🔹Энергетика министрлігінің жанындағы Қоғамдық кеңесте газ жобаларын іске асыру барысы қаралды

✔️Бүгін Жақып Хайрушевтің төрағалығымен ҚР Энергетика министрлігінің отын-энергетика кешені мәселелері жөніндегі Қоғамдық кеңесінің кезекті отырысы өтті. Отырыс жұмысына ҚР Энергетика вице-министрі Құдайберген Арымбек, Қоғамдық кеңес мүшелері, сондай-ақ министрліктің құрылымдық бөлімшелерінің өкілдері қатысты.

✔️Талқылау барысында Қоғамдық кеңес мүшесі Клара Рахметова ЕАЭО аясында мұнай мен газдың ортақ нарығын қалыптастыру, көмірсутек шикізатын халықаралық нарықтарға экспорттау перспективалары, сондай-ақ Қазақстан кен орындарында табиғи және ілеспе газды кәдеге жарату мәселелерін көтерді. Энергетикалық ресурстарды пайдаланудың тиімділігін арттыру үшін озық технологияларды енгізу қажеттілігіне ерекше назар аударылды.

✔️Қоғамдық кеңес мүшесі Рзабек Артығалиев елімізде газ өңдеу зауыттарын салу жобаларын іске асыру стратегиясының өзекті қырларына назар аударды.

✔️Көтерілген мәселелерге ҚР Энергетика вице-министрі Құдайберген Арымбек, Газ өнеркәсібі департаменті директорының орынбасары Ержан Қошқаров және Мұнайды тасымалдау және өңдеу департаменті директорының орынбасары Жібек Бердібекова егжей-тегжейлі түсініктеме беріп, министрліктің жоспарларын жариялады және кеңеске қатысушылардың барлық сұрақтарына жауап берді.

📌Отырыс барысында Қоғамдық кеңес мүшелері талқыланған мәселелер бойынша бірқатар ұсынымдар айтты, оларды министрлік энергетика саласындағы одан арғы жұмысында және шешімдер қалыптастыру кезінде ескеретін болады.

🔹Энергетика министрлігі Жасанды интеллект бойынша дебатта жеңіске жетті

✔️Энергетика министрлігі Жасанды интеллект бойынша дебатта жеңіске жетті AMANAT партиясы Астана қаласы «Бірлік» аумақтық филиалының ұйымдастыруымен және "DEBAT ELI" қоғамдық қорының қолдауымен ҚР Әділет министрлігі мен Энергетика министрлігі арасында «Жасанды интеллектің дамуы» атты пікірсайыс-дебат өз мәресіне жетті.

✔️Аталған сайыста «BILIM QANATY» бастауыш мектебінің директоры Лаура Жүнісова қазылар алқасының төрайымы, сондай-ақ құрамында «AMANAT» партиясы Астана қалалық филиалының Атқарушы хатшысының орынбасары Мария Утебаева, "Әкелер одағы" республикалық қоғамдық бірлестігі төрағасының орынбасары Бекдайыр Нығметұлы және пікірсайыс қозғалысының жанашыры Әбдір Өркен болды.

📌Екі министрлік те аталған додаға мықты дайындықпен келгендіктерін байқатты. Әсіресе ҚР Энергетика министрлігі Жасанды интеллекттің дамуы бойынша өте тұщымды ойлары мен идеяларды алға тартты. Тартысты өткен дебаттың қорытындысы бойынша ҚР Энергетика министрлігі I орынды жеңіп алды.

🔸Министерство энергетики одержало победу в дебатах по теме искусственного интеллекта

✔️В Астане завершились дебаты на тему «Развитие искусственного интеллекта» между Министерством юстиции и Министерством энергетики РК. Мероприятие было организовано территориальным филиалом партии AMANAT «Бірлік» при поддержке общественного фонда "DEBAT ELI".

✔️Председателем жюри выступила директор начальной школы «BILIM QANATY» Лаура Жүнісова. В состав жюри также вошли заместитель исполнительного секретаря городского филиала партии AMANAT Мария Утебаева, заместитель председателя РОО «Союз отцов» Бекдайыр Ныгметулы и активист дебатного движения Әбдір Өркен.

✔️Обе команды показали высокий уровень подготовки, однако Министерство энергетики особо отличилось своими содержательными мыслями и идеями по теме развития ИИ. По итогам напряжённой дискуссии Министерство энергетики заняло первое место.

⚜️2026–2028 жылдарға арналған Салалық келісім жобасы талқыланды

✔️Астана, 2025 жылғы 29 қыргүйек – ҚР Энергетика министрлігі 2026–2028 жылдарға арналған мұнай-газ, мұнай өңдеу және мұнай-газ химиясы салаларындағы әлеуметтік әріптестік туралы жаңа Салалық келісімнің негізгі параметрлерін талқылауды бастады.

✔️Министр Ерлан Ақкенженовтің төрағалығымен өткен кеңеске «ҚазМұнайГаз», «QazaqGaz» ұлттық компанияларының басшылары, «KAZENERGY» қауымдастығының өкілдері мен салалық кәсіподақ жетекшілері қатысты. Басқосуда жаңа құжат бойынша ортақ ұстаным қалыптасыру мәселесі талқыланды.

✔️Стратегиялық маңызы бар саласындағы еңбек қатынастарын реттейтін қолданыстағы үш жылдық салалық келісім 2025 жылдың соңында аяқталады. Жаңа құжатты әзірлеу бойынша диалогты ерте бастау - шарттарды жүйелі әрі асықпай келісуге мүмкіндік береді. Бұл өз кезегінде саладағы тұрақтылық пен алдын-ала болжам жасауды қамтамасыз етуге септігін тигізеді. Қазіргі таңда болашақ құжаттың негізгі бөлімдері келісілген. Оған компания мен кәсіподақ өкілдерінен құралған жұмыс тобындағы 100-ден астам маман атсалысқан.

✔️Қосымша талқылауды қажет ететін негізгі мәселе – еңбекақы төлеу механизмдері. Энергетика министрлігі бұл бағытта модераторлық қызмет атқаруда. Жұмыс берушілердің экономикалық мүмкіндіктері мен қызметкерлердің әлеуметтік талаптарын сай тиімді, ортақ шешім табуға арналған ашық диалог алаңын ұсынуда.

✔️Жиында Ерлан Ақкенженов жаңа құжат еліміз үшін аса маңызды саланың алдағы үш жылдық тұрақтылығының негізі екендігін ерекше атап өтті. Қазірдің өзінде үлкен дайындық жұмыстары жүргізілгендігін айтып, конструктивті көзқарастары үшін компаниялар мен кәсіподақ өкілдеріне алғысын білдірді.

– Еңбекақы мәселелері әркез түйіткілді тақырыптардың бірі. Біздің ортақ міндетіміз – кәсіпорындардың экономикалық мүмкіндіктері мен мыңдаған қазақстандықтардың әлеуметтік кепілдіктері арасында әділ тепе-теңдік орнату. Министрлік диалогтың нәтижелі өтуі үшін барлық қажетті жағдайды жасап, құжаттың нақты әрі тиімді даму құралына айналуын қамтамасыз етеді, – деді министр.

📌Кездесу қорытындысы бойынша тараптар даулы мәселелерді келісудің келесі кезеңіне өтуге уағдаласты. Ендігі жұмыстар әлеуметтік әріптестік жөніндегі Салалық комиссия деңгейінде жалғасады. Бұл құжатты толық аяқтап, белгіленген мерзімде қол қоюға дайындауға мүмкіндік береді.