#ذات_عناق_9

كنت في وضع مذري جداً م طايق فيهو نفسي حتى،فكره انو مهند اخوي يحصل ليهو شي دي كانت مخلياني افقد إيماني بكل شي،ولا اكون واعي للبحصل حوالي،كنت حاسي نفسي مضغوط من كل النواحي وراسي حيتفجر من كتر التفكير واعصابي منهارة وضغوطات امي في المستشفى وشهد،شهد ،لقتني في اسوأ حالاتي وقدرت تمتص ولو بسيط من الحاله الانت كنت فيها ،عرفت تهديني رغم انو المهدءات م اعتقد كانت حتقدر تهديني، هي كانت بتتكلم وانا بس كنت مستمع حتى احساسها بالخوف من ردة فعلي معاها كانت ظاهرة في نبرة صوتها،في لحظهه صمت نزلت من العربيه مرة تانيه بعد5دقايق بالظبط جات راجعه وشايله في يدها مشروب غازي ومعاهو حاجه تانيه قالت لي شوف واضح من شكلك م اكلته ف قصه انو م تاكل دي م في صالحك عاين لي نفسك انت بترجف كيف واكيد الرجفه دي سببها التوتر اضافه لي الجوع وم تقول لي انتي دكتورة علشان انا ابوي دكتور ف اتفضل هاك اشرب واكل من الكرواسون دة،
قلته ليها م عايز انا ي شهد،
قالت لي انت م طفل ي ماهر
قلوه ليهو م هو انا علشان م طفل م منتظر زول يقول لي متين اكل ومتين لا"قلته ليها الكلام دة بنبرة حادة"
فتحت الكرواسون ومدتو لي وهي ساكته..
نزلته القزاز وبقيت اعاين برة،بعد مسافه قالت لي ماهر الله يخليك م تكسري بخاطري والله م حلوة في حقي،
قلته ليها بنفاذ صبر.شهد
قالت لي خلاص وربي م بكتر فيك الكلام انت بس أكل واشرب من البارد دة ولو بسيط،شلته منها الكرواسون واكلته منو اصلاً م كنت قادر ابلع شي بس عشان م تنق فيني كتير م ناقص انا،اكلته جزء بسيط منو جاتني مكالمه عمي بسألني وين انت؟قلته ليهو جاي،وعلى طول نزلته وهي نزلت وراي،مشيت وم عاينته وراي ولا انتظرتها حتى💔
...

شلته مويه ورجعته بيها المستشفى فوق وزعتها على الناس ،امي قالت لي اتأخرتي كدة مالك؟قلته ليها البقاله كانت مليانهه ناس علشان كدة،طلعنا من عندهم متأخرين قبل م.نطلع مشيت على ماهر كان واقف في زاويه براهو وبعاين برة للقزاز على الشارع كدة ومدخل يدينو في جيوبو، قلته ليهو نحن حنمشي بعد كدة ربنا يكتب سلامتو إن شاءالله حنرجع نجيكم تاني ،قال لي إن شاءالله،قلته ليهو حاتصل عليك علشان اتطمن عليك واعرف الحاصل معاكم ممكن ترد على تلفونك لما اتصل؟هزة لي راسو بمعنى "حاضر"قلته ليهو وم تخاف إن شاءالله حيبقى كويس صدقني خصوصاً انو بابا وكل الكادر الطبي واقفين فيهو ف هو تحت أيدي امينه،تجاوبو معي كان كلو بالإشارات يعني ما قادر ينطق كلمتين ورا بعض اساساً ،قلته ليهو وم تنسى عدم الأكل والشراب م حيخلي اخوك يبقى كويس حاول على قدر م تقدر انك تاكل ولو بسيط علشان تقدر تقيف فيهو تمام؟
فجأة سمعته ماما بتنده علي وهي جايه علينا رجعته خطوتين من جمب ماهر،قالت ليهو اها ي ولدي ربنا يكتب سلامتو ان شاءالله نحن نمشي وبكرة تاني حنجي نطل عليهو إن شاءالله،قال ليها تسلمي ي خالتي م تتعبو نفسكم عمي عبدالله الله يجزيه خير م مقصر،قالت ليهو تقصير شنو ي ولدي انتو اولادنا كيف بس نقدر نقصر ياخي دة واجبنا والله💛قال ليها يديك العافيه ي خالتي💛استأذنا وطلعنا وكان معانا بابا اصلاً هو كان راجع البيت ياخد راحه ويغير حتى يرجع تاني بالليل،ماما قالت لي بابا قلبو مقطوع على اخوهو الله يطمنو عليهو والله وجع قلبي شديد💔💔بابا قال ليها والله الخوفه الداخلاهو على اخوهو دة امو م خايفهه زيو تصدقي وتأمني بالله بفضل مساهر للصباح واقف.جمب الغرفه مراقب اخو؟ويجري بجاي وبجاي وينادي الدكاترة ياخي اكل م باكل المويه دي ساي م بشربها اتكلمته معاهو بخصوص انو يهتم بنفسو ونحن بنهتم بي اخوهو بس م بسمع💔ماما قالت ليهو بمناسبه امو مالو مع امو جوطتهم القبيل دي؟بابا قال ليها امو دي مرة م محترمه ياخي وم مباليه ولا مراعيهه لي حته انو هم في مستشفى ووضع اخوهو صعب جداً وعايزة تناقشو في حجات م ليها داعي ابداً💔وهو زول قلبو حار وعصبي جداً والله الزيني قال لي الولد دة رغم انو هو الصغير بس باقي لي اخوهو دة ام وابو💔
الله يقومو بالسلامه ويطول في عمرو إن شاءالله ي رب لو اتجاوز اليوم دي برجع احسن ان شاءالله،ماما قالت ليهو ان شاءالله ي رب💛طبعاً انا ساكته وبسمع فيهم سااااي وبالي مشغول مع ماهر خصوصاً بعد شوفتو بالحاله ديك وكلام بابا عنو،وصلنا البيت بالليل غلبني النوم شلته التلفون إتصلته عليه 4مكالمات حتى رد،حتى في ردو صوتو كان بعيد شديييد ومبحوح،قلته ليهو كيفك؟قال لي تمام الحمدلله،قلته ليهو اممممممم في اي جديد عن حاله اخوك؟قال لي لا ماف،فضلته ساكتهه لانو ماف اي كلام يتقال ابداً💔بعد مسافه قلته ليهو طيب اتصلته بس علشان اتطمن عليك وكدة،قال لي تمام تسلمي وقفل الخط ،فضلنا نمشي ليهو يومي انا وماما كنت بجبى امي تمشي علشان م امشي براي وبقينا نشيل لينا معاهم غداء وكدة وبعد اسبوع اخوهو بقى احسن وحتى طلعوهو من غرفه العنايه المركزة وبقى احسن بس لسسسه م خرجوهو من المستشفى، في يوم بابا كان م مداوم نسبه لي انو مرهق واخو ماهر حالتو مست

#ذات_عناق_8

دخلته بيتنا وانا بتسحب براحه علشان لو بابا وماما في غرفتهم م يحسو بي اول م دخلته الهول اللقى ماما قاعدة وفاتحه التلفزيون،فتحته ليها اسناني وقلته ليها هاي سوسو😁قالت لي م بدري،قلته ليها الشوارع زحمه😁بابا م جا؟قالت لي لسسسه ،قلته ليها اخخخخ الحمدلله م اتصل ولا سأل مني؟قالت لي اتصلته عليهو تلفونو م بدخل💔اها الطلعه كانت كيف تعالي احكي جايه بكيسك يختي، جاب ليك شنو تاني كمان؟قلته ليها م عارفه، فتحته الكيس لقيت في بوكس صغنن كدة فتحتو لقيت فيهو طقم ساعه ومعاها 3قطع اساور ماركه Rockyباللون الدهبي خرافيهه ومعاها عطر وشوكلاتهه،قلته وااااي الرهابه انتبهته لي امي لقيتها بتعاين لي عين غريبه،قلته ليها مالك؟قالت لي م قال لي اي شي؟قلته ليها م فهمت؟انا عارفاها عايزة تصل لشنو بس اتغابيت،قالت لي خلاص امشي غيري ملابسك لكن عاد تمام كدة الساعه دي عاد تاني قشرة جد بالتياب وقعت لي في جرح وشالتها لبستها😂💔دخلته غرفتي وغيرته ملابسي وطلعته بقيت احكي ليها عن تفاصيل الحصل كلو ،قالت لي والله ولد هدي ورضي،قلته ليها والله حيوان م تشوفي مسكنتو دي😒💔قالت لي مالك مع ود الناس؟نحن م شوفنا منو شي،قلته ليها القال الما بعرفك بجهلك م غلطان مسكينهه اناااااااو🙂
المساء لبسته الساعه وكل الأساور المعاها وصورته ليهو يدي وقلته ليه عاين ضفري اتكسر😭💔وبقيت ارسل ليه في إموشنات بكى كتيرة،بعد ساعه حتى فتح المسج ورسل لي ايموشنات ضحك،
الصدمهه ي ربي بتغابى؟
قلته ليهو ع فكرة انا م وريتك علشان تضحك🙂💔💔💔 قال لي اها طيب اعمل ليك شنو مثلاً؟رسلته ليه تاني صورة ليدي وقلته ليهو "انت فاكر كسرة الضفر دة ساهل؟😭💔قال لي طيب بكرة بقوم اساساً الضفور حرام م عارف بتربوها لشنوو؟
قلته ليهو شكراٌ🙂قال لي عفواً💛على طول رسلته ليهو ريكورد وقلته ليهو يعني انا في حياتي م لقيت بني ادم ثقيل وغياظ وبارد ومنفسن زيكك وحقيقة يعني انا غلطانه كوني بفتح شات بيني وبينك وبستهلك زمني معاك 🙂💔 وحذفته الصورتين وقلته ليهو حاجه اخيرة مزاجك المتقلب دة اتقلب بيهو في نجيله بيتكم م عندي انا اوكييييهه👍بعد م سمع الريكورد رسل لي وقال لي ع فكرهه الساعهه وطقم القطع المعاها تهبل على يدك🙂💛

بقيت فاتحه الشات وبضحك براي زي الهبلهه بعد مسافه قلته ليهو خلاص م ترسل لي الايموشن دة🙂💔قال لي يعني الواحدة فيكم جات بالباب عديل بدل تزصل المعلومه باللف والدوران مش احسن؟قلته ليهو م مشكلتنا انكم اغبياء يعني نحن نلمح ليكم وكمان نشرح؟الله😑قال لي ولما انتي ترسلي لي صورة وتقولي لي ضفري اتقلع شي طبيعي اني اركز ع الضفر م في اللابساه في يدك دة استعباط منكم،قلته ليهو مننا نحن منو؟قال لي الفيمنست عموماً دي حركاتكم الهبله الغبيهه دي،قلته ليهو م تسيء ،قال لي دة بسيط من قليل انتو بتعملوه يعني م عارف بتجيبو روح الهبل دي من وين بالضبط؟!قلته ليهو من غبائكم🙂💔 قال لي واضح جداً طيب يلا تصبحي على خير،قلته ليهو ماشي تنوم؟قال لي م شرط انوم يمكن عايز انهي المحادثه بيني وبينك بس،قلته ليهو طيب ابشر،على طول حظرتو ...

...
انا ك ماهر زول متقلب المزاج ومتناقض شديد دايماً جواي خوفه من التعمق في العلاقات،من مخالطه الناس عن قُرب،طبياً مهند اخوي مصاب ك مريض توحد بس واقعياً انا وضعي اسوأ منو بكتير،م بقدر احارب احساس الرغبه في البعد ووضع الحواجز بيني وبين اي زول بحاول يتسلل لحياتي ويخلق مكانه جواي ليهو او ينقلني لمرحله العاطفه،م عندي القدرة ولا قوة التحمل لي اي نوع من انواع العلاقات اي كان مسمى العلاقه بيني وبين الشخص دة،حتى شهد رغم اني بحاول م اكسر بخاطرها ابداً بس انا اوقات كتيرة بلقى نفسي خايف عليها مني،انا عارف انها بتتعامل معي بعفويه وطيب خاطر بس انا م عفوي،وم عندي قناعه انو يكون في تعامل بين بت وولد تحت مسمى الصُحبه مثلا او غيروً،نظرتي تجاه النساء مختلفهه تماماً وعارف الوقت الانا بكون محتاج وجودهم في حياتي وحدود تعاملي معاهم حتى ولو وجودها بحاول يغير الواقع دة انا عقلي م عندو القدرة يستوعب ف إستناداً على المبدأ دة قلت ليكم "خايف عليها مني" ووسيله الحمايه الوحيدة الممكن استخدمها تجاها او التجاهل او البُعد خصوصاً انو الفترة الأخيرة اخدت مساحه كبيرة في حياتي حتى انا م انتبهت ولا استوعبت الحاجه دي الا بعد م وصلتها اليوم اليوم واكتر جمله قالتها واترددتت في مسامعي لما قالت لي"لا انا م صحبتك ولا شي انا لقيت نفسي فاضيه ف مسكته بيك زمن بس"هي يمكن قالت الجُمله دي بطريقه عفويه بس م عندها علم انها نبهتني وصحتني من غفلهه انا كنت تايهه جواها...💔

...

بعد م حظرتو فضلت ساعات وايام وانا منتظرة حتى مكالمه منو بس للأسف م حاول حتى محاوله في كدة،زعلت شديد ورجعتهه حظرته حتى رقمو من المكالمات وحذفتو من تلفوني،اسوأ حاجه إنو تدخل حياتك انسان منفسن ومتقلب وشخصيتو م مفهومه حيجوط افكارك كلها،يعني اسي زي دة انا لأخر لحظه كنت معاه كويسه فجأة إتقلبن واتساخف م

عي بدون اسباب يعني طول فترة تعاملي معاه محسسني انو هو البايع وانا مشتريه ف انا بالجد م عندي اخلاق ولا قوة تحمل ولا حتى مجبورة عليه ومع نفسو اكيد، بلا زيني بلا زفت اساساً م عارفه انا اتعاملته معاه بأي زاويهه بس بالجد غبيهه وهبلهه ومتطفلهه دة كلو من الفراغ اسي لو م حصل معي الحصل ودخلته الجامعه م كنت هسي بتهابل كدة💔م كنت بحب اجيب سيرتو حتى ماما لما تسألني عن احوالو وكدة بقيت اتجنبها وفي الفترة الاخيرة بقيت اقول ليها م متواصله معاه انا عديل🙂عدة كمان شهر في يوم بابا جا راجع من المستشفى كان واضح عليهو الإرهاق والتعب لانو عندو يومين م جا ،ومن جا على طول دخل الحمام،وانا جهزته ليهو ملابسو ودخلته مع ماما المطبخ اجهز معاها الغداء،بابا جا طالع دخل غرفتو على طول،ماما قالت لي م تخلي ابوك ينوم امشي قولي ليهو الغداء جاهز،مشيت على غرفتو قلته ليهو بابا،قال لي نعم ،قلته ليهو الغداء جاهز م تنوم،قال لي م عايز انا،عايز انوم ساعه واحدة وراجع المستشفى تاني كمان،قلته ليهو المستشفى تاني؟لشنووو؟ماما جات داخله قالت ليهو عبدالله قوم الغداء جاهز م تنوم بالجوع،قلته ليها قال م عايز وراجع المستشفى بعد ساعه،قالت لي المستشفى لشنووووو؟مش دوامك انتهى؟مش كفايه عليك اليومين ديل قضيتهم هناك المستشفى دي كملت لحمك دة من الدنيا،قال ليها ود الزيني الكبير دة راقد تعبان في المستشفى والله اليومين دي بس واقفين في راسو،انا للحظه راسي شطب قلته ليهو بخلعه ماهر؟قال لي لا اخوهو الكبير ،ماما قالت ليهو مش دة العيان دة؟كُر علي سجمي مالو هو مش كان في الإمارات ؟؟قال ليها جابوهو هنا والله تعبان شديد مرقد في الإنعاش م معروف زاتو الحاصل ليهو شنو واهلو حالتهم بالبلا💔فجأة مرة على بالي ماهر ومكالمتو معاهو يوم كنت معاهو في العربيه وطريقه كلامو وتحنيسو ليهو علشان ياكل وخوفو عليهو و...ماما قالت ليهو لا ياخي والله وجع قلبي المسكين الله يرفعو ...

طلعته منهم وعلى طول مشيت شلته تلفون امي ودخلته غرفتي اتصلته على ماهر،م رد،اتصلته عليهو كتير م رد حتى بي رقمي م ردة،بابا بعد ساعه بالضبط رجع المستشفى حتى م نام اساساً،وهو طالع ماما قالت ليهو طمنا عليهو لو مشيت،قال ليها كويس،بعد م طلع ماما قالت لي بكرة نمشي عليهم ،قلته ليها كان نمشي اليوم مع بابا،قالت لي ساعات الزيارة ي بتي صعبه شديد نمشي نزعج الناس ساي في وضع زي دهه💔قلته ليها طيب،بالليل رجعته اتصلته على ماهر م رد،رسلته ليهو في الواتسب م داخل،رسلته ليهو مسج عاديه محتواها"ماهر كيفك؟بتصل عليك م بترد ي دوب عرفت بخبر انو اخوك في المستشفى ربنا يكتف عافيته إن شاءالله ي رب اول م تلقى المسج بتاعتي ارجع لي حابه اتطمن عليك"..
فضلته منتظرة على امل انو يرجع لي بعد يقرا الرساله بس م رجع رغم انو جاني تقرير الإستلام وكدة💔اليوم التاني الصباح اتصلنا على بابا تلفونو قافل،قلقنا عليهه لانو وضعو م كان تمام لما جانا امس💔ماما صحت منذر وقالت ليهو ارح نمشي المستشفى،قال ليها لشنو؟قالت ليهو ود ناس الزيني الكبير دة مرقد في المستشفى وابوك تلفونو مقفول لازم نمشي عليهم،قال ليها اطلبو ترحال وامشو انت انا م بقدر،قالت ليهو ياتو يوم قلته ليك وديني مشوار وديتني؟م طبيعي م قادر عربيتك دي بتعرف توصل بيها السفهاء بتاعينك ديلك نحن تقول لينا اطلبو ترحال اقول ليك ابوك تلفونو مقفول تقول لي اطلبو ترحال؟فترة اختك في المستشفى الناس دي كانت واقفه معانا برجل واحدة م شينه منك ؟قال ليها اجهزو طيب، بالفعل جهزنا نفسنا وطلعنا ،وصلنا المستشفى ناس الاستقبال طبعا بعرفونا سلمنا عليهم وماما سالتهم عن بابا والمريض وكدة،وصفو لينا الطابق الموجود فيهو بس صعبه ندخل لأنو دي العنايه المكثفه لكن اهلو في الطابق القبليهو موجودين حتى بابا معاهم،وصلنا الطابق بالفعل لقيناهم كلهم موجودين عمو، عمو الزيني ومرتو وناس كميه،سلمنا عليهم وفضلونا،قبل نقعد بقيت اتلفت يمين وشمال م شايفه ماهر،بعد اكتر من نص ساعهه سمعنا صوت جوطه ،والصوت عالي بقول"ياخي انتي اُم انتي؟انتي أُم؟" كلنا اتلفتنا حتى طاقم المستشفى بقينا نعاين بإتجاه الصوت ومخلوعين، فجأة اشوف بابا ماسك ماهر ونازل بيهو بالغصب وبقول ليهو ي ولدي لو معتبرني ابوك اسمع كلامي،اهدأ واسمعني شويهه تعال معي،عمو الزيني قام ومشى عليهم قال ليهم في شنو؟ماهر ي ولد مالك؟الحاصل شنو؟ماهر وشو كان م بتفسر ابداً ارهاق على تعب على غضب اتفك من ابوي وطلع مشى،بابا بقى يتكلم مع عمو الزيني ونحن كلنا مركزين معاهم ،بابا جانا سلم علينا قلنا ليه مالك تلفونك مقفول؟قال لينا قافل شحن جيتو متين انتو؟قلنا ليه قبل شويه سألناه عن وضع اخو ماهر،قال لينا ماف تحسن كدة بتقال عليه والجو متوتر واعصابهم الناس دي في يديهم بقينا متوقعين اي شي تحت اي لحظهه💔ماما قالت ليهو لا حول ولا قوة الا بالله ربنا يرفعو إن شاءالله ربنا يرفعو ،بعد اكتر من نص ساعه حسيت بنفسي عطشانه وانا مويه كولر في المستشفى م بشربها،قلت لي

قرهه وكذاا ،اثناء م نحن نايمين سمعته جوطه برة رغم انو الصوت م واضح بس كانت في حركه برة الهول نزلته بسرعه فتحته الباب سامعه ماما بتقول مات؟مات ي عبدالله؟فهمني ي عبدالله وبابا طالع مستعجل لما داير يقع،قلته ليها بصرخه في شنو؟اخو مهند مات؟بابا طلع وماما جاريه وراهو وانا وراهم بالبجامه بس ،بابا فتح الباب علشان يطلع العربيه جريت دخلته البيت شلت طرحه وجيت راجعه ركبته في العربيه،قال لينا ماشين وين انتو؟ماما قالت ليهو لاحقين الولد ،طلع العربيه وقفل الباب حق البيت وبسرعه البرق اتحرق وانا قلبي في يدي م قادرة اقول حرف وامي بتتكلم بس م مستوتبه هي بتقول في شنو،وصلنا المستشفى في ظرف من 20دقيقه بالكتير،بابا دة دخل المستشفى م شايف قدامو لغايه م وصلنا الطابق التالت سامعين البكى والكواريك انا طبعاً خلاص هبطتهه بقيت م قادرة امشي،بس سامعه امي بتقول لا إله الا الله،والدكاترة بتحاول تتكلم مع الموجودين وتهدي فيهم وواحد منهم بقول ليهم في مرضى هنا لو سمحتو ي جماعه،بابا قال ليهو في شنو ي عمر؟مالو مهند؟الدكتور قال ليهو ي دكتور فجأة النبض وقف،قال ليهو وين هو هسي؟قال ليهو في الانعاش،بابا جرا طلع فوق وانا فجاة لقيت نفسي وراهو،في الطابق بتاع الانعاش بتاع الامن دخل بابا ومسكني لزيتو ودخلته ورا بابا فجاة نشوف ماهر وعمو الزيني ،ماهر دة متكي في الحيطهه وببكي،وعمو الزيني قاعد في الارض،بابا قال ليهو الزيني؟!قرب منو ومسكو،عمو الزيني قال ليهو عبدالله ،اللحقو ي عبدالله قلبو وقف ي عبدالله ويبكي قدرتو ،بابا فكاهو ودخل الغرفه على طول،ماهر دة ببكي بصوت عالي ومدي وشو الحيطه زي الطفل ببكي بصوت عديل مشيت عليهو وقفته جمبو قلته ليهو ماهر،م رد فضل يبكي ،مسكتو من كتفو والله ماف اسوأ من بكى الرجال ياخي انا زاتي بقيت ابكي معاهو م عارفه ببكي على اخوهو ولا علشان اخوهو المهم كنت ببكي بس وبطبطب على كتفو،والدكاترة كانو داخلين وطالعين من الغرفه ويتجارو،ماهر دة وصل لمرحله انو مسك دكتور قال ليهو مات؟لو مات كلموني ي جماعه دة اخوي خلوني ادخل اشوفو 💔الدكتور قال ليهو لا اخوك كويس،قال ليهو طيب ليه مانعني ادخل اشوفو؟مسكتو قلته ليهو ماهر هدي😭💔فضلنا على الحال دة اكتر من ساعه،بعداك الدكاترة طلعو من الغرفه ماهر مشى عليهم بلهفهه ،بابا طالع من الغرفه شكلهم مرهق وهزيل وم ببشر بالخير ابداً،ماهر بعاين ليهم وهو مقلع عيونو وكأمو م قادر ينطق حرف ومنتظر سماع خبر سيء،بابا مسكو من كتفو و قال ليهو الحمدلله ي ولدي عدت على خير هو كويس،ماهر قعد في الأرض وبقى يبكي زي الطفل العرف انو امو م ماتت ،كل الدكاترة والدكتورات بقو متلمين حواليهو ويهدو فيهو حتى ساقوهو دخلوهو غرفه كدة،فضلنا قاعدين للصباح الحمدلله الدكاترة كلهم اكدو انو حالتو بقت مستقرة وحتى هو صحى بعداك شويه الناس اعصابها إترخت،طبعاً منظري كان تافهه شديد بالبجامه القصره والطرحه صغيرة،بابا لما شاف حالتي الصباح قدام الناس بقى يعاين لي من فوق لتحت ادى ماما مفتاح العربيه قال ليها سوقي العربيه وامشو البيت😂💔رجعنا البيت اخدنا لينا نومه صحينا الضهر جهزنا نفسنا وتاني رجعنا المستشفى علشان بابا حيحتاج للعربيه وكدة، الحمدلله حالتو استقرت وبقى احسن بس زرعت جواي اثر لي ماهر وخلتني اشوف شخصيه في ماهر مافي زول شافها او عارفها حتى،بعد م اخوهو اتماثل بالشفاء وخرجوهو وكدة بقيت اتصل عليهو يومي واسأل عن احوالو واتطمن عليهو واحياناً برسل ليهو واتسب بنقعد ندردش فترة طويله وهكذا،فترة مرض اخوهو قربتنا لبعض وخلت علاقتنا تكون ظابطه شديد بقى مستحيل يعدي علينا يوم من غير م.نتكلم مع بعض وكدة،بعد شهرين نتايج الممتحنين ظهرت والتقديم بدأ وكدة،كنت متحمسه شديد يعني خلاص حينتهي الملل وحأنزل جامعه وكدة،قبل التقديم بإسبوع ماهر كان بتناقش معي عن المجال الحاباهو وكذاا،قلته ليهو م عارفه،قال لي كيف؟قلته ليهو يعني بابا عايزني ادرس طب اسنان،قال لي وانتي ي سجم؟قلته ليهو رغبه بابا طبعاً،قال كنت عايز اديك.اقتراحات لكن طالما محددة وجهتك اوكيهه،قلته ليهو لا قول هسمعك ،قال لي اكسري الحنك حتسمعيني لشنووو؟قلته ليهو حُب استطلاع سااااي بس هااااا😒قال لي ابيت،قلته ليهو ياخي قول ي ماهر يااااخ😭💔قال لي طيب شوفي انا مقترحاتي ليك انو تشوفي مجالات الهندسه برمجه والاتصالات والشبكات وكذااا،قلته ليه لا معليش انا شايلهه احياء م هندسيه ولا حاسوب😒💅💔قال لي ايواء طيب زي م قلته ليك مجرد اقتراح 😁عدة الاسبوع وجا يوم التقديم طبعاً حأقدم من البيت باللابتوب،معي بابا قاعد بكتب لي في الرغبات كلها مجالات طبيه طب اسنان في كذا جامعه،اثناء م بقدم لي جاتو مكالمه قال لي كملي بقيه الرغبات لما اجي،مسكته الدليل وبقيت وافتش نزلته كذا رغبه وفضلت واحدة بس والله م عارفه حصل كدة كيف بس يدي براي ساقتني على الهندسات حقت الجامعات فضلته افتش وافتش لغايه م فجاة عيني وقعت على هندسه الاتصالات شرطها الاساسي كان رياضيات متخصصهه ،قل

ي لي الحاصل شنو؟قلته ليها بتسأليني انا عن الحاصل؟اسأليهو هو زي م قدر يتصل عليك خليه يقدر يوريك هو عمل شنو؟هنا في اللحظه دي صدمتني وقالت لي انا م ولدته بني ادم انا ولدتهه ذنوبي تعبتوني وكرهتوني حياتي م قادرة اعيش حياتي صح بسببكم اعمل ليكم شنو يعني انا في الدنيا دي؟نجضتني ي ماهر انت واخوك اريتني لو عقرته وم جبتكم م كفايه علي ابوكم الرملني وانا جاهله في دنيتي دي داير تعمل نفس العملو ابوك انت كمان؟والله اولاد الغريبه بقول لي احسن واحن منكم علي ،واسمع كلامي لو قربته على معتصم دة ولا خدشتو خدشه بس بي ضفرك انا متبريه منك ي ماهر ليوم الدين وم معافيه ليك لا دنيا ولا اخرة يعني الزول الوحيد الوقف فيك وكبرك وعمل ليك الما عملو ليك ابوك دي جزاتو؟والله صحي ربي الغايبه للجايبهه المهم انا بقولها ليك تاني كان قربته منو ضفرك ساي لا ولدي لا بعرفك ونتلاقى يوم الوقف العظيم،انا بسمع في الكلام وم مستوعب في ام بتقول لي جناها كدة؟في ام بتقيف مع راجلها ضد جناها؟قلته ليها لمتين حتفضلي كدة انتي؟لمتين حتفضلي تساومينا بعفوك؟قدمتي لينا شنو انتي وراجلك غير الضرب والعذاب والمعامله السيئه؟انتي حاسبه نفسك معرسه راجل مع الرجال؟قالت لي دة عمك من لحمك ودمك قبل م يكون راجلي،قلته ليها لو لحمي من لحمو اريتني لو اتخلقته كلب واسي ارجعي ليهو كلميهو لو عايز يعيش باقي ايامو الفاضله ليهو دي في الشركه م يخت رجلو وحتى انتي ي امي م بتشفعي ليهو عندي فهمتي م بتشفعي ليهو ابداً...
بعد المكالمه دي بقيت حاسي بنفسي م شايف قدامي ابداً،راسي حيتفجر والشارع قدامي طشاش طشاش،الناس الطبيعين بعيشو حياتهم بالطول والعرض في معاناة بس يد امهم هي اليد البطبطب عليهم وبتكون هينه ولينه عليهم وبتعمل كل شي عشان بتهون عليهم تعب الحياة ومعاناتها الا نحن نصيبنا من الحياة ام كل لحظه تعدي عليك معاها بتخليك تتمنى لو انك جيت يتيم في الدنيا ،نحن اصلاً متيتمين حتى في وجودها م عندها اي تأثير امومه في حياتها بتعاملنا على اساس انو نحن الجانب السيء في حياتها،انا م ضد حياتي انا ضد الواقع السيء الاتفرض علي اعيشو،تخيل تكون في يدك كل شي وعندك صلاحيه تعيش حياتك بالطول والعرض بالطريقه الانت عايشها بس الضلمه الفي حياتك تكون مسيطرهه عليك اكتر من كل شي،في.يدك كل وسائل السعادة وانت م قادر تسعد روحك حتى ،تخيل يكون اقصى طموحاتك يكون بصيص امل بسيط يقول ليك انو دي حياة ممكن تتعاش،تخيل انك تكون لا قادر تتعايش مع وضعك ولا قتدر تتغلب عليه،حتى اخصائين السايكو م نجحو في انهم يحلو ولو جزء من مشكلتك...💔

...

اليوم دة ابداً م اتحركتهه من جمب ماما،في لحظهه غفوة كدة حسيتها اتحركت من جمبي فتحته عيوني وقلته ليها ماشه وين؟بخلعهه كدة،قالت لي التلفون بضرب اظنو ابوك،شالت التلفون وعلى طول فتحت الخط وقالت"الووو؟اهلاً ي ولدي وعليكم السلام،لا تمام الحمدلله والله،اي بقت احسن ي ولدي احسن بكتير واسي اخدت ليها نومه كدة،تسلم ي ولدي يديك العافيه ،لا مافي اي إزعاج والله ي ولدي،وانت من اهلو ي رب،قفلت الخط وقالت لي دة ماهر بتطمن عليك وكدة والله ولد مهذب خلاص 💛رجعت رقدت جمبي ،اليوم التاني بابا لما عرف بالموضوع جاط وقال كيف م نتصل ونكلمو وكيف حصل كدة وطلب مني احكي ليه بالتفاصيل الممله،طبعاً كذبته عليه وقلته ليه حسيت بنفسي دايخه فجأة ووقعته والدكاترة قالو مضاعفات م اكتر،كنت بتكلم ليه عن الموضوع ببرود وقلته ليه الموضوع بسيط، قال لي انتي لو عارفه الحاله الكنتي فيها قبل كم شهر م بتتكلمي عن الموضوع ببساطه كدة م تقولي لي بسيط ابداً اساساً انا كنت رافض حكايه الشغل دي واسي قومي اجهزي حنمشي المستشفى،قلته ليه نمشي المستشفى لشنووو؟قال لي حنمشي نعمل فحوصات ونشوف المضاعفات دي من شنو وبدون نقاش ي شهد فاهمه؟
بابا كان متعصب شديد ،ماما على طول رفعت لي حواجبها نظام.اسمعي الكلام وكدة،قلته ليه طيب ي بابا انت كنت مداوم طول الليل وجيت اسي الصباح دة حاول ارتاح شويه و..قال لي شكيت ليك انا؟قلته ليهو طيب،جهزته نفسي مشينا المستشفى عملنا فحوصات عامه حتى للراس ولما جينا طالعين في طريق الرجعه فجاة غير مسارو وانا ساكته،وقف عربيتو وقال انزلي نزلته وانا ساكته دخلنا المطعم وقعدنا وبقى يحاول يفتح معي مواضيع جو داخلين اتنين ماسكين يدين بعض ولد وبت ضحك ضحكه خفيفه وقال لي والله ي حليل ايام زمان،قلته ليه مالك؟قال لي زمان الواحد الجواب زاتو شدة م بخاف زول يشوفو بلفو بقطعه اسي جيلكم دة عندو اي شي في السهله ساي😂💔قلته ليهو اختلاف حضارات😂🙆قال لي يعني دة التحضر عندكم كدة ؟😹قلته ليهو نوووو بس انتو بزمنكم ونحن بزمنا واي زول بعيش ع حسب الزمن الجا فيهو يعني اسي انت عايز تقنعني انو ما طلعته مع ماما لما خطبتها؟قال لي نحن ناس خطوبات كمان امك دي لما عجبتني عقدتهه عليها وقتي🏃قلته ليهو كانت شافعهه وقاصر اهلها قليلين ادب ساي🤣🤣🤣🤣💔قال لي ابقي قدرو.كلامك.دة لما نصل البيت🌚🙂قلته ليهو ايوا

ااا معاها نشر غسيل مش؟قضينا وقت طويل ونحن بناخد وندي في الكلام ونعلق على كل حاجه دة كلو علشان م اخد في خاطري منو بسبب الجوطه الجاطها فيني ويخليني انسى الحصل ...

...

بابا دة حاجهه عظيمهه شديد في حياتي كفايه جداً انو دايماً محسسني انو انا م بهون ولا ينفع اهون لا عليهو ولا على غيرو وعلشان كدة اخدته منو عادة اني دايماً شاريهه نفسي م ممكن اتربى تحت كنف راجل عظيم كدة علشان في الاخر يذلني راجل غيرو ابداً .معودني على اني اقول مقولهه "ي بختهه اللي نحن من بختهه"..❤💛

بعد م رجعنا البيت اخدنا لينا نومه لانو بجد كان مرهق فضلنا نايمين لغايه بعد العصر،ونحن بنصلي في المغرب في حديقه بيتنا جرس الباب ضرب،ماما خلصت صلاة ف مشت فتحت الباب ونحن لسه كنا بنصلي،سمعت صوت ماهر بسلم على ماما،حاولت تفضلو جوة الهول بس رفض قال ليها على مشيه والله بس افضل نقعد هنا واصر انو يقعد في جلسه الحديقه ف ماما وافقت ،بابا خلص صلاة وسلم عليه وانا لسه عامله نفسي بصلي وبابا بتكلم معاه وبسالو عن احوالو والحاصل معاه و...الخ لغايه م فتحو موضوع وقعتي وهكذا،قمت من مصلايتي سلمته عليه وعلى طول دخلته غرفتي وم طلعته منها نهائي،بعد اكتر من نص ساعه ماما جاتني في الغرفه شايله كيس وشنطه،قالت لي هاك ديل حجاتك جابهم ليك من المكتب قال ليك،قلته ليها ديل شنو؟قالت لي اللابتوب بتاعك وتلفونك وشنطتك الحجات الخليتيها وراك،قلته ليها اللابتوب جايبو لشنو؟قالت لي م حق شغلك،قلته ليها اسي هو مشى؟قالت لي قبيل،اول م طلعت فتحته شنطتي طلعته تلفوني لقيتو شحنو خلصان طلعته مشيت لي ماما لقيتها تونس في بابا ساااي وتلف في شعرها قلته ليها ماما تلفونك وين؟قالت لي في غرفتي مالك؟قلته ليها تلفوني قافل عايزاه ،قالت لي شيليه من الغرفه،مشيت شلته التلفون ودخلته الغرفه وقفلته الباب علي واتصلته على ماهر مكالمه،اول م فتح الخط وقال وعليكم السلام ي...قاطعتو وقلوه ليهو معليش انا م خالتك انا شهد اتصلته عليك عشان انبهك انو انت جبته معاك اللابتوب بتاعكم بالغلط بيتنا ي ريت تجي تشيلو في اقرب فرصه تلاقيها لاني م حأقدر ارجع اشتغل معاكم تاني في الشركه،قال لي لييييهه؟ممكن اعرف؟سكتته،قال لي شهد؟!قلته ليه بعد الحصل بابا قلق علي شديد وقوم الدنيا وم قعدها علشان كدة قال م ينفع ارجع اشتغل معاكم تاني،قال لي هو الحصل شنو كان؟
انا بقيت بحول في عيوني يمين وشمال وبسأل نفسي ي.ربي عندو زهايمر ولا بتعاطى ولا ليييه بسال السؤال دة ؟قلته ليه وانا مترددة وبتمتم قصدي يسبب الوقعه الوقعتها في الشركه بابا ربط المضاعفات الحصلت لي قبل كم شهر عشان كدة منعني،سكتت مسافه وقال لي طيب م مشكله ي ستي وعلى فكرة كونك م تجي الشركه وتداومي م معناها ترجعي اللابتوب انا اللابتوب جايبو ليك علشان تتعلمي منو م علشان تشتغلي بيهو فترة وترجعيهو،وانا لسه حابب فكرة انك تستفيدي من زمنك وتوسعي نطاق معرفتك ولو م الحصل دة انتي كنتي ماشه كويس وفوق الممتاز وعملتي حجات حلوة جداً بالنسبه لمبتدئهه ف م توقفي ابداً وانا حأكون متابع معاك اول بأول،قلته ليه بس انا سلفاً عندي لابتوب ف الموضوع م بحتاج،قال لي لا ي ستي خليييه معاك هو حقك وي ريت م تحاولي معي لاني م حاشيلو ابداً فهمتي؟فضلته ساااكته_،قال لي هااااا؟!قلته ليهو طيب تمام،قال لي وم توقفي ابداً زي م قولته ليك انا هكون متابع معاك اول بأول واي شي استصعب عليك راجعيني اوكيييهه؟قلته ليهو طيب ماشي شكراً،قال لي يلا سلام...

من ناحيهه بشوفو بني ادم كويس،ومن ناحيه بشوفو سيء م عارفه بس هو متناقض وبحاول يظهر وشو المتمرد ومتغطرس دايماً،خليت الشغل بس م اتخليت عن الحجات الكنت بمشي الشغل عشان امارسها بالعكس اللابتوب والكورسات والتصميم والحجات دي بقت بالنسبه لي شغف اغلب الوقت بقيت شغاله عليها بقى عندي وقت فراغ اكبر خصوصاً انو الفترة ي دوب كانت فترة امتحانات الشهادة السودانيه يعني لسه عندي كم شهر حتى يبدأ التقديم،بعد اكتر من شهر لاحظته انو ماهر دايماً برفع استوريهات سوداويهه وحزينهه م بكتب كلام بس صور بالأسود او ضلماء حتى صورتو هو اليوم اليرفها بكون لابس فيها اسود وملامحو بتكون باهته وحزيمه ودي الحاجه الملاحظه فيه رغم شخصيتو القويه،يوم وانا مساهرة لغايه الساعه12كدة رفع صورة سوداء م فيها اي شي غير نقطه بيضاء في النص وكاتب عليها"هذهه النقطهه هي اقصى امنياتي وسط كل تلك العتمهه"...💔
على طول رسلته وقلته لييييهه"طول م انت عايش وسط السواد دة صدقني م هتشوف بياض في حياتك م ترحم نفسك الله يرحمك 🙄🙋‍♀️💔الغريبه انو فتح المسج وم رد عليها وانا دي اتفه حركه ممكن تخليني احظرك خمناشر مرة ،على طول حذفته المسج بتاعتي،لما لاحظ اني حذفتها رد علي وقال لي"نحن تحت رحمه ربنا ف لو م جات الرحمه دي نحن حنجيبها من وين؟
بعد5دقايق رديت ليه وقلته ليه سفهتني ليه من البدايه؟🤔
رجع رد علي بعد مسااافه وقال لي مزاج💔
قلته ليهو وااااااو مزاجك رهييييب لكن ومزاجك دة قال ليك ارجع

رد عليها علشان هي حذفت المسج؟
قال لي يب يب😁
واااااي من برودو وسخافتو💔رسلته ليه الإيموشن دهه👍برضو فتح المسج وم رد علي ،وانا بالجد اي كائن حي يسفهني بقهرني جداً الموضوع بالنسبه لي مستفز يعني افضل م تفتح المسج طالما انت م حترد،على طول رسلته ليه وقلته ليهو"اوكيهه اسفهه على التطفل والإزعاج وع فكرة الحركه بتاعه انك تفتح المسج وم ترد دي بيش شديد لو م عايز ترد م تتعب نفسك وتفتح المسج اساساً اوكييييهه وبعتذر مرة تانيه على الازعاج والتطفل"
فضلته بعاين للمسج وهو اونلاين وم رد علي ولا فتحها حتى اتغظت اكتر،قلته دة شنو الوهمي الفرحان دة بجد انا غلطانه طلعته من الواتسب ومشيت مسحته رقمو طبعاً بكدة البروفايل بتاعي حيختفي عندو وكدة جيت عايزة اقفل الشبكه جات مسج من رقمو قلت م برد عليه تاني جات مسج منو كذا مرة،الفضول كتلني فتحته المسجات لقيتو مرسل لي صورة واللابتوب قدامو وكبايه قهوة واوراق كتيرة،وكاتب لي م كدة بس مشغول شديد وراسي جايط والله عندي شغل لازم اخلصو عشان كدة مساهر وفاتح الواتسب بس م شغال بيهو حتى انتي الانسانه الوحيدة البرد عليها،قلته ليهو امممممممممم اهااا طيب ربنا يكون في عينك شغال في شنووو؟قال لي حجات كبيرة عليك ك مبتدئهه😁قلته ليهو قصدك شنو يعني قصدك شنوووو؟ضحك وقال لي قصدي تمشي تنومي بعد كدة،قلته ليهو اممممم قصدك انو انا زاعجاك وكدة؟قال لي م حأنكر طبعاً انك زاعجاني لاني اسي بطلته شغلي ومسكته التلفون وبرد عليك عشان م تزعلي اها دة ازعاج وضياع زمن ولا لأ؟ 😂😁💔قلته ليهو طيب ظابط 🙂👍قال لي عسكري😁قلته ليها ها ها ها...ومن هنا بدت محادثاتنا مع بعض م كانت يوميه بس اتطورت وبقت يوميه وبنتكلم في حجات تافهه واحياناً بسالو من حجات وهو بسجلها لي ريكورد وهكذا،يعني علاقتنا بقت حلوة او بقى يومنا م بعدي لو م اتكلمنا مع بعض ،في يوم قلته ليه يخخخ والله زهج وملل وعدم موضوع ي ريت لو سافرنا الامارات،رسل لي اموشنات ضحك ،قلته ليهو في زول بقول لي زول زهجان بضحك ليهو؟قال لي اها طيب اقول ليك شنو؟م دة العادي بتاعك ي شهد انتي طبيعي زهجانهه 😂😁💔قلته ليهو وااااو يعني اسي الموضوع بقى علي انا م انت ياهو زهجان وصاري خلقهه،ضحك قال لي لاحظي انك بتقولي خلقه م زيك😁قلته ليهو برضو دي م طريقه تتعامل بيها مع زول زهجان،قال لي اممممم طيب بتعاملو معاه كيف ؟قلته ليه م عارف ولا بتستغبى🤔قال لي لا بجد م عارف،قلته ليه صدقتكك،قال لي لا بجد😂قولي لي انتي طيب طالما عارفه،قلته ليهو طيب كدة انت قول لي انا زهجان ي شهد،قال لي بس انا م زهجان،قلته ليه ي غبي ي غبي ي غبي انت بس قول م شرط تكون زهجان واقعياً،قال لي غبي؟قلته ليهو وغبي تربيع كمان😒قال لي اوكيييييهه🙂قلته ليهو لا بجد بطل ثقاله وبعدين الايموشن دة 🙂 حقنانحن بنستخدمو في مواضع خاصه بينا انتو م تابع ليكم،رسل لي ايموشنات ضحك وقال لي طيب طيب نختصر الموضوع انا زهجان ي ستي..
قلته ليه لا حولاااا زهجااان؟مالك ياخ المزهجك شنو والله الدنيا دي م مستاهله تزهج علشانها ي مان كلو بعدي وبتتجازف بي خرشه بي بنقو بي جمبه شيشه بي كوتشينه ياخي كان حضرته اسبونج بوب وتوم وجيري ساي بتلقاها اتجازفت صدقني،على طول رسل لي ريكورد بضحك فيه مسافه وقال لي والله ي شهد انتي مجنونهه😂اها لو عملته ديل كلهم وم اتجازفت الحل في شنو؟ قلته ليهو لا لو عملته ديل كلهم وم اتجازفت عرس دة الخيار الاخير😂😹قال لي نفسي اعمل الحجات القلتيهم ديل بس النفس امارة بالسؤ 💔قلته ليه سؤ ولا مول ها ها ها😂😂💔قال لي شهد بلوك 🙂 💔قلته ليييه استنى استنى عايزة اقول ليك حاجه مهمة،قال لي شنو؟قلته ليه مش انت زهجان؟قال لي متين قلته كدة؟قلته ليهو حتى لو م قلته انت في السودان ماف زول في السودان م بزهج المهم مش ولا م مش؟قال لي يعني اقول زهجان غصب؟طيب اها مش وزبادي وكلو😂😂💔قلته ليهو طيب تضامناً على وضعك ك زول منفسن وزهجان انا عازماك،قال لي بالله؟قلته ليهو اي بكره 🌚 قال لي بكرهه؟قلته ليه هااااااا م فاضي ولا مشغول ولا م عندك زمن هات اعذارك هات،قال لي طيب ان شاءالله لمن نشوف ،قلته ليه يلا انا ماشه اتخمد😒قال لي اسمها ماشه انوم،قلته ليهو لا معليش عندي اسمها اتخمد..

...

شهد ،الكائن اللي خلاني اتعامل معاه غصب عني،رغم اني اغلب الاحيان م ميال للحته بتاعه اني اتعامل مع زول بشكل يومي وكدة بس احساس اني م عايز احرجها او اخليها تتحسس من الحته بتاعه تجاهلي ليها وكدة رغم.محاولاتي في إختصارها الا انها زي الزول البحاول يقتحم حياتك غصب عنك وهكذا،محادثتي معاها بالنسبه لي كانت بتتنسي او حدها قفله البيانات وخلاص،صباح اليوم التاني كنت مضغوط شديد في الشركه عندي كميه شغل وضغوطات مفروض اخلصها وناسي كل الدنيا وسط الانا كنت فيهو دفيفي عززز شغلي حوالي الساعه 2ونص كدة فجأة جاتني مكالمه ڤيديو من الواتسب،شهد متصله مكالمه ڤيديو؟احترته طبعاً،فصلت المكالمه ورسلت لي مسج بتقول فيها"عارفه لو رسلته ليك مسجا

مل سوى زكريات
مؤلمه ،اصبحت قاحله لا احتوي حتى الحنين ،كان غيابه
يذيقني مرارت الفقد "الف"، متى تستوعب انك ميزان
حياتي وبدونك اختلت كل الحياة 🔐
"ليعلم الله انى انتظرتك حتى اصبح دعائي في جوف كل الليله من اعماق قلبي الي سابع سماء" اسمك"

Shiraz Osman،

ماما حأمشي اجيب لي مويه واجي ،قالت لي من وين؟قلته ليها من برة ،قالت لي كويس م تتأخري ولو قدرتب جيبي معاك مويه كتيرة للناس هاك دي القروش،قلته ليها طيب شلته القروش وطلعته،نزلته تحت وانا ماشه على البقاله فجأة صادفتهه ماهر داخل على المستشفى وقفته قصادو مباشرة يااااخي وشو كان في حاله كأبهه وسيء بطريقه م بتتوصف احساس انك ميت ليك زول عديل،قلته ليهو كيفك؟قال لي الحمدلله،قلته ليهو حمدلله على سلامتو،هزة لي راسو وهو ساكت،عايز يتحرك قلته ليهو م كان عندي علم لو م بابا كلمني امس اتصلته عليك كتير م بترد ورسلته ليك مسج،بعد مسافه قال لي بصوت مبحوح وهزيل تسلمي م بتقصري،قلته ليهو انا م عارفه الحاصل شنو بس ممكن م تدخل المستشفى وترتاح برة شويه؟قال لي انا تمام،قلته ليهو لا واضح انك م تمام ابداً ممكن تمشي ترتاح حتى ولو في العربيهه،قال لي راحه؟قلته ليهو علشان تقدر تقيف في اخوك لازم ترتاح شويه يلا ي ماهر اسمع الكلام،ياخي من الإرهاق عيونو كانت م بتتشاف اساساً ووشو مورم حرفياً كان في اسوأ حالاتو ،رجع وانا مشيت وراهو وصل عربيتو فتح الباب وركب،قلته ليهو دقايق،مشيت البقاله بسرعه شلته 2مويه وجيت راجعه دقيت ليه القزاز نزلو قلته ليهو ممكن تفتح التأمين؟فتحو لي ركبته وقفلته الباب قلته ليهو اتفضل دي مويه غسل وشك واشرب،قال لي م عايز،قلته ليهو ماهر انت م شايف وشك عامل كيف شيل اشرب وغسل وشك،في لحظه ضيق كدة قال لي شهد.يشهد الله انا في وضع م ناقصك ابداً،فضلته ساكته وبعاين ليه بكسره خاطر كدة قلته لييهه طيب حاضر اسفهه،شال باقه المويهه نزل غسل وشو ووقف مسااافه وجا راجع ركب ورجع الكرسي لي ورا ورقد واخد نفس عمييييق،فضلنا ساكتين وانا م عارفه اقول شنو او بقولو شنو في وضع زي دة اساساً بس بالجد وضعو يقطع القلب💔فضلتهه مشربكهه صوابعي،عاينته لي يديه كان برجف عديل كدة،بعد اكتر من ربع ساعه سكوت قلته ليهو بتردد ماهر؟!فضل ساكت،قلته ليهو انا م عارفه اخوك وضعو شنو ولا عارفه اقول ليك شنو ولا عارفهه كيف ممكن اساعدك او اخفف عنك بس خليك عارف انو بالجد م هاين علي اشوفك في الوضع دة وصدقني الفترة دي هتعدي واخوك إن شاءالله حيبقى كويس ويرجع احسن بكتير وحتتجاوز الفترة دي بعدها سكتتهه مسافهه حتى مسكتهه يدو وانا مترددة وضغطتهه عليها وقلته لييييهه مش نحن اصحاب؟ "يبقى انا معاك ي ماهر م حأخليك تعديها براك ابداً مهما ساءت الظروف م عارفه نفسي حأقدر اقدم ليك شنو او انا م عندي شي اقدر اقدمو ليك واساعدك بيهو بس رغم كل شي انا م حابه فكرة اني اشوفك كدة وبهمني انو انت تكون بخير خليك واثق من الحتهه دي...💔

...
#مليحيظهه
شكراً للناس الإتفهمت عذر قطعه الكهرباء❤💛💛،وشكراً للناس الشايفه انو قطعه الكهربه دي تحكمها في يدنا رغم انكم عارفين انها حاله عامه،والناس البتقول اكتبي كم حلقه واحفظيها في النوت ي جماعه انا استطاعتي حلقهه واحدة وبكتبها بعد معافرة اساسا انتو بس شايفين الكتابه دي شي ساهل من ناحيتكم والله علشان كدة صعب تتفهمو ...🙂💔

ته اقدمها اصلا هي اخر رغبه ومستحيل يشيلوني فيها و...طوالي نزلتها وقدمتهه،بابا لما جا راجع قال لي تميتي بقيه الرغبات؟قلته ليهو ااايوان وعلى كدة الموضوع انتهى،بالليل بتكلم مع ماهر رسلته ليهو ريكور وحكيت ليهو عن موضوع التقديم وانا بضحكك قلته ليهو خمن اخر رغبه قدمتها شنووو؟قال لي شنوووو😂قلته ليهو هندسه اتصالات،قال لي ي.زولهه؟مش قلتي انك م شايله هندسه؟!قلته ليهو لقيت انو الرياضيات المتخصصه شرط اساسي وهي اخر رغبه ومستحيل يشيلوني فيها ها انا بس قدمتها هبل مني ساااي😂💔قال لي غبيهه وهبلهه يلا،💔 عدت الأيام وجا يوم طلوع نتيجه التقديم وضعي كان صعب،اصعب من وضع الزول المنتظر نتيجه الشهادة السودانيه حقتو،كنت بتكلم مع ماهر اليوم كلو وهو بضحك وما ماخد الموضوع جد نهائي،قال لي طيب جيبي رقم الجلوس بتاعك انا بشوفها ليك،قلته ليهو لا طبعاً مستحيل انا بابا م اديتو ليهو خليك انت💔كنت قاعدة على اعصابي،ماما قالت لي البشوفك بقول منتظرة نتيجه الشهادة ي بت م تبطلي عوارة وتقومي تدخلي رقمك تخلينا نشوف الحاصل شنو،بعد شحتفه روح وخوف وهلع رسلته رقمي في الرابط وغمضتهه عيوني،بعد مساااأااافه فتحتها كان اشوف النتيجهه وهنا كانت الصدمهه...

...
المساء بابا لما جا كان مقوم الدنيا وم مقعدها اول مرة يكون فاير وهايج كدة وبقول لي"تقدمي هندسه كيف؟كيف تقدمي هندسه؟السماح ليك بكدة منو؟شايله هندسه انتي؟البخليك تقدمي المجال دة شنو و....

الموال كان طويل عريض لدرجه انو دخلته غرفتي وقفلته الباب علي وقعدته ابكي،عمرو بابا م اتكلم معي بالنبرة دي حتى ماما م قدرت تهديهو ،وانا بالجد اخر شي اتوقتو انو ممكن اتشال في المجال دة،قدمتو ك تمامه عدد للرغبات بس 😭💔فضلته قافله نفسي على غرفتي وم طايقه زول ولا عايزة اتكلم مع زول ولا اي شي،اخر شي عملو بابا جاني في الغرفه وقال لي بصوت حاد بكرة تمشي تقدمي استقالتك دي بدون اي نقاش سامعه ولا لأ؟الواحد تربي فيهو يربي في عملو💔وطلع ورزع وراهو الباب ،بعدها جاتني مكالمه من ماهر م رديت عليهو،رسل لي واتسب م فتحته المسجات💔لغايه اليوم التاني م طلعته،الصباح ماما جات داخله الغرفه لقتني صاحيه،قالت لي صباح الخير،م رديت عليها،قالت لي اجي وانا ذنبي شنو صارة فيني وشك؟قومي اشربي الشاي ابوك زاتو مرق💔قلته ليها م عايزة انا،قالت لي والله لكن الزول يغلط وم داير يتحمل مسؤليه غلطو دة كلام دة والله💔قمت طلعته من الغرفه مشيت المطلخ شلته لي كبايه مويه جايه طالعه من المطبخ لاقيت منذر وانا وشي مورم،قال لي تعالي ي عارض امس ابوك مساهر بينا بسببك تغلطي انتي يجى يتفشى فيني انا ويسمعني فارغ مالك ي بت الناس دايرة تعملي ليك حركات؟قلته ليهو طير من وشي 😒قال لي ي زولهه احترمي نفسك م تقولي لي طير من وشي بضرب براسك الحيط دة اسي،قلته ليهو اي طير من وشي طير من وشي ي زول،جراني من شعري لمن المويه اتكشحت ولصقني مع الحيطهه وقال لي احترمي نفسك فاهمه ولا م فاهمه بكفتك انا اوعى تقلي ادبك ،قلته ليهو بقل ادبي واي طير من وشي عايز تعمل لي شنو يعني؟اداني كف وخنقني امي جات جاريه وبقت تقول ليهو منذر،منذر ،فكتني منو قالت ليهو دي قله ادب جديدة كمان بتمد يدك على اختك؟قال ليها بتك تحترم نفسها وتبطل امورها الاتعلمتها جديدة دي دة كلو بسبب دلعكم ليها خاربنها دايرة تطلع فوق روسينا، بقيت اعاين ليهو بقوة عين وعيوني ملانه دموع،قال لي نزلي عينك دي،امي قالت ليهو منذر ي ولد انا امها قاعدة احترم نفسك،تاني رجع قال لي قولته ليك نزلي عينك دي !؟ابيت انزلها،تاني لطشني كف طاخ امي هنا لزتو لمن خنقتو وانا جريت غرفتي وقفلتها علي قعدتهه م خليت بكى م بكيتو،بعدها الشيطان بقى يلعب في راسي لبسته اقرب عبايه وطرحه وطلعته من البيت من غير م يشوفني اي زول و اتصلته على ماهر اول م فتح الخط قلته ليهو انت وين؟قال لي في البيت،قلته ليهو حتقدر تجيني اسي؟قال لي مالك خير؟قلته ليهو وانا ببكي حتقدر ولا لا؟قال لي شهد مالك بتبكي خير؟؟؟قلته ليهو ياخي حتقدر ولا لأ بس قول؟قال اجيك وين في البيت؟قلته ليهو لا انا طلعته خليت البيت،قةل لي طلعتي خليتي البيت؟؟؟كيف يعني م فهمت ؟قلته ليهو طلعته الطلوع الواحد دة واتفقعته ليهو بكى في التلفون بقى يقول لي شهد اهدي طيب انتي وين بالظبط انا جاي عليك ،قلته ليهو في الزلط بتاع شارع بيتنا😭💔قال لي طيب خليك مكانك م بتأخر تمام؟قلته ليهو طيب،قفل الخط وبالفعل مشيت انتظرتو في الزلط هو على بعد مسافه من بيتنا ،فضلته منتظره حكايه بتاعه ساعه وهو كل شويه يتصل علي لغايه م وصل ،نزل قال لي خير مالك ؟الحاصل عليك شنو يزوله؟اول م سألني الأسئله دي اتفقعته بكى،قال لي طيب اركبي،ركبته وهو ركب واتحرك وانا ساكته وببكي وهو سايق وبقول لي طيب فهميني على الاقل مالك الحاصل شنو ختيني في الصورة عشان احتمال اقدر احلها؟شهد؟جاوبيني اتشاكلتي مع ناس البيت؟شاكلتك خالتو؟طيب اخوك؟اول م قال اخوك دي زدته في البكى شال منديل اداني ليهو💔وفضل لافي

كدة انا وماهر مجرد اصحاب ا ص ح ا ب وبس وبس وبس والبتفكري فيهو عمرو م حيحصل ،قالت لي اها نستنا ونشوف الزمن بورينا العمرو م حيحصل دة حيحصل كيف؟
قلته ليها جري معاك الباب ي ماما ،قالت لي بكرة عندك جامعه؟قلته ليها م عارفهه والله💔 نومتي دي م صحيت الا اليوم التاني،عدة الايام ورفضته موضوع الترحيل نهائي ف شنو بقو متداولين فيني مرة بابا يوصلني،مرة ماما،ومرة منذر وطبعاً منذر بكون اسوا يوم علشان بنتشاكل على طول في الشارع،يوم قررتهه إني ارجع بالمواصلات وطبعاً علاقتي مع الدفعهه زيرو، م داخله في اي زول ولا بتكلم مع زول وحتى لو اتكلمت م بكتر من كلمتين او تلاتهه،معظم الوقت بكون ماسكه تلفوني ي اما بتكلم مع ماهر بقى حافظني عديل وبقول بيهو خليك فاتح الشبكه طول اليوم علشان امسك بيك زمن ،اها اليوم دة بعد م طلعته م عارفه اركب مواصلات شنو طبعاً وانا زوله م لي في المواصلات يعني م قاعدة اركبها عديل م بتزكر اني ركبتها مرة، مشيت على الزلط لقيت ناس واقفين وقفته معاهم وبعد اكتر من نص ساعه جات عربيه الناس ركبته معاهم بعد م ركبته في مرة راكبه جمبي وشكلها اخلاقها في مناخرها بعد تردد قلته ليها ي خالتو العربيه دي ماشه وين؟قالت لي العربي،شويه كدة الزول البيخلص القروش طقطق ،طلعته ليهو القروش فجأة واحد قال ليهو الراكب بكم؟قال ليهو ب10جنيه ،قال ليهو ليييه عشرة ي حبيب من هنا للعربي راكب حافله ولا طيارة انا؟الزول البيخلص القروش قال ليهو لو م عاجبك انزل اركب ليك طيرة وم تكتر،ومن هنا النقاش والشكلهه دورت والناس تمسك الكمساري يشتبك الزول والزول المعاهو وهكذا لغايه م في لحظهه الكمساري جدع القروش في وش الزول،اها زولنا داك طبعاً اصلاً هو قاعد على الهبشهه ومن هنا الشكله رجعت وقوم اقلع جزمتك واخبط بيها الكمساري في وشو ومن هناك دخلو في دوامهه بتاعهه ضرب ومصارعه والسواق ماشي دة كلو والناس تجوط وتهدي ولسسه بتضاربو لغايه م السواق العربيه وي دوب نزلو تحت و بدو يتضاربو كويس وبقدرة قادر قدرو يحجزوهم فجأة الزول دة قال م لقى تلفونو وبقى يفتش في جيوبو وقال للكمساري انت بس سرقتو وم بعرف العربيه دي تمشي القسم زول ينزل منها ماف،بعد جوطهه قالو يمشو القسم وانا من سماع كلمه القسم دي خلاص جاني هبوط فجاة بصوت مبحوح قلته ليهو"هييي اقيف لي لو سمحت انا نازله ،السواق قال لي نازله وين؟قلته ليهو نازله ،قال لي ماف نزول العربيه دي كلها تمشي القسم،قلته ليهو قسم شنو وانا البوديني القسم شنو؟م ماشه القسم انا ي زول نزلني،قال بي م بنزلك ي بتنا مش انتي حاضرة الشكله دي وشاهدة ولا انتي احسن من الناس القاعدة دي؟م ياهم ديل اعمامك كبار وعندهم اشغال اهم من اشغالك ماشين القسم،قلته ليهو وانا عيوني ملانه دموع انا م شاهدة وم شفته شي وم ماشه قسم حتدخلني قسم غصب؟جزء قالو ليهو نزلها وهو حلف كان ينزلني قال العربيه دي تصل كامله مكمله القسم وانا اتفقعتهه بكى،اتصلته على ماما م بترد،واتصلته على بابا تلفونو مقفول،اتصلته على منذر منذر م برد كذا مكالمه م برد😭😭😭😭💔خالتو الجمبي بتهدي فيني وبتقول لي ي بتي كلنا ماشين معاك يعني م بعملو ليك حاجه والقسم دة م مكان كعب؟!قلته ليها هئهه انا م ماشه ليييه يسوقني بالغصب لييييه يجبرني وانا م عامله شي،قالت لي كلنا م عاملين شي بس شاهدين على الحصل كلو💔قلته ليها انا م شاهدة وم شُفته شي يتشاكلو هم ونحن نتجرجر في القسم ذنبنا شنو؟😭💔رجعته مسكته تلفوني اتصلته على بابا لسسه تلفونو مقفول تاني م خطر على بالي الا ماهر،اتصلته عليه والحمدلله على طول فتح الخط،قلته ليهو ماهر وانا صوتي مبحوح،قال لي شهد عبدالله،قلته ليهو ماهر اللحقني😭😭😭💔قال لي بسم الله في شنو مالك؟قلته ليهو سايقني القسم غصب ي ماهر😭😭😭😭💔 قال لي قسم؟لشنو في شنو ؟وين انتي؟قلته ليهو ماشين على القسم،قال لي الحاصل شنو فهميني واي قسم؟قلته ليهو انا اليوم ركبته مواصلات،قال لي اها؟قلته ليهو وحصلت مشكله في المواصلات الراجل البخلص القروش ومعاهو واحد من الركاب اتضاربو واسي السواق قال مودينا القسم😭😭😭😭😭😭💔قال شنو قال نحن شاهدين على الحصل غصب عننا،اتصلته على بابا تلفونو مقفول وماما م بترد ومنذر م برد😭💔قال لي طيب روقي انتو ماشين اي قسم بالظبط؟قلته ليهو م عارفه،قال لي ادي التلفون دة لي اقرب زول جمبك اتفاهم معاه،قلت ليهو طيب،اديت التلفون لي خالتو الجمبي مسكتو التلفون قالت الوو؟اهلاً ي ولدي ،اي،والله نحن قريبين من العربي ف شكلو هو ماشي قسم الشرطه بتاع السوق العربي،تمام ي ولدي ماف شي بخوف ابداً هو سؤال ورد غطاه بس هي خايفهه ساي والله،ربنا يهون اتفضل هاك،ادتني التلفون قلته ليهو الوو؟قال لي شهد،قلته ليهو ايوة،قال لي انا جاي عليك م بتأخر ماف شي بخوف تمام؟م حيعملو ليك شي لانو انتي م عندك دخل في الموضوع ف م تخافي تمام؟قلته ليهو بس ي ماهر،قال لي م بس ي شهد انتي بس م تتجادلي مع زولةحتى لو وصلتي انا طريق السكه بكون معاك واصلاً ماف شي الموض

كات بنات يلا ممنوع منعاٌ باتاً زول يدخل الجامعه وهو م بقرا فيها ف م حنقدر ندخل معاك اخوك وبعدين اكيد هم كل يوم م حيجيبوك ويدخلوك الجامعه لازم تتعودي تعتمدي على نفسك انتي زوله كبيرة،ماهر عاين لي ورفع لي حاجبو وانا بعاين ليه بكسرة خاطر كدة،قال لي يلا ادخلي وانا لسسه بعاين ليه بزعل كدة وبؤس،الراجل قال ليهو شكلها اختك عنيدة والخوف متملكها،ماهر قال بيهو طيب ممكن تخليني ادخل معاها 10دقايق بس؟سكتو وبقو يعاينو لبعض،قال ليهو م بتأخر وعشان أأكد ليك اتفضل هاك دة مفتاح عربيتي خليهو معاك ك ضمان ،المرة قالت والله برالمه اخر زمن البنعرفهم كانو بجو بكل الحماس الفي الدنيا دي لكن شكلو دة اصدار جديد من البرالمهه،واحد كان متابع بصمت الحاصل دة قال بي ماهر طيب جيب المفتاح نحن حنخليك تدخل بس م حنديك اكتر من 10دقايق توصلها وتجي راجع ،ماهر قال ليهو تمام ابشر،اداهو المفتاح وقال ليهو طيب معليش ممكن اعرف قسم هندسه الاتصالات دة بوين؟واحد منهم قال بيهو تعال لانو لو وصفنا ليك م هتعرف بالفعل مشى قدامنا ونحن وراهو وماهر زهجان بالجد عاينته ليهو قلته ليهو شايفها كبيرة كيف الجامعه؟قال لي شهد ولا حرف م اسمعو لغايه م نصل،وصلنا مكان كدة الراجل قال لينا شوفتو السلم دة؟اطلعو الطابق التاني واسالو عن القاعه رقم...طلعنا بالفعل والجامعه كانت جوطه وصلنا وماهر سأل طبعاً انا ساكته وصفوها لينا مشينا عليها لما وصلنا لقينا فيها ناس او ملانه نوعاً ما بس ماف دكتور فيها قال لي يلا ادخلي،قلته ليهو حتمشي؟قال لي لا ادخل ادرسكم يعني؟م تدخلي ي شهد وبطلي حركات خليني اتخارج،قلته ليهو طيب باي قال لي يلا سلام،وجاتو مكالمه على طول رد وقال اي ي حبيب قريب عليك قريب هههههه واتحرك وانا فضلته واقفه بعاين ليهو لغاااايهه م اختفى،دخلته القاعه واقرب بينش لقيتو قعدتهه فيهو وختيت حجاتي جمبي ومسكته تلفوني بعد 15دقيقهه كدة رجعتهه اتصلته عليهو بعد مسافهه حتى رد قال لي بنفاذ صبر لي ي شهد خير،قلته ليهو اتحركتهه؟قال لي ايوة،قلته ليهو طيب عايزة اعترف ليك بحاجهه،قال لي قولي،قلته ليهو امممممممممم،قال لي سايق انا انجزي،قلته ليهو قبيل وانا بفتح في الكاتشب جزء منو طار في قميصك لو ماشي مقابلهه مهما حاول راجع قميصك و...قبل م اتم كلامي لقيتو قفل الخط في وشي...
...

...
اكتر خطوة حسيت نفسي عملتها بطريقه إنفعاليهه هي مشيتي لي شهد في اول يوم ليها في الجامعه،لقيت انو لازم امشي ليها لأنها كانت نيرفز شديد رغم اني م عارف كيف انا عملته كدة بس فجاة من بالليل لقيت نفسي بفكر شنو الشي المختلف الممكن اعملو ليها يخفف عنها التوتر والخوف الداخله فيهو دة؟بعد قعدة مع نفسي واستعانه بكذا نفر من شويه الناس البعرفهم وبعد طعمجه وتشغيلات ادوني مقترحات لحجات ممكن تساعدها طبعاً انا ك زول م لي في حجات البنات ولا افكارهم ولا الحجات البميلو ليها كان لازم استعين بي فيمنست او زول من اصحابي خبير في امور البنات ف كان الخيار الاول هو زياد صحبي ف هو صراحه يعني طلع خبرهه خبره وم خيب ظني ابداً،بعد م طلعت منها حسيت بنفسي بقيت ميال لعاطفتي شديد يعني حاسي بنفسي م انا يعني انا كائن حتى امو م حصل يوم رفع سماعه التلفون وهناها في مناسبه او غيرو ف كيف شهد قدرت تاخد المكانه دي عندي وتخليني افكر فيها واراعي ليها من غير اي ابجديات واضحهه،يعني هل انا ماشي اكون انسان مختلف عن الكائن الانا بعرفو ؟ولا هي وجودها في حياتي مختلف عن الباقين؟ولا الحاصل شنو بالظبط؟..

...
حقيقةً م بقدر احساسي بالعملو ماهر اليوم ،هو حرفياً Make my dayرغم كل التوتر والخوف الانا كنت فيهو قدر بطريقه ما وغير مباشرة انو يمتص الحاجه دي ويغير لي مجرى يومي كلو ف بقى اكسبتبول نوعاً ما ،عديت اليوم في القاعه اخدنا محاضرة واحدة واصلاً كانت عبارة عن تعارف وكائن كدة بتظارف قدامنا،بعد م خلصنا على طول اتصلته على بابا علشان يجي ياخدني قال لي طيب بعد اكتر من نص ساعه رجع اتصل علي قال لي اطلبي ترحال جيتي ليك صعبه،قلته ليهو بدينا من اسي ي بابا؟قال لي كدة اطلبي ترحال خلي يرجعك البيت لما ارجع بحاول اظبط ليك موضوع ترحيل،قلته ليهو مستحيل اركب ترحيل انا زوله في الجامعه تعملو لي ترحيل زي الشافعهه😭💔قال لي كدة ارجعي البيت لما اجي نتفاهم ولما يجيك وتتحركو اتصلي علي تمام؟قلته ليهو طيب،بالفعل طلبتو وجا ،اتصلته على بابا قلته ليهو خلاص انا متحركه،قال لي تمام،وصلته البيت ماما اظنها كانت منتظراني،خلتني ارتاح شويه وجهزت لي عصير واكل وكدة وشبكتني اها كيف يومك و...حكيت ليها كل تفاصيل اليوم حتى جيه ماهر والعملو والحجات الجابها لي و..م خليت ليها شي م حكيتو ليها،قالت لي ايوااااا ماااااااهر،يعني عايزة تقنعيني انو م مخططين لي كدة انتو الاتنين؟قلته ليها ماما هي سبرايز كيف انا هكون على علم بيها؟قالت لي خلاص طيب لكن عاد ماهر دة كان اتقدم ليك عرسي ي بتي دة راجل المنى😂💛قلته ليها منى ولا سعاد ها ها ها ماما تاني م تتظارفي معي

بجي راجعه اسي،مشيت لما وصلته بالفعل الباب كان مقفول، وزي م قال لي عزو لو لقيتيه مقفول لزيهو وادخلي لزيتو وقبل م ادخل كانت الصدمه،ماهر والبت راقدة في رجولو وبشرب في الشيشه والدخان وريحه البخور مالين الغرفه واغاني ومنظر مقرف...💔

#إقتباسهه

رغما قساوة اسلوبه الذي يصيبني بتوتر انا ارى
خلف كل ذلك انسان انتمي واميل اليه ، اصبح
قريب مني بقدر بذلك الحد البعيد الذي تتركه بيننا كنقطه رجوع لا ألم فيها ولا فقد،لكنني تربعت داخلك بقدر لا تستطيع تحجيمي ولا تهميشي

Shiraz Osman

#ذات_عناق_13

حقيقةً يعني م بقدر انكر انو شهد بقت كائن مؤثر شديد في حياتي والفترة البعدنا فيهو عن بعض دة الموضوع ضايقني جداً فرقت معي شديد يمكن من الولف والتعويدة رغم اني م كائن ولوف ابداً بس شهد كانت غير كانو في مغنطيس بسحبني غصباً عني تجاها وبشكل تلقائي، بعيش في صراع نفسي عديل لما الموضوع يتعلق بيها وعلى الاساس دة كان لازم امشي اشوف شهد،لازم اتكلم معاها واحل النقاش،ودة الحصل انتظرته الصباح يصبح بفارق الصبر ولو م اصبح م عارف بس كان ممكن اتهور وازورهم في بيتهم ...

...
حسيت بشعور الفوز لما ماهر جا في الجامعه وحاول يصلح البينا وكدة رغم انو م اعترف بي غلطو بس على الاقل بين لي انو انا عندي مكانه في حياتو وانو انا فارقه معاه،ماهر مهما وصفتو م بقدر هو ابرد كائن ممكن يعدي عليك ولا مبالي خالص ف كونو يجي منو تصرف زي دة شي طبيعي يحسسني بالإنتصار ،رجعته الجامعه لي لجين بقت تعاين لي بخبث كدة وهي رافعه لي حاجبها،قلته ليها مالك؟قالت لي انا برضو مالي ولا انتي؟قلته ليها انااااا؟قالت لي دة منو اللقطهه دهه حبيبك؟قلته ليها حبيبي؟لا طبعاً،قالت لي اها منو اخوك؟قولي لي اخوك والنبي لو اخوك خليني اربط معاه ،قلته ليها ههههه هو اكتر من اخوي ،قالت لي يعني اخوك ود ابوك؟قلته ليها لا صحبي بس اصحاب شديد واكتر من اخوي،قالت لي اهاااااا،قلته ليها الحيوان دة لييهه لغى المحاضرة؟قالت لي م عارفه يلا انا جعانهه ،قلته ليها طيب يلا،ونحن طالعين فجاة عترتهه وقعتهه وحجاتي كلها طارت،فجاة سمعته لجين بتقول لي شههد ورفعتني والقاعه شبه ملانه واتلفتت وقالت لي واحد انت حيواااان؟في ولد جا لم لي حجاتي وشنطتي وقال لي انتي كويسه؟لجين الولد قال ليها مالك ي بتنا؟قالت ليهو انا برضو مالي؟يعني عايز تقنعني انو م اتعمدته تعتر ليها برجلك؟فاكرها دي شفتنه؟لمعلوميتك الشفتنه ادب ي حبيب وقعت؟قال ليها ي بتنا مالك انتي؟قلته ليها لجين ارح،الولد الرفع لي حجاتي قال ليها خليك انا بحل الموضوع معليش ،جريتها وطلعته قالت لي كان تخليني ليهو الباطل،قلته ليها يمكن م قاصد،قالت لي شهد بطلي براءة البرالمه دي بالله ... عدت الايام وبقينا في لخمه دراسه وجوطه تساليم وتيستات وغيرو ف بقيت مضغوطه لدرجه انو بقيت اللجأ لي ماهر يشرح لي ف بقول لي لو عندك حاجه عايزة يشرحوها ليك كلميني قبل بيومين وهكذا،واحياناً بكذب عليهو بقول ليهو عايزة اشوفك ضروري،لما يجي بكون عندي بحث بخليهو يكتبو معي وهكذا،فترة امتحانات السمستر الأول كنت متخوفه منها شديد وانا من الناس اللي فترة الامتحانات بتأثر في نفسيتها شديد والوقت كلو كنت بشكي لي ماهر م فاهمه دة وم فاهمه كذا لدرجه انو بقى يخليني ارسل ليهو المحاضرات Pdf وبشرحها لي ڤيديو وعمل لي جدول وهو نفسو كان بضغطني لغأاااايه م الحمدلله الامتحانات عدت ،ودخلنا على سمستر2 وبرضو عدة بسرعه شديد في الفترة دي علاقتي بي ماهر بقت قويهه شديد يعني وصلته لمرحله قايمه ماهر قاعدة ماهر بتتكلم مع منو مع ماهر الجايك في الجامعه منو ماهر وهكذا ،وعملته لي شله ظريفه اللي هم اضافه لي لجين طيف يعني بقينا 3 ف اغلب وقتي بقى معاهم لو م معاهم اكيد بتكلم مع ماهر،قبل كل امتحان بيوم كنت بتصل على ماهر وبقول ليهو اسمع ي ماهر ،بقول لي ايوة،قلته ليهو شوف الجمعه الجايه انت معزوم عقدي معليش جات فجأة بس كلو لي خير،قال لي لا ياخي وحصل كدة كيف؟قلته ليهو تقول شنو جات فجأة وكدة،ف بقعد يضحك ،بقول ليهو انا جادة معاك وم تنسى تجي وتجيب معاك العريس تمام اهم شي م تجي يدك فاضيهه بدون العريس ؟في كل امتحان كنت بتصل بتنفسن فيهو وبقول ليهو شي غريب عايزة اعملو مرة عايزة امشي اعيش في الفضاء ومرة عايزة امشي اعيش في ريف سويسرا وهكذا وهو بكون متجاوب مع الموضوع غريبهه وبصور لي الموضوع ك واقع ، المهم خلصته امتحانات يوم الخلصتهه جاني في الجامعه بعد م جا حتى اتصل علي وانا كنت في الامتحان طلعته متأخرة لقيت منو مكالمات حالو حال كل امتحان بتصل يتطمن على شغلي وكدة ،رجعته ليه قال لي وين انتي ي سجم؟قلته ليهو في الامتحان ليه خير مالك؟قال لي اطلعي منتظرك برة ،قلته ليهو برة الجامعه؟قال لي اطلعي بس،قلته ليهو ماشي،طلعته لقيتو واقف في الشمس قدام عربيتو ولابس نظارتو،،مشيت عليه قلته ليهو الزيني باشا هاي،قال لي البرلومه الخوافهه كيفكك😂قلته ليهو في عينك لو سمحته انا خلاص شبه بقيت سنير،قال لي اشتغلتي كيف اليوم؟قلته ليهو الحمدلله غايتو ماشي الحال انت الفكرك بي وجابك هنا شنو في يوم زي دة؟حك راسو وقال لي قلت بما انو اخر يوم في الامتحانات اكيد حتكوني منفسنه ف ليه م اعزمك طلعهه،قلته ليهو امممممممم ي ريت والله بس متفقهه مع لجين وطيف اليوم نطلع وكذااا،قال لي طيب م اشكال اعزميهم يمشو معاك،قلته ليهو طيب حلو،بالفعل اتصلته عليهم جو طالعين من الجامعه سلمو عليهو وطلعنا،طيف قالت ليهو دة انت ماهر؟بجد انت ماهر الحمدلله في الفاينل الخلاني اشوفك فيس تو فيس البت دي م وراه

ا غير ماهر فعل ماهر ترك ماهر قال والله جننتنا ،قلته ليها كذابهه والله ي طيف؟ضحك قال ليها وان شاءالله بس دة كلو م بتجيب سيرتي بالشين😹😹😹لجين قالت ليهو احياناً لما تزعل منك بس بتقوم تشتمك شتيمه على خفيف كدة😂عاين لي وقال ليها ي شيييخهه؟قلته ليهو كذب😢قال لي ماشي ماشي بنتحاسب بعدين وفضلو يتكلمو ويفتحو مواضيع لغايه م وصلنا المطعم وطلب لينا اكل وفضلنا مع بعض نتونس ونضحك وعملنا ضجه في المطعم غايتو رغم النفسنه الفينا طلعت مننا بالطلعهه دي،ونحن راجعين في طريق البيت كان موصلني طبعاً قال بي اها في الاجازة دي حتعملي شنو؟قلته ليهو والله م عارفهه مفروض اسافر الإمارات بس م عايزة اسافر بدون ماما،وماما عندها المدرسه لسه طلبتها م امتحنو يعني بعد م ...فجأة تلفونو رن،رفع التلفون عاين للرقم ورجعو مكانو، تاني رجع اتصل،م رد،تاني الرقم اتصل عايز يشيل التلفون يكنصل المكالمه شلتو انا وعاينته للرقم م كان عليهو اسم تلى طول فتحته الخط وفتحته الاسبيكر التصل قال"الووو؟ماهر كيفك وين انت لييييهه م بترد على امك ي ولدي؟شال التلفون قفل الاسبيكر ورد وقال تمام الحمدلله طيب انا سايق برجع ليكم لمن اصل وقفل الخط..
كان باين على وشو الضيق ،سكتت مسااافه حتى قلته ليهو عارفه حركتي زباله وطفوليه بس انا ملاحظه ليك تعاملك مع امك م ظريف ابداً ي ماهر م عارفه الحاصل شنو ولا حابه اتدخل في خصوصياتك بس انت قبل كدة قلته لي ي شهد انتي م بتهوني علي طيب قول لي اذا انا صحبتك م بهون عليك كيف امك بتهون عليك للدرجه دي؟تعاملك معاها رف،اسلوبك معاها غلط حضرتك ليك كذا موقف م بليق بالواحد يتصرف مع امو كدة مهما بدر منها في النهايه هي امك انت المحتاج رضاها ي ماهر م هي،اذا حاصل منها اي شي تجاهك غلط حسيبها رب العالمين م انت البتحاسبها،واجبك تجاها اعملو بالطريقه القال ليك عليها الشرع وخلي الباقي على ربنا ،المرة الفاتت قلته لي م تدخلي وطلبته مني اقفل الموضوع وانا بقدر اتقاضى عن اي شي ببدر منك بس بالجد م بقدر اتقاضى عن تصرفك مع امك ي ماهر ابداً لاني بكدة حأكون بتنافق مع نفسي💔فجأة داس فراااميل لمن انا ضربته يدي وهو م اتحرك ليهو ساكن كنا في استوب وقفل واظن هو م مركز،قلته اخخخخخخ يدي،ابداً م قال لي مالك ولا الحاصل عليك شنو وفضل سايق وساكت لغايه م وصلني ظلط بيتنا،مزاجو الرايق داك اتحول 180درجه ،نزلته من العربيه وانا بالجد غضبانه قفلته ليهو الباب طاخ ومشيت في مشيتي دي اتلاقيت مع حسام في الشارع ودة الكان ناقصني اول كلمه قالها لي"شايفك بقيتي بتاعه عربات يومي نازله من عربيه"
في لحظه غضبت اتلفته عليهو وقلاه ليهو م شغلتك انت كمان مالك ومال اهلك بالموضوع؟اتلهي وشوف شغلتك وم تقيف في وشي تاني علشان م اخليك تفتش باقي قطع غيار لكرامتك ..

بالليل حوالي الساعه12كدة جاتني مكالمه من ماهر م فتحته الخط كنصلته المكالمه وهو تاني م رجع لي
عدت اسبوعين لا حاول يتصل علي ولا حاول يتكلم معي مرة واحدة حاولته اتصل عليهو ورقمو م دخل معي قلته خلاص معناها عمل لي حظر مكالمات وفي الواتسب م داخل،بعد مدة الاسبوعين دي في يوم اتصل علي اول م فتحته الخط قال لي ي شهد عبدالله "طبعاً هو صوتو فيهو بحهه حلوهه كدهه"قلته ليهو اهلين،قال لي كيفك ياخي ان شاءالله بخير؟قلته ليهو الحمدلله وانت؟قال لي تمام الحمدلله ناس البيت والاهل كيفهم؟قلته ليهو الحمدلله ،كان بتكلم معي بي بهجهه وحماس كدة،قلته ليهو وين مختفي؟قال لي والله تقولي شنو جاتني سفرة الإمارات فجاة،قلته ليهو بالله؟ليييه خير إن شاءالله؟قال لي مشيت اعمل حق ربنا مش انتي قلتي كدة؟قلته ليهو م فهمت؟قال لي م عليك المهم طمنيني عليك انتي بخير؟قلته ليهو الحمدلله على كدة المكالمه خلصت💣اتكلم معي اليوم التاني ف بقيت اقول ليهو زهج وملل وعدم موضوع وهكذا ف طرح علي فكرة اني ارجع اشتغل معاهو في الشركه ومنو اكتسب خبرة من ناس عزو وكمال،قلته ليهو لا م بقدر،قال لي على فكرة عمي من يوم عمل حركتو الزباله ديك معاك رجلو م عتبت الشركه وم هتعتب ابداً،قلوه ليهو شنوووو😳قال لي فكرك انا م هعرف يعني؟بس كنت مستغرب انتي ليييه دسيتي الموضوع رغم انو الغلط غلطو💔قال لي المهم ي شهد فكري في الموضوع وعندك حريه الاختيار اشغلي نفسك بالطريقه الصح لو حابه حبابكك تحت اي لحظه،قلته ليهو بس امي حتخلص امتحانات وحتقول نسافر،قال لي اي ومالو م حنك وين المشكله؟قلته ليهو طيب انا موافقهه ،قال لي من بكرة لو حابه اتفضلي،قلته ليهو لا م للدرجه دي كمان هههه،قال لي طيب ي ستي مكتبك جاهز تحت اي لحظه وبكدة نقدر نعتبرك بتعملي في ترينق وهنتعامل معاك بجديه وحزم فهمتي؟قلته ليهو Noooقال لي في عينك ، بعد م بابا وماما جو نهايه اليوم فاتحتهم في الموضوع بابا رغم انو عارض بس اقتنع بعدين،قال لي حتنزلي متين؟قلته ليهو الأحد الجاي ،قال لي طيب تمام،م كنت حابه امشي ويدي فاضيه ف قررتهه اعمل ماهر هديه ،اللي هي كانت عبارة عن رسمه ليهو وكيكهه شوكولاتهه،الرسمه لجين

كانت بتعرف سنير من جامعتنا بدرس هندسه معمار طلبته منها تخليهو يظبطها لي وهو ماشاءالله فظيع في الرسم بخته ليك الرسمه زي م هي تيبيكال،وبالفعل دة الحصل مشينا الجامعه استلمنا منو الرسمه يوم السبت والكيكه عملتها من بالليل واجتهدتهه فيها شديد غايتو ودخلتها التلاجه،الصباح صحيت متأخرة ماف زول غيري انا ومنذر ومنذر نايم،جهزته نفسي وجهزته الكيكه في صينيه قزاز ولفيتها وطلعته مشيت،لما وصلته الشركه كنت شايله الرسمه والصينيه وماف اي طريقه اسلم بيها على زول بس كنت بأشر ليهم من بعيد وسألته الفي الاستقبال ماهر موجود؟قالو لي ايوة موجود وين انتي انقطعتي كدة؟قلته ليهم والله تقولو شنو مع الجامعه بس💔قالو لي ربنا يعينك،طلعته فوق وصلته مكتب ولاء اللي هو مدخل لي مكتب ماهر م كانت موجودة،على طول مشيت على مكتب ماهر دقيت الباب قال لي ادخل،دخلته على طول قلته ليهو سبرااااايززززز،قال لي شهد عبدالله زارتنا البركهه،قلته ليهو احم احم بسم الله كمان اساساً انا البركه كلها،قام على حيلو وجا علي قال لي جايه بعفش بيتكم الشركه؟مسك مني الكيس العليهو صينيه الكيكه قال لي فيه شنو وفتحو على طول قال لي لا يااااخي؟قلته ليهو م حتلقى واحدة حتظبط كيكه شوكلاته اظبط مني،قبل م اخلص كلامي فتحها واخد منها قطعه وبقى ياكل فيها مسافه وقال لي ببرود يعني لا بأس بها،؟!!قلته ليهو جيبها طيب عايزة امسكها منو جراها وضحك،قال لي وتاني جايبه لي معاك شنو فطور؟قلته ليهو Noooقال لي اها شنووو؟قلته ليهو خمن؟قال لي حاجه جايباها شهد اكيد حتكون مصيبهه يعني شنو؟قلته ليهو كدة؟طيب وطلعته ليهو برجولي في جزمتو ،قال لي انا في الشركه م بفرق حتى لو اتوسخت😎 قلته ليهو طيب غمض عيونك دقيقتين،قال لي ليه؟قلته ليهو بس غمض،غمض عيونو طلعتهه ليهو الرسمه قلته ليهو ع فكرة م براك جنتل وبتعرف تجيب هدايا في ناس جنتل منكك Like meطبعاً😌فتح عيونو بقى يعاين للرسمه وعلى وشو ملابح الدهشه كدة وقال لي لا حول ولا قوة الا بالله يااااا شهد ياخ ي شههههد،قلته ليهو اي عارفه اول مرة زول يطراك بي هديهه معليش معذور مقدرة صدمتكك😌بقى يضحكك فجاة جات بت داخله وقالت "ماااهر"اول م شافتنا واقفين سكتت، ماهر قال ليها اهلين،جات داخله قال ليها دي شهد،قالت لي اهلين كيفك؟قلته ليها تمام الحمدلله وعلى طول عاينت للكيكه وقالت ليهو وااااو كيكه واخدت قطعه وغمضت عيونها وقالت ليهو ي سلاااام حاجه في منتهى الرهابه تاني اخدت قطعه قالت لي عاملاها انتي؟هزيت ليها راسي،قالت لي رهييييبهه،دخلته جزء من الكيكه الماسكاها في يدها في خشمها والباقي دخلتها لي ماهر في خشمو وقالت ليهو مستعجله انا بجيك بعدين تمام؟
طبعاً انا مع الحركه دي بقيت متجمدة في محلي او بمعنى اصح حسيت بي طعنه في قلبي،بعد م طلعت هو زاتو اتحسس حبتين مع الحركه قال لي مجنونه يخخخخ،هزيت ليهو راسي ،طلعته من المكتب وانا في عقلي استفهامات او ضيق م حصل حسيت بيه. قبل كدة ودي كانت بدايه الموضوع هنا،رجعته البيت قعدته اتكلم مع رهف وبحكي ليها الحصل وردة فعل ماهر لما وديت ليهو الكيكه والرسمه وبعدين قلته ليها م شوفتي في وحدة باطلهه كدة جات تتخافف واتخيلي م اكتفت بي انها شالت من قطعه الكيكه لا هي اكلت منها ماهر تخيلي؟قالت لي اها وتاني؟قلته ليها تاني شنو بقول ليك اكلتو في خشمو بي يدها؟!قالت لي امممممم عادي ي شهد وين المشكله يعني عادي بتحصل زي م انتي احياناً كتيرة بتعملي كدة ماف زول حاسبك عليهاةقبل صح؟قلته ليها بس ماهر علاقتو مع موظفينو م كدة،قالت لي عرفتي من وين يعني انتي متين نزلتي الشركه؟وبعدين مكبرة الموضوع مالك زي الحبيبتو شهدون احب ازكرك ماهر صحبك هل دي غيرة؟قلته ليها ي بت اغير من شنو انتي هبله؟
قالت لي وطيب؟
قلته ليها اكسري الحنك..
قفلته منها وانا قافله معي يعني احساس انك تحكي حاجه لي زول م يفهمك دي حارة خلاص ولا احساس انك م تقدر توصل احساسك الحاسيهو لي زول دة ماف اصعب منو ابداً...💔وهنا كانت البدايه الفعليهه للحكايه...

في يوم انا وماهر بنفطر مع بعض قلتهه ليهو عارف نفسي في شنوو؟قال لي النفس امارة بالسؤ😂قلته ليهو لا بجد،قال لي اها؟قلته ليهو نفسي في اقاشي فراخ يكون حار وكتير وبدرتو ظابطهه وحادق كدة وليمونو كتير،قال لي م طلبتي حاجه بكرة نمشي تفطر في اظبط محل بعمل اقاشي،قلته ليهو لا انا عايزاهو المعمول في الارض داك ياخ اللي بختوه على شكل دايرة في الارض دة بكون رهيييييب،قال لي ودة بعملو وين؟قلته ليهو م عارفه💔قال لي طيب انتي شوفتيهو وين؟قلته ليهو اكلتو مرة مشيت مع بابا رحله 😭قال لي اهااا انا افتكرتو بتعمل في محل😂😂😂😂😂💔بعد اسبوعين من الكلام دة في يوم اتصل علي قال لي وين انتي؟قلته ليهو اممممممم ماشه على الشركه،قال لي وصلتي وين؟قلته ليهو في شارع المطار،قال لي طيب خليك جمب المشتل،قلته ليهو لييييهه؟قال لي بس خليك جاي جاي عليك ،قلتهه ليهو طيب بالفعل وقفته بتاع الترحال في المشتل وفضلته منتظراه قريب الساعه كل ش

ويه اتصل عليه بقول لي قريب،جاي عليك ،الزحمه،...الخ لغايه م وصل اتصل علي ونزل جاي علي كان لابس شورت وفنيله وكاب ولابس نظارة جا على اتجاهي وانا بعاين ليهو بي إستغراب طبعاً اكيد م ماشي الشركه كدة،قال لي شهد عبدالله،قلته ليهو بي تردد اهلين،قال لي مالك؟عاينته فيه مسافه قلته ليه انت المالك؟قال لي ماف ارح تعالي،قلته ليهو وين؟قال لي بس تعالي بحكي ليك في الطريق،قلته ليهو اكيد م ماشي الشركه صح ي ماهر؟ضحك قال لي الشفقه تطير تعالي اركبي،قلته ليهو طيب مشيت وراهو هو فتح الباب وركب وانا فتحته الباب القدامي وهنا كانت الصدمهه...

اوكييييهه م بقدر انكر انو البت كانت سمحه وسمحه شديد لابسه بنطلون وتشيرت اوف شولدر وفاكه شعرها والمكياج والحال م يديك الدرب بس انا م عارفه لحظتها الحصل لي شنو يعني ماهر بالمنظر دة والبت كدة و...المهم راسي جاط وفضلته متنحه فيهم ،البت قالت لي هاي شهد كيفك؟طبعاً البت م جديدة علي نفس البت الدخلت لي ماهر الكيكه في خشمو،ماهر بعد مساااافه قال لي شهد ورا،م بتتخيلو لما قال لي كدة انا اتغظت واتفرست كيف،حتى هو قالها بإستفزاز💔قلته ليهو معليش بس انتو ماشين وين م فهمت؟قال لي اركبي وحتفهمي كل حاجه قُلنا،ركبته وهو اتحرك والبت قالت ليهو ماهر اغانيك بايخهه زيك كدة،قال ليها م بتعرفي للغنى شي انتي،ضربتو في كتفو وقالت ليهو انا برضو؟دقيقه طيب اوريك اسي العرفه دي كيف،فصلت تلفونو ووصلت تلفونها وشغلت اغاني وعلت الصوت لغاااايه اخر حاجه وبقت ترقص وبتعمل حركات لماهر وبتقول ليهو اها كيف معاك ومرة تمشي يدها في لحيتو ومرة تجرو من اضاني وانا جد يعني اتغظت كاني قدرة فول قاعدة ورا،قلته ليهو ماهر ممكن افهم نحن ماشين وين؟مااااهر،خفض الصوت قال لي نعم ي شهد؟قلته ليهو نحن ماشين وين؟قال لي شهد م ممكن تبطلي شفقهه؟البت قالت لي م تستعجلي ع رزقكك ي بيبي صدقيني حتنبسطيييييييييييي لما نصل لوجهتنا ورجعت علت الصوت وبقت ترقص،فضلته ساكته وماهر سايق لغااايه م في لحظه كدة ماهر عمل مكالمه وقال الووو؟ايوة،اها الامور كيف؟كلو تمام؟طيب ماشي جاين عليكم نحن م بعيدين،تمام ،قالت ليهو الحاصل؟قال ليهو كلو شبه مظبط،مشينا مساااافه بعدها وقف العربيه قال ليها شكلهم وصلو كلهم قبلينا ههههه،قالت ليهو اظبط حاجه حيكونو ظبطو المواضيع الما اتظبطت ،ماهر قال لي شهد يلا،نزلنا من العربيه كانت مزرعه،ونحن داخلين قلته ليهو بنفاذ صبر ماهر،قال لي تعالي بس،دخلنا كانت مزرعهه رهييييييبهه وقوله رهيبه عليها بسيطه وسامعين صوت الاغاني فوق،بعد مساااافه حتى قدرنا نصلهم بعد م وصلناهم اتفاجأ بالشركه كُلها هناك،اول م لمحونا كلهم بقو يقولو اوووووو وصلو وولاء قالت لي شهدووووووووون ،مشيت سلمته عليهم ،قلته ليهم دة شنو الغنج دة😂😂💔قالو لي اسألي ماهر😭😂💔ماهر قال لي تعالي اوريك الغنج مسكني من يدي ولفتني كان اشوف ليك كميه اقاشي معمول في الأرض على شكل دائرة،قلته ليهو الله اقاشي م قادرة اصدق😍😭💔قال لي اها كيف وكيف ؟قلته ليهو عايزة اكل اسي💃😍قال لي اصلاً هم منتظرننا نجي بس،مشينا قعدنا وبدأ برنامج الفطور والقعدة كانت ظريفهه شديد ونسه وضحك وفرفشه وجبنه حبشيه حاجهه كدة رهابهه ،لغايه م في لحظه كدة الناس بدت تنسحب او تتوزع او انا م شايفه ماهر علشان كدة، حاسه بإختفاء الناس💔ولاء قالت لي ارح نلف المزرعه ونشوفها للدنيا والزمان ي زوله،قلته ليها طيب ارح ،قالت لي فيها زي البيوت حقت الريف بتاع اوروبا شكلها فخمهه من جوة،قلته ليها اي وكبيرة كمان،قالت لي جد خرافيهه غايتو ماهر داير يموت لمن جابنا مزرعتهم دي،قلته ليها امممممممم دي مزرعتهم؟قالت لي اي دة مزرعة اسرتو ها،قلته ليها اهااا ارح طيب فضلنا لافين فيها والله رهيبه حد الرهابه تحس نفسك في ريف اوروبا ولا المسبح والطبيعه الفيها خرافيه وفيها شجر منقه وليمون وبرتقال،قالت لي غايتو جنس شي،قلته ليها حاجه في منتهى الوبعلي😁قالت لي اريتو راجلي كان راجلي م بنحتاج بيت هنعيش هنا غايتو ي بختها الهتعرسو كل م تزهج تجي تغير جو هنا 😍😂❤ضحكته قلته ليها والله انتي ي ولاء😂😂😂💔فضلنا نتونس ونضحك ونتصور لغااايه م تلغااااايه قفل اصلاً هو م كان فيهو شحن ،قلته ليها تلفوني قفل،قالت لي م حنك انا جايبه معي باور ارح اديك ليهو ،رجعنا مكان قاعدين قالت لي عزو عزو وين الباور بتاعي كان هنا اسي؟!قال ليها والله م عارف،فجأة عصام قال ليها معي موصلين فيهو انا وكمال،قالت ليهم شهد عايزة تشحن تلفونها قفل،قلته ليها لا خليهم يشحنو م حنك وانا بالجد كنت محتاجه اشحن تلفوني علشان يمكن نتأخر واحتاج اتصل على ناس ماما اطمنهم او يمكن هم يتصلو ويلقو تلفوني مقفول وبابا بكره الحركه دي وبقلق، ،عزو قال لي شهد يمينك طوالي في زي بيت او كوخ زي م بقولو عليهو امشي عليهو بتلقي شبه فاتح ولو قافل لزيهو وادخلي فيهو كوبسات كهرباء وصلي تلفونك،قلته ليهو طيب،شلته وصلتي من الشنطه وتلفوني واتحركته ولاء قالت لي اجي معاك؟قلته ليها لا خليك

#ذات_عناق_14

اتصلبتهه لحظتها في مكاني م حسيت بالواقعيهه ابداً ولا حتى شفت ردة فعلهم وهم شايفني وانا واقفه قدامهم كدة بعد لحظه ما رجعته خطوة ورا وخطوتين واربعه و10 لغااايه لقيت نفسي ماشه وشبه مهرولهه بعد مسافهه وقفتهه استعدته توازني واستوعبه حقيقة الشفتو فضلته واقفه وانا بتلفت عايزة اشوف اذا ماهر جاي وراي او لا ف م لقيت شي فضلته ماشه خطوة خطوة وانا لسسسه في حاله بتاعه خدر كدة لغايه م سمعته صوت بقول لي شهد،شهد،ياااا شهد،اتلفته مخلوعه لقيتو عزو قال لي وصلتي تلفونك؟فضلته ساكته بعاين ليه بحاول انطق وارد ليه بس حاسه بلساني تقيل،بعد مسافه قلته ليه لا خليتو تلفوني فتح وعامل 1℅حيوصلني البيت،قال لي طيب امشي ختيهو في الباور انا شلته تلفوني،قلته ليهو طيب،مشيت على اتجاه ناس ولاء قالت لي شهد وصلتي تلفونك؟قلته ليها خليتو،قالت لي مالك؟قلته ليها ماف شي بس تلفوني فتحتو عمل 1℅بوصلني البيت اساساً بعد كدة طالعهه،قالت لي طالعهه؟طالعهه ويييين؟قلته ليها راجعه البيت بعد كدة،بقت تعاين لي بإستغراب وقالت لي البييييييييت؟؟؟
قلته ليها عندك تطبيق ترحال في تلفونك؟علشان م بقدر افتح الشبكه في تلفوني ممكن تطلبيهو لي؟قالت لي شهد انتي جادة؟وبقو يعاينو لبعض،قلته ليها ايوة جادة،قالت لي مالك ي بت انتظري م حنتأخر اصلاً م حنتأخر بس ي دوب القعدة حتحلى والغداء والبرنامج،قلته ليها لا والله صعبه خصوصاً انو م كلمته ناس البيت ،قالت لي انتي م شافعه واذا يعني قولي ليهم تبع الشركه اسي م كنتي كويسه الجاك شنو؟اتلفته منها وقلته ليهم في زول معاه تطبيق ترحال يطلب لي ؟
كمال قال لي ي زولهه؟رهف قالت لي دي نفسنه منك،ضحكتهه ضحكه باهته وشفته عزو جاي من بعيد ناديت عليه ي عزو عزو،قال لي نعم؟قلته ليهو تعال تعال،لما وصلني قلته ليهو عندك تطبيق ترحال؟قال لي اي ،قلته ليهو كدة تلفونك طيب،قال لي مالك؟قلته ليهو كدة بس،اداني ليهو فتحته التطبيق على طول وبقيت ابحث بعد مسافه لقيت استجابه للطلب ،
ولاء قالت ليهو م كان تديها قالت ماشه تخيل؟قال ليها ماشه وين؟قالت ليهو راجعه البيت!؟بقى يعاين لي قال لي نفيسهه مالك؟فجأة جات مكالمه في تلفون عزو رديت كان بتاع الترحال قال لي وصفي لي وين انتو بالظبط،قلته ليهو عزو هاك وصف ليهو ،بقو يكوركو فيهو ويقولو ليه لا م توصف كنصل المكالمه والغي الطلب قلته ليهو عزو وصف للزول لو سمحت م تركز،وصف ليهو وقفل ،شلته شنطتي وبقيت اصلح في طرحتي ،ولاء قالت لي م بقدر عليك غير ماهر بالمناسبه ماهر وين؟كمال قال ليهم بالجد ماهر وين؟عزو ضحك قال ليهم ماهر غانج وم فاضي ليكم ي سادة😹😹😹😹😹😹💔مصطفى قال ليهم يخخخ هو ماهر دهه السنهه كُلها غانج ومجخنن لعاااااب وسيد الشي كمان😹😁💔وبقو يطعمجو فيهو كلهم،رهف قالت ليهم سجلته القلتوهو بالكربون وحيوصلو🙆😹😁عزو قال ليها الشهر دة كلنا عندنا خصومات مرتب معناها😹😂💔فجاة تلفون عزو رجع ضرب كان بتاع الترحال قال ليهو انا واقف برة ،عزو قال ليهو تمام طيب جاين عليك،ولاء قالت لي شهد بالجد حتمشي من غير م تكلمي ماهر حتى؟قلته ليهو لو جا بس كلموهو اني طلعته م حنك يلا نتلاقى يوم الأحد انبسطو❤❤اتلفته ماشه فجأة اشوف ماهر جاي ومعاهو البت بتاعتو،م بقدر اتخيل ملامح وشي وانا مشمئزة منهم كيف،عزو على طول قال ليهم والله ي ماهر بتعرف تختار ناسك غايتو، كمال قال ليهو خبرة في اختيار المكنات😹😂قال ليهو وبعرف بدردق كمان احييييييييييييي بس منك ي ود الزيني،انا طبعاً مغمضهه عيوني واعصابي حاساها تلفت شويه كدة ودموعي حتجي جاريه من الغيظ،ولاء قالت ليها رهف سجلي سجلي في ناس الشهر دة ماف ليهم مرتبات عديل😹ماهر من بعيد بعاين لي لغايه م وصلونا،عزو قال ليهو غنجاتك ي باشا الاداك بالكوريك يدينا بالملعقهه😹❤💔عاين ليهو سكت البت قالت ليهو شبابز ازيكو،ولاء قالت ليها والله زي م شايفه كنا كويسين لغايه قبل اللحظهه دي،وقالت لي ماهر ي مستر شوف شهد قالت ماشه فجاة،بقى يعاين لي بعد مسافه قال لي ماشه وين؟قلته ليهو ماشه البيت،قال لي لييييهه مالك؟
واااو بسالني ليه مالك؟بكل البرود الفي الدنيا بسألني مالك؟م عارف انو انا شدة م قرفانه منو نفسي ارجع في وشو
قلته ليهو ماف شي اصلاً انا م كنت عارفه بموضوع الرحله وناس بيتنا م عندهم سابق علم وتلفوني قفل وحيقلقو ف لازم امشي اسي،قال لي التلفون المقفول بتشحن، عاينتهه لي وشو وملامح وشو مساافهه وقلته ليهو لا انا ماشه،رهف قالت ليهو كلمناها بس ركبت راس وطلبت ترحال حتى جا واقف ومنتظرها برة،بقى يعاين لي وهو ساكت،بتاع العربيه ضرب بوري البت فجأة نطت وقالت لي عايني مستعجله مالك انتي؟انتظرينا نطلع كلنا مع بعض زي م جينا مع بعض وم تخافي حنوصلك لغايه البيت وممكن ندخل لناس البيت نوريهم الحصل،

هنا انا شواطين الدنيا اتجمعت كلها في راسي من كلامها ومن صوتها النايص البحرق الاعصاب،تخيلو بتقول لي انا "نوصلك"يعني دي بتتكلم معي انا كدة؟
عضيت اسناني مسااافه حتى اتلفته عليها وقلته ليه

ولاد صغار داخلين البقاله قالو ليهو عازين اندومي وجبنه،قال ليهم خليكم منتظرين هنا جاي شال حجاتي واتقدم قدامي ،بعد مسافه حتى لحقتو وصل الحجات جمب الباب وجا راجع اتلاقينا في نص الشارع عاين لي ونزل عينو في الأرض وانا واصلته بيتنا،وانا شغاله في المطبخ ومركبه سمعاتي فجاة جاتني مكالمه من رقم غريب قلته خلاص معناها دي ماما فتحته الخط الووو؟بعد مسافه سمعت صوت بقول إحم الووو شهد؟قلته ليهو منو معي؟قال لي عارفك حتقفلي الخط بس م قدرته امنع نفسي من انو اتصل عليك قلقته عليك شديد ي شهد حتى ملامحك متغيرة احكي لي مالك ؟الحاصل عليك شنو م تقولي لي كويسه عشان انتي م كدة ابداً
قلته ليهو حسام انت جبته رقمي من وين؟
قال لي م مهم جبتو من وين المهم انا...قفلته الخط في وشو

فضل يرسل مسجات كميه حظرتو من الواتسب بقى يرسل Sms،قريب الشهرين هو على نفس الحال واحياناً بتص من ارقام غريبهه💔اخر م في الاخر بقى يقول لي انتي عايزة تجنيني ي بت الناس؟لو عايزة تجنيني ابشري انا جنيت بالفعل عشان بقى شغلي الشاغل انتي ،شهد انا بتخيلك وبتكلم معاك عديل كدة،ياخي بس اديني فرصه،والله ي شهد يشهد الله اسي لو قُلتي لي تعال اتقدم لي ابوي بجي اتقدم والله انا جاهز وفي فترة انفصالك عني دي عملته كل البطلع بي يدي بس عشان لو حصل يوم وبقيتي حلالي م ينقصك شي وتعيشي زي م عايشه في بيت اهلك،قولي لي بس انتي عايزة شنو غير اني اخليك في حالي اطلبي مني اي شي تاني ي شهد م تقفليها في وشي كدة وانا غيرك م عايز ي شهد لو عايز كنت اتزوجت 💔بعد المسج دي بيومين بالظبط في بالليل حوالي الساعه 12 كدة كنت بقرا في دردشاتي انا وماهر وبفتح في الصور والڤيديوهات وبشوف في مدة المكالمات الكنا بنتكلمها فجاة جاتني مسج من حُسام بقول لي فيها شهد💔
في اللحظه دي م عارفه الحصل لي شنو بالظبط ولا عارفه هل انا دخلته في حاله بتاعه هايبر اكتيڤ ولا مستوعبه العملتو في لحظه حزفته كل حاجه بتخصني انا وماهر من صور لمحادثات رقمو كل شي حذفتو،تاني جات رساله من حسام كاتب لي فيها الله يرضى عليك لو بتصلك رسايلي دي ردي علي والله العظيم تلاته ي شهد انا على وشك اني امسك كل زول ماشي في الشارع واحكي ليهو قدر شنو انا بحبك💔💔💔💔💔اترددته كتير في خطوة خطيتها في اللحظه دي وي ريتني م خطيتها💔ي ريت صوابعي اتشلت وم عملتها ابداً ي ريت الدنيا قامت وقعدت والتلفون وقع من يدي اللحظه ديك او ي ريتني لو نمت او مت حتى قبل م اخطيها،اتصلته على حُسام في لحظه ضعف او لحظه تهور وإنفعال،وعلى حسب انو هو كان برسل مسجات على طول فتح الخط واول م فتح الخط بقى يتكلم معي زي المجنون،زي لهفه البدايات الكانت عندو،زي الكانو كانت رايحه ليه حاحه ولقاها💔شهد ،انتي!انتي بجد متصله علي،انا ،انا م...
قاطعتو وقلته ليهو انت بجد لو قلته ليك موافقه حتجي تطلبني من ابوي؟قال لي شنوووو؟قلته ليهو لو انا قلته ليك موافقه اتزوجك حتخطي خطوة جادة وحتجي تطلبني من ابوي بالباب عديل ي حُسام؟؟قال لي بإنفعال لو اسي نص الليل دة عايزاني ادق بابكم بجي ي شهد ،قلته ليهو طيب انا موافقه...💔

💔

وك دة م حيخليني اقنع منك،ضغط على يدي شديييييد وقال لي شهد انا بإذن الله هعرسك فهمتي؟

م عارفه بس انا م بقدر اتجاوز كميه المحاولات البحاولها حُسام عشاني،هو عمل كُل البطلع بيدو علشان يبين لي قدر شنو هو متمسك بي اوقات كتيرة مزاجي بتقلب بتفصم فيهو وبقول بيهو انت لصقه وانسى قصه اني قلته ليك موافقه و...رغم دة كلو بياخدني على قدر عقلي وبعتذر وبقعد يتحايل علي علشان ارضى ،م هو الزول الممكن يترفض ابداً رغم نفور قلبي منو بس حتى ربنا قال "وعسى ان تكرهو شيئاً وهو خيراً لكم"وانا على الأساس ده بقيت مستسلمه لعلاقتنا وهو بكل محاولاتو دي م بقدر اكذب هو فعلاٌ كسبني...❤

بعد شوفتي لحاله حسام بسبب طريقهه معامله بابا ليه وقدر شنو الموضوع مؤثر عليه حسيت بالذنب شديد لأنو حصل ليه كدة بسببي رجعته البيت وانا مقررة حاجه واحدة إني اتكلم مع بابا في الموضوع بأي طريقهه من الأخر،لحسن الحظ او لسؤ الحظ بابا كان قاعد في البيت،غيرته ملابسي وارتحته وبعدها مشيت عليهم برواق كانو هو وماما قاعدين مع بعض،كنت خايفهه ومترددة شديد بس حسام بالنسبه لي بقى واقع انا عايزة اعيشو خصوصاً انو خطى خطوة جادة ناحيتي، قويت قلبي وبعد تقله لسان قلته ليييهه بابا؟!قال لي نعم،قلته ليه انا عايزة اتكلم معاك في موضوع!!!قال لي خير إن شاءالله قولي،قلته ليهو سكتتهه م قدرته اتكلم
قال لي مالك ي بت اتكلمي؟!
قلته ليهو انت لييييهه رافض حُسام؟
ماما عاينت لي بخلعه وبابا بنفس الهيئهه على وشوشهم كان في الف استفهام؟؟؟
قال لي نعم؟؟
ماما قالت لي ي بتتت
قلته ليها انا عارفه انو جا اتقدم ليكم وعاد الموضوع مرة واتنين وتلاته ،
بابا كانت قدامو كُبايه مويه وعليها مويه،م حسيت بي شي إلا والكبايه بتتكسر تحتي والمويهه في وشي،
ماما قالت ليهو عبدالله؟؟؟
قال لي دي قله ادب جديدة كمان؟
قلته ليهو وين قله الادب في الموضوع ي بابا؟انو زول جا دق ليك الباب وقال ليك انا عايز بتك على سنه الله ورسولو دي قله ادب؟طيب اهانتك لي زول وتقيمك ليهو على حسب مكانتو الاجتماعيه دة بتسمى شنووو؟
ماما قالت لي شهد ي بت وجات ضربتني كف،بابا بقى يقول ليها سوقي بتك من قدامي ي سوسن،سوقي بتك من قدامي في اللحظه دي"كان بتكلم وصوتو برجف"
قلته ليهو من متين وانتو بتقيمو الناس على حسب وضعها الاجتماعي؟وبأي حق؟؟؟
قال لي بي نهرة هو كان راجل صح كان اديناهو +انتي بت متين ؟
قلته ليهو هو لو م راجل صح م كان جا دق الباب+لما عم ماهر فاتحك في الموضوع م سمعتك قلته كدهه ي بابا الإختلف شنو اسي؟
شال تربيزة الخشب القدامو وضربني بيها في كتفي حسيتو اتخلع من الضربه قام جاي علي ،امي قامت وقفت بيناتنا و مسكتني وبقت تقول ليهو عبدالله لا إله الا الله ي عبدالله،وانا لسسسه واقفه بقوة قلب م عارفه جبتها من وين،قلته ليها خليهو يضربني ي ماما ، اضربني على قدر م تقدر ي بابا بس دة م بيمنعني اقول ليك انو انا موافقهه على الإنت رافضو دهه ...💔