Абдурахмонов Ислом Абдуғаниевич "Ўзбекгидроэнерго" АЖ бошқаруви раиси лавозимига тайинланди.

Дунёдаги энг йирик электромобиль ишлаб чиқарувчи ўнта компаниянинг олтитаси, Хитойга тўғри келади.

Мамлакатнинг ушбу компаниялари жами ҳолда 2025-йилнинг январь-ноябрь ойларида жаҳон бўйича электромобиль етказиб бериш ҳажмининг 46 фоизини ташкил этган.

👉 @Energetika

2026-йил энергетика манзараси

2026-йилга келиб жаҳон энергетикасида вазият сезиларли даражада ўзгаряпти. Нефть ва бошқа анъанавий ёқилғи ресурслари етарли, ҳатто ортиқча. Лекин замонавий иқтисодиёт учун энг муҳим ресурс, ишончли ва узлуксиз электр энергияси, тобора танқис бўлиб бормоқда.

Авваллари “энергия хавфсизлиги” деганда асосан нефть таъминоти назарда тутиларди. Ҳозир эса асосий муаммо нефть эмас, айнан электр қуввати.

Ривожланган ва ривожланаётган мамлакатларда барқарор электр энергияси энг қиммат ва стратегик ресурсга айланяпти.

Нефть бозорида таклиф кўп, талаб секин ўсмоқда. Мутахассислар кутилмасига кўра 2026-йилда хам нефть бозорида ортиқча таклиф сақланиб қооади. Бунга сабаблардан бири сифатида АҚШ(Венесуэла деб атаймизми) ва Бразилия ишлаб чиқаришни фаол ошириши, шу билан бирга, Хитойда электромобиллар сони кўпайиб, нефтьга бўлган талаб ўсиши секинлашаётгани келтирилади.

Халқаро Энергетика Агентлиги баҳосига кўра, 2026-йилда жаҳон бозорида кунига тахминан 4 миллион баррел ортиқча нефть шаклланиши мумкин. Катта геосиёсий инқирозлар бўлмаса, нефть нархи баррел учун ўртача 60 доллар атрофида қолиши эҳтимоли бор.

Прогнозларга қараганда табиий газ, 2026-йилда ҳам электр тизими учун таянч вазифасида қолиб муҳим рол ўйнайди. АҚШ суйултирилган газ экспортни кенгайтиряпти, Европа эса Россия газидан воз кечгач, айнан СТГни асосий манба сифатида кўряпти. Газнинг асосий устунлиги, у қуёш ва шамол ишламаган пайтда электр тармоғини барқарор ушлаб туради. Шу сабабли газ электр энергетикаси учун “қутқарувчи ресурс” бўлиб қолмоқда.

Ушбу йилда асосий муаммо электр энергияси бўлиб қолиши мумкин. Энг катта хавф айнан электр соҳасида. Сунъий интеллект, дата-марказлар, саноатни электрлаштириш ва аҳоли ўсиши электрга бўлган талабни йил сайин оширяпти. Аммо электр тармоқлари бундай тез ўсишга тайёр эмас, улар узоқ йиллар давомида секин ўсиш даври учун қурилгандек.

Қуёш ва шамол энергетикаси тез ривожланяпти, лекин улар доимий электр таъминотини тўлиқ кафолатлай олмайди. Шу сабабли газ ва атом электр станцияларига қизиқиш яна ортмоқда. Йирик технология компаниялари ишончли ва карбонсиз электр учун кўпроқ пул тўлашга тайёр.

Инвесторлар нимани танлаяпти? Нефть қазиб олиш лойиҳалари тобора хавфли бўлиб қоляпти. Аксинча, инфратузилма, қувурлар, СТГ терминаллари, электр тармоқлари ва электр станциялари, барқарор даромад манбаи сифатида олдинга чиқяпти. Айниқса газ ва атом энергетикаси энг жозибали йўналишлардан бирига айланмоқда.

Хулоса қилиб дунё энергетикаси прогнозига таянган холда, 2026-йилда дунё нефть етишмовчилигига дуч келмаслиги, асосий муаммо, электр инфратузилмасининг етишмаслиги юзага келишини айтиш мумкин. Нефть кўп, лекин ишончли электр энергияси кам. Буни ўз вақтида тушунган давлатлар, компаниялар ва инвесторлар энергетикада устунликка эга бўлади.

👉 @Energetika

5 миллион уйга етарли энергия

Meta компанияси сунъий интеллект учун маълумотларни қайта ишлаш марказларини электр энергияси билан таъминлаш мақсадида атом энергетикаси соҳасида учта йирик келишув тузди.

Компания Огайо штатидаги Prometheus лойиҳаси учун TerraPower, Oklo ва Vistra қувватларини жалб қилади.

❗️Ушбу келишувлар 2035-йилгача 6,6 гигаваттгача тоза энергияни таъминлаши кутилмоқда, бу тахминан 5 миллион уй хўжалиги истеъмолига тенг, яъни соҳада қабул қилинган стандартларга кўра, 1 гигаватт электр энергияси тахминан 750 мингта уйни таъминлаши мумкин. Демак, умумий қувват ҳажми тахминан беш миллион уй хўжалигининг истеъмолига тенг.

Огайо штати, Нью-Олбани шаҳрида барпо этилаётган Prometheus кластери 1 гигаватт қувватга эга бўлиб, бир нечта дата-марказ биноларини ўз ичига олади. Лойиҳани жорий йилда ишга тушириш режалаштирилган.

TerraPower билан келишув доирасида Natrium туридаги икки янги энергия блоки қурилади. Уларнинг умумий қуввати 690 мегаватт бўлиб, 2032-йилда ишга туширилиши режалаштирилган. Шунингдек, Meta келгусида яна олтита Natrium блокидан 2,1 гигаваттгача электр энергиясини олиш ҳуқуқига эга бўлади.

Oklo билан ҳамкорлик эса 2030-йилгача Огайода 1,2 гигаватт қувватни жойлаштиришни назарда тутади. Компания раҳбарияти бу келишув лойиҳанинг дастлабки босқичларини молиялаштириш учун ҳал қилувчи аҳамиятга эга эканини таъкидламоқда. Маьлумот учун Oklo нинг йирик инвесторларидан бири, OpenAI раҳбари Сэм Альтман хисобланади.

Бундан ташқари, Meta Vistra нинг Огайодаги икки амалдаги атом электр станциясидан 2,1 гигаваттдан ортиқ энергия сотиб олади. Қўшимча қувватлар Огайо ва Пенсильваниядаги станциялар кенгайтирилиши орқали таъминланади.

❗️Экспертларнинг таъкидлашича, янги энергия манбаларисиз Prometheus ни ишга тушириш минтақада электр тарифларининг ошишига олиб келар эди. Айни пайтда дата-марказлар истеъмолининг кескин ўсиши Огайо ва Пенсильванияни ўз ичига олган ўрта Атлантика электр тармоғига жиддий босим қилмоқда.

❗️Мутахассислар шунингдек сунъий интеллект индустриясининг экологик таъсирига эътибор қаратмоқда. Илк комплекс тадқиқотларга кўра, 2025-йилда СИ соҳаси Нью-Йорк шаҳри йиллик чиқиндиларига тенг углерод чиқарган ва 765 миллиард литр сув истеъмол қилган.

❗️Бугунги кунда дунё бўйича дата-марказлар энергия истеъмоли алюминий заводлари даражасига етган бўлиб, унинг 45 фоизи АҚШ ҳиссасига тўғри келади.

👉 @Energetika

Геологлар АҚШ кўз олайтираётган Гренландияда дунёдаги энг бой ресурс захираларидан айримлари қаердан пайдо бўлганини тушунтириб беришди

Гренландия Ер юзидаги энг катта орол, дунёдаги энг бой табиий ресурс захираларидан айримларига эга. Унинг муз қатламлари ва қоялари остида технологиялар ва энергетика бозорини ўзгартириб юбориши мумкин бўлган улкан бойликлар яширинган. Гап литий, нодир ер элементлари, нефть, газ ва қимматбаҳо тошлар ҳақида кетмоқда, деб ёзади The Conversation нашри.

Гренландиянинг энг катта бойлиги — неодим ва диспрозий каби нодир ер элементларидир. Улар шамол электр станцияларидаги генераторлар, электромоторлар ва электрон қурилмалар учун қудратли магнитлар ишлаб чиқаришда ниҳоятда муҳим ҳисобланади. Тахминларга кўра, фақатгина музликлар остида 40 миллион тоннагача шундай ресурслар бўлиши мумкин — бу келажакдаги жаҳон талабининг чорагидан ортиқ қисмини қоплашга етади.

Бундан ташқари, орол қаърида улкан углеводород захиралари мавжуд. АҚШ Геологик хизмати уларни тахминан 31 миллиард баррель нефть эквивалентида баҳолайди, бу АҚШнинг ўзидa исботланган нефть захираларига тенг кўрсаткичдир. Муздан холи ҳудудларда эса (майдони Буюк Британия ҳудудидан икки баробар катта) олтин, ёқут, графит ва ҳатто олмос конлари аниқланган.

❗️Гренландиянинг нодир геологик хилма-хиллиги, миллиардлаб йиллар давомида кечган жараёнлар натижасидир.

"Бу ерда Ердаги энг қадимий тоғ жинсларидан айримларини учратиш мумкин" — деб изоҳлайди геологлар.

❗️Орол ер қобиғининг чўзилиши ва вулқон фаолияти таъсирида шаклланган.

Айнан шу кучлар нисбатан кичик ҳудудда турли хил ресурсларнинг шаклланиши учун шароит яратган. Парадокс шундаки, бу бойликларга йўл очаётган ҳодиса айнан инсоният тўхтатишга ҳаракат қилаётган жараён, иқлим ўзгаришидир.

❗️Глобал исиш натижасида дунё музликлари эриб, янги разведка ҳудудлари очилмоқда. Маьлумот учун 1995-йилдан буён хозиргача Албания ҳудудига тенг майдон музликлар эриб бўлган .

❗️Замонавий технологиялар, жумладан георадарлар, аллақачон икки километр чуқурликкача муз остига "қараш" ва эҳтимолий конларнинг хариталарини тузиш имконини беради. Аммо Арктика шароитида қазиб олиш ишлари ҳали ҳам ниҳоятда мураккаб, қиммат ва нозик экотизим учун хавфли бўлиб қолмоқда. Айни пайтда оролдаги ҳар қандай қазиб олиш фаолияти маҳаллий ҳукумат томонидан қатъий тартибга солинади.

👉 @Energetika

​​Жаҳон нефть стандартлари ва Венесуэла нефти

Хом нефть сифати мамлакатлар бўйича сезиларли фарқ қилади ва бу уни қайта ишлаш мураккаблиги ҳамда жаҳон савдосидаги ўрнини белгилайди.

Венесуэла дунёдаги энг йирик тасдиқланган нефть захираларига эга бўлса-да, унинг асосий ишлаб чиқариши оғир нефть ҳиссасига тўғри келади. Асосий марка, Merey 16 — паст API зичлиги (20° дан паст) ва юқори олтингугурт миқдорига эга бўлган "кислота" нефть ҳисобланади. Шу сабабли уни қайта ишлаш қиммат ва технологик жиҳатдан мураккаб бўлиб, фақат чекланган сондаги НҚИЗлар бундай хом ашё билан самарали ишлай олади.

❗️API зичлиги — нефтьнинг сувга нисбатан қанчалик оғир ёки енгил эканини кўрсатади. API кўрсаткичи 10° дан юқори бўлган нефть енгил ҳисобланади ва сув юзасида сузади, 10° дан паст бўлган ҳолларда эса у оғир нефть турига киради ва чўкади

Бунга қарши равишда, Brent, WTI ва Arab Light каби нефть маркалари енгил ва кам олтингугуртли бўлиб, API зичлиги тахминан 40° ёки ундан юқори. Улар арзонроқ қайта ишланади ва юқори қийматли нефть маҳсулотларини кўпроқ беради, шунинг учун жаҳон нархларини шакллантиришда асос сифатида хизмат қилади. Arab Super Light ва Tapis эса сифат иерархиясининг энг юқори поғонасида туради.

Шу билан бирга, оғир нефть жаҳон бозори учун аҳамиятли бўлиб қолмоқда. АҚШнинг Мексика қўлтиғи соҳилидаги НҚИЗлар Венесуэла, Канада ва Мексикадан келадиган оғир нефтьни қайта ишлаш учун махсус ускуналар билан жиҳозланган.

1970-йилларда Венесуэла кунига 3,5 миллион баррель нефть ишлаб чиқарган бўлса, бугунги кунда ишлаб чиқариш ҳажми тахминан 1 миллион баррельга тушиб, жаҳон таклифининг 1 фоизини ташкил этмоқда. Бу пасайиш сармоя етишмаслиги, инфратузилма муаммолари ва санкциялар билан боғлиқ.

Венесуэла OPEC асосчиларидан бири бўлса-да, ишлаб чиқариш қисқариши туфайли унинг нефть доирасидаги таъсири сезиларли даражада заифлашган.

❗️Маълумотлар Saudi Aramco, ExxonMobil, АҚШ Энергетика ахборот маъмурияти (EIA), S&P Global, PEMEX ҳамда Канада энергетика регулятор агентлиги (CER) каби бир қатор манбалардан олинган.

👉 @Energetika

Хитойнинг Чанша шаҳрида дунёда биринчи хисобланган қуввати 1 МВтли баландликдаги шамол энергетика тизимининг синовлари якунланди.

👉 @Energetika

Мўйноқ ҳудудидаги яна бир янги излов қудуғида катта босимда табиий газ оқими аниқланди

👉 @Energetika

Kabel.uz. Кабель, симлар, эмалли симлар, чироқлар, ёритгичлар, автоматлар ва бошқа электротехника маҳсулотларини нархларини билиш ва харид қилиш учун жуда фойдали ресурс. Барча усулдаги тўловларни қабул қиламиз. Республика бўйлаб элтиб бериш хизмати ҳам мавжуд.

Kabel.uz. Очень полезный ресурс для тех кто хочет знать текущие цены на кабельно-проводниковую продукцию, эмальпровод, лампы, светильники, автоматы и другие электротехнические изделия. Форма оплаты любая. Доставка во все регионы Республики.

Веб-сайт: www.kabel.uz

☎️+998(78) 120 09 09
☎️+998(99) 434 09 09
☎️+998(99) 433 09 09

Бизга ёзинг 👉 @osiyokabel

Каналга уланинг👇
@OsiyoKabelUz

​​Мамлакатлар бўйича ҳавонинг ўртача йиллик ҳарорати

Visual Capitalist портали мутахассислари томонидан тақдим этилган янги пастдаги инфографика дунёнинг барча мамлакат ва ҳудудлари бўйича ҳавонинг ўртача йиллик ҳароратини кўрсатади.

Визуализация учун маълумотлар Жаҳон банки гуруҳи томонидан тақдим этилган бўлиб, улар Climatic Research Unit нинг климатологик маълумотларига асосланган. Ҳавонинг ўртача йиллик ҳарорати 1991–2020 йиллар давомида ҳар бир мамлакат бўйича суткалик минимал ва максимал ҳароратларнинг ўртача қиймати сифатида ҳисобланган.

Буркина-Фасо ўртача йиллик ҳарорати 30,4°C бўлган ҳолда жаҳон рейтингида биринчи ўринни эгаллайди. Энг иссиқ мамлакатлар қаторига, шунингдек, Мали, Сенегал, Мавритания, Джибути ва Гамбия киради. Умуман олганда, дунёдаги энг иссиқ ўн мамлакатнинг олтитаси Африка қитъасида жойлашган.

Юқори ҳароратларнинг бундай жамланиши кўп жиҳатдан географик омиллар билан изоҳланади. Қитъанинг катта қисми экваторга яқин ёки арид ва ярим арид иқлим зоналарида жойлашган бўлиб, бу ерларда қуёш нурланишининг юқори даражаси ва булутлиликнинг пастлиги бутун йил давомида юқори ҳароратларни сақлаб туради. (арид ҳудудлар — ёғингарчилик жуда кам бўладиган, ҳаво қуруқ, намлик паст бўлган жойлар)

Африкадан ташқари ҳудудларда ҳам барқарор юқори ҳароратлар қатор тропик орол давлатлари ва Яқин Шарқ мамлакатларида қайд этилади. Аруба, Токелау, Тувалу ва Кюрасао каби ҳудудларда ўртача йиллик ҳарорат тахминан 28–29°C ни ташкил этади, Қатар, Баҳрайн ва Бирлашган Араб Амирликларида ҳам шунга яқин кўрсаткичлар кузатилади.

Бу ҳудудлар учун ҳароратнинг мавсумий ўзгаришлари нисбатан кичиклиги хос. Илиқ океан сувлари ва чўл иқлими ўртача йиллик юқори ҳарорат кўрсаткичларининг сақланиб қолишига хизмат қилади.

Ҳарорат спектрининг қарши учида юқори кенгликларда жойлашган ёки катта қутбий ҳудудларга эга мамлакатлар туради. Гренландия энг паст ўртача йиллик ҳароратга эга бўлиб, у −18,7°C ни ташкил этади. Ундан кейин Шпицберген ва Ян-Майен (Норвегиянинг Арктика ҳудудлари), Канада ва Россия келади.

Жадвалда Ўзбекистоннинг ўртача йиллик ҳарорати 13,06 C° қайд этилган!

👉 @Energetika

Фарғона НҚИЗ Қозоғистон нефтидан халқаро стандартга мос Jet A-1 авиаёқилғисини ишлаб чиқаришни бошлади

Хом ашёнинг биринчи партияси, 35 минг тонна ҳажмда 2025-йил декабрь ойида Қозоғистондан Фарғонага етказиб берилган, деб ёзади Avianews нашри. Етказиб беришлар 2026-йилда ҳам давом этади, йил охиригача умумий ҳажм 500 минг тоннага етиши мумкин.

Маълум қилинишича, Қозоғистон хом ашёсидан олинган ёқилғи ички бозорга йўналтирилади. НҚИЗ оператори Saneg компанияси режавий қувватларга чиққач, корхона Ўзбекистон ички авиакеросинга бўлган эҳтиёжининг 70–80 фоизини таъминлай олишини маълум қилган.

👉 @Energetika

Президент Шавкат Мирзиёев “Ўзбекнефтгаз” акциядорлик жамияти фаолиятининг келгусидаги вазифалари ва режалари юзасидан тақдимот билан танишди.

Қозоғистоннинг Россия электр энергиясига боғлиқлиги кучайди

Қозоғистон Россия электр энергиясининг энг йирик импортёрига айланди.

Аввал Россия учун асосий йўналиш Хитой бўлган, аммо Узоқ Шарқда қувватлар етишмаслиги сабабли Россия энергетика тизимлари аввалги ҳажмларни таъминлай олмай қолган 2025-йилнинг 11 ойи давомида Хитойга етказиб бериш ҳажми 63 фоиздан ортиққа қисқариб, 298,5 миллион кВт·соатни ташкил этган.#

Натижада Россия электр энергиясининг энг йирик импортёри Қозоғистон бўлиб қолган, умумий экспортнинг тахминан 60 фоизи ушбу мамлакат ҳиссасига тўғри келади. Бу қарийб 4,5 миллиард киловатт-соатдир.

Қозоғистондан ташқари, асосий истеъмолчилар сифатида Мўғулистон (13 фоиз), шунингдек Жанубий Кавказ ва Яқин Шарқ мамлакатлари хусусан, Грузия ва Туркия бўлиб қолмоқда.

❗️Айни пайтда Қозоғистон билан Россия савдо оқими ўзаро характерга эгалик тусига кириб улгурган, кундузи Россия республикага электр энергияси етказиб беради, тунги соатларда эса, Қозоғистон электр станцияларида ишлаб чиқариш ортиб кетган пайтда, энергия аксинча йўналишда, Россия томонга узатилади.

👉 @Energetika

Қизиқарли факт

👉 @Energetika

#раддия

❗️Қозоғистон Энергетика вазирлиги "Avianews" портали томонидан Қозоғистон нефтидан Фарғона нефтьни қайта ишлаш заводида Jet A-1 авиаёқилғисини ишлаб чиқариш бошлангани ҳақида тарқатилган хабарни рад этди.

"ОАВда тарқатилаётган “ҚазТрансОйл” компанияси Қозоғистон нефтини Фарғона нефтьни қайта ишлаш заводи манзилига етказиб беришни бошлагани ҳақидаги маълумотлар ҳақиқатга тўғри келмайди. Бугунги кунда магистрал нефть қувурлари тизими орқали Қозоғистон нефтини мазкур йўналишда ташиш амалга оширилмаяпти. ОАВ ва жамоатчиликни фақат расмий маълумотларга таянишга чақирамиз" — дейилади мамлакат расмийлари хабарида

👉 @Energetika

14-январь Ватан ҳимоячилари куни билан барчани табриклайман.

Юртимиз тинч, осойишталик сиз-у, бизни ҳеч қачон тарк этмасин!

Президент Шавкат Мирзиёев энергия самарадорлигини ошириш ҳамда электр энергияси таъминотида бозор механизмларини жорий этиш юзасидан тақдимот билан танишди.

АҚШ 2030-йилга қадар Ойда ядровий реактор яратиш режасини тасдиқлади

NASA ва АҚШ Энергетика вазирлиги ядровий реактор асосида ишлайдиган Ой энергетика тизимини яратиш бўйича келишувни расман тасдиқлади.

❗️Режага кўра, 2030-йилгача Ой юзасида ядровий реактор ўрнатилади. Бу лойиҳа "Артемида" дастури доирасида амалга оширилади ва келажакда Марсга учишлар учун ҳам асос бўлиб хизмат қилади.

❗️Ҳозирги кунда Ойдаги асосий муаммолардан бири бу барқарор электр энергиясининг йўқлиги. Аксарият миссиялар қуёш панелларидан фойдаланади. Аммо Ойда бир Ой туни 14 Ер кунига тенг. Бу вақтда қуёш панеллари ишламайди ва ҳарорат жуда пастга тушиб кетади.

Шунинг учун олимлар ядровий реактордан фойдаланишни таклиф қилмоқда. Ядровий реактор қуёшга боғлиқ эмас, у куну-тун, совуқда ҳам, чанг бўлса ҳам электр энергияси ишлаб чиқара олади.

❗️Бу реактор бир неча йил давомида қўшимча ёқилғи қуймасдан ва таъмирсиз ишлаши мумкин.

❗️NASA реакторни Ойга олиб бориш ва миссияни ташкил этиш билан шуғулланади, Энергетика вазирлиги эса реакторнинг ўзи, ядровий ёқилғи ва хавфсизлик масалалари учун жавоб беради.

NASA раҳбариятининг айтишича, бу келишув Ойда келажакдаги базаларни қуриш учун мустаҳкам асос яратади.

❗️Агар Ойда барқарор электр бўлса, у ерда одамлар яшаши, лабораториялар ишлаши ва ресурслар қазиб олиниши мумкин бўлади.

Шу билан бирга маьлумот учун Хитой ва Россия хам биргаликда 2033–2035 йиллар атрофида Ойда умумий ядровий электр станцияси қурилишини режалаштирмоқда.

👉 @Energetika

​​Хитойдаги илк сув ости энергияни аккумулиция қилиш тизими, "Dongchu-1" комплекс синовлари муваффақиятли ўтди

2026-йил 11-январь куни Фуцзянь провинциясида жойлашган Миньху кўлида Dongfang Electric компаниясининг Тадқиқот институти томонидан ишлаб чиқилган Хитойдаги биринчи киловатт қувватли сув ости ГАЭС энергияни аккумулиция қилиш тизими — "Dongchu-1"нинг 10 кунлик комплекс сув ости синовлари якунланди. Синовлар тўлиқ муваффақиятли деб эътироф этилди.

Анъанавий гидроаккумулицияловчи электр станцияларидан фарқли ўлароқ, бундай станциялар турли баландликларда жойлашган икки алоҳида сув ҳавзасини талаб қилади. "Dongchu-1" эса инновацион ечимга асосланган схемага эга:

➖ ўрнатилган "пастки резервуар" диаметри тахминан 4 метр бўлган герметик, ичи бўш шар;

➖табиий "юқори резервуар" атрофдаги сув муҳити.

❗️Ишлаш принципи:

➖ электр тармоғида юклама паст бўлган даврларда ортиқча электр энергияси шар ичидаги сувни сўриб чиқариш учун сарфланади. Натижада шар ичида манфий босим ҳосил бўлади ва потенциал энергия захира қилинади;

➖ электр энергиясига бўлган талаб юқори бўлган соатларда клапан очилади ва ташқи сув муҳити босими таъсирида сув шар ичига шиддат билан кириб, турбинани айлантиради ҳамда электр энергияси ишлаб чиқарилади.

❗️Синов натижалари:

➖ тизим 65 метр чуқурликка туширилган;

➖ синовлар давомида 100 тадан ортиқ тўлиқ зарядлаш ва разрядлаш цикллари амалга оширилган;

➖ барча асосий кўрсаткичлар, герметиклик, ишлаш барқарорлиги ва энергияни айлантириш самарадорлиги, лойиҳа талабларига тўлиқ мос келган;

➖ технология ҳарорат ўзгаришлари ва сув оқимлари каби мураккаб сув ости шароитларида ҳам ўз ишончлилигини тасдиқлаган.

Биринчидан бу Хитойда сув ости энергияни аккумулиция қилиш соҳасида назарий тадқиқотлардан амалий қўллаш босқичига ўтишни англатади.

Иккинчидан технология географик чекловларни бартараф этади, уни оддий сув омборлари ва кўлларда, келгусида эса денгиз ва океан ҳудудларида ҳам жорий этиш мумкин.

Учинчидан айниқса, чекка ҳудудларда жойлашган шамол ва қуёш электр станцияларини қўллаб-қувватлаш, орол микротармоқлари ҳамда денгиз платформалари учун катта истиқболга эга.

Қолаверса Хитой бу билан 2016-йилда шунга ўхшаш синовлар ўтказилган Германиядан кейин ушбу илғор технологияни ўзлаштирган дунёдаги кам сонли мамлакатлар қаторига қўшилди.

👉 @Energetika