساق نقاء ومشي يسجل ليها وانا مشيت مع مهند عامل لي فيها توب سنير وبتاع😂والطريق كلو بديني في نصايح م تقولي للدكتور استاذ ولم يدخل م تقيفي واسمها محاضره م حصه فاهمه🌚
انا: اخرس بالله ووصلني سريع بعدين انت ح تكون معاي لحد م نخلص صح
مهند: لا طبعا مزتي منتظراني🌚
انا:حتي لو اتصلت علي ماهر🐸
مهند :مزتي تنتظر ياخ انا عندي كم هبوو عشان م اكون معاها😽
انا:خلي حنكك البيش دا😂
مهند:انتي مستحيل تحبي ي جافيه😒
انا: طيب بوريك بس الا م ادخل الجامعه😂

وطبعا بهناك يحليها نوقتي ادوها محاضره طويله عريضه😂م تفكي الطرحه م تصاحبي اولاد حدك معاهم داخل القاعه بس م تعملي روج المهم غايتو ربنا يعينها😂يلا دخلنا الجامعه وبدينا في اجراءات التسجيل وانتهي اليوم ورجعنا ونقاء جات حكت لي بي الاولاد السمحين الفي جامعتهم😢
انا:واااي حظك يحيوانه انا م شفت اي شي كل من الزفت دا شغال لي سريع سريع
نقاء:ارحم انتي مشيتي مع مهند انا مشيت مع ماهر معطتني معط بالأخلاق التقول هو من اخلاقو🐸
انا:طبعا مهند اشتري لي طعميه بس قال لي م بقدر اعزمك اكتر من كدا عشان مزتي ح تكون لسه م فطرت الله يلعنو هو ومزتو😒
نقاء:ي بت انا ماهر عزمني ليك بيتزا وعصير ولم جاين في الشارع اشترينا شببس وبارد وشوكلاته
انا:واكلتيهم كلهم وما جبتي لي يحيوانه😭
نقاء: يلا عشان حيوانه دي كنت عايزه اديك الحاجات الجبتهم ليك لكن يسمك 🐸
انا: خلاص خلاص معليش🌚
(وبعداك اتونسنا كتير واكلنا حاجاتتنا دي ونامنا صحينا المساء)
انا جيت صحيتها :نقاء قوومي
نقاء:امممم😴
انا:ياخ انعلوشك قوومي ماهر ح يجي ولو لقانا لسه نايمات ح يقتلنا وانتي عارفه ماما بتوريهو
نقاء:شيييت يااا قومي ي هبه سريع😨
انا:نقاء انتي هبله والله🙂
نقاء:ثانكس بيبي🌚
يلا قمنا غيرنا ملابسنا وطبعا نحن بنلبس زي بعض حتي في البجامات بنفس الالوان المهم نزلنا تحت لقينا مزنه في وشنا طبعا هي بتحب نقاء انا م بتحبني😹لانه بغيظها ولانه انا م بحب حركات البنات البتعملها دي😒المهم لقتنا في نهايه السلم🌚
مزنه:سوو كيوووت الحلوات صحو نااو🌚
نقاء:وااي يمزنه م شفتي تعبت قدر شنو الليله😢
مزنه:كدي احكي لي المزز العندكم عشان ح امشي معاك الجامعه😻
انا:علفكره هي جامعه م زريبه المارق والداخل علي كيفو😒
مزنه:انتي هس محدا حكي معك🙄ارح انتي كمان احكي🌚
نقاء:اووك ح احكي بس الصبر اكل لي حاجه😹
انا:طبعا ي هزار قبيل نقاء جابت لي معاها شبس برينقلز البتحبيهو🌚(عارفه روحي غياظه😹)
مزنه:سوووو واات🙄
بعد شويه جرس الباب دق🚪
مزنه مشت فتحت الباب وجات شايله معاها كيس مليان شوكلاته وشبس ونوتيلا 🌚شالت ليها علبه شبس بتاع برينقلز الحجم الصغير وجدعتو لي نقاء قالت ليها دا الشبس الانا بحبو😽طبعا دا كلو عشان تغيظني😒
نقاء:ي بت دا جبتيهو من وين؟!😹
مزنه:شفتي الناس الرحلو قبل اسبوع في الشقه بتاعت العماره القصادنا دي يلا فيها ولد شافع كدا قال شنو بحبني يلا يستحمل🌚😽
نقاء:شافع قدر شنو يعني؟!😹
مزنه:تقريبا ممتحن ثالثه🙄
نقاء:ي بت دا اكبر منك😹
مزنه:بالعمر ي بيبي م بالعقل🙄يلا تشااو
انا:مزنتي🌚💜
مزنه:لو جنيتي م بديك😽
انا:بليز😢
مزنه:لا🙄
انا:بالييز😢
مزنه:لا🐸
انا:باليييييييييييييييييز😭
نقاء:لالا😹💃
انا:😒😒😒
مزنه:بديك سنيكرز وحده بس🐸
انا:شاحداك انا🙄
مزنه:قلتي شنو😑
انا:طيب خلاص😒
نقاء:وانا ي مزنتي😢
مزنه:انتي اكيد ح اديك😽
انا:علفكره نحن تؤام عاملينا بنفس الاسلوب🐸
مزنه:لم انتي تعامليني بنفس اسلوب نووقا😒
(مع انه نحن بنتشاكل كتير بس بنح

ب بعض شديد يعني نحن الثلاثه في اي وقت لو وحده احتاجت للتانيه بتلقاها جنبها😻💜لانه الاخوات م بتعوضوو ولو انت عندك اخت معناها عندك سند💗حافظو عليهم🙇🖤)

#مكملتي
بقلمي/ Haboya
2-
ومرت الايام ونزلنا الجامعه😻وطبعا كنا متحمسين شديد بس جاء ماهر قطعو لينا في راسنا🙄شيكتك علي الله انت ي البني ادم🐸💔
ماهر:التووووومات
انا ونقاء بصوت واحد:م تقول لينا التومات😑
ماهر:طيب طيب😂
انا:اها مالك🙄
ماهر:طبعا الليله ح تنزلوو جامعه والجامعه دي مجتمع مختلف تماما عن الثانوي والاساس ح تقابلو الكويس والكعب عشان كدا اختارو صح وانا م بقول ليكم م تصاحبو لا صاحبوو لانه صداقات الجامعه بتدوم حتي لو صاحبتو اولاد لو عندنا اي شي يجونا ونحن نمشي ليهم وانا اعرفهم ويعرفوني وكدا انا م عايز اكون زي الاخوان المتسلطين وافرض سيطرتي عليكم عايزكم تخلو بالكم من نفسكم اي عارف انا معاط 😂بس عشان بحبكم عشان كدا بمعطكم🖤
انا:الحمدلله عرفت انك معاط🌚
ماهر:قلتي شنو😒
انا:وانا كمان بحبك ي احلي ماهر يكيوت انت يقميل يمنعنع😽😽
ماهر:غايتو ي هبه الله يعين الدكاتره علي جنك دا هو انتي الدايره دكتور نفسي والله😂
نقاء:خلاص ممكن نتحرك🙄
انا:دقيقه عاين انا امور الخووف دي م بتنفع معاي تاني ح امشي براي وبالمواصلات🙃
ماهر:اطلعوووو قدامي انا اتاخرت😒
طبعا بعد النظره دي ماف وحده فتحت خشمها مشينا طوالي😂وصلوني انا اول وبعدين مشي وصل نقاء🚗
اول م وصلت اتصلت علي صحبتي الانتييم😻
انا:مهاااااااد
مهاد:انعلوشك ياخ م تكوركي
انا:طيب وين انتي؟!
مهاد:في الكافتريا
انا:مهاد في اربعه كافتريات ياخ م تتغابي من الصباح😑
مهاد:ياخ في حقت المقصورات
انا:دي وين كمان؟!
مهاد:هبه م عارفه اتصرفي براك😒(تووووت توووت توووت)وفصلت الخط🐸
ي ربي اسي انا اعمل شنو وبقيت بتلفت زي مروحه التربيزه قام جاني واحد مفلفل شعرو
الولد:كانو بتفتشي لي مكان🌚
انا:ايي عايزه كافتريا المقصورات😃
الولد:امم بسيطه بس امشي طوالي بتلقي ممر علي يدك اليمين ادخلي وانشاءالله ح تكوني جووه المقصورات😀
انا:شكرا ليك ياخ م قصرت😊
الولد:ولو ياخ العفووو
عايزه امشي في ولد تاني مسكني من كتفي🐸
الولد التاني:لا م تمشي 🙂
انا:ولييه🙄
الولد:لانه ديك بتكون حمامات الاولاد🙂
انا:شنووووو😳
الولد:دييك كافتريا المقصورات👈
انا للولد الاول:انت حيوان كنت عايز توديني حمامات الاولاد اهبل انت ولا م بتخاف ربك ي متخلف يغبي😤قام الولد التاني مسكني
الولد:حيلك حيلك😂خليهو خلاص حصل خير
الولد الاول:خليها ياخ نشوف الحلو عايز يعمل شنو😉
انا:يحلحل عضامك يا اهبل يا واتي يا......تييييييت🐸
(وقمت مشيت خليتهم😑)
الولد:دا شنو ي ركس العملتو دا😒
ركس:عملت شنو🙄
الولد:ليه بشعت بي قدام البت ياخ بعدين من الصباح نحن شغالين نبرلم في الناس الحصل شنو😒
ركس:والله ي مان م عارف بس دي م من النوع البتبرلم😐
الولد:ليه مالها قال🙄
ركس:قلت ليك م عارف ياخ انسانا بالله انت الليله عازمني صح😂
الولد:بعد العملتو دا لا عازمك ولا بعرفك😂
(ومشوو في طريقهم وهم بتكلمو وانا كنت وصلت الكافتريا)
انا:ي زفت اسي كان حصل ليك شنو لو قلتي الكفتريا الفيها المكتبه😒بدل الدراما الحصلت دي😤
مهاد:دراما؟!😂احكي كدي دراما شنو😂
انا:(حكيت ليها الحصل كلوووووو)
مهاد قعدت تضحك لم الناس كلها بقت تعاين🙂
انا:مهاد انعلوشك ياخ فضحتينا😑
مهاد:لا انتي جاده حصل معاك كدا😂😂
انا:تصدقي غلطانه انا القلت عايزه اقرا معاك😒
مهاد:يعني ح تقدري تفارقيني؟!😢
انا:بطل عوارتك دي وطيري جيبي لي فطور وعصير😒
مهاد:من عيوني بس م تزعلي مني😘😚
مشت جابت الحاجات وقعدنا وبقينا نعلق علي الماشي والجاي😂💔

#مكملتي
بقلمي/ Haboya
3-
في الجامعه...

انا:مهاد كانوو في محاضره بعد خمسه دقائق🙄
مهاد:ياخ الليله اول يوم مستحيل الدكتور يجي
انا:طيب ولو جاء؟!🙂مهاد قوومي ياخ
مهاد:طيب والمحاضره وين؟!
انا:في قاعه Cr12
مهاد:دي لاقتني قبيل خلاص ارح
(مشينا القاعه ولقينا الناس قاعده بتتونس نحن دخلنا وقعدنا بعد شويه جو قعدو جنبنا الولدين بتاعين البرلمه اتذكرتوهم اتلفت لقيت الولد في وشي)
انا:انت؟!😳
ركس:لا تؤامي😂اكيد انا شايفه شنو يعني🙄
انا:زريف🙄
ركس:انا مصطفي وانتي؟!🌚
انا:هبه🙂
مصطفي:اممم داخله عن رغبه ولا النسبه🌚
انا:لا عن رغبه🙂
مصطفي:انا والله م كنت عايز برمجه حاسوب بس يلا القدر🙁
انا:برمجه شنو😂
مصطفي:حاسووب🙄
انا:بس انا بدرس علم نفس😂
مصطفي:دي مش قاعه Cr14🤔
انا:لا دي 12ما 14😂
مصطفي:شكلي برلمت روحي براي😂
انا:يب
مهاد:شنو من الصباح بتتكلمو م تعرفينا😉
مصطفي:انا مصطفي بكون صديق قديم لهبه😉
انا:شنووو😳
مهاد:وانا مهاد برضو صديقه قديمه بس م بعرفك ليه😐
انا:لانه دا عرفتو الليله الصباح😕
مصطفي:واوو بتتذكر كمان اول مره اتلاقينا🙈
انا:انت واحد مجنون🙆
مصطفي:عارف🌚المهم طبعا دا صحبي محمد عرفتيهو ي هبه صح😉
انا:م عايزه اعرفووو😒
محمد:بس انا عايز😚
مهاد:دا شنو انا م فاهمه شي😐
انا:مش الصباح قلت ليك في ولدين متخلفين كانو عايزين يبرلموني😒
مصطفي:استووب انا م برلمتك بالعكس انا انقذتك😎
انا:for ever🙄
مهاد لمحمد:انت الولد الكنت عايز تدخلها حمامات الاولاد؟!😂
محمد:ايووا😂
مهاد:متخلف م تعمل كدا تاني😒
مصطفي:والله الونسه معاكم ظريفه بس لازم نمشي ولا شنو ي محمد؟!🌚
محمد:اي اي بس لو عازيننا نقعد م عندنا مانع🤤
انا:لا م عايزين🙄
محمد:اخخخخ يقلبي😕
مصطفي:يلا يلا ارح😂
بعد مشو شويه ودخل دكتور للقاعه
الدكتور:السلام عليكم اعرفكم بنفسي معاكم دكتور جمال سرالختم ح ادرسكم ماده مفهوم علم النفس وعندي قواعد لازم تمشو بيها اولا الانضباط ثانيا الحضور لانه ح يكون في اتندس نهايه كل محاضره ثالثا انا لو دخلت رجلي جووه القاعه تاني ماف زول بدخل رجلو بي وراي ثلاثه محاضرات غياب بدون عذر انذار الرابعه حرمان مفهوووم؟!
الدفعه كلها:مفهوم
الدكتور:المحاضره الجايه القاكم كتبتو بحث عن بدايه علم النفس ومع السلامه🙂
انا:دقيقه دا شنو😕
مهاد:انا م فهمت ايي شي😐
والقاعه بقت جاايطه وما فاهمين حاجه
نمشي لي تؤامي شوويه🌚💜
نقاء في جامعتها برضو لقت صحبتها وحضرو المحاضرات الدكاتره جو... طبعا اول اسبوع م بكونو ملتزمين بكل المحاضرات
#كسره
نقاء م حاذكرها كتير لم تكون في الجامعه لانه الروايه عني🌚💜

انا ومهاد خلصنا محاضرات وعايزين نطلع اول م طلعنا من باب الجامعه لقينا مصطفي ومحمد في وشنا ومصطفي راكب عربيه
مصطفي:هاي هبويتي🌚
انا:اسمي هبه😒
مصطفي:خلونا نوصلكم في طريقنا😉
انا:لا شكرا بنمشي برانا🙄
محمد:باااليز😕
مهاد:لا يلا ي هبه😒
مسكتني من يدي وعايزين نمشي بس مصطفي نزل من العربيه وجاء وقف قدامي
مصطفي:عايني م تخافي انا عندي اخوات وبخاف الله في بنات الناس كل العايزو انه نبقي اصحاب بس م اكتر😕
انا:اتاثرت يلا عاين انا لو كنت عايزه اركب عربيه كان جبتها من بيتنا😒
وقمنا مشينا ركبنا المواصلات قام اتصل علي اخووي الحنون🐸💜
ماهر:الوو
انا:اهلين ماي برو
ماهر: م تتحركي السواق ح يجي يسوقك
انا:بس انا ركبت😐
ماهر: شنوووووو😡
انا:ل..ل..لقيت ...مواصلات 😧
ماهر:حسابك معاي لم ارجع😤
انا:بس ي ماهر انا....الوو..الوو..توووووت تووت🐸فصل الخط🙂
مهاد:احيي انا ياخ عندك اخووو وبعلي بس🤤
انا:مهاد دا ماهر م مهند 🙄
مهاد:اي عارفه احيي انا من ماهر ياخ دا اي بت بتحلم بي واحد زيوو🤤
انا:والله الا تكون مجنونه وقنعانه من نفسها🙂
مهاد:ياخ واي انا لم يعصب وعروقو تظهر ولم يكورك ياخ زاتو لم يشاكلك تحسي بي حاجه حلوه🤤
انا:لا انتي اكيد جنيتي 🐸
مهاد:جنيت بي ماهر🤤
انا:اخرسي عشان م اجدعك بالشباك دا😒
مهاد:هس ي عديمه المشاعر😑
وصلت البيت دخلت غرفتي لقيت نقاء راقده جيت ناطه فيها😂
انا:تؤام روووووحي😻
نقاء:وشك زاتو ياخ انا تعبانه م تتعولقي فيني😒
انا:طيب ي نقاء اسفه اصلا انا م اختك ولا تؤامك😔
نقاء:ي الله ياخ هبه م قصدي كدا انا🙁
انا:لا قصدك كدا انتي 😢
جات حضنتني وقالت لي طيب خلاص اسفه🙁
انا:محنك عادي🌚اها احكي يومك كان كييف
نقاء:والله حلو نوعا ما وانتي
انا:اتخيلي كان في برالمه عايزين يبرلموني☺
نقاء:وااي جاده انتي😂
انا:اي والله متخلفين خلاص😑
نقاء ماتت بالضحك شلت المخده ضربتها بيها🙄هي شالت التانيه ضربتني بيها وبقينا نضارب بيها

#مكملتي
بقلمي/Haboya
4-
(بعد مرور اسبوع مصطفي ومحمد بقو اصحابنا وطوالي بنقعد مع بعض وصاحبنا بت معانا في الدفعه اسمها مها وولد مع مصطفي في الدفعه اسمو خالد كدا شلتنا بقت انا ومهاد ومصطفي ومحمد ومها وخالد 🙂)
يلا عملو لينا الحفله بتاعت الترحيب بالطلبه الجدد وقلت لي نقاء الا تمشي معاي ووافقت😻
ماهر وصلنا الجامعه ومشي ضربت لي مهاد
انا:الوو
مهاد:ي زفت وين انتي؟!
انا:جايه جايه
قلت لي نقاء عايني ح نعمل مقلب في شلتي تمام بما اننا لابسين زي بعض قالت لي تمام وقمنا دخلنا الجامعه اول م دخلنا الناس دي كلها بتعاين لينا😂
واحد قال سبحان الله انعل ابو دا شبهه😂😂
اول م دخلت نقاء مشت سلمت عليهم علي اساس دي انا😂
نقاء:طبعا يجماعه دي تؤامي نقاء🌚
مهاد:وااي طبعا م قادره اصدق😳
خالد:دا شنو انتو عملو ليكم كوبي بست😂
انا:خلاص قتلنا😂
مها:دقيقه منو هبه ومنو نقاء😐
محمد:لا يجماعه كدا بقت صعبه😂
مصطفي بقي ساكت وبعاين لينا🌚
مها قالت ليهو:مصطفي انصدمت انت ولا شنو😂وقعدنا نضحك
مصطفي:لا بس م عايز اخرب ليها مقلبها
محمد:مقلب شنو يزول😂
مصطفي اشر علي نقاء:دي م هبه دي نقاء😐
خالد:وانت عرفت كييف🌚
مهاد: مصطفي البنات م بتفرزو انت كيف عرفت😂
مصطفي: دقيقه اسالوهم احتمال كلامي غلط🌚
نقاء:كلامك صح🙁
خالد:شيييييت ي مان دا شنووو😂
مصطفي: علفكره م بشبهو بعض🙄
الناس كلها بقت عامله كدا😳😳
خالد:يزول انت جنيت كيف يعني ما بشبهو بعض🙄
مها:الولد بالجد جني😂
مصطفي:غايتو انا شايفهم ما بشبهو بعض 🐸
الاحتفال بدا وطبعا انا في الحفلات دي ولا بهظر برقص لم الله يغفر لي لا بعرف جامعه ولا غيرو😂طبعا جابو حماده بشير لانه بربها😂ويلا تعالو شوفو اشتغلت شغل نضيف😂وطبعا بقي يغني كضابه والاولاد بنططو ووتعالو شوفو انا بقيت انطط احسن منهم😂عاد وريتهم عروض😂وانتهت الحفله وانا انتهيت معاها😂بعدها مشينا مطعم عشان كنا جعانين اول م دخلنا وقعدنا طلبنا بيتزا وانا قلت ليهم مع البيتزا عايزه بيرقر وشاورما كلهم قعدو يعاينو لي😂
نقاء:بتاكلي ولا خساره ساي😒
انا:باكلوو انا جعانه😢
مصطفي:طيب اصلا العزومه علي خلوها تطلب العايزاهو🌚
مهاد:نبقي هبه ولا شنووو؟!مش انتي هبه😂
مصطفي:كلكم اطلبو م مشكله😂
بقينا قاعدين ومنتظرين الاكل يجي
مصطفي:طبعا الليله هبه حتتو كلووو😂
انا:دي م انا دي نقاء😐
مصطفي:بقدر افرزكم علفكره😂
محمد:والله راسي كبس ياخ نقاء لو كانت معانا في الجامعه كنت جنيت😂
المهم جابو الاكل واكلنا طبعا انا اكلت معاهم البيتزا وقبلت علي البيرقر انتهيت منو لم جيت للشاورما غلبني😐بقيت بعاين ليها مصطفي قال لي الليله الا تطيري ماف مشي لو ما كملتيها😑قلت ليهو بس انا ي مصطفي انت قايل شنو🐸قال لي اها قايل شنو🌚وديل ميتين بالضحك المهم قلت ليهو خلاص باكلها بعدين لم نكون راجعين😂وانا شايله باقه الببسي بعد شويه شربتو كلو في جغمه وحده لم اتخلعو😂محمد قال لي بسم الله😂قلت ليهم ارح نلعب بيها😂خالد قال لي والله انتي م طبيعيه 🐸قلت ليهو نننن 😑قعدنا نلعب صراحه وجراءه اول وحده وقعت على مها ومحمد قالت ليهو الرحمه محمد قال ليها في احلامك😂اها عايزه صراحه ولا جراءه قالت ليهو صراحه😂قال ليها مرتبطه ولا لا ولو مرتبطه حبيبك اسمو منو🐸قالت ليهو مهند🌚انا طقيت التربيزه ووقفت وقلت ليها بتحبي من ورانا ي مها😑نقاء قالت لي ميه مره قلت ليك انفعالاتك دي م تعمليها في مكان عام😐حتي يداب انتبهت علي روحي لقيت الناس كلها بتعاين لي 😂طوالي قعدت بي باقي احترامي🐸محمد قال لي يوم لو مت بسقطه قلبيه ح تكون بسببك ي معاقه😑اما خالد دا كان داير يقوم جاري😂ومصطفي من الضحكك م قادر يتكلم😂لفيناها تاني وقعت علي انا ومصطفي بقي يعاين لي😏قلت ليهو عاين ح اختار جراءه بس م تقول حاجه صعبه اوك🙁قال لي دقيقه افكر😂عم الصمت للحظه بعد شويه اتلفت يمين وشمال قال لي شايفه الولد القاعد براهو داك تمشي تقولي ليهو انت خاطب ولا لا لانه انا عايزاك😂قلت ليهو لا طبعا مستحيل😐قال لي ي زوله امشي 😒

#مكملتي
بقلمي/Haboya
5-
مشيت باتجاه الولد وانا خايفه😂وكل مره اعاين ليهم وهم ياشرو لي امشي امشي👋لحد م وصلت الولد قلت ليهو سلام عليكم🌚
الولد:وعليكم السلام😐
انا:عاين انت مرتبط ولا خاطب؟!🌚
الولد بقي يعاين لي😳قلت ليهو رد ياخ قالي ولا هذا ولا ذاك وشال البارد عايز يشربو قلت ليهو خلاص انا عايزه اخطبك الولد اتشرق بالبارد وبقي يكح😂قال لي قلتي شنو قلت ليهو ولا شي😂ومشيت منو لقيتهم ميتين من الضحك مها قالت لي قتلتي الولد😂مصطفي قال لي م اتوقعتك تعمليها😂قلت ليهو وعملتها يلا😚مهاد قالت لينا يجماعه انا اتاخرت ارح🌚طبعا مصطفي وخالد ومحمد عندهم عربات بس محمد م بجيب عربيتو عشان بجي مع مصطفي المهم خالد قال ح يوصل مهاد ومها وانا ونقاء ح نمشي مع مصطفي ومحمد واي زول وصل بيتو اول م دخلت البيت لقيتو جاايط وكواريك بسم الله يجماعه فشنو مزنه جات قالت لي مهند عمل حادث بالعربيه وماهر هايج وقال الا يشيلها منو قمت جيت وقفت في نص ماهر ومهند قمت قلت لي ماهر ياخ دقيقه ي ماهر احمد ربك انه م جاتو حاجه قام قال لي انتي اطلعي من الموضوع 😒بس ي ماهر😢قام هااج زياده وكان عايز يضربني لكن مهند مسكوو💔
مهند:بتمد يدك عليها؟!
ماهر:هي م تتدخل في كلام م بخصها😤
مهند:يدك دي تاني لو رفعتها عليها م حيحصل كويس🙂وقام طلع كوركت ليهو ي مهند مهند بس م رد علي اتلفت علي امي قلت ليها ماما قولي حاجه قالت لي اقول شنو يعني اي واحد قليل الادب اكتر من التاني😒ومشت نقاء قالت لي ارح ي هبه ومزنه جووه عاينت لي ماهر ومشيت😒دخلت اتصلت علي مهند م رد علي بقيت خايفه عليهو ومنتظره يرجع لحد الساعه 1صباحا م رجع طلعت البلوكه حقت غرفتي بقيت واقفه فيها بعد شويه شفت عربيه مهند وقفت جنب الباب طوالي نزلت تحت اول م فتح الباب حضنتو وقعدت ابكي ضماني عليهو وقال لي ي بت انتي صاحيه لي اسي مالك؟!م رديت عليهو قال لي خلاص م تبكي انتي عويره ولا شنو😂قلت ليهو تاني م تطلع كدا ياخ😭قال لي حاضر خلاص بطلي وسختي لي قميصي😂زحيت منو وقلت ليهو انت همك في القميص يعني😒قال لي اي لانه الليله مزتي قالت قميصي حلو😉يعني انت بتحبها اكتر مني😭(طبعا انا بكايه شديد😂)قال لي خلاص خلاص كنت بهظر والله انتي اختي ياخ معقوله احب لي وحده اكتر منك💜مسح لي دموعي ومد لي مفتاح العربيه قال لي جبت ليك حاجات في العربيه امشي جيبيهم واطلعي غرفتك نومي💜مشيت العربيه العربيه لقيت فيها اكياس كلها شوكلاتات وشبس 😻وفي ثلاثه دباديب متوسطه كدا شلتهم وانا مبسووطه طلعت فوق دخلت غرفه مزنه ختيت ليها في السرير دبدوب وكيس فيهو الحاجات ولي نقاء كمان وانا دخلت غرفتي وحضنت الدبدوب ونمت❤
#كسره
(فرحو اخواتكم بابسط حاجه الحب البتدوهو لبنات الناس اخواتكم احق منهم عشان كدا حبوا اخواتكم لانهم نعمه❤)
الصباح جات نقاء صحتني طبعا هي بتصحي بدري ومتعوده تصحيني من نحن صغار💜جات باستني في خدي وقالت لي صبح صبح❤طبعا انا م بصحي سريع😂قامت قال لي يلا قوومي ورانا جامعه قمت غطيت وشي وقلت ليها ياخ زحي مني 😴شالت المخده وبقت تضرب فيني قوومي ياخ 😂وانا زاتي شلت المخده وبقيت اضرب فيها طبعا م طلع الريش داك البطلع في التلفزيون😂لانها مخدات عاديه م تسرحو كتير🌚المهم قمت دخلت الحمام وهي مشت لي ماهر في غرفتو دقت الباب رد عليها اتفضل...
دخلت وقالت ليهو صباح الخير❤رد ليها صباح النور 😊قالت ليهو ماهر م تخلي هبه تزعل منك لانه م بحب اشوفكم زعلانين من بعض💔جاء عليها قال ليها ولا يهمك انا الليله براضيها هي ومهند💜حضنتو وقالت ليهم يسلموووووو❤ وطلعت منو لبست طبعا هي لبسهم موحد بنطلون اسود وقميص ابيض وطرحه بيضاء اما انا بلبس علي كيفي💃لبست بنطلون جينز وقميص كاروهات ابيض واسود وشنطه سوداء واسبورت ابيض وفريم ابيض ورفعت شعري ضنب حصان وعملت ميكب خفيف وجيت نازله لقيت مهند قام صفر لي تصفيره بتاعت اعجاب😂قال لي الليله الحلوو طالع احلي من مزتي😻قلت ليها ياخ كرهتني بمزتك دي اسي تلقاها شينه😏قال لي هييي وتاني هييي💃قلت ليهو خلاص خلاص م تردح😂قام قال لي يلا ناخد سيلفي وجيت اتصورت معاهو وتاني جات نقاء قالت لينا بتتصورو بدوني وجات وقفت اتصورت معانا وجات مزنه برضو😂وبقينا نتهابل جاء ماهر وقف في بدايه السلم قال صباح الخير كلهم ردو صباح النور😻الا انا قلت لي مهند ارح انا اتاخرت ماهر قال لي انا الليله ح اوصلك قلت ليهو بس مهند بوصلني كل يوم قال لي قلت ليك انا بوصلك بنهره كدا💔

#مكملتي
بقلمي/Haboya
6-
مشيت طوالي ركبت في العربيه جاء ماهر ركب واتحركنا وفضلنا ساكتين بعداك وقف في سوبر ماركت اشتري لي شوكلاته انا ح اسمن بسببهم😂مداها لي وقال لي اسف ي التومه🙁اتلفت عليهو م تقولي التومه😒قعد يضحك قال لي طيب طيب😂قلت ليهو جيب 500ج🙄قال لي ليه ☺قلت ليهو لاحظ انا زعلانه منك يعني م صح تسعل سعال زي دا😒قعد يضحك ونزل من العربيه لانه وصلنا الجامعه فتح لي الباب قلت ليهو عليك الله كل يوم زعلني عشان تعزني كدا🌚قال لي هبه انزلي😒نزلت قام مد لي ال500 قال لي هاك وتاني تحلمي اديك☺قمت حضنتو وقلت شكرا يقميل يمنعنع انت😻قال لي ياخ قميصي 😂قلت ليهو استغفر الله اخواني بخافو علي قمصانهم اكتر مني😒خلاص طير من وشي قعد يضحك وركب العربيه ومشي دخلت الجامعه كان فضل للمحاضر نص ساعه مشيت عشان اقعد في الكافتريا لقيت مصطفي قاعد مشييت اسلم عليهو رد لي بي برود😐دا مالو من الصباح🙄
قالت ليهو مصطفي؟!
مصطفي:اممممم
انا:مالك انت؟!
مصطفي:مالي🙄
انا:عاين شغل النفسيات دا م بنفع معاي😒
مصطفي:نفسيات؟!اسي بقيتيني منفسن😒وانتي البتحضني الولد في الشارع وقدامي💔
انا:ولد شنو الحضنتو؟!🙄
مصطفي:انتي مرتبطه؟!😐
انا:مصطفي انت مجنون؟!😒
مصطفي:ياخ جادي معاك وريني الكان معاك دا منو؟!🙁
انا:كان معاي وين؟!😕
مصطفي :هبه انتي غبيه😒الجيتي معاهو الصباح🙂
انا:اهاااا ماهر😂
مصطفي:وماهر دا يبقي منو🙄
انا:ماهر دا خطيبي🌚
مصطفي:شنوووووووو؟!😳
انا:مالك مخلوع كدا😂
مصطفي:بس انتي قلتي....خلاص انسي وقام مشي قعدت اضحك قلت دا مالو كمان😂
بعد شويه جات مهاد ومها وبعدها دخلنا المحاضره مره اليوم عاادي لم كنت راجعه البيت لقيت مصطفي ومحمد سلمت عليهم قلت لي مصطفي علفكره القبيل كان اخوي الكبير ماهر وكان مزعلني امبارح والليله الصباح رضاني بي 500ج😂
محمد:استغفر الله الحمدلله انا م اخوك😂
مصطفي: لالا تمام
انا:بس لو عايز تتعرف علي خطيبي بعرفك عليهو يوم ظابط يلا سلام👋
خليتهم ومشيت مصطفي بقي يفكر انا بتكلم جد ولا بهظر معاهم😐
المهم رجعت البيت فتحت تلفوني وختيت صورتي انا ومهند وكتبت ربنا يخليك لي ويجمعني بيك في النصيب لانه انت احلي قسمه ونصيب💜شويه وجاني طاير في غرفتي قال لي نصيب ي حيوانه انا اخوك😂م تحششي بي قدام صحباتك وضربني بالمخده😂قمت قلت ليهو ياخ يعني شنو لو كتبت كدا م انا بحبك قام نزل من السرير قال لي استغفر الله انتي مجنونه 😂قلت ليهو مجنونه في حبك بيبي😂قال لي لا الصراحه كدا اووفر😂قمت ضربتو بالمخده قلت ليهو غلطانه انا البحبك ي معولق طير للمتخلفه بتاعتك دي بس انشاءالله تعرسها م يبقي لعب اولاد😏قال لي اصبري بعرسها وبنشيل غرفتك دي لولدنا😉جدعتو تاني بالمخده وقلت ليهو تلد بقرره ي متخلف والله تحلم انك تشيلها😒قال لي لا يعني انتي ناويه تقعدي معانا لمتين😂قلت ليهو م دخلك ويلا من هنا😂👋طلعتوا برا ورجعت للتلفون اشوف التعليقات طبعا البنات كلهم انبرشو وحدين صدقو انه حبيبي والعارفين انه اخوي قالو انا جنيت😂ومصطفي قال لي ربنا يتم ليك علي خير🌚رديت ليهو اللهم امين وسكتنا علي كدا وكنت شايفاهو متصل بس م رسل لي ختيت التلفون ونمت😴
بعد شهر....
جاء ولد خالتي من كندا وهو دكتور جراحه جاء يعمل عمليات في الخرطوم ويرجع قام قعد معانا في البيت طبعا انا اول مره اشوفو يلا ماشاءالله تبارك الرحمن هو طول ولا سكسوكه وقوام ولون قمحي ورموشو غزيره وعيونو عسليه يعني دا بس الولد البتحلم بيهو اي بت🤤 اسمو فؤاد يلا هو جاء الصباح وماف زول كلمنا لا انا ولا نقاء انه في ولد جاي قمت اتصلت علي نقاء قال انها طالعه قلت ليها تمام نتلاقي في البيت واتقابلنا جنب الباب ودخلنا م لقينا زول في البيت دخلنا غرفنا وغيرنا ملابسنا نقاء شغلت الموسيقي باعلي صووت وقعدت ترقص في السرير وتنطط وفاكه شعرها😂قامت قالت لي انزلي تحت جيبي حاجه ناكلها وتعالي قلت ليها طيب وخليها في رقيصها داك 😂والولد كان نائم في غرفه مهند سمع صوت الموسيقي قام صحي ومشي يشوف جاي من وين لحد م وصل باب الغرفه فتح الباب لقي البت بترقص بقي واقف وبعاين ليها وفاتح خشمو مترين😂هي اتلفتت لقت الولد قدامها قامت صرخت حرررررررررررامي انا سمعتها تحت في المطبخ شلت لي حله كبيره وقلت ح اضربو بيها😂وهو بقي واقف وبقول ليها اهدي ي بت الناس انا م حرامي رووقي دقيقه افهمك وهي لسه بتصرخ قمت جيت بوراهو برراحه ونطيييت فوووق وضربتو في راسو لانه كان طويل😂الولد وقع فقد الوعي🙆جريت حضنت نقاء قامت قالت لي قتلتيهو قلت ليها م اظن قمنا قربنا منو وركزنا في ملامحو قالت لي دقيقه في حرامي مز كدا قلت ليها لو الحراميه كدا كل يوم يجونا😂قمت اتصلت علي مهند قلت ليهو انت وين قال لي جنب الباب فشنو قلت ليهو في حرامي في البيت جاء جاري لقي الولد واقع قعد يكورك دا شنو ي مجنونات دا م حرامي دا ولد خالتكم شالو ودخلو العربيه ونحن لبسنا عبايات ومشينا معاهوو واتصلنا علي امي وابوي وماهر كلهم جو المستشفي ومعاهم مزنه

امي قالت لي قتلتو ولد الناس قلت ليها ي ماما ماف زول قال لينا انه ولد خالتنا في البيت نعرف كيف نحن🙁بعد شويه الدكتور طلع وقال ماف شي خطير الضربه خفيفه واسي صحي ممكن ندخل ليهو دخلت ماما اول وبعدها نحن لقيناهو لافين ليهو راسو بي شاش ماما قعدت تبكي وتقول ليهو اعفي لي ي ولدي علي العملوهو فيك قال ليها لالا ي خالتي ماف داعي اصلا انا الغلطان وعاين لينا قام مهند قال ليهو اسي كيفك قال ليهو انا كويس بس شايف اختك اثنين😂قعدو يضحكو وهو مستغرب ديل مالهم 😂مهند قال ليهو بس هم اثنين😂قال ليهو كيف يعني😳قال ليهو دي نقاء ودي هبه 😂انا ونقاء قلنا بصوت واحد نحن تؤام😄سكت مسافه وقال لينا متاكدين😂ماهر قال ليهو اي متاكدين😂قال سبحان الله معقوله في شبه قدر دا قمنا جينا عليهو وقلت ليهو انا اسفه لانه ضربتك🙁ونقاء قالت ليهو وانا اسفه لانه صرخت 🙁قام قال لينا وانا اسف لانه دخلت غرفتكم بدون إذن 😊وسلمنا عليهو قام قال لينا دقيقه منو هبه ومنو نقاء لانه راسي ضرب😂ماهر قال ليهو ارتاح مع الايام بتعرف😂

#مكملتي
بقلمي/Haboya
8-
قمنا الصباح لبسنا ومشينا الجامعه قعدت تحت شجره وقافله معاي بكلووو💔جات مهاد ومحمد سلمو علي م رديت محمد طقطق لي باصبعو قال لي الشاغل بالك يتهني😉عاينت ليهم وما رديت مهاد مسكتني من كتفي وقالت لي هبه مالك؟! المزعلك منو؟! اتشكلتي مع وحده من اخواتك؟!ماهر شاكلك؟!مهند شغلها ليك من الصباح او زهجك؟! يلا اول م قالت مهند قعدت ابكي😭حضنتني وبقت تهدي فيني ي بت بسم الله مالك؟! بقيت ابكي زياده😭قلت ليها مهاااااد انا عايزه مهند😭قالت لي هو مشي وين؟!😳قلت ليها امبارح عمل حادث😭واسي في العنايه😭قالت لي طيب م تبكي هو كوويس🙁محمد قال لي ربنا يشفيهو وانتي ادعي بدل تتبكي وتتعاوري😐بعد مسافه جات مها وسالت انا مالي وقالو ليها اخوها راقد في المستشفي وجاء خالد برضو وحكو ليهو نفس الشي قام جاء مصطفي وحكو ليهو قام قال مش دا خطيبها مهاد قالت ليهو يولد خطيب منو دا اخوها😂قام قال لي طيب ارح قلت ليهو وين؟!قال لي نشوف اخوك لانه كدا انتي م حتفهمي اي شي في المحاضرات ح نمشي اسي ومهاد تسجل ليك المحاضره بس علي شرط تجي راجعه معاي تكملي باقي المحاضرات عادي وبعد تخلصي برجعك المستشفي اتفقنا؟! انا طوالي وقفت وقلت ليهو اي اتفقنا😃قمنا مشينا في الطريق قام قال لي هبه عليك الله م تبكي تاني🙁م رديت عليهو قام واصل كلامو...عايني انا جادي م تبكي تاني لانه انتي م شفتي روحك بتكوني حلوه كيف لم تبكي قمت ضحكت قال لي ي ساتر 😂وصلنا المستشفي قمت دخلت لقيتو حولو غرفه عاديه ومعاهو ماما بتقرا ليهو في قران وماهر مشي يجيب ادويه طلبوها منو مصطفي جاء سلم علي امي وقال ليها ربنا يشفيهو وبقي يتكلم معاها انا مشيت لي مهند بستو في راسوو واتكلمت معاهو بس م كان برد😢كنت ح ابكي بس اتذكرت كلام نقاء وعاينت لي ماما ومشيت حضنتها جاء مصطفي وقال لي يلا نرجع بعد كدا لانه زمن محاضرتك قرب ماما شكرتو وطلعنا رجعنا الجامعه قال لي كدا خلاص ارتحتي قلت ليهو امممم قال لي يلا علي محاضرتك وبعد تخلصي اديني تلفون طيب قلت ليهو طيب ومشيت دخلت المحاضره وكانت اخر وحده بعدها طلعت م اتصلت علي مصطفي مشيت قعدت في الكافتريا بعد نص ساعه مصطفي اتصل علي قال لي ي بت وين انتي قلت ليهو في الكافتريا قال لي طيب جاء قال لي يلا ارح قلت ليهو وين قال لي انا متاكد من امبارح م اكلتي قومي معاي قلت ليهو م عندي نفس قال لي هبه قومي عشان زمن الزياره قرب طوالي قمت مشينا مطعم طلب اكل ابيت اكل قلت ليهو اكل انت قام قال لي افتحي خشمك سريع قلت ليهو بس...طوالي دخل لي اللقمه في خشمي وبقي ياكل فيني لحد م خلصنا وبعدها وصلني المستشفي وقال لي خلي بالك من نفسك ومشي وانا دخلت لقيتهم كلهم قاعدين ومهند صحي اول م دخلت قال لي مزتي وينك ياخ طوالي جريت حضنتو قال لي ااخ براحه ياخ😂قلت ليهو انت م حتبطل هظارك البايخ دا😢قال لي معليش حقك علي 😂قعدنا لحد المساء وجاء الدكتور قال بكره بخرجوه.
........................
-ي ماما كلها خمسه سنه واجي راجع🙁
=قلت ليك لا يعني لا😒
-بابا قول حاجه ياخ اقنعها انا عايز اكون نفسي😐
-تكون نفسك من 18 سنه ليه اصلو شنو بس الله يجازي الكانت السبب😒
=ي ماما م تقولي كدا ياخ انا بحبها ولو بقيت قاعد هنا م حاتزوجها ابدا عشان كدا خليني اسافر بلييييييييييز🙁
(طبعا دا كان مصطفي وامو وابوهو قال عايز يسافر استراليا لي عمو يقرا هناك وفي نفس الوقت يشتغل معاهو في الشركه حقتو عندو شركه حقت ماركه من الملابس والاحذيه.ودا كلو بعملو عشان بحب وحده وعايزها بس امو رافضه الفكره دي وهو بحاول يقنع فيها بعد تعب وكلام كتير من ابو مصطفي ومن مصطفي حتي اقتنعت وقالت ليهو خلاص سافر المهم سفرو كان بعد اسبوع).
تاني يووم بعد مهند طلع بابا قال ح يعمل كرامه لي سلامتو وكدا قمت اتصلت علي شلتي مكالمه جماعيه وقلت ليهم لازم تجوو وقالو ح يجو كلهم يلا البيت كان مزحوم شديد لانه معانا جيرانا وقرايبنا كلهم والحته جايطه وانا نازله من السلم بسرعه ضربت فؤاد قلت ليهو اخخ معليش م قصدي رد لي لالا ولا يهمك عايزه امشي وقفني دقيقه انتي هبه ولا نقاء؟!😂قلت ليهو انت عايز منو قال لي عايز نقاء قلت ليهو انا نقاء زاتي 😂 قال لي طيب اديني حاجه افرزك بيها😕 قلت ليهو لا وجريت خليتو لاقتني نقاء وحكيت ليها وقعدت تضحك بعدها مها ومهاد وصلو وبعد مسافه وصلو محمد وخالد كمان سلمت عليهم وسالتهم من مصطفي قالو م عارفين انتظرناهو زي نص الساعه كدا قام جاء وكنا قاعدين في الحديقه في جلسه كدا قام مصطفي قال لي هي انا عايز اقول ليكم حاجه بقينا كلنا منتبهين معاهو قام قال انا خليت الجامعه قمت وقفت وقلت بصوت عالي كييييف يعني😳نفس الحركه العملتها في المطعم😂مهاد جرتني قالت لي ي زفت ابردي ياخ وقعدو يضحكو قام مصطفي قال انا مسافر قبل م يتم كلامو خالد قال لي هبه اهدي عليك الله خليهو يخلص بعدين انفعلي قلت ليهو طيب😒مصطفي واصل ح امشي ادرس في استراليا مع عمي وما ح ارجع السودان الا بعد اخلص قمت قلت ليهو

بتخلص متين؟! قال لي علي حسب احتمال خمسه سنه واحتمال سته تاني سالتو ومسافر متين؟! رد لي بعد اسبوع كدا انشاءالله
خالد: والله يا صحبي ايامك ربنا يوفقك💜
محمد: استراليا عديل كدا م كان تسوقنا معاك😂
مها: عاين بعدين عرس لي واحد من اصحابك الاستراليين😂
مهاد : اما انا عايزه عمك عديل كدا😂
خالد : انا زاتي لو في طريقه عايز عمك دا😂
محمد : بعدين رسل لينا صور المزز المعاك🤤
مصطفي :طيب تمام م عندكم اي مشكله😂انا زعلت شديد انه مسافر ما عرفت سبب زعلي شنو تاني قلت ي هبه مالك ومالو دي حياتو وهو حر قطع تفكيري صوت ماهر الكان جاي علينا وسلم علي اصحابي ورحب بيهم وشكرهم لانهم جو وتاني جات ماما برضو
فاطمه(ماما): والله ي ماهر الولد الاسمو مصطفي دا ماشاءالله تبارك الرحمن ولد ماف منو👌قبل كم يوم جاب هبه المستشفي عشان تشوف اخوها ورجعها معاهو ربنا يحفظك ويوفقك مصطفي باس راسها وقال ليها اللهم امين دعواتك بس 💜ماهر سلم عليهو وقال ليهو اتشرفنا وبتمني تزورنا تاني🤝نط خالد قال ليهم لا نحن نبقي مصطفي ولا شنو😂ماما قالت ليهو لالا يولدي انتو زاتكم ربنا يحفظكم ويوفقكم وعليكم الله زورونا كتير باس ليها يدها وقال ليها انشاءالله💜ماما وماهر مشو بعدها مهاد قالت لي م دايره تعرفينا علي اخواتك قلت ليها طبعا اصلا فضل وحده بس الما عرفتوها مشيت وجيت راجعه معاي مزنه ونقاء وطبعا كالعاده انا ونقاء لابسين زي بعض😂مهاد قالت لي تصدقي ي هبه غلطانه انا القلت ليك عايزه اعرفهم😐قعدنا نضحك😂قلت ليهم المهم طبعا تؤامي دي عرفتوها صح اما التانيه دي بتكون الدلوعه مزنه🌚مزنه عاينت ليهم وقالت ليهم هاااي قايز👋سلمت عليهم خالد سلم عليها وقال ليها اتشرفنا بالقمر🤤ومحمد قال ليها اخيرا شفنا الحلوو😉مصطفي قال ليها معقوله القميلة المنعنعة دي اخت الشينات ديل 😂قالت ليهو قالو كدا🙈قعدنا نضحك فيها بعدها مشيت اتعرفت علي شله نقاء كمان وكانو ظريفين ولميت الشلتين مع بعض😂ومعاهم صحبات مزنه واتونسنا وضحكنا وكانت لمه حلوه شديد ومتعب في نفس الوقت لحد م انتهي اليوم واي زول رجع بيتو😴

#مكملتي
بقلمي/Haboya
9-
نقاء: هبه قومي ي بت انتي الليله م ماشه الجامعه ولا شنو ي بت قلت ليك قوووووومي
فاطمه:البت دي لسه م قامت؟!
نقاء:لا لسه ي ماما🙁
فاطمه:ي بت هبه قوومي سريع😡
هبه(انا):ياخ خلوني انوووم😴
فاطمه:طييب بنخليك😒ي مااااااااهر🗣
هبه:اوووو شت لا ي ماما خلاص قمت والله قمت اقسوم بالله قمت🙆وجريت جري دخلت الحمام😂طبعا اي شي ولا هتلر دا🙂المهم قمت وجهزت للجامعه وانا نازله لاقاني فؤاد
فؤاد:علي وين يا جميل ؟!
هبه:ماشه الجامعه يا عيون الجميل😂
فؤاد:طيب اوصلك في طريقي؟!
هبه:اوك يلا(طلعت معاهو عشان يوصلني)
فؤاد:انتي طبيعي لم تطلعي للجامعه بتطلعي مزه كدا؟!😉
هبه:افهم شنو انا من الكلام دا؟!😂
فؤاد:انتي فهمتي شنو؟!😂
هبه:فهمت انك عايز تحنك معاي🌚
فؤاد:والله انا خائف اختار وحده منكم وبعدين اعرس اختها😂
هبه:يعني انت للان م فرزت بينا😂
فؤاد:والله يعني مرات مرات😂
هبه:طيب اسي انا منو هبه ولا نقاء🌚
فؤاد:اممممم هبه لالا نقاء لالا دقيقه😐
هبه:😂😂😂😂😂😂
فؤاد:هووي م تضحكي😐
هبه:بس انت مجنون ياخ😂
فؤاد:وانتي حلوه🌚
هبه:سووق سريع اتاخرت انا🙈
فؤاد:فديت الخجوول😂
هبه:اخرس ياخ😂
فؤاد:كويس😂
وصلت الجامعه وقلت ليهو شكرا ودخلت قابلت مصطفي قال لي هبه انا مسافر بعد يومين💔
هبه:طيب بترجع متين؟!
مصطفي:بعد خمسه سنه تقريبا💔
هبه:خمسه سنه دي م كتيره شويه😢
مصطفي:كتيره شديد بس مجبور والله😔
هبه:طيب اخر يومين ديل انا ح اخليهم احلي ايام حياتك😍
مصطفي:كوويس بنشووف😂💜
قررنا انه الومين ديل ماف جامعه ح نقضيهم مع مصطفي قمنا طلعنا كلنا مشينا شارع النيل قعدنا قدام البحر نتونس ونضحك ومحمد كان عندو كاميرا اتصورنا بيها صور كتيييييره ولفينا الخرطوم دي كلها😂كلو عشان خاطر صفصف🌚بعدها مصطفي سافر وخلانا😢💔ورجعنا لي حياتنا الطبيعيه😴وفؤاد بقي قريب مننا شديد وانا كنت معجبه بيهو😍بس نقاء كانت بتحبو💔يعني انا وتؤام روحي عايزين زول واحد😪لحد ما سافر
.......................
وفي يوم من الصباح جاء مهند ناطي فيني هبببببببه قوووومي يلا سريع🗣مهند في شنو ياخ خليني في حالي😤قومي ي زفت انا عايز اعرفك اخيرا علي مزتي عشان بعد اسبوع عايز اخطبها💜ياخ انت ومزتك قوو تو هيل😒يهلهل ضروسك قووومي ي زفت🐸ياخ خلاص قمت دا شنو المعاط دا☺اي يلا سريع عشان اتاخرت😍يلا شفت عايز تستعجل وتشبكني اتاخرت برجع انوم😒ياخ خلاص خلاص بس ارح دي شنو دي ياخ 🐸وطلع خلاني دخلت جهزت لبست بنطلون وقميص ورفعت شعري لفووق وطلعت
...........................
في مكان تاني بعيييييد
ماسك صوره في يدو وبعاين لي ملامحها وضحكتها والبراءه الظاهره في عيونها وبقول لي نفسو عشانها انت هنا عشان تكون معاها لازم تخلص من هنا سريع عشان ترجع ليها باسرع وقت ممكن قام مسك تلفونو ورسل ليها رساله في الواتس سلام عليكم...ردت بعد مسافه وعليكم السلام😍
مصطفي:هبويه كيفك؟!
هبه:بخير الحمدلله وانت؟!طبعا مشتاقين شوق خرررافي😻
مصطفي:ياخ والله كتير الشوق💜كيفك انتي وكيف مع الجامعه والشله كلها💗
هبه:والله كلهم تمام فاقدنك بس💔
مصطفي:ما تفقدي عزيز يا روتمتهبه:اها مزز استراليا كيف😉
مصطفي مع نفسه(انا ما شايف غيرك لكن)
مصطفي:مزز شنو ياخ هو انا فاضي😂
هبه:عاين ي مصطفى انا برا البيت لم ارجع نحكي عليك تمام
مصطفي:طيب تمام
مشينا انا ومهند للبت في مطعم قعدنا قلت ليهو اها وينها زفتتك دي☺قال لي والله ح تحبيها بس ابردي انتي😂قلت ليهو طيب🐸انتظرنا البت سماعه كاااامله بعدها جات وحده لابسه ليها بنطلون وبلوزه وفاكه شعرها والبت عامله زي عارضات الازياء🐸جات سلمت علي مهند بالاحضان😑وجات سلمت علي بطرف يدها😒
مهند:طبعا ي شيراز دي اختي هبوويه ويا حب دي شيرازو 😍
شيراز:ياااي دي اختك انا بحب الاطفال جدددن😒(البت دي غبيه😑)
هبه:انا ما طفله لو سمحتي😒
شيراز:for ever 🙄واتلفتت علي مهند يا هنوود انا جعانه يلا نطلب لانه عندي مشوار
مهند:طيب هبوويه عايزه شنو؟!
شيراز:انت جادي بتطلب رايها جيب ليها اي شي وخلصنا🙄
هبه:عاينب انتي ما دخلك😒
شيراز:ي بت انتي هبله ولا شنو🙄
مهند:خلاص انتي وهي بطلو عواره👋
شيراز:انت ما شايفها بتقل في ادبها كيف
مهند:شيراز لو سمحتي كفايه😤
شيراز:طيب اسفه😢
مهند:ما يهمك يا حب عاينو انا ماشي وجاي اتعرفو علي بعض اكتر وحالو ما تتشكلو😒
شيراز:اكيد بيبي هبوويه زي اختي😻
مهند مشي وخلاني مع الغبيه دي😑انا طوالي شلت تلفوني ولا اشتغلت بيها🙄
شيراز:هي انتي😒ما رديت عليها لانه كنت مركبه سماعتي قامت جرت مني السماعه😑
شيراز:انتي ي غبيه انا بتكلم معاك😒
هبه:ياخ انتي متخلفه منتي ح تقطعيها😑
شيراز:عايني انا تعبت كتير لحد م وصلت لمهند وما ح اخلي شافعه غبيه زيك تضيع تعبي في الفاضي عشان كدا احسن ليك ولي نكون متفقين عشان ما اعمل حاجه ما تعجبك
هبه:يلا اطمنك ي بيبي مهند ما ح يعرس وحده ما عاجباني وطبعا انتي عارفه راي فيك عشان كدا احسن تتشايليها بكرامتك
شيراز:قالت لي طييب

بتشوفي ي متخلفه انتي وقامت مشت طبعا ولا اشتغلت بيها مهند جاء ولقاها ماف
مهند: هبه شيراز وينها😐
هبه:ما عارفه مشت ولحسن زاتو انها مشت🙄
مهند:اتشكلتي معاها صح😒
هبه:ابدا براها قامت مشت😑مهند اتصل عليها بس ما ردت قلت ليهو عليك الله انسانا منها ارح جيب الاكل دا انا جعانه🐸
اكلنا ورجعنا البيت🌚👋

#مكملتي
بقلمي/Haboya
10–
بعد كم يوم مهند بقي يتاخر في الرجعه ودايما ما مركز مره جاء متاخر وانا كنت تحت مشيت اشرب مويه هو جاء داخل وعيونو محمره وحالتو حاله😐
هبه:مهند انت كويس؟!
مهند:اي كويس كويس بس...وقام وقع في الارض انا بقيت اكورك باعلي صوت مهند ي مهند قوم😭ماااااااما الحقيني ي باباا ياخ وينكم مااااهر😭شويه وكلهم نزلوا
فاطمه:سجمي ولدي مالو مهند ي مهند😭شالوهو وودهو المستشفي بعد ساعه جاء الدكتور قال لينا انه شارب جرعه كحول زايده وجسمو ما استحمل طوالي نطيت في وشو قلت ليهو انت مجنون كحول شنو اختي ما بتاع حاجات زي دي اي نعم هو طايش وبتاع لعب بس م ممكن يصل للمرحله دي😠
ماهر:هبه قفلي خشمك دا 😑
هبه:بس ي ماهر مهند مستحيل يعمل كدا😢
ماهر:يعني الدكتور بكذب😒اصلا انا ماشي وراي شغل بكره ما فاضي ليهو🙄
هبه:ماهر اخوك تعبان وانت همك في الشغل😢
ماهر:لو ما كان مدمن ما كان تعب☺يلا سلام
قام مشي وبابا مشي يدفع وانا ببكي وبقول لي نقاء اخوي م مدمن في زول لعب عليهو اخوي ما كدا 😭نقاء حاولت تهديني رغم انها هي عايزه زول يهديها😢بقينا قاعدين في المستشفي لحد الصباح قمت دخلت ليهو لقيتو صاحي قربت منو وقلت ليهو مهند انا مش فردتك😢
مهند:اكيد ي مزتي
هبه:طيب ليه ما وريتني انك بتتعاطي 😢
مهند:بتعاطي شنو كمان😳
هبه:مخدرات😢
مهند:هبه انتي جنيتي مخدرات شنو كمان😒
هبه:عاين انا ما شافعه كان ممكن توريني عادي🙄
مهند:هبه والله ما عارف انتي بتتكلمي عن شنو😑
هبه:الدكتور قال انك ماخد جرعه زايده من المخدرات و جسمك ما استحمل😤امس كنت وين انت😒
مهند:كنت مع شيراز 😳
هبه:معناها دي البت الحيه دي اكيد كانت بتخت ليك المخدرات في اكلك وشرابك😑والله م اخليها😤
مهند:ي بت مخدرات شنو كمان البتختها شيراز😐
هبه:انت استني وشوف 🙂
لحد الساعه 10كدا شيراز جات المستشفي قمت كلمت نقاء واني شاكه في شيراز وقالت انها ح تساعدني عشان نكشفها قامت شيراز جات ودخلت ليهو سلمت عليهو وقالت ماشه تجيب ليهو قهوه قمت انا لحقتها ووقفتها قلت ليها عايزه تختي ليهو شنو في القهوه🙂
شيراز:عايني انا ما فاضيه ليك ابعدي🙄
هبه:لا فاضيه لي وانا قلت ليك ابعدي من مهند🙂
شيراز:وانا قلت ليك ما ح ابعد عارفه لي لانه هو بقي مدمني او حرفيا كدا مدمن المخدرات البديها ليهو وقعدت تضحك باعلي صوت😑
هبه:يعني دي انتي العايزه تدمر حياته قامت قالت لي اي عشان اندمك علي اليوم الاتكلمي فيهو معاي بالاسلوب دا يلا باي عندي مخدرات عايزه اديها ليهو اقصد قهوه وتاني قعدت تضحك 😑ومشت انا جريت لي نقاء
هبه:اها صورتي؟!
نقاء:اي طبعا صوت وصوره😚
هبه:ياخ احبك انا😂❤
نقاء:يلا ارح نوري ليهم قلت ليها دقيقه اتصلي علي ماهر خلي يجي يشوف الحقيقه بنفسه🙂
نقاء:طيب
المهم قمنا لمينا العائله كلها في غرفه مهند ماما قالت لينا ي بنات في شنو قلت ليها صبر خلي المدام تجي🙄
ماهر:مدام منو كمان🙂
في اللحظه دي شيراز جات داخله ولقيتنا كلنا قاعدين دخلت توووووش وقالت هااي طبعا ي هنو جبت ليك احلي قهوه وماشه توديها ليهو قمت مسكتها قلت ليها دقيقه ي اللخت 🙄وشلت منها كبايه القهوه وقلت لي نقاء شغلي الفيديو نقاء وصلت تلفونها في الشاشه اللي في الغرفة وشغلت الفيديو مهند بقي مصدوم بالشافو وهي كانت عايزه تجري ماهر مسكها من شعرها وجراها ووقعها في الارض وبقي يكورك فيها
ماهر:انتي ح تندمي علي اليوم العرفتينا فيهو والله الليله اقتلك هنا في مكانك انتي حيوانه ولا شنو ومسكها تاني من شعرها ووقفها وهي تتبكي جات ماما طااااخ لصقت ليها كف من الموووت😂انا اتصلت علي الشرطه وجو ساقوها وماهر رفع فيها قضيه وهنا مهند قالو ح يسفروهو كندا للعلاج لانه جسمو بدا يتمرد لانه اتعود علي المخدرات انا قعدت تبكي لانه مره قريت انه علاج المدمنين صعب شديد بس هو طمني وقال لي انه ح يكون كويس😢💗المهم مهند سافر ولاقاهو فؤاد وانا بقيت طوالي زهجانه وما بتكلم كتير😪
#نتلاقي

#مكملتي
بقلمي/Haboya
11-
مرت سبعه شهور ومهند جاء راجع وعملنا حفلة كبيره وكنا مبسوطين شديد واحلي شي انه جاء معاهو فؤاد جاي يشتغل دكتور في الجامعه وكمان جامعه نقاء بعد اسبوع نزل شغل اول ما دخل القاعه نقاء انبسطت شديد يلا وتعال شوف التعليقات ما تديك الدرب وحده قالت وااي دا سمح كدا مالو زي الشارد من الجنه😍 وحده تانيه قالت دا فطموه بنوتيلا😋وفي ولد قال ليهو ي دكتور م بتعرس اولاد😂الدفعه كلها قعدت تضحك بس نقاء اتغاظت شديد او حرفيا كدا الغيره اتملكتها😴اما فؤاد قعد يضحك معاهم وعرفهم بنفسه وحبوهو شديد وبعد خلصت المحاضره طلع ونقاء كانت راجعه البيت قام لقاها جنب البوابه وقف ليها بالعربيه وهي ركبت قال ليها الليله مالك كنتي هاديه كدا
نقاء:كيف يعني هاديه؟!
فؤاد:يعني القاعه كلها كانت بتتونس وتضحك معاي وانتي اكتفيتي بانك تعايني بسكات😐
نقاء:عادي يعني م موضوع خطير🙂
فؤاد:امم طيب تحبي ناكل في مكان بعدين نرجع البيت؟!🌚
نقاء:لا تعبانه انا عايزه ارتاح🙂
فؤاد: اوك راحتك يقميل🌚❤
بعد وصلو البيت انا كنت قاعده في الصاله بحضر وشايله شبس باكل فيهو جات نقاء مكرفسه وشها 😂
هبه:وشك دا بقع منك🐸
نقاء:يقع راسك مشغلتك بيهو😑
هبه:هيي ريلاكس فشنو هايجه كدا😐
نقاء:ماف شي تعبانه بس ماشه انوم ماف زول يدخل لي في غرفتي😤
هبه:اوك راحتك يقميل بس اعملي حسابك غرفتك م تتحرق 😐
فؤاد جاء داخل:شنو الح يتحرق؟!😐
هبه:حرفيا كدا نقاء😂
فؤاد:كيييف يعني؟!
هبه:م عارفه والله منفسنه شكلها🙄
فؤاد:الجن ولا النفسيات😂
هبه:بالجد😂
فؤاد:طبعا بقيت افرز بينكم😌
هبه:عنجد😂طيب مع الايام بنعرف🌚💅
وبعدها اتونس معاي كتير ومشي💜شلت تلفوني لقيت مصطفي مرسل لي
مصطفي:هبويه والله مشتاقين😭❤
هبه:كتيير الشووق والله😢❤
مصطفي:كيفك وكيف صحتك؟!❤
هبه:الحمدلله بخير وانت؟!
مصطفي:الحمدلله بس مضغووط مع الجامعه والشغل 😟
هبه:وااي يحليلك🤦🏻‍♀م تتعب نفسك واكل كوويس عشان تقدر تشتغل وما تمرض😕
مصطفي: انشاءالله بس الجو مغير معاي شوويه☹
هبه: اي عشان م متعود لكن تاني ح تتعود🌚
مصطفي:اي انشاءالله♥هبه ممكن اسالك سؤال🌚
هبه:اسعل ي توفي🌚
مصطفي:توفي محمود عبدالعزيز🐸💔
هبه: قرقرقرقر زريف🐸👋🏽
مصطفي:عارف ي بيبي😌المهم نرجع للسؤال🌚
هبه:اها ارجع😹
مصطفي: انتي مرتبطه ولا في ولد في حياتك؟!🌚
هبه:دا شنو السؤال دا😹
مصطفي:ياخ جاوبي بس😑
هبه:لا م مرتبطه ولا بحب لانه اي ولد بشوفني شافعه وما بعرف في امور الحب والهباله دي😹👋🏽
مصطفي:انشاءالله عمرك م تعرفي🐸💜
هبه:ليه الحقد الدفين دا🐸💦
مصطفي:كدا بس ي زوله😌👋🏽
هبه:غبي حيوان🐸💦
مصطفي:وااي اخجل🙈
هبه:اللهم لا تعولقنا😹
مصطفي:امين😹
بعدها قفلت داتا ومشيت المطبخ لقيت مهند خالط بكلووو😂
هبه:انت م بتوب من البنات ديل😒
مهند:لالا دي صحبتي ياخ😂
هبه:اي الليله صحبتك وبكره حبيبتك😒
مهند:خلاص امشي بنتكلم في الموضوع دا بعدين🌚✋
هبه:وانا اقدر افوووتك يقميل انت يمنعنع🤤💜
مهند: اختيني عليك الله😂✋
هبه:ابييييت بس معاك😂
مهند:بيبو انا م عاوز عواره شفع ياخ😑
هبه:بث انا احبت😂(يداب كدا عواره الشفع بدت😂✋)
مهند:ي الله ياخ بطلي هباله😑
هبه:تدفع كم🌚
مهند:بيبو انا بديك كف اغير ترتيب وشكك😒
هبه:طيب اديني اتكلم معاها عشان امشي🐸
مهند:ي ربي انا ابيت واها قفلتو زاتو طيري من وشي😤
هبه:طيب عاوزه اعمل نسكافيه عاوز؟!🌚
مهند:اي عاوز
هبه:ابيت😂(انا لو مكانو كنت قبيل خنقتها🌚✋)
مهند:زحي من وشي احسن🙂
هبه:خلاص ماشه م تكرفس وشكك الشين دا😂
منهد:هيي وتاني هيي انا اجمل زول فيكم😓
هبه:كويس يقميل انت😂ونكشت ليهو شعرو وجريت😂
(حرفيا الاخوان احلي حاجه في الدنيا😴🖤)
لقيت نقاء بتتكلم براها زي المجنونه😂
نقاء:يعني م لقو دكتور غيرو وهو كمان الغبي يضحك ويهظر معاهم طيب اسي لو وحده عجبتو انا امشي وين لالالا بعد دا لازم يعرف بس يعرف كيف هو شايفك زي اختو واحتمال لا لكن هو.....قمت قاطعتها
انا:منو هو🙄
نقاء:ولا زول انسي
انا:انتي من متين بتخبي عني اها احكي دا منو🙂
نقاء:فؤاد🙇
انا:wtf بتحبي بوراي🙆
نقاء:اولا اتلفظي😒+م بحب بوراك بس م وريتك لانه م عارفه هو بحس بشنوو اتجاهي
انا: طيب وريهو مشاعرك عشان يوريك مشاعرو🌚
نقاء:اظن انك غبيه ولا حاجه🙄
انا: لا بالجد ي نقانق اسمعيني انتي اعترفي ليهو م خسرانه حاجه والله
نقاء:ولو رفض😢
انا:ح اقتلو بيدي😒امزح لانه مستحيل يرفض قمر زيكك🌚💜
نقاء:نننن صدقت😂
انا:ننن لازم😂

#مكملتي
بقلمي/Haboya
12-
صحيت من النوم بعد كواريك من نقانق😂دخلت استحميت ولبست ملابسي كان مجهزاهم لي نقاء💙قلت ليكم البت دي بدونها بضيع🙇💜طلعت لي بنطلون اسود وقميص بزرائر مربعات ولا زي م بنقول كاروهات😂ابيض باسود واكمامو شويه قصيره واسبوورت ابيض وطرحه كبديه وكاب ابيض 🖤م تستغربو بحب البس كابات لانه م بلبس طرحه يعني بتكون في كتفي اغلب الوقت😂المهم عملت ميكب خفيف وطلعت مع مهند
وصلت الجامعه فتحت التلفون عشان اضرب لي مهاد اشوفها وين قمت ضربت ولد مسكت الكاب بتاعي وقلت ليهو الاستاذ اعمي ولا حاجه لم عاينت ليهو لقيتو لابس بنطلون اسود وقميص نفس حقي بس رجالي وكاب ابيض😂
الولد:كان ناقصني شالك الكبدي دا بس😂
انا: دي طرحه اولا شي😒
الولد:الطرحه بختوها في الراس م الكتف 🐸✋
انا:شكلك بتاع طرح😏
الولد:ي بت قومي لفي😒
انا:يلف وشك اختاني😒ومشيت خليتو
الولد:دي منو الما انبرشت في احمد دي🤔
يلا تعالو نعرف احمد الما انبرشت فيهو دا😂
احمد عبدالرحمن بقرا سنه ثالثه مختبرات طويل اسمر عيونو كحيله ولونها بني رموشو غزيره وشعرو كتير بس م شديد ملتحي وعندو عضلات جسمو رياضي شديد من اغنياء الجامعه عربيتو فيراري عندها محل خااص بختها فيهو لدرجه بغسلوها ليهو(احيي يالطيف😂🖤)
مشيت الكفتريا لقيت الشله كلها قاعده
خالد:والله ي هبه من بعيد كنت قايلك جعفر بتاع الدكان🐸✋
مهاد:بالجد ي هبه دا شنو الليله😂
انا:عاينو زمان كنت محترماكم وبلبس لبس كوويس لكن خلاص زهجت من لبس البنات دا😒ياخ بلبسو حاجات كتيره🙄
محمد:والله من ناحيه كعب لبسك م كعب ولا شااذ🌚
انا:شفتو يلا هسس ولا كلمه😓✋
مها:خلاص بطلو عولاق يلا المحاضره بعد دا ح تبدا🙄
محمد:امشو براكم م ماشي انا🐸✋
انا:وليه م ماشي يحلو😒
محمد:ماشي اشوف لي مزه اخلطها اصلا م عندي مزاج للمحاضره😴
انا:محمد امشي قدامي احسن😒
خالد:والله انا بقول حفظا ع سلامتك يعني احسن تمشي بادب😂
محمد:خلاص طاير ياخ غبيه دي😒
محمد مشي القاعه بتاعتو لانه ما معانا في نفس التخصص ونحن دخلنا حقتنا خلصنا من المحاضره جيت طالعه ضربت نفس الولد القبيل😂
انا:لا انت اكيد عميان😤
احمد:اسي الضرب التاني منو🙄
انا:ياخ خلاص زح من وشي😤
احمد:ولو م زحيت🌚
خالد:فشنو ي استاذ🙄
احمد:والله ماف شي بس الاخت كل م اشوفها تضربني عايز اعرف هي مالها🐸✋
انا:هو اعمي م بشوف🙄
احمد:عايني والله انا م بتاع مشاكل ولا بحب المشاكل عشان كدا اتجاوزي🙂
انا عاينت ليهو ومشيت😒
رجعنا كملنا باقي المحاضرات ورجعنا البيت طوالي نمت😴صحيت المساء فتحت تلفوني لقيت مصطفي مرسل لي ي بت وين انتي الليله؟!
انا:مع الجامعه والله😢
مصطفي:اها بالتوفيق انشاءالله💙
انا:انشاءالله جمعا ي رب💜
مصطفي:كيف كان يومك الليله؟!
انا:الحمدلله بس كان في واحد حيوان خلاص😒
مصطفي:منو دا😕
انا حكيت ليهو كل الحصل
مصطفي:دا حيووان ولا شنووو😠
انا:خلاص م حصل حاجه🌚
مصطفي:تاني اووعك تتكلمي معاهو😤
انا:طيب اسي انت مالك زعلان😂
مصطفي انتبه ع نفسه:لالا ماف شي
جات مزنه داخله الغرفه🚶
مزنه:هبه التشيرت الكبدي حقي وينو😤
انا:تشيرت شنو ي بت😐
مزنه:م تعملي فيها غبيه اصلا غيرك ماف زول بشيل هدومي🙄
انا:نقاء بتشيل امشي شوفيها احتمال لخبطي بينا🌚
مزنه:نقاء بتستاذن م زيكك😑
انا:ياخ م عارفه م تمعطيني😒
مزنه:طيب لم اكلم ماهر بتعرفي المعط كوويس🚶وقامت طلعت انا طوووالي لحقتها😂🏃
انا:مزنه استني🏃
مزنه:ابيت😤ومشت دقت لي ماهر باب الغرفه
ماهر:اتفضل
مزنه:ماهر ياخ هبه دي كرهتني بشيل هدومي بدون م تكلمني يعني عشان اكبر مني تحقر بي اي شي ع كيفها😭😭وقعدت تبكي(اسي الببكي شنو😂)
ماهر:ي بت م تبكي انا اسي بتصرف معاها🚶
وطلع بقي يكورك هبببه ي زفت😤
انا في غرفتي من سمعت الكواريك وقفت طووالي الليله كتمت فيكك ي هبه😐
مااهر:هببببببه اصليني سريع😠
قمت طلعت ليهوو لقيت مزنه واقفه بي وراهو
انا: نعمم😕
ماهر:نعامه تزوزي بيكك مالك مع البت دي😤
انا:مالي😕
ماهر:بتشيلي حاجاتها لييه عايني انا م بحب الكلام الكتير بس تاني كان مززنه دي اشتكت منك ما ح يحصل خير فاهمه ولا لا😠
انا:فاهمه😔
ماهر:يلا طيري من وشي حيوانه😤
انا مشيت غرفتي وشلت التشيرت حقها ومشيت رميتو ليها في وشها وجيت😑
نقاء اتصلت ع فؤاد:الو فؤاد كييفك؟!
فؤاد:اوو نقانق تمام والله خير انشاءالله
نقاء:لالا ماف شي بس كنت عاوزه اشوفك وين لانه اتاخرت وكدا
فؤاد:الساعه ٩ ي بت لسه الوقت بدري
نقاء:اي عارفه بس انا عاوزاك في موضوع
فؤاد:خير انشاءالله
نقاء:لالا خير بس ارجع البيت سريع
فؤاد:طيب مسافه الطريق بس
فؤاد خاف انه نقاء تكون حاصله ليها حاجه وصل سريع البيت لقي نقاء مرسله ليهو تعال الحديقه الخلفيه مشي بدون تردد لقاها واقفه بتسقي زهور
فؤاد:نقاء انتي كووويسه؟!😕اتلفتت عليهو وطوالي ركعت ع ركبتها (الحركه بتاعت الاولاد ديك لم يكون عاوز يتقدم للبت عرفتوها🌚😂)ومدت ليهو ساعه لونها اسود
فؤاد:بسم الله ي بت فشنو😐
نقاء:انا بحبك وتعبت من البن

ات الحوليك الفي الجامعه وعاوزاك تعرف الفي قلبي ي فؤاد انا بحبك ياخ بعشقك عديل❤
فؤاد:بس ي نقاء.....قامت قاطعتو
نقاء:بدون بس لو في وحده في حياتك قوول عادي💔

#مكملتي
بقلمي/Haboya
13-
#لم استطع الانتظار حتي تاتي وتعترف لي بحبك💙فانا يثور غضبي عندما تحادثك احد الطالبات بحجه الدرس💙اريدك ان تعلم انك لي وحدي ولا يحق لهن العبث باشيائي ولهذا اتيت واخبرتك كل م في قلبي ويبقي السؤال هل ما تشعر به هو نفس الذي اشعر به💙#نقاء



فؤاد قعد يضحك 😂😂😂😂
نقاء:م تضحك ياخ انا جاده😭
فؤاد:والله اول مره اشوف بت بتعترف لولد بالطريقه دي😂
نقاء:لانه زهجت ياخ انت مكتبك دا م بفضي من البنات وانت تتونس معاهم وتضحك😭
قام مسكها من اكتافها وقومها وخلاها تقيف وشال منها الساعه وبقي يعاين ليها جوه عيونها البقت شبه مليانه دموع🥺
فؤاد:بس صدقيني ماف واحده منهم ملت عيني غيرك وما شايف غيرك وقلبي ما فيهو غيرك وما بتكيف واكون مبسوط مع غيرك وانتي لو انتظرتي شوويه بس كنت جاي اتقدم ليك بس انتي سبقتي الاحداث ي مجنونه😹 بس انا بموووت في جنك دا في اللحظه دي دموعها نزلت مسحها ليها وقال ليها اسي انتي بتبكي مالك وقام احتواها بي يدينو وهي كانت قصيره شديد فكانت كلها في حضنو
(اعزائي السناقل ناسف لهذا المقطع المؤلم الله في🙂💔)بعد مسافه حست ع روحها طوالي زحت منو وجرت دخلت البيت فجاء لاقتني وطااااخ اضربنا انا بقيت ماسكه راسي
انا:ي زفت جاريه كدا مالك ساقيك كلب🤦🏽‍♀
نقاء:سوري سوري🙁
انا:سوري ولا مصري نييهااااو🐸
نقاء:متخلفه😂😂
انا:ثانكس بيبي اها احكي فشنو🌚
نقاء:بالنسبه لشنو🌚
انا:بالنسبه لي انك كنتي جاريه وخجلانه🌚
نقاء:منو دي انا دي برري برري بريي💃
انا:عواليق نخليها😑
نقاء:ماف شي ياخ😕
انا:هو ظاهر في عيونك🙂
نقاء:ظاهر شنووو اهاا😹
انا:اممم ظاهر انك خجلانه وفرحانه وخايفه شوويه🤤
نقاء:دا كلو عرفتي كييف🙆
انا:غبيه خلاص😂ارح احكي فشنو
نقاء:طيب الحاصل انه مشيت اعترفت لي فؤاد🙈
انا:اها والحصل😍
نقاء:..... وحكت الحصل كلو بتفصيل
انا:وااااااااااااااي يلا انتي جاده
نقاء:ي زفت م تكوركي ح تفضحينا🙆
انا:واي فاتني😫
نقاء:معليش تاني تعالي بدري😂
انا:وانتي يحيوانه م كلمتيني ليه بالخطه دي😑
نقاء:عشان عارفه خشمك خفيف وح تمشي تكلميهو🙂
انا:اي صح والله😂
نقاء:غبيه خلاص😂
انا:هيي دي جملتي😒
نقاء:انا وانتي واحد😚
انا:حتي في الحب🙊
نقاء:لا طبعا😑
انا:احييي انا😂

تاني يوم الصباح جهزت للجامعه ونزلت لاقيت فؤاد عاد تاني يحلك مني الله😂
انا:صباح الحب😉
فؤاد:صباح الغرام😂
انا: دا احلي صباح ليك مش🌚
فؤاد:اي يمكن بس عرفتي كييف😂
انا:ظاهر في عيونك😉
فؤاد:هبه حاسه بشنو انتي😂
انا:ولا شي نقاء جايه بعد شويه ومشيت خليتو😂
فؤاد:دا شنو اي وحده مجنونه اكتر من التانيه😂بعدها جات نقاء نازله
فؤاد:احييي انا من الحلا🤤
نقاء:صباح الخير🙈
فؤاد:ياخ انتي الخير لكل صباح🤤
نقاء:ممكن نمشي لانه اتاخرنا🌚
فؤاد:تامري انتي🤤
نقاء:غبي😂
فؤاد:وانا كمان بحبكك🤤💙
قبل:قدامي يولد😂
انا مشيت الجامعه لقيت احمد في وشي
احمد:العميانه😂
انا:😒😒😒
احمد:وشك دا بقع منك😂
انا:بتتظارف من الصباح مالك😑
احمد:م عارف بس عندي فضول اعرف انتي منوو🌚
انا:مضروري واختاني ي سيد فضولي🙂
احمد:لا م هو لازم اعرف🌚
انا:يالطيييف ياخ م تحل عني😤
احمد: ولو ابيت🙃
انا:عاوز شنو انت🙂
احمد:اتعرف عليك+صوتك عاجبني😂
انا:طيب انا هبة🙂
احمد:مفتريه كدا واسمك من ثلاثه حروف بس😂(معاااق يلا🐸😂💔)
انا: خلاص مش عرفت اختاني😒
احمد قبل م يرد علي تلفونو ضرب:خلاص تمام نكمل بعدين ي هبو🌚💙
انا:اهبل😒
مشيت لقيت خالد قاعد ومركب سماعاتو جيت قعدت وزهجانه ولا سلمت زاتو😑
خالد:وشك دا بقع بعدين السلام سُنه😂
انا:ياخ حيووان غياظ اهبل😤
خالد:هيي هيي منو هو😂
انا:الزفت الاسمو احمد دا😤
خالد:لاقاك تاني😂
انا:اي تخيل بس حيوان خلاص😒
خالد:طيب اخليك تهدي ولا اوريك وتتمي زهجك مره وحده😂
انا:لا قول اصلا اليوم من بدايتو زفت😑
خالد:جدول الامتحانات نزل🐸
انا:ياتو امتحانات🙂
خالد:الح تمشي بيها ثالثه ي مزه😂
انا:شتتت انت جادي😱
خالد:للاسف😂
انا:وانت بتضحك بكل دم بارد ي عولاق😑
خالد:اها اعمل بيت عزاء هنا يعني😒
انا:استغفرك ي ربي
مها:هيي دي مالها زهجانه😕
انا:لانه جدول الامتحانات نزل ي بيبي😒
مها:واي مجاده😭
خالد:لا جاده كل الجداد الفي العالم🐸🤘
مها:انت بالذات عن الجديه م تتكلم ياخ انت بتنجح كيف وكمان بتجيب امتياز🙂
خالد:بركات شيخنا😂🤘
انا،:والله الا كدا😂
المهم اتلمت باقي الشله واي زول دخل ع محاضرتو


يجماعه ابردو علي لاحظو انه دي اول روايه فادوني فرصه😂😭