#ዜና_እረፍት
የቀድሞ የዓለም አብያተ ክርስቲያናት ምክር ቤት ማዕከላዊ ኮሚቴ አወያይ የነበሩት ዶ/ር አግነስ አቡኦም ከዚህ ዓለም በሞት ተለዩ።

ዜና እረፍታቸውን ተከትሎ #የኢትዮጵያ_ወንጌል_አማኞች_አብያተክርስቲያናት_ካውንስል እና የኢትዮጵያ_ወንጌላዊት_ቤተ_ክርስቲያን_መካነ_ኢየሱስ_ሀዘናቸውን_ገልፀዋል።

World Council Of Church "ተወዳጇ የሀይማኖት መሪ እና የማይታክቱ የሰላም ፈጣሪ ዶ/ር አግነስ አቡኦም ባደረባቸው ህመም ምክንያት በተወለዱ በ73 አመታቸው ከዚህ አለም በሞት ተለዩ" ሲል ህልፈታቸውን አሳውቋል።

የዶ/ር አግነስ ሕልፈተ ህይወት ከተሰማ በኋላ ብዙዎች ሀዘናቸው የገለጹ ሲሆን የመካን ኢየሱስ ቤተክርስቲያንም ዶ/ር አግነስ ላለፉት አመታት በWCC ውስጥ ላበረከቱት አስተዋጽዖ ምስጋና አቅርበው እሷን ማጣት በአለም አቀፍ ደረጃ ትልቅ ኪሳራ ነው እና ከሁሉም በላይ ደግሞ አፍሪካ የአንድነት መገለጫዎቿን አጥታለች ሲሉ ሃዘናቸው በቤተክርስቲያኒቱ ፕሬዝደንት ዶ/ር ቄስ ዮናስ ይገዙ አማካንኘት ገልጻለች።

በቅርብ ጊዜ ወደ ሃላፊነት የመጡት የአለም አብያተክርስቲያናት ምክር ቤት ዋና ሰብሳቢ ቄስ ፕሮፌሰር ዶ/ር ጄሪ ፒሌይ "ፍቅሯን፣ ጥበቧን፣ ደግነቷን፣ መተማመኗን፣ መነሳሳቷን እንናፍቃለን። እሷ አሁን በዘላለማዊ እቅፍ ውስጥ ተጠግታለች። እሷ ታላቅ ርህራሄ እና ጽኑ እምነት ያላት ሴት ነበረች። ሲሉ የተሰማቸው ሃዘን ገልጸዋል።

የመካከለኛው ምስራቅ አብያተ ክርስቲያናት ምክር ቤት በምክር ቤቱ ዋና ጸሐፊ ፕሮፌሰር ሚሼል ኢ አብስ በኩሉ ባስተላለፉት መልዕክት "በሞቱ ያዳነን ጌታ ኢየሱስ በትንሣኤው እንዲባርክና በሰማያት እንዲቀበላት እጸልያልሁ ብለዋል።

የሩስያ ኦርቶዶክስ ቤተክርስቲያን የውጪ ቤተ ክርስቲያን ግንኙነት መምሪያ በበኩሉ የሩሲያ ኦርቶዶክስ ቤተክርስቲያንን ወክለው የተሰማ

#የኢትዮጵያ ወንጌል አማኞች አብያተክርስቲያናት ካውንስል 3ኛ መደበኛ ጠቅላላ ጉባኤ አካሄደ።

የኢትዮጵያ ወንጌል አማኞች አብያተክርስቲያናት ካውንስል 3ኛ መደበኛ ጠቅላላ ጉባኤ ግንቦት 15 ቀን 2016ዓ/ም በመካነ ኢየሱስ ሴሚናሪየም የመሰብሰቢያ አዳራሽ አካሄደ። በጉባኤዉ የካዉንስሉ አባል ቤተ እምነቶች የአብያተክርስቲያናት መሪዎች የቤተ-እምነት መሪዎች ተካፍለዋል።

የካዉንስሉ ፕሬዝዳንት ዶ/ር ጣሰዉ ገብሬ የእንኳን ደህና መጣችሁ መልእክት አስተላልፈዉ ጉባኤዉን አስጀምረዋል።

በጉባኤዉ የሰላም ሚንስቴር ተወካይ ዶ/ር አወቀ አጥናፋ መልእክት ያስተላለፋ ሲሆን በመልእክታቸዉም የወንጌል አማኞች ሰላምን ጠንቅቃችሁ ታዉቃላችሁ ከዚህ በበለጠ ለሰላም ስሩ ሲሉ ተናግረዋል።እንዲሁም የመፅሃፍ ቅዱስ ማህበር ፕሬዝዳንት አቶ ይልማ ጌታሁን ለጉባኤዉ ሰላምታ አቅርበዋል።በተለያየ የአለም ክፍል የሚገኙ የካዉንስሉ አባል በዙም አማካኝነት ለጉባኤዉ ሰላምታ ሰተዋል።

በጉባኤዉ የ2015ዓ/ም አመታዊ ሪፖርትእና የ2015ዓ/ም ኦዲት ሪፖርት በዉጪ ኦዲተሮች የቀረበ ሲሆን የ2016ዓ/ም እቅድ ለጉባኤዉ ቀርቧል።

በቀረበዉ እቅድ ከጉባኤዉ ለተነሱ ጥያቄዎች የካዉንስሉ ጠቅላይ ፀሃፊ ቄስ ደረጀ ጀንበሩ ምላሽ እና ማብራሪያ ሰተዋል።

በጉባኤዉ ለኢትዮዽያ ወንጌል አማኞች አንድነት እና እርቅ ከፍተኛ አስተዋፅኦ ላደረጉ መሪዎች ስጦታ እና ምስጋና ቀርቧል።

በመጨረሻም የካዉንስሉ ፅ/ቤ ሃላፊ መጋቢ ጌትነት ለማ ቃለ ጉባኤ አቅርበዉ የቀረበዉ ቃለ ጉባኤ በሙሉ ድምፅ ፀድቆ ጉባኤዉ በፀሎት ተጠናቋል።

#የኢትዮጵያ ወንጌል አማኞች አብያተክርስቲያናት ካውንስል #በጎፋ ዞን በመሬት መንሸራተት አደጋ በደረሰው ጉዳት የተሰማውን ሀዘን ገለጸ

ካውንስሉ በደቡብ ኢትዮጵያ ክልል ጎፋ ዞን ገዜ ጎፋ ወረዳ በኬንቾ ሳቻ ጎዝዲ ቀበሌ የተከሰተውን ድንገተኛ የመሬት መንሸራተት አደጋ ተከትሎ በደረሰው የሰው ህይወት መጥፋት የተሰማውን ጥልቅ ሀዘን ገልጿል፡፡

ካውንስሉ በአደጋው ጉዳት ለደረሰባቸው የተጎጂ ቤተሰቦች እና ዘመድ ወዳጆች ሁሉ መፅናናትን ተመኝቷል።

#የኢትዮጵያ_ወንጌል_አማኞች_አብያተክርስቲያናት_ካዉንስል
#በሰሜን_አሜሪካ_የሚገኙ_አብያተክርስቲያናትን_በማደራጀት_ቅርንጫፍ_ፅ/ቤቱን_አቋቋመ።

ሴብቴምበር 28/2024 በተካሄደዉ የማደራጀት መርሃ ግብር ላይ የካዉንስሉ ጠቅላይ ፀሃፊ ቄስ ደረጀ ጀምበሩ በስፍራዉ ተገኝተዉ የእግዚአብሔርን ቃል በማካፈል ፣ስለካዉንስሉ ገለፃ በማድረግ እና የቦርድ አባላትን በመሰየም ቅርንጫፍ ፅ/ቤቱን አቋቁመዋል።

የካዉንስሉ ፅ/ቤት ሃላፊ ፓ/ር ጌትነት ለማ ለጉባኤዉ በዙም አማካኝነት ሰላምታ በማቅረብ ካዉንስሉ ከተመሰረተ ጀምሮ ላለፋት አራት አመታት ያከናወናቸዉን አበይት ተግባራት ገለፃ በማድረግ ማብራሪያ ሰተዋል።በዚህም ካዉንስሉ ለወንጌል አማኙ ታሪካዊ የሆነ መዋቅር እና ከእግዚያአብሔር የተሰጠ መለኮታዊ እድል መሆኑን ተናግረዋል። ተለያይቶ እና ተበታትኖ የነበረዉን የወንጌል አማኝ ወደ አንድነት የማምጣት ስራ ሰርቷል ብለዋል። ለወንጌል አማኙ በተቀናጀ አሰራር የጋራ ድምፅ በመሆን እያገለገለ እንደሚገኝ እና ቤተ ዕምነቶችን፣ሚኒስትሪዎችን በማደራጀት በመመዝገብ እና ፍቃድ በመስጠት እንዲሁም በማስተባበር እየሰራ እንደሚገኝ ገልፀዋል።

የካዉንስሉ ጠቅላይ ፀሃፊ ቄስ ደረጀ ጀምበሩ ከጉባኤዉ ለተነሳላቸዉ ጥያቄዎች ምላሽ እና ማብራሪያ የሰጡ ሲሆን ካዉንስሉ በዓለም አቀፍ ዙሪያ ለመቋቋም ሲንቀሳቀስ የገጠሙት እንከኖች እንዳሉ በመግለፅ አሁንም በካዉንስሉ ዙሪያ እየተወራ የሚገኘዉ ወሬ መሰረት የሌለዉ እና ሃሰት መሆኑን ተናግረዋል።ካዉንስሉ መለኮታዊ ጥሪ እንጂ የፖለቲካ አጀንዳ እንደሌለዉ በመናገር በሃሰተኛ አስተምህሮ ዙሪያ ለተነሳላቸዉ ጥያቄ ካዉንስሉ ከተመሰረተ አራት አመት እንደሆነዉ እና ሃሰተኛ አስተምህሮ ቀድሞ የነበረ ልምምድ እንደሆነ በማስታወስ ነገር ግን ከመንግስት የወሰዱትን ፈቃድ በመዉሰድ የካዉንስሉ ፈቃድ ሰለተሰጠ ከዚህ በኋላ መጠየቅ እንደሚቻል ተናግረዋል።በአጠቃላይ ከመወቃቀስ እና ከመካሰስ ይልቅ ለመመካከር ቅድሚያ እንስጥ በማለት በሃገር ዉስጥ እና ከሃገር ዉጪ በዓለም አቀፍ የምንገኝ የወንጌል አማኝ ተሰባስበን በአንድነት የክርስቶስን ወንጌል እንስራ ሲሉ መልዕክታቸዉን አስተላልፈዋል።

በቴክሳስ የወንጌል አማኞች አብያተክርስቲያናት ካዉንስል ፕሬዝዳንት ሆነዉ የተመረጡት ፓ/ር ዶ/ር መላኩ ተስፋዬ ካዉንስሉን አመስግነዋል።


#ለበለጠ_መረጃ
ፌስቡክ፡- https://www.facebook.com/EGBCC/
ዩትዩብ፡ - https://www.youtube.com/@ethiopiancouncilgospelbeli4732
ቴሌግራም፦ https://tttttt.me/EGBCC
tiktok :- https://www.tiktok.com/@evangelical_tv
ይከታተሉን፡፡
ዘወትር ከእኛ ጋር ስላሉ እናመሰግናለን!!!!!

#የኢትዮጵያ_ወንጌል_አማኞች_አብያተክርስቲያናት_ካውንስል_10ኛው_የቦርድ_ስብሰባ_በኢትዮጵያ_ቃለ_ሕይወት_ቤተክርስቲያን_ኩሪፍቱ_ማዕከል_ቢሾፍቱ_ተካሄዷል።

ጥቅምት 22/2017 ዓ.ም የኢትዮጵያ ወንጌል አማኞች አብያተክርስቲያናት ካውንስል 10ኛው የቦርድ ስብሰባ ፕሮገራም ላይ በኢትዮጵያ ቃለ ሕይወት ቤተክርስቲያን ዋና ፀሃፊ በዶ/ር ስምዖን ሙላቱ መሪነት የኩሪፍቱ ማዕከል ጉብኝት የተደረገ ሲሆን በማስከተልም በኢትዮጵያ ወንጌል አማኞች አብያተክርስቲያናት ካውንስል ጠቅላይ ፀሃፊ ቄስ ደረጄ ጀምበሩ ጸሎት ተደርጎ በፓ/ር ታሪኩ ብርሃኑ በ2ኛዜና 20፣1፣25 ላይ የእግዚአብሔርን ቃል አካፍለዋል ።

በካውንስሉ ጽ/ቤት የስራ ሪፖርተር ቀርቦ አመታዊ መዋጮና የምዝገባ ክፍያን ሰለማሻሻል እና የካውንስሉን ዋና ጽ/ቤት ቦታ ግንባታን ሥራን በተመለከተ የውይይት እና የምክክር ጊዜ ተደረጎ የዕለቱን ቃለ ጉባዔ በማጽደቅና ቀጣይ የስብሰባ ቀን በቦርድ አባለት በመወሰን ስብሰባ ተጠናቋል።



#ለበለጠ_መረጃ
ፌስቡክ፡- https://www.facebook.com/EGBCC/
ዩትዩብ፡ - https://www.youtube.com/@ethiopiancouncilgospelbeli4732
ቴሌግራም፦ https://tttttt.me/EGBCC
tiktok :- https://www.tiktok.com/@evangelical_tv
ይከታተሉን፡፡
ዘወትር ከእኛ ጋር ስላሉ እናመሰግናለን!!!!!

#የኢትዮጵያ_ወንጌል_አማኞች_አብያተክርስቲያናት_ካውንስል_ከኢትዮጵያ_መጸሐፍ_ቅዱስ_ማህበር_ጋር_በመተባበር_በኢትዮጵያ_ዘላቂ_ሰላም_ጉደይ_ላይ_የተዘጋጀ_አውደ_ጥናት_ተካሄደ።

ጥር 16 ቀን 2017/ ዓ.ም የኢትዮጵያ ወንጌል አማኞች አብያተክርስቲያናት ካውንስል ከኢትዮጵያ መጸሐፍ ቅዱስ ማህበር ጋር በመተባበር በኢትዮጵያ ዘላቂ ሰላም ጉደይ ላይ የተዘጋጀ አውደ ጥናት በስካይላይት ሆቴል የተካሄደ ሲሆን የካውንስሉ ጠቅላይ ጸሐፊ ቄስ ደረጀ ጀምበሩ የእንኳን ደህና መጣችሁ ንግግር ያደረጉ ሲሆን በንግግራቸውም በሀገራችን ዘላቂ ሰላም እስኪ መጣ ድረስ የኢትዮጵያ ወንጌል አማኞች አብያተክርስቲያናት ካውንስል ስራውን ይቀጥላል ሲሉ ገልፀው በሀገር ደረጃ የኢትዮጵያ መጸሐፍ ቅዱስ ማህበር እየሰራ ያለውን ስራ አድንቀው ልባዊ ምስጋናቸውን ገልጸዋል ።


ቀሲስ ሊቅ ትጉዋን ይልማ ጌታሁን የኢትዮጵያ መጽሐፍ ቅዱስ ማህበር በሀገር ደረጃ በሰላም ዙሪያ ምን አይነት ተጽእኖ እየፈጠረን ነው ብለን ልንጠይቅ ይገባል ሲሉ መልክታቸውን አስተላልፈዋል ።በዚህ መርሐግብር ላይ ከተለያዩ አብያተክርስቲያናት የተወከሉ መሪዎች በሰላም ዙሪያ ላይ እየሰራው የሚገኙት የልምድ ማካፈል ጊዜ አከናውነዋል።
በዶ/ር ሳምሶን እስጢፋኖስና በቄስ ዶ/ር ገለታ ሲሜሶ ቀጣይ አካሄዶችና እርምጃዎች ላይ ጠቃሚ አሳቦችን በማቅረብና ውይይት በማድረግ መርሐግብሩ በጸሎት ተጠናቋል ።



#ለበለጠ_መረጃ
ፌስቡክ፡- https://www.facebook.com/EGBCC/
ዩትዩብ፡ - https://www.youtube.com/@ethiopiancouncilgospelbeli4732
ቴሌግራም፦ https://tttttt.me/EGBCC
tiktok :- https://www.tiktok.com/@evangelical_tv
ይከታተሉን፡፡
ዘወትር ከእኛ ጋር ስላሉ እናመሰግናለን!!!!!