البورتريه عشان يتظبط وكل النسب تكون تمام ومفيهاش غلطه لازم نتعلم حاجه مهمه وهي التشريح لكل جزء في الوش ونطبق عليه بكل اهميه

هناخد انهارده تشريح العين وتظليلها

الشرح هيكون علي النموذج ده

مبدأيا كدا معظمنا مبيعرفش يرسم العين التانيه شبهه الأولي أو يظبط المسافه بينهم

اولا لما احب ارسم عين بحضر التصميم بتاعي أو الصوره + بجيب أدواتي وهي قلم رصاص سنون hb وقلم 2b واسكتش كانسون او ورق A4

ببدأ بالعين اليمين لانها بتكون اسهل

في اكتر من طريقه لرسم العين بس دي اسهلهم بعمل الشكل ده في الورقه

هبدا احدد بدايه مدمع العين ونهايتها ولازم اعمل حساب المسافه بين العيون

بعمل مربع تاني جوا المربع والمسافه الي حددناها وبنقسم المربع علامه +

برسم الاوت لاين الخارجي للعين داخل المربع والتقسيم الي عملته

عند علامه ال+ برسم عدسه العين وبعدين برسم البؤبؤ وبكمل باقي التفاصيل زي جفن العين أو الكسره الموجوده

كدا إحنا عملنا اوت لاين اول عين

إزاي هنعمل التانيه ؟؟؟

شديت الخط السفلي والعلوي من العين الأولي

المسافه بقا ..... خليكو فاكرين بين كل عين وعين ..عين ....يعني اي يعني هسيب نفس المسافه بتاعت العين الأولي هقيسها واعمل المسافه بين العيون وبعدين هعمل نهايه العين التانيه بنفس القياس للعين الأولي وهعملكم ده بالاحمر عشان يبان اكتر

شديت خط من عند مدمع العين الأولي عشان اعرف مكان مدمع العين التانيه

بقفل المربع بتاعي وبقسمه علامه +

بعد كدا برسم الاوت لاين زي العين التانيه وبكمل رسم العدسه والبؤبؤ

نيجي بقا لاتجاه رسم الرموش اتجاه الرموش ماشي بطريقه عكسيه لكل عين زي العين اليمين ده اتجاه الرموش بسحب الرمش من داخل العين للخارج بنفس الاتجاه ده

اتجاه عكسي ناخد بالنا