Bu gün neçə nəfər koronaya yoluxub?
Azərbaycanda koronavirus (COVID-19) infeksiyasına 840 yeni yoluxma faktı qeydə alınıb, 268 nəfər sağalaraq evə buraxılıb.

Nazirlər Kabineti yanında Operativ Qərargahdan Axar.az-a verilən məlumata görə, analiz nümunələri müsbət çıxan 9 nəfər vəfat edib.

İndiyədək ölkədə ümumilikdə 242 491 nəfərin koronavirus infeksiyasına yoluxması faktı müəyyən edilib, onlardan 231 638 nəfər müalicə olunaraq sağalıb, 3 307 nəfər vəfat edib, aktiv xəstə sayı 7546-dır.

Son sutka ərzində yeni yoluxma hallarının müəyyənləşdirilməsi ilə əlaqədar 10 023, bu günə qədər isə ümumilikdə 2 736 493 test icra olunub.

Ölkəmizdə koronanın Britaniya ştammı aşkarlandı - Təcili
Azərbaycana xaricdən daxil olan və ölkədə yaşayan şəxslərdən alınan nümunələrdə mütəmadi olaraq “Sars Cov-2” genom analizləri edilərək şübhəli variantlar təqib olunur.

Axar.az xəbər verir ki, bu barədə Milli Hematologiya və Transfuziologiya Mərkəzindən bildirilib.

Milli Hematologiya və Transfuziologiya Mərkəzinin Genetik Diaqnoz Mərkəzində “Sars Cov-2” genom analizi edilən üç nümunədə 501Y.V1, B.1.1.7 (Britaniya variantı) aşkar edilib.

Qeyd edək ki, Azərbaycanda koronovirus əleyhinə istifadə olunan “Coronavac” vaksini yeni ştammlara qarşı da effektivdir.

Prezident əfv sərəncamı imzaladı - Təcili
https://axar.az/news/toplum/545753.html

Bayram günlərində nəqliyyat işləməyəcək
Nazirlər Kabineti bayram günlərində ictimai nəqliyyatın hərəkətinin tənzimlənməsinə dair qərar qəbul edib

Axar.az xəbər verir ki, qərara əsasən martın 20-i saat 00.00-dan martın 29-u saat 06.00-dək Azərbaycan Respublikasının ərazisində ictimai nəqliyyatın hərəkəti dayandırılır.

Sanktisdən Osmanlı açıqlaması: Xəritəyə baxın!
Türkiyə Aralıq dənizində yüksələn gücdür.

Axar.az xəbər verir ki, bunu italiyalı analitik Alberto de Sanktis deyib.

Türkiyənin Osmanlı imperiyasının varisi olduğunu qeyd edən Sanktis türklərin bənzərsiz bir millət olduğunu vurğulayıb.

İştirak etdiyi televiziya proqramlarından birində Osmanlı imperiyasının sərhədləri olan bir xəritəni göstərən analitik deyib:

"Burada Osmanlının coğrafi ölçüsünü görürük. Bu xəritə imperiyanın Aralıq dənizi imperiyası olduğunu göstərir. Bu imperiyanın mərkəzi və qəlbi Aralıq bölgəsidir. Xüsusilə, Egey və Şərqi Aralıq".

Bakıda koronaya görə bağlanan 4 məktəb açıldı
Martın 29-dan paytaxtdakı 59, 98, 274 və 320 nömrəli tam orta məktəblərdə əyani tədris prosesi bərpa olunub.

Bakı Şəhəri üzrə Təhsil İdarəsindən Axar.az-a verilən məlumata görə, qeyd olunan məktəblərin kontingenti üçün Gigiyena və Epidemiologiya Mərkəzinin rəyi əsasında müəyyənləşdirilmiş karantin müddəti başa çatıb.

Qeyd edək ki, 98 nömrəli tam orta məktəbdə çalışan 1 müəllimin, 274 nömrəli tam orta məktəbdə çalışan 4 müəllimin, 59 nömrəli tam orta məktəbin isə direktorunun COVİD-19 testi pozitiv çıxdığına görə məktəblərdə tədris müvəqqəti olaraq distant təhsil formasında davam etdirilirdi. Müvəqqəti olaraq 274 nömrəli məktəbin inzibati binasında fəaliyyət göstərən 320 nömrəli tam orta məktəb kollektivinin və şagirdlərin COVİD-19 infeksiyasına yoluxma hallarının qarşısını almaq məqsədilə həmin məktəbdə də tədris 2 həftəlik distant formada davam etdirilib.

Topçu Vüsalın yeni fotosu yayıldı
Vətən müharibəsi zamanı Topçu Vüsal kimi tanınan əsgər Vüsal İslam oğlu Şahkərimovun yeni fotosu yayılıb.

Axar.az Report-a istinadən xəbər verir ki, bu barədə sosial şəbəkələrdə yayılan fotoda Topçu Vüsal yenə məğrur duruşu ilə diqqət çəkib.

Qeyd edək ki, Vətən müharibəsi dövründə Azərbaycan xalqı V.Şahkərimovu Müdafiə Nazirliyinin yaydığı videodan tanıyıb. Top atəşini yerinə yetirdikdən sonra cəsur duruşu ilə igid Azərbaycan əsgərinin simvoluna çevrilən 19 yaşlı əsgər barədə video və fotolar qısa müddət ərzində sosial şəbəkələrin və medianın gündəminə çevrildi.

Xatırladaq ki, V.Şahkərimov Prezident İlham Əliyevin imzaladığı sərəncamlarla “Cəbrayılın azad olunmasına görə”, “Füzulinin azad olunmasına görə” və “Qubadlının azad olunmasına görə” medalları ilə təltif olunub.

Özümüz vaksin yaradıb, onu paylayacağıq - Ərdoğan
Peyvənd məsələsi ümidsiz bir vəziyyət yaradıb.

Axar.az xəbər verir ki, bunu Türkiyə Prezidenti Rəcəb Tayyib Ərdoğan deyib.

“Dünyanın 100-ə yaxın ölkəsi hələ də peyvəndlə təmin olunmayıb. Bir tərəfdə demək olar ki, əhalisinin hamısı peyvənd olunmuş ölkələr olsa da, digər tərəfdə milyardlarla insanın hələ də peyvəndi əldə edə bilməməsi insanlıq üçün qorxuducudur.

Vaksinlərin ədalətli bölgüsü təmin edilmədiyi təqdirdə nə pandemiya tez bitəcək, nə də ölkələrin iqtisadiyyatları əvvəlki vəziyyətə qayıdacaq. Türkiyə yerli peyvənd çalışmalarını tamamlandıqdan sonra həmin vaksinləri əlverişli şərtlərlə bütün insanlığın istifadəsinə təqdim etməyi planlaşdırır”, - Ərdoğan bildirib.

Bəsti Cəfərova koronavirusa yoluxdu
Xalq artisti, Azərbaycan Dövlət Akademik Milli Dram Teatrının aktrisası Bəsti Cəfərova koronavirusa yoluxub.

Kult.az xəbər verir ki, bu barədə Report-a onun qızı Fidan Cəfərova məlumat verib.

Onun sözlərinə görə, anasının iki gün öncə verdiyi koronavirus testinin nəticəsi pozitiv çıxıb: "Altı gün idi özünü narahat hiss edirdi, hərarət, halsızlıq var idi. Bu gün cavab pozitiv çıxandan sonra “Yeni Klinika”ya yerləşdirdik. Mən özüm də test vermişəm, amma cavabım hələ ki çıxmayıb".

Korona ABŞ laboratoriyasından sızıb? - Çin çağırış etdi
Ümumdünya Səhiyyə Təşkilatı (ÜST) koronovirusun ABŞ-ın Fort-Detrikdəki hərbi laboratoriyasından və digər ölkələrin müvafiq müəssisələrindən sızması versiyasını öyrənməlidir.

Axar.az xəbər verir ki, bu barədə Cın Xarici İşlər Nazirliyinin rəsmi nümayəndəsi Xya Çun-in martın 31-də keçirilən müntəzəm brifinqdə bildirib.

Onun sözlərinə görə, ekspert qrupunun üzvləri vazım gəldiyi təqdirdə dünyanın bütün müvafiq laboratoriyalarda tədqiqat aparacaqlarını bildiriblər.

“Bildiyiniz kimi, Uhandakı laboratoriyalarda bu cür tədqiqat aparılıb. Bəs Fort-Detrik ekspertlərin üzünə nə vaxt açılacaq?”, – deyə diplomat xanım soruşub.

O, həmçinin qeyd edib ki, Fort-Detrik laboratoriyası haqqında xəbərlər KİV-də 2019-cu ilin iyununda verilirdi, amma indi susurlar.

"Yaramaz" qalmaqalı: Daha bir ekspert “uşaqpulu”na qarışdı
https://axar.az/news/gundem/549089.html

Bu 5 silah Rusiyaya qələbə qazandıracaq - Nİ
Rusiyaya Ukrayna ilə mümkün müharibədə qələbə qazandıracaq 5 silah növü açıqlanıb.

Axar.az xəbər verir ki, bu barədə "Nəşnl İnterest" jurnalı məqalə dərc edib.

Məqalədə bildirilir ki, Rusiya ordusunun aviasiyada nəzərəçarpacaq üstünlüyü var:

"Kiyev Rusiyanın HHM sistemini üstələyə bilməyəcək. Rusiyanın Krımda yerləşən S-400-ü 400 kilometr radiusdakı təyyarələri, PUA və raketləri vurmağa qadirdir. Həmçinin Su-35S qırıcı təyyarələri Rusiyanın qələbəsində mühüm rol oynaya bilər".

Materialda vurğulanıb ki, quruda əməliyyatlar zamanı Rusiya BMP-3M-dən istifadə edəcək, bu da o ərazi üçün (Donbas - red.) tam əlverişli texnika sayılır.

"Bununla yanaşı, T-90M tankları, eləcə də hədəfləmə texnologiyası ilə təchiz edilmiş özüyeriyən 2S19 "Msta-S" haubitsaları da müharibəyə töhfə verəcək", - qəzet qeyd edib.

Bakıda bu bağçalar işləmir - İki fərqli qərar Bakıda yerləşən və Bakı Şəhər İcra Hakimiyyətinin tabeliyində olan bağçalar fəaliyyət göstərmir.

Axar.az verir ki, aprelin 5-dən Bakı, Sumqayıt, Gəncə, Şəki şəhərləri və Abşeron rayonundakı bağçaların fəaliyyəti ilə bağlı qərar verilmişdi.
Bildirilirdi ki, aprelin 5-dən Bakı başda olmaqla sözügedən şəhər və rayonlarda dövlət və özəl məktəbəqədər təhsil müəssisələri bağlanacaq. Məlumatı Bakı Şəhər İcra Hakimiyyəti təsdiqləmişdi.

Lakin sonradan təhsil naziri Emin Əmrullayev canlı yayında bağçaların bağlanmayacağını açıqladı. Bildirdi ki, qərar ləğv olunub.

Bu iki fərqli qərar aprelin 3-də elan olunsa da, dolğun izah verilmədi.
Bu gün isə bir çox valideynə məlum olub ki, hazırda Bakı Şəhər İcra Hakimiyyətinin tabeliyində olan bağçalar işləmir.
"Təhsil nazirinin dedikləri bizim bağçalara aid deyil. Nazir açıqlama verəndən sonra Bakı Şəhər İcra Hakimiyyətindən bizə bildirildi ki, nazir dedikləri bu bağçalara aid deyil", - deyə bildirilib.

Səfərlinin evlərinə, bağlarına, maşınlarına həbs qoyuldu Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) icraçı direktoru Vüqar Səfərli və Portos MMC-nin direktoru Məmmədov Nadir Məhərrəm oğlunun əmlaklarına həbs qoyulub.

Axar.az xəbər verir ki, bu barədə “Azərbaycan Respublikası Hesablama Palatasının 2020-ci ildə fəaliyyəti haqqında” hesabatında bildirilir.

Məlumatda qeyd edilir ki, Baş prokuror yanında Korrupsiyaya qarşı Mübarizə Baş İdarəsi tərəfindən təqdim edilmiş məlumata görə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunda 2017-2020-ci illəri əhatə edən dövr üzrə qanunsuz olaraq xərclər smetasından artıq məbləğdə pul vəsaitlərinin xərclənməsi haqqında daxil olmuş müraciətlə bağlı 12 iyun 2020-ci il tarixində Azərbaycan Respublikası Cinayət Məcəlləsinin 179.4, 308.1, 308.1-2 və 308.2-4-cü maddələri ilə başlanılıb.

Baxçalar fəaliyyətini davam etdirir – Rəsmi
Bakı şəhərindəki dövlət məktəbəqədər təhsil müəssissələrinin fəaliyyəti davam edir.

Bu barədə Axar.az-a Bakı Şəhər Məktəbəqədər Təhsil Müəssissələri və Uşaq Evləri İdarəsindən deyilib.

"Bağçalarda çalışan işçi heyətin qısa müddət ərzində tam tərkibdə peyvənd olunması ilə bağlı tapşırıq verilib"- idarədən bildirilib.

İrəvanın “B planı”: buna görə xəritələri vermir... - Video
https://youtu.be/KTwDalXwZ9E

Yerli polis şöbələri pul qarşılığında toylara icazə verir?
Sosial şəbəkələrdə bəzi rayonlarda yerli polis idarələrinin məsul şəxslərinin vətəndaşlara toy etmək üçün icazə verməsi barədə məlumatlar paylaşılır. Belə ki, həmin şəxslərin müəyyən məbləğ qarşılığında vətəndaşlara az sayda qonaq iştirak etməsi şərti ilə toy və ya yas mərasimi keçirmək üçün icazə verdiyi bildirilib.

Məsələ ilə bağlı Axar.az-a açıqlama verən DİN Mətbuat Xidmətinin Kütləvi İnformasiya və İctimaiyyətlə əlaqələr şöbəsinin rəisi, polis mayoru Elşad Hacıyev sözügedən iddiaların tam əsassız olduğunu bildirib:

“Yayılan məlumatları qəti şəkildə təkzib edirəm. Ölkə ərazisində xüsusi karantin rejim qaydalarının təmin olunması məqsədilə DİN-nin üzərinə düşən bütün vəzifələr icra edilir. Hər hansı kütləvi tədbirlərin - toy, nişan və s. mərasimlərin keçirilməsinə icazə verilmir”.

Azərbaycanda nazir müavini koronaya yoluxdu
Nəqliyyat, rabitə və yüksək texnologiyalar nazirinin müavini Elmir Vəlizadə koronavirusa yoluxub.

Axar.az Report-a istinadən xəbər verir ki, PCR testinin nəticəsi "müsbət" çıxmış E.Vəlizadə xəstəxanaya yerləşdirilib. Onun vəziyyəti sabitdir.

Xatırladaq ki, 1964-cü il təvəllüdlü E.Vəlizadə 2007-ci ildən nazir müavinidir.

Koronaya yoluxanların sayı kəskin artdı
Azərbaycan Respublikasında koronavirus (COVID-19) infeksiyasına 2 595 yeni yoluxma faktı qeydə alınıb, 1 073 nəfər müalicə olunaraq sağalıb.

Nazirlər Kabineti yanında Operativ Qərargahdan Axar.az-a verilən məlumata görə, COVID-19 üçün götürülən analiz nümunələri müsbət çıxmış 37 nəfər vəfat edib.

Analiz nümunələri müsbət çıxan 37 nəfər vəfat edib.

Ukraynada savaş başlasa, Tiflis də hücum edəcək
https://axar.az/news/gundem/550324.html